ခမီး အမျိုးသမီး နှစ်ဦးကို မုဒိန်းကျင့် သည်ဟု လုပ်ကြံ စွပ်စွဲ၍ လယ်သမား ၆၀ ဦးထံမှ ငွေသိန်း ၆၀ ညှစ်
RB News
19.3.2015
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ်၊ သရက်ပြင် ကျေးရွာအုပ်စု ကျေးရွာ အုပ်ချုပ်ရေးမှူး ဦးမောင်သန်းလှိုင်သည် ဒေသခံ လယ်သမားများက ခမီး အမျိုးသမီးနှစ်ဦးကို မုဒိန်းကျင့်ခဲ့သည်ဟု လုပ်ကြံ စွပ်စွဲ၍ လယ်သမား (၆၀) ဦးထံမှ ငွေကျပ် သိန်း ၆၀ ညှစ်ယူခဲ့ကြောင်း သတင်း ရရှိပါသည်။
ဘူးသီးတောင် မြို့နယ် သရက်ပြင် ကျေးရွာအုပ်စု၊ အုပ်ချုပ်ရေးမှူး ဦးမောင်သန်းလှိုင်နှင့် ဖုံညိုလိပ် ကျေးရွာ၊ အမှတ် (၄) ရပ်ကွက်မှ ဦးလေရူမျာ (ဘ) ဦးလာလူးမျာ တို့သည် ခမီး အမျိုးသမီး နှစ်ဦးကို ခေါ်ဆောင်လာပြီး အုပ်ချုပ်ရေးမှူး၏ နေအိမ်တွင် ထားရှိကာ ဒေသခံ ရွာသားများထံမှ မတရားသဖြင့် ငွေညှစ်လိုသည့် ဆန္ဒဖြင့် ခမီး အမျိုးသမီးနှစ်ဦးကို ဒေသခံ ရွာသားများက မုဒိန်းကျင့်ခဲ့သည်ဟု မဟုတ်မမှန် လုပ်ကြံစွပ်စွဲ၍ နယ်ခြားစောင့် ရဲတပ်ဖွဲ့ဝင် များနှင့် ပူးပေါင်းကာ ခြိမ်းခြောက်မှု အမျိုးမျိုး ပြုလုပ်ပြီး မတ်လ (၁၆) ရက်နေ့မှ (၁၈) ရက်နေ့ အတွင်းတွင် ဒေသခံ လယ်သမား (၆၀) ဦးထံမှ ငွေကျပ် သိန်း (၆၀) ညှစ်ယူခဲ့ကြောင်း ဒေသခံများက RB News သို့ပြောသည်။
ကျေးရွာ အုပ်ချုပ်ရေးမှူးသည် ရရှိထားသည့် အာဏာကို အလွဲသုံးစား ပြုလုပ်၍ ယခုကဲ့သို့ မတရားသဖြင့် ခြိမ်းခြောက်၍ ငွေညှစ်ခြင်း အပေါ် ဒေသခံများက မကျေမနပ် ဖြစ်လျက်ရှိပြီး၊ ဆက်လက်၍ ပြုလုပ်သွားမည် ဆိုပါက မလိုလားအပ်သည့် ပြဿနာများ ဖြစ်ပွားလာမည်ကို စိုးရိမ်ရသည်ဟု ဆိုသည်။
