အောင်အောင်

ဗွီအိုအေမြန်မာပိုင်း

23.7.2015

ရခိုင်ပြည်နယ် တောင်ပြို လက်ဝဲ စခန်းမှာ ထိန်းသိမ်း ထားတဲ့ ဘင်္ဂလားဒေ့ရှ် နိုင်ငံသား တွေထဲက ရာနဲ့ချီကို ဘင်္ဂလားဒေ့ရှ် နိုင်ငံဘက်ကို ပြန်လည် လွှဲပြောင်း ပေးအပ် ခဲ့တယ်လို့ မြန်မာဖက်က ပြောဆို လိုက်ပါတယ်။ မကြာခင် ရက်ပိုင်းတွေ အတွင်းမှာ လည်း နောက်ထပ် လွှဲပြောင်း ပေးသွားဖို့ ၂ နိုင်ငံကြား သဘောတူညီ ထားခဲ့တယ်လို့ မြန်မာ ဒုတိယ နိုင်ငံခြားရေး ၀န်ကြီးက ပြောဆိုပါတယ်။ ဒီအကြောင်း ကိုအောင်အောင်က တင်ပြပေးမှာပါ။

လွန်ခဲ့တဲ့ မေလ အတွင်း ဘင်္ဂလားဒေ့ရှ် နိုင်ငံသား ၅၀၀ ကျော်လောက် ပါဝင်တဲ့ လှေစီး ဒုက္ခသည်တွေကိုမြန်မာနိုင်ငံ ရေပိုင်နက်အတွင်း ဖမ်းဆီးထိန်းသိမ်း လိုက်နိုင်တာပါ။ အခုအခါမှာ အဲဒီထဲက တချို့ကို ဘင်္ဂလားဒေ့ရ်ှနိုင်ငံကို ပြန်လည် လွှဲပြောင်းပေးလိုက်ပြီလို့ မြန်မာ ဒုတိယ နိုင်ငံခြားရေးဝန်ကြီး ဦးသန့်ကျော်က ဗွီအိုအေကို အခုလိုပြောပါတယ်။

"တောင်ပြို လက်ဝဲမှာ ရှိနေတဲ့ လှေစီးဘင်္ဂလီတွေပေါ့လေ ကျနော်တို့ ထိန်းသိမ်း ထားတာ ရှိတယ် မဟုတ်လား။ အဲ့ဒီ့ဥစ္စာက ကျနော်တို့က ဒါကို မနေ့တနေ့ကပဲ ၂၂ရက်နေ့ကပဲ ၁၅၅ယောက် ဘင်္ဂလားဒေ့ရ်ှကို ပြန်ပို့ပြီးသွားပြီလေ။ "

ဘင်္ဂလားဒေ့ရ်ှနိုင်ငံက လှေစီးဒုက္ခသည်တွေအရေးနဲ့ ပါတ်သတ်ပြီး ၂ နိုင်ငံကြား ပူးပေါင်းဆောင်ရွက်မှုတွေ ရှိနေပြီး မကြာခင်မှာ ဘင်္ဂလားဒေ့ရ်ှနိုင်ငံသားတွေကို ထပ်မံ လွှဲပြောင်းပေးသွားဖို့ရှိတယ်လို့ ဦးသန့်ကျော်ကပြောပါတယ်။

" ဒီနေ့လည်း ဘင်္ဂလားဒေ့ရ်ှကနေပြီးတော့ ကျနော်တို့ကို နောက်ထပ် ၁၅၉ယောက် သူတို့နိုင်ငံသားဖြစ်ကြောင်း သူတို့ဘက်က အတည်ပြုတဲ့အတွက် ကျနော်တို့က လာမယ့် ၃၀ရက်နေ့လောက်မှာ နောက်ထပ် ၁၅၉ယောက်ကို ဘင်္ဂလားဒေ့ရ်ှနိုင်ငံဘက်ကို ပြန်ပို့ဖို့ ကျနော်တို့ အစီအစဉ် စလုပ်နေပါပြီ။

ဆင်းရဲလွန်းလှတဲ့ အခြေအနေနဲ့ ဖိနှိပ်ခံရမှုတွေကြောင့်မြန်မာနိုင်ငံ ရခိုင်ပြည်နယ် အတွင်းက မွတ်ဆလင် လူနည်းစုတွေနဲ့ ဘင်္ဂလားဒေ့ရ်ှနိုင်ငံသားတွေ ဟာ နေရပ်ရင်း ကို စွန့်ခွါပြီး အရှေ့တောင် အာရှနိုင်ငံတွေဖြစ်တဲ့ မလေးရှား၊ ထိုင်းနဲ့ အင်ဒိုနီးရှားနိုင်ငံတွေကို လှေစီးဒုက္ခသည်အဖြစ် သွားရောက်နိုင်ဖို့ ကြိုးစားရင်း လွန်ခဲ့တဲ့မေလနဲ့ ဇူလိုင်လ အတွင်းမှာ အဲဒီလှေစီးဒုက္ခသည်တွေကို ရခိုင်ကမ်းရိုးတန်း၊ ဧရာဝတီတိုင်း ဟိုင်းကြီးကျွန်း အနီးနဲ့ မြန်မာနိုင်ငံတောင်ဘက် စွန်းက မြန်မာ့ရေပိုင်နက်အတွင်းမှာ ဖမ်းဆီး ထိန်းသိမ်းခဲ့တာ ဖြစ်ပါတယ်။

RB News

22.7.2015

မြောက်ဦး ။ ။ ရခိုင်ပြည်နယ်၊ မြောက်ဦး မြို့နယ် အထွေထွေ အုပ်ချုပ်ရေး ဦးစီးဌာနမှ ညွန်ကြားစာ တစ်စောင်ကို ယခုလတွင် ထုတ်ပြန်လိုက်ပြီး ယင်းစာကို မြောက်ဦး မြို့နယ်ရှိ ရိုဟင်ဂျာ လူမျိုးများ နေထိုင်သည့် ကျေးရွာများသို့ ပေးပို့ခဲ့သည်။ ယင်းစာတွင် မြို့နယ် ကျော်လွန်၍ ခရီးသွားလိုပါက ရပ်ကွက် / ကျေးရွာ အုပ်စု အုပ်ချုပ်ရေးမှူး ထောက်ခံစာနှင့် အတူ မြို့နယ် အထွေထွေ အုပ်ချုပ်ရေး ဦးစီးဌာနမှ ခွင့်ပြုချက် ရယူပြီး သွားရမည်ဟု ပါရှိသည်။ အကယ်၍ ယင်းညွန်ကြားချက်ကို မလိုက်နာဘဲ မြို့နယ် ကျော်လွန်၍ ခရီးသွားသည်ကို စစ်ဆေး တွေ့ရှိရပါက ပုဒ်မ (၁၈၈) အရ အရေးယူ ဆောင်ရွက်မည်ဟု ရေးသား ဖော်ပြထားသည်။

အဆိုပါစာနှင့် ပတ်သက်၍ မင်းပြား မြို့နယ်မှ ဒေသခံ တစ်ဦးက “အထူးသဖြင့် ဒီစာက ကျွန်တော်တို့ မင်းပြား မြို့နယ်မှာ ရှိတဲ့ ရိုဟင်ဂျာ လူမျိုးများနဲ့ မြောက်ဦး မြို့နယ်မှာ ရှိတဲ့ ရိုဟင်ဂျာလူမျိုး များကို ရည်ညွန်းပြီး ထုတ်လိုက်တာ ဖြစ်ပါတယ်။ ကျွန်တော်တို့ ရိုဟင်ဂျာ လူမျိုးများကို ထုတ်ပေးနေတဲ့ အစိမ်းရောင် ကဒ်ပြားတွေကို လက်မခံတဲ့ အတွက် ဒီစာကို ထုတ်ပြီး သွားလာခွင့်ကို ပိုပြီး တင်းကျပ်လိုက်တယ်လို့ ယူဆတယ်။ နောက်တစ်ခု မင်းပြား မြို့နယ်မှာ ရှိတဲ့ ကျွန်တော် ရိုဟင်ဂျာ လူမျိုး အားလုံးက မြောက်ဦး မြို့နယ် ပေါင်းတုတ် ကျေးရွာကို သွားပြီး ဈေးဝယ် ဈေးရောင် လုပ်ကိုင် စားသောက် နေကြရတာပါ။” ဟု ဒေသခံ တစ်ဦးက RB News သို့ပြောပါသည်။

၎င်းက ဆက်လက်၍ “ကျွန်တော်တို့ လုပ်ကိုင် စားသောက် နေတဲ့ လုပ်ငန်းတွေ၊ သွားလာရေး၊ စားရေး သောက်ရေး ကိစ္စတွေ အားလုံးကို အဆင့်ဆင့် ပိတ်ပင်ပြီး သူတို့ လိုချင်တဲ့ ပုံစံခွက်ထဲကို ထည့်ဖို့ ကြိုးစားနေတယ်လို့ ကျွန်တော်တို့ ဒေသခံတွေက ယူဆပါတယ်” ဟု ပြောပါသည်။

ဦး​အောင်​မျိုးမင်း
ပြည်​နယ်​ လွှတ်​​တော် ​ကိုယ်​စားလှယ်​
မောင်တောမဲဆန္ဒနယ်​
မောင်​​တောမြို့၊ ရခိုင်ပြည်နယ်

ရက်​စွဲ။ ။ ၂၀၁၅ ခုနှစ် ဇူလိုင်လ (၂၂) ရက်

အ​ကြောင်းအရာ ။ ။ ပြည်သူများ အကျိုးကို ထိခိုက်စေမည့် စည်းရုံးမှုနှင့် ပတ်သက်၍ ရင်ဖွင့်ခြင်း။

လေးစားစွာဖြင့်​

၁။ ကျွန်​​တော်​ ရင်​ဖွင့်​​နေသူသည်​ ရခိုင်​ပြည်​နည်​၊ ​မောင်​​တောမြို့​ပေါ်​နေ ဘွဲ့ရပညာတတ်​ ရိုဟင်​ဂျာ တစ်​ဦး ဖြစ်​ပါသည်​။ ကျွန်​​တော်​သည်​ ပြည်​​ထောင်​စု ကြံ့ခိုင်​​ရေးနှင့်​ဖွံ့ဖြိုး​ရေးပါတီ (ပြည်​ခိုင်​ဖြိုး) ပါတီဝင်​ တစ်​ဦးလည်း ဖြစ်​ပါသည်​။ ၂၀၁၀ ခုနှစ်​တွင်​ ကျင်းပပြုလုပ်​ခဲ့​သော အ​ထွေ​ထွေ​ရွေး​ကောက်​ပွဲ၌ လူကြီးမင်းတို့၏ ပြည်​ခိုင်​ဖြိုးပါတီကို ကိုယ်​တိုင်​လည်း မဲထည့်​ခဲ့ပြီး ​ဒေသခံများကိုလည်း ပြည်​ခိုင်​ဖြိုးပါတီကိုသာ မဲထည့်​ရန်​ စည်းရုံးခဲ့သူ တစ်​ဦးဖြစ်​ပါသည်​။ ထိုသို့ ပြည်​ခိုင်​ဖြိုးပါတီထဲဝင်၊​ ပြည်​ခိုင်​ဖြိုးပါတီကို မဲထည့်​၊ ပြည်​ခိုင်​ဖြိုးပါတီ ​အနိုင်​ရ​ရေး ကြိုးပမ်းခဲ့ခြင်း၏ အဓိက အချက်​မှာ မဲဆွယ်​ခဲ့သည့် အချိန်က ​ပေးခဲ့​သော လူကြီးမင်းတို့၏ ကတိကဝတ်များကို ယုံကြည်​ခဲ့​သော​ကြောင့်​ပင်​ ဖြစ်​ပါသည်​။

၂။ ခေတ်​အဆက်​ဆက်​ အစိုးရလက်​ထက်​၌ အ​ကြောင်းအမျိုးမျိုး​ကြောင့်​ ဆုံးရှုံးခဲ့ရ​သော ရခိုင်​ပြည်​ဖွား ရိုဟင်​ဂျာများ၏ ​မွေးရာပါ တိုင်းရင်းသား နိုင်​ငံသား အခွင့်​အ​ရေးများကို ဒီမိုက​ရေစီအစိုးရလက်​ထက်​တွင်​ တရားမျှတ​သော ဥပ​ဒေ​ဘောင်​အတွင်းက လှုပ်​ရှား၍ ​ဆောင်​ကြဉ်​​ ပေးပါမည်​ဟု ​လူကြီးမင်း အ​နေဖြင့်​ လူထု​ဟော​ပြောပွဲ အလယ်​၌ ဟစ်​​အော်​၍ အာမခံခဲ့ဖူးပါသည်​။ ကျွန်​​တော်​တို့၏ မဲများဖြင့်​ ပြည်​ခိုင်​ဖြိုးပါတီသည်​လည်း ​မောင်​​တောခရိုင်းတွင်​ ရာနှုန်းပြည့်​ နိုင်​ခဲ့ပြီး လူကြီးမင်းသည်​လည်း ပြည်​နယ်​လွှတ်​​တော်​ ကိုယ်​စားလှယ်​တစ်​ဦး ဖြစ်​လာခဲ့ပါသည်​။

၃။ သို့​သော်​ လူကြီးမင်းသည်​ မဲ​ပေးခဲ့သူ ပြည်​သူများအတွက်​ မည်​ကဲ့သို့မျှ အကျိုးဖြစ်​ထွန်း​သည့်​ လုပ်​​ဆောင်​ချက်​မျိုးကို စွမ်း​ဆောင်​​ ပေးနိုင်​ခြင်း မရှိခဲ့သလို ၂၀၁၂ ခုနှစ်​ ဇွန်​လတွင်​ ဖြစ်​ပွားခဲ့​သော ပဋိပက္ခ​နောက်​ပိုင်း လူကြီးမင်း၏ လွှတ်​​တော်​သည်​ မိမိ၏​နေအိမ်​ ဖြစ်​လာခဲ့သည်​မှာ လက်​​တွေ့ပင်​ဖြစ်​ပါသည်​။ ပြည်​ခိုင်​ဖြိုးပါတီသည်​ လက်​ရှိအာဏာရပါတီ ဖြစ်​​နေ​လင့်​ကစား ပြည်​ခိုင်​ဖြိုးပါတီဝင်​ လွှတ်​​တော်​ကိုယ်​စားလှယ်​တစ်​ဦးဖြစ်​​သော လူကြီးမင်းကို သက်​ဆိုင်​ရာ အာဏာပိုင်​များက လွှတ်​​တော်​တက်​ခွင့်​ ရနိုင်​ရန်​ ​ဆောင်​ရွက်​မ​ပေးခဲ့ခြင်းသည်​ကို ကျွ​န်​​တော်​ မဲဆန္ဒရှင်​ ပြည်​သူတစ်​ဦးအ​နေဖြင့်​ အလွန်​ပင်​ စိတ်​မ​ကောင်း ဖြစ်​မိပါသည်​။ သို့​သော်​လည်း လစာကို ပုံမှန်​ ထုတ်​ယူခွင့်​ရ​နေသည်​ကို သိရှိရသဖြင့်​ တဖန်​ ဝမ်းသာပီတိဖြစ်​မိပါသည်​။

၎။ လွန်​ခဲ့​သော ​မေလ (၃၁) ရက်​​နေ့ ​နောက်​ဆုံးထား၍ နိုင်​ငံ​တော်​သမ္မတ၏ အမိန့်​ဖြင့်​ ကျွန်​​တော်​ ရိုဟင်​ဂျာများ၏ ယာယီသက်​​သေခံ ကဒ်​ပြားများကို သိမ်းယူလိုက်ပါသည်​။ ယခုအခါ လ.ဝ.က အရာရှိကြီးများက ကျွန်​​တော်​တို့ ရိုဟင်ဂျာ များကို နိုင်​ငံခြားသားများသာ ကိုင်​​ဆောင်​ရ​သည့်​ "နိုင်​ငံသားစီစစ်​ခံရမည့်​သူ၏သက်​​သေခံကဒ်​ပြား" (ခ) "အစိမ်းနု​ရောင်​ကဒ်​ပြား" ကို (၂) နှစ်​ယာယီ​နေထိုင်​ခွင့်​သ​ဘောဖြင့်​ ထုတ်​​ပေးရန်​ ပြင်​ဆင်​လျက်​​ရှိ​သော်​လည်း စစ်​မှန်​ မှန်​ကန်​​သော သမိုင်း​ကြောင်းအရ ရခိုင်​ပြည်​နယ်​၏ မူလဘူတ တိုင်းရင်းသား လူမျိုးဖြစ်​​သော ကျွန်​​တော်​တို့ ရိုဟင်​ဂျာ ပြည်​သူပြည်​သားများက ထိုကဲ့သို့ နိုင်​ငံခြားသားများသာ ကိုင်​​ဆောင်​ရ​သော ကဒ်​မျိုးကို မကိုင်​​ဆောင်​လို​ကြ​ပေ။ မြန်​မာနိုင်​ငံ၏ တည်​ဆဲဥပ​ဒေအရ​သော်​လည်း ထိုကဒ်​မျိုးကို ကျွန်​​တော်​တို့ ရိုဟင်​ဂျာလူမျိုးမှ ကိုင်​စရာမလိုဟု ကျွန်​​တော်​​ လေ့လာသိရှိရပါသည်​။ အဘယ်​​ကြောင့်​ဆို​သော်​ ကျွန်​​တော်​တို့ ရိုဟင်​ဂျာလူမျိုးသည်​ ယခုထုတ်​​ပေး​နေ​သော "နိုင်​ငံသားစီစစ်​ခံရမည့်​သူ၏ သက်​​သေခံကဒ်​ပြား" ထက်​ အလွန်​အဆင့်​မြင့်​​သော အမျိုးသားမှတ်​ပုံတင်​ကဒ်​ပြားကို လက်​ဝယ်​ပိုင်​ဆိုင် ကိုင်​​ဆောင်​​နေသူများ ဖြစ်​​နေ​သော​ကြောင့်​ပင်​ ဖြစ်​ပါသည်​။ အမျိုးသားမှတ်​ပုံတင်​ကဒ်​ပြားသည်​ တစ်​ချိန်​က မြန်​မာတစ်​နိုင်​ငံလုံးရှိ တိုင်းရင်းသား နိုင်​ငံသားများ အားလုံးကို တစ်​​ပြေးညီ ထုတ်​​ပေးခဲ့​သော ကဒ်​တစ်​မျိုးဖြစ်​ပါသည်​။ မည်​သည့်​ နိုင်​ငံခြားသားကိုမျှ အမျိုးသာမှတ်​ပုံတင်​ကဒ်​ ထုတ်​​ပေးခဲ့ခြင်း မရှိသည်​ကိုလည်း ကျွန်​​တော်​ ​လေ့လာ​တွေ့ရှိရပါသည်​။

၅။ သို့​သော်​ ယခုအခါ ​ဒေသခံ ရိုဟင်​ဂျာပြည်​သူပြည်​သားများ လက်​မခံလို​သော နိုင်​ငံခြားသားများသာ ကိုင်​​ဆောင်​ရ​သည့်​ "နိုင်​ငံသားစီစစ်​ခံရမည့်​သူ၏ သက်​​သေခံကဒ်​ပြား" (ခ) "အစိမ်းနု​ရောင်​ကဒ်​ပြား" ကို လက်​ခံယူရန်​ ​ဒေသခံရိုဟင်​ဂျာပြည်​သူပြည်​သားမျာကို လူကြီးမင်းမှ စည်းရုံး ​​ပြောဆို​နေခြင်းသည်​ လူကြီးမင်းအ​ပေါ်ထားရှိသည့်​ ကျွန်​​တော်​တို့ ပြည်​သူပြည်​သားများ၏ ​မျှော်​လင့်​ချက်​ကို လူကြီးမင်းက ရစရာမရှိ​အောင်​ ဖျက်​ဆီးလိုက်​တာနှင့်​ အတူတူပင်​ ဖြစ်​​နေပါသည်​။

ထို့အပြင်​ မဲဆွယ်​ခဲ့တုန်းက ပြုခဲ့​သော လူကြီးမင်း၏ ကတိကဝတ်​နှင့်​လည်း လုံးဝ ဆန့်​ကျင်​ဖီလာ ဖြစ်​​နေ​ပါသည်​။

၆။ သို့ဖြစ်​ပါ၍ ပြည်​သူများ၏ အသည်းထဲမှ မဲများဖြင့်​ ​ရွေး​ကောက်​တင်​​မြှောက်​​ပေးခဲ့​သော လူကြီးမင်းအ​နေဖြင့်​ ပြည်​သူများ၏ အကျိုးစီးပွားကို ​ဆောင်​ရွက်​မ​ပေးနိုင်​ခဲ့ခြင်းကို နားလည်​​ပေးနိုင်​​သော်​လည်း ယခုလို ပြည်​သူများ၏ ဆန္ဒကို ငဲ့ညှာ​ထောက်​ထားခြင်းမပြုဘဲ ကိုယ်​ကျိုးစီးပွားကို​ရှေ့တန်းတင်​လျက်​ ပြည်​သူများ၏ ဆန္ဒနှင့်​ ဆန့်​ကျင်​စွာ ​ပြောဆို လုပ်​​ဆောင်​​နေခြင်းကို ကျွန်​​တော်​ မဲဆန္ဒရှင်​ ပြည်​သူတစ်​ဦးအ​နေဖြင့်​ လုံးဝ လုံးဝကို မကြိုက်​မနှစ်​သက်​ သ​ဘောမတူ​ပါ။ ထို့အပြင်​ လူကြီးမင်း၏ ​ဘေးပတ်​ဝန်းကျင်​ ပုဂ္ဂိုလ်​အချို့က လူကြီးမင်း၏ အခွင့်​အာဏာ နာမည်​ဂုဏ်​ပုဒ်​ကို အလွဲသုံးစားပြုလုပ်​၍ သူတို့၏ ကိုယ်​ကျိုးစီးပွားအတွက်​ ရခိုင်​ပြည်​နယ်​၏ မူလဘူတ ဌာ​နေတိုင်းရင်းသား နိုင်​ငံသားဖြစ်​​သော ရိုဟင်​ဂျာများကို နိုင်​ငံခြားသားဖြစ်​​သွားအောင် စည်းရုံး၍​ ကြံစည်​ လုပ်​​ဆောင်​​နေခြင်းသည်​ကိုလည်း ကျွန်​​တော်​ မဲဆန္ဒရှင်​ ပြည်​သူတစ်​ဦးအ​နေဖြင့်​ လုံးဝ လုံးဝကို မကြိုက်​မနှစ်​သက်​ သ​ဘောမတူ​ကြောင်း RB News မှတဆင့်​ လွတ်​လပ်​စွာ ရင်​ဖွင့်​ လိုက်​ပါသည်​။

ကျေးဇူးတင်​ပါသည်​။

မောင်​​တော​​ဒေသခံ ရိုဟင်​ဂျာပြည်​သူတစ်​ဦး

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျောက်လှေကား ကျေးရွာရှိ နယ်မြေ (၆) နယ်ခြားစောင့် ရဲတပ်ဖွဲ့ စခန်းတွင် တာဝန်ခံ ဒုရဲမှူး တစ်ဦး ပြောင်းရွှေ့လာသည်မှာ တစ်လခန့် ရှိပြီး၊ ၎င်းရောက်ရှိ လာသည့်နေ့မှ စ၍ နယ်မြေရုံး ခြံဝင်း အတွင်းသို့ နွား၊ ဆိတ်များ ၀င်ရောက်ပါက သိမ်းဆည်း ထားခြင်းများ လုပ်ဆောင်လျက် ရှိသည်။ 

အဆိုပါ ဒုရဲမှူးသည် နယ်ခြားစောင့်ရဲ (၇) ဦးကို ဟော်ရော်တော်လီ ဖာရာ GE ခွဆုံသို့ စေလွှတ်ပြီး၊ ကား၊ ဆိုင်ကယ်များဖြင့် သွားလာ နေသည့် ဒေသခံ ရိုဟင်ဂျာများကို ရပ်တန့်ခိုင်းကာ ယာဉ်မောင်း လိုင်စင်၊ ဆိုင်ကယ် လိုင်စင်၊ ဘီးခွန်၊ ဆိုင်ကယ် ဦးထုပ် ရှိ/မရှိ စစ်ဆေးပြီး မည်သည့် အပြစ်မှ မတွေ့ရှိပါက ဆိုင်ကယ်၊ ကား ၀ယ်ယူရန်ငွေ ဘယ်က ရသလဲဟု မဆိုင်သည့် မေးခွန်း မေးမြန်းပြီး အကြောင်း အမျိုးမျိုးပြကာ ငွေညှစ်လျက် ရှိကြောင်း ဒေသခံများက RB News သို့ပြောသည်။

ဇူလိုင်လ (၁၁) ရက်နေ့တွင် မင်္ဂလာကြီး ကျေးရွာမှ ဦးဆွေယောဒ်ဟူဆောင်း (ဘ) ဦးအူလာမျာ (အသက် ၂၇ နှစ်) သည် ဆိုင်ကယ်ဖြင့် မောင်တော မြို့ပေါ်သို့ သွားနေစဉ် အဆိုပါ ခွဆုံတွင် နယ်ခြားစောင့် ရဲများက စစ်ဆေးကာ ဆိုင်ကယ် ဦးထုပ်မပါဟု လုပ်ကြံ စွပ်စွဲပြီးနောက် ငွေကျပ် ၅ သောင်း အတင်းအဓမ္မ ညှစ်ယူရာ နောက်ဆုံးတွင် ငွေကျပ် တစ်သောင်း ပေးမှသာ ပြန်လည် လွှတ်ပေးခဲ့သည်။

ထို့အပြင် နယ်မြေ (၆) နယ်ခြားစောင့် ရဲတပ်ဖွဲ့ စခန်းတွင် အ၀တ်လျှော်၊ အိမ်အကူ လုပ်ငန်း လုပ်၍ ၀မ်းစာရှာနေသူ ကျောက်လှေကား ကျေးရွာမှ အာမီနာ (ဘ) ဦးမောင်ဖြူ (အသက် ၂၅ နှစ်) ကို အဆိုပါ ဒုရဲမှူး ပြောင်းလာသည့် နေ့မှစ၍ ညစဉ်ညတိုင်း ပျော်ပါးနိုင်ရန် အတွက် မိန်းကလေး တစ်ဦး ခေါ်ယူလာပေးရန် အတင်းအကျပ် ဖိအားပေး စေခိုင်းလျက် ရှိနေသလို၊ အာမီနာကိုလည်း ပြည့်တန်ဆာ အဖြစ် အသုံးပြုနေကြောင်း၊ တစ်ညအတွက် ငွေကျပ် နှစ်သောင်းကျပ်စီ အာမီနာကို ပေးလျက် ရှိသည်ဟု နယ်မြေရုံးနှင့် နီးစပ်သူ တစ်ဦးက ပြောပါသည်။ 

အဆိုပါကိစ္စနှင့် ပတ်သက်၍ ကျေးရွာ လူကြီး တစ်ဦးက “ဒီလို မိန်းကလေးတွေနဲ့ ပျော်ပါးနေတာ သူတို့ ကိုယ်တိုင် ဥပဒေကို ချိုးဖောက် နေတာပါ။ ကျွန်တော်တို့ ရွာသားတွေရဲ့ ကိုယ်ကျင့်တရား ပေါ်မှာလည်း အလွန်ကို စိုးရိမ်စရာ အခြေအနေ ဖြစ်လာပါပြီ။ အဲဒီရဲမှူးက နယ်မြေ အနီးအနားမှရှိတဲ့ ဆင်းရဲတဲ့ မိန်းကလေး တွေကို လက်နက် အာဏာနဲ့ ဖိအားပေးပြီး ပြည့်တန်ဆာ အဖြစ် ခိုင်းစေနေတာက ရင်နာစရာ ဖြစ်နေတယ်။ ရဲမှူးရဲ့ တာဝန် ၀တ္တရားနဲ့ လုပ်ရပ်တွေက လုံးဝ ကိုက်ညီမှု မရှိတာကြောင့် အထက်အရာရှိများ အနေနဲ့ ထိထိရောက်ရောက် အရေးယူပေးဖို့ လိုအပ်ပါတယ်” ဟု ပြောပါသည်။

Rohingya Eye

RB News

20.7.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ငါးခူရ ကျေးရွာ အခြေစိုက် နယ်မြေ (၅) နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲ (၈) ဦးသည် ဇူလိုင်လ (၁၈) ရက်နေ့ ည(၈) နာရီ အချိန်တွင် ဆိုင်ကယ်များဖြင့် ဦးရှဥ့်ကျ ကျေးရွာသို့ သွားရောက်၍ ကွမ်းယာဆိုင်တွင် မိုဘိုင်းဖုန်း အခွံများတွင် memory ကဒ်ထည့်၍ သီချင်း နားထောင်နေသည့် လူငယ် (၃) ဦးကို ဘင်္ဂလားဖုန်းများ သုံးစွဲနေသည်ဟု လုပ်ကြံ စွပ်စွဲ ဖမ်းဆီး၍ နယ်မြေ (၅) ရုံးသို့ ခေါ်ဆောင် သွားပြီး ဇူလိုင်လ (၁၉) ရက်နေ့တွင် ဖမ်းဆီးခံရသူ အပြစ်မဲ့ (၃) ဦးထံမှ ငွေကျပ် ၅ သိန်း ညှစ်ယူပြီး၊ နှစ်ဦးကို ပြန်လည် လွှတ်ပေးခဲ့သော်လည်း တစ်ဦးကို ယခု အချိန်ထိ ချုပ်နှောင် ထားကြောင်း ဒေသခံများက RB News သို့ပြောသည်။

ဖမ်းဆီးခံရသည့် အပြစ်မဲ့ (၃) ဦးမှာ ဦးမာမတ်အာလောမ် (ဘ) ဦးရှောမ်ရှုအာလောမ် (အသက် ၃၆ နှစ်)၊ ဦးဟာမိတ်ဟူဆောင်း (ဘ) ဦးနာဇဲရ်ဟူဆောင်း (၃၇ နှစ်) နှင့် ဦးဖော်ရိတ်အာလောမ် (ဘ) ဦးအေရှာတ်အာလောမ် (အသက် ၂၈ နှစ်) တို့ဖြစ်ပြီး၊ ဦးဖော်ရိတ်အာလောမ်ကို ယခု အချိန်ထိ ချုပ်နှောင် ထားခြင်း ဖြစ်သည်။ 

အဆိုပါ ကျေးရွာမှ လူကြီးလည်းဖြစ်၊ ယခင် န.စ.က များ၏ တပည့်ဟောင်း ဖြစ်ခဲ့သူ၊ ယခု လက်ရှိ နယ်ခြားစောင့် ရဲများ၏ ပွဲစားဖြစ်နေသူ ဦးမောင်မောင်စိုး (ခ) ရှုနာမျာ (ဘ) ဦးဒူဒူ (အသက် ၃၉ နှစ်) ၏ မဟုတ်မမှန် သတင်းပေးမှုကြောင့် ဖမ်းဆီးခဲ့ခြင်း ဖြစ်သည်ဟု ဒေသခံများက ပြောပါသည်။ ၎င်းသည် နယ်ခြားစောင့် ရဲများနှင့် ပူးပေါင်း ဖမ်းဆီး၍ ငွေညှစ်၍ ရသည်ထဲမှ ဝေစု ရနေသောကြောင့် မမှန်မကန် သတင်းပေးပြီး ကျေးရွာသားများကို ဒုက္ခပေးလျက် ရှိသည်ဟု ဆိုသည်။

MYARF
RB News
20.7.2015

မောင်တော ။ ။ ရခိုင်ပြည်နယ်၊ မောင်တော မြို့နယ် ဦးရှဥ့်ကျ ကျေးရွာရှိ အခြေခံ ပညာ အလယ်တန်း ကျောင်းခွဲတွင် အစိုးရမှ ထောက်ပံ့သော ကျောင်းသုံး ပုံနှိပ် စာအုပ်များကို ကျောင်းသား/သူ များကို မပေးဘဲ အပြင်သို့ ရောင်းချ လိုက်ကြောင်း သတင်း ရရှိပါသည်။ 

မောင်တော မြို့နယ် ဦးရှဥ့်ကျ ကျေးရွာရှိ အခြေခံ ပညာ အလယ်တန်း ကျောင်းခွဲတွင် နိုင်ငံတော် အစိုးရမှ ထောက်ပံ့သော ပုံနှိပ်စာအုပ် များကို ကျောင်းအုပ် ဆရာကြီး ဖြစ်သူ ဦးရှာကေရ်က အလယ်တန်း ကျောင်းသားများကို မပေးဘဲ ကြက်ရိုးပြင် ဈေးတွင် ရောင်းချခဲ့ကြောင်း ဒေသခံများက RB News သို့ပြောသည်။

၎င်းကျောင်းတွင် အလယ်တန်း ကျောင်းသား/သူ ဦးရေ ၁၀၀ ပတ်ဝန်းကျင် ရှိပြီး၊ မူလတန်း ကျောင်းသား/သူ ၁၀၀၀ ကျော် ရှိသည်။ 

အလားတူ မူလတန်း ကျောင်းသား/သူ များရရှိသော ပုံနှိပ်စာအုပ်၊ ဗလာစာအုပ်နှင့် အခြား အစိုးရမှ အခမဲ့ ထောက်ပံ့သော ပစ္စည်းများကို ကျောင်းသား/သူ ၄၀% ခန့်သာ ရရှိပြီး၊ ကျန်သည့် ကျောင်းသား/သူ ၆၀% ကျော် မရရှိဟု ဒေသခံများက ဆိုသည်။ ကျောင်းသား/သူ အများစုမှာ ဆင်းရဲသော မိဘများ၏ သားသမီးများ ဖြစ်သောကြောင့် ပြင်ပမှ ၀ယ်ယူရန် အခက်အခဲများစွာ ကြုံတွေ့လျက် ရှိကြောင်း သိရသည်။ 

ကျောင်းတွင် အစိုးရမှ ခန့်ထားသည့် ဆရာ/မ ၁၆ ဦး ရှိသော်လည်း တစ်ဦးမှ လာရောက်၍ စာသင်ကြား ပေးခြင်း မရှိဟု ဆိုသည်။ ရွာမှ ခန့်ထားသည့် ဆရာ/မ ၇ ဦးရှိသော်လည်း ၎င်းတို့ထဲတွင် မူလတန်းပြ ဆရာ/မ ၂ ဦးသာ ပါဝင်သဖြင့် အဆိုပါ ၂ ဦးက ကျောင်းသား/သူ ၁၀၀၀ ကျော်ကို သင်ကြား ပေးနေရကြောင်း ဒေသခံများက ပြောပါသည်။

MYARF
RB News
20.7.2015

၂၀၁၀ ခုနှစ်က ယနေ့ သမ္မတ တာဝန်ယူထားတဲ့ ဦးသိန်းစိန် ကိုယ်တိုင် ဗိုလ်ချုပ်ကြီး သိန်းစိန် ဘ၀နဲ့ ဘူးသီးတောင်နဲ့ မောင်တောမြို့နယ် တွေကို လာရောက်ပြီး ပြည်ခိုင်ဖြိုးပါတီကို မဲပေးဖို့၊ အခွင့်အရေးများ အားလုံး ပြန်လည် ရရှိမယ်လို့ ကတိပေးခဲ့သလို၊ ပြည်ခိုင်ဖြိုး ပါတီ ကိုယ်စားပြု ယှဉ်ပြိုင်မယ့် အမတ်များကလည်း တူညီတဲ့ ကတိက၀တ် ပြုပြီး ရိုဟင်ဂျာ ပြည်သူများဆီက မဲယူခဲ့တယ်။ အခြေအနေ ထူးခြားမလာတဲ့ အပြင် အဆိုးဆုံး အခြေအနေကို ယနေ့ ရင်ဆိုင်နေရပါတယ်။ 

ပြည်ထောင်စု ရွေးကောက်ပွဲ ကော်မရှင်က ၂၀၁၅ ခုနှစ် ရွေးကောက်ပွဲကို နိုဝင်ဘာလ (၈) ရက်နေ့မှာ ကျင်းပမယ်လို့ ကြေညာပြီးတဲ့ နောက်ပိုင်းမှာ ရခိုင်ပြည်နယ် မြောက်ပိုင်းက ပြည်ခိုင်ဖြိုး အမတ်များက ရွေးချယ်ခံဖို့ အမတ်များ စာရင်းကို တင်သွင်းခဲ့တယ်။ ဘူးသီးတောင်နဲ့ မောင်တော ဒေသမှာ ပြည်ခိုင်ဖြိုး အမတ် (၅) ဦး ရှိပြီး၊ နှစ်စု ကွဲနေတယ်လို့ ပြောရင် မှားမယ် မထင်ဘူး။ အဲဒီတော့ နှစ်စုလုံးက မိမိတို့နဲ့ အဆင်ပြေမယ့်သူတွေရဲ့ အမည်များကို တင်သွင်းခဲ့တယ်။ 

ရခိုင်ပြည်နယ်မှာ ရိုဟင်ဂျာများ ယှဉ်ပြိုင်ရင် အနိုင်ရမယ့် မဲဆန္ဒနယ် (၁၃) နေရာ ရှိနေပါတယ်။ ၂၀၁၂ ခုနှစ်တုန်းက မဲကို ညှိနှိုင်းခဲ့လို့ ရိုဟင်ဂျာ အမတ်နေရာ နည်းခဲ့ခြင်း ဖြစ်ပါတယ်။ 

ဗြိတိသျှ လက်အောက်ခံ လက်ထက် ၉၁ ဌာန အုပ်ချုပ်ရေးခေတ်ကလည်း ရိုဟင်ဂျာများဟာ မြန်မာ တိုင်းရင်းသားများ အဖြစ် မဲပေးခွင့် ရခဲ့ပြီး၊ မြန်မာ့ လွတ်လပ်ရေး ဗိသုကာ ဗိုလ်ချုပ်အောင်ဆန်းရဲ့ တိုင်းပြုပြည်ပြု လွှတ်တော်မှာလည်း ရိုဟင်ဂျာ အမတ် နှစ်ဦး ပါဝင်ခဲ့သလို၊ လွတ်လပ်ရေး ရပြီး ဦးနုခေတ်၊ မ.ဆ.လ ပါတီ ဦးနေ၀င်းခေတ်မှာလည်း ရွေးချယ်ခံခွင့်၊ မဲပေးပိုင်ခွင့်များ ရရှိခဲ့ပါတယ်။ 

စစ်အစိုးရလက်ထက် ၁၉၉၀ ခုနှစ် ရွေးကောက်ပွဲမှာလည်း မဲပေးခွင့် ရခဲ့သလို၊ ရွေးချယ်ခံခွင့် ရှိခဲ့လို့သာ အမျိုးသား ဒီမိုကရက်တစ် လူ့အခွင့်အရေး ပါတီ (NDPH) က လွှတ်တော်အမတ် လေးဦး ရွေးချယ်ခံခဲ့ရတာပါ။ ၂၀၁၀ ခုနှစ် ရွေးကောက်ပွဲမှာလည်း မဲပေးခွင့် ရခဲ့လို့ ယနေ့ ပြည်ခိုင်ဖြိုးက လွှတ်တော် အမတ် (၅) ဦး ရှိနေခြင်း ဖြစ်ပါတယ်။ 

ခေတ်အဆက်ဆက်မှာ တိုင်းရင်းသားများ၊ နိုင်ငံသားများနဲ့ တန်းတူ အမျိုးသား မှတ်ပုံတင် ကဒ်ပြားများ ကိုင်ဆောင်ခွင့် ရခဲ့ပြီး၊ စစ်အစိုးရ လက်ထက်မှာ စနစ်တကျ စီမံကိန်း ရေးဆွဲပြီး၊ ယာယီ သက်သေခံ ကဒ်ပြားများကို အတင်းအဓမ္မ ကိုင်ဆောင်ခိုင်းခဲ့တယ်။ ယခုအခါမှာတော့ အစိမ်းနုရောင် ယာယီ နေထိုင်ခွင့် ကဒ်ပြားများ သဖွယ် အတင်းအဓမ္မ ကိုင်ခိုင်း နေတာကို ရိုဟင်ဂျာ မိဘ ပြည်သူများ အားလုံး အသိပင် ဖြစ်ပါတယ်။ 

ရိုဟင်ဂျာများ အနေနဲ့ ခေတ်အဆက်ဆက်မှာ တိုင်းရင်းသား အဖြစ် ရပ်တည်နိုင်ခဲ့ပြီးမှ ယခု အစိုးရ လက်ထက်မှာ ခိုးဝင် ဘင်္ဂါလီများ အဖြစ် သတ်မှတ်ခံရခြင်း ဘ၀ကို ရောက်ရှိခဲ့ရတော့ပါတယ်။ 

ဝှိုက်ကဒ် ယာယီ သက်သေခံ ကဒ်ပြားများကို သိမ်းဆည်းပြီး အစိမ်းနုရောင် ကဒ်ပြားများ ထုတ်ပေးပြီး နိုင်ငံသား လျှောက်ထားခိုင်းခြင်းရဲ့ ရည်ရွယ်ချက်မှာ ရာစုနှစ်ပေါင်းများစွာ မိမိတို့ရဲ့ ပင်ရင်း နိုင်ငံအဖြစ် နေထိုင်လာတဲ့ အာရ်ကာန် ဒေသရဲ့ မူလဘူတ တိုင်းရင်းသား ရိုဟင်ဂျာ များကို နိုင်ငံခြားမှ ရောက်ရှိလာသူများ အဖြစ် သတ်မှတ်ပြီး ပြုနိုင်ငံသား ကဒ်ပြား (အစိမ်းရောင်) များ ကိုင်ဆောင်ခိုင်းဖို့ လုပ်ဆောင် နေတာကြောင့် ရိုဟင်ဂျာ ပြည်သူတွေက အခုထုတ်ပေးနေတဲ့ နှစ်နှစ် သက်တမ်း ရှိတဲ့ အစိမ်းနုရောင် ကဒ်ပြားကို ခါးခါးသီးသီး ငြင်းဆန် နေကြခြင်း ဖြစ်ပါတယ်။ 

နိုင်ငံသား၊ ပြုနိုင်ငံသားနဲ့ ဧည့်နိုင်ငံသားများသာ မဲပေးခွင့် ရှိမယ့် လာမယ့် ရွေးကောက်ပွဲမှာ ရိုဟင်ဂျာတွေဆီက မဲရဖို့ ရိုဟင်ဂျာများကို ၂ လ - ၃ လ အတွင်း ပြုနိုင်ငံသား ထုတ်ပေးနိုင်မှသာ မဲရမှာ ဖြစ်တယ်ဆိုတာ ပြည်ခိုင်ဖြိုး ပါတီလည်း သိပါတယ်။ အဲဒီတော့ အစိမ်းနုရောင် ကဒ်ပြားကို ငြင်းနေတဲ့ ရိုဟင်ဂျာ ပြည်သူများဆီက မဲရမယ်ဆိုတာကို မျှော်လင့်လို့ မရတော့တဲ့ အတွက် ရိုဟင်ဂျာ အမတ်များကို မရွေးချယ်ဖို့ ပြည်ခိုင်ဖြိုး ဗဟိုက ဆုံးဖြတ်လိုက်တာကို မြေပြင်မှာ ရှိတဲ့ ပါတီ အကြီးအကဲ အချို့ဆီက သိလာရတယ်။ 

ယခု နောက်ဆုံးရ သတင်းများအရ ရခိုင်ပြည်နယ် မြောက်ပိုင်းက ပြည်ခိုင်ဖြိုး ပါတီဝင် မွတ်စလင် အမတ် ရွေးထားတယ်လို့ နိုင်ငံတကာကို ပြရုံသက်သက် အနေနဲ့ အမတ်တစ်ယောက်ကိုသာ ရွေးချယ်ခံခွင့် ပေးမှာ ဖြစ်ပြီး၊ ကျန်တဲ့ မဲဆန္ဒနယ် (၁၂) နေရာမှာ ဘယ်မွတ်စလင် ရိုဟင်ဂျာကိုမှ ရွေးချယ်ခံခွင့် ပေးမှာ မဟုတ်ဘူးလို့ သိရတယ်။ ရွေးချယ်ခံခွင့် ပေးမယ် ဆိုတဲ့ တစ်ယောက်ကလည်း အမျိုးသား လွှတ်တော် ဥက္ကဌ ဦးခင်အောင်မြင့် အတူ နိုင်ငံခြား ခရီးစဉ်တွေမှာ အစိုးရ အလိုကျ ဘင်္ဂါလီ (ရိုဟင်ဂျာ) တွေကို နှိပ်စက်နေခြင်း မရှိဘူး၊ ရိုဟင်ဂျာ ဆိုတာ မြန်မာနိုင်ငံမှာ မရှိဘူးလို့ မိမိရဲ့ ကိုယ်ကျိုး စီးပွားကို ရှေ့ရှုပြီး လိမ်ညာပေးခဲ့သူမို့ အခုလာမယ့် ရွေးကောက်ပွဲမှာ ရွေးချယ်ခံခွင့်နဲ့ ဂုဏ်ပြုခံနေရခြင်း ဖြစ်ပါတယ်။ အဲဒီ အမတ်တစ်ယောက် ရွေးချယ်ခံရဖို့ လိုအပ်တဲ့ မဲအရေအတွက်ကလည်း အဲဒီ မဲဆန္ဒနယ်ထဲက ၆၀၀၀ ကျော်လောက်သာ လိုအပ်တာမို့ ရွေးကောက်ပွဲ မတိုင်ခင် အစိုးရ အလိုတော်ရိ မိသားစုဝင်များကို စည်းရုံးပြီး အစိမ်းနုရောင် ကဒ်ပြား ကိုင်ခိုင်း၊ ဘင်္ဂါလီနဲ့ ပြုနိုင်ငံသား ထုတ်ပေးပြီး မဲရအောင် ယူသွားမယ်လို့ စီစဉ်ထားတာ သိရတယ်။ 

အဲဒီတော့ ပြည်ခိုင်ဖြိုး အမတ်တွေထဲက အုပ်စုတစ်စု (အစိုးရ အလိုကျ နှုတ်ပိတ်နေခဲ့တဲ့ အုပ်စု) ကတော့ သူတို့ ရွေးချယ်ခံခွင့် ရရှိရေးအတွက် ရိုဟင်ဂျာများကို အစိမ်းနုရောင် ကဒ်ပြား ကိုင်ခိုင်းဖို့ စည်းရုံးပေးမယ်လို့ ပါတီ ဗဟိုကို ကတိပြုပြီး ရိုဟင်ဂျာ လူထုများ ရှိတဲ့ မောင်တော၊ ဘူးသီးတောင်နဲ့ စစ်တွေ မြို့များကို ဖုန်းများဆက်ပြီး လိုက်လံ စည်းရုံးနေတာလည်း ကြားသိနေရပါတယ်။ 

အဲဒီတော့ ရိုဟင်ဂျာလူထုမှာ ရွေးချယ်စရာ နှစ်လမ်း ရှိနေပါတယ်။ အစိမ်းနုရောင် ကဒ်ပြားကိုင်၊ နိုင်ငံသား စီစစ်ခံပြီး၊ ပြုနိုင်ငံသား ကဒ်ပြား ကိုင်မလား? ဒါမှမဟုတ် ရိုဟင်ဂျာနဲ့ နိုင်ငံသားကဒ် (ပန်းရောင်) ရအောင် ဆက်လက် ချီတက်မလား? 

ခေတ်အဆက်ဆက်မှာ ရိုဟင်ဂျာ တိုင်းရင်းသား အဖြစ် နိုင်ငံသား အခွင့်အရေး အပြည့်အ၀နဲ့ နေထိုင်လာတဲ့ ရိုဟင်ဂျာများ အတွက် ပြည်ခိုင်ဖြိုး အမတ် ရွေးချယ်ခံခွင့်နဲ့ မဲပေးခွင့်က အရေးမကြီးပါဘူး။ အရေးကြီးတာက “ရိုဟင်ဂျာ” သာ ဖြစ်ပါတယ်။ 

အဲဒီတော့ ရိုဟင်ဂျာများကို လူမျိုး၊ ဘာသာ မပါတဲ့ ပန်းရောင်ကဒ်ပြားများ ထုတ်ပေးရင် လက်ခံနိုင်ဖွယ် ရှိသလို၊ လူမျိုး နေရာမှာ “ရိုဟင်ဂျာ” ပါတဲ့ ပန်းရောင် ကဒ်ပြား ထုတ်ပေးရင်လည်း မှန်ကန်တဲ့ ရပိုင်ခွင့်သာ ဖြစ်ပါတယ်။ 

အဲဒီနှစ်မျိုးကလွဲပြီး ကျန်တာတွေ ရိုဟင်ဂျာ လူထု အတွက် အရေးမကြီးသလို၊ နှစ်ကြိမ်တိုင်တိုင် အလိမ်ခံရဖူးသူတွေမို့၊ ဘယ်လိုဖြစ်လာမှာဆိုတဲ့ မက်လုံးများကို မယုံကြည်ဘဲ မိမိတို့ ဆုံးရှုံးသွားတဲ့ ရပိုင်ခွင့်များအတွက် ဆက်လက်ချီတက်ကြပါလို့ မြေပြင်က ရိုဟင်ဂျာ ညီနောင် တစ်ဦးက ရိုဟင်ဂျာများ အားလုံးကို တိုက်တွန်း နှိုးဆော်အပ် ပါကြောင်း။

RB News

18.7.2015

MOI Webportal Myanmar ကနေ ဇူလိုင်လ (၁၆) ရက်နေ့က “ဘင်္ဂါလီ ဒုက္ခသည်များ အတွက် ထောက်ပံ့ပေးသည့် ပစ္စည်းများ လိုအပ်သည့် အတိုင်း အတာထက် ပိုမိုများပြား နေမှုကြောင့် လမ်းဘေး ဈေးဆိုင်များဖွင့်၍ တစ်ဆင့် ပြန်လည် ရောင်းချခြင်းများ ပြုလုပ်လျက်ရှိ” ဆိုတဲ့ ခေါင်းစဉ်နဲ့ သတင်းတစ်ပုဒ် တက်လာတယ်။

အဲဒီသတင်းကို အင်္ဂလိပ်လို ဘာသာပြန်ရေးထားတာတော့ မတွေ့မိဘူး။ ရေးရင်လည်း နိုင်ငံတကာ အစိုးရများ၊ ကုလသမဂ္ဂ အဖွဲ့အစည်းများ၊ နိုင်ငံတကာ မီဒီယာများနဲ့ ရိုဟင်ဂျာအရေး ဆောင်ရွက်နေတဲ့ နိုင်ငံခြားသားများ အတွက် “Joke of the year” ဖြစ်သွားမှာကြောင့် ထင်ပါတယ်။

၂၀၁၂ ခုနှစ် ဇွန်လမှာ ဖြစ်ပွားခဲ့တဲ့ ရိုဟင်ဂျာများကို သတ်ပွဲ၊ ရိုဟင်ဂျာအိမ်များ မီးရှို့ပွဲများ အပြီးမှာ စစ်တွေမြို့ တစ်မြို့ထဲမှာဘဲ ရိုဟင်ဂျာ တစ်သိန်းကျော် ဒုက္ခသည်စခန်းကို ရောက်ရှိသွားပြီး၊ တရားဝင် ဒုက္ခသည်များ အဖြစ် အခုအချိန်ထိ ၃ နှစ်ကျော်ကျော် ဒုက္ခသည် စခန်းထဲမှာဘဲ ရှိနေကြတယ်။ အဲဒါအပြင် တရားဝင် မှတ်ပုံတင်ထားခြင်း မရှိတဲ့ ဒုက္ခသည် စခန်းများမှာ နေထိုင်နေရတဲ့ ရိုဟင်ဂျာ ဒုက္ခသည် ၅၀၀၀၊ အောင်မင်္ဂလာ ရပ်ကွက်မှာ ၄၀၀၀ ကျော်နဲ့ ရွာတွေမှာ ဒုက္ခသည် မဟုတ်ဘဲ ဒုက္ခသည်များ သဖွယ် ဖြစ်နေတဲ့ ရိုဟင်ဂျာ တစ်သိန်းကျော် ရှိနေတယ်။

တရားဝင် မှတ်ပုံတင်ထားတဲ့ ဒုက္ခသည် စခန်းများမှာ ရှိနေတဲ့ ဒုက္ခသည်များက အထောက်အပံ့တွေ၊ ရိက္ခာတွေ ရနေကြပေမယ့်၊ ကျန်တဲ့ တရားဝင် မှတ်ပုံတင်ထားခြင်း မရှိတဲ့ ဒုက္ခသည်တွေ၊ အောင်မင်္ဂလာ ရပ်ကွက်က ရိုဟင်ဂျာတွေ၊ ရွာတွေမှာ ရှိကြတဲ့ ရိုဟင်ဂျာတွေက ဘာအထောက်အပံ့၊ ရိက္ခာမှ မရကြဘူး။

လူသတ်ပွဲ၊ မီးရှို့ပွဲများ အပြီးမှာ စစ်တွေမြို့က ရိုဟင်ဂျာတွေမှာ လုပ်ကိုင်စားသောက်ဖို့ အခွင့်အလမ်း လုံးဝ (လုံးဝ) မရှိကြတော့ဘူး။ အဲဒီတော့ ဒုက္ခသည်စခန်း ပြင်ပနဲ့ တရားမ၀င် ဒုက္ခသည် စခန်းများမှာ နေထိုင်သူတွေက ပြည်တွင်းနဲ့ ပြည်ပ အလှူရှင်များရဲ့ အထောက်အပံ့များနဲ့သာ ရပ်တည်နေကြရတယ်။

တရားဝင် ဒုက္ခသည်တွေကို ကမ္ဘာ့ စားနပ်ရိက္ခာ အဖွဲ့ (WFP) က လစဉ် ရိက္ခာပေးနေတာမှာ -- လူတစ်ယောက်ကို တစ်လမှာ ဆန် ၁၃ ကီလို၊ ပဲ ၂ ကီလိုနဲ့ ဆီ ၁ လီတာ ပေးပါတယ်။ အဲဒီတော့ ဟင်းချက်စရာ အသား၊ ငါး၊ ဟင်းသီးဟင်းရွက်၊ ကြက်သွန်၊ ဂျင်း၊ ငရုတ်သီးနဲ့ အခြား ဟင်းချက်ဖို့ လိုအပ်တာတွေ ဘယ်ကရမလဲ? အဲဒီတော့ ကုလသမဂ္ဂ အဖွဲ့အစည်းတွေ၊ နိုင်ငံတကာ အန်ဂျီအိုတွေ၊ နိုင်ငံတကာနဲ့ ပြည်တွင်း အလှူရှင်များက ဒုက္ခသည်စခန်းတွေကို သွားပြီး စောင်၊ အ၀တ်အထည်နဲ့ အခြား အသုံးအဆောင် ပစ္စည်းတွေ ပေးတာတွေကို ဈေးပေါပေါနဲ့ ပြန်လည် ရောင်းချပြီး၊ ဟင်းချက်စရာနဲ့ အခြား အရေးကြီး လိုအပ်တဲ့ ပစ္စည်းတွေ ၀ယ်ယူဖို့ လုပ်ကြရတယ်။

ဒီနေရာမှာ အထူးသတိထားစေချင်တာက ရခိုင်ပြည်နယ် အစိုးရက လစဉ်ထောက်ပံ့နေတယ်လို့ MOI ပြန်ကြားရေး ၀န်ကြီးဌာနရဲ့ သတင်းမှာ ရေးထားပါတယ်။ ဒါက တကယ်ကို လွန်လွန်ကျူးကျူး အရှက်မရှိ ရေးထားခြင်းသာ ဖြစ်ပါတယ်။ တကယ်တမ်းမှာ WFP အဖွဲ့က ဒုက္ခသည်စခန်းတွေမှာ ရိက္ခာဖြန့်ဖြူးဖို့ planning မှာ ရခိုင်ပြည်နယ် အစိုးရက ပါဝင် ကူညီပေးတာက လွဲလို့ ရိက္ခာနဲ့ အသုံးအဆောင် ပစ္စည်း ထောက်ပံ့ပေးနေတာ လုံးဝ (လုံးဝ) မရှိဘူး။

၂၀၁၂ ခုနှစ် ဇွန်လကစပြီး ယနေ့ အချိန်ထိ ၃ နှစ်ကျော်ကာလမှာ ပြည်ထောင်စု အစိုးရနဲ့ ရခိုင်ပြည်နယ် အစိုးရက ရိက္ခာ ထောက်ပံ့တာ၊ အသုံးအဆောင် ပစ္စည်း ထောက်ပံ့တာ လုံးဝ (လုံးဝ) မရှိခဲ့ဘူး။ အစိုးရက ရှိတယ်လို့ ပြောရင်လည်း အရှက် သိက္ခာမဲ့စွာ လိမ်ညာခြင်းပါပဲ။ အစိုးရက အမှန်ပြောတာ ဘယ်တုန်းကမှ မရှိခဲ့ဘူးဆိုတာလည်း မြန်မာ ပြည်သူတွေ အားလုံး သိပါတယ်။

တရားဝင် ဒုက္ခသည် စခန်းမှာရှိတဲ့ ရိုဟင်ဂျာ ဒုက္ခသည်တွေက ရိက္ခာရနေကြပေမယ့်၊ တရားမ၀င် ဒုက္ခသည်တွေ၊ အောင်မင်္ဂလာ ရပ်ကွက်က လူတွေ၊ ရွာတွေမှာ ရှိနေတဲ့ လူတွေ ရိက္ခာမရတဲ့ အတွက် သူတို့ရဲ့ အခြေအနေက ပိုဆိုးနေတယ်။ ၂၀၁၂ ခုနှစ် ဇွန်လတုန်းက အောင်မင်္ဂလာ ရပ်ကွက်မှာ လူဦးရေ တစ်သောင်းနီးပါး ရှိခဲ့ပေမယ့် အခုဆိုရင် ၄၀၀၀ ကျော်သာ ကျန်တော့တယ်။ စားသောက်ဖို့ ခက်ခဲလာတာကြောင့် စက်လှေပေါ် တက်သွားတဲ့လူတွေ ရှိသလို၊ အချို့လည်း ဒုက္ခသည် စခန်းတွေကို ပြောင်းရွှေ့ သွားတာ ရှိပါတယ်။

အဲဒီတော့ MOI က ရေးသလို ပိုလျှံနေလို့ ရောင်းချနေတာ မဟုတ်ဘဲ၊ မိမိတို့မှာ လိုအပ်နေတဲ့ ကွက်လပ်ပေါင်းများစွာကို ဖြည့်ဖို့ ရောင်းချနေရတာ ဖြစ်ပါတယ်။

ဒါတွေအပြင် ဒုက္ခသည်စခန်း တစ်ခုကနေ နောက်တစ်ခုကို သွားလာတဲ့ အခါ လုံခြုံရေး ကင်းစခန်းတွေက ရဲတွေ၊ စစ်သားတွေရဲ့ လုယက်ခြင်း၊ ရိုက်နှက်ခြင်းကိုလည်း မကြာခဏ ခံနေရတယ်။ တစ်ခါတစ်ရံမှာ အသတ်ခံရတာလည်း ရှိပါတယ်။ ကိုယ်ဝန်ဆောင် အမျိုးသမီးတွေ စစ်တွေ ဆေးရုံကြီးကို တက်ပြီး ကလေးမွေးတဲ့ အခါ ကလေးရော၊ မိခင်ပါ သေဆုံးရတာတွေလည်း မနည်းလှဘူး။

ကျန်းမာရေးအတွက် နိုင်ငံတကာ အန်ဂျီအိုများက ကူညီဆောင်ရွက် ပေးနေပေမယ့် လုံလောက်မှု လုံးဝ မရှိဘူး။ အခုဆိုရင် နိုင်ငံတကာ အန်ဂျီအိုတွေကို ပိုပြီးကန့်သတ်ထားလို့ အရင်ထက် ပိုပြီး ဒုက္ခရောက်နေကြတယ်။ နိုင်ငံတကာက ဆရာဝန်တွေကိုလည်း တစ်လအတွက် တစ်ကြိမ် ဗီဇာထုတ်ပေးပြီးရင် နောက်တစ်ကြိမ် ထုတ်မပေးတော့ဘူး။ အဲဒီတော့ volunteer လုပ်ချင်တဲ့ ဆရာဝန်တွေခမျာ ကူညီချင်ပေမယ့် ကူညီခွင့်မရကြဘူး။

နိုင်ငံတကာ အန်ဂျီအိုများ၊ ပြည်တွင်း၊ ပြည်ပ အလှူရှင်များရဲ့ အထောက်အပံ့ ပစ္စည်းတွေ စစ်တွေမြို့က ဒုက္ခသည် စခန်းကို ၅၀% ကနေ ၇၀% လောက်သာ ရောက်ပါတယ်။ ကျန်တဲ့ ၃၀% ကနေ ၅၀% က ပြည်နယ် အစိုးရကို လိုင်းကြေး အဖြစ်ပေးရလို့ပါ။ နိုင်ငံတကာ အန်ဂျီအိုများ၊ ပြည်တွင်း ပြည်ပ အလှူရှင်များ ဘယ်လိုပုံစံမျိုးနဲ့ အဲဒီ အထောက်အပံ့ ပစ္စည်းတွေ ရောက်အောင် လုပ်ရတယ်ဆိုတဲ့ မပြောသင့်တဲ့ အမှန်တရားတွေ အများကြီး ရှိနေပါတယ်။

ဒါပေမယ့် အရှက်ရှိပါ မြန်မာအစိုးရလို့ ပြောရင် လုံလောက်မှာပါ။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ငကျည်းတောက် ကျေးရွာ အုပ်စု အုပ်ချုပ်ရေးမှူး ဦးဇော်ထွန်းလင်းက ရဲများနှင့် ပူးပေါင်း၍ အပြစ်မဲ့ ဒေသခံ ရိုဟင်ဂျာ တစ်ဦးကို ဖမ်းဆီး ညှဉ်းပန်း နှိပ်စက်၍ ငွေညှစ်ခဲ့ကြောင်း သတင်း ရရှိပါသည်။ 

ဇူလိုင်လ (၁၄) ရက်နေ့တွင် ဘူးသီးတောင် မြို့နယ်၊ ငကျည်းတောက် ကျေးရွာ အုပ်စု အုပ်ချုပ်ရေးမှူး ဦးဇော်ထွန်းလင်းသည် စာရေး ဖြစ်သူ ဦးဆော်ယာဒ်ဟူဆောင်းနှင့် ပေါင်တော်ပြင် ကင်းစခန်းမှ ဒုရဲအုပ် အေးမြနှင့် ရဲတပ်ဖွဲ့ (၆) ဦးတို့နှင့် ပူးပေါင်း၍ ငကျည်းတောက် ကျေးရွာ အုပ်စု၊ သီရိကုန်တန်း ကျေးရွာမှ ဦးအာဘူကာလာမ် (ဘ) ဦးအဒူရာမန်ကို အကြောင်းမဲ့ လက်ထိပ်ခတ် ဖမ်းဆီး၍ ကျေးရွာ အုပ်ချုပ်ရေးမှူးသို့ ခေါ်ဆောင်လာပြီး တိရစ္ဆာန် သဖွယ် ရိုက်နှက် ညှဉ်းပန်း နှိပ်စက်၍ ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ 

ကျေးရွာ အုပ်ချုပ်ရေးမှူး ဦးဇော်ထွန်းလင်းသည် ဒိုင်းနက်လူမျိုး တစ်ဦး ဖြစ်ပြီး ယခင်က နေစရာ အိမ်ပင် မရှိခဲ့သော်လည်း၊ ယခု အခါ ဒေသခံ ရိုဟင်ဂျာ များကို ရိုက်နှက် ညှဉ်းပန်း နှိပ်စက် ငွေညှစ်ပြီး သန်းပေါင်း များစွာ ချမ်းသာ နေပြီ ဖြစ်ကြောင်း ဒေသခံများက ပြောပါသည်။ ၎င်းသည် ဒေသခံ ရိုဟင်ဂျာ ရွာသားများကို အကြောင်းမဲ့ ဖမ်းဆီး ရိုက်နှက် ညှဉ်းပန်း နှိပ်စက်၍ ငွေညှစ်ခြင်းကို မကြာခဏ ပြုလုပ်လျက် ရှိသည်ဟု ဆိုသည်။ ၎င်းသည် မြို့နယ် အုပ်ချုပ်ရေးမှူး ဦးသန်းရွှေနှင့် ပူးပေါင်း၍ ဒေသခံများကို လယ်ယာမြေများ ခွင့်ပြုချက် မပါဘဲ ရောင်းချသည်၊ အိမ်များကို ခွင့်ပြုချက် မပါဘဲ ဆောက်လုပ်သည်၊ ပြုပြင်သည်ဟု လုပ်ကြံ စွပ်စွဲမှုများ ပြုလုပ်ပြီး ငွေညှစ်လေ့ ရှိသည်ဟု ဒေသခံများက ပြောပါသည်။ 

ပေါင်တော်ပြင် ကင်းစခန်းမှ ကင်းစခန်းမှူး ဒုရဲအုပ်အေးမြကို ရွာထဲသို့ ခေါ်ဆောင်လာကာ ဒေသခံများကို ခြိမ်းခြောက် လေ့ရှိပြီး၊ ဒုရဲအုပ်အေးမြ ဆိုသူသည်လည်း လိုင်စင်ရ ဓါးပြ သဖွယ် သောင်းကျန်းလျက် ရှိသည်ဟု ဆိုသည်။ ဒုရဲအုပ် အေးမြနှင့် ပတ်သက်၍ ဒေသခံများက ရဲမှူးကြီး စွမ်းဇာနည်ထံ တိုင်ကြားသော်လည်း မည်သို့မျှ အရေးယူ ဆောင်ရွက်ခြင်း မရှိဟု ဒေသခံများက ပြောပါသည်။ 

မြို့နယ် အုပ်ချုပ်ရေးမှူးနှင့် ရဲတပ်ဖွဲ့ အရာရှိကြီးများက ၎င်းတို့၏ လက်အောက်ငယ်သားများ ဥပဒေ ချိုးဖောက်၍ လိုင်စင်ရ ဓါးပြများကဲ့သို့ သောင်းကျန်းနေသည်ကို အရေးယူ ဆောင်ရွက် မပေးပါက ဒေသခံ ရွာသားများနှင့် တနေ့နေ့ တချိန်ချိန်တွင် ထိပ်တိုက် တွေ့ရန် အလားအလာများ ရှိနေသည်ဟု ဒေသခံများက ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ကျောက်လှေကား ကျေးရွာရှိ အမှတ် (၆) နယ်မြေ စခန်းမှ နယ်ခြားစောင့် ရဲများသည် ဇင်ပိုင်ညာ ကျေးရွာ ခွဆုံသို့ သွားရောက်ပြီး တစ်နေကုန် စောင့်ကာ ဆိုင်ကယ်၊ ကားများဖြင့် သွားလာသော ရိုဟင်ဂျာများကို ယာဉ်မောင်း လိုင်စင်၊ ယာဉ်မှတ်ပုံတင်၊ ဘီးခွန်သွင်း ပြေစာ၊ ဆိုင်ကယ် ဦးထုပ်များ စစ်ဆေးပြီး အကြောင်း အမျိုးမျိုး ပြကာ ငွေညှစ်လျက် ရှိသည်။ 

ဇူလိုင်လ (၁၂) ရက်နေ့တွင် ကျောက်ပြင်ဆိပ် ကျေးရွာအုပ်စု၊ အရှေ့ရွာမှ ဦးအာဗ်ဒူလ္လာ (ဘ) ဦးမာမတ်ဆောလာမ် သည် ဆိုင်ကယ်စီး၍ မောင်တော မြို့သို့ သွားနေစဉ် အဆိုပါ နယ်ခြားစောင့် ရဲများက စစ်ဆေး၍ ယာဉ်မောင်း လိုင်စင်မှ ဓါတ်ပုံ အနည်းငယ် ပျက်စီး နေသည်ကို အကြောင်းပြ၍ ငွေကျပ် ၅ သောင်း အတင်း အဓမ္မ ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။ 

ယာဉ်မှတ်ပုံတင်၊ ယာဉ်မောင်း လိုင်စင်၊ ဘီးခွန် စစ်ဆေးခြင်းမှာ နယ်ခြားစောင့် ရဲများနှင့် မည်သို့မျှ မသက်ဆိုင်သော်လည်း နယ်ခြားစောင့် ရဲများက ၎င်းတို့ ရရှိထားသည့် အာဏာကို အလွဲသုံးစား ပြုလုပ်၍ ဒေသခံ ရိုဟင်ဂျာများ ထံမှ ငွေညှစ်နေခြင်း ဖြစ်သည်။ ထို့သို့ စစ်ဆေးရာတွင် ရိုဟင်ဂျာများမှ အပ အခြား လူမျိုးများကို စစ်ဆေးခြင်း မရှိသဖြင့် လူမျိုးဘာသာ ခွဲခြား၍ တမင် ညှဉ်းပန်း နှိပ်စက်နေခြင်း ဖြစ်သည်ဟု ဒေသခံများက ပြောပါသည်။ 

ဇူလိုင်လ (၁၄) ရက်နေ့ နေ့လည်ပိုင်း အချိန်တွင် မောင်တော မြို့နယ် မြောက်ပိုင်း၊ အမှတ် (၂) နယ်မြေ လှိုင်သီ ကျေးရွာ အုပ်စု၊ ထုံးချောင်းရွာမှ ဦးဆောယဒ်ကာဆိမ် (ဘ) ဦးမာမတ်အလီ (အသက် ၃၂ နှစ်) သည် အောင်ဇံ ကျေးရွာအုပ်စု၊ ဆာလေတောင် ရွာသို့ ကွမ်းညွန့် ၀ယ်ယူရန် သွားနေစဉ် ဆာလေတောင် မိုင်တိုင် ၄၅ အနီးရှိ ကင်းစခန်းမှ နယ်ခြားစောင့် ရဲများက ယင်းရွာသို့ ရောက်ရှိသည်ကို သတင်းပို့ရန် ပျက်ကွက်ခဲ့သည်ဟု ဆိုကာ ဖမ်းဆီး ချုပ်နှောင် ထားခဲ့ပြီး၊ နေ၀င်ချိန် အချိန်တွင် နယ်ခြားစောင့် ရဲများက ၎င်း၏ မိသားစုထံ သွားရောက်၍ ငွေကျပ် တစ်သိန်း ငါးသောင်း ညှစ်ယူပြီး ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ်၊ ကျီးကန်းပြင် ကျေးရွာ အုပ်စုတွင် တောင်ရိုင်းဆင်၏ တိုက်ခိုက်မှုကြောင့် သေဆုံးသွားသည့် မိခင်ကို သဂြိုဟ်ရန် အတွက် သားဖြစ်သူထံမှ နယ်ခြားစောင့် ရဲများက ငွေညှစ်ခဲ့ကြောင်း သတင်း ရရှိပါသည်။ 

ဇူလိုင်လ (၁၁) ရက်နေ့ နံနက် ၁၂း၃၀ အချိန်ခန့်တွင် မောင်တော မြို့နယ်၊ ကျီးကန်းပြင် ကျေးရွာအုပ်စု၊ အရှေ့ရွာသို့ ၀င်ရောက်လာပြီး မုဆိုးမ တစ်ဦး ဖြစ်သူ ဒေါ်လိုင်လာ (အသက် ၅၂ နှစ်) (ကွယ်လွန်သူ ဦးရော်ရှိတ်အာမတ်၏ ဇနီး) ၏ အိမ်ခြံဝင်းတွင် ကာရံထားသည့် ထရံများကို ဖြိုဖျက်နေသဖြင့် ဒေါ်လိုင်လာက တောရိုင်းဆင်မှန်း မသိဘဲ “ဘယ်သူလဲ” ဟု အော်ဟစ်၍ အိမ်ရှေ့သို့ ထွက်ကြည့်ရာတွင် တောရိုင်းဆင်က ရှေ့မှောက်သို့ ရောက်ရှိလာပြီး နှာမောင်းပတ်၍ ဝေ့ရမ်း၍ အဝေးသို့ ပစ်လိုက်ရာ ထိုနေရာတွင်ပင် ပွဲချင်းပြီး သေဆုံးသွားခဲ့သည်။ 

ထို့နောက် နံနက်ပိုင်း အချိန်တွင် နယ်ခြားစောင့် ရဲတပ်ဖွဲ့ ဌာနချုပ်မှ နယ်ခြားစောင့် ရဲအချို့ ရောက်ရှိလာပြီး ဒေါ်လာလိုင်၏ ရုပ်အလောင်းကို စစ်ဆေးရန်ဟု ဆိုကာ မောင်တော ဆေးရုံသို့ ပို့ခဲ့သည်။ နယ်ခြားစောင့် ရဲများက ဒေါ်လိုင်လာ၏ သားဖြစ်သူကို ၎င်းတို့၏ ခွင့်ပြုချက် မပါဘဲ သဂြိုဟ်ပါက ဖမ်းဆီးမည်ဟု ခြိမ်းခြောက်၍ သဂြိုဟ်ရန် အတွက် ငွေကျပ် တစ်သိန်း ငါးသောင်း ညှစ်ယူခဲ့ကြောင်း ဒေသခံများက RB News သို့ပြောပါသည်။

ဘူးသီးတောင် ။ ။ ​ရခိုင်ပြည်နယ်၊ ဘူးသီးတောင် မြို့နယ်၊ လက်ဝဲဒက် ပြင်ချေ ကျေးရွာအုပ်စု၊ ရွာသစ်ရွာမှ ဒေသခံ အမျိုးသမီး မုဆိုးမ တစ်ဦးကို ကျေးရွာ အုပ်ချုပ်ရေးမှူးနှင့် ရာအိမ်မှူး တို့က ခြိမ်းခြောက်၍ ငွေညှစ်ခဲ့ကြောင်း သတင်း ရရှိပါသည်။ 

ဇွန်လ (၂၈) ရက်နေ့တွင် ဘူးသီးတောင် မြို့နယ် လက်ဝဲဒက် ပြင်ချေ ကျေးရွာ အုပ်စု အုပ်ချုပ်ရေးမှူး ဦးဒိလ်မာမတ်နှင့် ရာအိမ်မှူး ဖြစ်သူ ဦးမိုဟာမတ်ဇူဘိုင်ရ် (ဘ) ဦးမာမတ်အာလောမ် တို့ပူးပေါင်း၍ ရွာသစ်ရွာမှ မုဆိုးမ အမျိုးသမီး တစ်ဦး ဖြစ်သူ ဒေါ်မော်ရီယံခါတူ (ဘ) ဦးကာဒိရ်ဟူစိန်း (အသက် ၃၅ နှစ်) ကို လူကုန်ကူးမှုတွင် ပါဝင် ပတ်သက်နေသည်ဟု လုပ်ကြံ စွပ်စွဲ၍ ဖမ်းဆီးမည်ဟု ခြိမ်းခြောက်၍ ငွေကျပ် ၅ သိန်း အတင်းအဓမ္မ ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။ 

ဒေါ်မော်ရီယံခါတူ အတွက် ငွေကျပ် ၅ သိန်းကို နိုင်ငံခြားရှိ သားဖြစ်သူက ပေးပို့လိုက်ခြင်း ဖြစ်ပြီး၊ ကျေးရွာ အုပ်ချုပ်ရေးမှူးနှင့် ရာအိမ်မှူး တို့က လူကုန်ကူးမှု တားဆီးရေး အဖွဲ့မှ ရဲများနှင့် ဖမ်းဆီးခိုင်းပြီး ထောင်ချမည်ဟု ခြိမ်းခြောက် သဖြင့် မတရားသဖြင့် ဖမ်းဆီးခံရမည်ကို ကြောက်ရွံ၍ ငွေ ၅ သိန်း ပေးလိုက်ရခြင်း ဖြစ်သည်ဟု အဆိုပါ ဒေသခံက ပြောပါသည်။

Rohingya Eye
RB News
15.7.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျောက်ပန္ဒူး ကျေးရွာတွင် အခြေချ ထားသည့် တပ်မတော် တပ်ရင်းမှ တပ်သားများက ည ၁၂ နာရီ နောက်ပိုင်းတွင် မီးသုံးခွင့် ပိတ်ပင်ထား၍ ဥပုသ်စောင့်သူများ အခက်ကြုံနေရကြောင်း သတင်း ရရှိပါသည်။

MYARF
RB News
14.7.2015

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ်၊ ပြန်ချောင်း ကျေးရွာမှ ကိုးတန်ကောက် ကျေးရွာရှိ ရိုဟင်ဂျာ ဒုက္ခသည် စခန်းရှိ ဒုက္ခသည်များ အဖြစ် နေထိုင်သော ဒေါ်ရော်ကိမ်းဘာနူ (ဘ) ဦးရှော်ရ်မုလုခ်နှင့် ဒေါ်ဟာမီဒါခါတူ (ဘ) ဦးရှုနာမီယာ တို့အတွက် အခြား မြို့နယ်များရှိ ၎င်းတို့၏ ဆွေမျိုးသားချင်း များက အလှူငွေ ပေးပို့ထားသည်ကို ယင်းဒုက္ခသည် စခန်းမှ နယ်ခြားစောင့် ရဲတပ်ဖွဲ့၏ အကူ ဖြစ်သူ ဦးရှာလောမ် (ဘ) ဦးမောင်ဂိုလ်အာမတ်က သိရှိသွားပြီး ကိုးတန်ကောက် နယ်ခြားစောင့် ရဲတပ်ဖွဲ့ စခန်းမှ စခန်းမှူး ခင်လင်းစိုးထံ အကြောင်းကြား ခဲ့သည်။ 

သို့ဖြစ်၍ ဇူလိုင်လ (၁၂) ရက်နေ့ နံနက်ပိုင်းတွင် အဆိုပါ ဒုက္ခသည် အမျိုးသမီး နှစ်ဦးကို နယ်ခြားစောင့် ရဲတပ်ဖွဲ့ စခန်းသို့ ဆင့်ခေါ်ပြီး လူကုန်ကူးမှု ပြုလုပ်နေသည်ဟု လုပ်ကြံစွပ်စွဲ၍ တုတ်များဖြင့် ရိုက်နှက်ကာ နည်းမျိုးစုံဖြင့် ခြိမ်းခြောက်ခြင်းများ ပြုလုပ်ပြီး တစ်နေကုန် စခန်းတွင် ထိန်းသိမ်း ထားရာ နေ၀င်ချိန်တွင် အမျိုးသမီးများက ၎င်းတို့၏ ကာအိနြေ္ဒနှင့် အသက် အန္တရာယ် ရှိလာနိုင်သည်ကို စိုးရိမ်၍ နယ်ခြားစောင့် ရဲများ တောင်းသည့် ငွေကို ပေးရန် သဘောတူခဲ့သည်။ 

နယ်ခြားစောင့် ရဲတပ်ဖွဲ့ စခန်းမှူး ခင်လင်းစိုးက ဒုက္ခသည် အမျိုးသမီး နှစ်ဦး ရရှိထားသည့် အလှူငွေ ငါးသိန်း ငါးသောင်းကို ရမှသာ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။ ဒုက္ခသည် အမျိုးသမီး နှစ်ဦးမှာ ရရှိသည့် အလှူငွေများ အားလုံး နယ်ခြားစောင့်ရဲကို ပေးလိုက်ရသဖြင့် ၎င်းတို့၏ သားသမီးများ အတွက် တစ်ပြားပင် မကျန်တော့ကြောင်း အဆိုပါ ဒေသခံက ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ်၊ မြို့မ အလယ် ရပ်ကွက် (အမှတ် ၄ ရပ်ကွက်၊ မြို့မ ဘောလုံးကွင်း၏ အရှေ့ဘက်ရှိ မူလတန်းကျောင်းမှ အထွေထွေ လုပ်သား ဖြစ်သူ ရခိုင် လူမျိုး တစ်ဦးသည် ကျောင်းသားများအား ပေးရန် နိုင်ငံတော်မှ ထောက်ပံ့ ထားသော ဗလာစာအုပ်များကို မြို့မ အလယ် ရပ်ကွက်အုပ်စု ဟာလာရ်ဘာဗ် ဖာရာမှ ရိုဟင်ဂျာ လူငယ် တစ်ဦးမှ တဆင့် ရွာသစ်ကေ ရပ်ကွက် (အမှတ် ၅ ရပ်ကွက်) မှ ဈေးဆိုင် ပိုင်ရှင် သုံးဦးထံ ဇူလိုင်လဆန်းပိုင်းက ရောင်းချ ခဲ့သည်။ 

ထို့နောက် ဇူလိုင်လ (၅) ရက်နေ့တွင် ရောင်းချခဲ့သူ ကျောင်းအထွေထွေ လုပ်သားက ရဲနှင့် ပူးပေါင်း၍ ကျောင်းသုံး ဗလာစာအုပ်များကို ခိုးယူသည်ဟု လုပ်ကြံကာ ၀ယ်ယူထားစည့် ဆိုင်ရှင်များကို ဖမ်းဆီးရန် ရှာဖွေခဲ့သည်။ ဆိုင်ရှင် နှစ်ဦးကို မတရားသဖြင့် ဖမ်းဆီးရမိသော်လည်း ကျန်သည့် တစ်ဦးဖြစ်သည့် ဦးဖိုင်ဆဲလ်ကို ဖမ်းဆီး မရခဲ့ကြောင်း ဒေသခံ တစ်ဦးက RB News သို့ပြောသည်။ 

ဦးဖိုင်ဆဲလ်ကို ရှာဖွေ မတွေ့ရှိသောကြောင့် ၎င်း၏ မည်သို့မျှ ပတ်သက်ခြင်း မရှိသော ဦးဖာရုခ်ကို ဖမ်းဆီး၍ ငွေကျပ် ၂ သိန်း ညှစ်ယူသည့် အပြင်၊ ဦးဖိုင်ဆဲလ်ကို မဖမ်းဆီးဟု ဆိုကာ ငွေကျပ် ၅ သိန်း ထပ်မံ ညှစ်ယူခဲ့ကြောင်း အဆိုပါ ဒေသခံက ပြောပါသည်။ ရဲနှင့် ကျောင်းအထွေထွေ လုပ်သားတို့ ပူးပေါင်း၍ ဈေးဆိုင်ရှင် (၄) ဦး ထံမှ စုစုပေါင်း ငွေကျပ် ၁၅ သိန်း ညှစ်ယူခဲ့သည်။ 

အခြားသော ငွေညှစ်ခံရသူ နှစ်ဦးမှာ ဦးရော်ရှိတ်အာမတ် (ဘ) ဦးရှိခါန်ဒေါရ် (ညှစ်ခံရသည့် ငွေကျပ် ၄ သိန်း) နှင့် ဦးဖော်ယာစ် (ဘ) ဦးရော်ရှိတ်အာမတ် (ညှစ်ခံရသည့် ငွေကျပ် ၄ သိန်း) တို့ဖြစ်သည်။ 

ဈေးဆိုင်ရှင် (၄) ဦးထံမှ ညှစ်၍ ရသည့်ငွေ ၁၅ သိန်းကို ရဲနှင့် ကျောင်းအထွေထွေ လုပ်သားတို့ ဝေစုခွဲ ယူခဲ့ကြောင်း အဆိုပါ ဒေသခံက ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် စံပယ်ကုံး ကျေးရွာမှ လူကုန်ကူးသူ ပွဲစား တစ်ဦးကို နယ်ခြားစောင့် ရဲများက ဖမ်းဆီး၍ လူမဆန်စွာ ရိုက်နှက်ပြီး ဘူးသီးတောင် အကျဉ်းထောင်သို့ ပို့ဆောင် လိုက်ကြောင်း သတင်း ရရှိပါသည်။ 

ဇူလိုင်လ (၁၀) ရက်နေ့ နံနက် ၁ နာရီ အချိန်ခန့်တွင် မောင်တော မြို့နယ် မြောက်ပိုင်း ငါးခူရ ကျေးရွာ အခြေစိုက် အမှတ် (၅) နယ်မြေ နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲ (၅၀) ဦးခန့်သည် စံပယ်ကုံး ကျေးရွာသို့ ရောက်ရှိလာပြီး ယင်းကျေးရွာမှ လူကုန်ကူးသူ ပွဲစား ဖြစ်သူ မော်လ၀ီ အလီဇူဟာရ်၏ အိမ်ကို ၀န်းရံပြီး အိမ်ကို စစ်ဆေး၍ မော်လ၀ီ အလီဇူဟာရ်ကို ဖမ်းဆီးပြီး ထိုနေရာတွင်ပင် လူမဆန်စွာ ရိုက်နှက်ခဲ့ကြောင်း ဒေသခံ ကျေးရွာသား များက RB News သို့ပြောသည်။ ထို့နောက် ၎င်းကို နယ်ခြားစောင့် ရဲတပ်ဖွဲ့ စခန်းသို့ ခေါ်ဆောင် သွားပြီး နေ့လည်ပိုင်း အချိန်တွင် ဘူးသီးတောင် အကျဉ်းထောင်သို့ ပို့ဆောင် လိုက်ကြောင်း သိရသည်။ 

နယ်ခြားစောင့် ရဲများက စံပယ်ကုံး ကျေးရွာ အုပ်စု ဥက္ကဌဟောင်း ဦးအဘူဂျော်မိလ်၏ နေအိမ်ကို သွားရောက် ရှာဖွေ ခဲ့သော်လည်း ဦးအဘူဂျော်မိလ်ကို မတွေ့ရှိခဲ့ကြောင်း ဒေသခံများက ပြောပါသည်။ 

ဒေသခံများက မော်လ၀ီ အလီဇူဟာရ်သည် လူကုန်ကူးသူ ပွဲစား တစ်ဦး ဖြစ်သော်လည်း ဖမ်းဆီး၍ ဥပဒေနဲ့ အညီ အရေးယူရမည် ဖြစ်ကြောင်း၊ လူမဆန်စွာ ရိုက်နှက်ခြင်းသည် ဥပဒေနှင့် မညီညွတ်ကြောင်း၊ ယခုကဲ့သို့ ရိုက်နှက်ခြင်းမှာလည်း နယ်ခြားစောင့် ရဲများက လူမျိုး၊ ဘာသာ ခွဲခြားကာ တမင် ရည်ရွယ်ချက် ရှိရှိဖြင့် ရိုက်နှက် ခြင်းသာ ဖြစ်ကြောင်း ဝေဖန် ပြောဆိုနေကြသည်။ နယ်ခြားစောင့် ရဲများ၏ လူမဆန်စွာ ရိုက်နှက်မှုကြောင့် လူသေဆုံးမှုများ မကြာခဏ ရှိခဲ့သည်ဟု ဒေသခံများက ဆိုသည်။

MYARF

RB News
14.7.2015

၎င်းသည် ရဲမှူးချုပ် တင်ကိုကိုနှင့် ရင်းနှီးမှုကို အခွင့်ကောင်းယူ၍ ၎င်းနှင့် ဆက်ဆံရေး မပြေလည်သူများကို အကြောင်းမဲ့ အရှိန်အ၀ါသုံး သြဇာ ပြနေသူ တစ်ဦး ဖြစ်သည်။ မြို့မတောင် ရပ်ကွက်နေ မိုဟာတ် ဇူဘိုင်ရ် (ဘ) ဦးကာလာ (အသက် ၃၀ နှစ်) နှင့် အောင်နိုင်ဆွေ တို့သည် တစ်ရပ်တည်းနေ သူငယ်ချင်းများ ဖြစ်ကြသည်။ လွန်ခဲ့သည့် တစ်နှစ်ခန့်က အောင်နိုင်ဆွေအား မဟုတ်မမှန် သတင်းပေး၍ စီးပွားရှာနေခြင်း ဆက်လက် မပြုလုပ်ရန် ပြောဆိုသဖြင့် သူငယ်ချင်း နှစ်ဦး စကားများ ပြဿနာ ဖြစ်ခဲ့ရသည်။ 

ဇူလိုင်လ (၁၁) ရက်နေ့တွင် မြို့မတောင် ရပ်ကွက်၊ ဇာမိုက်ဖာရာရှိ ရိုဟင်ဂျာ လူငယ် အချို့က အောင်နိုင်ဆွေအား မဟုတ်မမှန် သတင်းပေးပြီး ကျေးရွာသား များကို ဒုက္ခမပေးရန် ပြောဆိုခဲ့သည်။ လူငယ်များက ပြောဆိုပြီးနောက် ၎င်းတို့အား အောင်နိုင်ဆွေမှ မတရားသဖြင့် ဒုက္ခပေးမည်ကို စိုးရိမ်၍ ယင်းနေ့ ည ၈း၃၀ နာရီ အချိန်တွင် အောင်နိုင်ဆွေ၏ အိမ်သို့ သွားရောက်၍ တောင်းပန် နေစဉ်၊ အောင်နိုင်ဆွေက အခန်းထဲသို့ ၀င်ရောက်ပြီး ရဲမှူးချုပ် တင်ကိုကိုထံ ဖုန်းဆက်ကာ ဇာမိုက်ဖာရာရှိ လူငယ် (၂၀) ဦးသည် တစ်ဖက်နိုင်ငံမှ RSO သင်တန်းတက်ပြီး ပြန်လည် ရောက်ရှိနေကြောင်း၊ ၎င်းတို့ကို မိုဟာမတ်ဇူဘိုင်ရ် (ဘ) ဦးကာလာက အကူအညီ ပေးနေကြောင်း မဟုတ်မမှန် သတင်းပေးပို့ခဲ့ရာ၊ ချက်ချင်းဆိုသလို နယ်ခြားစောင့် ရဲများနှင့် မြို့နယ် ရဲစခန်းမှ ရဲအင်အား (၆၀) ခန့် ည ၁၀ နာရီ အချိန်တွင် ဇာမိုက်ဖာရာသို့ ရောက်ရှိလာပြီး ရွာကို ၀န်းရံကာ မွှေနှောက် ရှာဖွေခဲ့သော်လည်း RSO နှင့် ဆက်နွယ်နေသည့် လူငယ် တစ်ဦးတစ်ယောက်ကိုမှ ရှာဖွေ တွေ့ရှိခဲ့ခြင်း မရှိဘဲ၊ နောက်ဆုံးတွင် အပြစ်မဲ့ တစ်ဦးဖြစ်သည့် ဟာဖီးစ် မာမတ်နူရ် (ဘ) ဦးယာစီးန် (အသက် ၁၇ နှစ်) ကို အကြောင်းမဲ့ ဖမ်းဆီး၍ မောင်တော ရဲစခန်းသို့ အပ်နှံခဲ့သည်။ အပြစ်မဲ့ ဖမ်းဆီးခံရသူ ဟာဖီးစ် မာမတ်နူရ်ကို ရဲများက နည်းမျိုးစုံ သုံး၍ လူမဆန်စွာ ရိုက်နှက် နှိပ်စက်လျက် ရှိကြောင်း ဒေသခံများက RB News သို့ပြောသည်။ 

အောင်နိုင်ဆွေက တစ်ဖက်နိုင်ငံမှ လက်နက်ကိုင် အဖွဲ့တစ်ဖွဲ့ ရောက်ရှိနေကြောင်း မဟုတ်မမှန် သတင်းပေးမှုကြောင့် ခရိုင် ရဲတပ်ဖွဲ့မှ ဓါး၊တုတ်၊လှံ၊ ဂျင်ကလိများကို ရဲစခန်းသို့ အပ်နှံရန် ဇူလိုင်လ (၁၀) ရက်နေ့က ကြေညာချက် တစ်စောင် ထုတ်ပြန်ခဲ့ခြင်း ဖြစ်ကြောင်း အောင်နိုင်ဆွေ၏ အသိုင်းအ၀ိုင်းက ပြောဆို နေကြသည်။ 

ဘင်္ဂလားဒေ့ရှ် နိုင်ငံတွင် RSO လှုပ်ရှားမှု လုံးဝ မရှိကြောင်း ဘင်္ဂလားဒေ့ရှ် နိုင်ငံမှ အခိုင်အမာ ပြောဆိုထား သော်လည်း၊ အောင်နိုင်ဆွေက မိမိ၏ အကျိုးကိုသာ ရှေ့ရှုပြီး မဟုတ်မမှန် သတင်း ပေးပို့မှုကြောင့် ဒေသတွင်း တည်ငြိမ် အေးချမ်းမှု ပျက်ပြား လာလျက် ရှိနေသည်ကို အထက် အာဏာပိုင်များ အနေဖြင့် ပွင့်လင်း မြင်သာစွာနှင့် စုံစမ်း စစ်ဆေးပြီး၊ မမှန်မကန် သတင်းပေး၍ အကျိုး စီးပွား ရှာနေသူများကို ထိထိရောက်ရောက် အရေးယူပေးပါရန် ဒေသခံများက အထူး လိုလားလျက် ရှိသည်ဟု ဆိုသည်။

ထို့အပြင် ယာယီ ကျောင်းအုပ် ဆရာမကြီး ဒေါ်ရွှေညွန့်က “မင်းတို့ ဘင်္ဂလီတွေ ဖြစ်တဲ့အတွက် ဒီလို အခန်းမှာဘဲ စာသင်ရမယ်၊ ကျောင်းချိန် အတွင်းမှာ အခန်းပြင် မထွက်ရဘူး၊ ထွက်ရင် အရေးယူမယ်” ဟုပြောဆိုသဖြင့် ကျောင်းသား/သူ များမှာ အခန်း အပြင်သို့ပင် မထွက်ရဲဘဲ ရေစိုနေသည့် အ၀တ်အစား များဖြင့် စာသင်ကြား နေရကြောင်း ဒေသခံများက RB News သို့ပြောသည်။ 

အဆိုပါ စာသင်ခန်းတွင် မိုးရေ မကျတော့အောင် အမိုးကို ပြုပြင်ရန် ယခု အချိန်ထိ အစီအစဉ် ရှိနေသည်ဟု ပြောဆိုသံ မကြားရကြောင်း ကျောင်းသားများက ပြောပါသည်။ 

၂၀၁၂ ခုနှစ် ပဋိပက္ခ နောက်ပိုင်းမှ စ၍ ရိုဟင်ဂျာ ကျောင်းသား/သူ များနှင့် ရခိုင် ကျောင်းသား/သူ များကို စာသင်ခန်း တစ်ခန်းထဲတွင် အတူ စာသင်ကြားခြင်း မရှိတော့ဘဲ၊ သီးသန့် အခန်းခွဲ၍ စာသင်ကြား လျက်ရှိပြီး၊ သူငယ်တန်း ကျောင်းအပ်သည့် ရိုဟင်ဂျာ ကျောင်းသား/သူ များကို မြန်မာနာမည်ဖြင့် လက်ခံခြင်း မရှိတော့ဘဲ မွတ်စလင် နာမည်ဖြင့်သာ ကျောင်းသား လက်ခံသည့် တာဝန်ခံများက လက်ခံကြောင်း ဒေသခံများက ပြောပါသည်။ အိမ်ထောင်စု စာရင်း (သို့) မွေးစာရင်းတွင် မြန်မာနာမည်နှင့် မွတ်စလင် နာမည် တွဲ၍ ပါရှိပါက ကျောင်းအပ်ခြင်းကို လုံးဝ လက်မခံကြောင်း ကျောင်းသား မိဘများက ပြောပါသည်။ 

ထိုကဲ့သို့ ခွဲခြား ဆက်ဆံနေသည့် ကျောင်းများမှာ ကညင်တန်း အထက်တန်း ကျောင်းနှင့် မြို့မတောင် ရပ်ကွက်ရှိ အထက်တန်း ကျောင်းတို့ ဖြစ်ကြောင်း သိရပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် မြို့မရဲစခန်းမှ ရဲအုပ်မြတ်ထွေးနှင့် အမှတ် (၅) ရပ်ကွက်မှ အုပ်ချုပ်ရေးမှူး ဦးမောင်လှိုင်စိုး တို့သည် ရဲတပ်ဖွဲ့ဝင် (၆) ဦးတို့နှင့် အတူ မော်တော်ယာဉ် ဂိတ်တွင် ဆိုင်ကယ်၊ ကားများကို ရပ်တန့်ခိုင်းပြီး နည်းမျိုးစုံဖြင့် နှောက်ယှက်၍ စော်ကား ပြောဆိုခြင်းများ အပြင် ငွေညှစ်ခြင်း၊ လမ်းသွား လမ်းလာများကို နှောက်ယှက်၍ ငွေညှစ်ခြင်းများ ပြုလုပ်လျက် ရှိကြောင်း သတင်း ရရှိပါသည်။ 

၎င်းတို့က ကားများကို ရပ်တန့်ခိုင်းပြီး ပုံစံ (၄) စစ်ဆေးခြင်း၊ ကားယာဉ်မောင်း များထံမှ ယာဉ်မောင်း လိုင်စင် စစ်ဆေးခြင်း အပြင်၊ ယာဉ်မောင်းများအား ပုံစံ (၄) ကိုင်ဆောင် ရမည်ဟု ဆိုကာ မရှိသည့် စည်းကမ်း ထုတ်ပြ၍ ခြိမ်းခြောက် ငွေညှစ်ခြင်းများ ပြုလုပ်လျက် ရှိသည်ဟု ဒေသခံများက RB News သို့ပြောသည်။ ခေတ်အဆက်ဆက်က ရိုဟင်ဂျာများ ကိုင်ဆောင်ခဲ့သည့် အမျိုးသား မှတ်ပုံတင် ကဒ်ပြားဖြင့် ဘူးသီးတောင် မြို့မှ မောင်တော မြို့သို့ သွားလာခွင့် ရှိသော်လည်း ရဲအုပ်မြတ်ထွေးနှင့် လ.၀.က များက အကြောင်းမဲ့ ဖမ်းဆီး ငွေညှစ်ခြင်းများ ပြုလုပ်သည့် အပြင် ထောင်ချခြင်းများပါ ပြုလုပ်လေ့ ရှိသည်ဟု ဒေသခံများက ပြောပါသည်။ 

ဘူးသီးတောင်မြို့ (၆) မိုင်တွင်လည်း ရဲတပ်ဖွဲ့၊ မီးသတ် တပ်ဖွဲ့နှင့် လ.၀.က များက ခရီးသွားလာသူ များကို အမြဲ နှောက်ယှက် လျက်ရှိသည်ဟု ဆိုသည်။ ဘူးသီးတောင် - မောင်တော လမ်းတွင် စစ်ဆေးရေး ဂိတ် (၃) ခု ရှိသော်လည်း ခရီးသွားလာသည့် ဒေသခံ ရိုဟင်ဂျာများကို ပိုမို နှောက်ယှက် နိုင်ရန်အတွက် ဂိတ်များ တိုးချဲ့ဖွင့်လှစ်သွားမည်ဟု ပြောဆိုလျက် ရှိသည်။ 

ရဲအုပ်မြတ်ထွေး၏ လုပ်ရပ်များသည် ဘူးသီးတောင်မြို့ တည်ငြိမ်အေးချမ်းမှု ပျက်ပြားလျက် ရှိပြီး၊ တရား ဥပဒေ စိုးမိုးရေး ကိုပါ ထိခိုက်လျက် ရှိသည်ဟု ဒေသခံများက ပြောပါသည်။ ဥပဒေ အထက်တွင် ရဲအုပ်မြတ်ထွေး ရှိနေပြီး၊ ၎င်း၏ မတရား သဖြင့် ပြုလုပ်နေခြင်း များအတွက် မည်သည့် ဥပဒေကမှ ဟန့်တား အရေးယူ ဆောင်ရွက်ခြင်း မရှိဟု ဆိုသည်။ 

ရဲအုပ်မြတ်ထွေး ကားယာဉ်မောင်း တစ်ဦး ဖြစ်သူ ဦးအာမာန်အူလ္လာ (ဘ) ဦးနေအာအူလ္လာ ကို ပုံစံ (၄) မရှိဟု အကြောင်းပြကာ ငွေကျပ် ၁၀ သိန်း ညှစ်ယူခဲ့သည်။ ၎င်း၏ လုပ်ရပ်များကြောင့် ဘူးသီးတောင် မြို့အတွင်း စီးပွားရှာရန်ပင် ခက်ခဲလျက် ရှိပြီး၊ နယ်ပိုင်းမှ ဒေသခံများက မြို့ပေါ်တွင် ဈေးဝယ်လာရန်ပင် ခက်ခဲလျက် ရှိကြောင်း ဒေသခံများက ပြောပါသည်။

ယနေ့ ဇူလိုင်လ (၁၂) ရက်နေ့တွင် မောင်တော မြို့နယ်၊ မြို့မ ကညင်တန်း ကျေးရွာအုပ်စု၊ ဒိလ်ဖာရာမှ ဦးဟာဘဲစ်အာမတ် (ဘ) ဦးနူရ်မာမတ်၏ အသက် တစ်နှစ်ခွဲ အရွယ်ရှိ ကလေးငယ် တစ်ဦးမှာ လူမျိုးရေး ခွဲခြား ဆက်ဆံသော ဆေးခန်း ကြီးကြပ်သူ တစ်ဦး၏ လုပ်ရပ်ကြောင့် အသက်ဆုံးရှုံး ခဲ့ရကြောင်း ဒေသခံ တစ်ဦးက RB News သို့ပြောသည်။ 

ဖြစ်စဉ်မှာ ဦးဟာဘဲစ်အာမတ်၏ ကလေးငယ် ဖျားနေသည်မှာ သုံးရက်ခန့် ရှိနေပြီ ဖြစ်ပြီး၊ ဖျားသည့်နေ့မှစ၍ လွန်ခဲ့သည့် နှစ်ရက်ကလည်း ကလေးငယ်ကို မောင်တော ပြည်သူ့ ဆေးရုံမှ ဓါတ်ခွဲခန်းမှူး ဦးအောင်ကျော်စိန်၏ ကိုယ်ပိုင် ဆေးခန်း ဖြစ်သည့် “သုခမွန် အထူး ဆေးခန်း” သို့ခေါ်ဆောင် သွားပြီး ကလေး အထူးကု ဆရာဝန် ဒေါက်တာမိုးသူကျော် ထံတွင် ဆေးကုသမှု ခံယူခဲ့သည်။ ဆရာဝန်၏ ညွန်ကြားချက် အရ တစ်ရက်အကြာတွင် ပြန်လည် ခေါ်ဆောင်လာရန် ဖြစ်ရာ၊ ယနေ့ ထပ်မံ၍ ခေါ်ဆောင်သွားရာ၊ အဖျားအလွန် တက်နေသည့် ကလေးငယ်ကို ဆေးခန်း ကြီးကြပ်သူ ဦးအောင်ကျော်စိန်၏ ဇနီး မရွှေစည်က ဆရာဝန်နှင့် တွေ့ခွင့်မပေးဘဲ အချိန်ဆွဲထားခဲ့သဖြင့် နံနက် ၁၀း၃၀ နာရီ အချိန်တွင် အသက် ဆုံးရှုံး သွားခဲ့ရသည်။ 

သေလုမျောပါး ဖြစ်နေသည့် ကလေးငယ်ကို ဆရာဝန်နှင့် ပေးတွေ့ရန် အတွက် ဖခင်ဖြစ်သူ ဦးဟာဘဲစ်အာမတ်က ဆေးခန်းကြီးကြပ်သူ မရွှေစည်ထံ အကြိမ်ကြိမ် တောင်းပန်၍ ပြောဆိုခဲ့သော်လည်း မရွှေစည်က ဆရာဝန်နှင့် တွေ့ဆုံခွင့် မပေးဘဲ လူမျိုးရေး ခွဲခြား၍ ပြောဆိုပြီး စော်ကားမှုများ ပြုလုပ်ခဲ့သည်။ 

ထိုသို့ ပြောဆို စော်ကားနေစဉ် အချိန်မှာပင် ကလေးငယ် သေဆုံးသွားသည်ကို မရွှေစည်က သိသွားသည့် အခါ ဦးဟာဘဲစ်အာမတ်ကို လက်ဆွဲ၍ ဆေးခန်း အပြင်သို့ နှင်ထုတ်ခဲ့သည်။ ကလေးငယ် ဆေးခန်းသို့ ရောက်ရှိပြီး အသက် သေဆုံးသွားသည်ကို ကလေး အထူးကု ဆရာဝန် ဒေါက်တာ မိုးသူကျော်က မသိရှိခဲ့ပေ။ 

ဆေးခန်း ကြီးကြပ်သူ မရွှေစည်နှင့် ဆေးခန်း အကူ ၀န်ထမ်းများက လူနာများကို အမြဲ ရိုင်းရိုင်းစိုင်းစိုင်း ခွဲခြား ဆက်ဆံလေ့ ရှိသည်ဟု ဒေသခံများ ပြောပါသည်။ ဒေါက်တာ မိုးသူကျော်သည် လူနာများကို ယခင်က ကောင်းကောင်းမွန်မွန် ပြောဆို ဆက်ဆံ၍ ဆေးကုသ ပေးသည့် အတွက် သုခမွန် ဆေးခန်းမှာ မောင်တော မြို့တွင် ထင်ရှား လာခဲ့သည်။ ယခုအခါ ဆေးခန်း၏ အမည်ကျော်ကြား လာပြီးနောက် လူစည်ကားလာသည်နှင့် အမျှ ဆေးခန်း ပိုင်ရှင် ဦးအောင်ကျော်စိန်၏ ဖိအားပေးမှုကြောင့် ဆရာဝန် ဒေါက်တာ မိုးသူကျော်က ယခင်ကလို ကောင်းကောင်းမွန်မွန် ကုသပေးခြင်း မရှိဘဲ အလျင် စလို ကုသပေးနေခြင်းများ ရှိနေသည်ဟု ဒေသခံများက ဆိုသည်။

MYARF

12.7.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း အလယ်သံကျော် ကျေးရွာ အခြေစိုက်၊ နယ်ခြားစောင့် ရဲတပ်ဖွဲ့ တပ်ရင်းတွင် တပ်ရင်းမှူး နေရာတွင် အစားထိုး ရောက်ရှိလာသူ ဒု-ရဲမှူးနှင့် တပ်ဖွဲ့ဝင် (၇) ဦး၊ ယင်းတပ်ရင်း လက်အောက်ခံ ချိန်ခါလီ စခန်းမှ စခန်းမှ ရဲအုပ်မျိုးမင်းသန်းနှင့် တပ်ဖွဲ့ဝင် ၄ ဦး၊ စုစုပေါင်း ၁၃ ဦး တို့သည် ဇူလိုင်လ (၆) ရက်နေ့ ည ၁၁ နာရီ အချိန်တွင် အလယ်သံကျော် ကျေးရွာ အုပ်စု၊ ဈေးကုန်တန်း ရပ်ကွက်နေ ကွမ်းယာဆိုင် ရောင်းသူ ဦးရော်ဟီးမူလ္လာ (ဘ) ဦးကာဒဲရ်ဟူဆောင်း (အသက် ၄၅ နှစ်) နှင့် သားမက် ဖြစ်သူ ဦးမာမတ်တာဟဲရ် (ခ) တာကူး (ပဲသုတ်ဆိုင်) (အသက် ၃၀ နှစ်) တို့၏ နေအိမ် ခြံစည်းရိုးဂိတ်ကို ရိုက်ချိုး ၀င်ရောက်ကာ ၎င်းတို့နှစ်ဦးကို နေအိမ် အပြင်သို့ ခေါ်ထုတ်လာပြီး ဦးခေါင်းများကို ဦးညွတ်ခိုင်းပြီး ငုတ်တုတ်ထိုင်ခိုင်းကာ ရာဇ၀တ်မှု ကျူးလွန် ထားသူများ သကဲ့သို့ နယ်ခြားစောင့် ရဲများက ၀န်းရံထားပြီး ဦးခေါင်းများကို သေနတ်ဖြင့် ချိန်ထားပြီး ဆဲဆို ကြိမ်းမောင်း ခဲ့သည်။ 

နယ်ခြားစောင့် ရဲများက “မင်းတို့ ဘင်္ဂလီတွေ ခွေးမြှီးတွေလိုပဲ ဘယ်လို ဖြောင့်ဖြောင့် ဖြောင့်တာမဟုတ်ဘူး၊ နိုင်ငံတော်ကို သစ္စာဖောက်ပြီး ဘင်္ဂလားဖုန်း သုံးစွဲနေတယ်” ဟု လုပ်ကြံ စွပ်စွဲ၍ ရိုင်းပျစွာ ပြောဆိုခဲ့သည်။ ထို့နောက် နေအိမ်ထဲတွင် စစ်ဆေးရန် ရှိသည်ဟု ဆိုကာ ဒု-ရဲမှူးနှင့် ရဲအုပ်တို့ ၀င်ရောက်၍ ဦးရော်ဟီးမူလ္လာ၏ သမီးနှင့် ဦးမာမတ်တာဟဲရ်၏ ခယ်မ တို့ကို စခန်းသို့ ခေါ်သွားရမည်ဟု ခြိမ်းခြောက်ကာ နံနက် နှစ်နာရီခွဲ အချိန်ထိ စိတ်တိုင်းကျ မဖွယ်မရာ ပြုလုပ်ပြီးမှ ပြန်လည် ထွက်ခွာသွားခဲ့ကြောင်း ဒေသခံများက RB News သို့ပြောသည်။ 

နယ်ခြားစောင့် ရဲတပ်ဖွဲ့မှ အရာရှိများ ထိုသို့ ကျူးလွန်နိုင်ရန် လမ်းပြပေးသူမှာ အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်၏ တပည့်ဖြစ်သူ ကျော်ဇေယျာဦး၏ သား မောင်ကျော်နိုင် ဖြစ်သည်ဟု ဒေသခံများက ပြောပါသည်။ 

ဖြစ်စဉ် အစအဆုံးကို ကျေးရွာ အုပ်ချုပ်ရေးမှူး ဖြစ်သူ ဦးမောင်သက်နိုင် ထံသို့ အားကိုးတကြီးဖြင့် တိုင်ကြားခဲ့သော်လည်း ကျေးရွာ အုပ်ချုပ်ရေးမှူး ဖြစ်သူမှာလည်း လိုင်စင်ရ ဓါးပြ တစ်ဦး ပမာ ဖြစ်သောကြောင့် ကျေးရွာသူ/သား များမှ ကာကွယ်၍ အထက် အာဏာပိုင်များ ထံသို့ တိုင်ကြား ပေးခြင်း မရှိကြောင်း သိရသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ သင်္ဘောကွေ့ ကျေးရွာမှ မလေးရှား နိုင်ငံသို့ လူကုန်ကူးသူ ပွဲစားမှ တဆင့် သွားသူများသည် မလေးရှား နိုင်ငံသို့ မရောက်ဘဲ အင်ဒိုနီးရှား နိုင်ငံသို့ ရောက်ရှိ သွားသဖြင့် မိသားစု များက ငွေပြန်တောင်းရာ ခြိမ်းခြောက် ခံနေရကြောင်း သတင်း ရရှိပါသည်။ 

မောင်တော မြို့နယ် တောင်ပိုင်း သင်္ဘောကွေ့ ကျေးရွာမှ မြို့မ ကညင်တန်း ကျေးရွာသို့ ပြောင်းရွှေ့ နေထိုင်သူ ဦးနေဇာမ် (ဘ) ဦးကော်ရီမူလ္လာသည် လွန်ခဲ့သည့် ၄ လခန့်က သင်္ဘောကွေ့ ကျေးရွာမှ ကလေး၊ အမျိုးသမီး၊ အမျိုးသား အချို့ကို မလေးရှားနိုင်ငံသို့ ပို့ပေးမည်ဟု ဆိုကာ ငွေကျပ် ၁၀ သိန်းစီ ယူပြီး ပညောင်ပင်ကြီး ကျေးရွာမှ တဆင့် စက်လှေ ပေါ်သို့ တင်ပေးခဲ့သည်။ ယခုအခါ ဦးနေဇာမ်မှ စက်လှေပေါ်သို့ တင်ပေးခဲ့သည့် သူများမှာ မလေးရှား နိုင်ငံသို့ မရောက်ရှိဘဲ အင်ဒိုနီးရှား နိုင်ငံတွင် ထိန်းသိမ်းခံနေရသည်ကို ၎င်းတို့၏ မိသားစုဝင်များက သိရှိ၍ ဦးနေဇာမ်အား ပေးခဲ့သည့် ငွေကျပ် ၁၀ သိန်းစီကို ပြန်တောင်းကြသဖြင့် ဦးနေဇာမ်က ၎င်းနှင့် ယောက္ခထီး တော်စပ်သူ ကျေးရွာ အုပ်ချုပ်ရေးမှူး ဦးဆော်ယာဒ်ဟူစိန်း မှတဆင့် ဦးဆော်ယာဒ်ဟူစိန်း အိမ်သို့ ဆင့်ခေါ်၍ နောက်တစ်ကြိမ် ငွေတောင်းလျှင် နယ်ခြားစောင့် ရဲများနှင့် ဖမ်းဆီးခိုင်းပြီး ထောင်ချခိုင်းမည်၊ သင်္ဘောကွေ့ ကျေးရွာတွင် မနေနိုင်အောင် ပြုလုပ်မည်ဟု ခြိမ်းခြောက် ခဲ့သဖြင့် ထပ်မံ၍ မတောင်းရဲတော့အောင် ဖြစ်နေကြကြောင်း ဒေသခံများက RB News သို့ပြောသည်။ 

ဦးနေဇာမ်က လူကုန်ကူးမှု ပွဲစား ပြုလုပ်နေသည်ကို ယခင်က အင်းဒင် စခန်းတွင် တာဝန်ကျဖူးသော မောင်တော မြို့မ ရဲစခန်းမှ ရဲတပ်ကြပ်ကြီး သက်မောင်ကြီးက သိရှိသွားပြီး ဦးနေဇာမ် ထံမှ ငွေကျပ် သိန်း ၂၀ ယူ၍ ဦးနေဇာမ်ကို ခေတ္တ ရှောင်နေရန် ပြောဆိုခဲ့ရာ နေရပ်ဟောင်း ဖြစ်သည့် သင်္ဘောကွေ့ ကျေးရွာတွင် ၁၅ ရက်ခန့် တိမ်းရှောင် နေခဲ့ကြောင်း ဒေသခံများက ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် အမှတ် (၃) ရပ်ကွက် အုပ်ချုပ်ရေးမှူး ဦးဌေးဝင်းနှင့် ၎င်း၏ တပည့် ဖြစ်သူ ဦးဇော်လာအာမတ် (ဘ) ဦးဘိုင်လာ (အသက် ၄၇ နှစ်) တို့သည် WY သုံးစွဲရန် ငွေမရှိသဖြင့် အမျိုးသမီး နှစ်ဦး ထံမှ ငွေညှစ်ခဲ့ကြောင်း သတင်း ရရှိပါသည်။ 

မောင်တော မြို့နယ် အမှတ် (၃) ရပ်ကွက်နေ ဦးကာမာလ်နှင့် ဒေါ်ရော်မီဒါ တို့ထံတွင် ရှုလ်ဘီနှင့် ယာစ်မီးန် ဆိုသည့် သမီးနှစ်ဦး ရှိပြီး ၎င်းတို့ နှစ်ဦးစလုံး အဆိုပါ ရပ်ကွက်တွင်ပင် အိမ်ထောင်ကျ ခဲ့သည်။ လွန်ခဲ့သည့် ၂၀၁၄ ခုနှစ် အဆိုပါ အမျိုးသမီး နှစ်ဦး၏ ခင်ပွန်းများမှာ လုပ်ကိုင် စားသောက်ရန် ခက်ခဲနေသဖြင့် မလေးရှား နိုင်ငံသို့ ထွက်ခွာ သွားခဲ့သည်။ ခင်ပွန်းသည်များ မရှိတော့သည့် ဇနီးများမှာလည်း စားဝတ်နေရေး ခက်ခဲလာသဖြင့် မိဘများ အိမ်သို့ ပြောင်းရွှေ့ နေထိုင်ခဲ့သည်။ 

ဇူလိုင်လ (၁၀) ရက်နေ့တွင် အမှတ် (၃) ရပ်ကွက် အုပ်ချုပ်ရေးမှူး ဦးဌေးဝင်း (ရခိုင် လူမျိုး) နှင့် ၎င်း၏ တပည့် ဖြစ်သူ ဦးဇော်လာအာမတ် တို့သည် ဦးကာမာလ်နှင့် ဒေါ်ရော်မီဒါ တို့၏ သမီးနှစ်ဦးကို ဆင့်ခေါ်ပြီး ဘင်္ဂလား ဒေ့ရ်ှနိုင်ငံသို့ သွားရောက် ခဲ့သည်ဟု လုပ်ကြံ စွပ်စွဲကာ ငွေကျပ် နှစ်သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ 

အုပ်ချုပ်ရေးမှူး ဦးဌေးဝင်းနှင့် ဦးဇော်လာအာမတ် တို့သည် WY မူးယစ်ဆေးဝါး သုံးစွဲ နေသူများ ဖြစ်ပြီး ယင်းနေ့တွင် ၎င်းတို့ နှစ်ဦးထံတွင် မူးယစ် ဆေးဝါး ၀ယ်ယူရန် ငွေမရှိ၍ နောက်ဆုံး ကြံရာမရ ဖြစ်ကာ အဆိုပါ အမျိုးသမီး နှစ်ဦးကို ဆင့်ခေါ်၍ ငွေညှစ်ပြီး WY မူးယစ်ဆေးဝါး ၀ယ်ယူ သုံးစွဲခဲ့ကြောင်း စုံစမ်း သိရှိရပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ညောင်ချောင်း အခြေစိုက် စ.ရ.ဖ တပ်ဆွယ်မှူး ဇော်ဇော်နိုင်သည် ဇူလိုင်လ (၅) ရက်နေ့က ဘုရားပြင် အောင်ပ ကျေးရွာ အုပ်စု အကွက် (၁) နေ ဦးမာမတ်တော်ယုဖ် (ဘ) ဦးမာမတ်ဆီဒိခ် (အသက် ၃၀ နှစ်) ကို လမ်းမှ ဖမ်းဆီး၍ စ.ရ.ဖ ရုံးသို့ ခေါ်ဆောင် သွားပြီး တရားမ၀င် ဘင်္ဂလားဖုန်း သုံးစွဲ နေသည်ဟု လုပ်ကြံ စွပ်စွဲ၍ ထိပ်တုံး ခတ်ကာ ငွေကျပ် ၃ သိန်း ညှစ်ယူခဲ့သည်။ 

ထို့အပြင် ဇူလိုင်လ (၁) ရက်နေ့ကလည်း အဆိုပါ စ.ရ.ဖ တပ်ဆွယ်မှူး ဇော်ဇော်နိုင်သည် ဘုရားပြင် အောင်ပ ကျေးရွာ အုပ်စု အကွက် (၈) နေ မော်လ၀ီ အဗ်ဒူလ္လာကို စခန်းသို့ ခေါ်ဆောင် သွားပြီး နိုင်ငံခြားမှ အလှူငွေ ရောက်ရှိနေသည်ဟု ဆိုကာ ငွေကျပ် ၅ သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။ မော်လ၀ီ အဗ်ဒူလ္လာ ထံမှ ငွေညှစ်ခြင်းသည် တစ်ရွာတည်းနေ န.စ.က လက်ထက်ကတည်းက အစိုးရ သတင်းပေး အဖြစ် ကျော်ကြားနေသူ တပည့် ကာဆိမ် (ဘ) ဦးအာမိရ်ဟမ်ဇား (အသက် ၄၀ နှစ်) ၏ မဟုတ်မမှန် သတင်း ပေးမှုကြောင့် ဖြစ်သည်ဟု ဒေသခံများက ပြောပါသည်။ 

တဖန် ဇူလိုင်လ (၂) ရက်နေ့တွင်လည်း တပည့် ကာဆိမ် ဆိုသူက မော်လ၀ီ အဗ်ဒူလ္လာ ထံသွားရောက်၍ ငွေညှစ်ရာ မော်လ၀ီက ငွေပေးရန် ငြင်းဆိုသဖြင့် အခြား အာဏာပိုင်များထံ တိုင်တန်း၍ ငွေညှစ်ခိုင်းမည်၊ ထောင်ချ ခိုင်းမည်ဟု ခြိမ်းခြောက်၍ ငွေကျပ် ၅ သိန်း ထပ်မံ ညှစ်ယူခဲ့ကြောင်း အဆိုပါ ဒေသခံက ပြောပါသည်။ တပည့်ကာဆိမ် ဆိုသူသည် န.စ.က လက်ထက် ကတည်းက အာဏာပိုင်များ လက်သပ် မွေးထားသည့် သတင်းပေး တစ်ဦး ဖြစ်ပြီး ရွာသားများကို နည်းမျိုးစုံဖြင့် ဒုက္ခပေးလျက် ရှိနေသူ ဖြစ်ကြောင်း ဒေသခံများ၏ ပြောကြားချက်များ အရ သိရသည်။