မောင်တော ။ ။ ရခိုင်ပြည်နယ်၊ မောင်တော မြို့နယ် ကျီးကန်းပြင် ကျေးရွာ အခြေစိုက် အမှတ် (၁) နယ်ခြားစောင့် ရဲတပ်ဖွဲ့ ဌာနချုပ်မှ G-1 ရဲမှူးကြီး အောင်မင်းထွေးသည် လွန်ခဲ့သည့် သြဂုတ်လ ၂၇၊ ၂၈၊ ၂၉ ရက်နေ့များတွင် ငါးခူရ၊ ကြိမ်ချောင်းနှင့် တမန်းသား ကျေးရွာများရှိ နယ်ခြားစောင့် ရဲတပ်ဖွဲ့ စခန်းများသို့ သွားရောက်၍ နီးစပ်ရာ ကျေးရွာအုပ်စု များမှ ရပ်မိရပ်ဖများ၊ ဘာသာရေး မော်လ၀ီ ဆရာများကို ဆင့်ခေါ်၍ အစည်းအဝေးများ ကျင်းပခဲ့သည်။ 

အဆိုပါ အစည်းအဝေးများတွင် အဓိကအားဖြင့် အစိမ်းနုရောင်ကဒ်များ မဖြစ်မနေ ယူကြရန် တွန်းအားပေး ပြောဆိုခဲ့သည်။ ၎င်းက အစိမ်းနုရောင်ကဒ် မယူသူများသည် ၀က်၊ ခွေး၊ နွား စသည့် တိရစ္ဆာန်များနှင့် တူသည်ဟု လူ့ဂုဏ်သိက္ခာကိုပင် မငှဲ့ကွက်ပဲ အလွန် ရိုင်းစိုင်းစွာ ပြောဆို ခဲ့ကြောင်း ဒေသခံများက RB News သို့ပြောပါသည်။ 

ရဲမှူးကြီး အောင်မင်းထွေးက အစိမ်းနုရောင်ကဒ်များ မယူလျှင် စီးပွားရေး၊ ဘာသာရေးနှင့် ခရီးသွားလာရေးများ ပိတ်ပင်ခြင်း ခံရမည့်အပြင် အိမ်မှ အပြင်သို့ပင် ထွက်ခွင့် မပေးဘဲ အားလုံးကို RSO အဖြစ် စွပ်စွဲကာ ဖမ်းဆီးမည်ဟု ခြိမ်းခြောက် ပြောဆိုခဲ့ကြောင်း အစည်းအဝေးသို့ တက်ရောက်ခဲ့သူများ၏ ပြောကြားချက်များ အရ သိရှိရပါသည်။ 

အလားတူ အမှတ် (၂) နယ်မြေ အောင်ဇံ ကျေးရွာအုပ်စုရှိ နယ်ခြားစောင့် ရဲတပ်ဖွဲ့ တပ်ရင်းမှူးကလည်း ရပ်မိရပ်ဖ များနှင့် ဘာသာရေး ဆရာများကို အစည်းအဝေး ခေါ်ယူပြီး အစိမ်းနုရောင်ကဒ်များ လက်ခံယူရန် ဖိအားပေး ခြိမ်းခြောက်မှုများ ပြုလုပ်ခဲ့ကြောင်း သိရှိရပါသည်။

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ် အခြေစိုက် ခြေမြန်တပ်ရင်း (၅၅၁) မှ တပ်ရင်းမှူး ဒုဗိုလ်မှူးကြီး စံအောင်ကျော်နှင့် တပ်ဖွဲ့ဝင် (၁၂) ဦးတို့သည် စက်တင်ဘာလ (၁) ရက်နေ့ နံနက် ၇ နာရီ အချိန်တွင် အနောက်ပြင် ကျေးရွာမှ ဦးဟာမိတ်၏ နေအိမ်ကို ၀န်းရံကာ ဦးဟာမိတ်ကို ရှာဖွေခဲ့ရာ မတွေ့ရှိသဖြင့် ဦးဟာမိတ်၏ ဇနီး ဒေါ်ဆာန်ဒူးဘာနု (ဘ) ဦးဖောဇောရောင်း (အသက် ၃၇ နှစ် - ကိုယ်ဝန်ဆောင်) ကိုဖမ်းဆီးညီ့း ကြိုးဖြင့် ချည်နှောင်၍ ကျေးရွာ အုပ်ချုပ်ရေးမှူး ဦးမောင်မောင်၏ နေအိမ်သို့ ခေါ်ဆောင် သွားခဲ့သည်။

ထို့နောက် စစ်သားများက ဦးဟာမိတ်သည် တရားမ၀င် နွားပွဲစားလုပ်ခဲ့သည်ဟု စွပ်စွဲ၍ ဇနီးဖြစ်သူ လူမျိုး၊ ဘာသာ ခွဲခြား၍ ဆဲဆို ခြိမ်းခြောက်မှုများ ပြုလုပ်ပြီး ငွေကျပ် နှစ်သိန်း ညှစ်ယူကာ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။ 

ခင်ပွန်းဖြစ်သူကို တရားမ၀င် နွားရောင်းဝယ် ပြုလုပ်သည်ဟု စွပ်စွဲ၍ ဇနီးသည်အား စစ်သားများက ကြိုးဖြင့် ချည်နှောင်၍ ဖမ်းဆီး ငွေညှစ်ခြင်းမှာ ဥပဒေမဲ့ ပြုလုပ်သော လုပ်ရပ် ဖြစ်သည်။ ထို့အပြင် စစ်သားများက အပြစ်မဲ့ အမျိုးသမီး တစ်ဦးကို ရာဇ၀တ်ကောင် ကဲ့သို့ ကြိုးဖြင့် ချည်နှောင်ကာ လူအများ ရှေ့မှောက်တွင် ကာအိနြေ္ဒ ပျက်ပြားစေသည့် အထိ ဆွဲ၍ ခေါ်ဆောင်သွားခြင်း၊ လူကဲ့သို့ မဆက်ဆံဘဲ တိရစ္ဆာန် ကဲ့သို့ ဆက်ဆံခြင်းမှာလည်း ဥပဒေမဲ့ လုပ်ရပ်များပင် ဖြစ်သည်။ 

အဆိုပါ ခြေမြန်တပ်ရင်း (၅၅၁) မှ တပ်ရင်းမှူးနှင့် အဖွဲ့သည် စက်တင်ဘာလ (၂) ရက်နေ့တွင်လည်း ဦးမာမတ်ဂျော်လာလ် (ဘ) ဦးကာဆိမ် (အသက် ၃၅ နှစ်) အပါအ၀င် အနောက်ပြင် ကျေးရွာသား ၂၅ ဦးကို ရခိုင်များထံတွင် နေ့စား အလုပ်လုပ်ခဲ့သည်ဟု ဆိုကာ ဖမ်းဆီး၍ ချုပ်နှောင်၍ ရိုက်နှက်ခဲ့သည်။ ထို့အပြင် နောက်နောင် မည်သည့် အခါမှ ရခိုင်များနှင့် ပေါင်းသင်းမည် မဟုတ်ဟု ခံဝန်ချက် လက်မှတ်ရေးထိုး ပေးမှသာ ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။ 

ထိုသတင်းကို ရသေ့တောင် မြို့နယ်၊ ဥဂ္ဂါကျေးရွာမှ ကြံ့ခိုင်ရေး ပါတီ စည်းရုံးရေးမှူး ဦးမောင်လှစိန်က ကြားသိပြီးနောက် “ငါတို့ တစ်မြေတည်းနေ လူမျိုးနှစ်မျိုး သင့်မြတ်လာနေတာကို စစ်သားတွေက ဘာကြောင့် ပိတ်ပင် နှောက်ယှက် နေရတာလဲ၊ နောက်တစ်ကြိမ် လူမျိုးရေး အဓိကရုဏ်း ဖြစ်စေချင်လို့လား” ဟု ဝေဖန် ပြောဆိုခဲ့ကြောင်း သိရသည်။

5.9.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ငါးစကြူး ကျေးရွာအုပ်စု၊ နိယာရ်ဘိလ် အနောက်ရွာမှ ဦးရှားကဲရ် (ဘ) ဦးဆူလေမန်သည် ပုဇွန်၊ ငါး ရောင်းဝယ်၍ အသက်မွေးဝမ်းကျောင်း ပြုနေသည့် ဆင်းရဲသား တစ်ဦး ဖြစ်သည်။ ၎င်းသည် ပုဇွန်များ ရောင်းချရာတွင် ယင်းရွာ၌ ပုဇွန်အ၀ယ်ဒိုင် ဖွင့်၍ ပုဇွန်ဝယ်ယူနေသော ရွာသား ဦးနူရ်ဟာရှိမ် (ဘ) ဦးရှုကူရ်နှင့် ဦးဇာဂိရ်ဟူစိန်း (ဘ) ဦးဂျော်မိလ်ဟူစိန်း တို့ထံ ဈေးနှုန်း နည်း၍ မရောင်းဘဲ၊ အောက်ပြူးမ ကျေးရွာနှင့် ငါးခူရ ကျေးရွာဈေးရှိ ပုဇွန်အ၀ယ်ဒိုင် များထံ သွားရောက်၍ ရောင်းချလေ့ ရှိသည်။ 

ဦးရှားကဲရ်က ၎င်း၏ ကျေးရွာရှိ ပုဇွန် အ၀ယ်ဒိုင်များထံ ပုဇွန်များ မရောင်းချခြင်းနှင့် ပတ်သက်၍ အ၀ယ်ဒိုင် နှစ်ဦး ဖြစ်သည့် ဦးနူရ်ဟာရှိမ်နှင့် ဦးဇာဂိရ်ဟူစိန်း တို့က မကျေနပ်သောကြောင့် ငါးခူရရှိ နယ်ခြားစောင့် ရဲတပ်ဖွဲ့ထံ ဦးရှားကဲရ်က ပုဇွန်များကို မှောင်ခိုလမ်းကြောင်းဖြင့် ဘင်္ဂလားဒေ့ရ်ှသို့ တင်ပို့နေသည်ဟု လုပ်ကြံ၍ တိုင်ကြားခဲ့သည်။ 

ထိုသို့ တိုင်ကြားပြီးနောက် စက်တင်ဘာလ (၁) ရက်နေ့ နံနက်ပိုင်းတွင် ဦးရှာကဲရ်က ပုဇွန် ကီလို ၂၀ ဖြင့် အောက်ပြူးမ ကျေးရွာသို့ သွားနေစဉ် ကပ္ပခေါင်း ကျေးရွာ တံတားအနီးတွင် စောင့်နေသည့် ငါးခူရ စခန်းမှ နယ်ခြားစောင့်ရဲ (၃) ဦးက ဖမ်းဆီးပြီး လူမဆန်စွာ ရိုက်နှက်ကာ စခန်းသို့ ခေါ်ဆောင် သွားခဲ့သည်။ ထို့နောက် နယ်ခြားစောင့် ရဲတပ်ဖွဲ့ စခန်းတွင် နယ်ခြားစောင့် ရဲများက ဦးရှားကဲရ် ထံမှ ငွေကျပ် ၃ သိန်း ၇ သောင်း ညှစ်ယူသည့် အပြင် ပါလာသည့် ပုဇွန် ကီလို ၂၀ ကိုလည်း သိမ်းယူခဲ့ကြောင်း ဒေသခံ တစ်ဦးက RB News သို့ပြောပါသည်။

မဇ္ဈိမ

(ဓါတ်ပုံ - EPA/လင်းဘိုဘို)

Kamayut Media

5.9.2015

မသိင်္ဂီလင်း

ဗွီအိုအေမြန်မာပိုင်း

5.9.2015

လာမယ့် နိုဝင်ဘာလမှာ ကျင်းပမယ့် မြန်မာနိုင်ငံ ရွေးကောက်ပွဲ အတွက် တရား မျှတမှု ရှိဖို့ အမေရိကန် ပြည်ထောင်စု အနေနဲ့ လိုလား စောင့်ကြည့် နေသလို မြန်မာနိုင်ငံ ဖွံ့ဖြိုးရေး လုပ်ငန်းတွေ အတွက် တတ်အားသရွေ့ ကူညီ ပံ့ပိုးသွားဖို့ ရှိတယ်လို့ မြန်မာနိုင်ငံကို ရောက်နေတဲ့ အရှေ့အာရှနဲ့ ပစိဖိတ်ရေးရာ အမေရိကန် လက်ထောက် နိုင်ငံခြားရေး ဝန်ကြီး Daniel Russel က မြန်မာ အစိုးရ တာဝန်ရှိသူ တချို့နဲ့ ဒီကနေ့ တွေ့ဆုံစဉ်မှာ ပြောကြား ခဲ့ပါတယ်။ အပြည့်အစုံ ကိုတော့ VOA သတင်းထောက် မသိင်္ဂီလင်းက တင်ပြပေးထားပါတယ်။

အရှေ့အာရှနဲ့ ပစိဖိတ်ရေးရာ အမေရိကန်လက်ထောက် နိုင်ငံခြားရေးဝန်ကြီး Daniel ရဲ့ မြန်မာခရီးစဉ် ဒုတိယနေ့မှာတော့ သမ္မတရုံးဝန်ကြီး ဦးစိုးသိန်းနဲ့တွေ့ဆုံခဲ့ပြီး မြန်မာနိုင်ငံဖွံ့ဖြိုးတိုးတက်ရေးအကြောင်း ဆွေးနွေးခဲ့ပြီး အမေရိကန်ပြည်ထောင်စုအနေနဲ့ လာမယ့်ရွေးကောက်ပွဲမှာ ကူညီပေးနိုင်မယ့် နည်းလမ်းတွေအကြောင်း ပြောဆိုခဲ့တယ်လို့ မြန်မာငြိမ်းချမ်းရေးစင်တာက ဦးညိုအုန်းမြင့်က VOA ကို အခုလိုပြောပါတယ်။

“သမ္မတရုံးဝန်ကြီး ဦးစိုးသိန်းနဲ့ကတော့ အဓိကအားဖြင့် မြန်မာနိုင်ငံရဲ့ဖွံ့ဖြိုးတိုးတက်ရေး၊ တည်ငြိမ်ရေးပေါ့နော်။ နောက်တခါ အစိုးရပိုင်းကနေပြီးတော့ ဆောင်ရွက်ပေးနေတဲ့အပိုင်းပေါ်မှာ ရွေးကောက်ပွဲကိစ္စလိုဟာမျိုးတွေကို ဆွေးနွေးသွားပါတယ်။ နောက်တခါ သူတို့ရဲ့- ကျနော်တို့ အစိုးရနဲ့ဆက်သွယ်တဲ့ ဆက်သွယ်တဲ့ကိစ္စမျိုးတွေမှာ အမေရိကန်ပြည်ထောင်စုအနေနဲ့ ဘာတွေ ဝိုင်းကူလုပ်ပေးရမလဲပေါ့နော်။ တဘက်မှာလည်း ဝါရှင်တန်မှာရှိနေတဲ့ …. လူနဲ့က ရွေးကောက်ပွဲအတွက်ကို တရားမျှမျှတတဖြစ်ဖို့ ပိုပြီးတော့ မျှော်လင့်တယ်။ အဲလိုတော့ ပြောသွားပါတယ်ခင်ဗျ။”

ဝန်ကြီးဦးစိုးသိန်းကလည်း အမေရိကန်အခြေစိုက် ရွေးကောက်ပွဲ စောင့်ကြည့်ရေးအဖွဲ့တွေနဲ့ ပူးပေါင်းပြီး လာမယ့် ၂၀၁၅ ရွေးကောက်ပွဲမှာ ပွင့်လင်း မြင်သာမှုရှိပြီး အကောင်းဆုံးဖြစ်အောင် ဆောင်ရွက်သွားဖို့ ပြောခဲ့တယ်လို့ ဦးညိုအုန်းမြင့်က ပြောပါတယ်။

“ဦးစိုးသ်ိန်းအနေနဲ့ကလည်း ရွေးကောက်ပွဲမှာ တရားမျှတမှုရှိဖို့၊ စနစ်မှန်ဖို့၊ အပြည်ပြည်ဆိုင်ရာ စံနှုန်းတွေအရလက်ခံဖို့ဆိုပြီးတော့ အမေရိကန်မှာ အခြေစိုက်တဲ့ International Republican Institute တို့၊ ကာတာစင်တာတို့နဲ့ ပူးပေါင်းဆောင်ရွက်နေတဲ့အကြောင်း၊ သူတို့နဲ့ MOU လက်မှတ် ထိုးထားတဲ့အတွက် ရွေးကောက်ပွဲတွေမှာ လွတ်လွတ်လပ်လပ် ဆောင်ရွက်ပေးနိုင်မယ်။ သမ္မတကြီးရဲ့ ပြုပြင်ပြောင်းလဲရေးမှာ၊ အဓိကကျတဲ့ ၂၀၁၅ ရွေးကောက်ပွဲမှာ အကောင်းဆုံးဖြစ်အောင် အစိုးရဘက်ကနေ ဆောင်ရွက်သွားမယ့်အကြောင်း အပြန်အလှန်ဆွေးနွေးကြတာကို တွေ့ရပါတယ်ခင်ဗျ။”

လက်ထောက်ဝန်ကြီး Daniel Russel ဟာ အမေရိကန်အခြေစိုက် အရပ်ဖက်အဖွဲ့အစည်းတွေရဲ့ မြန်မာဌာနေ ကိုယ်စားလှယ်တွေနဲ့ တွေ့ဆုံခဲ့ပြီး လာမယ့် ၂၀၁၅ ရွေးကောက်ပွဲမတိုင်မီ ကြုံတွေ့နေရတဲ့ စိန်ခေါ်ချက်တွေအကြောင်း ဆွေးနွေးခဲ့ကြတယ်လို့ လက်ထောက်ဝန်ကြီးရဲ့ twitter စာမျက်နှာမှာ ဖော်ပြထားပါတယ်။

ဒါ့အပြင် ညနေပိုင်းမှာတော့ လက်ထောက်ဝန်ကြီးက အရှေ့တောင်အာရှ လူငယ်ခေါင်းဆောင်မှုအစီအစဉ် အဖွဲ့ဝင် မြန်မာလူငယ်တွေနဲ့ တွေ့ဆုံခဲ့ပြီး လာမယ့် ရွေးကောက်ပွဲအပေါ် လူငယ်တွေရဲ့ အမြင်တွေကို ဆွေးနွေးခဲ့ကြပါတယ်။

အင်ကြင်းနိုင်

ဗွီအိုအေမြန်မာပိုင်း

5.9.2015

ရခိုင်ပြည်နယ် အခြေစိုက် ဒီမိုကရေစီနဲ့ လူ့အခွင့်အရေး ပါတီရဲ့ လွှတ်တော် ကိုယ်စားလှယ်လောင်း ၁၈ ဦးထဲက ၁၇ ဦးကို ခရိုင် ရွေးကောက်ပွဲ ကော်မရှင်တွေက ပယ်ချ လိုက်ပါတယ်။ ဒီလို ပယ်ချတာဟာ ဥပဒေနဲ့ညီညွတ်မှု မရှိဘူးလို့ ပါတီဥက္ကဌ ဦးကျော်မင်းက ဗွီအိုအေကို ပြောပါတယ်။ ဆက်သွယ် မေးမြန်း ထားတဲ့ မအင်ကြင်းနိုင်က တင်ပြထား ပါတယ်။

ဒီမိုကရေစီနဲ့ လူ့အခွင့်အရေးပါတီ အနေနဲ့ ရခိုင်ပြည်နယ်တွင်း ၁ နေရာ၊ ရန်ကုန်တိုင်းဒေသကြီးတွင်း ၇ နေရာ စုစုပေါင်း ၁၈ နေရာမှာ ၀င်ရောက်ယှဉ်ပြိုင်ဖို့ လွှတ်တော်ကိုယ်စားလှယ်လောင်း အမည်စာရင်း ပေးသွင်းထားတာပါ။

အဲဒီထဲမှာ ရခိုင်ပြည်နယ်က သူတို့ယှဉ်ပြိုင်မယ့် နေရာအားလုံးနဲ့ ရန်ကုန်တိုင်းဒေသ ကြီးတွင်း ၆ နေရာက ကိုယ်စားလှယ်လောင်းတွေကို နိုင်ငံသားဖြစ်ဖို့အတွက် လိုအပ်ချက်တွေနဲ့ ကိုက်ညီမှုရှိဘူးလို့ ခရိုင်ကော်မရှင် တွေက ပယ်ချခဲ့တဲ့ အကြောင်း မောင်တောခရိုင် ပြည်နယ်လွှတ်တော်ကိုယ်စားလှယ်လောင်းအနေနဲ့ ၀င်ရောက် ယှဉ်ပြိုင်မယ့် ပါတီဥက္ကဌ ဦးကျော်မင်းက ဗွီအိုအေကိုပြောပါတယ်။

“ပယ်တဲ့ အကြောင်းပြချက်ကတော့ ရှည်ရှည်ဝေးဝေးမရှိဘူး။ ရွေးကောက်ပွဲဥပဒေ နည်းဥပဒေနဲ့ ညီညွတ်မှုမရှိ သဖြင့် ပယ်ပါတယ်ဆိုတဲ့ အကြောင်းပြချက်ပဲ။ အန်ကယ်တို့သိတာကလည်း ရွေးကောက်ပွဲဥပဒေမှာ မပြိုင်နိုင် တဲ့လူက ရူးသွပ်တဲ့လူဖြစ်ရမယ်၊ လူမွဲကြေညာခြင်း ခံရတဲ့လူဖြစ်ရမယ်၊ ထောင်ထဲကလူဖြစ်ရမယ်၊ မတရား အသင်းနဲ့လည်း ဆက်သွယ်တဲ့လူဖြစ်ရမယ် စသည်ဖြင့်ပေါ့။ အန်ကယ်တို့က ဒါတွေ ဘာတခုမှမှ မငြိစွန်းဘူး။ သူတို့ပြောချင်တာက အန်ကယ်တို့ရဲ့မိဘများ နိုင်ငံသားမဟုတ်ဘူး၊ အမျိုးသားမှတ်ပုံတင်ကိုင်ရုံနဲ့ နိုင်ငံသားလို့ သူတို့က အသိအမှတ်မပြုနိုင်ဘူးဆိုတဲ့စကား ပြောနေတယ်။”

ဒီမိုကရေစီနဲ့ လူ့အခွင့်အရေးပါတီ လွှတ်တော်ကိုယ်စားလှယ်လောင်းအားလုံးမှာ နိုင်ငံသားမှတ်ပုံတင်တွေ ရှိနေ တဲ့အတွက်လည်း ရွေးကောက်ပွဲမှာ ဥပဒေနဲ့အညီ ၀င်ရောက်ယှဉ်ပြိုင်တာဖြစ်တယ်လို့ ဦးကျော်မင်းကဆိုပါ တယ်။ ဒါကြောင့် အခုလို ခရိုင်ရွေးကောက်ပွဲကော်မရှင်တွေက ပယ်ချတာဟာ ဥပဒေနဲ့မညီဘူးလို့ သူကပြော ပါတယ်။

“အမျိုးသားမှတ်ပုံတင်အပြင် စိစစ်ရေးကဒ်ပြားဆိုတာ ၈၂ ခုနှစ်နောက်ပိုင်း ပေါ်တဲ့ကိစ္စ၊ အဲဒါကိုလည်း ကျနော် တို့ရခိုင်ပြည်မှာ လူတွေကို ထုတ်ပေးတာမဟုတ်ဘူး။ အဲဒီတော့ မိဘများ နိုင်ငံသားဖြစ်ကြောင်း ဘာနိုင်ငံသား လက်မှတ် ပြရမလည်း၊ အဲဒါ လက်တွေနဲ့ ဥပဒေနဲ့ ညီညွတ်မှုမရှိဘူးလို့ ဦးတို့ကမြင်တယ်။ နောက်ပြီးတော့ အမျိုးသားမှတ်ပုံတင်ရှိရင် နိုင်ငံသားပေါ့။ အဲဒါရှိလို့လည်း အမျိုးသားမှတ်ပုံတင် ရှိတဲ့လူတွေကို ရွေးကောက်ပွဲ ၀င်ခွင့် ပြုတယ်။ ကျနော်လည်း အမျိုးသားမှတ်ပုံတင် ကိုင်တဲ့လူပဲ။ ဥပဒေမှာခွင့်ပြုလို့ နိုင်ငံသားလက်မှတ်ဆိုလို့ ကျနော်တို့ လျှောက်တာပါ။ လက်တွေ့ကျမှ အဲဒါက နိုင်ငံသားလက်မှတ်မဟုတ်ဘူး၊ ဘိုးဘွားဘီဘင် ပြရမယ် ဆိုတော့ ကျနော်က အသက် ၇၀ ရှိပြီ၊ ကျနော့်ဘီဘင်က နှစ် ၅၀၊ ၁၀၀၊ ၁၅၀ ရှိသွားပြီ၊ ၁၅၀ အရင်က အထောက်အထား ဘယ်ကနေရှာလို့ရမလည်း။”

ဦးကျော်မင်းကိုယ်တိုင်လည်း မောင်တော်ခရိုင်ကော်မရှင်ရဲ့ ပယ်ချမှုနဲ့ပတ်သက်ပြီး ရခိုင်ပြည်နယ် ရွေးကောက်ပွဲကော်မရှင်ရှိတဲ့ စစ်တွေမှာ မနေ့က သွားရောက်ပြီး အယူခံဝင်ထားပါတယ်။ အဖြေကိုတော့ စက်တင်ဘာလ ၇ ရက်နေ့မှာသိရမယ်လို့ ဦးကျော်မင်းကပြောပါတယ်။ ရခိုင်ပြည်နယ်မှာ ၀င်ရောက်ယှဉ်ပြိုင်တဲ့ အစ္စလာမ်ဘာသာဝင် ကိုယ်စားလှယ်လောင်းတွေအနေနဲ့ မိဘတပါးဖြစ်စေ၊ နှစ်ပါးစလုံးဖြစ်စေ၊ နိုင်ငံသားမဖြစ် သေးတဲ့အချက်မှာ ငြိစွန်းနေတယ်ဆိုပြီး ရွေးကောက်ပွဲကော်မရှင်တွေက ပယ်ချခဲ့တာပါ။ စက်တင်ဘာလ ၁ ရက်နေ့ကလည်း မောင်တောခရိုင်ကနေ ၀င်ရောက်ယှဉ်ပြိုင်မယ့် တသီးပုဂ္ဂလ ကိုယ်စားလှယ်လောင်းလည်းဖြစ်၊ လက်ရှိလွှတ်တော်ကိုယ်စားလှယ် ဦးရွှေမောင်ရဲ့အယူခံကို ပြည်ထောင်စုရွေးကောက်ပွဲကော်မရှင်က ပယ်ချခဲ့ပါ တယ်။ ဒီလိုပယ်ချခဲ့မှုကို အာဆီယံအမတ်များအဖွဲ့ကလည်း ဝေဖန်ရှုတ်ချခဲ့ပါတယ်။

ဒါကြောင့် နိုဝင်ဘာလ ၈ ရက်နေ့မှာကျင်းပမယ့် ရွေးကောက်ပွဲမှာ ရခိုင်ပြည်နယ် တွင်း ဖြစ်လာနိုင်တဲ့ အခြေအနေနဲ့ပတ်သက်ပြီး ဦးကျော်မင်းကိုမေးကြည့်တော့

“ကျနော်တို့ ရခိုင်ပြည်ဘက်မှာ ပဋိပက္ခတွေရှိတာကိုး။ အဲဒီတော့ ပဋ်ိပက္ခလုပ်ချင်တဲ့လူတွေ ရှိကောင်းရှိမယ်။ အားနည်းတဲ့လူက နည်းနည်း အခက်အခဲတွေနဲ့ ရင်ဆိုင်ရနိုင်တဲ့ အနေအထားရှိပါတယ်။ အင်အားရှိတဲ့လူက အနိုင်ကျင့်တဲ့ပုံစံမျိုး ရှိနိုင်ပါတယ်။”

ဒီမိုကရေစီနဲ့ လူ့အခွင့်အရေးပါတီဥက္ကဌ ဦးကျော်မင်းကိုယ်တိုင်လည်း အရင် ၁၉၉၀ ရွေးကောက်ပွဲတုန်းက ရခိုင် ပြည်နယ်မှာ ၀င်ရောက်ယှဉ်ပြိုင်ခဲ့ပြီး လွှတ်တော်ကိုယ်စားလှယ်တဦးအဖြစ် ရွေးကောက် တင်မြှောက်ခံခဲ့ရပါ တယ်။ ဒါပေမဲ့ အရင် နအဖ စစ်အစိုးရက သူနဲ့ သူ့မိသားစုဝင်တွေကိုပါ ဖမ်းဆီးပြီး နှစ်ရှည်ထောင်ဒဏ် ချမှတ်ခဲ့ ပါတယ်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ငါးခူရ ကျေးရွာ အခြေစိုက် အမှတ် (၅) နယ်မြေ၊ နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့် ရဲများသည် အနီးအနားရှိ ကျေးရွာများသို့ သွားရောက်၍ ရှောင်တခင် စစ်ဆေးမှုများ ပြုလုပ်ပြီး အပြစ်မဲ့ ဒေသခံ ရွာသားများကို ဘင်္ဂလားဖုန်း သုံးနေသည်ဟု စွပ်စွဲကာ ငွေညှစ်လျက် ရှိကြောင်း သတင်း ရရှိပါသည်။ 

နယ်ခြားစောင့် ရဲများ စစ်ဆေးလျက် ရှိသော ကျေးရွာများထဲတွင် ဒိုးတန်း ကျေးရွာသို့ နယ်ခြားစောင့်ရဲ (၇) ဦးက နေ့ရောညပါ စစ်ဆေးနေခြင်း အဆိုးဆုံး ဖြစ်သည်ဟု ဒေသခံများက RB News သို့ပြောပါသည်။ လွန်ခဲ့သည့် ဇူလိုင်လ (၁၅) ရက်နေ့က အဆိုပါ (၇) ဦး အဖွဲ့သည် ဒိုးတန်း ကျေးရွာသို့ ၀င်ရောက်ပြီး ဘင်္ဂလားဖုန်းများ သုံးနေသည်ဟု ဆိုကာ အုစ်မာန် (ဘ) ဦးအာမီးရ်ဟူဆောင်း (အသက် ၂၅ နှစ်) ထံမှ ငွေကျပ် နှစ်သိန်း၊ ဦးဆော်ယာဒ်အာမတ် (ဘ) ဦးမိုဟာမတ် အာမီးန် (အသက် ၃၀ နှစ်) ထံမှ ငွေကျပ် နှစ်သိန်း ညှစ်ယူခဲ့သည်။ ထို့အပြင် သြဂုတ်လ (၉) ရက်နေ့ကလည်း အာရ်ဖာန် (ဘ) ဦးမိုဟာမတ်ရှော်ရိဖ် (အသက် ၂၄ နှစ်) ကို လူမဆန်စွာ ရိုက်နှက်၍ ငွေကျပ် သုံးသိန်း ညှစ်ယူခဲ့သည်။ သြဂုတ်လ (၂၉) ရက်နေ့ ညပိုင်းတွင်လည်း လူနေအိမ်များကို စစ်ဆေး၍ တရားမ၀င် ပစ္စည်း တစ်စုံတစ်ရာ မတွေ့ရှိသော်လည်း ဘင်္ဂလားဖုန်းများ သုံးနေသည်ဟု ဆိုကာ ဦးမုစ်တာဖာ (ဘ) ဦးနူရ်အာမတ် (အသက် ၄၂ နှစ်) ထံမှ ငွေကျပ် သုံးသိန်း၊ ကော်ဘိရ်အာမတ် (ဘ) ဦးမိုဟာမတ်ဟာဆောင် (အသက် ၂၈ နှစ်) ထံမှ ငွေကျပ် တစ်သိန်း ညှစ်ယူခဲ့သည့် အပြင် မိုဟာမတ်အုလ္လာ (ဘ) ဦးဟာဘီအုလ္လာ (အသက် ၂၆ နှစ်) ၏ ဆိုင်ရှိ ငွေသေတ္တာမှ ငွေကျပ် သုံးသိန်း လုယက်ယူခဲ့သည်။ ယင်းနေ့တွင် ငွေကျပ် တစ်သိန်း ညှစ်ခံရသည့် ကော်ဘိရ်အာမတ် (ဘ) ဦးမိုဟာမတ်ဟာဆောင် ထံမှ ဇူလိုင်လ (၅) ရက်နေ့ကလည်း ငွေကျပ် သုံးသိန်း ညှစ်ယူခဲ့ကြောင်း သိရသည်။ 

ဒိုးတန်း ကျေးရွာသို့ မကြာခဏ ၀င်ရောက်၍ ရှောင်တခင် စစ်ဆေးလျက် ရှိသည့် နယ်မြေ (၅) နယ်ခြားစောင့် ရဲတပ်ဖွဲ့ စခန်းမှ အဆိုပါ နယ်ခြားစောင့် ရဲများသည် ဒေသခံ ရွာသားများကို လူမဆန်စွာ ရိုက်နှက် ရက်စက်ပြီး ဘင်္ဂလားဖုန်းများ သုံးနေသည့်ဟု လုပ်ကြံ စွပ်စွဲ ဖမ်းဆီးပြီး ငွေညှစ် နေခြင်းမှာ ဥပဒေကို ချိုးဖောက်၍ ပြုလုပ်နေခြင်း ဖြစ်ပြီး၊ ယင်းသို့ ပြုလုပ်နေခြင်းကို အထက်အရာရှိများ သိရှိသော်လည်း ဟန့်တားခြင်း မရှိသည်ကို တွေ့ရှိရသည်။ အဆိုပါ နယ်ခြားစောင့် ရဲများသည် ဒိုးတန်းမှ ရွာသားများ စီးနင်းနေသည့် ဆိုင်ကယ်များကို အတင်းအဓမ္မ လုယူ၍ စီးနင်းသွားပြီး ငါးခူရရှိ ၎င်းတို့ စခန်းသို့ ယူဆောင် သွားလေ့ရှိသည်။ နယ်ခြားစောင့် ရဲတစ်ဦးက “မင်းတို့ ကုလားတွေကို လက်ခြေထောက် သုံးပြီး ရက်စက် ဖိနှိပ်လို့ ရမှ စိတ်ချမ်းသာတယ်” ဟု ပြောဆိုခဲ့ကြောင်း ဒေသခံများက ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖရုံချောင်း ကျေးရွာအုပ်စု၊ ဖရုံချောင်း ပြိုင်းတောင်ရွာမှ တာဝန်ခံ ဦးဆော်လီမူလ္လာသည် မြို့နယ် အုပ်ချုပ်ရေးမှူးရုံးနှင့် သစ်တော ဦးစီးဌာန တို့မှ ခွင့်ပြုချက် မယူဘဲ ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့နှင့် စိမ်းညှင်းပြား ကျေးရွာ အခြေစိုက် တပ်မတော် တပ်ရင်းတို့ကို လာဘ်ငွေများ ပေးပြီး လွှသမား ၁၅ ဖွဲ့ဖြင့် မေယုတောင်မှ သစ်ဖြူများ ခုတ်ဖြတ်၍ စစ်တွေမြို့မှ ရခိုင် သစ်လုပ်ငန်းရှင်များကို ရောင်းချလျက် ရှိကြောင်း သတင်း ရရှိပါသည်။ 

ယနေ့ စက်တင်ဘာလ (၃) ရက်နေ့ နံနက် ၈ နာရီ အချိန်တွင် ဦးဆော်လီမူလ္လာ၏ သစ်ခွဲသမား အဖွဲ့ခေါင်းဆောင် ဖရုံချောင်း ကျေးရွာအုပ်စု၊ ဒိုးတန်းတစ်ရွာမှ ဦးဟိုင်ရုလ်ဘော်ရှော်ရ် (ဘ) ဦးအဒူမော်ဂျိတ် (အသက် ၃၀ နှစ်) သည် သစ်ခွဲနေစဉ် သစ်သားတုံး တစ်ပိုင်း ၎င်း၏ ကိုယ်ပေါ်သို့ ပြိုကျ၍ ပွဲချင်းပြီး သေဆုံး သွားခဲ့သည်။ ၎င်း၏ ရုပ်အလောင်းကို နေ့လည် ၃း၃၀ နာရီ အချိန်တွင် စက်လှေ တစ်စီးဖြင့် ဖရုံချောင်း ကျေးရွာသို့ သယ်ဆောင် လာခဲ့သည်။ သို့သော် ညောင်ချောင်း ကျေးရွာမှ နယ်ခြားစောင့် ရဲများက စစ်ဆေးရမည်ဟု ဆိုကာ စက်လှေပေါ်မှ ကမ်းပေါ်သို့ တင်ဆောင် ခွင့်မပြုဘဲ စက်လှေ ပေါ်တွင်သာ ထားစေခဲ့ကြောင်း ဒေသခံ တစ်ဦးက RB News သို့ပြောပါသည်။ 

ညနေ နေ၀င်ချိန်တွင် နယ်ခြားစောင့် ရဲများက ဘူးသီးတောင် ရဲစခန်းသို့ ပို့ရမည်ဟု ဆိုကာ အဆိုပါ စက်လှေကို ဘူးသီးတောင် ရဲစခန်းသို့ စေလွှတ် လိုက်သည်။ 

ဖရုံချောင်း ပြိုင်းတောင် ကျေးရွာ တာဝန်ခံ ဦးဆော်လီမူလ္လာသည် နယ်ခြားစောင့် ရဲတပ်ဖွဲ့၏ အမာခံ တပည့်တစ်ဦး ဖြစ်ပြီး ရွာသားများကို နည်းမျိုးစုံဖြင့် ညှဉ်းပန်း နှိပ်စက်နေသူ တစ်ဦး ဖြစ်သည်။ ရွာသားများကို အစိမ်းနုရောင်ကဒ် လက်ခံယူရန် ဖိအားပေးနေသူလည်း ဖြစ်သည်ဟု ဒေသခံများက ပြောပါသည်။

ရိုဟင်ဂျာတွေ ရင်ဆိုင်နေရတဲ့ ကိစ္စဟာ ဌာနေ တိုင်းရင်းသား အသိုင်းအဝိုင်းကြီး တစ်ခုလုံးထဲက နေ ဗမာ အစိုးရက စနစ်တကျ သုတ်သင် ဖယ်ရှား နေတဲ့ ဖြစ်စဉ်ပဲ ဖြစ်ပြီး လူမျိုးတုံး သုတ်သင်ခံရမှု ဆိုတဲ့ လုပ်ရပ်ရဲ့ ဥပမာ တစ်ခုပဲ ဖြစ်ပါတယ်။

(၂ဝ၁၅ ခုနှစ် မေလ ၂၈ ရက်နေ့က ကျင်းပတဲ့ အော်စလို ညီလာခံမှာ တင်သွင်းတဲ့ နိုဗယ်ဆုရှင် ဒတ်စမွန်တူးတူး ရဲ့ အဆိုကို တခြား နိုဗယ်ဆုရှင် ၆ ဦး ကထောက်ခံ ခဲ့ပါတယ်)

တရားမျှတမှု မရှိတဲ့ အခြေအနေ တစ်ရပ်မှာ ကြားနေခဲ့မယ် ဆိုယင် တကယ်တော့ သင်ဟာ ဖိနှိပ်သူတွေဖက်ကို ရွေးလိုက်တာပဲ ဖြစ်တယ်။

(နိုဗယ်ဆုရှင် ဒတ်စမွန်တူးတူး)

List of Speakers

Dr. Gregory Stanton (Genocide Watch)
Dr. Wakar Uddin (Arakan Rohingya Union)
Mr. Htay Lwin Oo (Civil Rights Movement)
Mr. Matthew Smith(Fortify Rights)

EVENT TIME, PLACE & CONTACT

Date : September 5,2015
Time : 5:00 PM
Place : Culver City Senior Center
1095 Overland Ave Culver City, CA 90232
Contact : Phone : 818-649-9049
Email: info@ba-ma.org

မသိင်္ဂီလင်း

ဗွီအိုအေမြန်မာပိုင်း

3.9.2015

ဒီနေ့ ညနေ နေပြည်တော်ကို ရောက်မယ့် အရှေ့အာရှနဲ့ ပစိဖိတ်ရေးရာ အမေရိကန် လက်ထောက် နိုင်ငံခြားရေး ဝန်ကြီး Daniel Russel ဟာ လာမယ့် ၂၀၁၅ မြန်မာ့ ရွေးကောက်ပွဲ အတွက် ပြင်ဆင်မှုတွေကို တာဝန်ရှိသူတွေ နဲ့ ဆွေးနွေး သွားမယ်လို့ ရန်ကုန်မြို့ အမေရိကန် သံရုံးက ပြောပါတယ်။ လက်ထောက် နိုင်ငံခြားရေး ဝန်ကြီး Daniel Russel ရဲ့ ခရီးစဉ် အကြောင်း အပြည့်အစုံ ကိုတော့ VOA သတင်းထောက် မသိင်္ဂီလင်းက ပြောပြ ပေးပါမယ်။

မြန်မာနိုင်ငံကို သုံးရက်ကြာ လာရောက်မယ့် အရှေ့အာရှနဲ့ ပစိဖိတ်ရေးရာ အမေရိကန် လက်ထောက်နိုင်ငံခြားရေးဝန်ကြီး Daniel Russel ဟာ ဒီကနေ့ ညပိုင်းမှာ နေပြည်တော်ကို ရောက်ရှိမှာဖြစ်ပါတယ်။ သူ့ရဲ့ ခရီးစဉ်အကြောင်းကို ရန်ကုန်မြို့ အမေရိကန်သံရုံး ပြောရေးဆိုခွင့်ရှိသူက အခုလို ပြောပါတယ်။

"စက်တင်ဘာလ ၃ ရက်ကနေ ၅ ရက်ထိ မြန်မာနိုင်ငံကို လာမယ့် လက်ထောက်နိုင်ငံခြားရေးဝန်ကြီး Daniel Russel ဟာ နေပြည်တော်နဲ့ ရန်ကုန်မြို့တို့မှာ အစိုးရတာဝန်ရှိသူတွေနဲ့ တွေ့ဆုံမှာဖြစ်ပါတယ်။ အဲ့ဒီနောက် ဒေါ်အောင်ဆန်းစုကြည်နဲ့ အခြား အရပ်ဖက် လူ့အဖွဲ့အစည်းကိုယ်စားလှယ်တွေနဲ့လည်း တွေ့ဆုံသွားမှာပါ။"

ဒါ့အပြင် ဘာသာရေးခေါင်းဆောင်တွေ၊ လူငယ်အဖွဲ့အစည်းတွေနဲ့ လည်း တွေ့သွားမှာဖြစ်တယ်လို့ ရန်ကုန်မြို့ အမေရိကန်သံရုံး facebook စာမျက်နှာမှာ ဖော်ပြထားပါတယ်။

လက်ထောက်ဝန်ကြီး Russel ဟာ ၂၀၁၄ ခုနှစ် အောက်တိုဘာလ ၉ ရက်နဲ့ ၁၀ ရက်နေ့တွေမှာ နေပြည်တော်မှာ ကျင်းပတဲ့ EAS အရှေ့အာရှ ထိပ်သီးညီလာခံ ဆိုင်ရာ အဆင့်မြင့်အရာရှိ စည်းဝေးပွဲအတွက် အမေရိကန်ကိုယ်စားလှယ်အဖွဲ့ကို ဦးဆောင်ပြီး တက်ရောက်ခဲ့သူလည်း ဖြစ်ပါတယ်။

ဒီတစ်ခေါက် မြန်မာခရီးစဉ်မှာတော့ မကြာမီကျင်းပတော့မယ် ၂၀၁၅ အထွေထွေရွေးကောက်ပွဲအတွက် ပြင်ဆင်မှုတွေနဲ့အတူ သမ္မတဦးသိန်းစိန်နဲ့ တိုင်းရင်းသား လက်နက်ကိုင်ခေါင်းဆောင်တွေရဲ့ တစ်နိုင်ငံလုံး အပစ်အခက်ရပ်စဲရေး ဆွေးနွေးမှုတွေနဲ့ အခြားအကြောင်းအရာတွေ ကို ဆွေးနွေးသွားမယ်လို့ ပြောရေးဆိုခွင့်ရှိသူက အခုလိုပြောပါတယ်။

"သူ မြန်မာနိုင်ငံမှာ ရှိနေတုန်း နိုဝင်ဘာလ ၈ ရက်နေ့မှာ ကျင်းပမယ့် အထွေထွေရွေးကောက်ပွဲအတွက် ပြင်ဆင်မှုတွေကို တာဝန်ရှိသူအသီးသီးတွေနဲ့ ဆွေးနွေးသွားပါမယ်။ ငြိမ်းချမ်းရေးလုပ်ငန်းစဉ်တွေအတွက် အမေရိကန်ပြည်ထောင်စုရဲ့ အားပေးထောက်ပံ့မှုတွေကိုလည်း အလေးအနက်ထားပြောဆိုသွားမယ့်အပြင် လူ့အခွင့်အရေးဆိုင်ရာကိစ္စတွေမှာ တိုးတက်မှုတွေရှိလာအောင် အားပေးသွားပါမယ်။"

အရှေ့အာရှနဲ့ ပစိဖိတ်ရေးရာ အမေရိကန် လက်ထောက်နိုင်ငံခြားရေးဝန်ကြီး Daniel Russel ဟာ စက်တင်ဘာလ ၆ ရက်ကနေ ၈ ရက်နေ့အထိ တရုတ်နိုင်ငံကို ခရီးဆက်မှာဖြစ်ပြီး တရုတ်အရာရှိတွေနဲ့ နှစ်နိုင်ငံ အကျိုးတူ ကိစ္စရပ်တွေကို ဆွေးနွေးမယ်လို့ ဆိုပါတယ်။

အဲ့ဒီကနေမှတဆင့် မွန်ဂိုလီးယားနိုင်ငံကို ခရီးဆက်မှာဖြစ်ပြီး နှစ်နိုင်ငံ ဆက်ဆံရေး ပိုမို နီးစပ်မှုရှိအောင် ဆွေးနွေးမှုတွေအပြင် မွန်ဂိုလီးယားနိုင်ငံမှာ ဒီမိုကရေစီ ပေါ်ထွန်းတာ ၂၅ နှစ် ပြည့်မြောက်မှုကိုလည်း ချီးကျူး ဂုဏ်ပြုမှာ ဖြစ်ပါတယ်။

RFA မြန်မာပိုင်း

2.9.2015

ရခိုင်ပြည်နယ် မောင်တော ခရိုင် ရွေးကောက်ပွဲ ကော်မရှင်က ပယ်ချ ခံထားရတဲ့ တစ်သီးပုဂ္ဂလ ကိုယ်စား လှယ်လောင်း ဦးရွှေမောင်နဲ့ ဒေါ်ခင်ခင်လွင် တို့ကို ရခိုင်ပြည်နယ် ရွေးကောက်ပွဲ ကော်မရှင်ကလည်း ပယ်ချလိုက် ပါတယ်။

မိဘတွေ နိုင်ငံသားတွေ မဟုတ်ဘူး ဆိုတဲ့ အကြောင်းပြချက်တွေနဲ့ ပြည်နယ်ကော်မရှင်မှာ မနေ့က အယူခံဝင်ခဲ့ တာဖြစ်ပြီး ထပ်မံ ပယ်ချခံရတာဖြစ်တယ် လို့ ဒေါ်ခင်ခင်လွင်က ပြောပါတယ်။

"ပြည်ထောင်စု ရွေးကောက်ပွဲ ကော်မရှင်ကို ကျမက နိုင်ငံသား တစ်ယောက် အနေနဲ့ တင်ပြမယ်၊ ဘယ်လိုဖြစ်လို့ လဲဆိုတော့ ကျမတို့ပေးတဲ့ မူရင်းတွေကို သေချာ မကြည့်ဘဲနဲ့ ကျမတို့ကို မောင်တော ခရိုင်ကနေ ချမှတ်လိုက်တာ ကို အတည်ပြု ပါတယ်ဆိုပြီးမှ ပြည်နယ်ကော်မရှင်က ပြောလိုက်တာ၊ ကျမတို့က တစ်ကယ် ဝမ်းနည်းသွားတယ်၊ ယူသွားတဲ့စာရွက်စာတမ်းကို အတင်းဖွင့်ပြတာတောင်မကြည့်ဘူး၊ ခေါင်းကိုဟိုဘက် လှည့်ပြီးအောက်ငုံ့နေ တယ်၊ အဲ့ဒါကို ကျမတို့က အယူခံနိုင်စာဘဲဖြစ်ဖြစ်၊ အသနားခံ စာဘဲဖြစ်ဖြစ်၊ ကျမတို့ဘက်ကအမှန်တရားကို ကျမတို့ရေးပြီးတော့မှ တင်ပြဖို့အစီအစဉ် ရှိတယ်"

လက်ရှိ ပြည်သူ့လွှတ်တော်ကိုယ်စားလှယ်ဖြစ်တဲ့ ဦးရွှေမောင်ဟာ ပြီးခဲ့တဲ့ ၂ဝ၁ဝ ရွေးကောက်ပွဲမှာ ပြည်ထောင် စုကြံ့ခိုင်ရေးနဲ့ ဖံွ့ဖြိုးရေးပါတီကနေ ရွေးကောက်ပွဲ ဝင်ခဲ့တာဖြစ်ပြီး လာမယ့်ရွေးကောက်ပွဲမှာ တစ်သီးပုဂ္ဂလအဖြစ် ဝင်ရောက်ယှဉ်ပြိုင်ဖို့ လျှောက်ထားခဲ့တာဖြစ်ပါတယ်။

ဒေါ်ခင်ခင်လွင်ကတော့ အမျိုးသားလွှတ်တော်ကိုယ်စားလှယ်လောင်းအဖြစ် လျှောက်ထားခဲ့တာဖြစ်ပြီး နှစ်ဦးလုံးကို မိဘတွေ နိုင်ငံသားမဖြစ်လို့ဆိုတဲ့အချက် နဲ့ မောင်တောခရိုင်ရွေးကောက်ပွဲကော်မရှင်က ပယ်ချခဲ့တာဖြစ်ပါတယ်။

ရခိုင်ပြည်နယ်မှာ သူတို့နှစ်ဦးအပါအ၀င် ကိုယ်စားလှယ်လောင်းအဖြစ်ကနေ ပယ်ချခံထားရသူ ၂၈ ဦး ရှိပြီး အများစုဟာ အစ္စလာမ်ဘာသာဝင်တွေဖြစ်ပါတယ်။

တိုင်းဒေသကြီးနဲ့ ပြည်နယ်ကော်မရှင်ရုံးခွဲတွေရဲ့ အဆုံးအဖြတ်ဟာ နောက်ဆုံးဖြစ်တဲ့ အတွက် အဲဒီမှာအယူခံရှုံးနိမ့် သူတွေဟာ လာမယ့်ရွေးကောက်ပွဲမှာ ဝင်ရောက်ယှဉ်ပြိုင် ခွင့်မရှိတော့ပါဘူး။

ဗွီအိုအေမြန်မာပိုင်း

2.9.2015

အရှေ့အာရှနဲ့ ပစိဖိတ်ရေးရာ အမေရိကန် လက်ထောက် နိုင်ငံခြားရေး ၀န်ကြီး Daniel Russel ဟာ မြန်မာအစိုးရ အရာရှိတွေ အပါအ၀င် အတိုက်အခံ ခေါင်းဆောင် ဒေါ်အောင်ဆန်းစုကြည်၊ ဒေသခံ NGO အဖွဲ့အစည်းတွေနဲ့ တွေ့ဆုံဖို့ အတွက် စက်တင်ဘာလ ၃ ရက်နေ့ကနေ ၅ ရက်နေ့ အထိ နေပြည်တော်နဲ့ ရန်ကုန်မြို့တို့ကို သွားရောက်မှာ ဖြစ်ကြောင်း အမေရိကန် နိုင်ငံခြားရေး ဌာနက သြဂုတ်လ ၃၁ ရက်နေ့ ရက်စွဲနဲ့ ကြေညာချက် ထုတ်ပြန်ပါ တယ်။

လက်ထောက် နိုင်ငံခြားရေးဝန်ကြီးဟာ မြန်မာနိုင်ငံမှာ ရှိနေစဉ်အတွင်း နိုဝင်ဘာလ ၈ ရက်နေ့မှာ ကျင်းပမယ့် ရွေးကောက်ပွဲအတွက် ကြိုတင် ပြင်ဆင်မှုတွေ ဆွေးနွေးတာ၊ ငြိမ်းချမ်းရေး ဆွေးနွေးမှုကို အမေရိကန်က ထောက်ခံကြောင်း ထုတ်ဖော် ပြောဆိုတာနဲ့ လူ့အခွင့်အရေးဆိုင်ရာ ကိစ္စရပ်တွေ တိုးတက်မှုရှိလာအောင် လုပ်ဆောင်ရေး တိုက်တွန်း အားပေးသွားမှာ ဖြစ်ပါတယ်။

လက်ထောက်ဝန်ကြီး Russel ဟာ မနှစ် အောက်တိုဘာလ ၉ ရက်နဲ့ ၁၀ ရက်နေ့တွေအတွင်း နေပြည်တော်မှာ ကျင်းပတဲ့ EAS အရှေ့အာရှ ထိပ်သီးညီလာခံဆိုင်ရာ အဆင့်မြင့်အရာရှိ စည်းဝေးပွဲအတွက် အမေရိကန်ကိုယ်စားလှယ်အဖွဲ့ကို ဦးဆောင်ပြီး တက်ရောက်ခဲ့သူလည်း ဖြစ်ပါတယ်။

အဲဒီနောက်မှာတော့ လက်ထောက် နိုင်ငံခြားရေးဝန်ကြီးဟာ စက်တင်ဘာလ ၆ ရက်ကနေ ၈ ရက်နေ့အထိ တရုတ်နိုင်ငံကို ခရီးဆက်မှာဖြစ်ပြီး တရုတ်အရာရှိတွေနဲ့ နှစ်နိုင်ငံ အကျိုးတူ ကိစ္စရပ်တွေကို ဆွေးနွေးမယ်လို့ ဆိုပါတယ်။

လက်ထောက်ဝန်ကြီး Russel ဟာ တရုတ်ပြည်ကနေမှ မွန်ဂိုလီးယားနိုင်ငံ Ulaanbaatar မြို့ကို ခရီးဆက်မှာဖြစ်ပြီး အဲဒီမှာ နှစ်စဉ် ကျင်းပတဲ့ နှစ်နိုင်ငံ ဆွေးနွေးညှိနှိုင်းပွဲကို တက်ရောက်မှာ ဖြစ်ပါတယ်။ လက်ထောက်ဝန်ကြီး Russel ဟာ မွန်ဂိုလီးယား အစိုးရ အဆင့်မြင့် အရာရှိတွေနဲ့ တွေ့ဆုံပြီး နှစ်နိုင်ငံ ဆက်ဆံရေး ပိုမို နီးစပ်မှုရှိအောင် ဆွေးနွေးတာအပြင် မွန်ဂိုလီးယားနိုင်ငံမှာ ဒီမိုကရေစီ ပေါ်ထွန်းတာ ၂၅ နှစ် ပြည့်မြောက်မှုကိုလည်း ချီးကျူး ဂုဏ်ပြုမှာ ဖြစ်ပါတယ်။

မေခ

ဗွီအိုအေမြန်မာပိုင်း

2.9.2015

လာမယ့် ရွေးကောက်ပွဲ အတွက် တနိုင်ငံလုံး အတိုင်းတာနဲ့ လွှတ်တော် ကိုယ်စားလှယ်လောင်း လျှောက်ထားသူတွေ ထဲက အယောက် ၈၀ ကျော် ပယ်ချ ခဲ့တယ်လို့ ရွေးကောက်ပွဲ ကော်မရှင် ဥက္ကဌ ဦးတင်အေး က ပြောပါတယ်။

မြန်မာနိုင်ငံ ဒေသအချို့မှာ သဘာဝ ဘေးအန္တရာယ်တွေ ကြုံတွေ့ ရင်ဆိုင် နေရပေမဲ့ လိုအပ်မှပဲ အဲဒီဒေသတွေမှာ ရွေးကောက်ပွဲ ကျင်းပမှုကို ရက်ရွှေ့ဆိုင်းသွားမယ်လို့ ကော်မရှင် ဥက္ကဌက ပြောခဲ့ပါတယ်။ ပြည်ထောင်စု ရွေးကောက်ပွဲ ကော်မရှင်က ဒီကနေ့လုပ်တဲ့ သတင်းစာ ရှင်းလင်းပွဲကို ကိုယ်တိုင် သွားယူ ထားတဲ့ မမေခ က သတင်းပေးပို့ ထားပါတယ်။

နိုဝင်ဘာလ ၈ ရက်နေ့ ကျင်းပမယ့် ရွေးကောက်ပွဲအတွက် လွှတ်တော်ကိုယ်စားလှယ်လောင်း လျှောက်ထားသူ ၇ ထောင်နီးပါးထဲကနေ ၈၀ ကျော်ကို ပယ်ချထားတယ်လို့ ကော်မရှင်က ကြေညာပေမဲ့ ဘယ်ပါတီက ဘယ်နှစ်ဦးဆိုတာကိုတော့ အတိအကျ ထုတ်ပြန်သွားတာ မရှိပါဘူး။ ပယ်ချခံရသူတွေ အယူခံဝင်နိုင်တဲ့ အခြေအနေနဲ့ ပတ်သက်လို့တော့ ပြည်ထောင်စု ရွေးကောက်ပွဲ ကော်မရှင်ရုံးမှာ ကျင်းပတဲ့ သတင်းစာရှင်းလင်းပွဲမှာ ကော်မရှင်ဥက္ကဌ ဦးတင်အေးက အခုလို ပြောပါတယ်။

“ဆုံးဖြတ်တာ ခရိုင်ပဲ.. နော်။ အယူခံလွှာ တင်တဲ့အခါကျတော့ တိုင်းနဲ့ပြည်နယ်ကို တင်ရတယ်။ တိုင်းနဲ့ပြည်နယ် အဆုံးအဖြတ်က ဖိုင်နယ်လေ။ ထို့အတူပဲ နော် တိုင်းရင်းသားလူမျိုး ကိုယ်စားလှယ်ကျတော့ တိုင်းနဲ့ပြည်နယ်မှာ တင်ရတယ်။ အယူခံတာကျတော့ တို့ ကော်မရှင်ကို အယူခံတယ်။ တို့က အဖွဲ့လေးဖွဲ့ပြီး စစ်ပါတယ်။ ဆုံးဖြတ်ထားတာက ပြည်ထဲရေးတို့ လ၀ကတို့ကနဲ့ လာတဲ့ဟာနဲ့ တို့က ဘာမှ စဉ်းစားစရာ မလိုပါဘူး။ အယူခံတာက ခုနကပြောသလိုပါပဲ တိုင်းရင်းသားရေးရာ ၀န်ကြီးတွေပဲ တို့ဆီမှာ အယူခံလို့ရပါတယ်။ ခင်ဗျားသိတဲ့အတိုင်းပဲ လေးယောက်ပဲရှိတယ်နော်။ ကျန်တဲ့ ၈၈ ယောက်က အောက်ကဟာချည်းပဲ နော်။”

လက်ရှိတွင် မွေးဖွားချိန်မှာ မိဘနိုင်ငံသား မဟုတ်ခြင်းကြောင့် ပယ်ချခံရသူများမှာ အများဆုံး ဖြစ်နေပါတယ်။ ဒီအပြင် ၂၀၁၀ ရွေးကောက်ပွဲမှာ ပြည်ခိုင်ဖြိုးပါတီကနေ အမတ်ဖြစ်လာသူ ဦးရွှေမောင်ဟာ ခုရွေးကောက်ပွဲမှာ တသီးပုဂ္ဂလအနေနဲ့ ဝင်ရောက်ယှဉ်ပြိုင်ဖို့ လျှောက်လွှာ တင်သွင်းထားတာမှာ၊ မွေးဖွားချိန် မိဘနိုင်ငံသား မဟုတ်တာကြောင့် ပယ်ချခံခဲ့ရပါတယ်။ ဒါနဲ့ပတ်သက်လို့တော့ ဦးတင်အေးက အခုလို ပြောပါတယ်။

“ဟိုတုန်းကတော့ မစစ်မိလို့ဖြစ်ချင်ဖြစ်မယ်၊ မတွေ့မိလို့ ဖြစ်ချင်ဖြစ်မယ်။ ကန့်ကွက်သူ မရှိလို့ ဖြစ်ချင်လည်းဖြစ်မယ်။ အဲဒါကြောင့် သူက အရွေးခံရခြင်း ဖြစ်ပါတယ်။ ကျနော်တို့ အဲဒီ case မျိုးပဲ လွှတ်တော်ထဲကို ရောက်ပြီးမှ လွှတ်တော်ထဲ တက်နေမှ မိဘနှစ်ပါးကနေ တိုင်းရင်းသားမဖြစ်လို့ လွှတ်တော်ထဲကနေ ၄ ယောက် ပြန်လွှတ်လိုက်ရပါတယ်။ ဒီကော်မရှင်က စစ်ဆေးတာ အကုန်မှန်ပါတယ်။ ဒီကော်မရှင်က မတွေ့လို့ပဲ ဖြစ်ပါမယ်။ လ၀က ကနေပြီးတော့ သူဟာ မွေးဖွားစဉ်က မိဘနှစ်ပါးက နိုင်ငံသားမဟုတ်ဘူးဆိုရင် ပယ်ကိုပယ်ရပါမယ်။”

လက်ရှိမှာ အမျိုးသားဒီမိုကရေစီအဖွဲ့ချုပ်က ၇ ဦး ပယ်ချခံရတယ်လို့ NLD ပါတီက ဦးဥာဏ်ဝင်း က ပြောပါတယ်။ ဒါပေမဲ့ လက်ရှိ အာဏာရ ပြည်ခိုင်ဖြိုးပါတီက ဗဟိုအလုပ်အမှုဆောင် ဦးသာဝင်း ကတော့ ပြည်ခိုင်ဖြိုးပါတီကနေ ကိုယ်စားလှယ်လောင်း ပယ်ချခံထားရခြင်း မရှိသေးဘူးလို့ ပြီးခဲ့တဲ့ရက်ပိုင်းက ပြောဆိုထားပါတယ်။ ကော်မရှင်အနေနဲ့ကတော့ ဘယ်ပါတီက ဘယ်နှစ်ယောက် ဆိုတာကို ရက်ပိုင်းတွင်းမှပဲ ကြေညာမယ်လို့ ပြောပါတယ်။

လာမယ့်ရွေးကောက်ပွဲမှာ ပြည်တွင်းပြည်ပ ရွေးကောက်ပွဲ စောင့်ကြည့်လေ့လာသူများ၊ သတင်းသမားများအနေနဲ့ မည်သည့်မဲရုံမဆို သတင်းယူခွင့်ရမှာ ဖြစ်ပါတယ်။ တပ်မတော်သားတွေရဲ့ မဲရုံပရဝုဏ်အတွင်းမှာပါ သတင်းယူခွင့် ပြုသွားမယ်လို့ ကော်မရှင်က ပြောပါတယ်။

ရွေးကောက်ပွဲမှာ မဲပေးသူတွေအနေနဲ့ မှတ်ပုံတင်မရှိပေမဲ့ အသက် ၁၈ နှစ် ပြည့်ပါက မဲပေးနိုင်သလို ပျက်စီး ပျောက်ဆုံးပါကလည်း မဲပေးနိုင်ကြောင်း၊ မှတ်ပုံတင်ပျက်စီးပါက ယာဉ်မောင်းလိုင်စင်၊ အလုပ်ကဒ်ပြားတို့နဲ့ မဲပေးနိုင်ကြောင်း၊ မဲစာရင်းတွင် နာမည်ပါရန်သာလိုကြောင်း ဦးတင်အေးက ပြောပါတယ်။ ဒီပြင် မဲဆန္ဒရှင်တွေအနေနဲ့ မဲပေးတာမှာ သက်သေခံလက်မှတ်နဲ့ မဲပေးရမှာ ဖြစ်ပါတယ်။

မဲဆန္ဒရှင်တွေရဲ့ နောက်ဆုံးမဲစာရင်းတွေကို လာမယ့် စက်တင်ဘာ ၁၄ မှာ ထုတ်ပြန် ကြေညာမှာဖြစ်ပြီး ဒီမဲစာရင်းတွေမှာ အမှားအယွင်း တစုံတရာရှိပါက စက်တင်ဘာ ၂၇ ရက်အထိ အမှား ပြန်လည် ပြင်ဆင်ပေးမှာပါ။ သဘာဝဘေးအန္တရာယ် ဖြစ်နေသောနေရာတွေမှာ လိုအပ်ပါက ပြင်ဆင်တဲ့ရက်ကို ထပ်မံ တိ်ုးပေးသွားမယ်လို့ ရွေးကောက်ပွဲကော်မရှင်က ကြေညာထားပါတယ်။ ကြိုတင်မဲတွေကိုတော့ လာမယ့် နိုဝင်ဘာလ ၆ ရက်နေ့မှာ ပေးရမှာဖြစ်ပါတယ်။ ရွေးကောက်ပွဲကိုတော့ လာမယ့် နိုဝင်ဘာ ၈ ရက်နေ့မှာ တနိုင်ငံလုံး ကျင်းပသွားမှာ ဖြစ်ပါတယ်။

ရွှေအောင်

DVB

2.9.2015

တနိုင်ငံလုံး ကိုယ်စားလှယ်လောင်း စိစစ်ခြင်း လုပ်ငန်းတွေ ပြီးဆုံးတဲ့နောက် ကိုယ်စားလှယ်လောင်း အရည်အချင်းနဲ့ မကိုက်ညီလို့ ပယ်ခံရတဲ့ ကိုယ်စားလှယ်ပေါင်း ၈၈ ဦးရှိပြီး ရခိုင်မှာ ၂၈ ဦးနဲ့ အများဆုံး ပယ်ချခံရပါတယ်။

ရခိုင်ပြည်နယ် မောင်တော ခရိုင် တခုတည်းမှာတင် ကိုယ်စားလှယ်လောင်း အရည်အချင်းနဲ့ မညီလို့ ပယ်ချခံရသူ ၁၉ ဦးရှိပြီး အများစုက မိဘနှစ်ဦး နိုင်ငံသားမဖြစ်တဲ့အချက်နဲ့ ငြိလို့ဖြစ်ကြောင်း ခရိုင်ကော်မရှင်ဥက္ကဋ္ဌ ဦးအောင်ကျော်ညွန့်က ပြောပါတယ်။

ကိုယ်စားလှယ်လောင်း အရည်အချင်းနဲ့ မကိုက်ညီလို့ ရခိုင်ပြည်နယ် မောင်တောခရိုင် ဘူးသီးတောင် မဲဆန္ဒနယ် ကိုယ်စားလောင်းအဖြစ်ကနေ ပယ်ချခံခဲ့ရတဲ့ ဦးရွှေမောင်ကို ဆက်သွယ်မေးမြန်းထားပါတယ်။

ဦးရွှေမောင် ကိုယ်စားလှယ်လောင်းအဖြစ်က အပယ်ခံရတာတော့ သိတယ်၊ အခု နောက်ဆုံး အခြေအနေလေး ပြောပြပေးပါဗျ။

“ကျနော်နဲ့ ဒေါ်ခင်ခင်လွင် ၂ ယောက်က ၂၇ ရက်မှာ အယူခံလွှာတင်တယ်။ တင်တော့ ကျနော်တို့ကို စက်တင်ဘာ ၁ ရက်မှာ ကြားနာ ဆုံးဖြတ်ဖို့အတွက် ခေါ်တယ် ၁ ရက်နေ့ မနက် ၁၀ နာရီရောက်သွားပြီး အဲ့ဒီမှာ အထောက်အထား စုံစုံလင်လင် တင်ပြတယ်၊ ကျနော်ရဲ့ မိဘဘက်က ဘိုးဘွားတွေ အများစုက မြန်မာနိုင်ငံလွတ်လပ်ရေး မရခင် ဆုံးသွားတော့ အဲ့ဒီမတိုင်ခင် ဘာမှ မရှိဘူးလေ။ အမျိုးသားမှတ်ပုံတင် စနစ်လည်း မရှိသေးဘူး၊ နိုင်ငံသားလက်မှတ်လည်း မထုတ်ပေးသေးဘူးဆိုတော့ ကျနော့်မှာ တော်တော်ရှေးဟောင်းကျတဲ့ အထောက်အထားတွေ ရှိတယ်။ ၁၉၂၅ ခုနှစ်က ကျနော့် အမေဘက်က အဘိုး၊ သူ မြေခွန်ဆောင်ခဲ့တဲ့ ပြေစာတွေ၊ နောက်တခါ ၁၉၂၅ ခုနှစ်က လယ်မြေ၀ယ်ခဲ့တဲ့ အထောက်အထားတွေ၊ နောက် အဖေဘက်က အထောက်အထားတွေ၊ ကျနော့်အဖေက မြန်မာနိုင်ငံရဲတပ်ဖွဲ့မှာ တာဝန်ထမ်းဆောင်ခဲ့တယ်။ ပြီးမှ သူပင်စင်ရခဲ့တယ်၊ ပင်စင်ဆိုတာက နိုင်ငံသား မဟုတ်ရင် မရဘူးဗျ။ ပြီးရင် ၁၉၅၀ ခုနှစ်မှာ တိုင်းရင်းသား နိုင်ငံသား အားလုံးကို ထုတ်ပေးခဲ့တဲ့ ပြည်ထောင်စုမြန်မာနိုင်ငံတော် သက်သေခံကတ်ပြားတွေ ကိုင်ဆောင်ခဲ့တယ်။ ဒီလို အထောက်အထား စုံစုံလင်လင်ကိုလည်း ကျနော် တင်ပြထားတယ်၊ ရခိုင်ပြည်နယ်ကော်မရှင် အဖွဲ့ခွဲကို ကျနော် အယူခံလွှာတင်သွင်း တုန်းကပေါ့။ မူရင်းတွေလည်း ကျနော် မနေ့က ယူသွားတယ်၊ ကျနော် သွားခဲ့တာက ကြားနာပွဲ၊ ဒါပေမယ့် ဒါက ကြားနာပွဲ မဟုတ်ဘူး၊ ဒါက တထစ်ချ ဆုံးဖြတ်လိုက်တဲ့ ဆုံးဖြတ်ပွဲလို့ပဲ ပြောရမှာပေါ့။ အဲ့ဒီတော့ ၁၀ စ္စကန့်တောင် မကြာဘူး၊ ဘာပြောလိုက်လဲဆိုတော့ ဦးရွှေမောင်ရဲ့ အယူခံလွှာကို ပလပ်လိုက်သည်၊ ဒေါ်ခင်ခင်လွင်ရဲ့ အယူခံလွှာကိုလည်း ပလပ်လိုက်သည်။ ကျနော်တို့ကို ရှင်းပြခွင့်ပေးပါဦး၊ ကျနော်တို့ အထောက်အထားတွေယူလာတယ်၊ ဆိုတော့ မဟုတ်ဘူးတဲ့၊ ဆုံးဖြတ်ချက်ချပြီးပြီတဲ့၊ တင်ပြခွင့် မရှိပါဘူးတဲ့။ ဒီကနေ့ ဆုံးဖြတ်တဲ့ဟာကို စာနဲ့ ထုတ်ပေးပါမယ်တဲ့၊ အဲ့ဒါနဲ့ သွားပြီးတော့ ပြည်ထောင်စုရွေးကောက်ပွဲကော်မရှင်မှာ အယူခံလို့ ရပါတယ်တဲ့၊ ၁ နာရီလောက်စောင့်ပြီးတော့ အဲ့ဒီစာရွက်ကိုယူတယ်၊ ယူပြီးတော့ အဲ့ဒီမှာ ဘာသွားတွေ့ရလဲဆိုတော့ မိဘဘိုးဘွားကနေ မည်သည့် အထောက်အထားမှ မတင်ပြနိုင်ပါတဲ့၊ ကျနော်ပြန်သွားပြောတယ်။ ဒီမှာ ဥက္ကဋ္ဌကြီလို့ ကျနော့်ဘက်က အထောက်အထားတွေကို ၂၇ ရက်နေ့ကလည်း တင်ပြထားတယ်၊ ဒီနေ့လည်း ကျနော် အထောက်အထားတွေ အများကြီး ယူလာတယ်၊ အဲ့ဒါကိုလည်း ဘာမှ မကြည့်တဲ့အပြင် အထောက်အထား မတင်ပြဘူးဆိုပြီးတော့ ရေးထားပြီးတော့ ဆုံးဖြတ်လိုက်တာဟာ နည်းနည်းလေး လိုအပ်နေတယ်၊ ဒါကို ပြန်သုံးသပ်ပေးပါဦး၊ လုပ်ပါဦးဆိုတော့ မဟုတ်ဘူးတဲ့၊ အပေါ်ပဲသွားတဲ့၊ ဘယ်အပေါ်သွားရမှာတုန်းဆိုတော့ ပြည်ထောင်စုရွေးကောက်ပွဲကော်မရှင်ကို သွားပြီးတော့ အယူခံပါတဲ့။ ဒီနေရာမှာ ကျနော်ပြောချင်တာက ကျနော်တို့ အထောက်အထားကို တင်ပြပါလျက် မည်သည့်အထောက်အထားကိုမှ မကြည့်ဘူး၊ မသုံးသပ်ဘူး၊ အတင်မခံဘဲနဲ့ တဖက်သတ် ဆုံးဖြတ်လိုက်တဲ့ ဆုံးဖြတ်ချက် တခုပဲ။ ဒါက တရားဥပဒေစိုးမိုးမှု ကင်းမဲ့တဲ့ ပုံစံလည်း ဖြစ်နေတယ်။ ကျနော် လက်ရှိ လွှတ်တော်ကိုယ်စားလှယ်လည်း ဖြစ်နေပြီ၊ ၂၀၁၀ တုန်းကလည်း ကျနော့်ကို မောင်တောခရိုင်ကရော၊ ရခိုင်ပြည်နယ်ကော်မရှင်ကရော အတည်ပြုပြီးမှ လက်ရှိ ကျနော် လွှတ်တော်ကိုယ်စားလှယ်လည်း ဖြစ်နေတော့ ဒါ တော်တော့်ကိုဗျာ၊ ဥပဒေနဲ့ မညီတဲ့ ဆုံးဖြတ်ချက် ဒါ မတရားမှု တခုအနေနဲ့ သုံးသပ်တယ်။”

၂၀၁၀ တုန်းကလည်း ကော်မရှင်က ပယ်ပေမယ့် အာဏာရပါတီက ခေါ်သွားတယ်ဆိုတဲ့ သတင်းလည်း ထွက်လာတယ်။ အဲ့ဒါ ဘယ်လောက်မှန်လဲ ဦးရွှေမောင်။

“အဲ့ဒါ လုံးဝ မမှန်ပါဘူး။ ဘာလို့ဆိုတော့ ဥပဒေမှာ အဲ့ဒီလို မရှိပါဘူး၊ မြန်မာနိုင်ငံ ဖွဲ့စည်းပုံအခြေခံဥပဒေအရ အာဏာရပါတီလည်း မရှိပါဘူး၊ ၂၀၁၀ ရွေးကောက်ပွဲတုန်းကလည်း မည်သည့်ပါတီမှ အာဏာလည်း မရသေးဘူး၊ နိုင်လဲ မနိုင်သေးဘူး၊ အကုန်လုံးက ဥပဒေနဲ့အညီပဲ လုပ်တာ။ ကျနော်လည်း မောင်တောခရိုင်ကော်မရှင်မှာ တင်ပြခဲ့တဲ့ အထောက်အထားနဲ့ ယခု တင်ပြတဲ့အထောက်အထားလည်း အတူတူပဲ၊ အခုတောင်မှ ပိုတောင် တင်ပြသေးတယ်။ ၂၀၁၀ တုန်းကမှ တင်ပြတာ နည်းနည်း နည်းသေးတယ်။ ဆိုတော့ ဒါ အဲ့ဒီတုန်းက အာဏာရပါတီရဲ့ ဖြစ်ရပ်ကြောင့် ဟိုလိုလုပ်တယ်၊ ဒီလိုလုပ်တယ်ဆိုတာတော့ ကျနော် မသိဘူး။ အဲ့ဒီလိုမျိုး လုပ်ခဲ့လား၊ မလုပ်ခဲ့ဘူးလားဆိုတာတော့ သက်ဆိုင်ရာ လူကြီးတွေပဲ မေးရမှာ၊ ကျနော်ကတော့ အဲ့ဒါမျိုးလည်း ဘယ်သူမှ မပြောခဲ့ဘူး၊ ကျနော်တော့ ဥပဒေနဲ့အညီ တင်တယ်၊ ဥပဒေနဲ့အညီပဲ ကျနော်တို့ကို ဆုံးဖြတ်ခဲ့တယ်။ ကျနော်တို့ရဲ့ တင်ပြချက်ကို ပယ်တယ် ဆိုပြီးတော့လည်း မောင်တောခရိုင်ကော်မရှင်က မပြောခဲ့ပါဘူး၊ အဲ့ဒီတုန်းက အတည်ပြုကြောင်း ကြေညာတာပဲ ကျနော် တွေ့ခဲ့ရပါတယ်။”

ဒီကြားထဲမှာများ ရွေးကောက်ပွဲကော်မရှင် ဥပဒေ နည်းဥပဒေတွေကို ပြင်လိုက်ပြီး ပယ်ချတာရော ဖြစ်နိုင်လား။

“လုံးဝ မဟုတ်ပါဘူး၊ ကျနော် လွှတ်တော်မှာ ၅ နှစ်လုံးလုံး ရှိပါတယ်။ အခု ကျနော်တို့ကို ပြောတဲ့ ၁၀(င)တို့ ၈(ဃ) တို့၊ ပြီးတော့ အယူခံကိစ္စတို့ ကိစ္စအ၀၀ပေါ့ ပြင်တာတွေ ရှိတယ်။ အခြားကိစ္စတွေပါ၊ မဲစာရင်းကိစ၊ မဲရုံဝန်ထမ်းတွေကိစ္စ စသဖြင့် အနည်းအကျဉ်းပဲ ရှိတယ်။ သို့သော် နိုင်ငံသားနဲ့ ပတ်သက်တဲ့ကိစ္စ၊ နိုင်ငံသား အရည်အချင်းရှိမှု၊ လွှတ်တော်ကိုယ်စားလှယ်လောင်း အရည်အချင်းရှိမှု ကိစ္စတွေက ၂၀၁၀ တုန်းက ဥပဒေနဲ့ အခု လက်ရှိ ဥပဒေနဲ့တော့ အတူတူပါပဲ။”

အဲ့ဒီတော့ ဥပဒေက အတူတူပဲဆိုတော့ အခု ပယ်ချခံရတဲ့ကိစအပေါ် ဘယ်လို သုံးသပ်ချင်လဲ။

“ရခိုင်ပြည်နယ်ကော်မရှင်အဖွဲ့ခွဲ့ရဲ့ လုပ်ရပ်ကို ကြည့်ရတာကတော့ ဘာမှကို ကြားနာစစ်ဆေးမှု သေချာ မလုပ်ဘဲနဲ့ သူတို့ လုပ်ချင်တဲ့ဟာ တခုကိုပဲ လုပ်လိုက်တယ်၊ ဆုံးဖြတ်လိုက်တယ်၊ ဒီလိုပဲ ကျနော်တွေ့တယ်၊ ကျနော် ဒီမှာ ယူဆတာကတော့ ဒီဟာကို ရခိုင်ပြည်နယ်မောင်တောခရိုင်ကော်မရှင်နဲ့ ရခိုင်ပြည်နယ်ကော်မရှင်အဖွဲ့ခွဲကို တစုံတခုသောအဖွဲ့၊ တစုံတခုသော ပုဂ္ဂိုလ်အဖွဲ့အစည်းက Pressure (ဖိအား) များ ပေးပြီးတော့ ဒီလိုများ လုပ်တာလားလို့ ကျနော် သံသယ ဖြစ်မိတယ်။”

အဲ့ဒီတော့ ဦးရွှေမောင် ပြည်ထောင်စုရွေးကောက်ပွဲကော်မရှင်ကို ဆက်တက်ရင်ကော အဆင်ပြေနိုင်ပါ့မလား။



“မနေ့က သူတို့ ဆုံးဖြတ်ချက်ချပြီးတဲ့နောက် ကျနော် သွားတင်ပြတော့ ရခိုင်ပြည်နယ်ကော်မရှင်ဥက္ကဋ္ဌက ကျနော့်ကို ၅ ကြိမ်ပြောတယ်၊ ဦးရွှေမောင် ကျနော့်ကို ပြောမနေနဲ့တော့၊ ပြည်ထောင်စုရွေးကောက်ပွဲကော်မရှင်ကိုသာ သွားပါတော့၊ ဒေါ်ခင်လွင်လွင်ကိုလည်း အလားတူ ပြောတယ်။ လွှတ်တော်ရွေးကောက်ပွဲဥပဒေပုဒ်မ ၂၇(က)မှာ ခရိုင်က ပယ်တာကို မကျေနပ်တဲ့ ပုဂ္ဂိုလ်တွေက တိုင်းဒေသကြီး သို့မဟုတ် ပြည်နယ်ကော်မရှင်အဖွဲ့ခွဲတွေကို သတ်မျတ်ထားတဲ့အတိုင်း အယူခံခွင့် ရှိတယ်၊ ပုဒ်မ ၂၇(ခ)မှာ ဘာပါသလဲဆိုတော့ သက်ဆိုင်ရာ တိုင်းဒေသကြီး သို့မဟုတ် ပြည်နယ်ကော်မရှင်အဖွဲ့ခွဲရဲ့ အဆုံးအဖြတ်သည် ပုဒ်မ ၅၃ ပါ ပြဋ္ဌာန်းချက်မှ တပါး အပြီးအပြတ် ဖြစ်စေရမည်လို့ ရေးထားတယ်ဗျ၊ ပုဒ်မ ၅၃ မှာ ဘာရေးထားသလဲဆိုတော့ ရွေးကောက်ပွဲကိစ္စအတွက် ကော်မရှင်အဖွဲ့ခွဲ အသီးသီး၏ ရွေးကောက်ပွဲဆိုင်ရာ ဆုံးဖြတ်ချက်များနှင့်စပ်လျဉ်းပြီး ကော်မရှင်သည် မိမိ၏ဆန္ဒအလျောက် သက်ဆိုင်ရာအမှုတွဲ စာရွက်စာတမ်းများကို တောင်းယူကြည့်ရှု၍ လိုအပ်သလို အဆုံးအဖြတ်ချမျတ်နိုင်သည်၊ ယင်း ဆုံးဖြတ်ချက်သည် အပြီးအပြတ် ဖြစ်စေရမည်၊ ပုဒ်မ ၂၇ နဲ့ ၅၃ကို ကြည့်လိုက်တဲ့အခါကျတော့ ကျနော်တို့သည် ပြည်ထောင်စုရွေးကောက်ပွဲကော်မရှင်မှာ အယူခံပိုင်ခွင့် မရှိဘူး၊ သို့သော်လည်း တင်ပြပိုင်ခွင့် ရှိတဲ့ သဘော ဖြစ်နေတယ်၊ အယူခံနိုင်တဲ့ဟာ ဥပဒေမှာ တိတိကျကျ မပါဘူး။ အခု ဥပဒေကို ဖတ်ကြည့်တယ်၊ ဥပဒေပညာရှင်တွေနဲ့ တိုင်ပင်ကြည့်လိုက်တဲ့အခါကျတော့ ဒါဟာ အယူခံခွင့် မရှိဘူး၊ အယူခံခွင့် မရှိတဲ့ဟာကို အယူခံခွင့် ရှိတယ်လို့ ပြောပြီးမှ ဆုံးဖြတ်လိုက်တာဟာလည်း ဥပဒေနဲ့ မညီတဲ့သဘော ဖြစ်နေတယ်။”

1.9.2015

အရပ်ရှစ်မျက်နှာကို ဝန်းရံထားတဲ့

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ ကျောက်ပန္ဒူ ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်းမှ စခန်းတာဝန်ခံ ဒုရဲအုပ် အပါအ၀င် နယ်ခြားစောင့်ရဲ (၃) ဦးသည် သြဂုတ်လ (၂၈) ရက်နေ့ ည ၈ နာရီ အချိန်တွင် ကျောက်ပန္ဒူ ကျေးရွာအုပ်စု၊ စေတီပြင်ရွာမှ ဦးကော်ရီမူလ္လာ (ဘ) ဦးဟာလဲဒ်ဟူစိန်း၏ နေအိမ်သို့ သွားရောက်ပြီး ဦးကော်ရီမူလ္လာအား အိမ်ရှေ့ ကြမ်းပြင်သို့ ခေါ်ထုတ်ကာ ဘင်္ဂလားဖုန်း ထုတ်ပေးဟု ဆိုကာ ခြိမ်းခြောက်၍ ရိုက်နှက်ခဲ့သည်။ ဦးကော်ရီမူလ္လာက ၎င်းထံတွင် ဘင်္ဂလားဖုန်း မရှိသဖြင့် မရှိကြောင်း ငြင်းဆိုခဲ့သည်။ 

ထို့နောက် ဒုရဲအုပ်က ဦးကော်ရီမူလ္လာ၏ ဦးခေါင်းကို သေနတ်ဖြင့် ချိန်ကာ ပစ်သည်ဟု ခြိမ်းခြောက်၍ မိုးပေါ်သို့ သေနတ် နှစ်ချက် ပစ်ဖောက်၍ ဘင်္ဂလားဖုန်း ရှိသည်ဟု အတင်းအဓမ္မ ၀န်ခံခိုင်းပြီး ငွေကျပ် သုံးသိန်း ညှစ်ယူ၍ ပြန်လည် ထွက်ခွာ သွားခဲ့ကြောင်း ဒေသခံ တစ်ဦးက RB News သို့ပြောပါသည်။ 

သြဂုတ်လ (၂၉) ရက်နေ့ နံနက်ပိုင်းတွင် ကျောက်ပန္ဒူ ကျေးရွာ အခြေစိုက် တပ်မတော် တပ်ရင်းမှ စစ်သား အချို့သည် ကားတစ်စီးဖြင့် စေတီပြင်ရွာသို့ ရောက်ရှိလာပြီး ရွာသားများကို လွန်ခဲ့သည့်ညက သေနတ် ပစ်ဖောက်ခြင်းနှင့် ပတ်သက်၍ မေးမြန်းရာ ရွာသားများက ဦးကော်ရီမူလ္လာ၏ အိမ်ရှေ့ ကြမ်းပြင်မှ ထွက်လာသည့် အသံ ဖြစ်သည်ဟု ဖြေဆိုခဲ့ကြသည်။ ထို့နောက် စစ်သားများသည် ဦးကော်ရီမူလ္လာ၏ နေအိမ်သို့ သွားရောက်၍ မေးမြန်းကြရာ ဦးကော်ရီမူလ္လာက နယ်ခြားစောင့် ရဲတပ်ဖွဲ့ စခန်းမှ ဒုရဲအုပ်က ပစ်ဖောက်ခဲ့ခြင်း ဖြစ်သည်ဟု ဖြေဆိုသဖြင့် စစ်သားများသည် တပ်ရင်းသို့ ပြန်လည် ထွက်ခွာသွားပြီး နယ်ခြားစောင့် ရဲတပ်ဖွဲ့မှ ဒုရဲအုပ်ကို ဆင့်ခေါ်၍ စစ်ဆေးရာ ၎င်းက မတော်မဆ ပစ်ခဲ့မိသည်ဟု လိမ်ညာ ခဲ့ကြောင်း သတင်း ရရှိပါသည်။

1.9.2015

ရခိုင် အမျိုးသား ပါတီ ANP က ဗဟို အလုပ်အမှုဆောင် ကော်မတီဝင်တွေ အပါအ၀င် ပါတီဝင် ၃၇ ဦးဟာ ပါတီ စည်းကမ်းကို မလိုက်နာတဲ့ အတွက် ထုတ်ပယ် လိုက်ကြောင်း ANP ပါတီ ခေါင်းဆောင်တွေက ပြောပါတယ်။ ကိုယ်စားလှယ်လောင်း ရွေးချယ်ဖို့ အတွက် ပါတီတွင်း ရွေးကောက်ပွဲမှာ ရှုံးနိမ့်သွားပြီး သူတို့ဟာ တစ်သီးပုဂ္ဂလ ဒါမှမဟုတ် တခြား ပါတီတွေ ကနေ ရွေးကောက်ပွဲ ၀င်ဖို့ စီစဉ်တာကြောင့် ထုတ်ခံရတာဖြစ်တယ်လို့ ရခိုင် အမျိုးသား ပါတီ အတွင်းရေးမှူး ဦးခင်မောင်က ပြောပါတယ်။

"သူ့ဟာသူ ထွက်တာလည်းရှိတယ်၊ ပါတီကထုတ်တာလည်းရှိတယ်၊ လျှောက်လွှာမတင်ရင်လည်း ပါတီစည်းကမ်းနဲ့ မညီတဲ့ပုဂ္ဂိုလ်တွေကိုထုတ်တာပဲ"

ရခိုင်အမျိုးသားပါတီ ANP ဟာ ရွေးကောက်ပွဲဝင်ရမယ့် လွှတ်တော်ကိုယ်စားလှယ်လောင်းတွေကို ပါတီတွင်းရွေးကောက်ပွဲတွေကျင်းပပြီး အရင်ရွေးချယ်ခဲ့တာဖြစ်ပါတယ်။ ANP ပါတီဟာ နိုဝင်ဘာလ ၈ရက်နေ့ ရွေးကောက်ပွဲမှာ လွှတ်တော်ကိုယ်စားလှယ်လောင်း ၇၆ ဦး ၀င်ရောက်ယှဉ်ပြိုင်ဖို့ အမည်စာရင်း တင်ထားပြီး အဲဒီကိုယ်စားလှယ်လောင်းတွေဟာ ရွေးကောက်ပွဲ အောင်နိုင်ရေးအတွက် ပါတီထံ တစ်ယောက် ကို ငွေကျပ် သိန်း၂၀စီ ပေးသွင်းရတယ်လို့ သိရပါတယ်။ 

RFA မြန်မာပိုင်း

1.9.2015

လွှတ်တော် ကိုယ်စားလှယ် လောင်းတွေ အတွက် ထုတ်ပြန်ထားတဲ့ မွေးဖွားစဉ် မိဘနှစ်ပါးက နိုင်ငံသားဖြစ်ရမယ် လို့ ပြည်ထောင်စု ရွေးကောက်ပွဲ ကော်မရှင်ရဲ့ ၁၀ (င) ပါ ပြဌာန်းချက်ဟာ ဖွဲ့စည်းပုံ အခြေခံ ဥပဒေနဲ့ ကိုက်ညီမှု မရှိဘူးလို့ NLD အမျိုးသား ဒီမိုကရေစီ အဖွဲ့ချုပ် ဗဟို အလုပ်အမှုဆောင် ကော်မတီဝင် ဦးဥာဏ်ဝင်းက ပြောလိုက် ပါတယ်။ ဒီနေ့ ရန်ကုန်မြို့ Park Royal ဟိုတယ်မှာပြုလုပ်တဲ့ ပြည်ထောင်စု ရွေးကောက်ပွဲကော်မရှင်နဲ့ နိုင်ငံရေး ပါတီတွေရဲ့ ဆွေးနွေးပွဲအပြီးမှာ RFA ကို ပြောလိုက်တာ ဖြစ်ပါတယ်။

"၁၀ (င)ကတော့ ဥပဒေအရ မှားယွင်းမှုမရှိဘူးလေ၊ ဒါပေမဲ့ ဖွဲ့စည်းပုံအခြေခံဥပဒေနဲ့ ပြန်ကြည့်လို့ရှိရင်တော့ ဖွဲ့စည်းပုံအခြေခံဥပဒေနဲ့ မကိုက်ဘူးလို့ထင်တယ်၊ ဖွဲ့စည်းပုံအခြေခံဥပဒေမှာ နိုင်ငံသားတိုင်းက ညီမျှတဲ့ အခွင့်အရေးရှိရမယ်၊ မိဘတစ်ပါးပါးကြောင့် ဒီလိုချို့ယွင်းတာကို မူတည်ပြီးတော့ ပယ်လိုက်တာဟာ သူ့ရဲ့နိုင်ငံသားအခွင့်အရေး ထိခိုက်တယ်လို့ ယူဆတယ်"

၂၀၀၈ ဖွဲ့စည်းပုံ အခြေခံဥပဒေမှာတော့ နိုင်ငံသားတိုင်းဟာ ညီမျှတဲ့အခွင့်အရေးရှိရမယ်လို့ ပါရှိတဲ့ အတွက် ရွေးကောက်ပွဲဥပဒေပါ ပြဌာန်းချက်နဲ့ ကိုက်ညီမှုမရှိသလို နိုင်ငံသားအခွင့်အရေးကို ထိခိုက်တယ်လို့ ဦးဥာဏ်ဝင်းက ပြောပါတယ်။ ၂၀၁၅ ရွေးကောက်ပွဲအတွက် လွှတ်တော်ကိုယ်စားလှယ်လောင်းတွေကို သက်ဆိုင်ရာခရိုင်အလိုက် ရွေးကောက်ပွဲကော်မရှင်အဖွဲ့ခွဲတွေက စိစစ်နေရာမှာ မွေးဖွားစဉ်အချိန်က မိဘနှစ် ပါးနိုင်ငံသား မဖြစ်သေးတဲ့အတွက် အရည်အချင်းသတ်မှတ်ချက်တွေနဲ့ ကိုက်ညီမှုမရှိဘူးဆိုတဲ့ ၁၀(င) ပါ ပြဌာန်း ချက်တွေအရ ကိုယ်စားလှယ်လောင်းအတော်များများ ပယ်ချခံထားကြရပါတယ်။

မဆုမွန်

ဗွီအိုအေမြန်မာပိုင်း

1.9.2015

ရခိုင်ပြည်နယ် မောင်တော ခရိုင် ရွေးကောက်ပွဲ ကော်မရှင်က ကိုယ်စားလှယ်လောင်း အရည်အချင်း သတ်မှတ်ချက်နဲ့ မညီဘူးဆိုပြီး အပယ်ချ ခံရတဲ့ လွှတ်တော် ကိုယ်စားလှယ်လောင်း နှစ်ဦးကို ဒီကနေ့ စစ်တွေမြို့မှာ ကြားနာ စစ်ဆေးအပြီး ထပ်မံ ပယ်ချလိုက်ပါတယ်။ အပယ်ချခံ လိုက်ရတဲ့ လွှတ်တော် ကိုယ်စားလှယ်တွေဘက်က ဆက်ပြီး အယူခံဝင် သွားကြမှာ ဖြစ်ပါတယ်။

ပြည်ထောင်စု ရွေးကောက်ပွဲ ကော်မရှင်ဘက်က လက်ရှိ လွှတ်တော် ကိုယ်စားလှယ် တဦးလည်းဖြစ်တဲ့ ဦးရွှေမောင်ကိုပါ ကိုယ်စားလှယ်လောင်း အရည်အချင်းနဲ့ မညီဘူးဆိုပြီး ပယ်ချခဲ့တဲ့အပေါ် အာဆီယံအမတ်များအဖွဲ့ကလည်း ရှုတ်ချလိုက်ပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန်က တင်ပြထားပါတယ်။

လာမယ့်၂၀၁၅ ရွေးကောက်ပွဲမှာ ပါဝင်ယှဉ်ပြိုင်ကြဖို့ အမည်စာရင်း တင်သွင်းလာတဲ့ ကိုယ်စားလှယ်လောင်း ၆၀၀၀ ကျော်ထဲက ကိုယ်စားလှယ်လောင်း အရည်အချင်း သတ်မှတ်မှုနဲ့ မပြည့်စုံတဲ့ ကိုယ်စားလှယ်လောင်းတွေကို ပယ်ချနေတဲ့အထဲ ရခိုင်ပြည်နယ် မောင်တောခရိုင်ထဲမှာတော့ ကိုယ်စားလှယ်လောင်း (၁၉) ဦးကို မောင်တောခရိုင် ရွေးကောက်ပွဲ ကော်မရှင်က ပယ်ချခဲ့တာပါ။ ဒီကိုယ်စားလှယ်လောင်း (၁၉) ဦးကို ဘာကြောင့် ပယ်ချခဲ့သလဲဆိုတာကို မောင်တောခရိုင် ရွေးကောက်ပွဲ ကော်မရှင်အရာရှိ ဦးထွန်းဝင်းထွန်းက ဗွီအိုအေမြန်မာပိုင်းကို အခုလို ပြောပါတယ်။

“လက်ရှိ မောင်တောခရိုင်ထဲမှာ (၁၉) ဦးပါခင်ဗျ။ အဓိကတော့ ကျနော်တို့ ပုဒ်မအနေနဲ့ ပြောရင်တော့ ၁၀ (င) တို့၊ ၈ (က) တို့ပေါ့ မွေးဖွားချိန်မှာ မိဘတပါးဖြစ်စေ၊ နှစ်ပါးစလုံးဖြစ်စေ၊ နိုင်ငံသားမဖြစ်သေးတဲ့ ကိစ္စပေါ့။”

သြဂုတ်လ ၁၈ ရက်နေ့ကနေ သြဂုတ်လ ၃၁ ရက်နေ့အတွင်း သက်ဆိုင်ရာ ပြည်နယ်၊ တိုင်းဒေသကြီးနဲ့ ခရိုင်ရွေးကောက်ပွဲကော်မရှင်တွေက ကိုယ်စားလှယ်လောင်းတွေကို စိစစ်ရွေးချယ်ခဲ့တာ ဖြစ်ပါတယ်။ အဲ့ဒီအထဲကမှ ပယ်ချခံရသူ ကိုယ်စားလှယ်လောင်းတွေအနေနဲ့ ပယ်ချတယ်လို့ ကော်မရှင်က အကြောင်းကြားစာ လက်ခံရရှိတဲ့ နေ့ကစလို့ ခုနှစ်ရက်အတွင်း အယူခံဝင်ခွင့် ရှိပါတယ်။

အဲ့ဒီအတွက် မောင်တောခရိုင်အတွင်း အပယ်ချခံရသူတွေထဲက ကိုယ်စားလှယ်လောင်း နှစ်ဦးကို ဒီကနေ့ ရခိုင်ပြည်နယ် စစ်တွေမြို့က ရွေးကောက်ပွဲကော်မရှင်ရုံးမှာ ကြားနာမှုလုပ်ခဲ့တဲ့ အကြောင်း မောင်တောခရိုင်ရွေးကောက်ပွဲ ကော်မရှင် တာဝန်ရှိသူက ပြောပါတယ်။

“ကျနော်တို့ အရင်ဦးဆုံး ပယ်ထားတဲ့ နှစ်ယောက်ဖြစ်ပါတယ်ခင်ဗျ။ ဦးရွှေမောင်နဲ့ ဒေါ်ခင်ခင်လွင်ပါခင်ဗျ။ ကျနော်တို့ အခု ခရိုင်ကနေ ပယ်ချလိုက်တဲ့သူဆိုရင် ပြည်နယ်မှာ စ အယူခံဝင်ပါတယ်ခင်ဗျ။ ပြည်နယ်ကနေ ပယ်ချလိုက်တယ်ဆိုရင်တော့ ဆက်ပြီး အယူခံဝင်လို့ မရတော့ပါဘူး။ ”

ဒီကနေ့ စစ်တွေမြို့မှာ ကော်မရှင်ရုံးမှာ သွားရောက်ကြားနာခဲ့သူနှစ်ဦးဖြစ်တဲ့ ဦးရွှေမောင်နဲ့ ဒေါ်ခင်ခင်လွင်တို့နှစ်ဦးကို ခရိုင်ရွေးကောက်ပွဲ ကော်မရှင်ဘက်က ထပ်မံပြီးတော့ ပယ်ချခဲ့ပါတယ်။ ကိုယ်စားလှယ်လောင်းတွေဘက်က စစ်ဆေးခံဖို့ လုံလောက်တဲ့ သက်သေတွေ ယူလာပါလျက်နဲ့ တဘက်သတ် ဆုံးဖြတ်လိုက်တာမို့ ဒါဟာ တရားမျှတမှုရှိတဲ့ ဆုံးဖြတ်ချက် မဟုတ်ဘူးလို့ ကိုယ်တိုင်သွားရောက် အစစ်ဆေးခံခဲ့တဲ့ ဦးရွှေမောင်ကပြောပါတယ်။

“ကျနော်နဲ့ ဒေါ်ခင်ခင်လွင်က ရခိုင်ပြည်နယ် ရွေးကောက်ပွဲကော်မရှင် အဖွဲ့ခွဲကို ကြားနာပွဲ တက်ရောက်ဖို့ သွားခဲ့ပါတယ်။ ဒါပေမဲ့ ကျနော်တို့ ရွေးကောက်ပွဲ ကော်မရှင်ကိုရောက်တဲ့အခါကျတော့ ကျနော်တို့က ထင်ထားတဲ့ ကြားနာပွဲမဟုတ်ဘဲနဲ့ ဦးရွှေမောင်နဲ့ ဒေါ်ခင်ခင်လွင်တို့ရဲ့ အယူခံလွှာတွေကို ပယ်ချလိုက်ပါသည် ဆိုပြီးတော့မှ တိုတိုတုတ်တုတ် ပြောပြီးတော့မှ ဆုံးဖြတ်လိုက်တယ်။ ဒါပေမဲ့ ကျနော်ကတော့ ပြန်ပြီးမှ ပြောခဲ့ပါတယ်။ မဟုတ်ဘူး ကျနော့်မှာ အထောက်အထားတွေ အများကြီးပါလာတယ်။ ကျနော့်ရဲ့ မိဘဘိုးဘား အထောက်အထားတွေ ပါလာတယ် အများကြီး။ ဒါကို ကျနော့်ကို ရှင်းလင်းခွင့်၊ တင်ပြခွင့်ပြုပါ။ ဒါမှ ဆုံးဖြတ်လို့ရမယ်။ မဟုတ်ပါဘူးတဲ့ မကြည့်တော့ပါဘူးတဲ့။ ကြည့်စရာမလိုဘူးတဲ့ ကျနော်တို့ ဆုံးဖြတ်ပြီးပါပြီတဲ့။ ဆိုတော့ ဒီဟာက ဘာလဲဆိုတော့ ကြားနာပွဲပုံစံ မဟုတ်ဘဲနဲ့ ကြိုတင်စီစဉ်ထားတဲ့ ပုံစံအတိုင်း အန်ကယ်လ့်နဲ့ ဒေါ်ခင်ခင်လွင်ရဲ့ အယူခံလွှာတွေကို သူတို့က တချက်လွတ် ပယ်ချလိုက်တဲ့ သဘောပဲ။ ကျနော်တို့ နိုင်ငံတော်ရဲ့ ရုံးတော်တခုက တရားစီရင်ရေး ကြားနာပွဲ မဟုတ်ဘဲနဲ့နော် ဒါ ဘယ်လိုပြောရမလဲ ဗိုလ်ကျစိုးမိုးမှုပုံစံလို့ပဲ ခံစားလိုက်ရတယ်။ ဘာလို့လဲဆိုတော့ လျှောက်လဲချက်၊ နောက်တခါ ရှင်းလင်းချက်၊ ရှင်းပြချက်၊ နောက်တခါ အထောက်အထား စုံစုံလင်လင် တင်ပြခွင့်ကို ပိတ်ပင်ပြီးတော့ တဘက်သတ် ဆုံးဖြတ်တဲ့အတွက် ဒါ မတရားသော ဆုံးဖြတ်ချက်တခုပဲလို့ အန်ကယ်လ်က အဲလိုပဲ သုံးသပ်ပါတယ်။ ကျနော် ပြည်ထောင်စု ရွေးကောက်ပွဲ ကော်မရှင်ကို အယူခံဝင်သွားမှာပါ။”

ဦးရွှေမောင်ဟာ ပြီးခဲ့တဲ့ ၂၀၁၀ ရွေးကောက်ပွဲတုန်းက အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ရခိုင်ပြည်နယ် ဘူးသီးတောင်မြို့နယ် ပြည်သူ့လွှတ်တော် ကိုယ်စားလှယ်အဖြစ်နဲ့ အရွေးချယ် ခံထားရသူဖြစ်ပါတယ်။ ဒီတကြိမ်မှာတော့ တသီးပုဂ္ဂလအဖြစ်နဲ့ ဝင်ရေက် အရွေးခံဖို့ ဦးရွှေမောင်က လျှောက်ထားခဲ့တာပါ။ သူ့ကို မြန်မာနိုင်ငံသား မိဘ ၂ ဦးကနေ မွေးဖွားသူ မဟုတ်တဲ့အတွက် ရွေးကောက်ပွဲ ဥပဒေပုဒ်မ (၁ဝ)(ဂ) အပိုဒ် (င) အရ ရွေးချယ်ခံ ပိုင်ခွင့်မရှိဘူးဆိုပြီး ပြိုင်ဘက် ကိုယ်စားလှယ်လောင်းတဦးက တိုင်ကြားခဲ့တဲ့နောက် မောင်တောခရိုင် ရွေးကောက်ပွဲ ကော်မရှင်က ကိုယ်စားလှယ်လောင်း အရည်အချင်း သတ်မှတ်မှုနဲ့မညီဘူးဆိုပြီး ပယ်ချခဲ့တာပါ။

အခုလို လက်ရှိ လွှတ်တော်ကိုယ်စားလှယ်အဖြစ်လည်း တာဝန်ယူထားတဲ့ ဦးရွှေမောင်ကို ကိုယ်စားလှယ်လောင်းအဖြစ်ကနေ ပယ်ချခဲ့တဲ့အပေါ် ဒီကြားနာစစ်ဆေးမှုဟာ ဒီမိုကရေစီစံနှုန်းနဲ့ မညီတဲ့အပြင် လူ့အခွင့်အရေး ချိုးဖောက်မှု တရပ်သာဖြစ်တယ်လို့ အာဆီယံလွှတ်တော်အမတ်များ အဖွဲ့က ဒီကနေ့ ကြေညာချက် ထုတ်ပြန်ခဲ့ပါတယ်။ လာမယ့် ၂၀၁၅ ရွေးကောက်ပွဲဟာ လွတ်လပ်ပြီး တရားမျှတမှုရှိဖို့ဆိုရင် ရွေးကောက်ပွဲဖြစ်ဖို့ဆိုရင် ကိုယ်စားလှယ်လောင်း ရွေးချယ်မှုတွေမှာ ပွင့်လင်းမြင်သာမှုရှိပြီး ဒီမိုကရေစီစံနှုန်းနဲ့ညီဖို့ လိုတဲ့အတွက် မျတတဲ့ ဆုံးဖြတ်ချက်တွေကို အာဆီယံလွှတ်တော်အမတ်များအဖွဲ့က တောင်းဆိုထားပါတယ်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖရုံချောင်း ကျေးရွာအုပ်စု၊ ဖရုံချောင်း ပြိုင်းတောင် ကျေးရွာမှ ဦးနာဂူး၏ သားများ ဖြစ်သော ရှားလောမ်နှင့် ဘိုင်လာတို့ ညီအစ်ကို နှစ်ဦး အချင်းချင်း စကားများသည်ကို ကျေးရွာ တာဝန်ခံ ဦးဆော်လီမူလ္လာက သိရှိသွားပြီး သြဂုတ်လ (၂၂) ရက်နေ့က ၎င်းတို့ ညီအစ်ကို နှစ်ဦးလုံးကို ဆင့်ခေါ်ကာ စကားများခဲ့သည်ကို အကြောင်းပြု၍ နယ်ခြားစောင့် ရဲများကို တိုင်တန်းကာ ဖမ်းဆီး စေမည်ဟု ခြိမ်းခြောက်၍ ငွေကျပ် ၃ သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ 

ညီအစ်ကို အချင်းချင်း စကားများသည်ကိုပင် ခြိမ်းခြောက်၍ ကျေးရွာ တာဝန်ခံ ဦးဆော်လီမူလ္လာက ငွေညှစ်နေလျှင် ကျေးရွာသားများ ရွာစွန့်၍ ထွက်ပြေးရမည့် အနေအထားကို ရောက်ရှိနေသည်ဟု ဒေသခံ ရွာသားများ ဝေဖန် ပြောဆိုနေကြသည်။ ကျေးရွာ တာဝန်ခံက ယခုကဲ့သို့ ဆက်လက်၍ ပြုလုပ်နေမည် ဆိုပါက ကျေးရွာတွင် မလိုလားအပ်သော ပြဿနာ အကြီးအကျယ် ပေါ်ပေါက်လာနိုင်သည်ဟု ဆိုသည်။ 

တည်ငြိမ် အေးချမ်းမှုကို လိုလားသည့် ဒေသခံ ရွာသားများက မလိုလားအပ်သည့် ပြဿနာများ မပေါ်ပေါက်လာရေး အတွက် သက်ဆိုင်ရာ အာဏာပိုင်များက ကျေးရွာ တာဝန်ခံ ဦးဆော်လီမူလ္လာကို အချိန်မှီ အရေးယူ ပေးရန် တောင်းဆိုကြောင်း RB News သို့ပြောပါသည်။

MYARF
RB News
31.8.2015

မဆုမွန်

ဗွီအိုအေမြန်မာပိုင်း

31.8.2015

၂၀၁၅ ရွေးကောက်ပွဲမှာ ဝင်ရောက် ယှဉ်ပြိုင် အရွေးခံ ကြရမယ့် လွှတ်တော် ကိုယ်စားလှယ်လောင်း အမည်စာရင်း တင်သွင်းလွှာတွေကို ပြည်ထောင်စု ရွေးကောက်ပွဲ ကော်မရှင်ရဲ့ နောက်ဆုံး စိစစ်မှု ဒီကနေ့ သြဂုတ်လ ၃၁ ရက်နေ့မှာ အပြီးသတ် သွားပြီ ဖြစ်ပါတယ်။ သက်ဆိုင်ရာ မဲဆန္ဒနယ်မြေတွေက အပယ်ချ ခံရတဲ့ လွှတ်တော် ကိုယ်စားလှယ်တွေ အနေနဲ့လည်း ပြန်ပြီး အယူခံ ဝင်နေတာတွေ ရှိနေတဲ့ အတွက် နောက်ဆုံးအဆင့် လွှတ်တော် ကိုယ်စားလှယ်လောင်း စာရင်း အပြည့်အစုံကို မကြာခင်မှာ ထုတ်ပြန် နိုင်တော့မှာ ဖြစ်တယ်လို့ ပြည်ထောင်စု ရွေးကောက်ပွဲ ကော်မရှင်က ပြောပါတယ်။ အသေးစိတ် မဆုမွန် ဆက်ပြောပြပေးပါမယ်။

လာမယ့်နိုဝင်ဘာလ ၈ ရက်နေ့မှာ ကျင်းပမယ်လို့ ပြည်ထောင်စု ရွေးကောက်ပွဲကော်မရှင်က တရားဝင် ကြေညာထားတဲ့၂၀၁၅ ရွေးကောက်ပွဲ အတွက် လွှတ်တော်အသီးသီးမှာ ဝင်ရောက်ယှဉ်ပြိုင်ဖို့ အမည်စာရင်း တင်သွင်းလွှာ တင်လာသူ ကိုယ်စားလှယ်လောင်း ခြောက်ထောင်ကျော် ကို သြဂုတ်လ ၁၈ ရက်နေ့ကနေစလို့ သြဂုတ်လ ၃၁ ရက်နေ့အထိ နောက်ဆုံးထား အပြီးသတ် စစ်ဆေးနိုင်ခဲ့ပြီဖြစ်ပါတယ်။ အခုလက်ရှိ နောက်ဆုံးစိစစ်စစ်ဆေးမှုရဲ့အခြေအနေကို ပြည်ထောင်စု ရွေးကောက်ပွဲကော်မရှင်ရဲ့ ရွေးကောက်ပွဲဆိုင်ရာ အငြင်းပွားမှု ဖြေရှင်းရေးအဖွဲ့ တာဝန်ခံ ဦးမြင့်နိုင်က ပြောပါတယ်။

“စိစစ်တာတော့ ပြီးသွားပြီ။ အောက်ကတော့ အကုန်လုံးစိစစ်ပြီးပြီပေါ့။ ဘယ်နှစ်ခု (ဦး) ကန့်ကွက်တယ်။ ဘယ်နှစ်ခု (ဦး) ပယ်တယ်၊ ဘယ်နှစ်ခု (ဦး) အယူခံတက်တယ်တွေကတော့ တစ်ရက် နှစ်ရက်အတွင်းတော့ သိရတော့မှာပေါ့။ နောက်သုံးရက်လောက်ဆို ကြေညာချက်ထုတ်မှာပေါ့။ သို့သော်လည်းပဲ တစ်ရက် နှစ်ရက်ဆိုရင်တော့ အကြမ်းဖျင်းတာ့ ဘယ်သူတွေက အယူခံတက်နေတယ်။ ဘယ်သူကပယ်တယ်၊ ဒီလောက်တော့ ပြောလို့ရတာပေါ့နော်။ အယူခံကို (၇) ရက်အတွင်း ဝင်လို့ရတယ်။ (၇) ရက်အတွင်းကို တခါ ပြီးအောင်စစ်ရတယ်ဆိုတော့ အယူခံတက်တဲ့လူတွေကတော့ ကြေညာတဲ့အခါ မမီသေးရင် ချန်ထားရမှာပေါ့။ အယူခံတက်တာလည်း လေး-ငါး-ခြောက်ရက်- ခုနစ်ရက်ပဲ ကွာမှာပါ။ ဘယ်လောက်မှ မကွာဘူး။”

တတိုင်းပြည်လုံးအတိုင်းအတာနဲ့ ပြည်သူ့လွှတ်တော်၊ အမျိုးသားလွှတ်တော်နဲ့ တိုင်းဒေသကြီးနဲ့ပြည်နယ် လွှတ်တော်တွေကနေပြီးတော့ ကိုယ်စားလှယ် ရွေးချယ်မှုဆိုင်ရာ အခုနောက်ဆုံး သတ်မှတ်ထားတဲ့ရက်အထိ စိစစ်ခဲ့တဲ့ ကိုယ်စားလှယ်လောင်းတွေအနက် ကိုယ်စားလှယ်လောင်းအချို့ ဘာကြောင့် ပယ်ချခံခဲ့ရတယ်ဆိုတာကိုလည်း ပြည်ထောင်စုရွေးကောက်ပွဲကော်မရှင်တာဝန်ရှိသူဦးမြင့်နိုင်က ရှင်းပြပါတယ်။

“အကြမ်းဖျင်းတော့၊ ယေဘုယျဖြင့်တော့ သတ်မှတ်ထားတဲ့အသက်မပြည့်တာတို့၊ နိုင်ငံသား မိဘနှစ်ပါးက မမွေးတာတို့၊ နောက် မြန်မာနိုင်ငံမှာ တဆက်နဲ့တဆက်တည်း ဆယ်နှစ်မနေတာတို့။ ဒီအချက်ကလေးတွေ ယေဘုယျအားဖြင့်တော့ တွေ့ရပါတယ်။”

မဲဆန္ဒနယ်အချို့မှာ နိုင်ငံရေးပါတီအသီးသီးနဲ့ တသီးပုဂ္ဂလတွေက ကိုယ်စားပြုတင်သွင်းလာတဲ့ လွှတ်တော်ကိုယ်စားလှယ်လောင်းတွေ တချို့ကို သက်ဆိုင်ရာ ပြည်ထောင်စုရွေးကောက်ပွဲကော်မရှင်ဘက်က ပယ်ချခဲ့တဲ့အပေါ် ပယ်ချခံခဲ့ရတဲ့ လွှတ်တော် ကိုယ်စားလှယ်တွေဘက်က ပယ်ချကြောင်း အကြောင်းကြားစာ လက်ခံရရှိတဲ့နေ့ကစလို့ (၇) ရက်အတွင်း ပြန်ပြီး အယူခံဝင်ခွင့်ရှိပါတယ်။

ပြီးခဲ့တဲ့ ၂၀၁၀ ရွေးကောက်ပွဲတုန်းက အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ရခိုင်ပြည်နယ် ဘူးသီးတောင်မြို့နယ် ပြည်သူ့လွှတ်တော် ကိုယ်စားလှယ်အဖြစ် အရွေးချယ်ခံထားရတဲ့ ဦးရွှေမောင်က ဒီတကြိမ်မှာတော့ တသီးပုဂ္ဂလအဖြစ် ပြန်ပြီး ဝင်အရွေးခံပါမယ်။ ဒါပေမဲ့ သူဟာ မြန်မာနိုင်ငံသား မိဘ ၂ ဦးက မွေးဖွားသူ မဟုတ်ဘူးဆိုပြီး ပြိုင်ဘက် ကိုယ်စားလှယ်လောင်းတစ်ဦးက တိုင်ကြားခဲ့တဲ့နောက် မောင်တောခရိုင် ရွေးကောက်ပွဲကော်မရှင်က လျှောက်လွှာကို ပယ်ချခဲ့တဲ့အပေါ် အယူခံဝင်ထားပြီး အခု စစ်ဆေးခံတော့မှာဖြစ်ပါတယ်။ နောက်ဆုံး အခြေအနေကို လက်ရှိပြည်သူ့လွှတ်တော်ကိုယ်စားလှယ်ဦးရွှေမောင်ကအခုလိုပြောပါတယ်။

“သြဂုတ်လ ၃၁ ရက် ဖိုင်နယ်……ရမယ်။ လွှတ်တော်ကိုယ်စားလှယ်တွေကို ပဏာမ ပထမစိစစ်တဲ့ဟာကိုပဲ သူက ဖိုင်နယ်လို့ပြောတာ။ သက်ဆိုင်ရာ ခရိုင်ကော်မရှင်က ဆုံးဖြတ်ချက်တခုပေးတာပေါ့နော်။ အဲဒီဆုံးဖြတ်ချက်ကို သက်ဆိုင်ရာလွှတ်တော်ကိုယ်စားလှယ်လောင်းက မကျေနပ်ဘူးဆိုရင် သူက အယူခံဝင်လို့ရတယ်၊ ခုနစ်ရက်အတွင်းမှာ။ အန်ကယ်လ်ကလည်း အန်ကယ့်ကိစ္စကို ဆုံးဖြတ်ပြီးတော့ (၇) ရက်အတွင်းမှာ အန်ကယ်လ်က အယူခံဝင် လိုက်တယ်။ အန်ကယ်လ်အယူခံဝင်တာက (၂၇) ရက်ပေ့ါနော်။ ဒီလ (၂၇) ရက်။ အဲဒါဆိုရင် အဲဒီနေ့ကနေစပြီးမှ (၇) ရက်အတွင်းကို ရခိုင်ပြည်နယ် ရွေးကောက်ပွဲကော်မရှင်အဖွဲ့ခွဲကနေပြီးတော့ တခုခု အဆုံးအဖြတ်ပေးဖို့ တာဝန်ရှိပါတယ်။ အဲဒီဟာနဲ့ပတ်သက်ပြီးတော့ မနက်ဖြန် hearing လုပ်မယ်လို့ ပြောတယ်။ ဒါကြောင့်မို့လို့ အဲဒီ ရခိုင်ပြည်နယ် ရွေးကောက်ပွဲကော်မရှင်အဖွဲ့ခွဲမှာလုပ်မယ့် hearing ကိုတက်ဖို့ အခု အန်ကယ်လ်က စစ်တွေမြို့ကို ရောက်နေတာပါ။”

ကိုယ်စားလှယ်လောင်းစိစစ်မှုတွေကို သက်ဆိုင်ရာ လွှတ်တော်ရွေးကောက်ပွဲကော်မရှင်တွေက ရွေးကောက်ပွဲ နည်းဥပဒေအရ အမည်စာရင်း တင်သွင်းလွှာတွေကို စိစစ်ဆောင်ရွက်နေချိန်မှာ ကော်မရှင်ရုံးတွေမှာလည်း သက်ဆိုင်ရာ လွှတ်တော်ကိုယ်စားလှယ်လောင်း၊ ရွေးကောက်ပွဲ ကိုယ်စားလှယ်လောင်းနဲ့ ကိုယ်စားလှယ်လောင်းတွေက စာနဲ့ တာဝန်လွှဲအပ်ထားသူတွေက လာရောက် စစ်ဆေးခံခဲ့ကြတာဖြစ်ပါတယ်။

အခုအချိန်အထိ ၂၀၁၅ ရွေးကောက်ပွဲကို ဝင်ရောက်ယှဉ်ပြိုင်ကြမယ့် ပြည်သူ့လွှတ်တော် ကိုယ်စားလှယ်လောင်းက ၁,၇၇၂ ဦး၊ အမျိုးသား လွှတ်တော်ကိုယ်စားလှယ်လောင်း ၉၁၃ ဦး၊ တိုင်းရင်းသားလူမျိုး လွှတ်တော်ကိုယ်စားလှယ်လောင်း ၁၆၃ ဦးအပါအဝင် တိုင်းဒေသကြီးနဲ့ ပြည်နယ်လွှတ်တော်ကိုယ်စားလှယ်လောင်း ၃,၅၀၄ ဦး အားလုံး စုစုပေါင်း တင်သွင်းလာတဲ့ လွှတ်တော်ကိုယ်စားလှယ်လောင်း ၆,၁၈၉ ဦးရှိနေပါတယ်။ မကြာခင်မှာတော့ နောက်ဆုံးအဆင့် ကိုယ်စားလှယ်လောင်းစာရင်းတွေကို ပြည်ထောင်စုရွေးကောက်ပွဲကော်မရှင်က ထုတ်ပြန်ပေးမှာဖြစ်ပါတယ်။

အင်ကြင်းနိုင်

ဗွီအိုအေမြန်မာပိုင်း

31.8.2015

31.8.2015

ရခိုင်ပြည်နယ်၊ မောင်တော ခရိုင်မှာ လွှတ်တော် ကိုယ်စားလှယ်လောင်း အမည် စာရင်း တင်သွင်း ထားသူ ၅၅ ဦး ရှိရာမှာ၊ အဲဒီထဲက ၁၉ ဦး ကို မောင်တော ခရိုင် ရွေးကောက်ပွဲ ကော်မရှင်က မနေ့က ပယ်ချ လိုက်ပါတယ်။

ကိုယ်စားလှယ်လောင်း အရည်အချင်း သတ်မှတ်ချက်နဲ့ မကိုက်ညီလို့ ပယ်ချတာ ဖြစ်ကြောင်း၊ အပယ်ခံ ရတဲ့ အများစု ဟာ မွေးဖွားစဉ်က မိဘတွေ နိုင်ငံသား မဖြစ်သေးတာ တွေ့ရှိရကြောင်း မောင်တောခရိုင် ရွေးကောက်ပွဲ ကော်မရှင် အရာရှိ ဦးဆန်းဝင်းထွန်း က ပြောပါတယ်။

"၅၅ ယောက်မှာ ၁၉ ယောက်က အရည်အချင်းနဲ့ မကိုက်ညီလို့ပယ်ထားပါတယ်၊ များသောအားဖြင့် မွေးဖွား စဉ်နိုင်ငံသားမဖြစ်သေးသော မိဘတစ်ပါးပါး မှဖြစ်စေ၊ နှစ်ပါးလုံးမှဖြစ်စေ၊ မွေးဖွားသည့်နိုင်ငံသား၊ အဲ့ဒါ ဆိုရင် ရွေးကောက်ပွဲတွင် ရွေးကောက် တင်မြှောက်ခံပိုင်ခွင့် မရှိစေရဆိုပြီး၊ ပုဒ်မ ၁၀ မှာပြဌာန်း ထားပါတယ်၊ ပုဒ်မ ၈/ က နဲ့တော့ လွှတ်တော်ကိုယ်စားလှယ်ထိရွေးကောက်တင်မြှောက်ခံရတဲ့အချိန်နှင့် တခါ တည်း ပြည်ထောင်စုမြန်မာနိုင်ငံတော်တွင် အနည်းဆုံး ၁၀ နှစ်အခြေချနေထိုင်ခဲ့သူ၊ အဲ့အချက်တွေနဲ့ ညှိစွန်းတဲ့ လွှတ်တော်ကိုယ်စားလှယ်လောင်းတွေကို ပယ်ထားတာ"

မောင်တောမြို့နယ် ပြည်နယ်လွှတ်တော်ကိုယ်စားလှယ်အဖြစ် မဲဆန္ဒနယ်မြေ အမှတ်(၂) ကနေ ယှဉ်ပြိုင်မယ့် NLD ပါတီ ကိုယ်စားလှယ်လောင်း ဦးထွန်းမင်းစိုး ဟာ ပြီးခဲ့တဲ့ ၂၀၀၆ ခုနှစ်က ဘင်္ဂလားဒေ့ရ်ှနိုင်ငံကို တရားမဝင် သွားရောက်ခဲ့တာကြောင့် မြန်မာနိုင်ငံတွင်းမှာ ၁၀ နှစ်ဆက်တိုက် နေထိုင်သူဖြစ်ရမယ်ဆိုတဲ့ အချက်နဲ့ ငြိစွန်းနေ တာကြောင့် ပယ်ချလိုက်တာဖြစ်တယ်လို့ ဦးဆန်းဝင်းထွန်း က ပြောပါတယ်။

မောင်တောခရိုင်မှာ မောင်တောနဲ့ ဘူးသီးတောင်မြို့နယ် နှစ်ခုအတွက် မဲဆန္ဒနယ်မြေ ၆ ခုရှိပါတယ်။ ပြည်သူ့ လွှတ်တော်၊ အမျိုးသားလွှတ်တော်နဲ့ ပြည်နယ် လွှတ်တော်တွေအတွက် ကိုယ်စားလှယ်လောင်း ၅၀ ကျော် အမည် စာရင်းတင်သွင်းထားကြရာမှာ NLD အမျိုးသားဒီမိုကရေစီအဖွဲ့ချုပ်၊ ဒီမိုကရေစီနဲ့ငြိမ်းချမ်းရေး ပါတီ၊ ဒီမိုကရေစီနဲ့ လူ့အခွင့်အရေးပါတီ စတဲ့ ပါတီတွေအပြင် လက်ရှိလွှတ်တော်ကိုယ်စားလှယ် ဦးရွှေမောင်အပါအဝင် တစ်သီးပုဂ္ဂလ ကိုယ်စားလှယ်အဖြစ် ဝင်ရောက်ယှဉ်ပြိုင် မယ့်သူတွေလည်း ပါဝင်တယ်လို့ သိရပါတယ်။

လွှတ်တော် ကိုယ်စားလှယ်လောင်း စိစစ် ရွေးချယ်တာတွေ အတွက် သြဂုတ်လ ၃၁ ရက်နေ့ မနက်ဖြန် နောက်ဆုံး ရက် ဖြစ်ပါတယ်။

RB News

29.8.2015

ယခု ကြိမ်ချောင်း ဆိုသော ရွာသည် ၁၉၇၅ ခုနှစ် မတိုင်ခင် အချိန်ထိ 'ဘော်လီဘာဇား' ဟု ခေါ်ဆိုခဲ့ကြသော ရွာကြီး ဖြစ်ပြီး တစ်ချိန်က နိဗ္ဗာန်ဟု တင်စားလောက်အောင် အေးချမ်းသာယာ ပြည့်ဝလှသည်။ ရွာ၏ အရှေ့ဘက်တွင် စိမ်းလန်သော တောင်တန်းကြီး၊ တောင်ဘက်တွင် လောင်းဒုံးကျေးရွာ၊ မြောက်ဘက်တွင် အောင်စစ်ပြင်ကျေးရွာ နှင့် အနောက်ဘက်တွင် အထက်စွန်း မမှန်းနိုင်သော ပြူးမချောင်းကြီး တည်ရှိနေသည်။ ၎င်းရွာရှိ ဈေးကြီးသည် မောင်တော မြို့နယ်တွင် မြို့ပေါ်မှအပ အကြီးမားဆုံးနှင့် အရောင်းရဆုံး ဈေးကြီး ဖြစ်ပြီး အနီးပတ်ဝန်းကျင်ရှိ ရွာပေါင်း (၁၀၀) နီးပါးလောက်က ပြည်သူလူထုများသည် ၎င်းဈေးတွင် အရောင်းအဝယ် ပြုလုပ်၍ အသက် မွေးဝမ်ကျောင်း ပြုကြသည်။ ရွာရှိ အခြေခံပညာ အထက်တန်း ကျောင်းသည်လည်း မြို့ပေါ်မှအပ ကျောင်းသား ကျောင်းသူ ဦးရေ အများဆုံးသော စာသင်ကျောင်းကြီး ဖြစ်သည်။

ရွာ၏ အနောက်ဘက်တွင် တည်ရှိနေသော ပြူးမချောင်းကြီး၏ ချောင်းကမ်းနားတွင် ရွာရှိ လူဦးရေ အနက် (၂၀) ရာခိုင်နှုန်းလောက်သော ရွာသူ ရွာသားများ နေထိုင်ကြ၍ ရေလုပ်ငန်းဖြင့် အသက်မွေးဝမ်းနေကြသည်။ ကားလမ်း မရှိသေးသည့် အချိန်က ကြိမ်ချောင်း ဈေးကြီးသို့ ဈေးနေ့များတွင် စက်လှေ၊သဗ္ဗာန်၊လှေများနှင့် ၎င်းချောင်းကြီးကို အသုံးပြု၍ လာရောက် ရောင်းဝယ်ဖောက်ကားသည့် ရေလမ်းသုံး ချောင်းကြီး ဖြစ်ပြီး ဝါးဖောင်၊ ထင်းဖောင်၊ ကုန်တင် စက်လှေများနှင့် သဗ္ဗာန်များအတွက် အဆင်အပြေဆုံးပင် ဖြစ်သည်။ ၎င်းချောင်းကြီးသည် ပြည်သူ အများအပြား အတွက် 'အသက်သွေးကြော' ဖြစ်သည်ဟု တချို့က ဆိုချင် ဆိုကြသော်လည်း ၎င်းသည် အစေခံကောင်း ဖြစ်သလို သခင်ဆိုးလည်း ဖြစ်သည်။

မိုးရာသီ တစ်လျှောက်လုံး၌ ၎င်းချောင်းကြီး အထက်စွန်းကစ၍ တောင်ကျမိုးရေသည် ဒလဟော စီးဆင်းလာပြီး ကြိမ်ချောင်းရွာ ကမ်းနားသို့ ရောက်သောအခါ ရေစီးရေလျှံ ပြင်းထန်လာကာ ကြိမ်ချောင်း ကမ်းပါးကို တိုက်ရိုက် စီးဝင် တိုက်စားလေ့ရှိသည်။ မိုးသည်းထန်လျှင် အလွယ်တကူ ရေကြီးလေ့ ရှိပြီး ရေကြီးလျှင် ရေစီးရေလျှံနှုန်း ပိုမို ပြင်းထန်လာပြီး စုန်းမကဲ့သို့ 'အော့အော့' မြည်ကာ ရေတိုက်စားမှု အားလည်း ပိုမို မြင့်တက်လာသည်ကို အံ့သြ၍ မဆုံးနိုင်ပါ။ ၎င်း ရေတိုက်စားမှုသည် အဓိကအားဖြင့် ကြိမ်ချောင်း ဟိန္ဒူရွာက စကာ အလယ်ရွာနှင့် တောင်ရွာထိ ကမ်းပါးကို အမြင့်ဆုံးနှင့် အများဆုံး ရိုက်ခတ်၍ နှစ်စဉ် နှစ်တိုင်း ပျမ်းမျှ ပေပေါင်း (၃၀) ကျော်ကျော် လူနေအိမ်မြေ တိုက်စား ကမ်းပြိုသွားလေ့ရှိသည်။ ၎င်းကြောင့် နှစ်စဉ်လိုလို ကြိမ်ချောင်းရွာ ကမ်းနားက အိမ်ခြေပေါင်း (၂၀) ကျော်ကျော် ရွှေ့ပြောင်း ကြရသည်။ ဤဖြစ်ရပ်မှာ လွန်ခဲ့သည့် ဆယ်စုနှစ်ပေါင်းများစွာက စ၍ ယနေ့အချိန်ထိ ဖြစ်ပွားနေသော သဘာဝ ဘေးအန္တရာယ်ကြီးဖြစ်ပြီး တစ်ချိန်က မြို့မိချောင်းရွာ တောင်ခြေနားတွင် တည်ရှိခဲ့သော ကြိမ်ချောင်းရွာသည် ယနေ့ မောင်တောသွား ကားလမ်း အရှေ့ဘက်က တောင်တန်းနားသို့ ကမ်းပြို၍ တွန်းပို့ရောက်ရှိနေပြီ ဖြစ်သည်။ ဤသည်များထက် ပိုမို ဆိုးရွားလှသည်မှာ မိုးရာသီ၌ ရေတိုက်စားခံရ၍ ကမ်းပြိုသွားမှုမှာ အိုးအိမ် ပါသွားသော မိသားစုများ နေထိုင်ကြရန် နောက်ဆုတ်၍ ယာယီ တဲထိုး ကြရန် လည်းကောင်း၊ အနီး ဘေးပတ်ဝန်းကျင်ရှိ နေရာလပ်၌ တဲထိုး နေထိုင်ကြရန် လည်းကောင်း သက်ဆိုင်ရာ အာဏာပိုင်းများသို့ အကြောင်းကြား တဲထိုးဆောက်လုပ်ခွင့် သွားတောင်းလျှင် ကြိမ်ချောင်း အုပ်ချုပ်ရေးမှူးရုံး စာရေး ဦးထွန်းဝင်းက (၁) သိန်း၊ အုပ်ချူပ်ရေးမှူး ဦးကိုကိုအောင်က (၁) သိန်း၊ ဘိနယ်တာဝန်ခံ အရာရှိက (၁) သိန်း၊ အနည်းဆုံး ငွေကျပ် (၃) သိန်းကျော် ကုန်ကျခံရသည်။ မတတ်နိုင်သော မိသားစုများမှာ အိမ်တစ်ဝက် ချောင်းဘက်၌ နောက်တစ်ဝက် ကမ်းမြေ၌ ဖြစ်ရသော အိမ်ပျက်တွင် မိုးရာသီ တစ်လျှောက်လုံး အသက်အိုးအိမ် ဘေးအန္တရာယ် စိုးရိမ်မှုဖြင့် ဆက်လက်နေထိုင်ကြရသည်ကို ရှုမြင်ကြသူတိုင်း အော့နှလုံး နာသွားလောက်အောင် ခံစားမိရသည်မှာ အမှန်ပင် ဖြစ်သည်။ ထို့အပြင် တစ်အိမ်လုံး ချောင်းထဲ ပြိုကျသွားပြီး ငွေကြေး မတတ်နိုင်သော မိသားစုများမှာလည်း မိမိတို့နှင့် ပတ်သက်ရာ ပတ်သက်ကြောင်း အိမ်များတွင် တစ်ညစီ လှည့်ပတ်၍ စိတ်ဆင်းရဲစွာ နေထိုင်ကြရသည်မှာ သနားဖွယ်ရာ ကောင်းလှသည်။ ဤကဲ့သို့ သဘာဝ ဘေးအန္တရာယ် သောကပေါင်းစုံ ရင်ဆိုင်ကြုံတွေ့ရပြီးနောက် မိုးရာသီ ကုန်ဆုံးသွားလျှင် တတ်နိုင်သူများက သံယောဇဉ် မပြတ်နိုင်သော်ငြားလည်း မိမိ ဘေးပတ်ဝန်းကျင်နှင့် အိမ်နီးချင်းများအား စွန့်ခွာသွား၍ နောက်ပတ်ဝန်းကျင်သစ် တစ်ခုသို့ သိုက်ပျက် ဥကွဲကာ နေထိုင်ကြရသည်။

ထိုကဲ့သို့ ယခုနှစ် မိုးရာသီကာလတွင်လည်း ရာသီဥတု ပြင်းထန်လာမှုကြောင့် ရေတိုက်စားမှုနှုန်းလည်း ယခင်ကထက် ပိုမို မြင့်တက်လာပြီး လူနေအိမ်မြေ ကမ်းပြိုမှုလည်း ပိုမို များပြားလာသည်။ ဆိုရလျှင် ယခုနှစ် မိုးရာသီကစ၍ ဇူလိုင်လ နောက်ဆုံးပိုင်းတွင် ဖြစ်ပွားတိုက်ခိုက်ခဲ့သော ကိုမင်း ဆိုင်ကလုန် မုန်တိုင်းပြီးနောက် ၎င်းရွာ ကမ်းနားက လူနေအိမ်ပေါင်း (၃၀) လုံးကျော် ရေတိုက်စား ကမ်းပြိုမှုကြောင့် ပျက်စီးခဲ့ရပြီး ၎င်းပြူးမချောင်း၏ ရေတိုက်စား ကမ်းပြိုမှု သမိုင်းတွင် အဆိုးရွားဆုံးပင် ဖြစ်သည်။ ဤကဲ့သို့ ဆက်လက် ဖြစ်ပွားသွားမည့် ဆိုပါက လာမည့် ၂၀၂၀ ပြည့်နှစ်အတွင်း ကြိမ်ချောင်းရွာ မြေပုံက ယခု ကြိမ်ချောင်း တိုက်နယ်ဆေးရုံကြီး၊ ဈေးကြီးနှင့် ရဲစခန်းများ တည်ရှိနေသော ရွာရှိ အလယ်နှင့်တောင်ရွာ နှစ်ခုစလုံးသည် လုံဝ ပျောက်ကွယ်သွားမည်မှာ သေချာပါသည်။

၂၀၀၅ ခုနှစ်ကစပြီး ကြိမ်ချောင်းကျေးရွာက ဟိန္ဒူဘာသာဝင်များ၏ အိမ်ခြေပေါင်း (၁၀) လုံးကျော် ကမ်းပြိုမှုကြောင့် ပျက်စီး ဆုံးရှုံးခဲ့ရပြီး မြောက်ရွာတွင် အစ္စလာမ် ဘာသာဝင်များနှင့် အတူ ရောနှော ရွှေ့ပြောင်း နေထိုင်ကြရသည်။ ထို့အပြင် ၂၀၀၉ ခုနှစ်ကစပြီး ကြိမ်ချောင်း အလယ်နှင့် တောင်ရွာမှ အစ္စလာမ်ဘာသာဝင် များ၏ အိမ်ခြေပေါင်း (၁၃၀) ကျော်သည် ရွာ၏ မြောက်ဘက်တွင် တည်ရှိနေသော ဝေးတမြေ တောင်ပေါ်ဒေသ၌ ရွှေ့ပြောင်း နေထိုင် ခဲ့ကြရသည်။ ၎င်းတို့ နေထိုင်ကြသော လယ်မြေများမှာ ရွာရှိ အစ္စလာမ်ဘာသာဝင် လယ်ပိုင်ရှင် အချို့က လှူဒါန်းကြခြင်း ဖြစ်ပြီး အချို့ကို ဈေးချိုချိုဖြင့် ဝယ်ယူ၍ တဲထိုးနေထိုင်ကြခြင်း ဖြစ်သည်။ ၎င်းတို့သည် ယခင်ကမ်းနားတွင် ရေလုပ်ငန်းဖြင့် အသက်မွေးဝမ်းကျောင်း ပြုသူများ ဖြစ်ကြပြီး ယခု ချောင်းနှင့် ဝေးလျက်ရှိသော တောင်ပေါ်ဒေသတွင် စီးပွားပျက် နေကြပြီး လူသူ ကင်းဝေးရာလည်းဖြစ် ရာသီဥတု ဒဏ်လည်းကြမ်း စားဝတ်နေရေး ဖူလုံမှု မရှိခြင်းကြောင့် ယခင်က ပိုင်ဆိုင်ခဲ့ကြသော စိတ္တနှင့်ကယာဗလ ဆုံးရှုံး၍ ရုပ်ပျက် ကျန်းမာရေး ချို့တဲ့နေသည်ကို မြင်တွေ့ရသည်။ ထို့အပြင် ၎င်းဒေသတွင် မိုးရာသီ တောင်ကျချောင်းရေ ဘေးအန္တရာယ်ကြောင့် ယခင်က မိမိတို့၏ သားသမီးများအား ပညာသင်လိုစိတ် ရှိကြခဲ့သော မိဘများက ကျောင်းနေရန် အရွယ်ရောက်သော သားသမီးများကို ကျောင်းမထားတော့ဘဲ တောဝင် သစ်ခုတ်ခိုင်းကြရပြီး ကြိမ်ချောင်း ဈေးကြီး၌ သယ်ယူရောင်းချကြရသည်။ ၂၀၁၃ ခုနှစ်တွင် ၎င်းတို့ ယာယီ ဆောက်လုပ်၍ နာမာဇ်ဝတ်ပြုသော ဗလီကျောင်းတော်ကိုလည်း ကြိမ်ချောင်း အုပ်ချုပ်ရေးမှူး ရုံးစာရေး ဦးထွန်းဝင်းက သွားရောက်၍ ပြိုဖျက်လိုက်သောကြောင့် ယခုအခါ ၎င်းတို့မှာ ဘာသာရေး ကျောင်းမဲ့ဘဝနှင့် အမှောင်ငရဲပြည်ထဲ နေရသလို ဖြစ်နေကြသည်။

ကြိမ်ချောင်းရွာတွင် နှစ်စဉ် ခံစားနေရသည့် ဤအကြောင်းအရာနှင့် ပတ်သက်ပြီး လွှတ်တော် ကိုယ်စားလှယ်လောင်းများ ကြိမ်ချောင်းမြေပေါ်တွင် မဲဆွယ်နေသည့် အချိန်တွင် လည်းကောင်း၊ ပုံးအပြည့် မဲကောက်ယူခဲ့ကြပြီး အမတ်များ ဖြစ်ကြပြီးနောက် ကြိမ်ချောင်းမြေသို့ ခရီးစဉ် ရောက်လာခဲ့သည့် အချိန်တွင်လည်းကောင်း ယုံကြည်အားကိုး၍ မဲဆန္ဒရှင်များက လိုအပ်သလို ဆောင်ရွက်ပေးရန် တောင်းဆိုရာ 'အစီစဉ်များ ရှိနေပြီ မကြာမှီ လုပ်ဆောင်သွားမည်' ဟု ပြောဆိုသွားသော စကားချိုချိုများကြောင့် မဲဆန္ဒရှင်များ ဆီးချိုရောဂါ ခံစားသွားရလောက်အောင်ပင် ဖြစ်ခဲ့ရသည်။ သို့သော်လည်း အမတ်ကြီးများ ပြန်သွားပြီးနောက် ရွာသားများက အားကိုးမိသည်ကိုပင် နောင်တ ရနေခဲ့ကြသည်။

အဆိုပါ ဖြစ်ရပ်နှင့် ပတ်သက်ပြီး ခေတ်အဆက်ဆက်က ၎င်းရွာတွင် အုပ်ချုပ်ခဲ့ကြသော ကျေးရွာ ကောင်စီ၊ ကျေးရွာ အေးချမ်းသာယာရေးနှင့် ဖွံ့ဖြိုးရေး ကောင်စီ ဥက္ကဌများ၊ ၎င်းရွာတွင် တာဝန်ကျခဲ့ကြသော အစိုးရ ဝန်ထမ်းများ မောင်တောမြို့ မဲဆန္ဒနယ်များက လွှတ်တော် ကိုယ်စားလှယ်များ စသည်တို့က မည်သည့် အခါကမှ တစ်စုံတစ်ရာ အရေးတယူ ဆောင်ရွက် ပေးခဲ့ခြင်း မရှိသည်ကို လေ့လာ တွေ့ရှိရသည်။

လျစ်လျူရှုခြင်း ခံထားရသည့် အတွက် ယခုလာမည့် နိုဝင်ဘာလ (၈) ရက်နေ့တွင် ကျင်းပမည့် ရွေးကောက်ပွဲ ကာလတွင် မဲဆွယ်၊ မဲယူရန် လာရောက်မည့် လွှတ်တော် ကိုယ်စားလှယ်လောင်းများက ချောင်းရေ တိုက်စားမှုကြောင့် ကြိမ်ချောင်း ကျေးရွာအုပ်စုမှ ရွာအချို့ မြေပုံက ပျောက်ကွယ် သွားနေသည်နှင့် ပတ်သက်၍ ခိုင်မာသည့် သဘောတူညီချက် တစ်စုံတစ်ရာ မပေးလျှင် မိမိတို့၏ ဇာတိမြေကို မြတ်နိုးကြသော ကြိမ်ချောင်း ရွာသူရွာသား ၈၁၈၅၀ ဦးမှ သတိကြီးစွာ မဲပေးကြရန် တိုက်တွန်းအပ်ပါသည်။