ဘူးသီးတောင် တင်းမေရွာကို နယ်ခြားစောင့်ရဲများ ၀င်ရောက်စီးနင်း၍ လုယက်သည့် အပြင် အပြစ်မဲ့များကို ဖမ်းဆီးသွား

RB News

23.7.2017

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မြောက်ပိုင်း တင်းမေရွာကို တောင်ဘဇာ အခြေစိုက် နယ်ခြားစောင့်ရဲတပ်ဖွဲ့မှ နယ်မြေမှူါ် ဦးဆောင်သော အဖွဲ့က ၀င်ရောက်စီးနင်း၍ သေတ္တာများဖွင့်၍ လုယက်ခြင်း၊ အပြစ်မဲ့ရွာသူရွာသားများကို ဖမ်းဆီးခြင်းများ ပြုလုပ်ခဲ့ကြောင်း သတင်းရရှိပါသည်။ 

ဇူလိုင်လ (၂၂) ရက်နေ့ ညနေ ၅ နာရီမှစ၍ နောက်နေ့ နံနက်မိုးလင်းသည် အချိန်ထိ တင်းမေရွာကို နယ်ခြားစောင့်ရဲများက ၀င်ရောက် စီးနင်း၍ တစ်အိမ်တက်ဆင်း စစ်ဆေးခဲ့သည်။ ထိုသို့ စစ်ဆေးရာတွင် နေအိမ်များရှိ လူကြီးလူငယ်များ၊ အမျိုးသမီးများပါ မကျန် အိမ်ပြင်သို့ ထုတ်ထားခြင်း၊ အမျိုးသမီးများကို ကိုယ်ထိလက်ရောက် စော်ကားခြင်း၊ အချို့အမျိုးသမီးများကို အိမ်ရာဝင် အ၀တ်အစားများနှင့်ပင် အတင်းအဓမ္မ ဆွဲထုတ်ခေါ်လာခြင်း၊ အိမ်ထဲရှိ သေတ္တာ ဘီရိုများ ရိုက်ချိုး၍ တွေ့ရှိသမျှ ရွှေ၊ ငွေ အဖိုးတန်ပစ္စည်းများ လုယက်သွားခြင်းများ ပြုလုပ်ခဲ့ကြောင်း ဒေသခံများက RB News သို့ပြောပါသည်။

တင်းမေရွာကို ၀င်ရောက် စီးနင်းရာတွင် တောင်ဘဇာ အခြေစိုက် နယ်ခြားစောင့်ရဲတပ်ဖွဲ့မှ နယ်မြေမှူး ကိုယ်ကိုင် ပါဝင်ပြီး၊ သတင်းထောက်များ အဖွဲ့ကို ဖြစ်ရပ်မှန်များ ပြောပြခဲ့မှုကြောင့် ယခုကဲ့သို့ ပြုလုပ်ခြင်း ဖြစ်ကြောင်း၊ သတင်းထောက်များ အဖွဲ့၏ မေးမြန်းချက်များကို ဖြေကြားစဉ် “မင်းတို့ကို (၇) ရက်အတွင်းပြမယ်” ဟု နယ်ခြားစောင့်ရဲများက ခြိမ်းခြောက်ထားသည်နှင့် အညီ လုပ်ဆောင်နေခြင်း ဖြစ်ကြောင်း ဒေသခံများက သုံးသပ် ပြောဆိုသည်။ 

နယ်ခြားစောင့်ရဲများက အပြစ်မဲ့ရွာသားများ ဖြစ်ကြသော (၁) ဦးအိုမောရ်မျာ (ဘ) ဦးနူရ်အာလောမ်၊ (၂) ဦးအာမတ်ကော်ဘိရ် (ဘ) ဦးမာမတ်ဘောက်ရှု၊ (၃) ဦးအဗ်ဒူဟိုက် (ဘ) ဦးကာမာလ်ဟူစိန်း တို့ (၃) ဦးနှင့် အတူ အခြား အမျိုးသမီး (၂) ဦးကို ဖမ်းဆီးသွားခဲ့ကြောင်း သိရှိရပါသည်။