နယ်ခြားစောင့်ရဲ ကွပ်ကဲရေးမှူး ထံသို့ အိတ်ဖွင့် တိုင်ကြားစာ
သို့
ကွပ်ကဲရေးမှူး
အမှတ် (၁) နယ်ခြားစောင့် ရဲတပ်ဖွဲ့
ကျီးကန်းပြင်၊ မောင်တောမြို့
ရက်စွဲ ။ ။ ၂၀၁၆ ခုနှစ် ဇွန်လ (၁၇) ရက်
အကြောင်းအရာ ။ ။ ပန်းတောပြင် တံတား အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ ရဲများ၏ လူမဆန်မှု များကို အမြန်ဆုံး ဖြေရှင်းပေးပါရန် ကိစ္စ
လေးစားစွာဖြင့်
(၁) အထက်ပါ အကြောင်းအရာနှင့် ပတ်သက်၍ ကျွန်ုပ်တို့ မောင်တော မြို့နယ် တောင်ပိုင်းမှ ကျောင်းသား/သူ များသည် မြို့ပေါ်ရှိ အခြေခံပညာ အထက်တန်းကျောင်းသို့ ကျောင်းတက်ရန် သွားနေစဉ် ပန်းတောပြင် တံတား ကင်းစခန်းမှ ရဲများက ရွာထွက် လက်မှတ်များကို စစ်ဆေးနေပါသည်။ ကျောင်းသားပါ၊ ကျောင်းဝတ်စုံနှင့်ပါ ဆိုပြီး ပြောပြသော်လည်း ကျောင်းသားကဒ် ပြခိုင်းပါသည်။ ယခုအချိန်သည် ကျောင်းဖွင့်ခါစ အချိန်ဖြစ်သဖြင့် ကျောင်းသားကဒ် ထုတ်မပေးသေးကြောင်း ပြောပြပြန်သော်လည်း ကင်းစခန်း ဖြတ်ကျော်ခ အဖြစ် ငွေကျပ် ငါးရာ တောင်းပါသည်။
“မကျေနပ်ရင် ကုလားမ စုကြည်ကို သွားတိုင်ကွာ၊ နွားကုလား ကျောင်းသားတွေ၊ ဒီမြို့နယ်မှာ ကုလားမ စုကြည်ထက် ငါတို့ ရဲမှူးချုပ်ကပဲ အရေးပါတာ၊ ရဲမှူးချုပ် ခွင့်ပြုလို့ ငွေတောင်းနေတာ၊ ဒါပဲ” ဟု အော်ဟစ် ဆဲဆို၍ သေနတ်ချိန်ရွယ်ပြီး ခြိမ်းခြောက်ပါသည်။
(၂) မောင်တော မြို့နယ် တောင်ပိုင်းမှ မြို့ပေါ်သို့ နေ့စဉ် ဆိုင်ရောင်းရန် သွားနေသူများကိုလည်း အဆိုပါ ကင်းစခန်းမှ ရဲများက ရွာထွက် လက်မှတ် စစ်ဆေးပါသည်။ ရွာထွက် လက်မှတ် ယူလာပြီး ပြသော်လည်း ရွာထွက် လက်မှတ်တွင် ဓါတ်ပုံမပါဟု ဆိုကာ ငွေကျပ် ငါးရာစီ တောင်းပါသည်။ ရွာထွက် လက်မှတ် မပါလျှင် ငွေကျပ် တစ်ထောင်စီ တောင်းသည်။ နေ့စဉ်နေ့တိုင်း ဆိုင်သွားရောင်း နေသည့် ဆိုင်ရှင်ပါ ဆိုပြီး ရှင်းပြ ပြောဆိုသောအခါ သေနတ်ချိန်ရွယ်ပြီး ခြိမ်းခြောက်သည်။ နောက်ဆုံးတွင် ရဲများ တောင်းသည့် ငွေကိုပေးမှ သွားခွင့်ပြုသည်။
(၃) အဆိုပါ ကင်းစခန်းမှ ရဲသားများသည် လမ်းသွားလမ်းလာတိုင်း ထံမှ ရွာထွက် လက်မှတ် စစ်ဆေးယောင်ဆောင်၍ အမျိုးမျိုး အကွက်ဆင်ကာ နေ့စဉ်နေ့တိုင်း ငွေညှစ်လျက် ရှိသည်။ အဆိုးဆုံးမှာ အမျိုးသမီးများကို ၀တ်ရုံ (ဘုရ်ခါ) ချွတ်ခိုင်းပြီး စစ်ဆေးပြီးနောက် ၎င်းတို့ ရှေ့မှောက်မှ လမ်းလျှောက် သွားခိုင်းသည်။ မြို့ပေါ် ဆေးကုသရန် သွားသည့် လူနာများကိုပင်လျှင် အလွတ်မပေးဘဲ ကားပေါ်၊ ဆိုက်ကားပေါ်မှ ဆင်းခိုင်း၍ လမ်းလျှောက် သွားခိုင်းသည်။
(၄) အဆိုပါ ကင်းစခန်းမှ ရဲများသည် ကင်းစခန်း ဖြတ်ကျော်ခ အဖြစ် ကားတစ်စီးလျှင် ငွေကျပ် နှစ်ထောင်စီ၊ လက်တွန်းလှည်းဖြင့် ပစ္စည်းများ သယ်ယူလာလျှင်လည်း ငွေသောင်း ဂဏန်းနီးပါး တောင်းသည်။ ၎င်းတို့ တောင်းသလောက် မပေးလျှင် သေနတ်ဖြင့် ချိန်ရွယ်၍ ခြိမ်းခြောက်ပြီး အတင်းအဓမ္မ ငွေညှစ်လျက် ရှိသည်။
(၅) နယ်ခြားစောင့် ရဲတပ်ဖွဲ့ ကင်းစခန်းတိုင်း၏ ရှေ့မှောက်တွင် “စစ်ဆေးရေးဂိတ် များတွင် ဖြတ်ကျော်ခ အတွက် ငွေကြေး တစ်စုံတစ်ရာ ပေးစရာမလိုပါ၊ ပြည်သူများ အနေဖြင့် ဒေသအတွင်း လုံခြုံရေး အတွက် စစ်ဆေးခြင်းကို ကြည်ဖြူစွာ လက်ခံခြင်းဖြင့် ကူညီပါရန်၊ ငွေကြေးတောင်းခံခြင်းများ ရှိပါက အောက်ပါ ဖုန်းနံပါတ်များသို့ တိုင်ကြားနိုင်ပါသည်။ ဖုန်း - 043-22208, 043- 21048” ဆိုသော အနီရောင် နောက်ခံ အပေါ် အဖြူရောင် စာလုံးဖြင့် ရေးထားသော ဆိုင်းဘုတ် ကြီးကြီး တင်ထားသော်လည်း နယ်ခြားစောင့် ရဲတပ်ဖွဲ့ ကင်းစခန်းတိုင်းမှ ရဲများက လမ်းသွားလမ်းလာ များကို အမျိုးမျိုး ခြိမ်းခြောက်၍ ငွေညှစ်လျက် ရှိနေသည့် အပြင် တစ်ခါတစ်ရံ အခန့်မသင့်လျှင် ဆဲဆို ရိုက်နှက်သည်။ အထူးသဖြင့် ပန်းတောပြင် တံတား ကင်းစခန်းမှ ရဲများက ထိုအနီရောင် ဆိုင်းဘုတ်ကို ညွန်ပြပေး၍ မကျေနပ်လျှင် ၎င်းတို့အတွက် တိုင်တန်းနိုင်ကြောင်း ပြောဆိုလေ့ရှိသည်။ ထိုဆိုင်းဘုတ်သည် ကုလားဆီက တရားဝင် ငွေကောက်ခံရန် တင်ထားသည့် ဆိုင်းဘုတ်သာ ဖြစ်ကြောင်းလည်း ပြောဆိုလေ့ ရှိသည်။
(၆) အဆိုပါ ပန်းတောပြင် ကင်းစခန်းမှ ရဲတပ်ဖွဲ့ဝင် များသည် ကျောင်းပြုပြင်ရန် သယ်ယူလာသည့် ပစ္စည်းများ အတွက် ငွေတောင်းခံခဲ့သဖြင့် ကျောင်းအုပ် ဆရာမကြီးနှင့် အချင်းများခဲ့သည့် သတင်းကိုလည်း ၂၀၁၆ ခုနှစ် ဇွန်လ (၁၅) ရက်နေ့တွင် RB News ၌ အသေးစိတ် ရေးသားဖော်ပြခဲ့သော်လည်း တာဝန်ရှိ ပုဂ္ဂိုလ်များက ယခုထိ မည်သို့မျှ လာရောက် ဖြေရှင်း ပေးခဲ့ခြင်း မရှိသေးပေ။ (သတင်းဖတ်ရန် -- http://bit.ly/1PwPS9F)
(၇) ယခုအချိန်သည် မွတ်စလင်များ၏ ဥပုသ်လ ဖြစ်သည်နှင့် အညီ မွတ်စလင်တိုင်းသည် ဥပုသ်သီလ စောင့်ထိန်း နေချိန် ဖြစ်သည်။ တစ်နေကုန် အစာရေစာ ငတ်ခံ၍ ဘာသာတရား ကိုင်းရှိုင်းနေသော လူများအပေါ် နယ်ခြားစောင့်ရဲ များ၏ ရက်စက်နေမှု များသည် အလွန်ပင် လူမဆန်ဘဲ ဆိုးရွားနေပါသည်။
(၈) သို့ဖြစ်ပါ၍ ပန်းတောပြင် တံတား ကင်းစခန်းမှ ရဲတပ်ဖွဲ့ဝင် များ၏ ဒေသခံ ကျောင်းသား/သူများ၊ ဈေးဆိုင်ရောင်းသူ များနှင့် အများပြည်သူများ အပေါ် ဤကဲ့သို့ တရားလွန် ပြုကျင့်နေမှု၊ နိုင်ငံတော်၏ အတိုင်ပင်ခံ ပုဂ္ဂိုလ် လူထုခေါင်းဆောင် ဒေါ်အောင်ဆန်းစုကြည် ကိုပင်လျှင် ကုလားမစုကြည်ဟု ခေါ်ဆိုမှု၊ ကုလားဆီက ငွေကောက်ခံရန် ဆိုင်းဘုတ်တင်ထားသည်ဟု ဆိုကာ ပြောဆိုနေမှု စသည်တို့ကို ရဲမှူးချုပ်မှ အမြန်ဆုံး အရေးယူပေးပါရန် လေးစားစွာ အသိပေး တောင်းဆိုအပ်ပါသည်။
အကယ်၍ ရဲမှူးချုပ်မှလည်း မည်သို့မျှ အရေးယူ ဆောင်ရွက် ပေးခြင်း မရှိဘဲ အဆိုပါ တံတားကင်းစခန်းမှ ရဲတပ်ဖွဲ့များက ဤကဲ့သို့ ဆက်လက်၍ ဥပဒေမဲ့ ပြုကျင့်နေလျှင် အဆိုပါ ကင်းစခန်းနှင့် ပတ်သက်၍ ကျွန်ုပ်တို့ ကျောင်းသား/သူများ၊ ဈေးဆိုင်ရောင်းသူ များနှင့် အများပြည်သူများ အနေဖြင့် နိုင်ငံတော် သမ္မတနှင့် နိုင်ငံတော်၏ အတိုင်ပင်ခံ ပုဂ္ဂိုလ် တို့ထံ စာရေးသား တိုင်တန်းရမည် ဖြစ်ကြောင်း အသိပေးအပ် ပါသည်။
မှတ်ချက် ။ ။ ပန်းတောပြင် တံတားစခန်း၏ တရားလွန် ပြုကျင့်နေမှုကို အရပ်သား ၀တ်စုံဖြင့် သွားရောက်၍ စုံစမ်းလျှင် ဖြစ်စဉ် အမှန်ကို လက်တွေ့ မြင်တွေ့ရမည် ဖြစ်ပါသည်။
မောင်တောမြို့မှ ဒေသခံ ရိုဟင်ဂျာများ
မိတ္တူကို --
- နိုင်ငံတော်၏ အတိုင်ပင်ခံပုဂ္ဂိုလ်ရုံး၊ နေပြည်တော်
- ရခိုင်ပြည်နယ် ၀န်ကြီးချုပ်ရုံး၊ စစ်တွေမြို့
