ဆေးရုံတွင် လုံလောက်သည့် ဆေးဝါးကုသမှု မရသဖြင့် တစ်နှစ်ခွဲ အရွယ် ကလေးငယ် တစ်ဦး သေဆုံးရ
Rohingya Eye
RB News
31.8.2016
မောင်တော ။ ။ ရခိုင်ပြည်နယ်၊ မောင်တော မြို့နယ် အမှတ် (၅) ရပ်ကွက်မှ ဦးအစ္စမိုင်လ် (ဘ) ဦးရှာဘော်ဒိန်း (အသက် ၃၀ နှစ်) ၏ တစ်နှစ်ခွဲ အရွယ် သမီးငယ်သည် သြဂုတ်လ (၂၉) ရက်နေ့တွင် အလွန်အဖျားတက်လာ သဖြင့် ယင်းနေ့ နေ့လည် (၁) နာရီ အချိန်တွင် မောင်တောခရိုင် ပြည်သူ့ဆေးရုံ၊ အဆောင်သစ်တွင် အတွင်းလူနာ အဖြစ် ဆေးကုသမှု ခံယူရန် တက်ခဲ့ရသည်။
ယင်းနေ့ ညသန်းခေါင်ယံ အချိန်တွင် ကလေးငယ်၏ အခြေအနေ အလွန်ဆိုးဝါး လာသဖြင့် တာဝန်ကျသည့် သူနာပြု ဆရာမကို သွားရောက်ပြောဆိုခဲ့ရာ သူနာပြုဆရာမက “ငါနဲ့ မဆိုင်ဘူး၊ ငါ့ကို ပြောပြီး ဘာရမလဲ၊ ကိုယ့်ဟာကိုယ်လုပ်” ဟု ရိုင်းပျစွာ တုန့်ပြန်ခဲ့သည်။ ကလေးငယ်၏ အနီးရှိ ဗုဒ္ဓဘာသာဝင် လူနာတစ်ဦးက အဆိုပါ သူနာပြုဆရာမကို သွားရောက် ခေါ်ခဲ့ရာ ချက်ချင်း ရောက်ရှိလာပြီး ဂရုတစိုက် ကြည့်ရှု စစ်ဆေးပေးသည့် အပြင် အားပေး နှစ်သိမ့်စကားပင် ပြောဆိုပြ၍ ၎င်း၏ လူမျိုး၊ ဘာသာ ခွဲခြားသည့် စိတ်ဓါတ်ကို ပေါ်ပေါ်တင်တင် ပြသခဲ့သည်။
ဆေးရုံတွင် အတွင်းလူနာအဖြစ် တက်ရောက်နေသည့် ရိုဟင်ဂျာ ကလေးငယ်လေးမှာ ဆေးရုံရှိ ဆရာဝန်နှင့် သူနာပြု ဆရာမများ၏ အနီးကပ် ပြုစု စောင့်ရှောက်မှု မရရှိခဲ့သဖြင့် သြဂုတ်လ (၃၀) ရက်နေ့ နံနက် (၇) နာရီ အချိန်တွင် သေဆုံးသွားခဲ့ရကြောင်း ဒေသခံတစ်ဦးက RB News သို့ပြောသည်။
မောင်တော မြို့နယ် မြောက်ပိုင်းနှင့် တောင်ပိုင်းတို့မှ နယ်ခံ ရိုဟင်ဂျာများသည် အဆိုပါ ဆေးရုံတွင် အတွင်းလူနာအဖြစ် ဆေးဝါးကုသမှု ခံယူရန် တက်ရောက်သူ များကို ဆေးရုံရှိ တာဝန်ကျ ၀န်ထမ်းများက ရိုင်းစိုင်းစွာ ပြောဆို ဆက်ဆံခြင်း၊ ဆူပူအော်ဟစ် ကြိမ်းမောင်းခြင်းများ ပြုလုပ်နေခြင်းကို နေ့စဉ် ကြုံတွေ့နေရသည်။
ဆေးရုံတက်နေသူ တစ်ဦးက “ဒီဆေးရုံတက်ရတာနဲ့ ရဲအချုပ်စခန်း ၀င်ရတာနဲ့ အတူတူပါပဲ။ ရဲအချုပ်ဝင်ရင် ရိုင်းပျစွာ ပြုမှု ဆက်ဆံသလို၊ အခုဆေးရုံမှာ ရောဂါသက်သာဖို့နေနေသာသာ စိတ်ဓါတ်ကျ ရောဂါ တစ်ခု ပိုတိုးတယ်” ဟု ပြောသည်။
ကျန်းမာရေး ၀န်ကြီးဌာနက ပြုပြင်ပြောင်းလဲမှုများ လုပ်ဆောင်နေသည်ဟု ကြားသိနေရသော်လည်း မောင်တောခရိုင် ပြည်သူ့ဆေးရုံမှ ၀န်ထမ်းများသည် ရိုဟင်ဂျာ လူနာများအား ပြုမှု ဆက်ဆံပုံများ၊ လုပ်နည်းလုပ်ဟန်များ လုံးဝ ပြောင်းလဲသွားခြင်း မရှိကြောင်း ဒေသခံများက ပြောပါသည်။
