နောက်ဆုံးသတင်း/ဆောင်းပါးများ

မောင်တောမြို့ပေါ်သွား ခရီးသွား တစ်ဦးထံမှ နယ်ခြားစောင့်ရဲ များက ငွေလုယက်



Rohingya Eye
RB News
8.12.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ဦးရှဥ့်ကျ ကျေးရွာမှ ဦးဇူလုခ်မျာ (ဘ) ဦးတော်ယုဖ်ဇူလ္လာ (အသက် ၅၈ နှစ်) သည် ဒီဇင်ဘာလ (၆) ရက်နေ့ နံနက် ၁၁း၃၀ နာရီ အချိန်တွင် မောင်တော မြို့ထဲသို့ ကားဖြင့် သွားနေစဉ် ရွှေဇား တံတား အနီးရှိ နယ်ခြားစောင့် ရဲတပ်ဖွဲ့ ကင်းစခန်းတွင် စစ်ဆေးခံရန် ကားပေါ်မှ ဆင်းရန်သွားရာ ကင်းစခန်းမှ နယ်ခြားစောင့်ရဲ နှစ်ဦးက ဆိုင်ကယ်ပေါ်တင်၍ ရခိုင်ရွာရှိ အိမ်တစ်အိမ်သို့ ခေါ်ဆောင် သွားခဲ့သည်။ ထိုသို့ ရောက်သည်နှင့် ၎င်း၏ အင်္ကျီအိတ်ထဲသို့ ဘင်္ဂလားဖုန်း နံပါတ် ရေးထားသည့် စာရွက်တစ်ရွက် ထည့်သွင်းပေးကာ ဘင်္ဂလားဖုန်း သုံးနေသည်ဟု စွပ်စွဲ၍ ငွေတောင်းခံခဲ့သည်။

သို့သော်လည်း ဦးဇူလုခ်မျာသည် ဗမာစကား နားမလည်သဖြင့် နယ်ခြားစောင့်ရဲ များက စကားပြန် တစ်ဦး ခေါ်လာကာ စကားပြန်မှ တဆင့် ငွေပေးရန်၊ ငွေမပေးပါက ရဲစခန်းသို့ ပို့၍ ထောင်ချမည်ဟု ခြိမ်းခြောက် ခဲ့သည်။ ဦးဇူလုခ်မျာက ၎င်းတွင် အပြစ်မရှိသဖြင့် ရဲစခန်းသို့ သွားရမည်ဆိုလျှင်လည်း သွားမည် ဖြစ်ကြောင်း၊ သို့သော်လည်း ငွေပေးနိုင်မည် မဟုတ်ကြောင်း ပြောသဖြင့် နောက်ဆုံးတွင် ၎င်း၏အိတ်ထဲတွင် ပါလာသည့် ငွေကျပ် တစ်သောင်းကို နယ်ခြားစောင့်ရဲ များက လုယက်၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။ 

အဆိုပါကင်းစခန်းမှ နယ်ခြားစောင့်ရဲ များသည် မောင်တော မြို့နယ် မြောက်ပိုင်းမှ မြို့ပေါ်သို့ သွားသည့် ခရီးသည်များထံမှ မကြာခဏ ငွေညှစ်ခြင်း၊ ခါးပိုက်နှိုက်ခြင်း တို့ကို ပြုလုပ်လေ့ ရှိသည်။

Comment ရေးရန်

Rohingya Exodus