ဦးရှည်ကျ ကျေးရွာသို့ စစ်သားများ ၀င်ရောက်ပြီး လုယက် ဖျက်ဆီးမှုများ ထပ်မံ ပြုလုပ်

RB News

29.10.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ဦးရှည်ကျကျေးရွာသို့ စစ်သားများ ၀င်ရောက်ပြီး ထပ်မံ၍ လုယက်ခြင်း၊ ဖျက်ဆီးခြင်းများ ပြုလုပ်ခဲ့ကြောင်း သတင်း ရရှိပါသည်။ 

ယနေ့ အောက်တိုဘာလ (၂၉) ရက်နေ့ နေ့လည်ပိုင်းတွင် ဦးရှည်ကျ ကျေးရွာကို စစ်သားများက ၀န်းရံ ပိတ်ဆို့ခဲ့ပြီး၊ ညနေပိုင်းမှစ၍ နေအိမ်များအတွင်း ၀င်ရောက်စီးနင်း၍ အဖိုးတန် ပစ္စည်းများ လုယက်ခြင်း၊ အိမ်အသုံးအဆောင် ပစ္စည်းများ ဖျက်ဆီးခြင်း၊ အမျိုးသမီးများကို ရိုက်နှက်ခဲ့ခြင်းများ ပြုလုပ်ခဲ့ကြောင်း ဒေသခံများက RB News သို့ပြောသည်။ ထို့နောက် စစ်သားများသည် ဗလီထဲတွင် စခန်းချ နေထိုင်လျက် ရှိကြောင်း သိရှိရသည်။ 

မောင်တောမြို့နယ် မြောက်ပိုင်း အမှတ် (၂)နယ်မြေ ခမောင်းဆိပ် ကျေးရွာ အခြေစိုက် စစ်တပ်မှ တပ်ရင်းမှူးနှင့် အောင်ဇံ ကျေးရွာ အခြေစိုက် နယ်ခြားစောင့်ရဲတပ်ဖွဲ့ နယ်မြေမှူး တို့က အမှတ် (၂) နယ်မြေ အပိုင် ကျေးရွာများမှ အုပ်ချုပ်ရေးမှူး များနှင့် တာဝန်ခံများကို ယနေ့ ဆင့်ခေါ်ပြီး ကျေးရွာများ စစ်ဆေးရန် ရှိကြောင်း၊ ရွာသားများကို တစ်ရွာမှ တစ်ရွာသို့ သွားလာခြင်း မပြုလုပ်ရန်၊ ရွာအတွင်းတွင်လည်း တစ်အိမ်မှ တစ်အိမ်သို့ မသွားရန် မှာကြားခဲ့ကြောင်း၊ တပ်ရင်းမှူးနှင့် နယ်မြေမှူးတို့က ရွာထဲတွင် သောင်းကျန်းသူများ ရှိနေသဖြင့် ရွာများကို စစ်ဆေးရန် လိုသည်ဟု ပြောကြားခဲ့ကြောင်း ဒေသခံတစ်ဦးက RB News သို့ပြောသည်။ 

“တပ်ရင်းမှူးနဲ့ နယ်မြေမှူး တို့က ဘာပြဿနာမှ မရှိတဲ့ ကျွန်တော်တို့ ရွာတွေကို ခေါင်းစဉ်တွေတပ်ပြီး ရွာထဲဝင် ညှဉ်းပန်းနှိပ်စက်၊ လုယက်တာတွေ လုပ်ဖို့ ကြံစည်နေတယ် ထင်တယ်” ဟု အဆိုပါ ဒေသခံကပြောသည်။ 

မောင်တောမြို့နယ် အမှတ် (၆) ရပ်ကွက် (၄ မိုင်) တွင်လည်း ဒေသခံ ရိုဟင်ဂျာများ၏ နေအိမ်ခြံဝင်းများ ဖယ်ရှားပေးရန် အပြင် လူဦးရေ ကျားမခွဲ၍ စစ်ဆေးသွားမည်ဟု ပြောနေကြောင်း ဒေသခံများက ပြောသည်။ သို့သော်လည်း ရပ်ကွက် အုပ်ချုပ်ရေးမှူး စစ်တွေသို့ ခရီးသွားနေစဉ် ဦးလှခင်နှင့် ဦးတင်အောင်စိုး တို့က မလိုအပ်သည်များကို လုပ်ခိုင်းနေသည်ဟု ဒေသခံများက သံသယ ဖြစ်နေကြပြီး၊ ရပ်ကွက်နှင့် နီးသည့် တပ်ရင်းမှ ဒေသခံများကို ရပ်ကွက်မှ နှင်ထုတ်ရန် အကြိမ်ကြိမ် ခြိမ်းခြောက် ပြောဆိုခြင်းနှင့် အကြမ်းဖက်သမားများ ၀င်ရောက်လာပါက အကြောင်းကြားရန် မှာကြားထားကြောင်း သိရှိရသည်။ 

စစ်သားများသည် နယ်မြေရှင်းလင်းရေး ခေါင်းစဉ်အောက်တွင် ၎င်းတို့ စိတ်ကြိုက် ဥပဒေမဲ့ ပြုလုပ်လျက်ရှိရာ ယနေ့တွင် တောင်ပြိုလက်ဝဲ မြို့နယ်ခွဲ၊ ရေတွင်းပြင် ကျေးရွာသို့ စစ်သားများ ၀င်ရောက်လာပြီး ရွာမြောက်ဘက်ရှိ ဗလီတွင် စခန်းချနေကြောင်း သိရှိရသည်။ အပြစ်မဲ့များကို ဖမ်းဆီး ရိုက်နှက်ခြင်း၊ အိမ်များ စစ်ဆေးခြင်း မရှိကြောင်း ဒေသခံများက ပြောပါသည်။ အောက်တိုဘာလ (၂၇) ရက်နေ့ကလည်း စစ်သားများ ရေတွင်းပြင်ကျေးရွာသို့ ၀င်ရောက်လာပြီး ဗလီတွင် စခန်းချကာ အောက်တိုဘာလ (၂၈) ရက်နေ့တွင် ထွက်ခွာသွားခဲ့သည်။ 

အလားတူ အောက်တိုဘာလ (၂၈) ရက်နေ့ကလည်း လောင်းဒုံ ကျေးရွာအုပ်စု၊ မျှာဇင်ကျေးရွာနှင့် ကြိုက်ချောင်း ကျေးရွာသို့ စစ်သားများဝင်ရောက်၍ မျှာဇင် အစ္စလာမ်အာရဗီတက္ကသိုလ် ကျောင်းတွင် ညအိပ်ကာ ယနေ့ နံနက်ပိုင်းတွင် ထွက်ခွာသွားသည်ဟု ဒေသခံများ၏ ပြောကြားချက်များအရ သိရှိရသည်။