RB News

19.6.2014

ကုလသမဂ္ဂ လက်ထောက် အတွင်းရေးမှူးချုပ် Kyung-wha Kang ၏ ရခိုင်ပြည်နယ် ခရီးစဉ် အတွင်း တွေ့ရှိခဲ့မှုများနှင့် ပတ်သက်၍ ပြည်သူ့ လွှတ်တော် ကိုယ်စားလှယ် ဦးရွှေမောင်၊ ဦးဖေသန်းနှင့် ရခိုင်ပြည်နယ် အစိုးရ ပြန်ကြားရေး တာဝန်ခံ ဦးဝင်းမြိုင် တို့ကို ဗွီအိုအေ မြန်မာပိုင်းက ဇွန်လ ၁၈ ရက်နေ့ ညနေပိုင်းတွင် မေးမြန်းထားသည့် အသံဖိုင်ကို အောက်တွင် နားထောင် နိုင်ပါသည်။ 

ကိုသားညွန့်ဦး

ဗွီအိုအေမြန်မာပိုင်း

18.6.2014

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် ရခိုင်အစွန်းရောက် တစ်ဦးက ၎င်း၏ ဆိုင်ရှေ့တွင် ရပ်၍ စကားပြောသည့် ဒေသခံ ရိုဟင်ဂျာ တစ်ဦးကို အကြောင်းမဲ့ ရိုက်နှက် ခဲ့ကြောင်း သတင်း ရရှိပါသည်။

ဇွန်လ (၁၃) ရက်နေ့ နေ့လည်ပိုင်းတွင် မောင်တောမြို့နယ် မြောက်ပိုင်း သရက်အုပ်ကျေးရွာ (မင်္ဂလာဖာရာ) မှ ဟာဖီးဇ် အဒူဟိုက် (ဘ) ဦးမာမတ်ဆိဒိတ် (အသက် ၂၈ နှစ်) သည် မောင်တောမြို့ မြို့မဈေးကြီးတွင် ဆေးရွက်ကြီးနှင့် ထုံးများ ၀ယ်ယူရန် သွားနေစဉ် မဟာဗန္ဓုလလမ်းရှိ ဦးမောင်သောင်း၏ အရက်ဆိုင်ရှေ့တွင် မိတ်ဆွေ (၃) ဦးနှင့် ရပ်၍ စကားပြောနေခိုက် ဆိုင်ရှင် ဘင်္ဂလားဒေ့ရှ် နွယ်ဖွား ရခိုင် အစွန်းရောက် ဦးမောင်သောင်းက အကြောင်းမဲ့ ရိုက်နှက် ခဲ့ကြောင်း ဒေသခံ တစ်ဦးက RB News သို့ပြောပါသည်။

ဦးမောင်သောင်းက ရိုက်နှက်ခဲ့သည့် အပြင် ဟာဖီးဇ်အဒူဟိုက်ကို ရဲစခန်းသို့ပင် အပ်နှံခဲ့သည်။ ရဲစခန်းတွင်လည်း ရဲများက ထပ်မံ ညှဉ်းပန်း ရိုက်နှက် နှိပ်စက်ခဲ့ပြီး ညနေ (၆) နာရီ အချိန်တွင် အပြစ်မရှိသူ တစ်ဦး ဖြစ်သည့် အတွက် ပြန်လည် လွှတ်ပေးခဲ့သည်။

အဆိုပါ အရက်ဆိုင်ပိုင်ရှင် ဦးမောင်သောင်းသည် ဒေသခံ ရိုဟင်ဂျာများကို မကြာခဏ အနှောက်အယှက် ပေးလေ့ ရှိပြီး၊ ဟာဖီးဇ်အဒူဟိုက်ကို အကြောင်းမဲ့ ရိုက်နှက်မှုအတွက် ရဲများက အရေးယူ ဆောင်ရွက် မပေးသည့် အပြင် အပြစ်မဲ့သူကို ညှဉ်းပန်း နှိပ်စက်ခဲ့သည်။ အဆိုပါ လူငယ်သည် မိမိရွာမှ မြို့ပေါ်တွင် ဆေးရွက်ကြီးနှင့် ထုံးဝယ်ရန် သွားစဉ် ယခုကဲ့သို့ ပြဿနာ ကြုံတွေ့ခဲ့ရခြင်း ဖြစ်သည်။

ရခိုင်ပြည်နယ်ရှိ ဥပဒေသည် ဗုဒ္ဓဘာသာဝင် များကိုသာ ကာကွယ် ပေးထားပြီး၊ အစ္စလာမ် ဘာသာဝင် များအတွက် အကြုံး မ၀င်သည့် ဥပဒေ ဖြစ်သည်ကို ဟာဖီးဇ်အဒူဟိုက် အကြောင်းမဲ့ ရိုက်နှက်ခံရမှုတွင် သိသာ ထင်ရှားသည်ဟု ဒေသခံများက ဆိုသည်။

Weekly Eleven ဂျာနယ်၏ ရိုဟင်ဂျာတွေ တိုင်းရင်းသား ဖြစ်မလာနိုင်.. ဒါပေမဲ့ ဆောင်းပါး အပေါ် တုန့််ပြန်ခြင်း

မောင်ရွှေခိုင်

RB News

16.6.2014

လက်ရှိ မြန်မာနိုင်ငံတွင် ရိုဟင်ဂျာ ဆိုသော ဝေါဟာရကို မီဒီယာ လောကတွင် ရောင်းအား ကောင်းသော ကုန်ပစ္စည်း သဖွယ် အသုံးပြု နေခြင်းကို တွေ့နေ ရပါသည်။ ရိုဟင်ဂျာ ဟူသော ဝေါဟာရ ပေါ်တွင် ဆန့်ကျင် ကန့်ကွက်မှုပေါ် မူတည်ပြီး မိမိတို့ ဂျာနယ်၊ သတင်းစာများ ရောင်းအား ကောင်းလေ ဖြစ်နေသည်။ မီဒီယာ လောကတွင် အာဏာရှင် လက်ဝေခံ မီဒီယာ၊ လူမျိုး/ ဘာသာရေးတွင် အစွန်းရောက်သော မီဒီယာနှင့် ဒီမိုကရေစီနှင့် လူ့အခွင့်အရေး ပေါ်တွင် အခြေခံသော မီဒီယာများ ဟူ၍ အမျိုးမျိုးရှိသည်။ ၎င်းတို့တွင် Weekly Eleven မီဒီယာသည် ဒီမိုကရေစီနှင့် လူ့အခွင့်အရေးကို အရေခြုံ ထားပြီး၊ စစ်အစိုးရ လက်ထက်မှ စ၍ ထုတ်ဝေခွင့် ရရှိထားသော မီဒီယာ တစ်ခု ဖြစ်သည်။ ရခိုင် အရေးအခင်းတွင် ရိုဟင်ဂျာများ၏ အားနည်းချက် များပေါ် အခွင့်အရေး ယူပြီး ရခိုင် အစွန်းရောက် များနှင့် အာဏာရှင် အစိုးရ အလိုကျ မီးလောင်ရာ လေပင့် တဖက်သတ် ရေးသားသော မီဒီယာ ဖြစ်သည်။ တခါတရံ အာဏာရှင် အစိုးရ အပေါ် ထိုးနှက် ဝေဖန်မှု များသည် ဒီမိုကရေစီနှင့် လူ့အခွင့်အရေးကို အရေခြုံ ထားခြင်းကြောင့် အများပြည်သူ ထင်ယောင် ထင်မှား ဖြစ်တတ်သည်။ အမှန် တကယ်တွင် Weekly Eleven မီဒီယာသည် စစ်အာဏာရှင် များ၏ အဓိက လက်ကိုင်ဒုတ် မီဒီယာကြီး တစ်ခု ဖြစ်သည်။

ယခု တဖန် Weekely Eleven ဂျာနယ်မှ (၉.၆.၂၀၁၄) နေ့စွဲဖြင့် ”မြန်မာနိုင်ငံမှာ ရိုဟင်ဂျာတွေ တိုင်းရင်းသား ဖြစ်မလာနိုင်…. ဒါပေမဲ့ ” ဆိုသည့် ခေါင်းစဉ်ဖြင့် ဆောင်းပါး တပုဒ်ကို နေထွန်းနိုင် ဆိုသော အမည်ဖြင့် ရေးသား ထားတာကို ဖတ်လိုက်ရပါတယ်။ Foregin Policy မဂ္ဂဇင်း ဘလောဂ် စာမျက်နှာပါ “The Self-Censorship Shuffle : Why one Australian Media Mogul chose to Kotow to Myanmar’s Generals ” ကို ကိုးကား ရေးသား ထားတာကို တွေ့ရပါတယ်။

ဆောင်းပါးတွင် အခြား အကြောင်း အရာ များကို ရောသမ မွှေထား ပေမဲ့ ဆောင်းပါး၏ ခေါင်းစဉ်နှင့် ဆောင်းပါးရှင်၏ ရှေ့နောက် မညီ ရေးသားမှုများ၊ တဖက်သတ် စွပ်စွဲချက် များကို ထောက်ပြ လိုခြင်း ဖြစ်သည်။

သမိုင်းကြောင်းအရ ဘင်္ဂါလီ လူနည်းစုဟာ ဘင်္ဂလားဒေ့ရ်ှက ဆင်းသက် လာတာ ဖြစ်ပြီး၊ ရခိုင်ပြည်နယ် ထဲမှာ တရား မ၀င်ရွှေ့ပြောင်း နေထိုင်သူတွေ ဖြစ်ခဲ့တယ် ဆိုတဲ့ အကြောင်း၊ မြန်မာ အစိုးရက ဘင်္ဂါလီတွေကို တိုင်းရင်းသား အဖြစ် အသိအမှတ် မပြုဘူးလို့ Foregin Policy ဆောင်းပါးရှင်က ရေးသားထားတယ် ဆိုပြီး Weekly eleven ဂျာနယ်မှာ ရေးသားထား ပါတယ်။ မူးရင်း ဆောင်းပါးကို သွားကြည့်တဲ့ အခါ “The Rohingya are viewed by many residents of Rakhine State, where they live, as illegal immegrants ” ဆိုပြီး သွားတွေ့ ရတယ်။ ရခိုင်ပြည်နယ် ထဲမှာ ရိုဟင်ဂျာ တွေကို ဒေသခံများက တရားမ၀င် ရွှေ့ပြောင်း လာတယ်လို့ မြင်ကြတယ်။ ဒါကို Weekly Eleven မီဒီယာက FP ဆောင်းပါးရှင် ပြောသလို နားလည် ပါးရိုက် လုပ်ထားတယ်။ အကယ်၍ FP ဆောင်းပါးရှင်က တရားမ၀င် ၀င်ရောက် လာတယ်လို့ လက်ခံရင် မြန်မာ အစိုးရက ရိုင်ဟင်ဂျာ တွေကို တိုင်းရင်းသား အဖြစ် အသိ အမှတ် မပြူဘူး ဆိုပြီး ရေးသားစရာ အကြောင်း မရှိဘူး။

ဆက်လက်ပြီး Weekly Eleven ဂျာနယ်မှာ ဘင်္ဂါလီ အရေးနှင့် ပတ်သက် လာရင် မြန်မာနိုင်ငံက တိုင်းရင်းသား လူမျိုးစု၊ ပြည်သူတွေ၊ အစိုးရ၊ ဒေါ်အောင်ဆန်းစုကြည် အားလုံးရဲ့ သဘောထားက ရှင်းလင်း ပြတ်သားတယ် ဆိုတဲ့ အကြောင်း၊ သမ္မတ ဦးသိန်းစိန်က ခိုးဝင်လာတဲ့ ဘင်္ဂါလီတွေကို UNHCR ကိုအပ်ပြီး ဒုက္ခသည် စခန်းမှာ ထားမယ်၊ သူတို့တွေကို UNHCR က ကျွေးမွေးရမယ်၊ တတိယ နိုင်ငံ တွေက လက်ခံမယ် ဆိုရင် ပို့ပေးမယ်လို့ ပြောခဲ့တယ် ဆိုတဲ့ အကြောင်း၊ ဒေါ်အောင်ဆန်းစုကြည်က ၂၀၁၂ (ILO) နှစ်ပတ်လည် ညီလာခံမှာ ဖြစ်ပွား ခဲ့တဲ့ ပြဿနာဟာ နယ်ခြား မလုံမှုကြောင့် ဖြစ်ရတယ်၊ ၂၀၁၃-ခုနှစ် ဗြိတိန်ကို ရောက်ရှိစဉ် BBC နှင့် ပြုလုပ် ခဲ့သော အင်တာဗျူး မှာလည်း ဖြစ်ခဲ့တဲ့ ပဋိပက္ခတွေက လူမျိုးသုဉ်း သတ်ဖြတ်မှု မဟုတ်ဘူး၊ နိုင်ငံတကာ အနေနဲ့ နားလည် ပေးဖို့လိုတဲ့ အချက်က ကြောက်ရွံ့ ထိတ်လန့််မှု တွေဟာ မူစလင်မ် အသိုင်း အ၀ိုင်း ကြားမှာပဲ ရှိနေတာ မဟုတ်ဘူး၊ ဗုဒ္ဓဘာသာဝင် တွေမှာလည်း စိုးရိမ်မှုတွေ၊ ကြောက်ရွံ့မှုတွေ ရှိနေပါတယ်လို့ ပြောဆိုတဲ့ အကြောင်း၊ ဆက်လက်ပြီး ဆောင်းပါးရှင်မှ သမိုင်းကြောင်း အရ ကြည့်မယ် ဆိုရင်လည်း ဘင်္ဂါလီတွေဟာ မြန်မာနိုင်ငံကို ခိုးဝင်သူ လာသူတွေ ဖြစ်ပါတယ်။ ကိုလိုနီခေတ်က အင်္ဂလိပ်တွေ ခေါ်သွင်း လာရာက မြန်မာနိုင်ငံ ထဲကို ရောက်လာ ပါတယ်။ နောက်ပိုင်း မပြန်တော့ဘဲ မြန်မာနိုင်ငံ မှာဘဲ အခြေချ နေထိုင်သူတွေ ရှိပါတယ်။ သူတို့ဟာ တိုင်းရင်းသား ဘယ်တော့မှ ဖြစ်လာမှာ မဟုတ်ဘူး။ ၁၉၈၂-ခုနှစ် နိုင်ငံသား ဥပဒေနဲ့ လျော်ညီလို့ နိုင်ငံသား ဖြစ်ခွင့် ရှိတယ် ဆိုဦးတော့ တိုင်းရင်းသား အဖြစ် အသိအမှတ် ပြုဖို့ ဆိုတာ ဘယ်လိုမှ မဖြစ်နိုင်ပါဘူး။ မြန်မာနိုင်ငံမှာ ရှိနေတဲ့ ပြည်သူတွေနဲ့ တိုင်းရင်းသား လူမျိုးစုတိုင်းက ဒီအချက်ကို ဘယ်သူ တစ်ဦး တစ်ယောက်ရဲ့ ၀ါဒဖြန့််မှိုင်းတိုက်မှု မပါဘဲ ယုံကြည်စွာ လက်ခံထား ပါတယ်။ လူ့အခွင့်အရေး ရှုထောင့်က ဘယ်လိုပဲ ကြည့်ကြည့် မြန်မာနိုင်ငံသား ဖြစ်ခွင့််ကို ၁၉၈၂-ခုနှစ် ဥပဒေနဲ့ ဆုံးဖြတ် ရမယ် ဆိုပြီးတော့ အကျယ်တ၀င့် ရေးသား ထားပါတယ်။

သမ္မတ ဦးသိန်းစိန်မှ ကုလသမဂ္ဂ ဒုက္ခသည်များ မဟာမင်းကြီးနှင့် တွေ့ဆုံပြီးနောက် VOA တွေ့ဆုံခန်းတွင် နှစ်ဖက် လူ့အဖွဲ့အစည်း ငြိမ်းချမ်းစွာ နေထိုင်သော သမိုင်းကြောင်း ရှိခြင်း၊ ခိုးဝင်လာသူ မရှိသလောက် နည်းပါခြင်း၊ ပညာရေး ကဏ္ဍတွင် မြှင့်တင်ပေးရန် လိုအပ်ကြောင်း စသည့် အကြောင်း အရာများကို Weekly Eleven မှ အဘယ်ကြောင့် ချန်ထားခဲ့ သနည်း။ ၂၀၁၃-ခုနှစ်တွင် ဒေါ်အောင်ဆန်းစုကြည် ဂျပန်နိုင်ငံသို့ ရောက်ရှိချိန် အင်တာဗျူး တစ်ခုတွင် ၁၉၈၂-ခုနှစ် နိုင်ငံသား ဥပဒေသည် နိုင်ငံတကာ စံချိန်/ စံညွှန်းနှင့်် မကိုက်ညီ သောကြောင့် ပြင်ဆင်ရန် လိုအပ်သည်။ ပြင်ဆင်ပြီး နိုင်ငံသား ဥပဒေအရ နိုင်ငံသား ဖြစ်လာသူ များသည် ဖြစ်ပြီး နိုင်ငံသားများ နည်းတူ တန်းတူ အခွင့်အရေး ရှိကြောင်း ပြောဆိုမှုများကို Weekly Eleven ဂျာနယ် အဘယ်ကြောင့် နှာစေး ခဲ့သနည်း။ နရမိတ်လှ (ခ) မင်းစောမွန် ဘုရင်သည် မည်သူ၏ အကူအညီဖြင့် မြောက်ဦးဘုရင့် နိုင်ငံတော်ကို တည်ထောင်ခဲ့ သနည်း။ ရိုဟင်ဂျာများ ရခိုင်ဘုရင် လက်ထက် ကတည်းမှ မိမိတို့၏ အသက်သွေးချွေး ပေးဆပ်ပြီး ဘုရင်၊ ပြည်သူ များနှင့် တသားတည်း ရှိခဲ့သည်။ ဗမာဘုရင်၏ အကြိမ်ကြိမ် ကျူးကျော်မှုကို မိမိတို့၏ အသက်ကို ပဓာန မထားဘဲ ရခိုင် ဘုရင် များနှင့် လက်တွဲ ခဲ့သည်။ ၁၇၉၉-ခုနှစ် အင်းဝတွင် ရုံးစိုက်သော ဗြိတိသျှ သံအဖွဲ့ဝင် တစ်ဦးဖြစ်သူ Francis Buchanan က မြန်မာနိုင်ငံ အတွင်းရှိ ဘာသာစကား များကို လေ့လာ သုတေသန ပြုခဲ့ရာ ရခိုင်ပြည် အတွင်း Rosswan နှင့် Rovinga စကား နှစ်မျုိးမှာ လူအများ နားလည် သုံးနှုံန်း ခဲ့ကြသော စကား ဖြစ်ကြောင်း၊ Rosswan စကားကို ဟိန္ဒူများက ပြောပြီး၊ Rooinga စကားကို မူစလင်မ်တို့ ပြောဆိုကြောင်း ရေးသား ဖော်ပြခဲ့သည်။ *(Asiatic Researches, Calacatta V5 (1881) P.237 - Buchanan ၏ သုတေသနပြု  နောက်စာ တပုဒ်တွင် Araccan (ရခိုင်) တွင် နှစ်ကာလ ကြာရှည်စွာ ကတည်းမှ နေထိုင်သော မဟာမေဒင် (အစ္စလာမ်) ဘာသာဝင် ရိုအင်ဂါ (သို့မဟုတ်) မူလဌာနေ တိုင်းရင်းသားများ ပြောဆိုသော စကားဆိုပြီး ရေးသားထား ပါတယ်။ ရိုဟင်ဂျာနဲ့ ပတ်သတ်၍ သမိုင်း အထောက် အထား အများအပြား ရှိသော်လည်း အားလုံး လက်ခံနိုင်သော အချက် အချို့ကို တင်ပြရခြင်း ဖြစ်သည်။ အင်္ဂလိပ် လက်ထက်ကျမှ ရောက်လာသည် ဆိုလျှင် Buchanan တွေ့ရှိခဲ့သော မဟာမေဒင် ဘာသာဝင် ရိုအင်ဂါ လူမျိုးများ အဘယ်သို့ ရောက်ရှိ သွားသနည်း။

Weekly Eleven ဂျာနယ် ဆောင်းပါး နောက်တပိုဒ်မှာ မြန်မာနိုင်ငံမှာ တိုင်းရင်းသား လူမျိုးစုတွေ အများကြီး ရှိတယ်။ တိုင်းရင်းသား တွေထဲမှာ ဗမာ မုန်းတီးရေး ၀ါဒကို လက်ကိုင်ပြပြီး အစွန်းရောက်တဲ့ လူမျိုးစုတွေ ရှိနေတယ်။ ဘင်္ဂါလီကို တိုင်းရင်းသား ခွင့်ပြုဖို့ တောင်းဆို နေသူတွေ ထဲမှာလည်း အစွန်းရောက် သူတွေ ရှိနေတယ်။ သူတို့အားလုံး စစ်အာဏာရှင် ဆန့်ကျင်ရေးကို ဗန်းပြပြီး ဗမာ မုန်းတီးရေး ၀ါဒနှင့် ပြည်ထောင်စု ပြိုကွဲရေးကို ၀ါဒဖြန့် လုပ်နေ ကြပါတယ်။ အပေါ်က အပိုဒ်မှာ တိုင်းရင်းသား လူမျိုးစုတိုင်းက ရိုဟင်ဂျာနှင့် ပတ်သက်လျှင် တိုင်းရင်းသား မဟုတ်ဘူး ဆိုတဲ့ အချက်ကို ဘယ်သူ တစ်ဦး တစ်ယောက်ရဲ့ ၀ါဒဖြန့်မှိုင်းတိုက်မှု မပါဘဲ ယုံကြည်စွာ လက်ခံထားတယ်လို့ ပြောပြီး အခု ဒီအပိုဒ်မှာ ရိုဟင်ဂျာ (ဆောင်းပါရှင်၏ အခေါ် ဘင်္ဂါလီ) တွေကို တိုင်းရင်းသား ခွင့်ပြုဖို့ တောင်းဆို နေတဲ့ တိုင်းရင်းသားတွေ ရှိတယ်လို့ ရေးသားထား ပြန်တယ်။ သူတို့ကိုတောင် အစွန်းရောက် ဆိုပြီး ဖော်ပြထားတယ်။ ရှေ့/နောက် တက်တက်စင် လွဲနေတယ်။

ဘင်္ဂါလီကို တိုင်းရင်းသား အဖြစ် လက်ခံ လိုက်မယ် ဆိုရင် မြန်မာနိုင်ငံ ပြင်ပမှာ ရောက်ရှိ နေတဲ့ (၄.၂) သန်းခန့် ရှိတဲ့ ဘင်္ဂါလီ တွေကို မြန်မာနိုင်ငံက လက်ခံ ရတော့မှာ ဖြစ်ပါတယ်။ ဗုဒ္ဓဘာသာ ဖြစ်တဲ့ မြန်မာနိုင်ငံမှာ လာမယ့်နှစ် (၂၀) အတွင်း ခိုးဝင်လာသူတွေ ထပ်များလာရင် မူစလင်မ် ဦးရေသန်း (၂၀) အထိ ရောက်လာ နိုင်ပါတယ်။ ၁၉၈၂-ခုနှစ် နိုင်ငံသား ဥပဒေနဲ့သာ ချုပ်ကိုင် မထားဘူး ဆိုရင် အခုအချိန် ရခိုင်ပြည်နယ်မှာ ဘင်္ဂါလီ အရေအတွက် လွန်လွန် ကြူးကြူး တိုးပွား နေမှာ ဖြစ်ပါတယ်။ အခုချိန် ရခိုင်ပြည်နယ် လူဦးရေ သုံးပုံတစ်ပုံဟာ ဘင်္ဂါလီတွေ ဖြစ်နေပါတယ်။ ကျန်တဲ့ သုံးပုံနှစ်ပုံက ရခိုင်နဲ့ အခြား တိုင်းရင်းသားတွေ ဖြစ်ပါတယ်။ ဘင်္ဂါလီကို တိုင်းရင်းသား အဖြစ် အသိအမှတ် ပြုလိုက်မယ် ဆိုရင် လာမည့်နှစ် (၂၀) အတွင်း ရခိုင်ပြည်နယ် လူဦးရေ သုံးပုံနှစ်ပုံဟာ ဘင်္ဂါလီတွေဖြစ် သွားမှာပါ ဆိုပြီး ရေးသားထား ပြန်ပါတယ်။

ရခိုင်ပြည်နယ်ကို ဗြိတိသျှတို့ သိမ်းခဲ့သည့် ၁၈၂၅-ပတ်ဝန်းကျင်က ရခိုင်ပြည် အုပ်ချုပ်ရေးမှူး Mr. Charles Paton နှင့် သမိုင်းပညာရှင် Dr. Barnerjee မှတ်တမ်းများ အရ ရခိုင်လူမျိုး ၆၀၀၀၀ ၊ မူစလင်မ် ဘာသာဝင် ၃၀၀၀၀ နှင့် ဗမာ အပါအ၀င် အခြား တိုင်းရင်းသား ၁၀၀၀၀ ၊ စုစုပေါင်း ၁၀၀၀၀၀ ဆိုပြီး ဖော်ပြပါ ရှိပါတယ်။ အချိုးအရ ဆိုလျှင် ရခိုင်နှင့် ရိုဟင်ဂျာ ၂း၁ ဖြစ်နေ ပါတယ်။ ရခိုင်ပြည်နယ် အမျိုးသား လွှတ်တော် အမတ်တစ်ဦး၏ အဆိုအရ ရခိုင် လူမျိုးဦးရေသည် ပြည်တွင်းနှင့် ပြည်ပပေါင်း သုံးသန်းကျော် ရှိကြောင်း ပြောဆို ထားပါသည်။ ကမ္ဘာအရပ်ရပ်ရှိ အစ္စလာမ် ဘာသာဝင်များ နည်းတူ ရိုဟင်ဂျာ လူမျိုးများ သားဆက်ခြားခြင်းကို ဘာသာရေး အရ လိုက်နာသူ အင်မတန် နည်းပါး ပါသည်။ မွေးဖွားနှုန်း ကောင်းပြီး၊ သားဆက်ခြား လိုက်နာမှု မရှိပါလျက် ရခိုင်ပြည်နယ်တွင် အဘယ်ကြောင့် ရိုဟင်ဂျာ ဦးရေ (၈၀၀၀၀၀) သာ ရှိသနည်း။ ရခိုင်နှင့် ရိုဟင်ဂျာ နှစ်ပေါင်း (၂၀၀) နီးပါး အရင်က ၂း၁ ရှိခဲ့သော် လည်း၊ ရိုဟင်ဂျာ ဦးရေသည် ရခိုင် လူဦးရေထက် ထက်ဝက်ကျော် အဘယ်ကြောင့် လျှော့နည်း နေသနည်း။ စစ်အစိုးရ၏ နှစ်ပေါင်း (၅၀) ကျော် ဖိနှိပ်၊ရက်စက်မှုတွေကြောင့် ရိုဟင်ဂျာများ ပြည်ပသို့ နည်းအမျိုးမျိုးဖြင့် ထွက်ပြေး ခိုလှုံရခြင်း ဖြစ်သည်။ Weekly Eleven ဂျာနယ်၏ (၄.၂) သန်းဆိုသည်မှာ ပြည်သူ များကြား စိုးရိမ်စိတ် လွန်ကဲအောင် တမင်ဝါဒ ဖြန့််ခြင်းသာ ဖြစ်သည်။ ဂျာမနီ စစ်အာဏာရှင် ဟစ်တလာမှ ဂျူးလူမျိုးများကို သုတ်သင်နိုင်အောင် ဂျာမန် ပြည်သူ လူထုထံသို့ ဂျူးမုန်းတီးရေးနှင့် စိုးရိမ်စိတ်ကို ပထမဦးစွာ ၀ါဒဖြန့်ခဲ့သည်။ အမေရိကန်သည် ပင်လျှင် အရှေ့အလယ်ပိုင်း နိုင်ငံများကို ထိန်းချုပ်ရန် ဆက်ဒမ်ဟူစိန်ကို နယူးကလီးယား လက်နက် ပိုင်ဆိုင်သော နိုင်ငံအဖြစ် လည်းကောင်း၊ ဒေသတွင်း နိုင်ငံများ အတွက် အလွန် အန္တရာယ် ရှိနိုင်သလို ဖန်တီးကာ၊ ကမ္ဘာနှင့် အိမ်နီးချင်း နိုင်ငံ များကို ၀ါဒမှိုင်း တိုက်၍ အရှေ့အလယ်ပိုင်း နိုင်ငံ များကို ထိန်းချုပ် ခဲ့သည်။ စစ်အစိုးရ အဆက်ဆက် ဖိနှိပ်၊ ညှဉ်းပန်းမှုများကြောင့် ထွက်ပြေး ခိုလှူံနေသော ရိုဟင်ဂျာများကိုပါ ပေါင်းလျှင် ရခိုင် လူမျိုးလူဦးရေကို မမှီနိုင်ပါ။ ဒါကြောင့် နှစ် (၂၀) အတွင်း ရခိုင်ပြည်နယ် လူဦးရေ၏ သုံးပုံ နှစ်ပုံကို ရိုဟင်ဂျာ ဖြစ်လာမည် ဆိုသော စကားသည် ရည်ရွယ်ချက် ရှိရှိ ရိုဟင်ဂျာ များကို နှိပ်ကွပ်ရန် ၀ါဒဖြန့်နေခြင်း ဖြစ်သည်။ ထိုကဲ့သို့ ၀ါဒဖြန့်မှုသည် ယခုမှ မဟုတ်၊ ဦးနေ၀င်း အာဏာရှင် လက်ထက်မှ စ၍ န၀တ၊ နအဖ ခေတ်အဆက်ဆက်မှသည် သိန်းစိန်း အစိုရ လက်ထက်အထိ မြန်မာပြည်သူ လူထုထံသို့ ရိုဟင်ဂျာ မုန်းတီးစိတ် ဖြစ်လာအောင် ဖန်တီး နေခြင်း ဖြစ်သည်။ Weekly Eleven ဂျာနယ် ပြောသလို လူဦးရေ သန်း (၂၀) ထိများလာလျှင် ယူဂိုစလား ဗီးယား ပြိုကွဲတဲ့ ပုံစံမျိုး မြန်မာနိုင်ငံမှာ ဖြစ်လာနိုင်သည်ဟု ဆိုခြင်းမှာ ယခုလိုဖိနှိပ်၊ နှိက်စက်မှု များပေါ်တွင်သာ နိုင်ငံ ပြိုကွဲနိုင်ပြီး၊ တန်းတူညီမျှ အခွင့်အရေး ပေါ်တွင်သာ နိုင်ငံတော်ကို ပို၍ တောင့်တင်း ခိုင်မာ နိုင်စေသည်မှာ လက်ရှိ ကမ္ဘာ့ အဖြစ်အပျက် များက သက်သေခံ နေပါသည်။ “ဘင်္ဂါလီ” အရေးမှာ ကိုယ်လိုချင်တဲ့ ပုံစံဖြစ်အောင် အမေရိကန် အစိုးရနဲ့၊ အမေရိကန် မီဒီယာတွေက ပုံသွင်းလို့ မရဘူးလို့ ဆိုထားပြန်ရာ ရိုဟင်ဂျာ အရေးနှင့်ပတ်သက်၍ မြန်မာ အစိုးရ လိုချင်တဲ့ ပုံစံဖြစ်အောင် အာဏာရှင် အစိုးရနှင့် လက်ဝေခံ မီဒီယာ၊ အထူးသဖြင့် Weekly Eleven မီဒီယာမှ ပုံသွင်းလို့ မရဘူး ဆိုတာ မြဲမြဲမှတ် ထားစေချင်တယ်။

အမေရိကန် နိုင်ငံမှာ အမေရိကန် အကျိုးစီးပွား ရှိပါတယ်။ ဘင်္ဂလား ဒေ့ရ်ှနိုင်ငံမှာ ဘင်္ဂလားဒေ့ရှ် အကျိုးစီးပွား ရှိတယ်။ မြန်မာနိုင်ငံ မှာ လည်း မြန်မာနိုင်ငံရဲ့အကျိုးစီးပွား ရှိနေတယ် ဆိုပြီး လူမျိုးတစ်မျိုး ပျောက်ကွယ် သွားအောင် လုပ်လို့ မရဘူး။ မိမိ အကျိုးစီးပွား အတွက် အခြားသူ တွေရဲ့ အခွင့်အရေး ဖျက်ဆီး နေတာကို ယဉ်ကျေးတဲ့ ကမ္ဘာကြီးက လက်ပိုက် ကြည့်နေမှာ မဟုတ်ဘူး။ “ဘင်္ဂါလီ ဆိုတာ တိုင်းရင်းသား မဟုတ်ဘူး။ ဘင်္ဂါလီပဲ ဖြစ်ဖြစ်၊ မူစလင်မ်ပဲ ဖြစ်ဖြစ်၊ ဘယ်လူနည်းစုတွေ ပေါ်မှာမှ ခွဲခြား ဆက်ဆံတာ၊ ဖိနှိပ်တာတော့ လက်မခံဘူးလို့ ပြောထား ပြန်ပါတယ်။” ရှင်းနေတာကို ရှုပ်အာင် လုပ်ထားတော့ ပြန်ရှင်း နေရတာပါ။ မှန်ပါတယ် ဘင်္ဂါလီ ဆိုတာ တိုင်းရင်းသား မဟုတ်ပါ။ ရိုဟင်ဂျာ ဆိုတာ တိုင်းရင်းသားပါ။ ရခိုင်ပြည်နယ်မှာ ရှိတဲ့ လူနည်းစု မူစလင်မ်တွေကို အာဏာရှင် အဆက်ဆက် ဖိနှိပ်၊ ခွဲခြား ဆက်ဆံနေတာ Weekly Eleven ဂျာနယ်မှ မည်သို့ သက်သေ အထောက်အထား အရ လက်မခံဘူးလို့ ပြောနိုင်ပါသလဲ။

ရုရှား အာဏာရှင် ကွန်မြူနစ် ခေါင်းဆောင် စတာလင်လည်း လူလူချင်း အဆင့် အတန်း ခွဲခြားခြင်း၊ လူမျုိးစွဲများ မရှိဘဲ ကမ္ဘာ့ နိုင်ငံသား စိတ်ရှိ ရမည် ဆိုပြီး ဟောပြော ခဲ့သူ ဖြစ်သည်။ သို့သော်လည်း ၎င်း၏ မိသားစုနှင့် ပတ်သက်သူ မှန်သမျှကို တစ်ယောက်ပြီး၊ တစ်ယောက် ဖျောက်ပစ် ခဲ့သည်။ စတာလင်လို ခွဲခြား ဆက်ဆံတာကို လက်မခံ သလိုပဲလား။

“ဒီမိုကရေစီ ဖြစ်ထွန်း တိုးတက်ရေးနှင့် စစ်မှန်တဲ့ ဖက်ဒရယ် ပြည်ထောင်စု ဖြစ်ရေး အတွက် မဟုတ်ဘဲ တခြား ကိစ္စတွေမှာ လိုအပ်တာထက် ပိုပြီး တွန်းအားပေး လုပ်ဆောင် ခဲ့မယ် ဆိုရင်တော့ မြန်မာနိုင်ငံဟာ အာရှရဲ့ကျား တစ်ကောင် ဖြစ်လာမှာ မဟုတ်ဘဲ ကျားစာ ဖြစ်သွား ပါလိမ့်မယ် ဆိုပြီး ဆောင်းပါးကို အဆုံးသတ် ထားပါတယ်။

ရိုဟင်ဂျာ အရေးသည် ခေတ်အဆက်ဆက် ဖျက်ဆီး ခံနေရသော ကွက်လပ်ကို ဖြည့်ဆည်း ပေးရန် တောင်းဆို နေခြင်းသာ ဖြစ်သည်။ ပြည်နယ်လည်း မတောင်းဆိုပါ။ ကိုယ်ပိုင် အုပ်ချုပ်ခွင့်လည်း မပေးပါနဲ့။ လွတ်လပ်မှု၊ တရားမျှတမှုနှင့် တန်းတူညီမျှကို သာလျှင် တောင်းဆို နေခြင်း ဖြစ်သည်။ Weekly Eleven ဂျာနယ်မှ “ငါ့စကား နွားရ ” စကားပုံ ကဲ့သို့ မိမိလိုချင်တဲ့ အတိုိင်းပုံဖော်ပြီး မြန်မာနိုင်ငံဟာ ကျားတစ်ကောင် ဖြစ်မလာဘဲ ကျားစာ ဖြစ်သွားမှာကို စုိုးရိမ်နေလျှင် အာဏာရှင် အစိုးရနှင့် လက်ကိုင်တုတ် မီဒီယာများမှ လူနည်းစု လူမျိုး၊ ဘာသာဝင်များ အပေါ် ဖိနှိပ်၊ချုပ်ချယ်၊ အမုန်းတရား ၀ါဒဖြန့်ဝေမှုကို စွန့်လွှတ် ရပါမည်။ အကယ်၍ မစွန့်လွှတ်ဘဲ လုပ်မြဲ လုပ်နေလျှင် မြန်မာနိုင်ငံသည် အာရှ၏ ကျားတစ်ကောင် ဖြစ်လာ၊ မဖြစ်လာ နိုင်တော့ တပ်အပ် မပြောနိုင်ပေမဲ့ တရုတ် နိုင်ငံ၏ ခွေးစာ ဖြစ်နေမယ် ဆိုတာ အသေအချာ ပြောနိုင်ပါတယ်။

ဗွီအိုအေမြန်မာပိုင်း

14.6.2014

ယျာတင် (MYARF) နှင့် Rohingya Eye တို့မှ သတင်း ပေးပို့သည်။ 

ရေးသားသူ - ယျာတင် (MYARF)

RB ကဗျာ

11.6.2014

မျော်လင့်ချက် ကမ္ဘာ ပျက်သွားတဲ့ည (သို့မဟုတ်) ငရဲပြည် ဖြစ်သွားတဲ့ ညတစ်ည

RB News

10.6.2014

ဗမာ အမျိုးသားရေးဝါဒီ မျက်ကန်း အစိုးရဟာ လက်မရွံ့ လက်ပါးစေ တစ်သိုက်ကို မွေးမြူပြီး ရခိုင်ဒေသရဲ့ မူလဘူတ လူမျိုး "ရိုဟင်ဂျာ" တွေကို လူမျိုးတုံးသုတ်သင်ဘို့၊ မြန်မာနိုင်ငံအတွင်းရှိ သန်းပေါင်းများစွာသော အစ္စလာမ် သာသနာဝင်တို့ကို ကျေးကျွန်ဘ၀၊ မော်မကြည့်ရဲတဲ့ ဖိနှိပ်ခံဘ၀မျိုး အဖြစ် စနစ်တကျ ဖန်တီးခဲ့ပါ တယ်။

အရိုးခံ ရိုဟင်ဂျာများ၊ ပြည်တွင်းမှ အစ္စလာမ် သာသနာဝင်များဟာ အများပြည်သူများကဲ့သို့ ရိုးရိုးသားသား လုပ်ကိုင်စားသောက်ရင်း ဘ၀များကို ရပ်တည်နေရချိန်မှာ ဗမာ အစွန်းရောက် လူမျိုးကြီးဝါဒီ လူဆိုးလူမိုက် အစိုးရ အဆက်ဆက်က အစ္စလာမ် သာသနာ သုတ်သင်ရေး အတွက် ငွေအား၊ လူအား၊ အာဏာအား၊ လက်နက်အားများနဲ့ နေ့ည မနား နှစ်ပေါင်း ၆၀ ကျော် စနစ်တကျ စီမံ အကွက်ချ ဖန်တီးခဲ့ပါတယ်။ လူနည်းစု လူမျိုးများနဲ့ အစ္စလာမ် သာသနာဝင်များရဲ့ ဘ၀ သိမ်ဖျင်းသောင်လှီ သွားပြီလို့ သူတို့ ယုံကြည်လောက်တဲ့ အချိန် မှာမှ ဗမာ- ဗမာချင်း ဒီမိုကရေစီ အယောင်ပြပြီး ဗမာများသာ မင်းမူဗိုလ်ကျရေး စနစ်ကို ဖန်တီးလိုက်ပါတော့ တယ်။ စစ်အာဏာရှင်များကလည်း ငါတို့ လုပ်ခဲ့တာ တာဝန်ကျေပြီလို့ ဗမာ အမျိုးသားရေး ၀ါဒီတွေရှေ့မှာ သက်သေပြနိုင်ဘို့ နောက်ဆုံးအနေနဲ့ ၂၀၁၂ မှာ လူနည်းစု သုတ်သင်ရေး ပွဲကြီးကို အပိုင်ရိုက်ချလိုက်ပါတော့ တယ်။ ထိုသို့ ပြုလုပ်နိုင်ရန် -

(၁) ဗမာ မာဖီးယား အစိုးရမှ လက်သပ်မွေးထားသော အနောက်သား ဘင်္ဂလီ ရခိုင်များ စိုးမိုးတဲ့ ပါတီကို ဦးဆောင်စေပြီး ဗမာ မဟုတ်သော ဗုဒ္ဓဘာသာများသာ အားသာသော တိုင်းရင်းညီအစ်ကိုများ ပါတီစု ကိုလည်း- တစ်ဘက်မှ ဖန်တီးခဲ့ပါတယ်။

(၂) အဓိက အတိုက်အခံ အင်အားစုများ၊ ဒုတိယ မျိုးဆက်များကိုလည်း အမျိုးသားရေး မှိုင်းတိုက် မဟာ ဗမာ ဗုဒ္ဓ၀ါဒနဲ့ ပုံသွင်းထားနိုင်ခဲ့ပါတယ်။

(၃) လူထုတစ်ရပ်လုံးကို ဘုန်းကြီး ဘန်းပြကာ ဘာသာရေး ပိုက်ကွန်ကြီးနဲ့ အုပ်ထားလိုက်ပြန်ပါတယ်။

ရိုဟင်ဂျာများအား အပြီးသုတ်သင်ဘို့၊ ပြည်တွင်းမှာ အစ္စလာမ် သာသနာအား အပျောက်ရိုက်ဘို့၊ ခရစ်ယာန် ကချင်တို့အား အပိုင် အပွေးသပ်ဘို့၊ ခရစ်ယာန်များ ဖြစ်တဲ့ ကရင်၊ ချင်းတို့ကို သေးသိမ်သွားစေဘို့ ဆိုတဲ့ အယုတ်တမာ အမျိုးသားရေးဝါဒီတို့ရဲ့ မှန်းချက်ဟာ နှမ်းထွက်နဲ့ လွဲသွားစေဘို့ မျှော်လင့်မထားဘဲ ထိပ်တိုက် တိုးခဲ့ရပါပြီ။

အဓိက သော့ချက်က အစိုးရ တစ်ရပ်ကို အပိုင်လှဲဘို့ Genocide ကျူးလွန်တယ် ဆိုတဲ့ အမှုကို ရအောင် ဖေါ်ဆောင်နိုင်ခဲ့ခြင်းသာ ဖြစ်ပါတယ်။ မည်သည့် အစိုးရ မဆို သူတို့ အကြောက်ဆုံး အရာက - "ကမ္ဘာ့ အသိုင်း အ၀ိုင်းက အဆိုပါ အစိုးရတစ်ရပ်သည် Genocide ကျူးလွန်လိုက်ပြီ၊" လို့ သတ်မှတ်ခြင်းသာ ဖြစ်ပါတယ်။ Genocide ကို ကျူးလွန်တဲ့ တရားခံဟာ အာဏာရှင် သမ္မတကြီး တစ်ဦး ဖြစ်နေပါစေ- သူအမှုက လွတ်မြောက် ဘို့ ဘယ်လိုမှ ရုန်းထွက်နိုင်စွမ်း မရှိပါ။

Genocide ကျူးလွန်ပြီလို့ UN က ထုတ်ပြောလိုက်တဲ့နေ့ကစ ထိုသို့ လူမျိုးတုံးသတ်ဖြတ် သုတ်သင်ခံနေရတဲ့ လူမျိုးတစ်ရပ်၊ လူမျိုး တစ်စုအား မည်သည့်နည်းဖြင့်မဆို ကာကွယ်စောင့်ရှောက်ဘို့ရာလည်း ကမ္ဘာ့ အသိုင်း အ၀ိုင်းမှာ တာဝန်တစ်ရပ် ဖြစ်သွားပါတော့တယ်။ ဒီနေရာမှာ "မည်သည့်နည်းဖြင့် မဆို" ဆိုတဲ့ စကားလုံးကို တော့ စာဖတ်သူများ နားလည်မှာပါ။ (သို့သော် UN အနေဖြင့် Genocide ကျူးလွန်ပြီ ဆိုတဲ့ Term ကို ထုတ် ပြောဘို့ ခက်ပါတယ်။ Genocide ကျူးလွန်ပြီ ဆိုတဲ့ စကားလုံးကို ထုတ်ပြောမိရင်- UN အပေါ်မှာ Genocide အဆင့် မဖြစ်မှီ ဘာကြောင့် မကာကွယ်ခဲ့သလဲ ဆိုတဲ့ တာဝန်တစ်ရပ် ဖြစ်သွားရလို့ပါ။) ဒါကြောင့် UN ဟာ Heading to Genocide (လူမျိုးတုံး သတ်ဖြတ်မှုဆီ ဦးတည်နေပြီ)လို့သာ ပြောခွင့်ရှိပါတယ်။ သို့မှသာ သူတို့က ဘယ်နည်းနဲ့ မဆို တားမြစ်ရမယ် ဆိုတဲ့ အဓိပ္ပါယ်ကိုလည်း ပေးပါတယ်။ ဒီစကားလုံးကို UN ထိပ်တန်းအရာရှိ ကြီးများက လျှို့ဝှက် အစည်းအဝေးတွေမှာ ထုတ်ဖေါ်ပြောခဲ့ပါပြီ။ လျှို့ဝှက် ဆိုပေမယ့် သူတို့ရဲ့ သဘောထားကို သိန်းစိန်အစိုးရဆီသို့လည်း အစိုးရအဆင့် ပြောပြီး ဖြစ်ခဲ့ပါပြီ။ UN လူ့အခွင့်အရေး အထူးအရာရှိ ကင်တားနား ကလည်း လူသိရှင်ကြား ပြောပြီး ဖြစ်ခဲ့ပါပြီ။

တရားခံ ဘ၀က ပြေးမလွတ်နိုင်မှန်း သိတဲ့ သိန်းစိန် အစိုးရဟာ ဘင်္ဂလားနဲ့ စစ်တိုက်ပြီး တိုင်းပြည်ကို ၀ရုန်း သုန်းကား အခြေအနေနဲ့ ဖန်တီးထားကာ အချိန်ဆွဲဘို့ ကြိုးစားလိုက်ပါသေးတယ်။ ကမ္ဘာ့ အသိုင်းအ၀ိုင်းက သူတို့ ဘာလုပ်မယ် ဆိုတဲ့ တစ်ကွက်ချင်းကို ကြိုပိတ်ပြီးသား ဖြစ်နေကို သူတို့ ခမြာ ရိပ်မိလိုက်ဟန် မရှိပါ။

နောက်ဆုံး ပိတ်မိသွားတဲ့ အဆင့် ဘာလုပ်မလဲ----။

ကျွန်တော်တို့ ကြိုသိပြီး အတိုင်း "ကျွန်တော်တို့က ဒီအမှုကို ကျူးလွန်ခြင်း မဟုတ်ပါ။ ကျွန်တော်တို့ ထိမ်းသိမ်း ပါတယ်။ သို့သော် ထိမ်းမနိုင်သိမ်းမရ ဖြစ်ခဲ့ရတာပါ၊" ဆိုတဲ့ အကြောင်းပြချက် တစ်ခုကို ဆွဲထုတ်ဘို့ သူတို့ မွေးထားတဲ့ မျောက်တွေကို သူတို့ ချကျွေးရမယ့် အဆင့်ကို ရောက်သွားခဲ့ပါတယ်။

ဝိရသူ လို အကောင်က "ဦးဇင်းတို့ ခိုင်းလို့ အစိုးရက လုပ်တာပဲ ရှိတယ်၊" ဆိုတဲ့ စကား ကမ္ဘာ့ ဘယ်ပညာရှင်က လက်ခံမလဲ။ ၁၉၈၈ အရေးအခင်းကြီး တစ်ခုလုံးကို တစ်ရက်တည်းနဲ့ ဖြေရှင်းနိုင်တဲ့ စစ်အင်အားကို ပိုင်ဆိုင် ထားတဲ့ စစ်တပ် အစိုးရက သင်္ကန်းပတ် တစ်ကောင်နှစ်ကောင်ကို ကြောက်စရာ လိုခဲ့လို့လား။--- "၀ိရသူ ကရော ဒီစကားလုံးကို သူ့စိတ်နဲ့သူ ပြောမယ် ထင်ကြလို့လား၊ တစ်ကယ်တော့ ချကျွေးချင်လာတဲ့အခါ- သေနတ်ထောက် ပြောခိုင်းလိုက်ခြင်းသာ၊ ဆိုတဲ့ အချက် ကလေးက အစ သိနိုင်ပါတယ်။"

စစ်တုရင်ကွက်မှာ ဘုရင် မကျရေး အတွက် နယ်ရုပ်၊ မြင်း၊ စစ်သူကြီး-- နောက်ဆုံး အလှုပ်ရှားနိုင်ဆုံး ဘုရင်မ ထိ ထိုးကျွေးခံရမှာတော့ သဘာဝပါ။

သို့သော် ဘယ်ကောင်ကိုပဲ ထိုးကျွေးထိုးကျွေး- ရိုဟင်ဂျာများ၊ မြန်မာပြည်မှာ အစ္စလာမ်သာသနာဝင်များ၊ လူနည်း စုများ နစ်နာနေသမျှ၊ နစ်နာခဲ့ရသမျှ ပြန်လည် ပေးဆပ်ရမယ် ဆိုတာကိုတော့ ဦးသိန်းစိန် အစိုးရနဲ့ အမျိုးသားရေး ၀ါဒီများ မမေ့စေချင်ပါ။ နစ်နာခဲ့ရတဲ့ အများပြည်သူ မကျေနပ် သ၍၊ တန်းတူညီမျှ အခွင့်အရေး ဥပဒေ မပြဌာန်းသ၍၊ လူနည်းစု ကာကွယ်စောင့်ရှောက်ရေး ဥပဒေ မပြဌာန်းသ၍- ဒီ အရေးယူမှု ဖြစ်စဉ် တစ်ခု လုံးကို လှုပ်ရှားနေတဲ့ ကျွန်တော်တို့ကို မည်သည့် အပေးအယူဖြင့်မျှ လက်ခံစဉ်းစားမည် မဟုတ်ပါ။


မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement

ကိုဇူလ္လာသည် ၎င်း၏ ဆိုင်ကယ် ပြန်လည် ရရှိရေး အတွက် အဆိုပါ စစ်ဗိုလ်ကို ငွေကျပ် တစ်သိန်း ပေးခဲ့ရသည်ဟု အဆိုပါ ဒေသခံမှ ပြောပါသည်။ ကိုဇူလ္လာသည် စစ်ဗိုလ်က ဖမ်းဆီး ညှဉ်းပန်း နှိပ်စက်မည်ကို စိုးရိမ်၍ ထွက်ပြေးစဉ် ဦးမာမတ်ဇူဘိုင်ရ် (ဘ) ဦးဇော်ဖော်ရ်အာမတ် (အသက် ၃၀ နှစ်) ၏ နေအိမ် ခြံဝင်းမှ ဖြတ်ကျော် သွားခဲ့သဖြင့် အဆိုပါ စစ်ဗိုလ်က ဦးမာမတ်ဇူဘိုင်ရ်ကို ဒဏ်ငွေဟု ဆိုကာ ငွေကျပ် တစ်သောင်း ညှစ်ယူခဲ့သည်။

ဗျူဟာမှူးရွာ အခြေစိုက် စစ်တပ် စခန်းမှ စစ်ဗိုလ်များသည် ဗျူဟာမှူးရွာနှင့် မဒီနာရွာမှ ဒေသခံ ရိုဟင်ဂျာ များကို လုပ်ကြံ စွပ်စွဲ၍ ငွေညှစ်ခြင်းများ မကြာခဏ ပြုလုပ် နေသဖြင့် ဒေသခံများ အလွန် စိတ်အနှောက် အယှက် ဖြစ်နေရသည်ဟု ဒေသခံများက ပြောပါသည်။ ၎င်းတို့၏ ဒေသခံများကို ညှဉ်းပန်း နှိပ်စက်နေခြင်း များကို အထက် အာဏာပိုင်များ သိရှိရန် RB News မှတဆင့် ဖော်ပြလျှင်လည်း ထိရောက်စွာ အရေးယူ ဆောင်ရွက် ပေးခြင်း မရှိဘဲ၊ တာဝန်ဖြင့် ပြောင်းရွှေ့ခြင်း လောက်သာ အရေးယူ သဖြင့် ထပ်မံ ရောက်ရှိ လာသည့် စစ်ဗိုလ်များက ဆက်လက်၍ ညှဉ်းပန်း နှိပ်စက် ငွေညှစ်ခြင်း များကို ပြုလုပ်သည်ဟု ဒေသခံများက ပြောပါသည်။

ရေးသားသူ - ယျတင် (MYARF)

RB ကဗျာ

9.6.2014

အမှောင်ထဲက သူရဲကောင်းများ

"အင်းဟင့်…သမီးလည်း ဘာဘာနဲ့အတူ လိုက်မယ် … သမီးဟာ သမီးကြည့် ၀ယ်ချင်တယ် … ပြီးတော့ စာအုပ်တွေလည်း လိုနေတယ်လေ …"

ဦးကျော်စိန် တစ်ယောက် ဘာလုပ်ရမည်နည်း။ သူ့အင်္ကျီအိတ်အပေါ်ကို သူ့ညာဖက်လက် အမှတ်မထင် ရောက်သွား၍ စမ်းကိုင်မိသွားသည်။ တစ်ဆက်တည်း သူက ခေါင်းကို အသာလေး ရမ်းမိလိုက်၏။

"ဟုတ်ပြီ သမီး…မနက်ဖြန် အစောကြီး သွားရတာပေါ့ … ဒီနေ့ နေလည်းမြင့်သွားပြီ ဆိုတော့ အပြင်မှာ အရမ်းလည်းပူနေပြီ … နော် .. သမီး နော်…"

"တကယ် ခေါ်သွားမယ်နော် …"

ချွဲချွဲနွဲ့နွဲ့ ပြောနေသော သမီးကို ဦးကျော်စိန် အပြုံးနဲ့ ခေါင်းညိတ် ပြလိုက်သောအခါ သမီးလေး အလွန်ပျော်သွား၏။ အဖေ့လက်တစ်ဖက်ကို ဆွဲကိုင်ပြီး လက်ဖဝါးလေးပေါ် တစ်ချက်နမ်းလိုက်လေသည်။ ပြီးလျှင် လမ်းပေါ်မှာ ကစားနေသော ကလေးတွေဆီ ပြေးလိုက်သွားတော့၏။

ဘာပူပင်သောကမှ မရှိသော သမီးလေး၏ နောက်ကျောပြင်ကို ငေးကြည့်နေရင်း ဦးကျော်စိန်တစ်ယောက် ဒုတိယအကြိမ် ခေါင်းရမ်းလိုက်တော့သည်။ ဦးကျော်စိန်ဆိုသော သူသည် လွန်ခဲ့သော (၂) နှစ်ခန့်က ကိုယ့်အိမ် ကိုယ့်ယာ- ကိုယ်ပိုင် စီးပွားရေး လုပ်ငန်းဖြင့် မိသားစု ဘဝ တစ်ခုကို အေးအေးချမ်းချမ်း ပျော်ပျော်ရွှင်ရွှင် ဖြတ်သန်းနေခဲ့သူ ဖြစ်သည်။ သို့သော် ယခုအခါ ဦးကျော်စိန် အတွက် အရာရာသည် ပြောင်းလဲလို့နေပြီ။ ကံအကြောင်းမလှလို့ဟု ပြောရမလား သို့မဟုတ် ဘေးတစ်ခု ကပ်ဆိုက် နေသည်ဟုပြောရမလား သူသည် ယခုအခါ အိုးမဲ့ အိမ်မဲ့ စီးပွားရေးမဲ့ အလုပ်အကိုင်မဲ့ ဘဝဖြင့် စစ်တွေ ဘော်ဒူဖာ ဒုက္ခသည် စခန်းထဲမှာ ဖြစ်လို့နေ၏။ တိတိကျကျပြောရလျှင် လွန်ခဲ့သော ၂၀၁၂ ခုနှစ် ဇွန်လ ၁၀ ရက်နေ့သည် ဦးကျော်စိန်တို့ဘဝ၏ အမှောင်ကျဆုံး နေ့တစ်နေ့ဖြစ်ခဲ့ပြီး ထိုနေ့၏ အကျိုးဆက်ကြောင်းကြောင့် ဒုက္ခသည် ဘဝဖြင့် အသက်ရှင် နေရခြင်းဖြစ်သည်။ ထိုနေ့တွင်ရခိုင် အကြမ်းဖက်သမား လူအုပ်ကြီးနှင့် ၎င်းတို့ကို အကြမ်းဖက်နိုင်ရန် လိုလေသေးမရှိ ကူညီထောက်ပံ့ ပေးခဲ့သော လုံထိန်း/ရဲ တို့၏ လက်ချက်ကြောင့် အများသူလို ဦးကျော်စိန်၏ နာဇီရွာက အိမ်နန်းသည်လည်း အကြမ်းဖက်မီးရှို့ ခံခဲ့ရ၏။

နာဇီရွာ ဈေးထဲက သူ့စားကုန်ဆိုင်လည်း အများသူ၏ဆိုင်နှင့်အတူ မီးစားခံ ဖြစ်ခဲ့ရသည်။ နောက်ဆုံးမှာ ဒုက္ခသည်စခန်းကို အခြားသော ဖျက်ဆီး ခံလိုက်ရသူများနှင့် အတူ လက်ဗလာ အသက်ရှင်နိုင်ဖို့တောင် အနိုင်နိုင် ဖြစ်လာခဲ့ရ၏။ သားသမီး နှစ်ယောက်မှာ အကြီးဆုံးက သား။ ၁၆ နှစ်ပြည့်ပြီ ဖြစ်သော သားလေးသည် ယခုနှစ်ဆို ၁၀ တန်းတက်လောက်ပြီ။ သို့သော်လည်း ဒုက္ခသည် ဘဝရောက် နေရသော သားတို့လို မျိုးဆက်တွေ အတွက် ကျောင်းဆိုတာက ဝေးလာဝေး။

နှစ်နှစ်ဆိုသော အချိန်ကာလသည် သူ၏သား ဘဝ စာမျက်နှာပေါ်တွင် ဘာအကျိုးမှ မဖြစ်ထွန်းခဲ့သော ကာလ ဖြစ်၏။ ပညာသည် လူတစ်ယောက်၏ ဘဝမှာ အလွန် အရေးပါသော အရာဖြစ်သော်လည်း သူ့၏သားမှာ ထိုအခွင့်အရေးမရှိရှာ။ ဆုံးရှုံးနေရ၏ ။ သားတို့၏ နောင်ရေးသည် မှောင်မိုက်လို့နေရှာ၏။ ဦးကျော်စိန် တစ်ယောက် အမိုးပွင့်ထောင် ဒုက္ခသည် စခန်းထဲ လဲနေရင်း အတွေး ပင်လယ်ထဲ ကူးခတ် နေလေသည်။ မျက်ရည်စက်များ သူ့ပါးပြင်ပေါ်သို့ အလိုလို ပြိုဆင်းလို့ လာနေ၏။ ဖြစ်ပျက်နေသမျှ အရာအားလုံးကို သားက နားလည်သည်။ သူ့အသက်အရွယ်က ကြီးနေပြီ မဟုတ်လား။ ခက်နေတာက သမီး၏ ပူဆာမူ။ နုနယ်သေးသော ကလေးမို့ လောကအကြောင်း ဖြစ်ပျက်နေသမျှ အခြေအနေ ဘာတစ်ခုကိုမှ နားလည်နိုင်စွမ်းမရှိရှာ။

ရခိုင် အကြမ်းဖက်သမား များနှင့် ယုတ်မာသော အစိုးရ၏ တဖက်သတ် ငယ်နိုင်ဖိနှိပ်မှု ရက်စက်မှုတွေ သမီးလေး ဘာဆို ဘာမှ မသိ။ ယခင်ကလို ကျောင်းတက်ခွင့် ဆိုတာကလည်း ဝေးလာဝေး။ ဒုက္ခသည် ဖြစ်နေရတာ နှစ်နှစ် ရှိပြီ ဖြစ်သော်ငြားလည်း ဒီမိုကရေစီ အရေခြုံအစိုးရက တာဝန်သိယူပြီး ကျောင်းစီစဉ် ပေးတာလည်းမရှိ။ အချို့သော အလှုရှင်များ၏ စီစဉ်ပေးမှုကြောင့် ဒုက္ခသည်စခန်းမှ လူငယ်များကို ၁၀ တန်းအောင် ကျောင်းသားများက စာသင်ပေးနေသည်။ ထိုအထဲတွင် ဦးကျော်စိန်၏ ၆ နှစ် အရွယ် သမီးလည်း တက်ရောက် သင်ယူနေ၏။

ထိုစာသင်ခန်းကို "ကျောင်းမဟုတ်သောကျောင်း "ဟု တင်စားခေါ်ဆိုနိုင်သည်။ ထိုကျောင်းသို့ တက်ရောက် ပညာသင်ယူနေသော ဒုက္ခသည်စခန်းမှ အခြားသော ကလေးများက ယခင်သူတို့မှာ ရှိနေသော ကျောင်းစိမ်း အဝတ်များနှင့် တက်နေခြင်းကို မြင်သော ဦးကျော်စိန်၏ သမီးလေးက သူ့အဖေကို ကျောင်းစိမ်းနှင့် တက်ရမည်ဆိုပြီး ပြောလာ ပူဆာနေခြင်း ဖြစ်သည်။ ပြီးတော့ ဗလာစာအုပ်လည်း လိုနေသည်တဲ့။ ဦးကျော်စိန်၏ လက်တစ်ဖက်က အင်္ကျီ အိတ်ပေါ်သို့ ဒုတိယအကြိမ် အလိုလိုရောက်ရှိ လာတော့သည်။ ပြီးလျှင် သက်ပြင်း ပူပူလေး တစ်ချက်ကို မှုတ်ထုတ်လိုက်သည်။ သမီး၏ အလိုကို ဖြည့်ဆည်း ပေးနေချင်သော ဖခင် တစ်ယောက်၏ ပြင်းပြသော ဆန္ဒကို ငွေကြေး ဆိုသော အရာက ဒုက္ခသည် ဦးကျော်စိန်ကို ပိတ်ဆို့ ဟန့်တားနေလေ၏။

ဦးကျော်စိန် တစ်ယောက်တည်းကိုသာလျှင် ဟန့်တား နေခြင်း မဟုတ်။ ဒုက္ခသည်စခန်းရှိ ရိုဟင်ဂျာတိုင်း လိုလိုသည် အတူတူ ဖြစ်လို့ နေလေသည်။ ဦးကျော်စိန်၏ မျက်ရည်များ ပါးပြင်ပေါ်သို့ တာကျိုးသွားသည့်နှယ် စီးဆင်းလာနေ၏။

"ဘာဘာ … ဘာဖြစ်လို့ ငိုနေတာလဲ … နေမကောင်းဘူးလား ဘာဘာ" ကစားပြီး ပြန်ရောက်လာသော သမီး၏ စကားလေးကို ကြားမိ၍ ဦးကျော်စိန်၏ အတွေးတွေ ပြတ်တောက်သွားခဲ့သည်။ ရုတ်တရက် ကြောင်အမ်းအမ်း ဖြစ်သွား၏။ သူ့ပါးပြင်ပေါ်က မျက်ရည်စက်များကိုသမီးက သုတ်ပေးနေတော့သည်။

"ဘာမှမဖြစ်ပါဘူး သမီးလေးရေ … ဘာဘာ နေကောင်းပါတယ်ကွယ်"

သမီးလေး စိတ်အေးသွားအောင် ဦးကျော်စိန်က မျက်နှာပေါ်အပြုံးပန်းတွေ ဟန်ဆောင် ပန်နေရင်း လိမ်ပြော လိုက်သော်လည်း သမီးက မျက်ရည်စက်လက်နှင့်

"အာ့ဆို သမီး ပူဆာမိခဲ့လို့ ငိုနေတာလား … စိတ်ချပါ ဘာဘာ … သမီး နောက်ဘယ်တော့မှ မပူဆာပါဘူး…သမီး လိမ်လိမ် မာမာ နေပါ့မယ်၊ ဘာဘာ … သမီးကြောင့် ဘာဘာ စိတ်မဆင်းရဲရဘူး … နော် ဘာဘာ … သမီးကြောင့် ဘာဘာ မျက်ရည်ကျ ရတာကို သမီး မကြည့်ရက်လို့ပါ"

ဦးကျော်စိန် တစ်ယောက် သမီး၏ အရွယ်နှင့် မလိုက်အောင် စကားပြောဆို နေမှုကို ကြားမိပြီး တွေဝေ သွားမိသည်။ သြော် … တရားလွန် ဖိနှိပ်မှုက နုနယ်သေးသော ကလေးငယ်များ၏ နှလုံးသားကိုတောင် နာကျင် ရင့်ကျက်စေပြီလား။ ဦးကျော်စိန်၏ ရင်ထဲ ဆိုင်ကလုန်း မုန်တိုင်းတစ်ခု ဝင်ရောက် မွှေနှောက် နေသည့်နှယ် စိတ်ထဲ အရမ်းခံစား နာကျည်း သွားလေသည်။ မျက်ရည်မိုးက ထိန်းမနိုင်လောက်အောင် ပို၍ပို၍ ရွာသွန်း နေလေ၏။ ဘဝကို စိတ်ကုန်သွားပြီး

လက်မြှောက် အရှုံးပေးချင်နေမိ၏။ လွန်ခဲ့သော ငါးလ လောက်က သမီးရဲ့အမေ ဦးကျော်စိန်၏ ဇနီးသည် ကိုယ်ဝန်နှင့် ဆေးရုံတက်ခွင့် မရရှာသောကြောင့် ဆုံးပါးသွားခဲ့သည်။ ထိုနောက်ပိုင်း ဦးကျော်စိန်တစ်ယောက် သူ့ရင်ထဲ၌

လောင်ကျွမ်း နေသောမီးကို သားသမီး နှစ်ယောက်၏ မျက်နှာတွေ ကြည့်ရင်း ငြိမ်းစေခဲ့ရသည်။ အထီးကျန်မှု ဝေဒနာကို သားသမီးများနှင့် အတူနေခြင်းဖြင့် ကုသစေပြီး ဘဝနေ့ရက်များကို အားယူ ဖြတ်သန်း နေရခြင်း ဖြစ်သည်။ သမီးကို

သူ့ရင်ခွင်ထဲ ဆွဲယူ ပွေ့ဖက်ထား လိုက်ပြီး ဟစ်ငိုနေရင်း

"မဟုတ်ပါဘူး သမီးလေးရယ် … သမီးကြောင့် ဘာဘာ ဘယ်တော့မှ စိတ်မဆင်းရဲ ခဲ့ပါဘူး … ငါ့သမီးက လိမ်မာ ပြီးသားပါ … မငိုပါနဲ့ သမီး … တိတ်ပါတော့ … သမီး ငိုနေမှပဲ ဘာဘာ စိတ်ဆင်းရဲတာ … နော် သမီး တိတ်တိတ် … မနက်ဖြန် သမီးကို ရတယ်နည်းနဲ့ သမီး လိုနေ သမျှ ဘာဘာ ဖြည့်ဆည်းပေးမယ် … တိတ်ပါ သမီးလေးရယ် … တိတ်နော် .. သမီးလေး …”

သူတစ်ပါးကို မငိုမိဖို့ ထပ်ခါခါ ပြောနေသော ဦးကျော်စိန် တစ်ယောက် သူ့ကိုယ်သူတော့ မငိုမိအောင် ထိန်းချုပ်မရ ဖြစ်လို့နေသည်။ ငိုရင်းငိုရင်းနှင့် သမီးနှင့်အတူ ဦးကျော်စိန်ပါ အိပ်ပျော် သွားလေသည်။ အကယ်၍ ဦးကျော်စိန်သာ အိပ်ပျော်ချိန်အတွင်း အိပ်မက်မက် ခဲ့မည်ဆိုလျှင် သူသည် သူ့သားနှင့်သမီး နှစ်ယောက် တို့ကို အမှောင် ကမ္ဘာ တစ်ခုထဲ တွန်းပို့နေတာ မက်နေမည်မှာ ဧကန်မလွဲပင်။ ***

ရခိုင်ပြည်နယ် အနှံ့ မိမိတို့၏ အိုးအိမ်များ မီးရှို့ တိုက်ခိုက် ခံရ၍ ဒုက္ခသည် ဘဝဖြင့် ပြန့်ကျဲ နေရသော ရိုဟင်ဂျာ ကလေးငယ်များ၏ ပညာရေး အခွင့်အလမ်း ဆုံးရှုံးခံနေရခြင်းကို ခံစား၍ ဇတ်လမ်းဖွဲ့ ရေးထားခြင်း ဖြစ်ပါသည်။ ***

လူသားဖြစ်ပြီး လူမဆန်စွာ ရက်စက်ဖိနှိပ်ခံနေရရင်း ဒုက္ခသည်စခန်း၌ နေနေရသော ကလေးငယ်များ၏ နောင်ရေးဘဝ သာယာ အေးချမ်းရေးကို နိဗ္ဗာန် အကျိုးမျှော်၍ လှူဒါန်း ကူညီ ပေးကြပါရန် စာရေးသူမှ အလေးအနက်ထား တောင်းဆိုပါသည်။

စာဖတ်သူများ အားလုံး ကျေးဇူးတင်စွာဖြင့် …