မောင်တော ။ ။ ရခိုင်ပြည်နယ်၊ မောင်တော မြို့နယ် မြို့ပေါ် ဈေးတွင် ဆိုင်ရောင်းချနေသော ဒေသခံ ရိုဟင်ဂျာ များကို ရဲနှင့် နယ်ခြားစောင့်ရဲ များက အကြောင်းမဲ့ ခေါ်ယူ ခြိမ်းခြောက်ပြီး ငွေညှစ်လျက် ရှိသည်။ 

မောင်တော မြို့နယ် အမှတ် (၄) ရပ်ကွက် (မြို့မ အလယ် ရပ်ကွက်) အုပ်စု၊ ဟိန္ဒူရွာနှင့် ရွာသစ်ကေ ရပ်ကွက် (အမှတ် ၅ ရပ်ကွက်) ကြားရှိ ရဲကင်းစခန်းမှ ရဲတပ်သား အောင်ကျော်သိန်းသည် ဇန်န၀ါရီလ (၇) ရက်နေ့တွင် မြို့သူကြီး အလယ်ရွာမှ စားကုန်ဆိုင် ပိုင်ရှင် ဦးမာမတ်ကာမာလ် (ဘ) မော်လ၀ီ ဟာဘီရာန် (အသက် ၃၃ နှစ်) ကို အကြောင်းမဲ့ ခေါ်ယူ၍ ခြိမ်းခြောက်ကာ ငွေကျပ် သုံးသောင်းငါးထောင် ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ 

အဆိုပါ ရဲတပ်သား အောင်ကျော်သိန်းသည် ဇန်န၀ါရီလ (၂) ရက်နေ့ကလည်း ရွာသစ်ကေ ရပ်ကွက်မှ စားကုန်ဆိုင် ပိုင်ရှင် ဦးနူရ်အစ္စလာမ် (ဘ) ဦးယာရ်မာမတ် (အသက် ၅၅ နှစ်) ထံမှ ငွေကျပ် ရှစ်သောင်းငါးထောင်ကို လည်းကောင်း၊ ၂၀၁၅ ခုနှစ် နိုဝင်ဘာလ (၂၉) ရက်နေ့တွင် ရွာသစ်ကေ ရပ်ကွက်မှ ဦးအာဘူလ်ကာဆိမ်း (ဘ) ဦးအဒူရှကူရ် (အသက် ၅၇ နှစ်) ထံမှ ငွေကျပ် ရှစ်သောင်းကို လည်းကောင်း အကြောင်းမဲ့ ခြိမ်းခြောက်၍ ညှစ်ယူခဲ့သည်။ 

ဒီဇင်ဘာလ (၂၂) ရက်နေ့တွင် မြို့မ ရဲစခန်းမှ နယ်ထိန်း ရဲအဖွဲ့သည် ရွာသစ်ကေ ရပ်ကွက်၊ အနောက်ရွာမှ စားကုန်ဆိုင် ပိုင်ရှင် ဦးဟာဘီအုလ္လာ (ဘ) ဦးဆုလ်တာန် (အသက် ၄၇ နှစ်) ကို အကြောင်းမဲ့ ခေါ်ယူ ခြိမ်းခြောက်၍ ငွေကျပ် ငါးသောင်း ညှစ်ယူခဲ့သည်။ ဒီဇင်ဘာလ (၂၄) ရက်နေ့တွင်လည်း မြို့သူကြီး ကျေးရွာရှိ နယ်ခြားစောင့် ရဲတပ်ဖွဲ့ ကင်းစခန်းမှ စားကုန်ဆိုင် ပိုင်ရှင် ဦးမာမတ်ဂျူဘိုရ် (ဘ) ဦးရှော်ဖီအာလောမ် (အသက် ၃၀ နှစ်) ကို အကြောင်းမဲ့ ခေါ်ယူပြီး ငွေကျပ် နှစ်သောင်း ညှစ်ယူခဲ့သည်။ ထိုသို့ ဒေသခံ ရိုဟင်ဂျာ များကို အကြောင်းမဲ့ ခြိမ်းခြောက်၍ ငွေညှစ်နေသည်ကို အထက် အရာရှိများက သိသော်လည်း မသိချင်ယောင်ဆောင် နေကြသည်ဟု ဒေသခံများက ပြောပါသည်။

ထိုအကြောင်းများကြောင့် အသက် ၁၄ နှစ် အရွယ် မိုဟာမတ်ကာရင် သေဆုံးခဲ့ရသည်မှာ လက်တွေ့ ဖြစ်သည်။

သောင်းနှင့် ချီသော ရိုဟင်ဂျာများနှင့် အတူ ကြီးမားသည့် ဒုက္ခသည် စခန်းတခုတွင် မိုဟာမတ်ကာရင် နေထိုင်ခဲ့သည်။ အစိုးရက ရိုဟင်ဂျာများ၏ နိုင်ငံသားဖြစ်ခွင့်ကို တားမြစ်ထားခဲ့သည်မှာ နှစ်ပေါင်းများစွာ ကြာမြင့်ခဲ့ပြီ ဖြစ်သည်။ လွတ်လပ်စွာ သွားလာလှုပ်ရှားခွင့်ကိုလည်း ကန့်သတ်ထားသည်။ သူက လူကုန်ကူးသူများကို ပိုက်ဆံပေး၍ လှေဖြင့် ထွက်ပြေးချင်ခဲ့သည်။ ထိုနည်းဖြင့် မလေးရှားနိုင်ငံသို့ သွားရောက်သည့် ရိုဟင်ဂျာ အများအပြားရှိသည်။

“ကျမတို့က သူ့ကို ခွင့်မပြုခဲ့ဘူး။ အဲဒါက အန္တရာယ် များတယ်လေ” ဟု မိခင်ဖြစ်သူ ဆာရာဟတူက ပြောသည်။

ထို့နောက် မိုဟာမတ်ကာရင်၏ ခြေဖနောင့်တွင် ဒဏ်ရာတခု ရရှိခဲ့သည်။ ဒဏ်ရာနှင့် ပတ်သက်၍ မည်သူကမျှ အလေးအနက် မထားခဲ့သော်လည်း မကြာမီမှာပင် သူ၏ မေးရိုးများ လှုပ်ရှားရန် ခက်ခဲလာခဲ့သည်။

မိုဟာမတ်ကာရင် မေးခိုင်ရောဂါ ရရှိခဲ့သည်မှာ ထင်ရှားပါသည်။ သူ့အနေဖြင့် ဒုက္ခသည် စခန်းအတွင်းမှ အခြားသော ကလေးငယ် များကဲ့သို့ ပင် မေးခိုင်ရောဂါ ကာကွယ်ဆေးအပါအ၀င် ကာကွယ်ဆေးများ မရခဲ့ပါ။

သူ နေမကောင်းဖြစ်လာသည့် အချိန် ဒေသခံကျန်းမာရေး ၀န်ထမ်းများနှင့် ဖွင့်လိုက် ပိတ်လိုက် ဖြစ်နေတတ်သည့် ဆေးခန်းက သူ့ကို အကူအညီမပေးနိုင်ခဲ့ပါ။ နောက်ဆုံးတွင် စခန်းမှ ထွက်ပြီး ဆေးရုံတင်ရန် အထူးခွင့်ပြုချက် ရရှိခဲ့သည်။ သို့သော်လည်း အလွန်နောက်ကျခဲ့ပြီ ဖြစ်သည်။ “နောက် ၂ရက်လောက်ကြာတော့ သူ့ရဲ့ အလောင်းပဲ ပြန်ရောက်လာတယ်” ဟု ဆာရာဟတူက ပြောသည်။

သူတို့တဲနှင့် ပေ ၁၀၀ ခန့်ကွာသည့် နေရာတွင် အခြားသော မိသားစုတခုလည်း ကြေကွဲနေသည်။ အသက် ၂၀ အရွယ် မိန်းကလေး တယောက်ဖြစ်သည့် ဘေလ်ဒါဘီးဂန်းသည် အသည်းရောင် အသားဝါပိုး (အေ) ဖြင့် သေဆုံးခဲ့ရသည်ဟု အိမ်နီးချင်းများက ပြောသည်။ အသည်းရောင် အေ ရောဂါသည် အသက်ကို အန္တရာယ်ပေးနိုင်သည့် ရောဂါ မဟုတ်သော်လည်း သူ သည်လည်း လိုအပ်သည့် ဆေးဝါးကုသမှု မရရှိခဲ့သဖြင့် ပြီးခဲ့သည့် နှစ်ကုန်ပိုင်းတွင် အသက် ၂ နှစ် အရွယ် သားဖြစ်သူ ဟိုင်ရိုးလ်ကို ထားရစ်ကာ ကွယ်လွန်သွားခဲ့သည်။

“တကယ်လို့ သူဟာ ရိုဟင်ဂျာ တယောက်မဟုတ်ခဲ့ဘူးဆိုရင် သူ အသက်ရှင်ဖို့ ၁၀၀ ရာခိုင်နှုန်းသေချာတယ်။” ဟု လူမျိုးစု ခေါင်းဆောင် တယောက်ဖြစ်သည့် အီနွတ်မိုနိုင်က ပြောသည်။

ယခုအခါ ဟိုင်ရိုးလ် အလွန် ဆာလောင်နေသည်။ အသက် ၂ နှစ် နှင့် ၄ လ အရွယ်ရှိပြီဖြစ်သော ဟိုင်ရိုးလ်၏ ကိုယ်အလေးချိန်က ၁၉ ပေါင်သာ ရှိသည်။ ကမ္ဘာ့ကျန်းမာရေးအဖွဲ့ (WHO) ၏ ကိုယ်ခန္ဓာ အလေးချိန်နှင့် အသက်အရွယ် အချိုးကိုပြသသည့် ဇယားတွင် ဟိုင်ရိုးလ် မပါ ၀င်ပါ။ သူက အနိမ့်ဆုံး အဖြစ်သတ်မှတ်ထားသည်ထက်ပင် များစွာ နိမ့်ကျနေပါသည်။

စခန်းတွင်ရှိသော မိသားစုအချို့မှာ မိုင်အနည်းငယ်မျှသာ ဝေးသည့် စစ်တွေမြို့ရှိ ဘဏ်များတွင် ငွေစုစာရင်းများ ရှိကြ သည်။ သို့သော်လည်း ၂၀၁၂ ခုနှစ်မှစ၍ သူတို့၏ ငွေစာရင်းများကို ပိတ်ထားခဲ့သည့် အတွက် မိသားစုများ စားဝတ်နေရေး သုံးစွဲရန် ငွေထုတ်ယူနိုင်ခြင်း မရှိကြပါ။

ကမ္ဘာ၏ တုန့်ပြန်မှုကလည်း ထိရောက်စွာ မကူညီနိုင်ခဲ့ပါ။ အကူအညီပေးရေး အဖွဲ့အစည်းများနှင့် စာနယ်ဇင်းသမားများက ရိုဟင်ဂျာများနှင့် တွေ့ဆုံနိုင်ရေးကိုလည်း မြန်မာနိုင်ငံက ခက်ခဲအောင်ပြုလုပ်ထားခြင်းကြောင့်လည်း တစိတ်တပိုင်း ဖြစ်နိုင်ပါသည်။ ထို့ကြောင့် ၎င်းတို့ကို မြင်တွေ့ခွင့် နည်းပါးခဲ့ရသည်။

ကုလသမဂ္ဂ အနေဖြင့်လည်း မြန်မာနိုင်ငံတွင် အလုပ်မဖြစ်ပါ။ ကျနော်ရရှိခဲ့သည့် ကုလသမဂ္ဂ၏ ဌာနတွင်း စာတစောင်တွင် မြန်မာနိုင်ငံရှိ ကုလသမဂ္ဂ ၀န်ထမ်းများသည် တယောက်နှင့် တယောက် အချင်းများနေကြပြီး လူသားမျိုးနွယ်ကို ဆန့်ကျင်သည့် ရာဇ၀တ်မှုများနှင့် ပတ်သက်၍ ကုလသမဂ္ဂ၏ အနေအထားကို မေးခွန်းထုတ်စရာ ဖြစ်လာစေသည်ဟု သတိ ပေးထားသည်ကို တွေ့ရပါသည်။

ဆက်လက်ဖြစ်ပေါ်နေသည့် ရိုဟင်ဂျာများအပေါ် ခွဲခြားနှိပ်စက်မှုများကို မီးမောင်းထိုးပြခဲ့သော Human Rights Watch၊ Fortify Rights နှင့် United to End Genocide တို့ကဲ့သို့သော လူ့အခွင့်အရေး အဖွဲ့အစည်းများကို ဂုဏ်ပြုရမည် ဖြစ်သည်။ အစိုးရ ခွင့်ပြုထားသည့် နေရာများတွင် နစ်နာမှုများ သက်သာရာရအောင် ဆောင်ရွက်ပေးနေသော လူသားချင်း စာနာထောက်ထားမှုဆိုင်ရာ အဖွဲ့အစည်းများကိုလည်း ချီးကျူးရမည် ဖြစ်သည်။ ကျနော်ရောက်ခဲ့သည့် ကျွန်းကြီး တကျွန်းတွင် နယ်စည်းမထား ဆရာဝန်များအဖွဲ့ (MFS) နှင့် Save the Children အဖွဲ့တို့က ကျန်းမာရေးစောင့်ရှောက်မှုနှင့် ပညာရေးဆိုင်ရာ အကူအညီများ ပေးနေကြပါသည်။

အကူအညီပေးရေး အဖွဲ့အစည်းများကို နေရာအများစုတွင် ပိတ်ပင်ထားခြင်းနှင့် ရိုဟင်ဂျာများကို စနစ်တကျ ဖျက်ဆီးနေ ခြင်းများကြောင့် ၂၁ ရာစုနှစ်၏ လူ့အခွင့်အရေး ကပ်ဘေးတွင် လျစ်လျူရှု အခံရဆုံးစာရင်း၌ တခု အပါအ၀င် ဖြစ်စေခဲ့သည်။

မြန်မာ အစိုးရက လူပုဂ္ဂိုလ်အရ ဖိနှိပ်ကန့်သတ်သည်သာမက ရိုဟင်ဂျာများကိုလည်း မျိုးနွယ်စုတခု အဖြစ်မှ ဖယ်ရှားပစ်ရန် ကြိုးစားနေပါသည်။ ရိုဟင်ဂျာ လူမျိုးဆိုသည်မှာ မရှိဟု ငြင်းပယ်ထားသည်။ အာဏာပိုင်များက ရိုဟင်ဂျာဆိုသည့် စကားလုံးကို သုံးစွဲခြင်းမပြုပါ။ ၎င်းတို့သည် ဘင်္ဂလားဒေ့ရှ် နိုင်ငံမှ တရားမ၀င်ရောက်လာသူများ ဖြစ်သည်ဟု ဆိုသည်။ ရိုဟင်ဂျာများသည် တိုင်းရင်းသား လူမျိုးစု ဖြစ်သည်ဟု ဖော်ပြထားသည့် ၂၀၁၆ ခုနှစ် ပြက္ခဒိန် ရိုက်နှိပ်ခဲ့သည့်အတွက် လူ ၅ ဦး ကို နိုဝင်ဘာလအတွင်း အစိုးရက ဖမ်းဆီးခဲ့သည်။

ဒေါ်အောင်ဆန်းစုကြည်ပင်လျှင် ရိုဟင်ဂျာဟုပြောရန် ရှောင်ရှားခဲ့သည်။ မြန်မာနိုင်ငံရှိ အမေရိကန် သံရုံးကလည်း အလျှော့ပေးသည့်အနေဖြင့် ၎င်းတို့၏ တရားဝင်ကြေညာချက်များတွင် အဆိုပါ စကားလုံးကို သုံးစွဲရန် ရှောင်လွှဲနေခဲ့သည့် အသွင်ရှိသည်။

“အိုဘားမားရဲ့ အစိုးရက အများကြီးပိုပြီး လုပ်ပေးနိုင်ခဲ့မယ်ဆိုတာ သေချာပါတယ်” ဟု မြန်မာနိုင်ငံ၏ လူ့အခွင့်အရေးကို အလေးပေးဆောင်ရွက်နေသည့် အဖွဲ့တခု ဖြစ်သည့် Fortify Rights မှ Matthew Smith က ပြောသည်။ နိုင်ငံတကာ စုံစမ်းစစ်ဆေးမှုတခုကို ကျောထောက်နောက်ခံပေးရေး၊ မြန်မာအစိုးရ၏ မူဝါဒကို တွန်းအားပေးရေး၊ နိုင်ငံသား ဖြစ်ခွင့် ပြန်လည်ရရှိရေး၊ ရိုဟင်ဂျာများ လွတ်လပ်စွာ သွားလာလှုပ်ရှားနိုင်ရေးနှင့် အကူအညီပေးရေး အဖွဲ့ အစည်းများကို ခွင့်ပြုရေးတို့ အပါအ၀င်ဖြစ်သည်။ အခြား အမေရိကန် နိုင်ငံရေးသမား အများစုမှာလည်း နှုတ်ဆိတ်နေခဲ့ကြသည်။ အမေရိကန် သမ္မတရွေးကောက်ပွဲအတွက် မဲဆွယ်လှုပ်ရှားမှုများတွင်လည်း အဆိုပါ ကိစ္စမှာ တခါတရံမျှသာ ရှားရှားပါးပါး ပေါ်ထွက်လာတတ်သည်။

ပြီးခဲ့သည့် နှစ်များအတွင်း မြန်မာနိုင်ငံတွင် ပြောင်းလဲမှုများစွာ ဖြစ်ခဲ့သည်။ အထူးသဖြင့် ဒီမိုကရေစီ ပေါ်ထွန်းလာခြင်း ဖြစ်သည်။ သို့သော် ဒီမိုကရေစီထွန်းကားလာခြင်းက လူမျိုးရေးခွဲခြားမှုနှင့် နိုင်ငံခြားသား ဆန့်ကျင်ရေး လှုံ့ဆော်သည့် လူပြိန်းကြိုက် နိုင်ငံရေးကိုလည်း အင်အားကောင်းလာခဲ့ပြီး ရိုဟင်ဂျာ ပြဿနာကို ဖြေရှင်းရ ပိုခက်ခဲစေခဲ့သည်။ ပြီးခဲ့သည့် ရွေးကောက်ပွဲတွင် ဒေါ်အောင်ဆန်းစုကြည်၏ NLD ပါတီက မွတ်ဆလင် ကိုယ်စားလှယ်လောင်း တဦးမျှ ရွေးချယ်ခြင်း မပြု ခဲ့ပါ။

ဒေါ်အောင်ဆန်းစုကြည်က ရိုဟင်ဂျာများနှင့် ပတ်သက်၍ သဘောထားပျော့ပျောင်းလွန်းသည်ဟု မြန်မာနိုင်ငံသား အများစုက ယူဆကြသည်။ သူက ရိုဟင်ဂျာများကို ဆန့်ကျင်ရှုတ်ချခြင်းမပြုဘဲ နှုတ်ဆိတ်နေခဲ့သောကြောင့် ဖြစ်သည်။ သို့သော်လည်း သူ့ကို နှစ်ပေါင်းများစွာ လေးစားခဲ့သော ကျနော်တို့အတွက်မူ နိုင်ငံရေးအရ အဆင်ပြေစေရန် အခြေခံ သဘောတရားများကို စွန့်လွှတ်စတေးခဲ့ခြင်းအပေါ် စောင့်ကြည့်နေရသည်က စိတ်မသက်သာစရာ ဖြစ်ပါသည်။

မြန်မာနိုင်ငံနှင့် ဒေါ်အောင်ဆန်းစုကြည်ဘက်မှ ခုခံကာကွယ်သူများက မြန်မာနိုင်ငံတွင် ပြဿနာပေါင်းများစွာရှိနေသည်ဟု ထောက်ပြကြသည်။ သူတို့အတွက် ရိုဟင်ဂျာ အရေးသည် နိုင်ငံအတွင်းရှိ ကံဆိုးမှုများစွာအတွင်းမှ ကံဆိုးမှုတခုသာ ဖြစ်သည်။ ဦးစားပေးရမည်မှာ စီးပွားရေးတိုးတက်ရေး၊ ဒီမိုကရေစီနှင့် ပြည်တွင်း ပဋိပက္ခများ ပြီးဆုံးရေး ဖြစ်သည်ဟု သူတို့က ယူဆကြသည်။ စိန်ခေါ်မှုပေါင်းများစွာ ရှိနေသော တိုင်းပြည်တခုတွင် လူမျိုးစုတခု၏ ပြဿနာများကိုသာ အာရုံစိုက် အလေးပေးခြင်းက အရှည်ကို မမျှော်တွေးခြင်း ဖြစ်သည်ဟု သူတို့က ဆိုသည်။

ကျနော့် အတွက်မူ အစိုးရတခုက လူမျိုးနွယ်စုတခုကို တမင်သက်သက် ဦးတည်၍ နှောက်ယှက်ဖျက်ဆီးနေခြင်း၊ အကျဉ်းထောင်နှင့် တူသည့် ဒုက္ခသည် စခန်းများတွင် ပိတ်လှောင်ထားခြင်း၊ သူတို့၏ အသက်မွေးမှု၊ ပညာရေးနှင့် ကျန်းမာရေး စောင့်ရှောက်မှုတို့ကို ငြင်းပယ်နေခြင်းများက တကယ်ပင် ထိတ်လန့် တုန်လှုပ်ဖွယ်ရာ ဖြစ်ပါသည်။ သူတို့၏ လူမျိုးစုကို အစွဲပြု၍ ဒုက္ခသည် စခန်းများတွင် ထိန်းသိမ်းခံရရင်း ကလေးငယ်များ သေဆုံးနေခြင်းသည် ကမ္ဘာပေါ်တွင် ကြုံ တွေ့နေရသည့် ဆင်းရဲနွမ်းပါးမှု ပြဿနာတခု သက်သက်မဟုတ်ပါ။ လူသားမျိုးနွယ်ကို ထိခိုက်စေသည့် ရာဇ၀တ်မှုဖြစ် ပါသည်။ ၎င်းကို ဖြေရှင်းနိုင်ရေးက လူသားမျိုးနွယ် အားလုံး၏တာဝန် ဖြစ်ပါသည်။

(The New York Times သတင်းစာ ဆောင်းပါးရှင် Nicholas Kristof ၏ Myanmar’s Peace Prize Winner and Crimes Against Humanity ကို ဆီလျော်အောင် နိုင်မင်းသွင် ဘာသာပြန်ဆိုသည်။ နီကိုလတ်စ် ခရစ်စတော့ဖ်သည် လူ့အခွင့်အရေး၊ အမျိုးသမီး အခွင့်အရေး၊ ကျန်းမာရေးနှင့် ကမ္ဘာ့ရေးရာများတွင် သူ၏ ဝေဖန်သုံးသပ် ရေးသားချက်များကြောင့် လူအများက လေးစားပြီး ပူလစ်ဇာဆု ၂ ဆု ရရှိထားသူ ဖြစ်သည်။)

မောင်တော ။ ။ ရခိုင်ပြည်နယ်၊ ဘူးသီးတောင် မြို့နယ် အလယ်ချောင်း ကျေးရွာတွင် လက်ရှိ ကျေးရွာ အုပ်ချုပ်ရေးမှူး ဦးနူရ်မာလ်ဟာကိမ်းကို ရွာသားများက မနှစ်သက်သောကြောင့် ဦးယာဟာယာ ဆိုသူကို အုပ်ချုပ်ရေးမှူး တင်မြှောက်ရန် ရွာသားများ အကြား ပြောဆိုမှုများ ရှိနေသည်။ သို့ဖြစ်၍ လက်ရှိ အုပ်ချုပ်ရေးမှူး ဦးနူရ်မာလ်ဟာကိမ်းက မနာလိုဖြစ်ကာ ၎င်း၏ တပည့် ဖြစ်သူ ဦးအာနိုဝါရ်နှင့် ပူးပေါင်း၍ ဇန်န၀ါရီလ (၄) ရက်နေ့ ညတွင် ဦးယာဟာယာ၏ အိမ်တွင် WY မူးယစ်ဆေးဝါး (၁၀) လုံး ထည့်သွင်းပေးပြီး၊ ဇန်န၀ါရီလ (၅) ရက်နေ့ နံနက်တွင် ဦးယာဟာယာက WY ရောင်းသည်ဟု ဘူးသီးတောင် မြို့ရှိ ဌာနပေါင်းစုံမှ ကြားသိ၍ ဖမ်းဆီးရန် လာရောက်နေကြောင်း သတင်းလွှင့်သောကြောင့် ဦးယာဟာယာ၏ မိသားစု တစ်စုလုံး အိုးအိမ် စွန့်ခွာ၍ တိမ်းရှောင်နေရကြောင်း ဒေသခံများက RB News သို့ပြောပါသည်။ 

ဇန်န၀ါရီလ (၇) ရက်နေ့တွင် မောင်တော မြို့နယ် မြောက်ပိုင်း၊ လောင်းဒုံ ကျေးရွာအုပ်စု၌ အုပ်ချုပ်ရေးမှူး ရွေးချယ်ရာတွင် လက်ရှိ အုပ်ချုပ်ရေးမှူး ဦးမောင်ရဲကျော် (မြိုလူမျိုး)၊ ဦးသိန်းကျော် (မာရ်မာကြီး လူမျိုး)၊ ဦးမောင်မောင် (ခ) မောင်သိန်းညွန့် တို့ သုံးဦး ယှဉ်ပြိုင်ခဲ့ရာ လက်ရှိ အုပ်ချုပ်ရေးမှူး ဦးမောင်ရဲကျော် အနိုင်ရရှိခဲ့သည်။ မိမိအား မဲဆန္ဒရှင်များက မနှစ်သက်၍ ရှုံးနိမ့်ခဲ့သည်ကို မကျေနပ်၍ မောင်သိန်းညွန့်က မဲဆန္ဒရှင်များနှင့် ပြိုင်ဘက်များကို ရန်ပြုခဲ့သည်။ နောက်ဆုံးတွင် နယ်ခြားစောင့်ရဲ များက သေနတ်ဖြင့် ထောက်၍ တားဆီးခဲ့ရသည်။ ညနေပိုင်းတွင် ခရိုင်နှင့် ပြည်နယ် အုပ်ချုပ်ရေးမှူး ရုံးများသို့ တိုင်တန်းမည်ဟု ဆိုကာ ငွေအိတ်တစ်အိတ် ယူ၍ မောင်တော မြို့သို့ ထွက်ခွာသွားခဲ့သည်။ လောင်းဒုံ ကျေးရွာတွင် ရပ်မိရပ်ဖနှင့် ရာအိမ်မှူးများ ရွေးချယ်ရာတွင် တောင်ပိုင်းမှ ကျေးရွာများတွင် လူများစုများ ဖြစ်သော ရိုဟင်ဂျာ လူမျိုးများကို ထည့်သွင်း စဉ်းစားခဲ့ခြင်း မရှိခဲ့ခြင်းကြောင်း ဒေသခံမျာက ပြောပါသည်။ မောင်သိန်းညွန့် ဆိုသူသည် ရ.၀.တ ဥက္ကဌ တစ်ကြိမ်၊ ရ.ယ.က ဥက္ကဌ တစ်ကြိမ်၊ ၂၀၁၁ မှ ၂၀၁၃ ထိ ကျေးရွာ အုပ်ချုပ်ရေးမှူး တစ်ကြိမ် စုစုပေါင်း သုံးကြိမ်တိုင် ကျေးရွာ လူကြီး တာဝန်ထမ်းဆောင် ခဲ့သည်။ ၎င်းအာဏာရှိစဉ်က လူနည်းစုများ ဖြစ်သည့် မြို၊ မာရ်မာကြီး၊ ဟိန္ဒူနှင့် ရိုဟင်ဂျာ လူမျိုးများကို အမျိုးမျိုး နှိပ်စက် ငွေညှစ်ပြီး ငွေကြေး ချမ်းသာ လာခဲ့သည်။ ထိုကဲ့သို့ မတရားသဖြင့် ရှာဖွေခဲ့သည့် ငွေများဖြင့် စစ်တွေမြို့တွင် တိုက်အိမ် နှစ်လုံး၊ ကားသုံးစီး ၀ယ်ယူ၍ အငှားချ ထားသည်ဟု ဒေသခံများက ပြောပါသည်။ မောင်တော မြို့နယ်တွင်လည်း ပုဇွန်ကန်နှင့် လယ်ယာမြေ အများအပြား ၀ယ်ယူ စုဆောင်း ထားသည်ဟု ဆိုသည်။ ၎င်းသည် အလွန် ရက်စက် ကြမ်းကြုတ်သူ တစ်ဦး ဖြစ်ပြီး၊ ရိုဟင်ဂျာများ အပြင် အခြားသော လူနည်းစုများ ဖြစ်သော မြို၊ မာရ်မာကြီးနှင့် ဟိန္ဒူ လူမျိုးများကပါ အလွန် ကြောက်ရွံကြသည်။ ထို့ကြောင့် ၎င်းအား မဲပေးခြင်း မရှိခဲ့ကြောင်း သိရှိရသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖရုံချောင်း ကျေးရွာအုပ်စု၊ ဒိုးတန်း (၁) ရွာမှ တက္ကစီမောင်းသည့် အာရောဖ်အုလ္လာ (ဘ) ဦးဟူဆောင်းအာမတ် (အသက် ၂၂ နှစ်) သည် ဇန်န၀ါရီလ (၃) ရက်နေ့တွင် ဖရုံချောင်း ကျေးရွာအုပ်စု၊ ပြိုင်းတောင်ရွာမှ ဆိုင်ကယ် စီးသွားစဉ် လမ်းတွင် ဖြတ်သန်း သွားနေသည့် အသက် (၇) နှစ် အရွယ် ကလေးငယ် တစ်ဦးကို ၀င်တိုက်မိခဲ့ပြီး၊ ကလေးငယ်မှာ ဒဏ်ရာ အနည်းငယ် ရရှိခဲ့သည်။ 

သို့ဖြစ်၍ အာရောဖ်အုလ္လာက ကလေးကို ခေါ်ပြီး ဖခင်ထံသွားကာ ဆေးကုသ ပေးပြီး ကြေအေးမှု ရယူခဲ့သည်။ ဇန်န၀ါရီလ (၄) ရက်နေ့တွင် ကျေးရွာ တာဝန်ခံ ဦးဆော်လီမူလ္လာက ဆိုင်ကယ် တိုက်မှု ဖြစ်သည်ကို ကြားသိခဲ့ပြီး ဦးကော်ဘိရ်ဟူစိန်း (ဘ) ဦးအာဘူလ်ဟူစိန်း ကိုစေလွှတ်ကာ အာရော်ဖ်အုလ္လာ ထံမှ ဆိုင်ကယ်ကို လုယူ သိမ်းဆည်းခဲ့ပြီး ဆိုင်ကယ်ကို ဦးကော်ဘိရ်အာမတ်အား အငှားချ ပေးခဲ့သည်။ 

ဇန်န၀ါရီလ (၆) ရက်နေ့တွင် ကျေးရွာ တာဝန်ခံက အာရောဖ်အုလ္လာ ထံမှ ငွေကျပ် တစ်သိန်းငါးသောင်း ညှစ်ယူပြီး ဆိုင်ကယ်ကို ပြန်ပေးခဲ့ကြောင်း ဒေသခံ တစ်ဦးက RB News သို့ပြောသည်။ ဆိုင်ကယ် ပြန်ရသည့် အချိန်တွင် ပျက်စီး နေပြီး ပြုပြင်ရန် အနည်းဆုံး ငွေကျပ် သုံးသောင်း ကုန်ကျမည် ဖြစ်ကြောင်း သိရသည်။

ကလေး၏ မိဘများက တိုင်တန်းခြင်း မရှိသော်လည်း ကျေးရွာ တာဝန်ခံက ရရှိထားသည့် အာဏာကို အလွဲသုံးစား ပြုလုပ်ပြီး ငွေညှစ်ခဲ့ခြင်း ဖြစ်သည်။

မောင်တော ။ ။ ရခိုင်ပြည်နယ်၊ မောင်တော မြို့နယ်၊ ပေါင်းဇား ကျေးရွာ မူလတန်း လွန်ကျောင်းတွင် ကျောင်းသား ၄၀၀ ကျော်ရှိပြီး ဆရာ/မ (၆) ဦး ရှိသည်။ ကျောင်းအုပ် ဆရာကြီးမှာ ဦးသန့်အောင်လွင် ဖြစ်သည်။ ကျောင်းအုပ်ကြီးနှင့် ဆရာ တစ်ဦးသည် တစ်ပတ်လျှင် တစ်ကြိမ် (သို့မဟုတ်) နှစ်ကြိမ်သာ ကျောင်းသို့ လာရောက်ပြီး၊ ကျန်သည့် ဆရာမ လေးဦးသည် ကျောင်းသို့ လုံးဝ လာရောက်ခြင်း မရှိကြောင်း သိရှိရသည်။ 

ယခု ပညာသင်နှစ်တွင် မူလတန်း ပညာကို မသင်မနေရ အခမဲ့ စနစ်ဖြင့် သင်ကြားပေးရန် နိုင်ငံတော်မှ ညွန်ကြား ပေးထားသော်လည်း ကျောင်းအုပ်ကြီး ဦးသန့်အောင်လွင်က ကျောင်းဖွင့်ချိန်၌ ကျောင်းသားများ လက်ခံရာတွင် ကျောင်းသား တစ်ဦးထံမှ ၀င်ကြေး ကျပ်နှစ်ထောင်စီ ကောက်ခံခဲ့ကြောင်း ကျောင်းသား မိဘများက RB News သို့ပြောပါသည်။ ကျောင်းတွင် ဆရာ/မ လုံလောက်မှု မရှိသောကြောင့် ရွာခန့် ဆရာများ ခန့်အပ်နိုင်ရန်ဟု ဆိုကာ ငွေကောက်ခံသဖြင့် ကျောင်းသား မိဘများက သားသမီး ပညာရေးကို ဦးစားပေးပြီး ငွေပေးခဲ့ရသည်။ 

ကျောင်းအုပ်ကြီးက ကျောင်းသားများ ထံမှ ၀င်ကြေး ကောက်ခံရရှိသောငွေ များဖြင့် ရွာခန့် ဆရာနှစ်ဦး ခန့်အပ်ခဲ့သည်။ အဆိုပါ ဆရာနှစ်ဦးကသာ ၄၀၀ ကျော်ရှိသော ကျောင်းသားများကို တတ်နိုင်သရွေ့ ကြိုးစား၍ သင်ပေးခဲ့ရသည်။ ကျောင်းသားများထံမှ ရရှိသည့် ၀င်ကြေးငွေမှာ ၂၀၁၅ ခုနှစ် အောက်တိုဘာလတွင် ကုန်ဆုံးသွား၍ ရွာခန့် ဆရာနှစ်ဦးကို နိုဝင်ဘာလနှင့် ဒီဇင်ဘာလ နှစ်လ အတွက် လစာ မပေးနိုင်တော့သဖြင့် ဆရာနှစ်ဦးလည်း ယခုလမှ စ၍ ကျောင်းသို့ လာရောက်ခြင်း မရှိတော့ကြောင်း ကျောင်းသား မိဘများက ပြောပါသည်။ 

အစိုးရခန့် ဆရာ/မ များလည်း ကျောင်းသို့ လာရောက်ခြင်း မရှိသဖြင့် ယခုလဆန်းပိုင်းမှစ၍ ကျောင်းကို လုံးဝ ပိတ်ထားရသည်ဟု ဆိုသည်။ ပညာသင်နှစ် မကုန်ဆုံးမှီတွင် ကျောင်းပိတ်ထားရသဖြင့် ကျောင်းသားမိဘများက ၎င်းတို့၏ သားသမီးများ ပညာရေး အတွက် အထူးစိုးရိမ်လျက် ရှိနေကြသည်။ အစိုးရခန့် ဆရာ/မ များမှာ ကျောင်းသို့ လာရောက်၍ စာသင်ကြား ပေးခြင်း မရှိသော်လည်း နိုင်ငံတော်မှ လစဉ် ပုံမှန် လစာရယူလျက် ရှိသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျီးကန်းပြင် ကျေးရွာမှ အစ္စမိုင်လ် (ဘ) ဦးမာမတ်ဆလာမ် (အသက် ၂၇ နှစ်) သည် ကျဘန်း အလုပ်လုပ်ကိုင်ပြီး၊ အလွန် ဆင်းရဲသောသူ တစ်ဦး ဖြစ်သည် ၎င်းသည် ဇန်န၀ါရီလ (၄) ရက်နေ့ ညနေ (၄) နာရီ အချိန်တွင် သီဟိုဠ်သရက် ကျေးရွာမှ လမ်းလျှောက်၍ ပြန်လာနေစဉ် လမ်းတစ်ဝက်တွင် အပင်တစ်ပင် အောက်၌ ခေတ္တ ရပ်နားခဲ့သည်။ ထိုစဉ် နွားရုံတောင် ကျေးရွာအုပ်စု၊ တောင်ရွာ (န.တ.လ) ရွာရှိ နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ နှစ်ဦးသည် နယ်ခြားစောင့် ရဲတပ်ဖွဲ့ ကွပ်ကဲရေး ဌာနချုပ်မှ ပြန်လာနေစဉ် အစ္စမိုင်လ်ကို တွေ့ရှိခဲ့သည်။ 

ထို့နောက် အစ္စမိုင်လ်၏ ခန္ဓာကိုယ် အနှံ့ ရှာဖွေခဲ့ပြီး၊ တရားမ၀င် ပစ္စည်း တစ်စုံတစ်ရာ မတွေ့ရှိသော်လည်း အစ္စမိုင်လ်၏ အင်္ကျီအိတ်ထဲတွင် ပါသည့် ငွေကျပ် တစ်သိန်းကို လုယက် သွားခဲ့ကြောင်း ဒေသခံ တစ်ဦးက RB News သို့ပြောပါသည်။ 

“သူခိုး၊ ဓါးပြတွေကို နယ်ခြားစောင့်ရဲ တွေက နှိမ်နင်းရမယ့်အစား သူတို့ ကိုယ်တိုင်က လုယက်မှုတွေ လုပ်နေတာ အတော်လေး အံ့သြစရာ ကောင်းနေတယ်။ သမ္မတ ဦးသိန်းစိန်ရဲ့ သန့်ရှင်းတဲ့ အစိုးရ ဆိုတာ ဒီလိုလားဆိုပြီး မေးခွန်း ထုတ်စရာ ဖြစ်နေတယ်” ဟု အဆိုပါ ဒေသခံက ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ်၊ မောင်တော - အလယ်သံကျော် အဝေးပြေး လမ်းမပေါ် တည်ရှိသော ပန်းတောပြင် တံတားသည် အလွန် ပျက်စီး နေသော်လည်း တာဝန်ရှိ အာဏာပိုင်များမှ အဆိုပါ တံတားကို ပြုပြင် ပေးခြင်း မရှိ၍ အများပြည်သူ သွားလာရေး အလွန်အခက်အခဲ ဖြစ်နေကြောင်း သတင်း ရရှိပါသည်။ 

အဆိုပါ တံတားကို အင်္ဂလိပ် လက်ထက်က တည်ဆောက်ခဲ့ခြင်း ဖြစ်၍ ယခုအခါ လွန်စွာ ပျက်စီး ယိုယွင်းနေသည်။ အခင်းအဖြစ် ခင်းထားသော သစ်သားပျဉ်များ လုံးဝ ပျက်စီးနေသလို အမိုးသံတိုင်များလည်း ပျက်စီး ယိုယွင်းနေသည်။ ၀န်တင်ကားများ ဖြတ်သန်းသွားလျှင် ကြိုးတံတား သဖွယ် ယိုင်လှုပ်နေတတ်သည်။ အဆိုပါ တံတားကို လွန်ခဲ့သည့် နှစ်နှစ်ကျော်က မောင်တော ဆောက်လုပ်ရေးဌာနမှ ယာယီ ပြုပြင် ပေးခဲ့ပြီး နောက်ပိုင်း မည်သည့်အခါမှ တံတား၏ ခိုင်မာမှု အခြေအနေကို လာရောက် စစ်ဆေး ကြည့်ရှုခြင်း မရှိခဲ့ကြောင်း ဒေသခံများက RB News သို့ပြောပါသည်။ 

နှစ်ပေါင်းများစွာ ကြာနေသော ထိုတံတားသည် မောင်တော-အလယ်သံကျော် အဝေးပြေး လမ်းမပေါ် တည်ရှိ၍ မောင်တောမြို့သို့ အသွား ကညင်တန်းကျေးရွာသို့ အဝင် တံတား ဖြစ်ပါသည်။ အဆိုပါတံတားကို ဖြတ်၍ ပြည်သူများ နေ့စဉ် မောင်တောမြို့ထဲသို့ သွားရပြီး ကျောင်းသား/သူ များလည်း ထိုတံတားကို ဖြတ်၍ ကညင်တန်း ကျေးရွာ၌ တည်ရှိသော အထက်တန်းကျောင်းသို့ သွားတက်ရသည်။ အလွန် စိုးရိမ်စရာ တစ်ခုမှာ [ပုံမှာမြင်တွေ့နေရသည့်အတိုင်း] အဆိုပါ တံတား၏ တောင်ဖက်အစွန်း အမိုး၌ ရှိသော သံတိုင် တစ်ခုသည် တစ်ဖက် လွတ်နေပြီး အချိန်မရွေး ပြုတ်ကျနိုင်သည့် အခြေအနေတွင် ရှိနေပါသည်။ ထိုကဲ့သို့ ဖြစ်နေသည်မှာ လေး၊ငါးလ ခန့်နီးပါး ရှိနေသော်လည်း မည်သည့် တာဝန်ရှိ ပုဂ္ဂိုလ် တစ်ဦးတစ်ယောက်ကမှ လာရောက် စစ်ဆေးပြီး ပြုပြင်ပေးခြင်း မရှိသဖြင့် ပြည်သူများ ထိုတံတားကို ဖြတ်သန်း သွားလာရန်ပင် အလွန် ကြောက်ရွံ့နေကြောင်း ဒေသခံများက ပြောပါသည်။ 

မောင်တော - အလယ်သံကျော် သွားသည့် လမ်းလည်း အလွန်တရာမှ ပျက်စီးနေသော်လည်း အဆိုပါ လမ်းကိုလည်း တာဝန်ရှိ အာဏာပိုင်များက ပြုပြင်ပေးခြင်း မရှိဟု ဆိုသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ကင်းတောင် ကျေးရွာအုပ်စုရှိ အစိုးရ မူလတန်း လွန်ကျောင်းသည် ၂၀၁၂ ခုနှစ်မှစ၍ ကျောင်းကို လုံးဝ ပိတ်ထားသကဲ့သို့ ဖြစ်နေသည်။ ကင်းတောင် မူလတန်း လွန်ကျောင်းတွင် ကျောင်းသား/သူ စုစုပေါင်း ၅၀၀ ကျော်ရှိပြီး၊ ဆရာ/မ (၁၄) ဦး ရှိသည်။ ကျောင်းအုပ် ဆရာကြီးမှ ဦးသိန်းထွန်းဝင်း ဖြစ်ပြီး၊ ဆရာ/မ အားလုံးသည် ဗုဒ္ဓဘာသာဝင်များ ဖြစ်ကြသည်။ 

ကျောင်းအုပ်ကြီး ဦးသိန်းထွန်းဝင်းနှင့် ဆရာ/မ များသည် ကျောင်းသို့ လာရောက်ခြင်း မရှိဘဲ ကျောင်းကို ပိတ်ထားသည်။ ဆရာကြီး ဦးသိန်းထွန်းဝင်းသည် ခမရ ၅၅၁ တပ်ရင်းမှ အရာခံဗိုလ် ဦးစိုင်းမောင်၏ သားဖြစ်သောကြောင့် ရွာသားများက ၎င်းအတွက် သက်ဆိုင်ရာသို့ တိုင်တန်းရန် ကြောက်ရွံနေကြသည်။ တစ်နှစ်ပတ်လုံးတွင် ကျောင်းဖွင့်ချိန် ဆိုသည်မှာ နှစ်ကြိမ် (သို့မဟုတ်) သုံးကြိမ်သာ ရှိခဲ့သည်ဟု ဒေသခံများက RB News သို့ပြောပါသည်။ ကျောင်းကို လုံးဝ ပိတ်ထားပြီး၊ အစိုးရမှ ပေးသည့် လစာကို ပုံမှန် ယူ၍ ကျောင်းသားများ၏ ဘ၀ကို တမင် ပျက်စီးအောင် ပြုလုပ်နေသလို ဖြစ်နေသည်ဟု ဒေသခံများက ဆိုသည်။ 

အချို့သော ကျောင်းများတွင် အစိုးရခန့် ဆရာများက စာသင်ကြားပေးခြင်း မရှိသော်လည်း ရွာခန့် ဆရာများ ခန့်ထားပြီး စာသင်ကြားစေကာ ကျောင်းကို ပုံမှန် ဖွင့်ထားသည်။ 

ကင်းတောင် မူလတန်း လွန်ကျောင်းသည် ဆရာကြီး ဦးသိန်းထွန်းဝင်း၏ ကိုယ်ပိုင်ကျောင်း သကဲ့သို့ ပြုမှု လုပ်ဆောင် နေသည်ဟု ဒေသခံများက ပြောပါသည်။ ကျောင်းသား မိဘများက ၎င်းတို့၏ သားသမီးများ ပညာရေး အတွက် အလွန် စိုးရိမ် နေကြသည်။ ကျောင်းသား/သူ ၅၀၀ ကျော် ကလေးသူငယ် များ၏ ဘ၀ကို စာနာ၍ သက်ဆိုင်ရာမှ လိုအပ်သုလိ စစ်ဆေးပြီး ကျောင်းပြန်ဖွင့်၍ ကျောင်းသားများ စာသင်ယူနိုင်အောင် ဆောင်ရွက် ပေးရန် ကျောင်းသား မိဘများက တောင်းဆိုနေကြသည်။ 

အလားတူ ဘူးသီးတောင် မြို့နယ် တောင်ပိုင်းရှိ ညောင်ချောင်း အ.ထ.က (ခွဲ) တွင်လည်း ဆရာ/မများ ပုံမှန် ကျောင်းတက်ရောက်ခြင်း မရှိဟု ဒေသခံများက ပြောပါသည်။ အ.ထ.က ကျောင်း ဖြစ်သော်လည်း ဆရာ/မ သုံးလေးဦးသာ လာရောက်ပြီး နာရီပိုင်းခန့် နေကာ ပြန်လည် ထွက်ခွာသွားပြီး၊ ကျောင်းအုပ်ကြီး ကိုယ်တိုင်လည်း ကျောင်းတက်ရောက်ခြင်း မရှိကြောင်း သိရသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာအုပ်စု၊ အကွက် (၁) မှ ဦးဆော်ယာဒ်အာလောမ် (ဘ) ဦးရာမတ်အုလ္လာ၊ ဦးအဒူရော်ဇောက် (ဘ) ဦဖေးဒူရူးနှင့် အကွက် (၇) မှ ဦးဆော်လိမ် (ဘ) ဦးဆော်ယာဒ်အာလောမ် တို့သည် အလွန် ဆင်းရဲသောသူများ ဖြစ်ကြသည်။ 

၎င်းတို့သုံးဦး ပူးပေါင်း၍ ညောင်ချောင်း တာဝန်ကျ သစ်တောဝန်ထမ်းနှင့် နားလည်မှု ရယူကာ တောတောင်မှ အညံ့စား သစ်ဖြူများ ခုတ်ဖြတ်၍ ညောင်ချောင်းဈေးတွင် ရောင်းချ၍ အသက်မွေးဝမ်းကျောင်း ပြုနေသူများ ဖြစ်သည်။ ဇန်န၀ါရီလ (၁) ရက်နေ့ နံနက် (၁၁) နာရီခန့် အချိန်တွင် တောင်မှ ခုတ်ယူထားသော သစ်တုံးနှစ်တုံးကို ဦးဆော်လိမ်၏ အိမ်ခြံဝင်းထဲတွင် ခွဲဖြတ်နေစဉ် ကျေးရွာ အုပ်ချုပ်ရေးမှူး ဦးမောင်ချမ်းသာ၏ တပည့်ဖြစ်သူ ဦးမူဟိဗ်ဘူလ္လာ (ဘ) ဦးကာဆိမ်းက မြင်တွေ့သွား၍ အုပ်ချုပ်ရေးမှူးထံ ဖုန်းဆက် အကြောင်းကြားခဲ့သည်။ 

ဦးမောင်ချမ်းသာက ညောင်ချောင်းရှိ နယ်ခြားစောင့် ရဲတပ်ဖွဲ့ စခန်းသို့ ဖုန်းဆက်၍ နယ်ခြားစောင့်ရဲ (၃) ဦးကို တပည့် ဦးကာလာမျာနှင့် အတူ သစ်ခွဲနေသည့် အိမ်သို့ စေလွှတ်ခဲ့သည်။ နယ်ခြားစောင့်ရဲ (၃) ဦးက တပည့် ဦးကာလာမျာနှင့် အတူ သစ်ခွဲနေသည့် အိမ်သို့ သွားရောက်၍ တရားမ၀င် သစ်ခုတ် ထုတ်လုပ် ရောင်းချနေသည်ဟု စွပ်စွဲ၍ ဖမ်းဆီးမည်၊ ထောင်ချမည်ဟု အမျိုးမျိုး ခြိမ်းခြောက်၍ ငွေကျပ် တစ်သိန်း ညှစ်ယူခဲ့ကြောင်း ဒေသခံများက RB News သို့ပြောပါသည်။

၎င်းတို့ ခွဲဖြတ်နေသည့် သစ်ကို ရောင်းချလျှင် ငွေကျပ် သုံးသောင်းသာ ရရှိမည် ဖြစ်ပြီး၊ ၎င်းတို့ ညှစ်ခံရသည့် ငွေမှာ ကျပ် တစ်သိန်း ဖြစ်သည်။

2.1.2016

ရခိုင်ပြည်နယ် ဘူးသီးတောင်နဲ့ မောင်တော မြို့တွေမှာ ပြီးခဲ့တဲ့ ဒီဇင်ဘာလ ၃၁ ရက်နေ့က WY စာတန်းပါ ပန်းရောင်စိတ်ကြွဆေးပြား အလုံးရေ ၁၄ သိန်းကျော်ကို သိမ်းဆည်းရမိခဲ့ပါတယ်။

စစ်တွေမြို့ကနေ ထွက်ခွာလာတဲ့ အောင်သူဟိန်း ရေယာဉ်နဲ့ မောင်တောမြို့နေအိမ်တစ်ခုကနေ ဖမ်းဆီးရမိခဲ့တာလို့ ဘူးသီးတောင်မြို့ပေါ်မှာ တာဝန်ကျနေတဲ့ အမည်မဖော်လိုတဲ့ ရဲအရာရှိတစ်ဦးက ပြောပါတယ်။

"မိတာပေါ့ဗျာ ၁ဝ သိန်းနဲ့ ၄ သောင်း ၊ အဲ့ဒီကနေ အမှတ်အသားပါတဲ့အတွက် ကျနော်တို့က ချက်ချင်းမောင်တောမြို့ကိုလိုက်ရတယ်၊ အဲ့ဒီမောင်တောမြို့ကိုလိုက်ပြီးတော့ စုံစမ်းပြီးတော့ အဲ့ဒီအိမ်ကိုရှာတဲ့အချိန်မှာ ဆေးပြား ၃ သိန်း ၃ သောင်း ၆ ထောင် ဖမ်းမိတယ်၊ နောက်ပိုင်းတော့ အဲ့ဒီအမှုနဲ့ပတ်သက်တဲ့ တရားခံတွေကတော့ ထွက်ပြေးသွားကြတာပေါ့ဗျာ၊ အဲ့ဒီတရားခံကိုလည်း ဖမ်းဆီးဖို့အတွက် ကျနော်တို့က ကြိုးစားနေရတုန်းရှိပါတယ်"

အခုဖမ်းဆီးရမိမှုဟာ မောင်တောခရိုင်အတွင်းမှာ ပမာဏအများဆုံးဖြစ်တယ်လို့လည်း သိရပါတယ်။ အဲ့ဒီမူးယစ်ဆေးဝါးတွေဟာ ကာလတန်ဖိုး ဆေးပြားတစ်ပြားကို ကျပ်နှစ်ထောင်နှုန်းနဲ့ တွက်ချက်ရင် ငွေကျပ် သိန်းပေါင်း နှစ်သောင်းရှစ်ထောင်ကျော် တန်းဖိုးရှိကြောင်းလည်း သိရပါတယ်။

ဒီအမှုနဲ့ပတ်သက်ပြီး ကွင်းဆက်တွေကို ခေါ်ယူစစ်ဆေးနေတာတွေရှိပေမယ့် အဓိကတရားခံတွေကတော့ ထွက်ပြေးလွတ်မြောက်နေဆဲဖြစ်တယ်လို့လည်း သိရပါတယ်။

ဒီအမှုနဲ့ဆက်နွယ်နေသူ နှစ်ဦးကို စစ်တွေမြို့မှာ ဒေသခံရဲတပ်ဖွဲ့က မနေ့က ဖမ်းဆီးလိုက်ပြီး ဒီနေ့ ဘူးသီးတောင်မြို့ကို ပို့ဆောင်လိုက်ပါတယ်။