မောင်တော ဂေါ်ဒူသာရ ရွာသစ်ရွာမှ ဒေသခံများကို အာဏာပိုင်များက ရိုက်နှက်၍ အချို့ကို ဖမ်းဆီး၊ နေအိမ်များ ဖြိုချ ဖျက်ဆီး

RB News

10.6.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ဂေါ်ဒူသာရ ကျေးရွာအုပ်စုနှင့် ပညောင်ပင်ကြီး ကျေးရွာအုပ်စုများသို့ ဌာနဆိုင်ရာပေါင်းစုံ အဖွဲ့ ၀င်ရောက်စီးနင်းပြီးနောက် လူနေအိမ်များ ဖြိုဖျက်လိုက်ကြောင်း၊ အိမ်ရှင်များကို ရိုက်နှက်၍ အချို့ကို ဖမ်းဆီး ချုပ်နှောင်ထားကြောင်း သတင်းရရှိပါသည်။ 

ဇွန်လ (၈) ရက်နေ့ နေ့လည် ၃ နာရီခန့် အချိန်တွင် ဂေါ်ဒူသာရကျေးရွာအုပ်စုနှင့် ပညောင်ပင်ကြီး ကျေးရွာအုပ်စုတို့၏ ထိပ်ပိုင်းရှိ ရွာသစ်ရွာသို့ ဂေါ်ဒူသာရ နယ်ခြားစောင့်ရဲတပ်ဖွဲ့ စခန်းမှ ရဲမှူး ကျော်သီဟာ ဦးဆောင်သော ဌာနဆိုင်ရာ ပေါင်းစုံ ပါဝင်သော ပူးပေါင်းအဖွဲ့ ၀င်ရောက်ပြီး စစ်ဆင်ရေး ဆင်နွဲသည့် ပုံစံဖြင့် ၎င်းတို့၏ မျက်စိရှေ့တွင် တွေ့သမျှ ဒေသခံများကို ဆဲဆို ရိုက်နှက်ခဲ့ကြောင်း ဒေသခံများက RB News သို့ပြောပါသည်။

၎င်းတို့က (၁) ဦးအဗ်ဒူလ္လာ (ဘ) ဦးဟိုစ်ရ်ဟူဆောင်း၊ (၂) မော်လ၀ီဟူစိန်းအာမတ် (ဘ) ဦးဇော်ဘော်ရ်၊ (၃) ဦးအီလီယာစ်၊ (၄) ဦးကော်ဘိရ် (ဘ) ဦးဇော်ကော်ရီယာ၊ (၅) ဦးအဒူလ်ဟာဗေစ် (ဘ) ဦးမော်ဇီအုလ္လာ၊ (၆) ဦးအဒူရော်ဟိမ်း (ဘ) ဦးဇာဖော်ရ်ဟူစိန်း တို့အပါအ၀င် ဒေသခံ (၁၂) ဦးကို ဖမ်းချုပ်၍ ရွာထဲတွင် မိသားစုများ ရှေ့မှောက်၌ လူမဆန်စွာ ထိုးကြိတ် ရိုက်နှက်ခဲ့သည်။ အဆိုပါ ဒေသခံများကို သတိလစ် မေ့မျှောသည့် အထိ ရိုက်နှက်၍ ၎င်းတို့၏ နေအိမ်များသို့ သွားရောက်၍ မိသားစုဝင်များကို နေအိမ်များမှ နှင်ထုတ်၍ နေအိမ်များကို ဖြိုချ ဖျက်ဆီးလိုက်ကြောင်း ဒေသခံများက ပြောပါသည်။ 

အဆိုပါ ပူးပေါင်းအဖွဲ့သည် မိုးရာသီဝင်ခါစ အချိန်တွင် ရိုဟင်ဂျာလူမျိုးများ၏ နေအိမ်များကို ဖျက်ဆီး၍ မိသားစုများ ဒုက္ခရောက်အောင် တမင်ကြံစည်၍ လာရောက်ခြင်း ဖြစ်ကြောင်း၊ နေအိမ်များ ဖြိုဖျက်ချိန်တွင် မိသားစုဝင်များ၊ အိမ်ထောင်ဦးစီးများ၊ ဘေးပတ်ဝန်းကျင်ရှိ ဆွေမျိုးများ မတားဆီးနိုင်အောင် လူမဆန်စွာ ရိုကနှက်၍ ခြောက်လှန့်ခြင်း ဖြစ်ကြောင်း၊ ဘေးပတ်ဝန်းကျင်မှ သက်ကြီးရွယ်အိုများကိုလည်း ရိုက်နှက်ကြောင်း၊ နေအိမ်ဖြိုဖျက်ခံရသူများထဲမှ (၃) ဦးကို ဖမ်းဆီးခေါ်ဆောင်သွားကြောင်း ဒေသခံများ၏ ပြောကြားချက်များ အရ သိရှိရပါသည်။ 

ရွာသစ်ရွာတွင် ဇွန်လ (၉) ရက်နေ့၌လည်း အဆိုပါ ပူးပေါင်းအဖွဲ့က နေအိမ်များ ဖြိုဖျက်ခဲ့ပြီး၊ ဦးအဒူရှကူရ် (ဘ) ဦးအဒူမော်တော်လောဖ်၏ နေအိမ်မှာ ကာလတန်ဖိုး သိန်း ၅၀၀ ကျော်တန်ကြောင်း၊ နေအိမ်တိုင်များကို လွှဖြင့် ဖြတ်၍ ကြိုးဖြင့်ချိတ်ကာ ဖြိုချခြင်း ဖြစ်သည်ဟု ဒေသခံများက ပြောပါသည်။