နောက်ဆုံးသတင်း/ဆောင်းပါးများ

မြင်းလွတ်မှ နယ်ခြားစောင့်ရဲ များက ဒေသခံများကို အတင်းအဓမ္မ လုပ်အားပေးခိုင်း၊ အမျိုးသမီးများကို ကန်ကျောက်

Rohingya Eye
RB News
17.1.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း၊ မြင်းလွတ်မြို့ အခြေစိုက် နယ်ခြားစောင့်ရဲတပ်ဖွဲ့မှ ဒေသခံများကို အတင်းအဓမ္မ ခိုင်းစေခြင်း၊ ပလတ်စတစ်ဖြင့် ကာရံထားသည့် ရေချိုးခန်း၊ အိမ်သာများ၏ အကာအရံများကို ဖြုတ်ချ၍ အမျိုးသမီးများကို ကန်ကျောက်ခဲ့ကြောင်း သတင်း ရရှိပါသည်။

မောင်တောမြို့နယ် တောင်ပိုင်း၊ မြင်းလွတ်မြို့ အခြေစိုက် နယ်ခြားစောင့်ရဲတပ်ဖွဲ့ (နယ်မြေ ၈) မှ တာဝန်ခံ ရဲမှူးသည် ဇန်န၀ါရီလ (၉) ရက်နေ့မှစ၍ မြင်းလွတ်မြို့ရှိ ဟော်ရော်သိလ္လာရွာတွင် နယ်ခြားစောင့်ရဲတပ်ဖွဲ့ ကင်းစခန်း အသစ်တစ်ခု ဆောက်လုပ်ရန် အတွက် ရွာသစ်ရွာ၊ မောရီးချောင်းရွာနှင့် ဟော်ရော်သိလ္လာ ရွာများမှ လူ (၁၀) ဦးစီ အတင်းအဓမ္မ လုပ်အားပေးခိုင်းလျက် ရှိကြောင်း ဒေသခံများက ပြောပါသည်။

ယခင်က ယင်းရွာတွင် ကင်းစခန်းတစ်ခုရှိရာမှ နောက်ထပ်တစ်ခု တိုးနေခြင်းဖြစ်သည်။ ဒေသခံများက အလုပ်အကိုင် အတွက် အခက်အခဲဖြစ်နေသည့် အချိန်မျိုးတွင် အတင်းအဓမ္မ ခိုင်းစေနေခြင်းမှာ အလွန်တရာ ရက်စက်မှုတစ်ခုသာ ဖြစ်သည်ဟု ဆိုသည်။

ဇန်န၀ါရီလ (၁၂) ရက်နေ့တွင် ယင်းရွာရှိ နယ်ခြားစောင့်ရဲတပ်ဖွဲ့ ကင်းစခန်းမှ နယ်ခြားစောင့်ရဲများသည် နေ့လည် ၃း၃၀ နာရီ အချိန်တွင် အဆိုပါရွာရှိ အိမ်ခြံဝင်းအတွင်းတွင် ပလတ်စတစ် အကာအရံများဖြင့် အသုံးပြုနေသော ရေချိုးခန်းများနှင့် အိမ်သာများမှ ပလတ်စတစ် အကာအရံများကို ဖြုတ်ချခဲ့ပြီး၊ အမျိုးသမီးများကိုလည်း ကန်ကျောက်ခြင်းများ ပြုလုပ်ခဲ့သည်။

ကန်ကျောက်ခံရသည့် အမျိုးသမီးများမှာ --

(၁) ဒေါ်ဖာတေမာ (ဦးအဒူလ်ဟူးဆောင်း၏ ဇနီး) အသက် ၄၅ နှစ်
(၂) ဦးဆွေယော့ဒူလ္လာ၏ ဇနီး -- တို့ဖြစ်ကြသည်။

ထို့အပြင် အမျိုးသမီးများကို ဒဏ်ဆောင်ရမည်ဟု ဆိုကာ ကြက်တစ်ကောင်စီ ဒဏ်ရိုက်ခဲ့ကြောင်း ဒေသခံများက RB News သို့ပြောသည်။

“အိမ်သာမှာ အကာမရှိရင် ဘယ်လို အိမ်သာတက်နိုင်မှာလဲ၊ ရေချိုးခန်းမှာလည်း အကာအရံမရှိရင် အမျိုးသမီးတွေ ဘယ်လိုရေချိုးကြမလဲ၊ ချမ်းသာတဲ့ လူတွေက အိမ်ထဲမှာ လုပ်နိုင်ပေမယ့် ဆင်းရဲတဲ့ လူတွေ ကတော့ အတော်လေး အခက်အခဲ တွေ့နေရတယ်” ဟု ဒေသခံတစ်ဦးက ပြောပါသည်။




Comment ရေးရန်

Rohingya Exodus