7.11.2016

ဆော်ဒီအာရေဗျာနိုင်ငံ ဘုရင် ဆဲလ်မာန်၏ လူသားချင်းစာနာ ထောက်ပံ့သည့် အထောက်အကူပြု အဖွဲ့ (KS-RELIEF) က အပြည်ပြည်ဆိုင်ရာ ရွှေ့ပြောင်းနေထိုင်သူများ အဖွဲ့ (IOM) မှ တဆင့် ရခိုင်ပြည်နယ်ရှိ ကျေးရွာ (၃၅) ရွာ အတွက် လူသားချင်း စာနာသည့် အထောက်အပံ့များ၊ ဖွံ့ဖြိုးရေး လုပ်ငန်းများ အတွက် ကူညီရန် သဘောတူ စာချုပ်ချုပ်ဆိုခြင်းနှင့် ပတ်သက်၍ အစ္စလာမစ် ပူးပေါင်း ဆောင်ရွက်ရေး အဖွဲ့ (OIC) က ကြိုဆိုလိုက်ကြောင်း နိုဝင်ဘာလ (၆) ရက်နေ့က သတင်းထုတ်ပြန်ခဲ့သည်။

KS-RELIEF က ရခိုင်ပြည်နယ်ရှိ ကျေးရွာ (၃၅) ရွာတွင် လယ်ယာစိုက်ပျိုးရေး လုပ်ငန်းများ၊ နေ့စဉ် လူနေမှု ဘ၀မြှင့်တင်ရေး လုပ်ဆောင်မည် ဖြစ်သောကြောင့် လှေစီး၍ ထွက်ပြေးနေရသည်များ လျော့နည်းလာအောင် ပြုလုပ်နိုင်မည် ဖြစ်ကြောင်း OIC ၏ သတင်းထုတ်ပြန်ချက်တွင် ရေးသားထားသည်။

OIC ၏ အတွင်းရေးမှူးများ အဖွဲ့က OIC အဖွဲ့ဝင် နိုင်ငံများနှင့် လူမှု အဖွဲ့အစည်းများ၊ အစိုးရမဟုတ်သော အဖွဲ့အစည်းများ (NGO) များကို မြန်မာနိုင်ငံ ရခိုင်ပြည်နယ်တွင် လိုအပ်နေသူများအား ဆော်ဒီအာရေဗျာနိုင်ငံ ကဲ့သို့ လူသားချင်း စာနာ ထောက်ပံ့ရေး အကူအညီများ ပေးရန် တိုက်တွန်း ထားသည်။

ကျီးကန်းပြင် အလယ်ရွာရှိ နေအိမ်များမှ နှင်ထုတ်ခံခဲ့ရသူများ

Rohingya Eye

RB News

6.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကြက်ရိုးပြင် ကျေးရွာတွင် စားနပ်ရိက္ခာ ပြတ်လပ်လျက်ရှိပြီး အကူအညီများ ပေးအပ်ရန် ရွာသားများက မေတ္တာရပ်ခံလျက် ရှိသည်။ 

မောင်တောမြို့နယ် မြောက်ပိုင်း ကြက်ရိုးပြင် ကျေးရွာသို့ အောက်တိုဘာလ (၁၃) ရက်နေ့နှင့် (၁၄) ရက်နေ့များတွင် စစ်တပ်မှ ၀င်ရောက်၍ မီးရှို့မှုကြောင့် ဈေးတစ်ခုလုံး မီးလောင် ပြာကျသွားပြီး၊ ဆိုင်ခန်း ၁၇၃ ခန်း မီးလောင် ပျက်စီးသွားခဲ့သည်။ ထို့အပြင် ဈေးအပြင်ပိုင်းရှိ ဆိုင်ခန်း ၅၇ ခန်းကိုလည်း စစ်သားများက မီးရှို့ခဲ့သည်။ 

စစ်သားများ၏ ပစ်ခတ်မှုကြောင့် ရွာအတွင်း ၁၉ ဦး သေဆုံးခဲ့ပြီး၊ ပျောက်ဆုံးနေသူ ၁၃ ဦး ရှိသည်ဟု ရွာသားများက RB News သို့ပြောသည်။ 

နေအိမ်များ မီးရှို့ခံရမှုကြောင့် အနည်းဆုံး ရွာသား ၂၅၀၀ ကျော် အိုးမဲ့အိမ်မဲ့ ဖြစ်လျက်ရှိပြီး၊ ယခင်လက်ကျန် စားနပ်ရိက္ခာများဖြင့် ရပ်တည်နိုင်ခဲ့သော်လည်း ယခုအခါ စားနပ်ရိက္ခာ ပြတ်လပ်နှင့် ကြုံတွေ့နေရသည်ဟု ဆိုသည်။ 

ရွာသားများသည် တစ်ရွာမှ တစ်ရွာသို့ သွားခွင့် မရှိသဖြင့် စားနပ်ရိက္ခာ ရရန် အလွန်ခက်ခဲလျက် ရှိပြီး၊ နိုဝင်ဘာလ (၅) ရက်နေ့ နံနက် (၉) နာရီအချိန်တွင် ရေကျော်တံတားအနီး ဘော်ဒူဖာရာရှိ လယ်မြေများမှ စပါးရိတ်သိမ်းရန် လူငယ် (၃) ဦး သွားခဲ့ရာ စစ်သားများက နှင်ထုတ်ခဲ့သောကြောင့် စပါးမရိတ်သိမ်းနိုင်ဘဲ ပြန်လာခဲ့ရကြောင်း ရွာသားများက ပြောသည်။ 

“စပါးရိတ်သိမ်းရမယ့် ရာသီမှာ စပါးမရိတ်သိမ်းနိုင်ရင် ကျွန်တော်တို့ ဘာစားမလဲ၊ ကျွန်တော်တို့ အိမ်တွေလည်း မီးရှို့ခံရတယ်၊ ဆိုင်တွေလည်း မီးရှို့ခံရတယ်။ စားနပ်ရိက္ခာလည်း မရှိတော့ဘူး။ ကျွန်တော်တို့ကို သနားညှာတာပြီး စားနပ်ရိက္ခာတွေ ကူညီ ပံ့ပိုးပေးပါလို့ မေတ္တာရပ်ခံပါတယ်” ဟု ဒေသခံတစ်ဦးက ပြောပါသည်။ 

RB News

5.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် စစ်သားများနှင့် နယ်ခြားစောင့်ရဲများက ရိုဟင်ဂျာ ကျေးရွာ နှစ်ရွာကို ဝန်းရံပြီး ၀င်ရောက်စီးနင်း၍ စစ်ဆေးခဲ့ရာတွင် ဒေသခံအချို့ကို အကြောင်းမဲ့ ရိုက်နှက်ခြင်း၊ အိမ်သုံးပစ္စည်းများ ဖျက်ဆီးခြင်း၊ အဖိုတန် ပစ္စည်းများ လုယက်ခြင်းများကို ပြုလုပ်ခဲ့ခြင်း သတင်းရရှိပါသည်။

နိုဝင်ဘာလ ၅ ရက်၊ နံနက် ၇ နာရီ အချိန်တွင် စစ်သားများနှင့် နယ်ခြားစောင့်ရဲများက တပ်ဦးချောင်း ကျေးရွာ (ယခင်- ဘဂုံးနား) ကို ဝိုင်း၍ ရွာအတွင်း အိမ်အများစုကို စီးနင်းဝင်ရောက် စစ်ဆေးခဲ့ရာ မည်သည့်အိမ်များတွင်မှ နိုင်ငံတော်နှင့် ဆန့်ကျင့်သည့် ပစ္စည်းတစ်စုံတစ်ရာ မတွေ့ရှိခဲ့ပေ။ သို့သော် ထိုသို့ စီးနင်းဝင်ရောက် စစ်ဆေးချိန်၌ အချို့အိမ်များတွင် အမျိုးသားများ မတွေ့ရှိခဲ့၍ အိမ်သုံးပစ္စည်းများကို ဖျက်ဆီးမှုများ ရှိခဲ့ကြောင်း ဒေသခံများက RB News သို့ပြောသည်။ 

“မနက်အစောကတည်းက ရွာကို ၀ိုင်းလိုက်တယ်။ ပြီးတော့ အိမ်အတော်များများကို ဝင်စစ်တယ်။ ဘယ်အိမ်ထဲမှာမှ နိုင်ငံတော်နဲ့ ဆန့်ကျင့်တဲ့ ပစ္စည်းမတွေ့ခဲ့ဘူး။ ဒါပေမယ့် သူတို့က အမျိုးသားတွေ မတွေ့တဲ့ အိမ်တချို့မှာ အိမ်သုံးပစ္စည်းတွေ ဖျက်ဆီးခဲ့တာတွေ ရှိပါတယ်။ လူတွေဘာတွေတော့ ဖမ်းဆီးတာ မရှိဘူး။ လူငယ် တစ်ယောက်ကိုတော့ စစ်သားတွေက ရက်ရက်စက်စက် ရိုက်နှက်ခဲ့တာ ရှိတယ်” ဟု ဒေသခံတစ်ဦးက ပြောပါသည်။

စစ်သားများ၏ ရိုက်နှက်ခံခဲ့ရသူမှာ ဦးရာမောတ်အုလ္လာ၏ သား အသက် (၂၂) နှစ် အရွယ် အာဘုလ်ဟူစိန်း ဖြစ်သည်။ နယ်ခြားစောင့်ရဲများက ဦးရာမောတ်အုလ္လာ၏ အိမ်သို့သွား၍ နွားတစ်ကောင်တောင်းကြရာ ၎င်းက အိမ်မှာနွားမရှိကြောင်း၊ နွားရုံသို့ သွားရောက်ယူလာရမည်ဖြစ်ကြောင်း ပြောပြရာ နယ်ခြားစောင့်ရဲများက ဦးရာမောတ်အုလ္လာ၏ သား အာဘုလ်ဟူစိန်းကို နွားယူလာခိုင်းခဲ့သည်။ ၎င်းက သွားရောက်၍ နွားယူပြီး ပြန်လာနေစဉ် စစ်သားများက တွေ့ရှိသွားပြီး အကြောင်းမဲ့ ထိုးနှက် ရိုက်နှက်ပြီး နယ်ခြားစောင့်ရဲများထံ အပ်နှံခဲ့သည်။ နယ်ခြားစောင့်ရဲများက ၎င်းကို လွှတ်ပေးခဲ့သော်လည်း စစ်သားများ၏ ရက်ရက်စက်စက် ရိုက်နှက်မှုကြောင့် အသက်စိုးရိမ်ရဖွယ် ရှိနေသည်ဟု အဆိုပါ ဒေသခံက ဆက်လက် ပြောပါသည်။

“ဒီနေ့ တပ်ဦးချောင်းမှာ လုပ်ခဲ့တာတွေက အရင်ရွာတွေနဲ့ နှိုင်းရင် သိပ်မဆိုးဘူးလို့ ပြောလို့ရပေမယ့် အိမ်တစ်ချို့မှာ ဖျက်ဆီးမှုတွေ လုပ်ခဲ့တာရှိတယ်။ ပြီးတော့ အပြစ်မဲ့ လူငယ်တစ်ဦးကိုလည်း အကြောင်းမဲ့ ရက်ရက်စက်စက် ရိုက်နှက်တာကတော့ ဥပဒေမဲ့ လုပ်ရပ်ပါပဲ'' ဆိုပြီး မောင်တောမှ လူ့အခွင့်အရေး စောင့်ကြည့်လေ့လာနေသူက ပြောပါသည်။

အလားတူ မောင်တော မြောက်ပိုင်း၊ လောင်းဒုံကျေးရွာအုပ်စု ကျွန်းခေါင်းကျေးရွာ ကိုလည်း ယနေ့ နေ့လည် ၁၁ နာရီမှစ၍ စစ်သား အင်အား ၅၀ ခန့်နီးပါးက ဝိုင်း၍ အိမ်များထဲသို့ စီးနင်းဝင်ရောက်၍ စစ်ဆေးခဲ့သည်။ စစ်သားများ၏ ဥပဒေမဲ့ ရိုက်နှက်မှု ဖမ်းဆီးမှုများကို ကြောက်ရွံ့၍ အမျိုးသားများ တိမ်းရှောင်သွားခဲ့ရာ စစ်သားများက အမျိုးသမီးများနှင့် ကလေးငယ်များကို အိမ်များမှ ခေါ်ထုတ်၍ ရွာထဲရှိ ဗလီခြံဝင်းတစ်ခုအတွင်း စုထားခဲ့သည်။ ထို့နောက် စစ်သားများသည် လူသူမရှိသော အိမ်ထဲသို့ ဝင်ရောက်၍ စိတ်တိုင်းကျ လုယက်ခဲ့ပြီး အိမ်သုံးပစ္စည်းများလည်း ဖျက်ဆီးခဲ့သည်။

ထို့အပြင် မော်လဝီ အာဘုလ်ကာလာမ်၏ ဇနီးသည်ကို စစ်သားများက ခြေဖြင့် ကန်ခဲ့ခြင်းအပါအဝင် ရက်စက်စွာ ရိုက်နှက်ခဲ့သည်ဟု ဒေသခံတစ်ဦးက ပြောပါသည်။ စစ်သားများသည် ညနေ ၄ နာရီချိန်တွင် ပြန်သွားခဲ့ပါသည်။

ဆက်စပ်သတင်းအရ လွန်ခဲ့သည့် နှစ်ပတ်ခန့်က ဖမ်းဆီးခဲ့သော မောင်တောမြို့ပေါ်မှ  ဦးမောင်မောင်စိန်ကို ယနေ့နံနက် ၁၀ နာရီတွင် မောင်တောရဲစခန်းမှ ရဲများက ဆေးရုံတင်ခဲ့ပြီး ၁၀ မိနစ်ခန့်အကြာတွင် ပြန်ခေါ်သွားခဲ့သည်။ 

“ဦးမောင်မောင်စိန်မှာ ဆေးကုသမှု လိုတယ်။ ၁၀ မိနစ်ခန့်နဲ့တော့ ဘယ်လုံလောက်မလဲ။ ဒါက အစိုးရက ဖမ်းဆီးတဲ့လူတွေကို ကျန်းမာရေး အပိုင်းမှာ ဂရုတစိုက် ရှိတယ်ဆိုပြီး နိုင်ငံတကာနဲ့ ပြည်သူကို လိမ်လိုရအောင် ဇတ်လမ်းရိုက်တာပါ။'' ဆိုပြီး အဆိုပါ မောင်တောဒေသမှ လူ့အခွင့်အရေး စောင့်ကြည့်လေ့လာနေသူက သုံးသပ်သည်။

MYARF

5.11.2016

ရသေ့တောင် ။ ။ ရခိုင်ပြည်နယ်၊ ရသေ့တောင်မြို့နယ် ကိုးတန်ကောက် ကျေးရွာအုပ်စုကို စစ်သားများ ၀င်ရောက်စီးနင်း၍ ဒေသခံများကို ရိုက်နှက် ညှဉ်းပန်းနှိပ်စက်ခြင်း၊ အဖိုးတန်ပစ္စည်းများ လုယက်ခြင်း၊ အပြစ်မဲ့များကို ဖမ်းဆီးခြင်းများ ပြုလုပ်ခဲ့သည်။ 

နိုဝင်ဘာလ (၄) ရက်နေ့ ည ၁၁း၃၀ နာရီအချိန်တွင် ရသေ့တောင်မြို့နယ် ကိုးတန်ကောက် ကျေးရွာကို စစ်တပ်က ကား (၁၁) စီးဖြင့် ၀ိုင်းထားခဲ့ပြီး၊ ယနေ့ နိုဝင်ဘာလ (၅) ရက်နေ့ နံနက် ၆း၃၀ နာရီ အချိန်တွင် ရွာထဲသို့ ၀င်ရောက်လာကာ ရွာမှ ရပ်မိရပ်ဖများကို ရွာအတွင်း စစ်ဆေးမည်ဟု ပြောကြားခဲ့သည်။ 

စစ်သားများသည် နေအိမ်များအတွင်းရှိ လူများကို အပြင်သို့ အိမ်ထောင်စု စာရင်းနှင့် တကွ ထွက်ခိုင်းထားခဲ့ပြီး၊ တစ်အိမ်ချင်း စစ်ဆေးခဲ့ပြီး၊ အိမ်အနည်းငယ် စစ်ဆေးပြီးနောက် လုယက်ခြင်း၊ ရိုက်နှက်ခြင်းများ စတင်ခဲ့သည်။ အမျိုးသမီးများ ၀တ်ဆင်ထားသည့် အဖိုးတန် လက်ဝတ်ရတနာများ လုယက်ခဲ့ကြောင်း ဒေသခံများက RB News သို့ပြောသည်။ 

ထို့နောက် အသက် (၈) နှစ် အရွယ် အထက်များကို ဖမ်းဆီး၍ ကျေးရွာရှိ ဗလီဝင်းထဲတွင် စုထားခဲ့သည်။ အနည်းဆုံး ၃၀၀ ခန့် ဖမ်းဆီး၍ ဗလီဝင်းထဲတွင် စုပြုံထားပြီး ရိုက်နှက်နှိပ်စက်ခဲ့ရာ မော်လ၀ီဦးအဒူဟာလီးမ် သည် ရိုက်နှက်မှုကြောင့် သတိလစ်သွားခဲ့ပြီး အများစုက သေဆုံးသွားသည်ဟု ထင်ခဲ့ကြသည်။ ထို့အပြင် မော်လ၀ီရဟ်မသ်အုလ္လာ အပါအ၀င် ဒေသခံအချို့မှာ သေလုမျောပါး ဖြစ်သည်အထိ ရိုက်နှက်ခံရကြောင်း သိရှိရသည်။ 

“ညှဉ်းပန်းနှိပ်စက်တာ ကတော့ အရမ်းကို ဆိုးရွားလွန်းတယ်။ လူကို လူက ဒီလို ညှဉ်းပန်းနှိပ်စက်တာ ကျွန်တော့် တစ်သက်မှာ တစ်ခါမှ မမြင်ဖူးဘူး။” ဟု ဒေသခံတစ်ဦးက ပြောပါသည်။ 

ည ၈ နာရီ အချိန်ခန့်တွင် နံနက်ပိုင်းမှစ၍ အစာရေစာ မစားရသည့် ဒေသခံ ၃၀၀ ခန့်ကို မိသားစုဝင် ကလေးများက အစားအသောက်များ ပို့ရန် သွားရာ စစ်သားများက အဆိုပါ ကလေးများကိုပါ ပြန်မလွှတ်ဘဲ စုပြုံထားသည့် လူအုပ်နှင့် အတူ ဖမ်းဆီးထားခဲ့သည်။ ညပိုင်းတွင် လူပေါင်း ၈၀၀ ခန့်ထိဖမ်းဆီးထားခဲ့သည်။

ည ၁၀း၃၀ နာရီခန့်တွင် ဖမ်းဆီးထားသူများ အားလုံးကို ပြန်လွှတ်ပေးခဲ့သော်လည်း မော်လ၀ီဦးအဒူဟာလီးမ်၊ မော်လ၀ီဦးအာဘူကာဆိမ်း အပါဝင် (၅) ဦးကို စစ်သားများက ခေါ်ဆောင် သွားကြောင်း သိရှိရသည်။ 

ပြန်ကြားရေး ၀န်ကြီးဌာန၏ ဖေ့စ်ဘုတ် စာမျက်နှာတွင် မွန်းလွဲ (၂) နာရီတွင် ကိုးတန်ကောက် နယ်ခြားစောင့်ရဲတပ်ဖွဲ့ ကင်းစခန်းကို စီးနင်းတိုက်ခိုက်သူ (၂) ဦးကို ဖမ်းဆီးရထားကြောင်း ဓါတ်ပုံနှင့် တကွ တင်ထားသူများမှာလည်း အပြစ်မဲ့ ရွာသား နှစ်ဦးသာ ဖြစ်သည်။ 

“အဓိကကတော့ ကိုးတန်ကောက် ရွာသားတွေက ကုလနဲ့ သံတမန် အဖွဲ့လာတော့ ပလာကဒ်တွေ ကိုင်ပြီး ဆန္ဒပြတယ်။ သူတို့ရဲ့ ပလာကဒ်တွေမှာ ရေးထားတွေက အစိုးရ ကျူးလွန်နေတဲ့ ရာဇ၀တ်မှုတွေပဲလေ၊ အဲဒီတော့ အစိုးရရဲ့ အရှိုက်ကို ထိတယ်။ ပြီးတော့ လူတွေက သူတို့ ခံစားနေရတာတွေကို လာတဲ့ အဖွဲ့ကို ရတဲ့နည်းနဲ့ ပြောပြတယ်။ အဲဒါကြောင့် သူတို့ကို အစိုးရက အငြိုးထားပြီး ဒီနေ့ ညှဉ်းပန်းနှိပ်စက်တာပါ” ဟု မောင်တောမှ လူ့အခွင့်အရေး အခြေအနေ စောင့်ကြည့်နေသူ တစ်ဦးက RB News သို့ပြောသည်။

Rohingya Eye

RB News

4.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် နွားရုံတောင် ကျေးရွာအုပ်စု၊ ရေမျှတောင် ကျေးရွာမှ ရွာသားများကို စစ်သားများ လာစဉ် ရှောင်နေသည့် အတွက် ကျေးရွာအုပ်ချုပ်ရေးမှူးနှင့် အဖွဲ့က တစ်ဦးချင်းထံမှ ငွေကျပ် ၅၀၀၀ စီ ညှစ်နေကြောင်း သတင်း ရရှိပါသည်။ 

ယနေ့ နိုဝင်ဘာလ (၄) ရက်နေ့ နံနက် ၈း၃၀ နာရီ အချိန်တွင် နွားရုံတောင် ကျေးရွာအုပ်စု၊ ရေမျှတောင် ကျေးရွာသို့ စစ်သားများ ရောက်ရှိလာပြီး၊ တစ်အိမ်တက်ဆင်း စစ်ဆေးနေသဖြင့် ရွာအတွင်းရှိ လူငယ်၊ လူကြီး အမျိုးသားများ အားလုံး တောထဲသို့ တိမ်းရှောင်သွားပြီး၊ အချို့လည်း ပုဇွန်ကန်များရှိ တဲများတွင် သွားရောက်နေခဲ့ကြသည်။ အောက်တိုဘာလ (၁၂) ရက်နေ့ကလည်း စစ်သားများ ရွာထဲသို့ ၀င်ရောက်လာပြီး ညှဉ်းပန်းနှိပ်စက်ခဲ့သောကြောင့် အမျိုးသားများ အားလုံး ယနေ့နံနက်ပိုင်းက တိမ်းရှောင်သွားခဲ့ခြင်း ဖြစ်သည်။ 

ကျေးရွာအုပ်ချုပ်ရေးမှူးနှင့် ရခိုင်အစွန်းရောက် အချို့က ကျေးရွာတာဝန်ခံ ဦးဆာလေအာမတ် (ဘ) ဦးဟော်လိလ်ကို ရွာမှ တိမ်းရှောင်သွားသော အမျိုးသား တစ်ဦးစီချင်းမှ ငွေကျပ် ၅၀၀၀ စီ ကောက်ခံပေးရန် မှာကြားလိုက်ပြီး၊ နိုဝင်ဘာလ (၅) ရက်နေ့တွင် ၂၅၀ ဦး အတွက် ငွေကျပ် ၁၂ သိန်းခွဲ ပေးရမည် ဖြစ်ကြောင်း ဒေသခံများက RB News သို့ပြောသည်။ 

ကျေးရွာအုပ်ချုပ်ရေးမှူးနှင့် ရခိုင်အစွန်းရောက် များက အကယ်၍ ငွေမပေးပါက အာဏာပိုင်များကို ဘင်္ဂလားဒေ့ရ်ှသို့ ထွက်ပြေးသွားသူများ (သို့မဟုတ်) လက်နက်ကိုင် အဖွဲ့ထဲသို့ ၀င်ရောက်သွားသူများဟု တိုင်ကြားမည်ဟု ခြိမ်းခြောက်ခဲ့ကြောင်း သိရှိရသည်။ 

RB News

4.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ်၊ မြို့သူကြီးကျေးရွာ အုပ်ချုပ်ရေးမှူးနှင့် တာဝန်ခံ တို့ကို မြို့နယ်ရဲစခန်းမှူးက ခေါ်ယူကာ စစ်သားများက ပစ်ခတ်သတ်ဖြတ်လိုက်သည့် မြို့သူကြီးရွာသား ၇ ဦးနှင့် ပတ်သက်၍ လိမ်လည်ထွက်ဆို ဝန်ခံခိုင်းသည်ဟု သတင်းရရှိပါသည်။ 

နိုဝင်ဘာလ ၂ ရက်နေ့၊ ညနေ ၄ နာရီကျော်အချိန်တွင် မောင်တော မြို့နယ်ရဲစခန်းမှ မြို့နယ်ရဲစခန်းမှူးက မြို့သူကြီးကျေးရွာ အုပ်ချုပ်ရေးမှူး ဦးမဲသားနုနှင့် ၎င်းကျေးရွာ တာဝန်ခံ ဦးဟူးဆောင်း တို့ကို ခေါ်ယူကာ ၎င်းကျေးရွာအုပ်စု ရွာဟောင်းရွာနှင့် သောင်ပိုင်ညာရွာ များမှ အပြစ်မဲ့ ရိုဟင်ဂျာ အမျိုးသား ၇ ဦးကို လွန်ခဲ့သော အောက်တိုဘာလ ၁၀ ရက်နေ့တွင် စစ်သားများက ပစ်ခတ် သတ်ဖြတ်လိုက်သည်ကို စစ်သားများကို တိုက်ခိုက်လာ၍ စစ်သားများကလည်း ပြန်လှန် ပစ်ခတ်ရခြင်းဖြစ်သည်ဟု လိမ်လည် ထွက်ဆိုပေးရန် ဖိအားပေး၍ ဝန်ခံလက်မှတ် ထိုးခိုင်းခဲ့သည်။ ထိုသို့ လိမ်လည်ထွက်ဆို ဝန်ခံခိုင်းပြီး ၎င်းကျေးရွာ အုပ်ချုပ်မှူးနှင့် တာဝန်ခံတို့ကို ညနေ ၁၀ နာရီခန့်အချိန်တွင် မြို့နယ်ရဲစခန်းမှ ရဲများက အိမ်သို့ လိုက်ပါ ပို့ဆောင်ပေးခဲ့ကြောင်း ဒေသခံတစ်ဦးက RB News သို့ပြောသည်။  

အောက်တိုဘာလ ၁၀ ရက်နေ့တွင် စစ်သားများက ပစ်ခတ် သတ်ဖြတ်လိုက်သည့် မြို့သူကြီး ရွာသား ၇ ဦးမှာ မည်သို့မျှ အပြစ်ကျူးလွန်ခဲ့ခြင်းမရှိပေ။ ယင်းနေ့ နံနက် ၆ နာရီခန့်အချိန်တွင် စစ်သားများက မြို့သူကြီးရွာကို ဝန်းရံလိုက်ပြီး အိမ်ထဲမှ အပြင်သို့ ချောင်းကြည့်ခဲ့သည့် ရွာသား ခုနှစ်ဦးကို စစ်သားများက အိမ်မှ ခေါ်ထုတ်ကာ အနီးကပ် ပစ်ခတ်သတ်ဖြတ်လိုက်ခြင်းသာ ဖြစ်သည်ဟု အခင်းဖြစ်ပွားခဲ့ရာကို မြင်ခဲ့သူ မျက်မြင်သက်သေများက Al Jazeera သတင်းဌာနသို့ ပြောပြခဲ့သည်။

နိုင်ငံပိုင် သတင်းမီဒီယာကမှု မြို့သူကြီးရွာသားများက ရွာထဲက သေနတ်နှင့် ပစ်ခတ်၍ စစ်သားများကလည်း ပြန်လှန် ပစ်ခတ်ခဲ့ခြင်း ဖြစ်သည်ဟု ထိုစဉ်က လိမ်လည်၍ ရေးသားဖော်ပြခဲ့သည်။ 

ယခုအခါ ထိုဖြစ်ရပ်အမှန်သည် နိုင်ငံတကာ မီဒီယာစာမျက်နှာပေါ်နှင့် နိုင်ငံတကာ အဖွဲ့အစည်းများထံ ရောက်သွားသဖြင့် မြန်မာအစိုးရက ၎င်းတို့ လိမ်လည်ခဲ့သည့် လိမ်လည်မှုကို ဆက်လက် ရှင်သန်စေလို၍ အဆိုပါ ကျေးရွာအုပ်ချုပ်ရေးမှူးနှင့် တာဝန်ခံတို့ကို ယခုလို ဖိအားပေး၍ လိမ်လည်ထွက်ဆို ဝန်ခံခိုင်းခြင်းသာ ဖြစ်သည်ဟု မောင်တောအခြေစိုက် လူ့အခွင့်အရေး စောင့်ကြည့်လေ့လာနေသူက သုံးသပ်နေကြသည်။

ဥပဒေမဲ့ သတ်ဖြတ်ခံခဲ့ရသူများထဲတွင် အသက် ၁၈ နှစ်အောက် လူငယ်နှစ်ဦးလည်း ပါဝင်ပါသည်။ နှစ်ဦးမှာ ညီအစ်ကို ဖြစ်ပါသည်။ 

ယခုအခါ မောင်တော ရဲစခန်းမှ မြို့နယ်ရဲစခန်းမှူးက အသတ်ခံခဲ့ရသူ၏ မိဘများကိုလည်း လိမ်လည်ထွက်ဆို ပေးရန် အကြိမ်ကြိမ် ခေါ်နေသော်လည်း မိဘများက ၎င်းတို့ကိုလည်း သတ်နိုင်ကြောင်း၊ သို့သော် ၎င်းတို့၏ သားများသည် ဥပဒေမဲ့ သတ်ဖြတ်ခံခဲ့ရခြင်းသာ ဖြစ်ကြောင်း၊ သို့ဖြစ်၍ မြို့နယ်ရဲစခန်းမှူးနှင့် သွားရောက်တွေ့ဆုံရန် မှာကြားမှုကို ငြင်းဆန်ပယ်ချလိုက်ပါသည်။

ယနေ့ နိုဝင်ဘာလ ၄ ရက်နေ့၊ ညနေ ၄ နာရီခန့်အချိန်တွင် ဌာနဆိုင်ရာပေါင်းစုံ ပါဝင်သော အဖွဲ့တစ်ဖွဲ့ မြို့သူကြီးကျေးရွာသို့ ရောက်ရှိလာပြီး ရွာသားများကို စစ်သားများက ပစ်ခတ်သတ်ဖြတ်သည့် နေရာများကို လာရောက်ပြသပေးခိုင်း၍ ဗီဒီယို ရိုက်ခဲ့သွားကြောင်း သတင်းရရှိပါသည်။

RB News

3.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်းပိုင်၊ ဘဂုံးနား (တပ်ဦးချောင်း) ကျေးရွာအုပ်စု၊ နူရူလ္လာရွာရှိ နယ်ခြားစောင့်ရဲတပ်ဖွဲ့ ကင်းစခန်းမှ နယ်ခြားစောင့်ရဲများ အချင်းချင်း သေနတ်ပစ်ခတ်မှု ဖြစ်ပွားခဲ့သော်လည်း အစိုးရသတင်းဌာနနှင့် ပုဂ္ဂလိက မီဒီယာများက အကြမ်းဖက်သမားများက လက်နက်ငယ်များဖြင့် ပစ်ခတ်မှုကြောင့် နယ်ခြားစောင့်ရဲတစ်ဦး သေဆုံးပြီး တစ်ဦးဒဏ်ရာရရှိကြောင်း သတင်းထုတ်ပြန်ထားသည်။ 

ယနေ့ နိုဝင်ဘာလ (၃) ရက်နေ့ ညနေ (၄) နာရီကျော် အချိန်တွင် အဆိုပါ ကင်းစခန်းမှ နယ်ခြားစောင့်ရဲများ အချင်းချင်း စကားများ ရန်ဖြစ်ခဲ့သည်။ ထိုသို့ အချင်းချင်း စကားများခဲ့သည်ကို အဆိုပါ ကင်းစခန်း တာဝန်ခံက ဟန့်တားရန် ကြိုးစားခဲ့သော်လည်း လက်အောက်ငယ်သားများက တာဝန်ခံ၏ အမိန့်ကို မနာခံသည့် အပြင် စကားများရာမှ ထိုးကြိတ်သည့် အထိ ဖြစ်ပွားခဲ့သည်။ ထို့ကြောင့် ကင်းစခန်းတာဝန်ခံက မန်ကျည်းချောင်း နယ်ခြားစောင့်ရဲတပ်ဖွဲ့ စခန်းမှ ရဲမှူးကို အကြောင်းကြားခဲ့သည်။ ထို့နောက် မန်ကျည်းချောင်းမှ ရဲမှူး ရောက်ရှိလာခဲ့ပြီး စကားများ ရန်ဖြစ် ထိုးကြိတ်နေခြင်းကို ဖြေရှင်းပေးခဲ့သည်။ အခြေအနေကို ပကတိအတိုင်း ဖြစ်အောင် ထိန်းသိမ်းပြီးနောက် မန်ကျည်းချောင်း စခန်းမှ ရဲမှူး ပြန်လည် ထွက်ခွာသွားခဲ့သည်။ 

မန်ကျည်းချောင်း စခန်းမှ ရဲမှူး ပြန်သွားပြီးနောက် ၁၅ မိနစ်ခန့် အကြာ ည (၆) နာရီခန့် အချိန်တွင် ကင်းစခန်းအတွင်း၌ ပစ်ခတ်မှု အဆက်မပြတ် ဖြစ်ပွားခဲ့သည်။ သေနတ်ပစ်ခတ်မှု အနည်းဆုံး အချက် ၂၀ ခန့် ရှိမည်ဟု အနီးအနားမှ ကျေးရွာသားများက ပြောပါသည်။ ကင်းစခန်း အနီး လယ်ကွင်းမှ ဆိတ်ကျောင်း၍ အိမ်ပြန်လာနေသည့် ကလေးငယ်များကိုပင် ကျည်ဆံ ထိလုမတတ် ဖြစ်ခဲ့သည်ဟု ဆိုကြသည်။ 

ပစ်ခတ်မှု ဖြစ်ပွားပြီးနောက် မန်ကျည်းချောင်း စခန်းမှ ရဲမှူး ပြန်လည်ရောက်ရှိလာပြီး အခြေအနေကို ပြန်လည် ထိန်းသိမ်းခဲ့သည်။ အဆက်မပြတ် သေနတ်ပစ်ခတ်မှု ဖြစ်ပွားခဲ့မှုကြောင့် ထိတ်လန့်နေသော ကျေးရွာမှ ရွာသူရွာသားများကို မန်ကျည်းချောင်း စခန်းမှ ရဲမှူးက ၎င်းတို့ အချင်းချင်းသာ ဖြစ်နေသည့် ပြဿနာ ဖြစ်သောကြောင့် ထိတ်လန့် ကြောက်ရွံရန် မလိုကြောင်း ပြောကြားခဲ့သည်။ ထို့အပြင် အဆိုပါရဲမှူးနှင့် ခင်မင်ရင်းနှီးသော ဒေသခံ အချို့ကိုလည်း ရဲမှူးက အလားတူ ပြောကြား၍ အေးဆေးနေကြရန် မှာကြားခဲ့သည်။

ယခုအခါ အစိုးရမီဒီယာနှင့် ပုဂ္ဂလိကမီဒီယာ အချို့က ဖြစ်ရပ်မှန်ကို မဖော်ပြဘဲ နယ်ခြားစောင့်ရဲ အချင်းချင်း ဖြစ်ပွားခဲ့သည့် ပြဿနာကို ရိုဟင်ဂျာများအပေါ် ရည်ရွယ်ချက်ရှိရှိ စွပ်စွဲရေးသားနေကြသည်ကို တွေ့ရှိရသည်။ 

ပြန်ကြားရေးဝန်ကြီးဌာန၏ ဖေ့စ်ဘုတ် MOI စာမျက်နှာတွင်လည်း  “ ရဲကင်းစခန်းရှေ့ ကင်းသမား နှစ်ဦး ကင်းစောင့်နေသည့် နေရာအနီးသို့ ဆိုင်ကယ်သုံးစီးဖြင့် လူများ ရောက်ရှိလာပြီး လက်နက်ငယ်များဖြင့် ပစ်ခတ်ခဲ့ကြောင်း၊ လက်နက်ငယ် ပစ်ခတ်သံကြောင့် ကင်းစခန်းအတွင်းရှိ တပ်ဖွဲ့ဝင်များက ပြန်လည် ပစ်ခတ်ခဲ့သဖြင့် လက်နက်ငယ်ဖြင့် လာရောက် ပစ်ခတ်သူများမှာ ဆိုင်ကယ်များ ထားရစ်ပြီး ဒဏ်ရာများ ရရှိကာ ဆုတ်ခွာထွက်ပြေးသွားကြောင်း၊ အဆိုပါ ပစ်ခတ်ခံရမှု ကြောင့် ရဲတပ်ဖွဲ့ဝင် တစ်ဦး ကျဆုံးပြီး ကျန်တပ်ဖွဲ့တစ်ဦး မစိုးရိမ်ရ ဒဏ်ရာ ရရှိခဲ့ကြောင်း သိရသည်။

လာရောက် ပစ်ခတ်သူများ ကျန်ရစ်ခဲ့သည့် ဆိုင်ကယ်များနှင့် အတူ ဓာတ်ဆီ ထည့် ထားသည့် လက်လုပ်ဗုံး တစ်လုံးနှင့် ပစ္စတိုအိတ် အလွတ်လေးခု တို့ကိုလည်း သိမ်းဆည်းရမိကြောင်း သတင်းရရှိသည်။” ဟု ရေးသားထားသည်။ 

“သေနတ်သံတွေ ကြားနေရတဲ့ အချိန်မှာ ကင်းစခန်းဘက်ကို ကျွန်တော် သေချာကြည့်နေတယ်။ သေနတ်သံကြားရတယ်၊ အခု အစိုးရက ပြောနေတဲ့ ဆိုင်ကယ်သမားဆိုတာလည်း မမြင်ဘူး။ သေနတ်သံသာ ကြားနေရတာ ဆိုတော့ စခန်းထဲ ပစ်နေကြတာ။ ဆိုင်ကယ်သမား ဆိုရင် ပစ်ပြီး ပြန်ထွက်သွားတာ မြင်ရမှာပေါ့။ အဲလိုလည်း မမြင်ရတော့ အစိုးရသတင်းက တော်တော်လေး လွဲနေတယ်” ဟု အမည်မဖော်လိုသည့် မျက်မြင်သက်သေ တစ်ဦးက RB News သို့ပြောသည်။

“လက်နက်ငယ်နဲ့ တိုက်တယ်လို့ MOI ပေ့ခ်ျမှာ ရေးထားတယ်။ နယ်ခြားစောင့်ရဲတွေမှာ လက်နက်ကြီးတွေ ရှိတယ်။ တိုက်ခိုက်တဲ့သူ ၆ ယောက်ထဲက ဘာကြောင့် တစ်ယောက်ကိုမှ မမိတာလဲ၊ လက်နက်ငယ်နဲ့ ပစ်လို့ ရဲတစ်ယောက် သေတယ်၊ ရဲက လက်နက်ကြီးတွေနဲ့ အဆက်အပြတ် ပစ်တာတောင် လာတိုက်တဲ့သူ တစ်ယောက်မှ မသေတာလဲ၊ ယုတ္တိရှိရှိနဲ့ စဉ်းစားဖို့လိုတယ်၊ မေးခွန်းလည်း ထုတ်ဖို့လိုတယ်” ဟု မောင်တောမြို့ ၏ လူ့အခွင့်အရေး အခြေအနေ စောင့်ကြည့်နေသူ တစ်ဦးက ပြောသည်။ 

“လက်လုပ်ဗုံး တစ်လုံးနဲ့ ပစ္စတိုအိတ် အလွတ်လေးခု သိမ်းဆည်း ရမိတယ်ပြောတယ်။ အဲ့ဒီ သိမ်းဆည်းရမိတဲ့ ပစ္စည်းတွေကို လက်ဗွေစစ်တဲ့ အဆင့်မြင့် စက်တွေနဲ့ စမ်းသပ်ကြည့်ပါလို့ ဆိုချင်တယ်။ ဘယ်သူ့ဟာလဲ ဆိုတာ သိနိုင်တာပေါ့” ဟု ဒေသခံတစ်ဦးက ထောက်ပြသည်။ 

ယခုအခါ အဆိုပါ ကင်းစခန်းသို့ စစ်တပ်နှင့် ရဲတပ်ဖွဲ့တို့ ရောက်ရှိလာသဖြင့် အနီးအနားမှ ရွာသူရွာသားများက ၎င်းတို့ကို မဟုတ်မမှန် စွပ်စွဲ၍ ဥပဒေမဲ့ ညှဉ်းပန်းနှိပ်စက်မည်ကို အင်မတန် စိုးရိမ်နေကြသည်ဟု ဒေသခံတစ်ဦးက ပြောပါသည်။ 

နယ်ခြားစောင့်ရဲများသည် ညနေစောင်း အချိန်တွင် သောက်စားမူးယစ်၍ အချင်းချင်း စကားများလေ့ရှိကြပြီး၊ ယခင်ကလည်း အချင်းချင်း ပစ်ခတ်သည်အထိ ဖြစ်ပွားခဲ့သည်များ ရှိခဲ့သောကြောင့် စစ်တပ်မှ ယနေ့ ဖြစ်စဉ်ကို သေချာ လေ့လာစုံစမ်းရန် လိုအပ်ပေသည်။

RB News

2.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ်သို့ အောက်တိုဘာလ ၉ ရက်နေ့တွင် ဖြစ်ပွားခဲ့သော ဖြစ်စဉ်နောက်ပိုင်း အာဏာပိုင်များ၏ ဒေသခံများအပေါ် ဥပဒေမဲ့ လူ့အခွင့်အရေး ချိုးဖောက်ခဲ့မှုများကို လေ့လာစုံစမ်းရန် အတွက် ကုလသမဂ္ဂ၏ မြန်မာနိုင်ငံဆိုင်ရာ ဌာနေညှိနှိုင်းရေးမှူးနှင့် သံတမန်များ အဖွဲ့တစ်ဖွဲ့သည် ပြည်ထောင်စု ၀န်ကြီး အချို့နှင့်အတူ ယနေ့နံနက် ၉ နာရီခွဲတွင် ရဟတ်ယာဉ်တစ်စီးဖြင့် ရောက်ရှိလာခဲ့သည်။ ရဟတ်ယာဉ်သည် ကျီးကန်ပြင်ရှိ နယ်ခြားစောင့်ရဲတပ်ဖွဲ့ ဌာနချုပ် အတွင်း ဆိုက်ရောက်ခဲ့ခြင်း ဖြစ်သည်။ 

အဆိုပါ အဖွဲ့သည် နယ်ခြားစောင့်ရဲတပ်ဖွဲ့ ဌာနချုပ်အတွင်းမှ နံနက် ၁၁ နာရီခွဲ အချိန်တွင် ထွက်ခွာလာပြီး ကျီးကန်းပြင် အရှေ့ရွာဖက်သို့ ကွင်းဆင်းခဲ့ရာ ဒေသခံရိုဟင်ဂျာ ၃၀၀ ခန့်သည် စစ်တပ်နှင့် နယ်ခြားစောင့်ရဲတို့၏ အမျိုးမျိုးသော ဟန့်တားမှုများကြားက လာရောက် တွေ့ဆုံခဲ့သည်။ ထိုသို့ လာရောက်တွေ့ဆုံခဲ့သည့် ဒေသခံများထဲတွင် အိမ်များမီးရှို့ခံခဲ့ရ၍ ထွက်ပြေးတိမ်းရှောင်နေရသည့် ဝါးပိတ်ကျေးရွာသူ ကျေးရွာသား အချို့လည်း ပါဝင်ခဲ့ကြောင်း သိရှိရသည်။

တစ်နာရီခွဲခန့် အချိန်ကြာခဲ့သော ထို့တွေ့ဆုံပွဲတွင် စစ်သားများနှင့် နယ်ခြားစောင့် ရဲတပ်ဖွဲ့ဝင်များ၏ မုဒိမ်းကျင့်ခံကြခဲ့သော အမျိုးသမီးများ ကိုယ်တိုင် ဖြစ်ရပ်မှန်ကို ရင်ဖွင့်ပြောပြခြင်း၊ ၎င်းတို့နေထိုင်ခဲ့ကြသော နေအိမ်များမှ နှင်ထုတ်ခံရခြင်း၊ လူမဆန်စွာ ညှဉ်းပန်းနှိပ်စက်ခံရခြင်း၊ အပြစ်မဲ့များ ဖမ်းဆီးချုပ်နှောင်ခံရခြင်း စသော လတ်တလော ခံစားနေရသည်များကို ထုတ်ဖော် ပြောကြားနိုင်ခဲ့သည်။ ကုလညှိနှိုင်းရေးမှူးနှင့် သံတမန်အဖွဲ့ မရောက်လာမီကတည်းက စစ်သားများနှင့် နယ်ခြားစောင့် ရဲတပ်ဖွဲ့များက အဆိုပါ ဒေသခံများ လာရောက်တွေ့ဆုံမည်ကို ကြောက်လန့်စေသော နည်းလမ်းများ အသုံးပြုပြီး ဟန့်တားခဲ့ကြသော်လည်း ဖြစ်ရပ်မှန်ကို သိစေလိုသော ဆန္ဒပြင်းပြသည့် ဒေသခံများသည် ၎င်းတို့ စုစည်းထားသော သတင်းအချက်အလက် များနှင့် မယ်မိုရီကတ်များကို အဖွဲ့ဝင်များ၏ လက်ထဲသို့ အရောက် ပေးနိုင်ခဲ့သည်ဟု ဒေသခံများက RB News သို့ပြောသည်။ ထို့နောက် နေ့လည် ၂ နာရီ မိနစ် ၃၀ တွင် အဆိုပါ အဖွဲ့သည် ရဟတ်ယာဉ်ဖြင့် ကြိမ်ချောင်း နယ်ခြားစောင့်ရဲတပ်ဖွဲ့ နယ်မြေရှိ လေယာဉ်ကွင်းသို့ ဆိုက်ရောက်လာပြီး ထိုမှတဆင့် ကား (၈) စီးဖြင့် ငါးစားကြူး ကျေးရွာရှိ ပြောင်းပိုက်ရွာသို့ တောက်လျှောက်သွားခဲ့သည်။ ယင်းကျေးရွာတွင်လည်း ဒေသခံ ၂၀၀ ကျော်နှင့် တွေ့ဆုံခဲ့သည်။ စစ်သားများ၏ မုဒိန်းကျင့်ခံခဲ့ရသော အမျိုးသမီးများ ကိုယ်တိုင် ၎င်းတို့အား မည့်ကဲ့သို့ မုဒိမ်းကျင့်ခဲ့ကြသည်ကို ရဲရဲဝင့်ဝင့် ရင်ဖွင့်ခဲ့ကြသည်။ 

"ရိုဟင်ဂျာ စကား နည်းနည်းလောက် တတ်တဲ့ ရခိုင်လေသံနဲ့ ဘာသာပြန်တစ်ဦးလည်း အတူပါတယ်။ သူကတော့ ဒေသခံတွေ ရင်ဖွင့်တာကို တလွဲစီ ဘာသာပြန်တာ တွေ့ရတော့ နောက်ဆုံးတွင် ကျနော်တို့မှာ ကြားဝင်ပြီး တတ်သလောက် ဝင်ပြောလိုက်ရတာပါ" ဟု ဒေသခံတစ်ဦးက ပြောသည်။ 

“သူတို့က ၃ နာရီလောက်မှာ ရောက်လာတယ်။ ကျနော်တို့ကျတော့ စုဆည်းထားတဲ့ သတင်းအချက် တစ်ချို့ကို အင်္ဂလိပ်လို ပေးခဲ့တယ်။ သူတို့လည်း လက်ခံရယူပြီး သူတို့ရဲ့ လက်ကိုင်အိတ်တွေထဲ သိမ်းထားပေးတယ်။ ပြီးတော့ သူတို့ကတော့ ၁၅ မိနစ်လောက်သာ နေပြီး ကြိမ်ချောင်းဘက်ကို ပြန်သွားတယ်" ဟု အဆိုပါ ဒေသခံက ဖြည့်စွက် ပြောကြားသည်။ ထို့နောက် ရဟတ်ယာဉ်ဖြင့် ငါးခူးရ၊ ကြက်ရိုးပြင် စသော ကျေးရွာများကို ဝေဟင်မှ ကြည့်ရှုခဲ့ကြောင်း သိရှိရသည်။

"သူတို့နဲ့ စကားပြောနေရင်း ရဲတွက ဓာတ်ပုံတွေ ရိုက်ထားတယ်။ အဲ့ဒီဟာကို ကျနော်တို့က အဖွဲ့ကိုလည်း ရှင်းပြထားတယ်။ ဒါပေမယ့်လည်း စိုးရိမ်းစရာကြီးပါ။ အဲဒီရဲတွေက နောက်မှ လာပြီး ပုဒ်မ အမျိုးမျိုးထည့်ပြီး ဖမ်းဆီးတတ်တယ်လေ။" ဟု အဆိုပါ ဒေသခံက စိုးရိမ်စွာဖြင့် ပြောသည်။ 

ကုလသမဂ္ဂ ညှိနှိုင်းရေးမှူးနှင့် သံတမန်အဖွဲ့က ဇင်ပိုင်ညာ၊ ကွဲတပြင်၊ လိပ်အိုင်၊ ကြက်ရိုးပြင်၊ ဒိုးတန်း၊ ငါးခူရ စသော ကျေးရွာမှာကို သွားရောက်မည်ဟု မီဒီယာများတွင် ဖော်ပြခဲ့သော်လည်း တကယ်တမ်းတွင် အစိုးရမှ လုံခြုံရေး အကြောင်းပြ၍ ထိခိုက်ပျက်စီးမှု အများဆုံးရှိသည့် ကျေးရွာများကို ခေါ်ဆောင်သွားခြင်း မရှိဟု ဒေသခံများက ဝေဖန် ပြောဆိုနေကြသည်။ 

ကြိမ်ချောင်းကျေးရွာသို့ ရောက်ရှိသည့် အချိန်တွင် အာဏာပိုင်များမှ စီစဉ်ထားသည့် အာဏာပိုင်များ၏ လက်ကိုင်တုတ်များဖြင့်သာ တွေ့ခွင့်ပေးခဲ့ပြီး၊ ကြိမ်ချောင်းမှ ဥက္ကဌဟောင်း ဦးအိဒိရိစ်ကို လိမ်ညာခိုင်းခဲ့သည်။

မြန်မာစစ်တပ်မှ မုဒိမ်းမှုပေါင်းများစွာ ကျူးလွန်ခဲ့သည့် ဦးရှည်ကျ ကျေးရွာသို့ ကုလနှင့် သံတမန်အဖွဲ့ကို လုံးဝ ခေါ်ဆောင် သွားခြင်းမရှိသလို၊ ရိုဟင်ဂျာပေါင်းများစွာကို သတ်ဖြတ်ခဲ့သည့်ရွာ၊ တစ်ရွာလုံးနီးပါး မီးရှို့ဖျက်ဆီးခဲ့သည့် ကြက်ရိုးပြင်ကျေးရွာ တို့ကို လုံးဝ ခေါ်ဆောင် သွားခြင်း မရှိသည်မှာ မြန်မာအစိုးရ၏ မရိုးသားမှုသာ ဖြစ်သည်ဟု ဒေသခံများက ပြောပါသည်။ 

ကုလနှင့် သံတမန်များ အဖွဲ့ ကျီးကန်းပြင် ကျေးရွာမှ ထွက်ခွာသွားပြီးနောက် ကျီးကန်းပြင် အနောက်ရွာမှ ရွာသူရွာသား ၃၀၀ ကျော်ကို စစ်သားများက ၃ နာရီကျော် ဖမ်းဆီးထားခဲ့သည်။ ၎င်းတို့ကို ပြန်လည် လွှတ်ပေးခဲ့သော်လည်း အဖွဲ့နှင့် ပြောဆိုခဲ့သည့် ဒေသခံများကို ဖမ်းဆီးရန် ရှာဖွေလျက် ရှိသည်ဟု ဒေသခံတစ်ဦးက RB News သို့ပြောသည်။ 

ကုလသမဂ္ဂ ညှိနှိုင်းရေးမှူးနှင့် သံတမန်များ အဖွဲ့၏ ခရီးစဉ်နှင့် ပတ်သက်၍ နိုင်ငံပိုင်မီဒီယာများတွင် ဖော်ပြထားသည်နှင့် လက်တွေ့ မြေပြင်တွင် ဒေသခံရိုဟင်ဂျာများ တွေ့ဆုံ၍ ပြောဆိုထားသည်များမှာ အလွန်ပင် ကွာခြားလျက် ရှိပြီး၊ အစိုးရအနေဖြင့် မိမိတို့ ကျူးလွန်ထားသော ရာဇ၀တ်မှုများကို ပွင့်ပွင့်လင်းလင်း ၀န်ခံရန် လိုအပ်ကြောင်း မောင်တောမြို့နယ် အခြေအနေကို စောင့်ကြည့်လေ့လာနေသည့် လူ့အခွင့်အရေး လှုပ်ရှားသူများက ပြောပါသည်။ 

ကိုဇော်ဝင်းလှိုင်

ဗွီအိုအေမြန်မာပိုင်း

2.11.2016

ရခိုင်ပြည်နယ် မောင်တောမြို့နယ် အတွင်းမှာရှိတဲ့ နယ်ခြားစောင့် ကင်းစခန်းတွေ အောက်တိုဘာလ ၉ ရက်နေ့က တိုက်ခိုက်ခံ ရပြီးတဲ့နောက် အစိုးရ တပ်ဖွဲ့တွေက နယ်မြေ ရှင်းလင်းရေး လုပ်ဆောင်တဲ့ နေရာမှာ လူ့အခွင့်အရေး ချိုးဖောက်မှုတွေ ရှိခဲ့ကြောင်း သတင်းတွေ ထွက်ပေါ်နေတဲ့ ကိစ္စကို လေ့လာဖို့ အတွက် ရခိုင်ပြည်နယ်ကို ဗုဒ္ဓဟူးနေ့မှာ သွားရောက်ကြမယ့် နိုင်ငံတကာ သံတမန်အဖွဲ့မှာ အမေရိကန် သံအမတ်ကြီး Scot Marciel လည်း လိုက်ပါ သွားမှာဖြစ်ကြောင်း အမေရိကန်နိုင်ငံခြားရေးဌာနက ပြောပါတယ်။ အပြည့် အစုံကိုတော့ ကိုဇော်ဝင်းလှိုင်က တင်ပြပေးပါမယ်။

ရခိုင်ပြည် ဘူးသီးတောင်၊ မောင်တောဒေသမှာ လုံခြုံရေးတပ်ဖွဲ့တွေက နယ်မြေရှင်းလင်းရာမှာ အရပ်သားတွေအပေါ် ဥပဒေမဲ့ သတ်ဖြတ်တာ၊ ဖမ်းဆီးတာနဲ့ မွတ်ဆလင် အမျိုးသမီးတွေကို အဓမ္မ ပြုကျင့်မှုတွေ ရှိကြောင်း သတင်းတွေ ထွက်ပေါ်နေတာနဲ့ ပတ်သက်လို့ ကုလသမဂ္ဂ အပါအ၀င် နိုင်ငံတကာအသိုင်းဝိုင်း အဲဒီ ဒေသမှာ သွားရောက်လေ့လာခွင့်ပြုဖို့ တောင်းဆိုတာကြောင့် ကုလသမဂ္ဂ ဌာနေ ညှိနှိုင်းရေးမှူး Ms. Renata Desssallien ဦးဆောင်ပြီး အမေရိကန်ပြည်ထောင်စု၊ အီးယူ၊ ဗြိတိန်၊ တရုတ်နိုင်ငံတို့က ထိပ်တန်း နိုင်ငံတကာသံတမန် ၁၀ ဦးကို မြန်မာအစိုးရ တာဝန်ရှိသူတွေက ဒီကနေ့ နိုဝင်ဘာလ ၂ ရက်နေ့မှာ ခေါ်ဆောင်သွားမှာ ဖြစ်ပါတယ်။

ဒီခရီးစဉ်မှာ မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel လည်း လိုက်ပါသွားမှာဖြစ်ကြောင်း အမေရိကန်နိုင်ငံခြားရေးဌာန အရှေ့အာရှနဲ့ ပစိဖိတ်ရေးဌာနက ပြောခွင့်ရအမျိုးသမီးက ဗွီအိုအေကို ပြောပါတယ်။

“ရခိုင်ပြည်နယ်မြောက်ပိုင်းက အခြေအနေတွေကို လေ့လာဖို့ အခု သီတင်းပတ် အတွင်း သွားကြမယ့် နိုင်ငံတကာ သံတမန်အဖွဲ့နဲ့အတူ သံအမတ်ကြီး Scot Marciel လည်း လိုက်သွားမှာ ဖြစ်ပါတယ်။”

သံအမတ်ကြီး Scot Marciel ဟာ ပြီးခဲ့တဲ့ ရက်ပိုင်းအတွင်းကပဲ ရှမ်းပြည်နယ်ကို သွားရောက်ခဲ့သူ ဖြစ်ပါတယ်။

ဒီခရီးစဉ်မှာ မြန်မာအစိုးရဖက်က နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ နိုင်ငံခြားရေးဝန်ကြီးဌာနက ဒုတိယ၀န်ကြီး ဦးကျော်တင့်နဲ့ တခြား တာဝန်ရှိသူတွေ လိုက်ပါ သွားကြမယ်လို့ ပြန်ကြားရေး ၀န်ကြီးဌာန ညွန်ကြားရေးမှူး ဦးသက်ဆွေက ဗွီအိုအေကို တနင်္လာနေ့က ပြောပြခဲ့ပါတယ်။

Brad Adams ဟာ HRW လူ့အခွင့်အရေး စောင့်ကြည့်ရေးအဖွဲ့က အာရှရေးရာ ညွန်ကြားရေးမှူး ဖြစ်ပါတယ်။ သူက အခု ရခိုင်ပြည်ကို သွားကြမယ့် နိုင်ငံတကာ သံတမန်တွေအနေနဲ့ ဟိုရောက်တဲ့အခါ ဒေသခံတွေနဲ့ သီးခြား တွေ့ဆုံ မေးမြန်း သင့်တယ်လို့ အကြံပြုပါတယ်။

“ပထမဆုံးအဆင့် သူတို့လုပ်ဆောင်သင့်တဲ့အချက်ကတော့ ဒေသခံတွေနဲ့ ယုံကြည်စိတ်ချစွာ စကားပြောနိုင်ဖို့အတွက် အစိုးရနဲ့ စစ်တပ်က အရာရှိတွေ ထံကနေ သီးခြား ခွဲထွက်နေသင့်ပါတယ်။ သူတို့အနေနဲ့ ဒေသခံတွေကို အစိုးရ အရာရှိတွေရှေ့မှာ တွေ့ဆုံမယ်ဆိုင်ရင် ဒေသခံတွေက စကားပြောဖို့ အတွက် ကြောက်ရွံ့နေကြပါလိမ့်မယ်။ ဒါဟာ ဘယ်နိုင်ငံမှာမဆို အဲဒီလို ဖြစ်လေ့ ရှိတာကြောင့် မြန်မာနိုင်ငံမှာ ဆိုရင်လည်း အဲဒီလို ဖြစ်မှာ သေချာပါတယ်။ ဒုတိယအဆင့်အနေနဲ့ကတော့ HRW ရဲ့ အစီရင်ခံစာထဲမှာ ဖော်ပြထားသလို ရခိုင်ပြည် မြောက်ပိုင်းက မီးရှို့ခံရတယ်ဆိုတဲ့ ရွာတွေ ရှိတဲ့နေရာ၊ အမျိုးသမီးတွေ အဓမ္မပြုကျင့်ခံရတယ် ဆိုတဲ့ ဒေသတွေကို သွားရောက် လေ့လာသင့်ပါတယ်။ သူတို့အနေနဲ့ အောက်တိုဘလာ ၉ ရက်နေ့က ဒီပြဿနာ စဖြစ်တဲ့ နေရာကိုလည်း သွားလေ့လာသင့်ပါတယ်။ ပြဿနာ စဖြစ်ပြီးတဲ့နောက်မှာ နောက်ဆက်တွဲ ပြဿနာ ဖြစ်ခဲ့တဲ့ နေရာတွေကို သွားယုံနဲ့တင် မပြည့်စုံပါဘူး။”

ရခိုင်ပြည်နယ်အတွင်း လူ့အခွင့်အရေး ချိုးဖောက်မှုတွေ ရှိတယ်ဆိုတဲ့ သတင်းတွေ ထွက်ပေါ်နေတာနဲ့ ပတ်သက်လို့ - မြန်မာအစိုးရအနေနဲ့ ကုလသမဂ္ဂရဲ့ အကူအညီနဲ့ နိုင်ငံတကာ လေ့လာသူတွေ ရခိုင်ပြည်နယ်အတွင်း သွားရောက် လေ့လာခွင့် ပြုသင့်ကြောင်း HRW လူ့အခွင့်ရေး စောင့်ကြည့်ရေး အဖွဲ့က အောက်တိုဘာလ ၃၁ ရက်နေ့မှာ တောင်းဆိုခဲ့သလို - အဲဒီ တောင်းဆိုချက် ထဲမှာပဲ မောင်တောမြို့နယ် အတွင်းမှာ ရှိတဲ့ ကြက်ရိုးပြင်၊ ပြောင်ပစ်၊ ၀ါးပိတ် စတဲ့ ရွာ ၃ ရွာမှာ အောက်တိုဘာလ ၂၂ ရက်နေ့က မီးလောင်နေတဲ့ ဂြိုလ်တုပုံတွေနဲ့ တကွ ကိုးကားပြီး ဖော်ပြထားတာ ဖြစ်ပါတယ်။

ဒီခရီးစဉ်အတွင်း ဒေသခံတွေအနေနဲ့ အကူအညီတွေ ဘယ်လောက်အထိ အရေးတကြီး လိုအပ်နေတယ် ဆိုတာကိုလည်း နိုင်ငံတကာ အသိုင်းဝိုင်းက သိရှိခွင့်ရနိုင်မယ်လို့ Brad Adams က ထောက်ပြပါတယ်။

“ဒီခရီးစဉ်ကနေ သိရှိနိုင်မယ့် အရေးကြီးဆုံး ကိစ္စတခုကတော့ - ဒေသခံတွေအနေနဲ့ လူသားချင်း စာမှုဆိုင်ရာ အကူအညီတွေ ဘယ်လောက်အထိ လိုအပ်နေသလဲ ဆိုတဲ့ ကိစ္စဖြစ်ပါတယ်။ အကြမ်းဖက်မှုတွေကနေ ထွက်ပြေးသွားကြတဲ့ သူတွေဟာ လယ်ကွင်းတွေထဲမှာ အိပ်နေကြရတယ်၊ ဆေးဝါး၊ အစားအစာနဲ့ တခြား အကူအညီတွေ အရေးတကြီး လိုအပ်နေတယ်ဆိုတဲ့ သတင်းတွေ ကျနော်တို့ ကြားနေရပါတယ်။ သူတို့လိုနေတဲ့ အကူအညီတွေကို မဆိုင်းမတွ အမြန်ဆုံး ပို့ပေးဖို့ အင်မတန် အရေးကြီးပါတယ်။ တရက်နောက်ကျသွားတဲ့ အတွက် လူတွေ အသက်ဆုံးရှုံးရတဲ့ အခြေအနေအထိ ဖြစ်သွားနိုင်ပါတယ်။”

အခုချိန်ထိတော့ မောင်တောဒေသ အကြမ်းဖက် တိုက်ခိုက်မှုတွေနဲ့ ဆက်နွယ်ပြီး ဖမ်းဆီးထားသူ ၆၀ ကျော် ရှိသွားပြီဖြစ်ကြောင်းနဲ့ ဖမ်းဆီးထား သူတွေကို ဒေသ တွင်းက ရဲစခန်းတွေမှာ ထိန်းသိမ်းထားပြီး ပြစ်မှုဆိုင်ရာ စွဲချက်တွေနဲ့အညီ အရေးယူ သွားမှာဖြစ်ကြောင်း ရခိုင်အစိုးရ တာဝန်ရှိသူက နိုဝင်ဘာလ ၁ ရက်နေ့က ဗွီအိုအေကို ပြောကြားခဲ့ပါတယ်။

လူ့အခွင့်အရေး ချိုးဖောက်မှုတွေနဲ့ ပတ်သက်လို့ မကြာသေးခင်က သတင်းတွေ ထွက်ပေါ်ခဲ့တဲ့အပေါ် အမေရိကန်ပြည်ထောင်စုအနေနဲ့စိုးရိမ်မကင်း ဖြစ်မိကြောင်း၊ ဒီကိစ္စကို ကိုင်တွယ်တဲ့နေရာမှာ အစိုးရအနေနဲ့ ထင်သာ မြင်သာရှိပြီး တရားဥပဒေနဲ့အညီ လုပ်ဆောင်ဖို့ တိုက်တွန်းကြောင်း အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် John Kirby က တနင်္လာနေ့မှာ ပြုလုပ်တဲ့ ပုံမှန် သတင်းစာ ရှင်းလင်းပွဲအတွင်း ပြောကြားခဲ့ပါတယ်။

RB News

2.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ်သို့ ယနေ့ နိုဝင်ဘာလ (၂) ရက်နေ့ သို့မဟုတ် မနက်ဖြန် ရောက်ရှိလာရန်ရှိမည့် ကုလသမဂ္ဂနှင့် သံတမန်များ စုံစမ်းရေးအဖွဲ့နှင့် လုံးဝ မတွေ့ဆုံရန် ဒေသခံရိုဟင်ဂျာများကို မောင်တောမှ စစ်တပ် ဦးဆောင်သော ဒေသခံ အာဏာပိုင်များက အထူး ဖိအားပေးနေကြောင်း သတင်းရရှိပါသည်။

နိုဝင်ဘာလ ၁ ရက်နေ့၊ နေဝင်ချိန်မှ စ၍ စစ်တပ်ဦးဆောင်သော ဒေသခံအာဏာပိုင်များက မောင်တောမြောက်ပိုင်းရှိ ကြက်ရိုးပြင်ကျေးရွာအုပ်စု၊ ငါးစားကြူးကျေးရွာအုပ်စုနှင့် ယင်းကျေးရွာအုပ်စုမှ ပြောင်းပြိုက်ရွာ၊ ဦးရှည်ကျကျေးရွာအုပ်စု များသို့ ဝင်ရောက်လာပြီး ရောက်ရှိလာမည့် ကုလသမဂ္ဂနှင့် သံတမန်များ စုံစမ်းရေးအဖွဲ့နှင့် လုံးဝမတွေ့ဆုံရန် ကျေးရွာသူ ကျေးရွာသားများကို ဖိအားပေးနေကြောင်း သိရှိရသည်။ အဆိုပါ ကျေးရွာများသည် အောက်တိုဘာလ ၉ ရက်နေ့ ဖြစ်စဉ်နောက်ပိုင်း ဒေသခံအာဏာပိုင်များ၏ လူမဆန်သော ရက်စက်ကြမ်းကြုတ်မှုများကို ဆိုးရွားစွာ ခံစားခဲ့ရသည့် ကျေးရွာများ ဖြစ်ကြသည်။ 

ထို့အပြင် အင်အား ၁၀၀ ခန့်ရှိသော စစ်တပ်ဦးဆောင်သော ဒေသအာဏာပိုင် အဖွဲ့က ပြောင်းပြိုက်ကျေးရွာသို့ ၀င်ရောက်၍ ကလေးများပါမကျန် ရွာသူရွာသားများ အားလုံးကို ယင်းကျေးရွာမှ အတင်းအဓမ္မ နှင်ထုတ်လိုက်သည်။ အဆိုပါ နှင်ထုတ်ခံရသူ အများအပြားသည် စပါယ်ကုံးကျေးရွာနှင့် ဒိုးတန်းကျေးရွာ ဖက်သို့ ကူးပြောင်းသွားရပြီး အချို့မှာမှု စပါးခင်းထဲ၌ ချမ်းအေးသော ညကို ဖြတ်သန်းခဲ့ရသည်ဟု အဆိုပါ ကျေးရွာသား တစ်ဦးက RB News သို့ပြောသည်။ ယခုအခါ ပြောင်းပြိုက်ကျေးရွာတွင် စစ်သားနှင့် နယ်ခြားစောင့်ရဲမများမှအပ မည်သည့် ရိုဟင်ဂျာမှ မရှိဟုဆိုသည်။ အလားတူ ဝါးပိတ် ကျေးရွာတွင်လည်း လုံခြုံရေး တင်ကျပ်စွာ ချထားကြောင်း သိရှိရပါသည်။

ထိုသို့ ရွာလုံးကျွတ် နှင်ထုတ်လိုက်သော ပြောင်းပြိုက်ကျေးရွာမှ ရိုဟင်ဂျာတို့၏ နေအိမ်များတွင် အာဏာပိုင်များက ဟိန္ဒူလူမျိုးများကို အစားထိုးပြီး ကုလသမဂ္ဂ စုံစမ်းရေးအဖွဲ့နှင့် ရိုဟင်ဂျာ အယောင်ဆောင်၍ တွေ့ဆုံပေးရန် စီစဉ်နေခြင်းသာ ဖြစ်သည်ဟု မောင်တောအခြေစိုက် လူ့အခွင့်အရေးစောင့်ကြည့် လေ့လာနေသူ တစ်ဦးက ပြောပြပါသည်။ 

ဒေသခံအာဏာပိုင်များ၏ လူမဆန်သော ရက်စက်ကြမ်းကြုတ်မှုများကို ဆိုးရွားစွာ ခံစားခဲ့ရသည့် ကျေးရွာသူ ကျေးရွာသားများက ၎င်းတို့၏ မေ့ရခက်သော နေ့ညများအကြောင်းကို ကုလသမဂ္ဂနှင့် သံတမန်များအဖွဲ့အား ရင်မဖွင့်နိုင်မည်ကို အထူးစိုးရိမ်နေကြသည်ဟု ဒေသခံများက ပြောပါသည်။

အောက်တိုဘာလ ၉ ရက်နေ့ ဖြစ်စဉ်နောက်ပိုင်း စစ်တပ်၏ နယ်မြေရှင်းလင်းရေး ခေါင်းစဉ်အောက်တွင် အတည်ပြုနိုင်ပြီးသော သတင်းများအရ မွေးကင်းစ ကလေးငယ် အပါအဝင် သက်ကြီးရွယ်အိုများ၊ အမျိုးသမီးများ စသည့် အပြစ်မဲ့ ရိုဟင်ဂျာပေါင်း ၁၀၀ ကျော် အသတ်ခံခဲ့ရပြီး အမျိုးသမီးပေါင်း များစွာလည်း စစ်တပ်၏ အဓမ္မ မုဒိမ်းကျင့်ခြင်းကို ခံခဲ့ရသည်။ ထို့အပြင် ရိုဟင်ဂျာများ၏ နေအိမ်ပေါင်း ၁၀၀၀ ကျော်၊ ဆိုင်ခန်းပေါင်း ၂၀၀ ကျော်တို့ မီးရှို့ခံခဲ့ရပြီး၊ လူပေါင်း ၁၀၀၀၀ ကျော် အိုးမဲ့ အိမ်မဲ့ ဖြစ်နေရပါသည်။ ကျီးကန်းပြင် အလယ်ရွာမှ ကျေးရွာသူကျေးရွာသားများလည်း ကွပ်ကဲရေးမှူး ရဲမှူးချုပ်သူရစန်းလွင်၏ အမိန့်ဖြင့် နေအိမ်များမှ နှင်ထုတ်ခံခဲ့ရသည်။ 

RB News

1.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ်သို့ ကုလသမဂ္ဂမှ ရောက်ရှိလာရန် ရှိသည့် ကုလသမဂ္ဂ စုံစမ်းရေးအဖွဲ့နှင့် ဟန်ပြတွေ့ဆုံပေးရန် ဒေသဆိုင်ရာ အာဏာပိုင်များက ဟိန္ဒူလူမျိုးများကို အသုံးပြုရန်ရှိသည်ဟု သတင်းထွက်ပေါ်နေလျက်ရှိပါသည်။

အောက်တိုဘာလ ၉ ရက်နေ့တွင် မောင်တောမြို့နယ်နှင့် ရသေ့တောင်မြို့နယ်များရှိ နယ်ခြားစောင့်ရဲတပ်ဖွဲ့ ဌာနချုပ်နှင့် ကင်းစခန်း အချို့ တိုက်ခိုက်ခံခဲ့ရပြီးနောက် မြန်မာစစ်တပ်၊ နယ်ခြားစောင့်ရဲတပ်ဖွဲ့နှင့် န.တ.လ ရွာသားများ ပူးပေါင်း၍ နယ်မြေရှင်းလင်းရေးဟု ဆိုကာ မွေးကင်းစ ကလေးအပါအဝင် အမျိုးသမီးများ၊ သက်ကြီးရွယ်အိုများစသည့် အပြစ်မဲ့ ဒေသခံ ရိုဟင်ဂျာ တစ်ရာကျော်ကို သတ်ဖြတ်၍ အစုလိုက်အပြုံလိုက် မြုပ်နှံခဲ့ခြင်း၊ အပြစ်မဲ့ ဒေသခံရိုဟင်ဂျာများကို အထောက်အထားမဲ့ စွပ်စွဲ၍ ဖမ်းဆီးခြင်း၊ အမျိုးသမီးများစွာကို အတင်းအဓမ္မ မုဒိမ်းကျင့်ခြင်း၊ ရိုဟင်ဂျာများ၏ အိုးအိမ်ပေါင်း အနည်းဆုံး ၁၀၀၀ ခန့်၊ ဆိုင်ခန်းပေါင်း ၂၀၀ နီးပါး မီးရှို့လိုက်ခြင်း၊ နေအိမ်မှ အတင်း နှင်ထုတ်လိုက်ခြင်း၊ အိုးမဲ့အိမ်မဲ့ ဖြစ်နေသူများကို စားနပ်ရိက္ခာ ပြတ်လပ်အောင် တမင်းရည်ရွယ်ချက်ရှိရှိ လုပ်ဆောင်ခြင်း စသည် တို့ကို မင်းမဲ့စရိုက်ဆန်ဆန် ကျူးလွန်ခဲ့ပြီး၊ ယခုတိုင် ဆက်လက်ကျူးလွန်လျက် ရှိသည်။

မြန်မာအဏာပိုင်များ၏ အပြစ်မဲ့ မောင်တော ဒေသခံရိုဟင်ဂျာများ အပေါ် ဥပဒေမဲ့ ကျူးလွန်နေခဲ့မှုကို ကမ္ဘာ့ကုလသမဂ္ဂ အဖွဲ့မှ စုံစမ်းစစ်ဆေးရန် လာမည့် ရက်ပိုင်းတွင် ရောက်ရှိလာရန် ရှိသဖြင့် မောင်တော ဒေသမှ အာဏာပိုင်များက ၎င်းတို့ ကျူးလွန်ခဲ့မှုများကို ဖုံးကွယ်ရန် ကြိုးစားသည့်အနေဖြင့် ရိုဟင်ဂျာများနှင့် ဘာသာစကား ရုပ်ရည်သွင်ပြင် တူညီသည့် ဒေသခံ ဟိန္ဒူဘာသာဝင်များကို အသုံးပြုရန် ကြံစည်လျက် ရှိနေကြောင်း မောင်တော အခြေစိုက် လူ့အခွင့်အရေး စောင့်ကြည့်လေ့လာနေသူ များက RB News သို့ ပြောပါသည်။

"ဟိန္ဒူတွေကို သင်တန်းပေးနေတယ်လို့ ကြားတယ်။ ကုလသမဂ္ဂ ကိုယ်စားလှယ်တွေနဲ့ သူတို့သင်တန်းထားတဲ့ ဟိန္ဒူတွေကို ရိုဟင်ဂျာ အယောင်ဆောင်ခိုင်းပြီး တွေ့ပေးမှာပေါ့။ အဲဒီ ဟိန္ဒူတွေကလည်း ရိုဟင်ဂျာ အယောင်ဆောင်ပြီး သူတို့ကို အာဏာပိုင်တွေက ဘာမှ ဒုက္ခမပေးကြောင်း ထွက်ဆိုပေးမယ်။ ပွင့်ပွင့်ပြောရရင် ဇတ်လမ်း ရိုက်မှာပေါ့ဗျာ'' ဟု လူ့အခွင့်အရေး စောင့်ကြည့် လေ့လာနေသူ တစ်ဦးက ပြောသည်။ 

လတ်တလော ထွက်ပေါ်နေသည့် သတင်းအရ ဟိန္ဒူအမျိုးသမီးများကို အစ္စလာမ်ဘာသာဝင်များ ခြုံသည့် ဘုရ်ကာဝတ်ရုံကို ခြုံပေးပြီး ရိုဟင်ဂျာ အမျိုးသမီးအသွင်ဖြင့် ကုလသမဂ္ဂ အဖွဲ့နှင့် တွေ့ဆုံပေးပြီး ရိုဟင်ဂျာအမျိုးသမီးများ အပေါ် စစ်တပ်မှ မုဒိမ်းကျင့်ခဲ့သည်ကို ဖုံးကွယ်ရန် ကြိုးစားနေကြောင်းပင် ဖြစ်သည်ဟု အဆိုပါ မောင်တော အခြေစိုက် လူ့အခွင့်အရေး စောင့်ကြည့်လေ့လာနေသူက ဖြည့်စွက် ပြောကြားပါသည်။

မြန်မာအစိုးရကလည်း ရောက်ရှိလာမည့် ကုလသမဂ္ဂ အဖွဲ့ကို လုံခြုံရေးအကြောင်းပြကာ ၎င်းတို့ခေါ်ဆောင်ရာသို့သာ သွားရမည်ဟု အကြောင်းပြထားသဖြင့် မောင်တော ဒေသခံရိုဟင်ဂျာများက ၎င်းတို့ခံခဲ့ရသည့်၊ ခံစားနေရသည့် မတရားမှုများနှင့်ပတ်သက်၍ ကုလသမဂ္ဂ အဖွဲ့အား မပြောပြနိုင်မည်ကို အထူး စိုးရိမ်လျက်ရှိကြောင်း သိရှိရပါသည်။

RB News

1.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း၊ မောင်နှမ ကျေးရွာမှ အမျိုးသမီးများ၊ သက်ကြီးရွယ်အိုများ၊ ကလေးသူငယ်များနှင့် အမျိုးသားများကို စစ်သားများက အလွန်အကျွံ ညှဉ်းပန်းနှိပ်စက်ခဲ့ကြောင်း၊ ရွှေ၊ ငွေ စသည့် တန်ဖိုးရှိသော ပစ္စည်းအများအပြား လုယက်သွားခဲ့သည့် အပြင် အိမ်သုံး ပစ္စည်းများကိုလည်း ရစရာမရှိအောင် ဖျက်ဆီးပစ်လိုက်ကြောင်း သတင်းရရှိပါသည်။ 

အောက်တိုဘာလ ၃၁ ရက်နေ့၊ နံနက် ၆ နာရီခန့်အချိန်တွင် အင်အား ၁၅၀ နီးပါးရှိသော စစ်သားများနှင့် နယ်ခြားစောင့်ရဲများ ပူးပေါင်း၍ မောင်နှမ ကျေးရွာကို ဝိုင်းထားခဲ့သည်။ နံနက် (၇) နာရီခန့်အချိန်တွင် သေနတ် သုံးချက်ပစ်ဖောက်ခဲ့ပြီး ရွာထဲသို့ ဝင်ရောက်လာကာ တွေ့သမျှ ရွာသူရွာသားများကို ဖမ်းဆီးရိုက်နှက်၍ နေပူထဲတွင် နေလောင်ခံထားခိုင်းခဲ့သည်။

အထူးသဖြင့် အမျိုးသမီးများကို ကိုယ်ထိလက်ရောက် စော်ကားခဲ့ပြီး၊ အိမ်ထဲ တွေ့ရှိသမျှ အမျိုးသမီးများကို ဒရွတ်တိုက် ဆွဲပြီး ခေါ်လာကာ အလွန်ပူပြင်းသော နေရောင်အောက်တွင် စုထားခဲ့သည်။ နံနက် ၇ နာရီကျော်ခန့်မှစ၍ ခေါ်ထုတ်ခဲ့သည့် အမျိုးသမီးများကို စားသောက်ခွင့် မပေးဘဲ ညနေ ၄ နာရီအထိ နေပူပူထဲတွင် နေရောင် အလောင်ခံစေခဲ့သည်။ ထို့အပြင် ရိုင်းရိုင်းစိုင်းစိုင်း ညှစ်ညမ်းစွာ ဆဲဆိုစော်ကားခဲ့သည်ဟု မောင်နှမရွာသား တစ်ဦးက RB News သို့ပြောသည်။

အမျိုးသမီးများကို ထိုသို့ လူမဆန်စွာ ရက်စက်နေသည်ကို မြင်သောအခါ ကျန်ရွာသူရွာသားများသည် မိမိအိမ်များကို စွန့်ခွာ၍ ရွာအပြင်ဖက်ရှိ လယ်ကွင်းများသို့ ထွက်ပြေးနေခဲ့ရသည်ဟု ထွက်ပြေးနေခဲ့ရသူ တစ်ဦးက ပြောပြသည်။ ထို့အပြင် အသက် ၁၈ နှစ်အောက် ကလေးသူငယ်များစွာကိုလည်း လူမဆန်စွာ ရိုက်နှက်ခဲ့သည်ဟု ရွာသားများက ပြောပါသည်။

စစ်သားများနှင့် နယ်ခြားစောင့်ရဲများသည် အိမ်တိုင်းသို့ ဝင်ရောက်ပြီး အိမ်ထဲမှ ရွှေ့ပြောင်းနိုင်သော ပစ္စည်းများမှန်သမျှကို သိမ်းကာ စစ်ကားဖြင့် သယ်ဆောင်သွားခဲ့ကြသည်။ စစ်ကား ဆယ်စီးခန့်ဖြင့် သယ်ဆောင်ခဲ့ပြီး၊ မသယ်ဆောင်ချင်သော ပစ္စည်းများကို ပြန်လည် သုံး၍ မရအောင် ဖျက်ဆီးခဲ့သည်။

အမျိုးသား ၂ ဒါဇင်နီးပါးကိုလည်း ဖမ်းဆီး၍ တစ်နေကုန်နီးပါး ထိန်းသိမ်းထားကာ နောက်ဆုံးတွင် ရိုက်နှက်၍ ပြန်လွှတ်ပေးခဲ့သည်ဟု အဆိုပါ မောင်နှမရွာသားက ပြောပြသည်။

မောင်နှမကျေးရွာသို့ စစ်သားများနှင့် နယ်ခြားစောင့်ရဲများ ရောက်ရှိလာပြီး အပြစ်မဲ့ရွာသားများကို ရိုက်နှက်ခြင်း၊ ဖမ်းဆီးခြင်း၊ လုယက်ခြင်းများ ပြုလုပ်နေ၍ ရွာသူရွာသားများ အိုးအိမ်စွန့်ခွာ၍ ထွက်ပြေးနေရသည့် ဗီဒီယိုဖိုင်များနှင့် ဒေသခံများ၏ မျက်မြင်ကိုယ်တွေ့ များကိုပြောပြသော အသံဖိုင်များကို လက်ခံရရှိထားသည်ဟု မောင်တောအခြေစိုက် လူ့အခွင့်အရေး စောင့်ကြည့်လေ့လာနေသူများက RB News သို့ပြောပါသည်။

RB News

1.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြို့မရွာသစ်ကေ ရပ်ကွက် အုပ်ချုပ်ရေးမှူးက စစ်တပ်မှ အမိန့် ပေးနေသည်များကို အခွင့်ကောင်းယူ၍ ငွေညှစ်နကြောင်း သတင်း ရရှိပါသည်။

အောက်တိုဘာလ (၂၈) ရက်နေ့မှ စ၍ မောင်တောမြို့နယ်၊ မြို့မ ရွာသစ်ကေ ရပ်ကွက်တွင် နယ်ခြားစောင့်ရဲတပ်ဖွဲ့ ကွပ်ကဲရေးမှူး ရဲမှူးချုပ်သူရစန်းလွင်၏ အမိန့်အရ လူနေအိမ်များ၏ မျက်နှာစာ ခြံစည်းရိုးများကို ပယ်ဖျက်ခဲ့ပြီး ဖြစ်သည်။

အောက်တိုဘာလ (၃၀) ရက်နေ့တွင် အုပ်ချုပ်ရေးမှူး ဦးဖော်ယာစ်က ရပ်ကွက်အတွင်းရှိ နေအိမ်တိုင်းမှ ငွေကျပ် နှစ်သောင်းစီ တောင်းခံလျက် ရှိကြောင်း ဒေသခံများက RB News သို့ပြောသည်။ ယခုအခါ နေအိမ်များ၏ ခြံစည်းရိုး မျက်နှာစာ တစ်ဖက်သာ ပယ်ဖျက်ခဲ့သော်လည်း ငွေမပေးပါက ခြံစည်းရိုး အားလုံး တစ်ခုမကျန် ပယ်ဖျက်ရမည် ဖြစ်ကြောင်း အကျပ်ကိုင်၍ ငွေညှစ်နေခြင်း ဖြစ်သည်ဟု ဆိုသည်။

ငွေကောက်ခံရသည့် အကြောင်းရင်းမှာလည်း အလိုတော်ပြည့် ဘုန်းကြီးကျောင်းတွင် စခန်းချနေသည့် တပ်မတော် အရာရှိက တောင်းခံနေ၍ ငွေကောက်ခံနေရခြင်း ဖြစ်ကြောင်း၊ တောင်းသလောက် ငွေမပေးပါက ရပ်ကွက် အတွင်းသို့ စစ်သားများ အချိန်မတော် ၀င်ရောက်၍ အေးအေးချမ်းချမ်း နေနိုင်မည် မဟုတ်ကြောင်း ခြိမ်းခြောက် ပြောဆိုလျက် ရှိသည်။ ရာအိမ်မှူး ဦးမာမတ်နှင့် ဆယ်အိမ်မှူး ဦးဒိလ်မာမတ်တို့က လိုက်လံ၍ ငွေကောက်ခံနေသည်ဟု ဒေသခံများက ပြောပါသည်။

ထို့အပြင် အဆိုပါ အုပ်ချုပ်ရေးမှူးက ယင်းကျေးရွာတွင် ယခင်ကတည်းက အိမ်ခြံမြေဝယ်ပြီး အခြားကျေးရွာများမှ တရားဝင် ပြောင်းရွေ့ လာရောက်နေထိုင်သူများထံမှလည်း ဧည့်စာရင်း အကြောင်းပြ၍ ငွေကျပ် တစ်သိန်းစီ ညှစ်ယူလျက်ရှိသည်။ ငွေမပေးပါက ရပ်ကွက်မှ ထွက်ခွာသွားရန် ဖိအားပေးနေသည်ဟု ဆိုသည်။ ထိုသို့ တရားဝင် ပြောင်းရွှေ့ နေထိုင်သူများ၏ သားသမီးများသည် နှစ်အစကပင် မြို့မ ရွာသစ်ကေရပ်ကွက်ရှိ စာသင်ကျောင်းတွင် တက်ရောက်၍ ပညာသင်ယူနေခြင်း ဖြစ်၍ ရပ်ကွက်အုပ်ချုပ်ရေးမှူး၏ ဖိအားပေးမှုကြောင့် သားသမီးများ၏ ပညာရေးအတွက် စိုးရိမ်နေရကြောင်း ဒေသခံတစ်ဦးက ပြောပါသည်။

ကိုမိုးဇော်

ဗွီအိုအေမြန်မာပိုင်း

31.10.2016

ရခိုင်ပြည်နယ်မှာ နယ်ခြားစောင့်ရဲတပ်ဖွဲ့ တိုက်ခိုက်ခံရမှုနဲ့ ပတ်သက်ပြီး နယ်မြေရှင်းလင်းစဉ်မှာ လူ့အခွင့်အရေး ချိုးဖောက်မှုတွေ ရှိခဲ့တယ်လို့ သတင်းတွေ ထွက်ပေါ်နေချိန်မှာပဲ ကုလသမဂ္ဂနဲ့ နိုင်ငံတကာ သံတမန်တွေ ပဋိပက္ခဖြစ်ပွားရာ ဒေသတွင်းကို ဒီသီတင်းပတ်ထဲ သွားရောက်နိုင်လိမ့်မယ်လို့ မျှော်လင့်ရပါတယ်။ လူ့အခွင့်အရေး လှုပ်ရှားသူတွေ ကတော့ မောင်တောဒေသ တိုက်ခိုက်မှုနောက်ပိုင်း စစ်ဆင်ရေးတွေမှာ လူ့အခွင့်အရေး ချိုးဖောက်မှုတွေ ရှိတဲ့အကြောင်း ဂြိုဟ်တု ဓာတ်ပုံတွေနဲ့တကွ ထပ်မံ သတင်းထုတ်ပြန်ခဲ့တာပါ။ အပြည့်အစုံကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ရခိုင်ပြည်နယ် ဘူးသီးတောင်၊ မောင်တောဒေသမှ လုံခြုံရေးတပ်ဖွဲ့တွေကနယ်မြေရှင်းလင်းရာမှာအရပ်သားတွေအပေါ် ဥပဒေမဲ့ သတ်ဖြတ်တာ၊ဖမ်းဆီးတာနဲ့ မူဆလင်အမျိုးသမီးတွေကို အဓမ္မ ပြုကျင့်မှုတွေ ရှိကြောင်း သတင်းတွေ ထွက်ပေါ်နေတာနဲ့ ပါတ်သက်ပြီး နိုင်ငံတကာက လွတ်လပ်တဲ့စုံစမ်းစစ်ဆေးမှုတွေ ကို ခွင့်ပြုဖို့အတွက် ကုလသမဂ္ဂတောင်းဆိုခဲ့သလို အမေရိကန်အစိုးရကလည်း ပွင့်လင်းမြင်သာတဲ့ စုံစမ်းစစ်ဆေးမှုတွေ ဆောင်ရွက်ဖို့ တိုက်တွန်းထားတာဖြစ်ပါတယ်။

ဒီတောင်းဆို တိုက်တွန်းတာနဲ့ပတ်သက်လို့ ဒီရက်ပိုင်းတွေအတွင်းမှာတော့ ကုလသမဂ္ဂဌာနေညှိနှိုင်းရေးမှုး Ms Renata Dessallien ဦးဆောင်ပြီး နိုင်ငံတကာသံတမန်တွေ ရခိုင်ပြည်နယ်ကို သွားရောက်ဖို့ ပြင်ဆင်နေကြောင်း ပြန်ကြားရေးဝန်ကြီးဌာနက ညွှန်ကြားရေးမှုး ဦးသက်ဆွေက ပြောပါတယ်။

“နိုဝင်ဘာ ၂ ရက်နေ့မှာ Renata ပါမယ်။ အဖွဲ့ဝင် စုစုပေါင်း သူတို့ အနောက်ကအဖွဲ့တွေရော သူတို့ စုစုပေါင်း ၁၀ ယောက်ဆိုပြီးတော့ ရာထားပြီးတော့ လုပ်နေတယ် သို့သော်လုပ်တုန်းပဲ။ ရခိုင်ပြည်နယ်မှာရှိတဲ့ စွတ်စွဲချက်တွေပေါ့ ၊ အဲဒီစွတ်စွဲချက်တွေနဲ့ ပတ်သက်ပြီးတော့မှ သူတို့ အဲဒီဟာကို ကိုယ်တွေ့မျက်မြင်သိအောင် အဲဒါတွေကို ကွင်းဆင်းသွားစစ်ဆေးမယ် သွားကြည့်မယ့်သဘောပါခင်ဗျ။ ဒီဘက်ကတော့ ဒုတိယ ဗိုလ်ချုပ်ကြီး ရဲအောင်၊ နယ်စပ်ဝန်ကြီးပါသွားမယ် ၊ နိုင်ငံခြားရေးဒုဝန်ကြီး ဦးကျော်တင့်ပါသွားမယ်၊ ဘူးသီးတောင် မောင်တောပါပဲခင်ဗျ။”

အောက်တိုဘာလ ၃၁ရက်နေ့မှာတော့ HRW ခေါ် လူ့အခွင့်အရေးစောင့်ကြည့်ရေးအဖွဲ့က အောက်တိုဘာလ ၂၂ ရက်နေ့မှာ ရခိုင်နယ်မြောက်ပိုင်းက ကြက်ရိုးပြင်၊ ပြောင်ပစ် (ငါးစားကြူး)၊ ၀ါးပိတ်(ကျီးကန်းပြင်) ရွာသုံးရွာမှာမီးလောင်နေတဲ့ ဂြိုလ်တုဓါတ်ပုံတွေကို ကိုးကားပြီး မြန်မာအစိုးရအနေနဲ့ ကုလသမဂ္ဂရဲ့စုံစမ်းစစ်ဆေးတာတွေကို လက်ခံဖို့ ထပ်မံတောင်းဆိုခဲ့ပါတယ်။

“ရခိုင်ပြည်နယ် မြောက်ပိုင်းက အနည်းဆုံးရွာ ၃ ရွာမှာ မီးလောင်ထိခိုက်ပျက်စီးမှုတွေ ရှိခဲ့တယ်ဆိုတာကတော့ ရှင်းပါတယ်။ ဒီနေရာတွေဟာ အရပ်သားတွေ တိုက်ခိုက်ခံရပြီး၊ ကျေးရွာတွေမီးရှို့ခံရတယ်လို့ တခြားသူတွေကလည်း ပြောဆိုနေကြတဲ့ ဒေသတွေပါ။ ဒါဟာ ဘက်လိုက်မှုမရှိတဲ့ စုံစမ်းစစ်ဆေးမှုတွေကို ခွင့်ပြုပြီး ရေဆုံးရေဖျား ဖော်ထုတ်ဖို့ မြန်မာအစိုးရအတွက် ဘယ်လောက် အရေးကြီးတယ် ဆိုတာကို ပြသရာလည်းရောက်ပါတယ်။ ပွင့်ပွင့်လင်းလင်း ပြောရမယ်ဆိုရင်တော့၊ မြန်မာအစိုးရအနေနဲ့ ဒီလို စုံစမ်းစစ်ဆေးမှုမျိုး လုပ်ဆောင်လိုပုံ မရတဲ့အတွက်လည်း ကျနော်တို့က စိုးရိမ်ပါတယ်။ ဒါကြောင့်လည်း ဒီကျေးရွာတွေမှာ ဘာတွေဖြစ်ခဲ့သလဲ၊ ဘယ်သူတွေမှာ တာဝန်ရှိသလဲ၊ ဒီရွာတွေက လူ့အခွင့်အရေး ချိုးဖောက်မှုတွေအတွက် ဘယ်သူတွေ တာဝန်ခံဖို့လိုသလဲ ဆိုတာတွေကို တိတိကျကျ ဖော်ထုတ်နိုင်အောင် မြန်မာအစိုးရ အနေနဲ့ ကုလသမဂ္ဂကို အကူအညီတောင်းဖို့ ကျနော်တို့က တိုက်တွန်းနေရတာပါ။”

ဒါကတော့ HRW အဖွဲ့ အာရှရေးရာ ဒုတိယညွှန်ကြားရေးမှူး Phil Robertson ပြောဆိုတာဖြစ်ပါတယ်။

မြန်မာအစိုးရတပ်မတော်ဖက်ကတော့ ဒီလိုမီးလောင်တာတွေနဲ့ပတ်သက်ပြီး အကြမ်းဖက် တိုက်ခိုက်သူတွေက ကျေးရွာတွေကို မီးရှို့ခဲ့တာတွေ ရှိကြောင်း ပြောဆိုတာတွေလည်း ရှိပါတယ်။ အထူးသဖြင့် အောက်တိုဘာလ ၁၂ရက်နေ့က ကျီးကန်းပြင်ရွာရှိ နယ်ခြားစောင့် ရဲကွပ်ကဲမှုဌာနချုပ်ကို တိုက်ခိုက်သူတွေဟာ ကျီးကန်ပြင်ရွာအနီးက ၀ါးပိတ်ကျေးရွာကို မီးရှိုသွားကြောင်း ထုတ်ပြန်ထားပါတယ်။

ဒီလိုအာဏာပိုင်တွေရဲ့ ပြောဆိုချက်တွေက ခိုင်လုံမှုမရှိတာကြောင့် နိုင်ငံတကာက စုံစမ်းစစ်ဆေးတာတွေကို ခွင့်ပြုသင့်ကြောင်း HRW အဖွဲ့ အာရှရေးရာ ဒုတိယညွှန်ကြားရေးမှူး Phil Robertson ဆက်ပြောပါတယ်။

“ဒီပြောဆိုချက်တွေဟာ စစ်တွေမြို့မှာ ရိုဟင်ဂျာတွေက သူတို့နေထိုင်ရာအရပ်တခုလုံးကို မီးတင်ရှို့ခဲ့တယ်လို့ ၂၀၁၂ ခုနှစ်မှာတုန်းက အစိုးရတာဝန်ရှိသူတွေ ပြောဖို့ကြိုးပမ်းခဲ့ဖူးတဲ့ အဓိပါယ်မဲ့ ပြောကြားချက်တွေနဲ့ တူနေပါတယ်။ တိတိကျကျ စုံစမ်းစစ်ဆေးမှုတွေ မရှိတဲ့ ဒီလိုပြောဆိုချက်တွေဟာ လက်ခံယုံကြည်နိုင်စရာလည်း မရှိပါဘူး။ မြန်မာအစိုးရတာဝန်ရှိသူတွေ အနေနဲ့ ဒီလိုစုံစမ်းစစ်ဆေးမှုမျိုး လုပ်ဆောင်နေတာ မရှိဘူးဆိုတာလည်း ရှင်းပါတယ်။ ဂြိုဟ်တုဓာတ်ပုံတွေအရ၊ ထိခိုက်ပျက်စီးမှု ပမာဏဟာ လူတွေထင်ထားတာထက် ပိုပြီးကြီးမားနေတာကိုလည်း တွေ့ရပါတယ်။ တကယ်တော့ ရခိုင်ပြည်နယ်မြောက်ပိုင်းက ဒီဒေသတွေမှာ ဖြစ်ပျက်နေတာတွေဟာ ဒီဓာတ်ပုံတွေထဲမှာထက်တောင် ပိုနိုင်တယ်လို့ ကျနော်တို့ယုံကြည်ပါတယ်။ ဒါကြောင့်လည်း နိုင်ငံတကာအသိုင်းအ၀ိုင်းကို ၀င်ခွင့်ပြုဖို့ လိုပါတယ်။ မီဒီယာတွေ၊ ကုလသမဂ္ဂနဲ့ လူသားချင်းစာနာမှု အကူအညီပေးရေး အေဂျင်စီတွေ၊ NGOs တွေနဲ့ တခြားအဖွဲ့အစည်းတွေ အနေနဲ့ အစိုးရနဲ့ နိုင်ငံတကာအသိုင်းအ၀ိုင်းကို တင်ပြနိုင်အောင် ကိုယ်တိုင်လေ့လာခွင့်၊ စုံစမ်းခွင့်ပေးရမှာ ဖြစ်ပါတယ်။”

HRW ခေါ် လူ့အခွင့်အရေးစောင့်ကြည့်ရေးအဖွဲ့ကတော့ သူတို့ ရရှိတဲ့ ဂြိုလ်တုဓါတ်ပုံတွေဟာ ဖြစ်ပျက်နေတဲ့ လူအခွင့်အရေးချိုးဖောက်မှုတွေရဲ့ အစွန်းထွက်လောက်သာဖြစ်နိုင်ကြောင်းနဲ့ မြန်မာအစိုးရအနေနဲ့ အောက်တိုဘာ၉ရက်နေ့က နယ်ခြားစောင့်ရဲတပ်ဖွဲ့ကို တိုက်ခိုက်သူတွေကို ဖော်ထုတ်ဖို့ တာဝန်ရှိသလို လူ့အခွင့်အရေးချိုးဖောက်တဲ့ လုံခြုံရေးတပ်ဖွဲ့ဝင်တွေကိုလည်း ဖော်ထုတ်ဖို့ တာဝန်ရှိကြောင်း ထုတ်ပြန်ထားပါတယ်။

မြန်မာ့တပ်မတော်ကတော့ အောက်တိုဘာ ၂၇ရက်နေ့ကနတ်မြစ်အတွင်း ဖမ်းဆီးရမိသူ ၅ဦးအနက်က ၃ယောက်နဲ့ အောက်တိုဘာ ၁၄ရက်က ဖမ်းဆီးထားသူ၁ဦးကို အကြမ်းဖက်မှုဖြစ်စဉ်မှာ မပါဝင်တဲ့အတွက် ပြန်လည်လွှတ်ပေးခဲ့ကြောင်း သတင်းထုတ်ပြန်ထားပါတယ်။

RB News

31.10.2016

ငါးခူရ၊ မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ငါးခူရကျေးရွာတွင် ယမန်နေ့ အောက်တိုဘာလ (၃၀) ရက်နေ့က ဒေသခံရိုဟင်ဂျာများ၏ နေအိမ် တစ်လုံးနှင့် ဆိုင်ခန်းသုံးခန်း မီးရှို့ခံခဲ့ရကြောင်း သတင်း ရရှိပါသည်။ 

ယမန်နေ့ အောက်တိုဘာလ (၃၀) ရက်နေ့ ည ၈ နာရီကျော် အချိန်တွင် မောင်တောမြို့နယ် မြောက်ပိုင်း ငါးခူရ ကျေးရွာမှ ဒေသခံ ရိုဟင်ဂျာများ၏ နေအိမ်တစ်လုံးနှင့် ဆိုင်ခန်းသုံးခန်းကို န.တ.လ ရွာသားများ ၀င်ရောက်ပြီး မီးရှို့ခဲ့သည်ဟု ယူဆကြောင်း ဒေသခံများက RB News သို့ပြောသည်။ 

“ည ၈ နာရီကျော်ကျော်မှာ ကားတစ်စီးနဲ့ န.တ.လ ရွာသားတွေ ၀င်လာတယ်။ သူတို့ထွက်သွားတာနဲ့ မီးစလောင်တာ။ ညမထွက်ရ အမိန့်ရှိတော့ ဘယ်သူမှ အပြင်ထွက်လို့ မရကြဘူး။ ဒါပေမယ့် န.တ.လ ရွာသားတွေ ကားနဲ့လာသွားတာတော့ ကျွန်တော်တို့ မြင်တယ်။ သူတို့လက်ချက်လို့ ကျွန်တော်တို့ ယူဆတယ်” ဟု ဒေသခံတစ်ဦးက ပြောသည်။ 

မီးရှို့ခံရသည့် အိမ်မှာ ဦးနူရူဒီးန်၏ နေအိမ်ဖြစ်ပြီး၊ ဆိုင်ခန်းများမှာ ဦးဆော်နာအုလ္လာ၏ သားပိုင်ဆိုင်သည့် ပရိဘောပဆိုင်၊ ဆံပင်ညှပ်ဆိုင်၊ ကွမ်းယာဆိုင်နှင့် အချိုရည်ဆိုင်တို့ဖြစ်သည်။ 

မီးစတင်လောင်ကျွမ်းသောအခါ ဒေသခံရိုဟင်ဂျာများက မီးငြိမ်းသတ်ရန် ကြိုးစားခဲ့သော်လည်း စစ်သားများက သေနတ် ပစ်ဖောက်နေသောကြောင့် မီးငြိမ်းသတ်ခွင့် မရခဲ့ကြောင်း၊ ဟိန္ဒူလူမျိုးများနှင့် စစ်သားများက မီးငြိမ်းသတ်ခဲ့သည်ဟု ဒေသခံများက ပြောပါသည်။ 

မောင်တောမြို့နယ် အမျိုးသားလွှတ်တော်ကိုယ်စားလှယ် ဦးကျော်ကျော်ဝင်းက ကိုယ့်အိမ်ကိုယ် မီးရှို့ခြင်း ဖြစ်သည်ဟု DVB သတင်းဌာနသို့ ပြောကြားမှုနှင့် ပတ်သက်၍ ရွာသားတစ်ဦးက “ကျွန်တော်တို့ ကိုယ့်အိမ်ကိုယ် မီးရှို့ရလောက်အောင် အသိဥာဏ်မဲ့နေသူတွေလည်း မဟုတ်ဘူး။ ကျွန်တော်တို့မှာ အိမ်လေးပြင်ရင်တောင် သက်ဆိုင်ရာ ခွင့်ပြုချက်ယူရတဲ့ အပြင် အရင်က န.စ.က၊ အခု နယ်ခြားစောင့်တပ်ကနေ ခွင့်ပြုချက် ယူနေရတာ၊ ကျွန်တော်တို့ ဒေသခံအများစုက ဆင်းရဲကြတယ်။ အဲဒီတော့ ဒီလို မိုက်ရူးရဲဆန်တဲ့ အလုပ်လုပ်ရလောက်အောင်လည်း အသိဥာဏ်မဲ့နေတာ မဟုတ်တော့၊ အသိဥာဏ်မဲ့သလို စကားတွေ ပြောတာကတော့ အမတ်မင်း တစ်ယောက်ရဲ့ အပြောအဆိုနဲ့ မတူဘဲ အရမ်းကို ပညာမဲ့စကားဆန်လွန်းတယ်” ဟု ပြောသည်။ 

“ကျွန်တော်တို့ရွာမှာ ဘာအကြမ်းဖက်သမားမှ မရှိဘူး။ ရွာကနေ ဖမ်းခံရတယ်ဆိုတာလည်း အာဏာပိုင်တွေနဲ့ နီးစပ်တဲ့ စီးပွားရေးသမားတွေ၊ သူတို့ကို စီးပွားရေးအရ ထိုးနှက်လိုက်တာလို့ ယူဆတယ်။ ဖမ်းထားတဲ့ထဲက လူနှစ်ယောက်ကိုလည်း ညှဉ်းပန်းနှိပ်စက်ပြီး သတ်ပစ်လိုက်တယ်။ ပြဿနာစကတည်းက န.တ.လ ရွာသားတွေကို နေရာတိုင်းကို ခေါ်သွားတယ်။ ရိုဟင်ဂျာတွေရဲ့ ပစ္စည်းတွေ လုတာ၊ ရိုဟင်ဂျာတွေကို ရိုက်နှက်နှိပ်စက်တဲ့ နေရာမှာ န.တ.လ ရွာသားတွေကို သုံးတယ်။ အခုလည်း န.တ.လ ရွာသားတွေကို သုံးတယ်၊ ပြီးတော့ သူတို့ ကိုယ်တိုင် မီးငြိမ်းတဲ့နေရာမှာ ၀င်လာပြီး လူကောင်းယောင်ဆောင်လိုက်တာပါ။ စစ်သားတွေ မီးရှို့ခဲ့တဲ့ အိမ်ခြေ အရေအတွက်က ထောင်ကျော် ရှိနေပြီဆိုတော့ သူတို့ အရင်က ဘာမှ မလုပ်ခဲ့သလို ပြန်လုပ်ယူနေတာ။” ဟု ၎င်းက ဆက်လက်ပြောပါသည်။