ဘူးသီးတောင်၊ ငါးရန့်ချောင်း အုပ်ချုပ်ရေးမှူးက ဒေသခံများ ထံမှ ငွေသိန်းချီညှစ်

ဒေသခံ ရိုဟင်ဂျာ ရွာသားများက မုန်တိုင်းဒဏ်ကြောင့် ပျက်စီးသွားသည့် ၎င်းတို့၏ နေအိမ်များကို ပြုပြင်ခဲ့ရာ အိမ်ရှင်များထံမှ အနည်းဆုံး ၆ သောင်းမှ အများဆုံး ၉ သိန်းထိ ညှစ်ယူခဲ့ကြောင်း ဒေသခံများက ပြောပါသည်။ ထိုသို့ ငွေညှစ်ရာတွင်လည်း မြို့နယ် အုပ်ချုပ်ရေးမှူးနှင့် နယ်ခြားစောင့် ရဲတပ်ဖွဲ့ နယ်မြေမှူးက တောင်းခိုင်းသည်ဟု ဦးကောင်းစိန်လှက ပြောဆိုခဲ့သည်။ ပထမ အကြိမ် ငွေညှစ်ပီးနောက် နောက်ထပ် ၄ ကြိမ်မှ ၅ ကြိမ်ထိ ထပ်မံ၍ ငွေညှစ်ခဲ့သည်။ နေအိမ်ပေါင်း ၄၂၉ လုံးမှ ငွေညှစ်ခံခဲ့ရကြောင်း သိရှိရသည်။

ထို့အပြင် ဦးကောင်းစိန်လှသည် ကျေးရွာအုပ်စု အတွင်းရှိ ရပ်ကွက် (၁၇) ခုမှ ရာအိမ်မှူး ၁၇ ဦးထံမှ ငွေကျပ် ၅ သိန်းစီ ကောက်ခံခဲ့ပြီး၊ ငွေကျပ် ၅ သိန်း မပေးနိုင်ခဲ့သည့် ရာအိမ်မှူး ဦးနူရ်အာလောမ်ကို ရာထူးမှ ဖြုတ်ခဲ့ကြောင်း ဒေသခံများက ပြောသည်။

၎င်းသည် ဘူးသီးတောင် မြို့နယ် အထက်ပိုင်းတွင် AA ရခိုင်တပ်မတော်၏ တာဝန်ခံ တစ်ဦး ဖြစ်ပြီး၊ သားမက် ဖြစ်သူ ဦးမောင်စံလုံးကို ကချင်ပြည်နယ်သို့ စေလွှတ်၍ စစ်သင်တန်း ပို့ချခဲ့သည်။ ဦးမောင်စံလုံးသည် ယခုအခါ ဆက်ဆံရေး တာဝန်ခံ အဖြစ် တာဝန်ထမ်းဆောင်လျက် ရှိပြီး၊ ဦးကောင်းစိန်လှက ကျေးရွာအုပ်စု အတွင်းမှ ရခိုင်လူငယ်များကို ရခိုင်တပ်မတော်တွင် တာဝန်ထမ်းဆောင်ရန် ဆန် (၂) အိတ်၊ ငွေကျပ် (၅) သိန်းစီ ပေး၍ စည်းရုံးလျက် ရှိသည်ဟု ဒေသခံများက ဆိုသည်။

၎င်းသည် ကျေးရွာအုပ်စု အတွင်းရှိ အမျိုးသမီးများကို ငွေကြေး၊ အခြား အခွင့်အရေးများ ပေး၍ သိမ်းသွင်းခြင်း၊ မရပါက သြဇာအာဏာသုံး ခြိမ်းခြောက်၍ သိမ်းသွင်းပြီး ဖျက်ဆီးလျက် ရှိသောကြောင့် ဒေသခံ ရွာသားများ ဒေါသ ပေါက်ကွဲပါက မလိုလားအပ်သည့် ပြဿနာများ ဖြစ်ပေါ်လာနိုင်သောကြောင့် အထက် အာဏာပိုင်များ အနေဖြင့် အမြန်ဆုံး အရေးယူ ဆောင်ရွက် ပေးပါရန် ဒေသခံများက တောင်းဆိုကြောင်း RB News သို့ပြောပါသည်။