ဗွီအိုအေမြန်မာပိုင်း

10.12.2015

ပြီးခဲ့တဲ့ ရက်ပိုင်းက ရန်ကုန်တိုင်း ပုဇွန်တောင်မြို့နယ် ရဲတပ်ဖွဲ့ဝင်တွေဟာ (၅၄) လမ်းမှာ ရှိတဲ့ ကျော်ပုံနှိပ်တိုက်ကို သက်သေတွေနဲ့ အတူ ၀င်ရောက် စီးနင်း ရှာဖွေမှုတွေ လုပ်ခဲ့ပါတယ်။ သူတို့ ကြိုတင် သတင်းရထားသလိုပဲ အဲဒီ ပုံနှိပ်တိုက်မှာ ရိုဟင်ဂျာ အကြောင်း ဖော်ပြထားတဲ့ ၂၀၁၆ ခုနှစ်အတွက် ပြက္ခဒိန်တွေ ရိုက်နှိပ်နေတာကို တွေ့ရတဲ့အတွက် သက်သေခံ ပစ္စည်းအဖြစ် အားလုံးကို သိမ်းဆည်းခဲ့ပါတယ်။ တဆက်တည်း ပုံနှိပ်တိုက်ပိုင်ရှင်၊ မန်နေဂျာနဲ့ ပြက္ခဒိန် ရိုက်နှိပ်ရာမှာ ပါဝင်ပတ်သက်သူ စုစုပေါင်း (၅) ယောက်ကို ဖမ်းဆီး အရေးယူခဲ့ပါတယ်။ တဆက်တည်း ပုံနှိပ်တိုက်ကိုလည်း ချိတ်ပိတ်ခဲ့ပါတယ်။ ပြက္ခဒိန် ပုံနှိပ်ဖို့ စေခိုင်းသူ လို့ ဆိုတဲ့ ဦးအောင်ခင် ကတော့ ထွက်ပြေးတိမ်းရှောင်သွားတဲ့အတွက် ဖမ်းဆီးရမိခြင်း မရှိဘူးလို့ သိရပါတယ်။ ဖမ်းဆီးရမိသူတွေကို ကနဦး ပုံနှိပ် ထုတ်ဝေ ဥပဒေနဲ့ တရားစွဲပြီး တရားရုံးက တစ်ယောက် ဒါဏ်ငွေ ကျပ် ၁၀ သိန်းစီ ချမှတ်ခဲ့ပါတယ်။ အဲလို ပုံနှိပ်ထုတ်ဝေ ဥပဒေနဲ့ အရေးယူပြီး နောက်မှ အာမခံပေးလို့မရတဲ့ ပုဒ်မ ၅၀၅ (ခ) “အများပြည်သူ အကျိုး ပျက်စီးစေမှု” နဲ့ ဖမ်းဆီး၊ ရုံးတင် တရားစွဲလိုက်ပါပြီ။ ဒီမှုခင်း ကိစ္စ ဘာသဘော ဆောင်သလဲ၊ ဒါဟာ မီဒီယာ ဖိနှိပ်မှု တစ်ခုလား ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

ဇာတ်လမ်း အစ ကတော့ Facebook အင်တာနက် လူမှုကွန်ယက် စာမျက်နှာတွေက စ တာပါ။ စာရေးဆရာ ဦးအောင်ခင် (စစ်တွေ) ဟာ သူရိုက်နှိပ် ထုတ်ဝေမယ့် ပြက္ခဒိန်ပုံတွေကို ဖေ့ဘွတ်ခ်ပေါ် တင်ပါတယ်။ အဲဒီ ပြက္ခဒိန်မှာ ရိုဟင်ဂျာ တွေနဲ့ ပတ်သက်ပြီး အရင် ပါလီမန် ဒီမိုကရေစီ ခေတ်နဲ့ မြန်မာ့ဆိုရှယ်လစ် လမ်းစဉ်ပါတီ မဆလ ခေတ်က ပုံနှိပ်ထုတ်ဝေထားတဲ့ စာအုပ်စာတန်းတွေမှာ ပါတဲ့ စာသား တစ်ချို့ကို ကောက်နှုတ် ဖော်ပြထားပါတယ်။ တစ်ချို့စာမျက်နှာတွေမှာ ဗိုလ်မှူးချုပ်ဟောင်း အောင်ကြီး ပြောဆိုခဲ့တဲ့ မိန့်ခွန်း ကောက်နှုတ်ချက်လိုမျိုးလည်း ပါဝင်ပါတယ်။ ပါလီမန် ဒိမိုကရေစီခေတ်က တိုင်းပြည်တာဝန်ထမ်းဆောင်ခဲ့ဖူးသူတွေ၊ ပါလီမန် အမတ် ဖြစ်ခဲ့တဲ့ ရိုဟင်ဂျာတွေရဲ့ ဓာတ်ပုံတွေကိုလည်း ဖော်ပြထားပါတယ်။ ပြက္ခဒိန် နေ့စွဲကိုတော့ မြန်မာဘာသာ၊ အင်္ဂလိပ်ဘာသာ၊ အာရဗီ ဘာသာ သုံးမျိုးနဲ့ ဖော်ပြထားပါတယ်။

ဒီ ပြက္ခဒိန် ရုပ်ပုံတွေ လူမှုကွန်ယက် စာမျက်နှာထက် ရောက်လာပြီးနောက် ရန်ကုန်က မဘသ အဖွဲ့ဝင်တစ်ချို့ စည်းဝေးပြီး အရေးယူပေးဖို့ သက်ဆိုင်ရာ အာဏာပိုင်တွေဆီ သတင်းပို့ပါတယ်။ ဒီ ပြက္ခဒိန်ထုတ်ဖို့ စီစဉ်တဲ့ ဦးအောင်ခင်ဟာ ရွှေပြည်သာ မြို့နယ်မှာ နေထိုင်တာကြောင့် ဒါကို ဆက်မလုပ်ဖို့၊ ထုတ်ဝေခြင်း မပြုဖို့၊ ခံဝန်ကတိ လက်မှတ်ရေးထိုးခိုင်းရအောင် ရွှေပြည်သာမြို့နယ် အုပ်ချုပ်ရေးမှူးက ကြိုးစားခဲ့ပါသေးတယ်။ ဒါပေမယ့် ဦးအောင်ခင် ထွက်ပြေးတိမ်းရှောင်သွားပြီ ဖြစ်တဲ့အတွက် အဲဒီအစီအစဉ် မဖြစ်မြောက်တော့ပါဘူး။ နောက်ပိုင်း ပုဇွန်တောင်မြို့နယ် ၅၄ လမ်းမှာ ပုံနှိပ်နေပြီ ဆိုတာ သိရတဲ့အတွက် ပုံနှိပ်တိုက်ကို သွားရောက် ဖမ်းဆီးတာမျိုး လုပ်ကြတာပါ။

ဒီပြသနာနဲ့ ပတ်သက်ပြီး ကနဦး ထွက်ပေါ်ခဲ့တဲ့ သတင်းတွေမှာတော့ အာရဗီ ဘာသာနဲ့ ပြက္ခဒိန်ရိုက်နှိပ်ဖို့ လုပ်လို့ အရေးယူရတာလို့ ဆိုပါတယ်။ ဒါပေမယ့် သက်ဆိုင်ရာ ပုဇွန်တောင် မြို့နယ် ရဲစခန်းမှူးကို သွားရောက်မေးမြန်းတဲ့အခါ အာရဗီ ဘာသာနဲ့ ပုံနှိပ် ထုတ်ဝေလို့ အရေးယူရတာ မဟုတ်တဲ့အကြောင်း၊ ရိုဟင်ဂျာတွေအကြောင်း ရေးသားဖော်ပြလို့ အရေးယူရတာ ဖြစ်တယ်ဆိုပြီး ပြောပါတယ်။ ဒါဆိုရင် အဲဒီ ပြက္ခဒိန်ထဲမှာ ရိုဟင်ဂျာအကြောင်း ဘာတွေ ရေးသားထားလဲ လေ့လာကြည့်ဖို့ လိုလာပါတယ်။

ပြက္ခဒိန်ထဲမှာ ပါလီမန် ဒီမိုကရေစီခေတ် ဒု တပ်မတော်ကာကွယ်ရေး ဦးစီးချုပ် ဗိုလ်မှူးချုပ် အောင်ကြီး ၁၉၆၁ ခုနှစ်က ပြောတဲ့ “ မေယုခရိုင် အတွင်းတွင် နေထိုင်ကြသော၊ ရိုဟင်ဂျာများသည်လည်း ပြည်ထောင်စုအတွင်း လူမျိုးစု တစ်စု ဖြစ်သည်ကို သဘောပိုက်ထားကြစေလိုကြောင်း” ဆိုတာ ဖော်ပြထားပါတယ်။ နယ်ခြား ဒေသ အရာရှိချုပ် ဗိုလ်မှူးကြီးစောမြင့် ပြောတဲ့ ရိုဟင်ဂျာ အမျိုးသားများ ခင်ဗျား အစချီ မိန့်ခွန်းကောက်နှုတ်ချက် တိုကို ဖော်ပြထားပါတယ်။ စာမျက်နှာ တစ်ခုမှာတော့ “မြန်မာ့အသံ တိုင်းရင်းသား ဘာသာ အစီအစဉ်ကနေ ရိုဟင်ဂျာ ဘာသာ အစီအစဉ်ကို ၁၉၆၁ ခုနှစ် မေလ ၁၅ ရက်နေ့ကနေ ၁၉၆၅ ခုနှစ် စက်တင်ဘာလ ၃၀ ရက်နေ့အထိ အသံလွှင့်ခဲ့တယ်” ဆိုတဲ့ စာသားမျိုး ဖော်ပြထားပါတယ်။

ဒီအမှုနဲ့ ပတ်သက်ပြီး အရေးယူကိုင်တွယ်တဲ့ စခန်းမှူး ပြောစကားနဲ့ ပြက္ခဒိန် စာမျက်နှာပါ အကြောင်းအရာတွေကို ကြည့်ရင် ရိုဟင်ဂျာ လူမျိုးနဲ့ ဆိုင်တဲ့ အကြောင်းအရာတွေကို ဖော်ပြတာကြောင့် ဖမ်းဆီး အရေးယူခံကြရတယ် ဆိုတာ ထင်ရှားပါတယ်။ တကယ်တော့ ဒီ ပြက္ခဒိန်ထဲမှာ ဖော်ပြတဲ့အကြောင်းအရာတွေဟာ အရင် မြန်မာနိုင်ငံမှာ ပုံနှိပ်ထုတ်ဝေထားပြီးသား စာအုပ်စာတန်းက အချက်အလက်တွေကို ပြန်လည် ကူးယူ ဖော်ပြထားတာတွေပဲ ဖြစ်ပါတယ်။ အသစ်အဆန်း ဖန်တီးရေးသားထားတာတွေလည်း မတွေ့မြင်ကြရပါဘူး။ ဒါဆို ဒီပြက္ခဒိန် ထုတ်ဝေမှုနဲ့ ပါတ်သက်ပြီး ပုဒ်မ ၅၀၅ (ခ) “အများပြည်သူ အကျိုး ပျက်စီးစေမှု” နဲ့ ရုံးတင်တရားစွဲတာကရော ဖြစ်သင့်ပါသလား ဆိုတာ ဆွေးနွေးဖို့ လိုလာပါတယ်။

၂၀၁၁ ခုနှစ် သမ္မတ ဦးသိန်းစိန် အစိုးရအဖွဲ့သစ် တက်လာပြီးနောက် ၂၀၁၂ နှစ်လည်မှာ ဆင်ဆာအဖွဲ့ကို ရုပ်သိမ်းပြီး ပုံနှိပ်မီဒီယာကို လွတ်လပ်ခွင့်ပေးခဲ့ပါတယ်။ စာအုပ်၊ စာစောင်တွေ ရိုက်နှိပ်ရာမှာ ကြိုတင်ခွင့်ပြုချက် တောင်းခံစရာ မလိုတော့ပဲ ပုံနှိပ် ထုတ်ဝေပြီးနောက်မှ မူပိုင်ခွင့်နဲ့ မှတ်ပုံတင်ရုံးကို စာအုပ်စာစောင်တွေ သွားပို့ပေးရတာပဲ ရှိပါတယ်။ အဲလို ပုံနှိပ်မီဒီယာ လောက လွတ်လပ်ခွင့်ရပြီးချိန်ကနေ ဒီကနေ့အချိန်ထိ ပုံနှိပ်ထုတ်ဝေမှုနဲ့ ပတ်သက်ပြီး မီဒီယာ ဖိနှိပ်မှုလို့ အသေအခြာ ပြောနိုင်တဲ့ အမှု (၃) ခုပေါ်ပေါက်ခဲ့ဖူးပါတယ်။ ပထမ တစ်မှုကတော့ ယူနတီဂျာနယ် အမှုဖြစ်ပြီး ဓာတုလက်နက်စက်ရုံ ဆိုပြီး ဖော်ပြလို့ သတင်းသမား ၅ ယောက်ကို နိုင်ငံတော် လျှို့ဝှက်ချက် ဥပဒေနဲ့ ထောင်(၁၀) နှစ်စီ ချမှတ်ခဲ့ပါတယ်။ နောက်တစ်မှုကတော့ ဘိုင်မွန်းတည့်နေ ဂျာနယ် အမှုဖြစ်ပြီး လူမှုအဖွဲ့အစည်း တစ်ခုရဲ့ “ကြားဖြတ်အစိုးရဖွဲ့လိုက်တယ်” ဆိုပြီး ကြေငြာချက်ထုတ်တာကို သတင်းရေးသားဖော်ပြလို့ သတင်းသမား ၅ ယောက်ကို ထောင် ၂ နှစ်ချခဲ့တာပါ။ တတိယ အမှုကတော့ မြန်မာသံတော်ဆင့် ဂျာနယ်ပါ သမ္မတ ဦးသိန်းစိန်ကို ဝေဖန်တဲ့ ရေးသားချက်ကို အစိုးရ ပြန်ကြားရေးဝန်ကြီးဌာနက ပုဒ်မ ၅၀၀ အသရေဖျက်မှု နဲ့ တရားစွဲခဲ့တာဖြစ်ပြီး ငွေဒါဏ် ချမှတ်ခံရတာပါ။

အခု ပြက္ခဒိန် ထုတ်ဝေမှု ပြသနာကိုကြည့်ရင်လည်း ပုံနှိပ်ဖော်ပြမှုကြောင့် ဖြစ်ရတဲ့ ပြသနာပါ။ ပုံနှိပ်ဖြန့်ချီခြင်း မပြုခင် အရေးယူခံရတာပါ။ ဒီအတွက် ဖြစ်ခြင်းဖြစ် ပုံနှိပ်-ထုတ်ဝေ ဥပဒေ ဒါမှမဟုတ် သတင်းမီဒီယာ ဥပဒေနဲ့ပဲ အရေးယူဖို့ ရှိပါတယ်။ ဒါပေမယ့် အခုလို ရိုဟင်ဂျာ အကြောင်း ပုံနှိပ် ဖော်ပြလို့ ဆိုတဲ့အကြောင်းပြချက်နဲ့ ပုံနှိပ်-ထုတ်ဝေ ဥပဒေနဲ့ အရေးယူ၊ အပြစ်ပေးရုံတင်မက ထောင်ဒါဏ်နှစ်နှစ်အထိ ချမှတ်နိုင်တဲ့ ပုဒ်မ ၅၀၅ (ခ) လို “အများပြည်သူ အကျိုး ပျက်စီးစေမှု” နဲ့ တရားစွဲတာကိုတော့ မီဒီယာ ဖိနှိပ်မှုလို့ သတ်မှတ်နိုင်ပါကြောင်း သုံးသပ်တင်ပြလိုက်ရပါတယ်။

၎င်းတို့နေအိမ်များ ပြုပြင်ပြီးနောက် ညောင်ချောင်း အခြေစိုက် သစ်တောဝန်ထမ်းက ညောင်ချောင်း ရခိုင်ရွာမှ မောင်ရေနှင့် ကာနာယာ၊ ဖုရားပြင်အောင်ပ ကျေးရွာအုပ်စုမှ အာယုဖ် (ဘ) ဦးရှောရီးဟူစိန်း တို့နှင့်အတူ အိမ်ပြုပြင်သူများ၏ နေအိမ်များသို့ သွားရောက်၍ နေအိမ်ပြုပြင်ရန်သာ ခွင့်ပြုခဲ့ခြင်း ဖြစ်ကြောင်း၊ တောင်မှ သစ်ခုတ်ရန် ခွင့်မပြုခဲ့ဟု ဆိုကာ အမျိုးမျိုး ခြိမ်းခြောက်၍ ငွေညှစ်ခဲ့ကြောင်း ဒေသခံများက RB News သို့ပြောပါသည်။ 

ငွေညှစ်ခံရသူများမှာ --

(၁) နိုဝင်ဘာလ (၂၀) ရက်နေ့တွင် ဦးဖော့ယာဇူ (ဘ) ဦးရော်ရှိတ်၊ ကျွဲတက်ပြင် ကျေးရွာ -- ညှစ်ခံရငွေကျပ် (၇) သောင်း

(၂) နိုဝင်ဘာလ (၅) ရက်နေ့တွင် ဦးဟာရှိမ် (ဘ) ဦးမာမတ်ဆော်ယာဒ်၊ ဖရုံချောင်း ကျေးရွာအုပ်စု၊ ဒိုးတန်း (၁) ရွာ --ညှစ်ခံရငွေကျပ် နှစ်သောင်းငါးထောင်

(၃) ဒီဇင်ဘာလ (၁) ရက်နေ့တွင် ဦးအာမာန်အုလ္လာ (ဘ) ဦးအာဘူဘော်ကော်ရ်၊ ဖရုံချောင်း ကျေးရွာအုပ်စု၊ ဒိုးတန်း (၁) ရွာ -- ညှစ်ခံရငွေကျပ် ငါးသောင်း

(၄) ဒီဇင်ဘာလ (၄) ရက်နေ့တွင် ဦးနူရ်ကော်ရိမ် (ဘ) ဦးအာဘူ၊ ဖရုံချောင်း ကျေးရွာအုပ်စု၊ ဒိုးတန်း (၁) ရွာ၊ ညှစ်ခံရငွေကျပ် တစ်သိန်း -- တို့ဖြစ်သည်။ 

ထိုနည်းဖြင့် ညောင်ချောင်း အနီးတ၀ိုက်ရှိ အခြားသော ကျေးရွာသားများ ထံမှလည်း ငွေညှစ်ယူခဲ့ကြောင်း ဒေသခံများက ပြောပါသည်။

မိန်းကလေး နှစ်ဦးနှင့် အတူပါလာသည့် ကလေးငယ် နှစ်ဦးကိုလည်း ရိုက်နှက်ခဲ့သည်။ မိန်းကလေးများနှင့် ကလေးငယ်များ၏ အော်ဟစ်သံကိုကြား၍ ၎င်းတို့၏ မောင်ဖြစ်သူ အာမာန်အုလ္လာနှင့် အစ်ကိုဝမ်းကွဲ တော်စပ်သူ ရော်ရှီဒုလ္လာ (ဘ) ဦးအာဇီရာမန်တို့ ပြေးလာပြီး သူခိုးနှစ်ဦးနှင့် အပြန်အလှန် စကားများ ရန်ဖြစ်ခဲ့သည်။ ထိုစဉ် လမ်းပေါ်မှ မောင်းနှင်သွားသော ကားပေါ်မှ ဒိုင်းနက်လူမျိုးများက အခင်းဖြစ်ပွားနေသည်ကို မြင်တွေ့၍ ကားပေါ်မှ သံချောင်း၊ ဂွများ ကိုင်လျက် ဒိုင်းနက် လူမျိုး (၁၀) ဦးကျော် ပြေးဆင်းလာပြီး ရိုဟင်ဂျာ မိန်းကလေး နှစ်ဦးနှင့် လူငယ် နှစ်ဦးကို ရိုက်နှက်ခဲ့သည်။ 

ဒိုင်းနက်လူမျိုးများ အုပ်စုလိုက် အနိုင်ကျင့် ရိုက်နှက်နေစဉ် အနီးအနားမှ ရိုဟင်ဂျာများ ရောက်ရှိလာသဖြင့် ဒိုင်းနက်လူမျိုးများ နောက်ဆုတ် သွားခဲ့ရသည်။ သို့သော်လည်း ကားပေါ်မှ ဆင်းလာသော ဒိုင်းနက်များ၏ ရိုက်နှက်မှုကြောင့် ရိုဟင်ဂျာ လူငယ်နှစ်ဦး ပြင်းထန်စွာ ဒဏ်ရာ ရရှိခဲ့သည်။ ဒိုင်းနက် တစ်ဦးလည်း ဦးခေါင်းတွင် ဒဏ်ရာရရှိခဲ့သည်။ 

ထို့နောက် ငကျဉ်တောက်နှင့် လောင်းချောင်း ကျေးရွာအုပ်စုရှိ ဒိုင်းနက်များ အုပ်စုလိုက် လာရောက်၍ တွေ့သမျှ ရွာသားများကို တိုက်ခိုက် ရိုက်နှက်ခဲ့ရာ ရိုဟင်ဂျာများကလည်း ခုခံ တိုက်ခိုက်သဖြင့် နှစ်ဖက် တင်းမာမှု ဖြစ်ပွားခဲ့သည်။ 

လောင်းချောင်း ကျေးရွာ အုပ်ချုပ်ရေးမှူး ခင်ဇော်ထွန်း (ခ) ဇော်ဇော်နှင့် ငါးရှည်ထောက် ကျေးရွာ အုပ်ချုပ်ရေးမှူး ကျော်စိန်လှတို့က လူမျိုးရေး ဘာသာရေး အဓိကရုဏ်း ဖြစ်ပွားလျက် ရှိကြောင်း၊ ရိုဟင်ဂျာများက ဒိုင်းနက်များကို သတ်ဖြတ်နေသည်ဟု ဌာနဆိုင်ရာ များသို့ အကြောင်းကြားခဲ့သဖြင့် နံနက် (၁၀) နာရီခန့်တွင် တောင်ဘဇာရှိ နယ်ခြားစောင့် ရဲတပ်ဖွဲ့မှ ရဲမှူးနှင့်အဖွဲ့၊ တပ်မတော် တပ်မမှ G-1၊ ဗျူဟာမှူး၊ ဘူးသီးတောင် မြို့နယ် အုပ်ချုပ်ရေးမှူး၊ မြို့နယ် ရဲတပ်ဖွဲ့မှူး ဦးအောင်ဘာလေ၊ ရဲစခန်းမှူးတို့ ရောက်ရှိလာခဲ့ကြသည်။ 

အခင်းဖြစ်ပွားပုံကို စုံစမ်းပြီးနောက် နယ်ခြားစောင့် ရဲတပ်ဖွဲ့ ရဲမှူးနှင့် တပ်မတော်မှ G-1 တို့က ဒိုင်းနက်များက အခြားရွာသို့ သွားရောက်၍ လူမျိုးမတူ ဘာသာမတူသူ များ၏ ပစ္စည်းများ လုယက်သည်မှာ ဒိုင်းနက်များ၏ ကျူးလွန်မှုသာ ဖြစ်သည်။ ဤပြဿနာသည် လူမျိုးရေး၊ ဘာသာရေးနှင့် မည်သို့မှ ပတ်သက်ခြင်း မရှိ၊ အချင်းချင်း ဖြစ်သော ပြဿနာ ဖြစ်၍ ရဲက စုံစမ်းဖြေရှင်း ပေးရန် ပြောဆိုပြီး အရာရှိကြီးများ ပြန်လည် ထွက်ခွာသွားခဲ့သည်။ 

ငကျဉ်တောက်နှင့် လောင်းချောင်းရှိ ရိုဟင်ဂျာရွာများကို နယ်ခြားစောင့်ရဲ များက ည ၉း၃၀ နာရီ အချိန်ထိ ၀န်းရံ ထားခဲ့သည်။ ည ၉း၃၀ နာရီ အချိန်တွင် နယ်ခြားစောင့်ရဲများ ထွက်သွားသည့် အချိန်၌ ပြင်းထန်စွာ ဒဏ်ရာ ရရှိခဲ့သည့် ရိုဟင်ဂျာ လူငယ်နှစ်ဦးကို ဖမ်းဆီး ခေါ်ဆောင် သွားခဲ့သည်။ အဆိုပါ ဖမ်းဆီးခံ နှစ်ဦး အပါအ၀င် ရိုဟင်ဂျာ (၇) ဦးက တိုက်ခိုက်ခဲ့သည်ဟု ဆိုကာ ဒိုင်းနက်များက ရိုဟင်ဂျာ (၇) ဦး၏ အမည်စာရင်းကို ပေးထားခဲ့သည်။ 

နောက်နေ့တွင် နယ်ခြားစောင့် ရဲတပ်ဖွဲ့ ရဲမှူးက စာရင်းပါ ရိုဟင်ဂျာ (၅) ဦးကို ၎င်းနှင့် လာရောက် တွေ့ဆုံရန် ဆင့်ခေါ်သော်လည်း စာရင်းပါ (၅) ဦးက ပြဿနာတွင် ပါဝင် ပတ်သက်မှု မရှိခဲ့သောကြောင့် သွားရောက် တွေ့ဆုံခဲ့ခြင်း မရှိခဲ့ပေ။ ရဲမှူး၏ လက်အောက်ငယ်သား နယ်ခြားစောင့်ရဲ များက ဒိုင်းနက် လူမျိုး ကျေးရွာ အုပ်ချုပ်ရေးမှူး နှစ်ဦးနှင့် ပူးပေါင်း၍ ရိုဟင်ဂျာရွာများ ထဲသို့ ၀င်ရောက်ကာ ငွေကြေး တတ်နိုင်သည့် ရိုဟင်ဂျာများကို ပြဿနာတွင် ပါဝင် ပတ်သက်ခဲ့သည်ဟု ခြိမ်းခြောက်၍ ငွေညှစ်လျက် ရှိသည်ဟု ဒေသခံများက RB News သို့ပြောပါသည်။ 

ကျေးရွာ အုပ်ချုပ်ရေးမှူး နှစ်ဦးနှင့် လောင်းချောင်း ကျေးရွာအုပ်စု ဒိုင်းနက်ရွာမှ ဦးရှိန်ဂေါ်၏ သားနှစ်ဦး၊ ငကျဉ်တောက် ကျေးရွာအုပ်စု ဒိုင်းနက်ရွာမှ ဦးနိုင်ကျား၏ သားများနှင့် ၎င်း၏ညီ အောင်ကျော်လင်းတို့က နယ်ခြားစောင့်ရဲ များနှင့် အတူ ရိုဟင်ဂျာရွာထဲသို့ ၀င်ရောက်၍ “ဒီလိုအခါမှာ မင်းတို့ ကုလားတွေကို ပျက်စီးအောင် လုပ်သွားမယ်” ဟု ကြုံးဝါး ပြောဆိုလျက် ရှိသည်။ 

ဒီဇင်ဘာလ (၅) ရက်နေ့ နံနက်ပိုင်းတွင် နယ်ခြားစောင့်ရဲ များနှင့် ကျေးရွာ အုပ်ချုပ်ရေးမှူး နှစ်ဦးတို့ အဖွဲ့သည် ငကျဉ်တောက်ရွာသို့ သွားရောက်၍ မာမတ်ဆော်ယာဒ် (ဘ) ဦးအဒူရာမန်၊ ရော်ဖိတ် (ဘ) ဦးဖောဇိလ်၊ အာရ်ဖာတ် (ဘ) ဦးဟာမိတ်၊ ဟာမိတ် (ဘ) ဦးဟာဘီ၊ ဒေါ်တုန္နားဘီ (ဘ) ဦးဆုလ်တာန်နှင့် ဦးဟာလာယာ၏ ဇနီးတို့ အပါအ၀င် အမျိုးသမီး (၆) ဦးကို ဖမ်းဆီး၍ ငကျဉ်တောက် ကျေးရွာ အုပ်ချုပ်ရေးမှူး ဇော်ဇော်၏ အိမ်သို့ ခေါ်ဆောင် သွားကာ ကြိုးဖြင့် ချည်နှောင် ထားခဲ့သည်။ ညနေပိုင်းတွင် အမျိုးသမီး (၆) ဦးကို အမျိုးမျိုး ခြိမ်းခြောက်၍ ရိုဟင်ဂျာများကသာ ရန်စခဲ့သည်ဟု ထွက်ဆိုခိုင်းကာ ပြန်လည် လွှတ်ပေးခဲ့သည်။ အမျိုးသား (၄) ဦးကို လူမဆန်စွာ ရိုက်နှက် နှိပ်စက်ပြီး ဒီဇင်ဘာလ (၆) ရက်နေ့တွင် ငွေကျပ် နှစ်သိန်းစီ ညှစ်ယူပြီး ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။ 

ဒီဇင်ဘာလ (၆) ရက်နေ့ နံနက်တွင် အမျိုးသမီး (၆) ဦးကို တောင်ဘဇာရှိ နယ်ခြားစောင့် ရဲတပ်ဖွဲ့ စခန်းသို့ ခေါ်ဆောင် သွားပြီး ရိုဟင်ဂျာများကသာ ရန်စပြုခဲ့သည်ဟု ထပ်မံ ထွက်ဆိုခိုင်းခဲ့ပြီး ညနေပိုင်းတွင် ပြန်လည် လွှတ်ပေးခဲ့သည်။ ယင်းနေ့ ည (၉) နာရီ အချိန်တွင် အဆိုပါ အုပ်ချုပ်ရေးမှူးနှင့် အဖွဲ့၊ နယ်ခြားစောင့်ရဲ များသည် လောင်းချောင်း ကျေးရွာသို့ သွားရောက်၍ အာဇီရာမန်၏ ဇနီးကို လူမဆန်စွာ ကန်ကျောက် ရိုက်နှက်ခဲ့သည်။ ကာမာလ်ဟူစိန်း၏ ဇနီး (ကိုယ်ဝန်ဆောင်) ကိုလည်း လူမဆန်စွာ ရိုက်နှက်၍ ဖမ်းဆီးပြီး ရာအိမ်မှူး အိမ်တွင် ထိန်းသိမ်း ထားခဲ့သည်။ ထို့နောက် ကင်းရုံတွင် ကင်းစောင့်နေသာ လူငယ် (၃) ဦးနှင့် နေအိမ်များမှ ဒေသခံ (၃) ဦးကို ဖမ်းဆီး ရိုက်နှက်ပြီး နယ်ခြားစောင့် ရဲတပ်ဖွဲ့ စခန်းတွင် ချုပ်နှောင် ထားခဲ့သည်။ 

ဒီဇင်ဘာလ (၇) ရက်နေ့ နံနက်တွင် နယ်ခြားစောင့်ရဲများ လောင်းချောင်း ကျေးရွာသို့ သွားရောက်၍ စပါးရိတ်နေသည့် အလုပ်သမား နှစ်ဦးကို ဖမ်းဆီး ခေါ်ဆောင် သွားခဲ့သည်။ ဖမ်းဆီးထားသည့် အမျိုးသား (၈) ဦးကို ယင်းနေ့ ညနေပိုင်းတွင် ငွေကျပ် တစ်သိန်း ငါးသောင်းစီ ညှစ်ယူ၍ ပြန်လည် လွှတ်ပေးခဲ့ပြီး၊ ကာမာလ်ဟူစိန်း၏ ဇနီးကိုလည်း ငွေကျပ် ငါးသောင်း ညှစ်ယူပြီး ပြန်လည် လွှတ်ပေးခဲ့သည်။ 

နယ်ခြားစောင့် ရဲတပ်ဖွဲ့ ရဲမှူးက အခင်းဖြစ်ပွားသည့်နေ့တွင် အမှန်အတိုင်း ပြောကြားခဲ့သော်လည်း အပြစ်မဲ့ ရွာသားများကို ဖမ်းဆီး၍ ငွေရနေသဖြင့် ငွေကို မက်မော၍ မဟုတ်မမှန် စွပ်စွဲ ဖမ်းဆီးပြီး ငွေညှစ်လျက် ရှိနေသည်ဟု ဒေသခံများက ပြောပါသည်။

ဘူးသီးတောင် မြို့နယ် အမှတ် (၄) ရပ်ကွက်မှ အငြိမ်းစား ကျောင်းဆရာ ဦးအာဘူလ်ကာလာမ်၏ သား မောင်မောင် (အသက် ၂၅ နှစ်) သည် ဒီဇင်ဘာလ (၇) ရက်နေ့ နေ့လည် ၁၂ နာရီခန့် အချိန်တွင် ရခိုင်လူမျိုးပိုင် (ယာဉ်မောင်းနှင့် ယာဉ်နောက်လိုက် နှစ်ဦးလုံး ရခိုင်လူမျိုး) ကန်တာ ကားတစ်စီး ငှားရမ်း၍ မောင်တော မြို့နယ် မြောက်ပိုင်း၊ ကြိမ်ချောင်းဈေးသို့ သွားရောက်၍ ကြက်သွန်နီများ ၀ယ်ယူပြီးနောက် ကားပေါ်တင်၍ ဘူးသီးတောင်မြို့သို့ အပြန် ည ၈ နာရီခန့် အချိန်တွင် ဖားဝပ်ချောင်း ကျေးရွာအုပ်စု န.တ.လ (ရခိုင်ရွာ) ရှိ နယ်ခြားစောင့် ရဲတပ်ဖွဲ့ ကင်းစခန်း ရှေ့သို့ ရောက်ရှိ လာခဲ့သည်။ 

ထိုကင်းစခန်းမှ တာဝန်ကျရဲက ကားသမားထံမှ ငွေတောင်းခံခဲ့ရာ ကားသမားက ၎င်း၏ကားသည် အသွားတွင်လည်း ငွေပေးခဲ့ရသဖြင့် အပြန်တွင် ပေးစရာ မလိုကြောင်း ပြောရာ တာဝန်ကျရဲက ငွေမပေးလျှင် သွားခွင့်မပြုနိုင်ကြောင်း၊ ဂိတ်ကျော်တိုင်း ငွေပေးရမည် ဖြစ်ကြောင်း ပြောဆိုကာ အတင်းအဓမ္မ ငွေတောင်းခံခဲ့ကြောင်း၊ ၎င်းတို့ ပြောဆိုနေသည့် အချိန်တွင် စခန်းကို ဖြတ်ကျော် သွားနေသော အမည်မဖော်လိုသည့် ဖားဝပ်ချောင်း ရွာသား တစ်ဦးက ပြောပါသည်။

ထို့နောက် ကားသမားက ငါလည်း တိုင်းရင်းသား၊ တိုင်းရင်းသား ဖြစ်၍ ငွေပေးစရာ မလိုကြောင်း ပြောဆို၍ ငွေမပေးဘဲ ကားမောင်းသွားနေစဉ် တာဝန်ကျရဲက ကားရှေ့သို့ သွား၍ ယာဉ်မောင်းနှင့် ကပ်လျက် ထိုင်နေသည့် မောင်မောင်၏ ဦးခေါင်းကို သေနတ်ဖြင့် ပစ်ခတ်ခဲ့သည်။ ပစ်လိုက်သည့် ကျည်ဆံမှာ မောင်မောင်၏ ၀ဲဖက် နားရွက်ပေါ်၌ ထိမှန်ခဲ့ပြီး၊ ကျည်ဆံထိမှန်သည့် မောင်မောင်သည် ချက်ချင်းဆိုသလို သတိလစ်သွားခဲ့သည်။

ထို့နောက် စခန်းမှ နောက်ထပ် နယ်ခြားစောင့်ရဲများ ထွက်လာပြီး ရခိုင်လူမျိုးများ ဖြစ်သော ယာဉ်မောင်းနှင့် ယာဉ်နောက်လိုက်တို့ကို ဖမ်းဆီးပြီး စခန်းထဲတွင် ချုပ်နှောင်ထား၍ ကားကို စခန်းရှေ့တွင် ရပ်တန့်ထားပြီး၊ သေနတ် ကျည်ဆံ ထိမှန်သော မောင်မောင်ကို မောင်တော ပြည်သူ့ ဆေးရုံသို့ ပို့ဆောင်ခဲ့သည်။ 

သေနတ် ဒဏ်ရာ ပြင်းထန်စွာ ရရှိထားသည့် မောင်မောင်သည် မောင်တော ပြည်သူ့ဆေးရုံ၌ ယနေ့ ဒီဇင်ဘာလ (၈) ရက်နေ့ နံနက် ၄ နာရီခန့် အချိန်တွင် သေဆုံးသွားခဲ့ကြောင်း ဒေသခံများက RB News သို့ပြောပါသည်။ ထို့နောက် နယ်ခြားစောင့်ရဲ များက မောင်မောင်၏ ဖုန်းဖြင့် မောင်မောင်၏ မိဘများထံ မောင်တော ဆေးရုံတွင် သေဆုံး သွားကြောင်း အကြောင်းကြားခဲ့သည်။ မောင်မောင်၏ မိသားစုဝင် များသည် မောင်မောင် သေဆုံးသွားကြောင်း သိရှိရပြီးနောက် ယနေ့ နံနက်ပိုင်း အချိန်တွင် မောင်တော ပြည်သူ့ ဆေးရုံသို့ လိုက်သွားခဲ့သည်။ မောင်မောင်ကို သေနတ်ဖြင့် ပစ်ခတ်ခဲ့သည့် ဖားဝပ်ချောင်း နယ်ခြားစောင့် ရဲတပ်ဖွဲ့ ကင်းစခန်း၏ တာဝန်ခံမှာ တပ်ကြပ်ကြီး သန်းဇော် ဖြစ်ကြောင်း သိရှိရသည်။ 

မောင်တော ပြည်သူ့ ဆေးရုံတွင် မောင်မောင်၏ ရုပ်အလောင်းကို ခွဲစိတ်ပြီးနောက် မိသားစုဝင်များထံ အပ်နှံခဲ့ပြီး၊ နံနက် ၉း၃၀ နာရီ အချိန်တွင် ရုပ်ကလာပ်ကို ဘူးသီးတောင်မြို့သို့ သယ်ဆောင် လာနိုင်ခဲ့သည်။ 

မောင်တောမြိှု့ နယ်ခြားစောင့် ရဲတပ်ဖွဲ့မှ အရာရှိသုံးဦးသည် မောင်မောင်၏ နေအိမ်သို့ သွားရောက်၍ မိသားစုဝင်များနှင့် တွေ့ဆုံခဲ့သည်။ ထိုစဉ် နယ်ခြားစောင့်ရဲ တစ်ဦးက သေဆုံးသူ၏ အမည်ကို မေးမြန်းရာ မောင်မောင်၏ ဖခင် ဆရာ ဦးအာဘူကာလာမ်က မောင်မောင်ဟု ဖြေလိုက်သဖြင့် နယ်ခြားစောင့်ရဲက ကုလားနာမည် ဘယ်လိုခေါ်လဲဟု ထပ်မံ မေးမြန်းခဲ့သည်။ 

သားဖြစ်သူ အကြောင်းမဲ့ အသတ်ခံရ၍ ပူဆွေးသောက ရောက်နေချိန်တွင်ပင် နယ်ခြားစောင့်ရဲများ လာရောက်၍ လူမျိုးရေး စော်ကားခြင်းသည် အသတ်ခံရသူ၏ ဖခင်၏ အနာပေါ် တုတ်ဖြင့် ရိုက်နှက်သလို နာကျင်စေမည် ဖြစ်သည်။ လူတစ်ဦးကို အကြောင်းမဲ့ တမင် ရည်ရွယ်ရှိရှိ အနီးကပ် ပစ်ခတ် သတ်ဖြတ်ပြီးနောက် နယ်ခြားစောင့် ရဲတပ်ဖွဲ့ အရာရှိက လူမျိုးဘာသာ ခွဲခြားသော စကားလုံးသုံး၍ ကျောင်းဆရာ တစ်ဦးကို မေးမြန်းခဲ့ခြင်းမှာ ရိုဟင်ဂျာ တစ်မျိုးသားလုံးကို စော်ကားရာလည်း ရောက်သည်။ 

နယ်ခြားစောင့်ရဲနှင့် စကားများသူမှာ ယာဉ်မောင်းသာ ဖြစ်ပြီး ပစ်ခတ်မည် ဆိုပါက ယာဉ်မောင်းကို ပစ်ခတ်ရမည် ဖြစ်သည်။ ယခုကဲ့သို့ မည်သည့် အပြစ်မှ ကျူးလွန်ခြင်း မရှိသော ရိုဟင်ဂျာ လူငယ်လေးကို ပစ်ခတ်ခဲ့ခြင်းမှာ တမင် လူမျိုး၊ ဘာသာကို ပစ်မှတ်ထားပြီး ပစ်ခတ်ခြင်း ဖြစ်သည်။ အစိုးရမှ နှစ်ရှည် စီမံကိန်းချထားသည့် လူမျိုးတုန်း သတ်ဖြတ်မှုကိုလည်း တဖြေးဖြေး အကောင်အထည် ဖော်နေသည်မှာ ပေါ်လွင်နေသည်။ 

ဒေသခံ ရိုဟင်ဂျာများက ဤကဲ့သို့ နေ့စဉ်ရက်ဆက် အကြောင်းမဲ့ အသတ်ခံနေရခြင်း အပေါ် အထူး စိုးရိမ် ကြောင့်ကြလျက် ရှိနေကြသည်။ တာဝန်ရှိ အရာရှိကြီးများက အောက်ခြေ အာဏာပိုင်များကို ဤကဲ့သို့ လူမဆန်စွာ သတ်ဖြတ်ရန် ညွန်ကြားထားလေသလားဟု ဒေသခံများက ဝေဖန် ပြောဆိုနေကြသည်။ 

ယာဉ်မောင်းနှင့် ယာဉ်နောက်လိုက်ကို ဖမ်းဆီးထားသော်လည်း မည်သည့်နေရာတွင် ထားရှိသည်ကို မသိရှိရသေးဟု ဒေသခံများက ဆိုသည်။ ညမထွက်ရ အမိန့်ကို ယနေ့တွင် ထပ်မံ၍ နှစ်လ သက်တမ်းတိုးမြှင့်လိုက်ပြီး၊ အမိန့် သက်တမ်း တိုးသည့် အချိန်တိုင်းတွင် ဤကဲ့သို့ အဖြစ်အပျက်များ ဖြစ်လေ့ ရှိသည်ဟု ဒေသခံများက ပြောပါသည်။

ည ၁၀း၃၀ နာရီခန့် အချိန်တွင် ငါးစကြူး ကျေးရွာအုပ်စု နိယာရ်ဘိလ်ရွာသို့ သွားရောက်ပြီး ဆိုင်ထဲတွင် MPT ဆင်းမ်ကဒ်ပါ ဖုန်းတစ်လုံးဖြင့် သီချင်း နားထောင်နေသော ဆိုင်ရှင် ဦးဘော်ရှော်ရ် (ဘ) ဦးကာဆိမ်း၏ ဖုန်းကို စစ်ဆေးကာ ဘင်္ဂလား ဆင်းမ်ကဒ် တွေ့ရှိသည်ဟု လုပ်ကြံပြီး ခြိမ်းခြောက်ကာ ငွေကျပ် သုံးသိန်း ခြောက်သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ 

ညသန်းခေါင်ယံ (ဒီဇင်ဘာလ ၆ ရက် နံနက် ၁း၃၀ နာရီ) အချိန်တွင် အဆိုပါ နယ်ခြားစောင့်ရဲ များသည် ဒိုးတန်း ကျေးရွာ (လုဒိုင်း) သို့သွားရောက်၍ ယင်းရွာမှ ဦးအုစ်မာန် (ဘ) ဦးကော်ရီမူလ္လာကို ဆိုင်ထဲမှ ခေါ်ထုတ် စစ်ဆေးပြီး ဘင်္ဂလားဖုန်း တွေ့ရှိသည်ဟု လုပ်ကြံ စွပ်စွဲ၍ ငွေကျပ် လေးသိန်း နှစ်သောင်း ညှစ်ယူခဲ့သည်။ 

ငါးခူရ စခန်းမှ နယ်ခြားစောင့်ရဲ များသည် မကြာခဏ ဆိုသလို အနီးအနားရှိ ကျေးရွာများသို့ သွားရောက်၍ ဒေသခံ ရိုဟင်ဂျာများကို မဟုတ်မမှန် လုပ်ကြံ၍ ဖမ်းဆီးပြီး မတရားသဖြင့် ရိုက်နှက် ခြိမ်းခြောက်ကာ ငွေညှစ်လျက် ရှိသည်ဟု ဒေသခံများက ပြောပါသည်။

နိုဝင်ဘာလ (၂၄) ရက်နေ့တွင် ကျေးရွာ တာဝန်ခံ ဦးဆော်လီမူလ္လာက ကျေးရွာ အုပ်ချုပ်ရေးမှူး၏ ဆုံးဖြတ်ချက်ကို ကျော်၍ ဒေါ်နူရ်ကော်လီမာ၏ ဖခင် ဦးအီဗြာဟိမ်းကို ဆင့်ခေါ်ပြီး ခြိမ်းခြောက်ကာ ငွေကျပ် ၇ သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ ဒေါ်နူရ်ကော်လီမာသည် အိမ်ထောင်ရှိသူ တစ်ဦး ဖြစ်ပြီး၊ ၎င်း၏ ခင်ပွန်းနှင့် အတူနေသည့် အတွက် ဖခင်နှင့် မည်သို့မျှ သက်ဆိုင်ခြင်း မရှိသော်လည်း ကျေးရွာ တာဝန်ခံက ရရှိသည့် အာဏာကို အလွဲသုံးစား ပြုလုပ်၍ ငွေညှစ်ခဲ့ခြင်း ဖြစ်သည်။ 

နိုဝင်ဘာလ (၂၉) ရက်နေ့တွင် ဖရုံချောင်း ကျေးရွာအုပ်စုမှ ဦးအလီဇူဟာရ်ကို တစ်ရွာတည်းနေ ဆွေမျိုးတစ်ဦးက ဘူးသီး တစ်လုံး လက်ဆောင် ပေးခဲ့သည်။ အဆိုပါ ဘူးသီးကို ယင်းရွာမှ ဦးအာဘူကာလာမ်၏ ကွမ်းခြံမှ ခိုးယူခဲ့သည်ဟု ပိုင်ရှင် ဖြစ်သူက တိုင်တန်းခဲ့ကြောင်း ကျေးရွာ တာဝန်ခံ ဦးဆော်လီမူလ္လာက လုပ်ကြံပြောဆိုပြီး၊ ကျေးရွာ တာဝန်ခံနှင့် တပည့် ဦးမာမတ်ဆာလေ (ဘ) ဦးဆုလ်တာန် တို့က ဦးအလီဇူဟာရ်နှင့် ရှစ်နှစ်သား အရွယ် ကလေးငယ် တို့ကို ခေါ်ယူလာပြီး ဘူးသီးခိုးယူခဲ့သည်ဟု စွပ်စွဲကာ သားအဖ နှစ်ဦးစလုံးကို ရိုက်နှက် ငွေကျပ် (၇) သောင်း ညှစ်ယူခဲ့သည်။

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အလယ်သံကျော် ကညင်တန်း ကျေးရွာမှ ဦးအာဘူကာလာမ် (ဘ) ဦးအာဇီဇူရာမန် (အသက် ၄၅ နှစ်) သည် နိုဝင်ဘာလ (၂၅) ရက်နေ့ ည (၈) နာရီ အချိန်တွင် အိမ်အပြင်သို့ ထွက်၍ လမ်းလျှောက် နေစဉ် ရွာတွင် ကင်းလှည့်နေသော နခေါင်းမ်ဒီယာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ စခန်းမှူးက တွေ့ရှိပြီး ဦးအာဘူကာလာမ် ကိုင်ဆောင် ထားသော MPT ဆင်းမ်ကဒ်ပါ ဂျီအက်စ်အမ်ဖုန်းကို စစ်ဆေးပြီး၊ စခန်းမှူးထံတွင် အသင့်ပါသော ဘင်္ဂလား ဆင်းမ်ကဒ်ကို ထည့်ပေး၍ ဘင်္ဂလား ဆင်းမ်ကဒ်မိသည်ဟု လုပ်ကြံ စွပ်စွဲကာ ငွေကျပ် တစ်သိန်း ငါးသောင်း အတင်းအဓမ္မ ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ ၎င်းသည် ဆင်းရဲသည့် တံငါသည် တစ်ဦး ဖြစ်ကြောင်း သိရသည်။

ဒေသခံ ရွာသား တစ်ဦးက “နယ်ခြားစောင့် ရဲတွေ ညနေပိုင်းမှာ ရွာထဲကို တိတ်တဆိတ် ၀င်လာတယ်။ ဖုန်းနဲ့ စကားပြောသံ ကြားတဲ့ အိမ်တွေကို ၀ိုင်းတယ်။ အိမ်ထဲဝင်ပြီး ဖုန်းတွေကို စစ်တယ်။ MPT ဆင်းမ်ကဒ် ထည့်ထားတဲ့ ဖုန်းတွေကို ဘင်္ဂလား ဆင်းမ်နဲ့ သုံးနေတယ် ဆိုပြီး မဟုတ်မတရား စွပ်စွဲပြီး ငွေညှစ်နေတာက ဓါးပြတွေထက် ပိုဆိုးနေတယ်” ဟု ပြောပါသည်။