အလှူငွေ ကောက်ခံရန် သွားသူ တစ်ဦးထံမှ ရဲများက ငွေလုယက်

RB News
27.6.2016

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ကင်းတောင် (ဟာန်းဒေါမ်း) ရွာမှ မော်လ၀ီ ဦးအဒူမူနာဖ် (ဘ) ဦးအဒူလ်ဘာဆဲရ် (အသက် ၃၅ နှစ်) သည် ဇွန်လ (၁၈) ရက်နေ့တွင် မောင်တော မြို့တွင် အလှူငွေကောက်ခံ သွားရောက်စဉ်၊ မောင်တော ခရိုင် ပြည်သူ့ဆေးရုံ၏ အနောက်ဘက်လမ်း ဒေါက်တာခင်မောင်လှ၏ အိမ်ရှေ့ရှိ ရဲကင်းစခန်းအား ဖြတ်ကျော် နေစဉ် ရဲများက ၎င်းကို ဟန့်တား၍ စစ်ဆေးခဲ့သည်။

ထိုသို့ စစ်ဆေးရာတွင် ၎င်းထံမှ မည်သည့် တရားမ၀င် ပစ္စည်းတစ်စုံတစ်ရာ မတွေ့ရှိခဲ့သော်လည်း ဘင်္ဂလားဒေ့ရှ် နိုင်ငံမှ လာရောက်သည်ဟု လုပ်ကြံ စွပ်စွဲ၍ ၎င်း၏ အိတ်ထဲတွင် ပါရှိသည့် ငွေကျပ် တစ်သောင်းကို ရဲများက လုယက်ခဲ့ကြောင်း ဒေသခံ တစ်ဦးက RB News သို့ပြောသည်။

အဆိုပါ မော်လ၀ီသည် အလွန်ဆင်းရဲ ချို့တဲ့သူ ဖြစ်ပြီး ဥပုသ်လတွင် အလှူငွေ ကောက်ခံရန် အတွက် သွားရောက်စဉ် လုယက်ခံရခြင်း ဖြစ်သည်။

အဆိုပါ ကင်းစခန်းမှ ရဲများသည် စခန်းရှေ့မှ ဖြတ်ကျော်သွားသည့် ဒေသခံ ရိုဟင်ဂျာများကို မကြာခဏ အနှောက်အယှက် ပေးကာ ငွေညှစ်လေ့ရှိသည့် ကင်းစခန်း ဖြစ်သည်။ ဒေသခံများကို မကြာခဏ နှောက်ယှက် ငွေညှစ်လေ့ ရှိသောကြောင့် အထက် အာဏာပိုင်များက အရေးယူပေးပါရန် ဒေသခံများက တောင်းဆိုလျက် ရှိသည်။