Rohingya Eye
RB News
16.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကျီးကန်းပြင် ကျေးရွာအုပ်စု အလယ်ရွာမှ ရိုဟင်ဂျာများ၏ နေအိမ် (၄) လုံးကို ယနေ့ ည (၇) နာရီခန့်က နယ်ခြားစောင့်ရဲတပ်ဖွဲ့နှင့် န.တ.လ ကျေးရွာသားများ ပူးပေါင်း၍ မီးရှို့ဖျက်ဆီးလိုက်ကြောင်း သတင်း ရရှိပါသည်။

မောင်တောမြို့နယ် မြောက်ပိုင်း ကျီးကန်းပြင် ကျေးရွာအုပ်စု အလယ်ရွာရှိ ရိုဟင်ဂျာများ၏ နေအိမ် (၄) လုံးကို နယ်ခြားစောင့်ရဲတပ်ဖွဲ့နှင့် န.တ.လ ရွာသားများ ပူးပေါင်း၍ ယနေ့ ဒီဇင်ဘာလ (၁၆) ရက်နေ့ ည ၆း၅၀ နာရီ အချိန်တွင် မီးရှို့ဖျက်ဆီးလိုက်ကြောင်း အလယ်ရွာ အနီးမှ ဒေသခံတစ်ဦးက RB News သို့ပြောပါသည်။

ကျီးကန်းပြင် ကျေးရွာအုပ်စု အလယ်ရွာမှ ဒေသခံ ရိုဟင်ဂျာများကို လွန်ခဲ့သည့် အောက်တိုဘာလ (၂၃) ရက်နေ့တွင် နယ်ခြားစောင့်ရဲတပ်ဖွဲ့ ဌာနချုပ် ကွပ်ကဲရေးမှူး ရဲမှူးချုပ်သူရစန်းလွင်က နိုင်ငံတော်၏ အမိန့်ဟု ဆိုကာ နေအိမ်များမှ မောင်းထုတ်ခဲ့သည်။ ထိုသို့ နေအိမ်များမှ မောင်းထုတ်မှုကြောင့် အလယ်ရွာမှ ဒေသခံ ရိုဟင်ဂျာများ အားလုံး အိုးမဲ့အိမ်မဲ့ ဖြစ်သွားခဲ့ပြီး၊ ရွာသားများ အားလုံး နေအိမ်များမှ ထွက်သွားပြီးနောက် န.တ.လ ရွာသားများ ၀င်ရောက်ကာ နေအိမ်များမှ အသုံးအဆောင် ပစ္စည်းများကို ခိုးယူ၍ သယ်ဆောင် သွားခဲ့ကြသည်။

အသုံးအဆောင်ပစ္စည်းများ၊ ပရိဘောဂများနှင့် ကျွဲ၊ နွား၊ ဆိတ်များကို စိတ်တိုင်းကျ ခိုးယူ သယ်ဆောင် သွားပြီးနောက် နိုဝင်ဘာလ လဆန်းပိုင်းမှ စ၍ နေအိမ်များမှ သစ်များ၊ အိမ်တိုင်များ၊ သွပ်မိုးများပါ ဖြုတ်ယူလျက် ရှိပြီး၊ လွန်ခဲ့သည့် ဆယ်ရက်ခန့်ကလည်း ဒေသခံ ရိုဟင်ဂျာ တစ်ဦး၏ နေအိမ်ကို မီးရှို့ဖျက်ဆီးခဲ့သည်။

ကျီးကန်းပြင် ကျေးရွာအုပ်စုတွင် ရွာငယ် လေးရွာရှိပြီး၊ ၀ါးပိတ် ကျေးရွာတွင် စစ်တပ်က ယာယီ စခန်းချထားသည်။ ကျန်သည့် ရွာငယ်များကို နယ်ခြားစောင့်ရဲတပ်ဖွဲ့ ကသာ လုံခြုံရေး တာဝန်ယူထားပြီး၊ အိုးမဲ့အိမ်မဲ့ ဖြစ်သွားသော အလယ်ရွာမှ ရိုဟင်ဂျာများက ၎င်းတို့ နေအိမ်များမှ ပစ္စည်းတစ်ခု အတွက် သွားလျှင်ပင် နယ်ခြားစောင့်ရဲများက ပစ်သတ်မည်ဟု ခြိမ်းခြောက်၍ ရွာထဲသို့ ၀င်ခွင့်မပေးကြောင်း၊ သို့သော်လည်း န.တ.လ ရွာသားများကို စိတ်တိုင်းကျ ခိုးယူခွင့် ပေးထားကြောင်း အဆိုပါ ဒေသခံက ပြောပါသည်။

ကျီးကန်းပြင် အလယ်ရွာမှ ရိုဟင်ဂျာများ၏ အိမ်များမှ အကာအရံများပါ မကျန် န.တ.လ ရွာသားများ ခိုးယူထားသည့် အိမ်တစ်လုံး

RB News
15.12.2016

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ဖုံညိုလိပ် ကျေးရွာအုပ်စု၊ ရပ်ကွက် (၁၃) တွင် ယနေ့ ဒီဇင်ဘာလ (၁၅) ရက်နေ့ နံနက် (၃) နာရီ အချိန်တွင် မီးလောင်မှု ဖြစ်ပွားခဲ့ပြီး နေအိမ် (၁၀) လုံးနှင့် ဆိုင်ခန်း (၉) ခန်း ဆုံးရှုံးခဲ့သည့် အပြင် ကလေးတစ်ဦး သေဆုံးပြီး၊ တစ်ဦး ဒဏ်ရာရရှိခဲ့ကြောင်း သတင်း ရရှိပါသည်။

ယနေ့ ဒီဇင်ဘာလ (၁၅) ရက်နေ့ နံနက် (၃) နာရီ အချိန်တွင် ဘူးသီးတောင် မြို့နယ် ဖုံညိုလိပ်ကျေးရွာအုပ်စု၊ ရပ်ကွက် (၁၃) ရှိ ဦးကော်ဘိရ်အာမတ်၏ နေအိမ် အပေါ်ထပ်မှ မီးစတင် လောင်ကျွမ်းခဲ့ပြီး၊ ယင်းအိမ်အပါအ၀င် နေအိမ် (၁၀) လုံး ပြာကျသွားခဲ့သည်။ နေအိမ်တစ်လုံး၏ အပေါ်ပိုင်းလည်း မီးလောင်ကျွမ်း သွားခဲ့ကြောင်း ဒေသခံများက ပြောပါသည်။

ထို့အပြင် ဆိုင်ခန်း (၉) ခန်းလည်း မီးလောင် ဆုံးရှုံးသွားခဲ့ရကြောင်း သိရှိရသည်။

မီးစတင်လောင်ကျွမ်းသည့် ဦးကော်ဘိရ်အာမတ်၏ နေအိမ်တွင် ကလေးနှစ်ဦးမှာ အိပ်ခန်းထဲတွင် ရှိနေခဲ့ပြီး ကလေးနှစ်ဦးမှ တစ်ဦးမှာ မီးလောင်ကျွမ်း၍ သေဆုံးသွားပြီး တစ်ဦးမှာ မီးလောင်ကျွမ်း၍ ဒဏ်ရာပြင်းထန်စွာ ရရှိခဲ့သည်။

မီးလောင်ကျွမ်းနေစဉ် လုံထိန်းများ ရောက်ရှိလာပြီး ဒေသခံများကို အနားကပ်ခွင့် မပေးသောကြောင့် ယခုကဲ့သို့ နေအိမ်များစွာ မီးလောင်ကျွမ်းရသည်ဟု ဒေသခံများက ပြစ်တင်ဝေဖန် ပြောဆိုနေကြသည်။

မီးလောင်ကျွမ်းသွားသည့် နေအိမ်များ၏ အိမ်ရှင်များမှာ --

(၁) ဦးကော်ဘိရ်အာမတ်
(၂) ဦးမိုဟာမတ်ဟာဆာန်
(၃) ဦးရော်မူယာ
(၄) ဦးလူဗာဒါ
(၅) ဦးဖော်ယာစ်
(၆) ဦးအာဘူယာ
(၇) ဦးကော်ရီမူလ္လာ
(၈) ဦးအလီအာမတ်
(၉) ဦးကာလူ
(၁၀) ဦးရာသီလာကိမ်း -- တို့ဖြစ်သည်။

RB News
13.12.2016

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲမြို့ အပိုင် ဇီးပင်ချောင်း ကျေးရွာအုပ်စု၊ ချောင်းကုလာရွာမှ အမျိုးသမီးငယ် (၅) ဦးကို စစ်သားများက အုပ်စုဖွဲ့ မုဒိမ်းကျင့်သည့် အပြင်၊ ဗလီဝတ်ကျောင်းတော် အတွင်းရှိ ကုရ်အာန်ကျမ်းမြတ်များကို စုတ်ဖြဲ၍ ဘာသာရေး စော်ကားမှုများ ပြုလုပ်ခဲ့ကြောင်း သတင်း ရရှိပါသည်။

ဒီဇင်ဘာလ (၁၂) ရက်နေ့ နေ့လည်ပိုင်းတွင် တောင်ပြိုလက်ဝဲမြို့ အပိုင် ဇီးပင်ချောင်း ကျေးရွာအုပ်စု၊ ချောင်းကုလာရွာ အတွင်းသို့ စစ်သား ၅၅ ဦး ၀င်ရောက်လာပြီး၊ ဟာဖီးဇ်အဲက်ဘာလ်၏ နေအိမ်တွင် စုဝေးနေကြသည့် အမျိုးသမီး (၃၀) ဦးမှ (၈) ဦးကို အခန်းတစ်ခန်းထဲသို့ ခေါ်သွင်း၍ အုပ်စုဖွဲ့ မုဒိမ်းကျင့်ခဲ့သည့် အပြင် ကျန်သည့် အမျိုးသမီးများကို အ၀တ်အစားများ ချွတ်ခိုင်းပြီး လိင်အကြမ်းဖက်မှုများ ပြုလုပ်ခဲ့သည်။ (သတင်း - http://bit.ly/2hoF2M4)

ညနေပိုင်းတွင် ဟာဖီးဇ်အဲက်ဘာလ်၏ နေအိမ်တွင်ပင် စုဝေးနေသည့် အမျိုးသမီးများထဲမှာ အမျိုးသမီးငယ် (၄) ဦးကို မုဒိမ်းကျင့်ခဲ့ကြောင်း ဒေသခံ တစ်ဦးက RB News သို့ပြောသည်။

အမျိုးသမီးငယ် (၄) ဦးမှ (၃) ဦးမှာ အပျိုများ ဖြစ်ကြပြီး၊ (၁) ဦးမှာ အိမ်ထောင်သည် ဖြစ်သည်။ အိမ်ထောင်သည်တစ်ဦးနှင့် အခြား အပျိုတစ်ဦး တို့မှာ ညီအစ်မအရင်းများ ဖြစ်ကြသည်။

၎င်းတို့ (၄) ဦးတို့သည် အသက် (၁၆) နှစ်၊ အသက် (၁၇) နှစ်၊ အသက် (၁၈) နှစ်နှင့် အသက် (၂၀) အရွယ်များ ဖြစ်ကြသည်။

ယင်းရွာမှ ဦး ---- ၏ အသက် (၁၇) နှစ် အရွယ် သမီးပျိုကို ၎င်း၏ အိမ်တွင် မုဒိမ်းကျင့်ရန် ကြိုးစားရာ ထွက်ပြေးသဖြင့် လယ်ကွင်းပြင်တွင် ဖမ်းဆီး၍ မုဒိမ်းကျင့်ခဲ့ကြောင်း အဆိုပါ ဒေသခံက ပြောပါသည်။

ဒီဇင်ဘာလ (၁၂) ရက်နေ့ တစ်ရက်တည်းပင် ချောင်းကုလာရွာမှ အမျိုးသမီး (၁၃) ဦး မုဒိမ်းကျင့်ခံခဲ့ရသည်။

စစ်သားများသည် အမျိုးသမီးများကို မုဒိမ်းကျင့်သည့် အပြင် နေအိမ်များမှ လုယက်ခြင်းများလည်း ပြုလုပ်ခဲ့သည်။ ထို့နောက် အသက် (၇၀) နှစ် အရွယ် ဦးဆာရ်အဟမတ်ကို သေနတ်ဖြင့် ရိုက်နှက်ခဲ့ရာ သေလုမျောပါး ဖြစ်နေကြောင်း သိရှိရသည်။ အသက် (၇၁) နှစ်အရွယ် ဦးဇာဟိတ်အဟမတ်နှင့် အသက် (၇၅) နှစ် အရွယ် ဦးဒိုလီယာ တို့ကိုလည်း လူမဆန်စွာ ရိုက်နှက်ခဲ့သည်။

ညပိုင်းတွင် ရွာအတွင်းရှိ ဗလီတွင် စခန်းချ၍ ဗလီအတွင်းရှိ ကုရ်အာန်ကျမ်းမြတ် များကို စုတ်ဖြဲ၍ လွှင့်ပစ်ခြင်း၊ ဗလီအတွင်းရှိ ပစ္စည်းများကို ဖျက်ဆီးခြင်းများ ပြုလုပ်၍ ဘာသာရေး စော်ကားမှုများ ပြုလုပ်ခဲ့ကြောင်း သိရှိရသည်။

မောင်တောမြို့နယ် မြောက်ပိုင်းသို့ ဒုသမ္မတ ဦးမြင့်ဆွေ ဦးဆောင်သည့် စုံစမ်းရေး ကော်မရှင် ရောက်ရှိနေသည့် အချိန်တွင် စစ်သားများက ရာဇ၀တ်မှုများကို ဆက်လက် ကျူးလွန်လျက် ရှိပြီး၊ စုံစမ်းရေး ကော်မရှင်က စုံစမ်းသိရှိရသည့် သတင်းများကို နိုင်ငံပိုင်များ မီဒီယာများက ပြည်သူများကို မှန်မှန်ကန်ကန် တင်ပြခြင်း မရှိဘဲ လိမ်ညာ၍ ရေးသား ဖော်ပြနေသည်ကို တွေ့ရှိရသည်။

RB News

RB News
12.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်းသို့ ရောက်ရှိနေသည့် မောင်တော အကြမ်းဖက်မှု စုံစမ်းရေး ကော်မရှင် အဖွဲ့နှင့် ဒေသခံ ရိုဟင်ဂျာများ တွေ့ဆုံပြီး စစ်တပ်၏ ညှဉ်းပန်းနှိပ်စက် သတ်ဖြတ်ခြင်း၊ နေအိမ်များကို မီးရှို့ခြင်း၊ လုယက်ခြင်း၊ မုဒိမ်းကျင့်ခြင်း စသည်တို့ကို တင်ပြနိုင်ခဲ့ကြောင်း၊ တွေ့ဆုံခဲ့သူ အချို့ ဖမ်းဆီး ရိုက်နှက်ခံခဲ့ရကြောင်း သတင်း ရရှိပါသည်။

ယနေ့ ဒီဇင်ဘာလ (၁၂) ရက်နေ့ နံနက်ပိုင်းတွင် စုံစမ်းရေး ကော်မရှင်အဖွဲ့သည် မောင်တောမြို့နယ် မြောက်ပိုင်း ရေခဲချောင်းခွဆုံ ကျေးရွာသို့ ရောက်ရှိခဲ့သည်။ ယင်းကျေးရွာမှ အမျိုးသားများနှင့် အမျိုးသမီးများ အချို့ လာရောက်တွေ့ဆုံပြီး၊ စစ်တပ်၏ ညှဉ်းပန်းနှိပ်စက်ခြင်း၊ အိမ်များကို လောင်ချာဖြင့် ပစ်ခတ်၍ မီးရှို့ဖျက်ဆီးခြင်း၊ လုယက်ခြင်း၊ ဒေသခံများကို သေနတ်ဖြင့် ပစ်ခတ်သတ်ဖြတ်ခြင်း၊ ဓါးဖြင့် ခုတ်၍ သတ်ဖြတ်ခြင်း၊ အပြစ်မဲ့များကို ဖမ်းဆီးခြင်း၊ အမျိုးသမီးများကို အုပ်စုဖွဲ့ မုဒိမ်းကျင့်ခြင်း၊ ကလေးများကို မီးထဲသို့ ပစ်ချ၍ သတ်ဖြတ်ခြင်း စသည်တို့ကို တင်ပြနိုင်ခဲ့သည်။ ကော်မရှင်အဖွဲ့နှင့် ဒေသခံများ တွေ့ဆုံစကားပြောစဉ် စစ်သားတစ်ဦးက ဗီဒီယိုရိုက်၍ မှတ်တမ်းတင်ခဲ့သည်။

ကော်မရှင်အဖွဲ့ ထွက်ခွာသွားပြီးနောက် အောက်ပါ ဒေသခံ (၆) ဦးကို စစ်သားများက ဖမ်းဆီး ခေါ်ဆောင် သွားခဲ့သည်။

(၁) ဦးဇာဖောရ်ဟူစိန်း (ဘ) ဦးအဗ်ဒူဆတာရ် (အသက် ၇၁ နှစ်)
(၂) ဦးမာမွတ်ဆော်လာမ် (ဘ) ဦးနာဇီရ်ဟူစိန်း (အသက် ၅၀ နှစ်)
(၃) အဘူဆီဒိတ် (ဘ) ဦးအဘူလ်ဟိုက်ရ် (အသက် ၁၅ နှစ်)
(၄) ဦးဘော်ဆိရ်အဟမတ် (ဘ) ဦးဟာကိမ်းအလီ (အသက် ၇၀ နှစ်)
(၅) ဆော်ဒါမ် (ဘ) ဦးအဘူလ်ဟိုက် (အသက် ၁၆ နှစ်)
(၆) ဦးအာဘူလ်ဟာရှိမ်း (ဘ) ဦးနဇီရ်ဟူစိန်း (အသက် ၅၃ နှစ်) - တို့ဖြစ်သည်။

စစ်သားများသည် ဖမ်းဆီးထားသူ (၆) ဦးတို့ကို တစ်နေရာသို့ ခေါ်ဆောင် သွားပြီး ဗီဒီယို ရိုက်ကူးထားသည့် မှတ်တမ်းကို ဖွင့်ပြပြီး ကော်မရှင်အဖွဲ့နှင့် စကားပြောသူများ၏ အမည်များကို မေးမြန်းပြီး၊ ဘာသာပြန်သူ၏ အမည်များကို မေးမြန်းခဲ့သည်။ ဗီဒီယိုမှတ်တမ်းတွင် မုဒိမ်းကျင့်ခံရသည့် အမျိုးသမီးတစ်ဦးက ကော်မရှင်အဖွဲ့ကို ပြောဆိုနေသည်များလည်း ပါဝင်ပြီး၊ အဆိုပါ အမျိုးသမီး၏ ပြောဆိုချက်များကို အစားထိုးနိုင်ရန် အခြားသော အမျိုးသမီးတစ်ဦးကို ခေါ်ဆောင်လာပြီး ကော်မရှင်အဖွဲ့နှင့် ထွက်ဆိုစဉ် ပြောဆိုသည်များနှင့် ဆန့်ကျင်သည့် ထွက်ဆိုချက်များ ထွက်ဆိုခိုင်းပြီး ဗီဒီယိုမှတ်တမ်း ရိုက်ကူးခဲ့သည်။

ဖမ်းဆီးခံရသူ (၆) ဦးအနက် ဦးဇာဖောရ်ဟူစိန်းနှင့် ဦးမာမွတ်ဆော်လာမ် တို့သည် ဗမာစကား ကျွမ်းကျင်စွာ ပြောဆိုတတ်သူများ ဖြစ်ပြီး၊ ကော်မရှင်အဖွဲ့နှင့် ရွာသားများ တွေ့ဆုံစဉ် ပြောဆိုသည် များကို ဘာသာပြန် ပေးခဲ့သဖြင့် လူမဆန်စွာ ရိုက်နှက်ခံခဲ့ရသည်။ ၎င်းတို့ကို ညနေ (၄) နာရီ အချိန်တွင် ပြန်လည် လွှတ်ပေးခဲ့ကြောင်း သိရှိရသည်။ အသက် (၇၀) နှစ် အရွယ် ဦးဇာဖောရ်ဟူစိန်းမှာ အခြေအနေ အရမ်းဆိုးရွား နေကြောင်း ဒေသခံများက ပြောပါသည်။

ရေခဲချောင်းခွဆုံ ကျေးရွာမှ ကျေးရွာ အဖွဲ့ထွက်ခွာ သွားပြီးနောက် စစ်သားများသည် အမျိုးသမီး (၃) ဦးကိုလည်း တောတောင်ထဲသို့ အတင်းအဓမ္မ ဆွဲခေါ်သွားပြီး ညနေ နေ၀င်ချိန်တွင် ပြန်လည် လွှတ်ပေးခဲ့သည်။

ကော်မရှင်အဖွဲ့သည် ရေခဲချောင်းခွဆုံ ကျေးရွာမှ တဆင့် ဓါးကြီးစား ကျေးရွာသို့ သွားရောက်ခဲ့သည်။ ဓါးကြီးစားတွင် မုဒိမ်းကျင့်ခံရသည့် အမျိုးသမီး (၃) ဦး အပါအ၀င် အမျိုးသမီး (၇) ဦးနှင့် အမျိုးသမီး (၄) ဦးတို့က တွေ့ဆုံ၍ စစ်တပ်၏ ညှဉ်းပန်းနှိပ်စက်မှု အပြည့်အစုံကို တင်ပြခဲ့ကြောင်း ဒေသခံတစ်ဦးက RB News သို့ပြောသည်။

နေ့လည်ပိုင်းတွင် ကြက်ရိုးပြင် ကျေးရွာသို့ သွားရောက်၍ ဒေသခံများနှင့် တွေ့ဆုံခဲ့သည်။ ဒေသခံများကလည်း အဖြစ်အပျက်များ အားလုံးကို တင်ပြခဲ့သည်။

မောင်တောမြို့နယ် တောင်ပိုင်း နူရူလ္လာ ကျေးရွာသို့ ကော်မရှင် အဖွဲ့ လာရောက်မည်ဟု သတင်းများ ထွက်ပေါ်ပြီးနောက် စစ်သားများက ရွာထဲသို့ ၀င်ရောက်၍ အမျိုးသားများကို မောင်းထုတ်ခဲ့ပြီး၊ ကော်မရှင်အဖွဲ့ ရောက်ရှိလာခြင်း မရှိခဲ့ကြောင်း သိရှိရသည်။

MYARF နှင့် Rohingya Eye မှ သတင်းပေးပို့သည်။

(ဓါတ်ပုံ - MOI)

မောင်တောမြို့နယ်နဲ့ ရသေ့တောင်မြို့နယ် တွေမှာ အောက်တိုဘာလ ၉ ရက်နေ့က ဖြစ်ပွားခဲ့တဲ့ တိုက်ခိုက်မှုကို အကြောင်းပြုပြီး ဒေသခံ မြန်မာ့တပ်မတော်၊ နယ်ခြားစောင့်ရဲတပ်ဖွဲ့၊ လုံထိန်းတပ်ဖွဲ့ စတဲ့ လက်နက်ကိုင် တပ်ဖွဲ့တွေက ကလေး၊ လူအို၊ အမျိုးသမီးများမကျန် အပြစ်မဲ့ ရိုဟင်ဂျာတွေကို အကြောင်းမဲ့ ပစ်ခတ် သတ်ပစ်ခြင်း၊ အိမ်တွေကို ရွာလုံကျွတ် မီးရှို့ပစ်ခြင်း၊ ရွာတွေမှ နှင်ထုတ်ခြင်း၊ လူတွေ အစုလိုက်အပြုံလိုက် ဖမ်းဆီးခြင်း၊ ကိုယ်ဝန်သည်၊ အရွယ်မရောက်သေးတဲ့ အမျိုးသမီးမကျန် ရာပေါင်းများစွာသော အမျိုးသမီးတွေကို လက်နက်တစ်ခုသဖွယ် အသုံးပြုပြီး မုဒိမ်းကျင့်ခြင်း၊ ပစ္စည်းဥစ္စာတွေ လုယက်ခြင်း ဖျက်ဆီးပစ်ခြင်း စတဲ့ မင်းမဲ့စရိုက်ဆန်ဆန် ဥပဒေမဲ့ လုပ်ရပ်တွေကို ကျူးလွန်နေတာ ကမ္ဘာတစ်လွှား ဟိုးလေတကျော်ကျော် ကျော်ကြားနေပြီ ဖြစ်ပါတယ်။

RB News
12.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ဦးရှည်ကျ ကျေးရွာမှ သေနတ်ဒဏ်ရာ ရရှိခဲ့သည့် အသက် ၆၆ နှစ် အရွယ် အဖိုးအို တစ်ဦးကို စစ်သားများက ဖမ်းဆီး ခေါ်ဆောင်သွားပြီးနောက် ၆ ရက်အကြာတွင် အလောင်းပြန်လည် ရရှိခဲ့ကြောင်း သတင်း ရရှိပါသည်။

မောင်တောမြို့နယ် မြောက်ပိုင်း ဦးရှည်ကျ ကျေးရွာသို့ ဒီဇင်ဘာလ (၇) ရက်နေ့ နံနက် (၄) နာရီ အချိန်တွင် စစ်သား ၅၀၀ ခန့် ၀င်ရောက်လာပြီး ဒေသခံ ရွာသားများကို အကြောင်းမဲ့ ပစ်ခတ်ခဲ့ရာ အမျိုးသား တစ်ဦးနှင့် အမျိုးသမီး တစ်ဦး ဒဏ်ရာရရှိခဲ့သည်။ ဒဏ်ရာရရှိခဲ့သူ နှစ်ဦးမှ အသက် ၆၆ နှစ်အရွယ် ဦးဒေါလာမျာ (ဘ) ဦးအိုက်မောသ် ကို စစ်သားများက ခေါ်ဆောင်သွားပြီး ကပ္ပားခေါင်းရွာရှိ ပုဇွန်ကန်များ အနီးတွင် မြှုပ်နှံထားခဲ့သည်။  အရှင်​မြှုပ်​နှံ ​ခဲ့ခြင်းလား သတ်​ဖြတ်ပြီးနောက် မြှုပ်​နှံခဲ့ခြင်းကို ဒေသခံများက မသိရှိဟုဆိုသည်။

ဦးဒေါလာမျာ၏ မိသားစုများက ဖမ်းဆီးသွားသည့် အချိန်မှစ၍ မည်သည့် သတင်းမှ မရသဖြင့် လိုက်လံ ရှာဖွေကြရာ ယနေ့ ဒီဇင်ဘာလ (၁၂) ရက်နေ့တွင် ညနေ (၅) နာရီ အချိန်တွင် ဦးဒေါလာမျာ၏ မသင်္ကာစရာ မြှပ်နှံထားသည့် သဖွယ် တွေ့ရှိရသဖြင့် တူးဖော်ကြည့်ကြရာ ဦးဒေါလာမျာ၏ အလောင်းကို ရှာဖွေ တွေ့ရှိခဲ့ကြောင်း ဒေသခံတစ်ဦးက RB News သို့ပြောသည်။

ဦးဒေါလာမျာ၏ ရုပ်အလောင်းကို ဒေသခံများက ယနေ့ နေ၀င်ချိန်တွင် အစ္စလာမ် ဘာသာရေး ထုံးထမ်းစဉ်လာနှင့် အညီ မြှုပ်နှံ သဂြိုလ်လိုက်ကြောင်း  သိရှိရပါသည်။

RB News

RB News
12.12.2016

မြန်မာနိုင်ငံ နိုင်ငံခြားရေးဝန်ကြီး ဒေါ်အောင်ဆန်းစုကြည်က အာဆီယံနိုင်ငံများက နိုင်ငံခြားရေးဝန်ကြီး များကို လာမယ့် ဒီဇင်ဘာလ (၁၉) ရက်နေ့မှာ ရန်ကုန်မြို့မှာ တွေ့ဆုံပြီး အထူးအစည်းအဝေး တစ်ရပ် ကျင်းပမယ်လို့ Nikkei Asian Review သတင်းမှာ ဒီဇင်ဘာလ (၁၁) ရက်နေ့က ဖော်ပြထားပါတယ်။

အခုအစည်းအဝေးမှာ ရိုဟင်ဂျာအရေး အဓိကထား ဆွေးနွေးမှာ ဖြစ်ပြီး၊ အစည်းအဝေးကတော့ တရားဝင် အလုပ်သဘော အစည်းအဝေးမျိုး မဟုတ်ဘဲ အာဆီယံ အသိုင်းအ၀ိုင်းကြားမှာ မြန်မာနိုင်ငံနဲ့ ဆက်ဆံရေး တင်းမာလာတော့မယ့် အခြေအနေ ရောက်ရှိလာနေလို့ အခုလို ဖိတ်ကြားလိုက်ခြင်း ဖြစ်တယ်လို့ ယူဆရပါတယ်။

ဒီဇင်ဘာလ (၄) ရက်နေ့က မလေးရှားနိုင်ငံ ကွာလာလမ်ပူမြို့မှာ မလေးရှား ၀န်ကြီးချုပ် မစ္စတာ နာဂျစ်ရာဇတ် ဦးဆောင်ပြီး ဆန္ဒပြပွဲကျင်းပခဲ့တာမှာ မြန်မာအစိုးရ အနေနဲ့ ရိုဟင်ဂျာတွေ အပေါ် လူမျိုးတုန်းသတ်ဖြတ်မှု (ဂျီနိုဆိုက်) ကျူးလွန်နေတယ်လို့ ပေါ်ပေါ်တင်တင် ပြောကြားခဲ့တဲ့ အပြင် မလေးရှား နိုင်ငံခြားရေးဝန်ကြီးက မြန်မာနိုင်ငံခြားရေး ၀န်ကြီး ဒေါ်အောင်ဆန်းစုကြည်ကို တွေ့ဆုံခွင့်တောင်းတာမှာ ရိုဟင်ဂျာအရေးဆိုရင် မတွေ့နိုင်ဘူးလို့ အကြောင်းပြန်ခဲ့တယ်ဆိုပြီး ပြောကြားခဲ့ပါတယ်။

မလေးရှားဝန်ကြီးချုပ် နာဂျစ်ရာဇတ်က ၎င်းအနေနဲ့ အင်ဒိုနီးရှား သမ္မတကိုလည်း သူ့လို ဆန္ဒပြပွဲကြီးတစ်ခုကို ဦးဆောင်လုပ်ဖို့ ဖုန်းဆက်ပြောမယ်လို့ ပြောခဲ့ပါသေးတယ်။

မလေးရှားက ဆန္ဒပြပွဲပြီးတော့ နောက်တစ်နေ့မှာ မလေးရှား တပ်မတော် ကာကွယ်ရေးဦးစီးချုပ်က နေပြည်တော်ကို ရောက်ရှိလာခဲ့ပြီး၊ မြန်မာသမ္မတ ဦးထင်ကျော်နဲ့ တပ်ချုပ် မင်းအောင်လှိုင်တို့နဲ့ တွေ့ဆုံခဲ့တယ်။ အဲဒီနောက်မှာ အင်ဒိုနီးရှား နိုင်ငံခြားရေးဝန်ကြီးက နေပြည်တော်ကို ရောက်ရှိလာခဲ့ပြီး၊ ဒေါ်အောင်ဆန်းစုကြည်က ၎င်းရဲ့ နေအိမ်မှာ ညစာနဲ့ တည်ခင်းဧည့်ခံပြီး ရိုဟင်ဂျာ အရေး ဆွေးနွေးခဲ့ပါတယ်။

မလေးရှားမှာ ၀န်ကြီးချုပ် ကိုယ်တိုင် ဦးဆောင် ဆန္ဒပြတာနဲ့ ပတ်သက်လို့ မြန်မာနိုင်ငံခြားရေး ဒု-၀န်ကြီးက မြန်မာနိုင်ငံဆိုင်ရာ မလေးရှား သံအမတ်ကြီးကို ဆင့်ခေါ်ပြီး သတိထောက်လွှာ ပေးခဲ့တဲ့အပြင်၊ မြန်မာဘက်က မလေးရှားကို အလုပ်သမားတွေ စေလွှတ်တာကို ရက်အကန့်အသတ်မရှိ ရပ်ဆိုင်းလိုက်ပါတယ်။ မလေးရှားနိုင်ငံ ဒု-၀န်ကြီးချုပ်ကလည်း မြန်မာဘက်က အလုပ်သမား မလွှတ်တော့တဲ့ အတွက် သူ့တိုင်းပြည်မှာ ထိခိုက်စရာ လုံးဝ မရှိကြောင်း၊ မြန်မာနိုင်ငံရဲ့ ဆုံးဖြတ်ချက်ကို ကြိုဆိုကြောင်း မလေးရှားက မီဒီယာတွေကို ပြောဆိုလိုက်တယ်။

နောက်တစ်ဖက်မှာတော့ ကုလသမဂ္ဂက ခွင့်ပြုမယ်ဆိုရင် မလေးရှားဘက်က ငြိမ်းချမ်းရေးတပ်တွေကို ရိုဟင်ဂျာများနေထိုင်ရာ မောင်တောမြို့နယ်၊ ဘူးသီးတောင်မြို့နယ် ဘက်တွေကို စေလွှတ်ဖို့ အဆင်သင့် ရှိတယ်ဆိုတဲ့ သတင်းတွေက မလေးရှားနိုင်ငံ အခြေစိုက် မီဒီယာများ မဟုတ်တဲ့ မီဒီယာအချို့နဲ့ ဘင်္ဂလားဒေ့ရှ် သတင်းစာတွေမှာ တက်လာပါတယ်။

အားလုံးကို သုံးသပ်ကြည့်ရင် မလေးရှားနိုင်ငံမှာ ကျင်းပတဲ့ ဆန္ဒပြပွဲနောက်ပိုင်းမှာ အာဆီယံနိုင်ငံများရဲ့ မြန်မာနိုင်ငံ ဆက်ဆံရေးက အတော်လေးကို ပြိုပျက် ပျက်စီးတော့မယ့် အနေအထားကို ရောက်နေပြီလို့ ဆိုရပါမယ်။

မလေးရှားဝန်ကြီးချုပ် မဟာသီယာမိုဟာမတ်က ၎င်းအနေနဲ့ မြန်မာနိုင်ငံကို အာဆီယံ အသိုင်းအ၀ိုင်းထဲကို ထည့်သွင်းခဲ့တာကို နောင်တတစ်ခုလို ယူဆနေပြီး၊ မလေးရှားအစိုးရကို မြန်မာနိုင်ငံနဲ့ သံတမန် အဆက်အသွယ် ဖြတ်တောက်ဖို့၊ ဒါမှမဟုတ် မလေးရှား သံအမတ်ကြီးကို ပြန်ခေါ်ဖို့ အထိ တိုက်တွန်းတာတွေလည်း ရှိနေတယ်။

အာဆီယံ အသိုင်းအ၀ိုင်းထဲမှာ စင်ကာပူနိုင်ငံက ကြားနေ နိုင်ငံတစ်နိုင်ငံလို့ ဆိုရပါမယ်။ စင်ကာပူနိုင်ငံမှာ လူမျိုးရေး ခွဲခြားမှုကို ပြစ်မှုတစ်ခုလို့ သတ်မှတ်ထားတာလည်း ရှိသလို၊ စင်ကာပူနိုင်ငံသားတွေကလည်း လူ့ဘောင် အဆင့်အတန်းမီသူများ ဖြစ်နေတဲ့ အခါကျတော့ ရိုဟင်ဂျာအရေးနဲ့ ပတ်သက်ပြီး စင်ကာပူနိုင်ငံသား အများစုက မြန်မာအစိုးရ အပေါ် အမျက်ထွက်နေတာလည်း တွေ့နေရတယ်။ ဒါပေမယ့် စင်ကာပူ အစိုးရကတော့ စီးပွားရေးကို ဦးစားပေးသွားမှာ ဖြစ်ပြီး ကြားနေ ပုံစံအတိုင်းသာ ဆက်လက် ရပ်တည် သွားပါလိမ့်မယ်။

မလေးရှားနဲ့ အင်ဒိုနီးရှားနိုင်ငံတွေက အင်အားကြီး နိုင်ငံတွေ ဖြစ်နေပြီး၊ ကျန်တဲ့ နိုင်ငံ (၆) နိုင်ငံကို စည်းရုံးသိမ်းသွင်းပြီး မြန်မာအစိုးရ ကျူးလွန်နေတဲ့ လူသားဖြစ်မှုကို ဆန့်ကျင်တဲ့ ရာဇ၀တ်မှုနဲ့ ပတ်သက်ပြီး အပြစ်ပေး အရေးယူတဲ့ ပုံစံမျိုး ဖန်တီးလာနိုင်တာတွေ ရှိလာနိုင်ပါတယ်။

ရိုဟင်ဂျာအရေးက ပြည်တွင်းရေးပါ၊ နိုင်ငံတကာ ၀င်ရောက်စွက်ဖက် စရာမလိုဘူး ဆိုတဲ့ အပြောနဲ့ ရပ်နေလို့ မရဘူးဆိုတာကို မြန်မာအစိုးရ အနေနဲ့ နားလည်သင့်သလောက် နားလည်လာနေလို့ အခုလို အာဆီယံ နိုင်ငံခြားရေး ၀န်ကြီးများကို တိုးတိုးတိတ်တိတ် အစည်းအဝေး ခေါ်လိုက်တာ ဖြစ်ပါတယ်။

RB News
11.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်းရှိ ကျေးရွာ အချို့သို့ မောင်တောမြို့နယ် အကြမ်းဖက်မှု စုံစမ်းရေး ကော်မရှင် အဖွဲ့ သွားရောက်ခဲ့ပြီး၊ ဒေသခံ အချို့နှင့် တွေ့ဆုံခဲ့ပြီး စစ်တပ်၏ အကြမ်းဖက်မှုများနှင့် ပတ်သက်၍ သိရှိသွားခဲ့ကြောင်း သတင်း ရရှိပါသည်။

ယနေ့ ဒီဇင်ဘာလ (၁၁) ရက်နေ့ နံနက် ၁၀ နာရီခန့် အချိန်တွင် ဒုတိယသမ္မတ ဦးမြင့်ဆွေ ဦးဆောင်သော မောင်တော အကြမ်းဖက်မှု စုံစမ်းရေး ကော်မရှင်အဖွဲ့သည် ရဟတ်ယာဉ် နှစ်စီးဖြင့် မောင်တောမြို့နယ် မြောက်ပိုင်း ကြိမ်ချောင်း ကျေးရွာသို့ ရောက်ရှိလာခဲ့သည်။

ကြိမ်ကျောင်း ကျေးရွာအုပ်စု မြောက်ရွာမှ အာဏာပိုင်များ၏ လက်ကိုင်တုတ် တစ်ဦးဖြစ်သည့် ဦးအီဆုပ် (ဘ) ဦးဆုလ်တာန်အာမီးန်ကို အတူ ခေါ်ယူ၍ ငါးခူရကျေးရွာသို့ သွားရောက်ကာ ဒေသခံ ရိုဟင်ဂျာများနှင့် တွေ့ဆုံခဲ့သည်။ ဒေသခံ ရိုဟင်ဂျာများက စစ်သားများ၏ ညှဉ်းပန်း နှိပ်စက်၊ ဖမ်းဆီး သတ်ဖြတ်မှု၊ အမျိုးသမီးများကို အုပ်စုလိုက် မုဒိမ်းကျင့်မှုများကို တင်ပြခဲ့သည်။ ထို့နောက် ဦးရှည်ကျ ကျေးရွာသို့ သွားရောက်ရာ မနက်ပိုင်းကပင် စစ်သားများ ၀င်ရောက်လာပြီး ဒေသခံများကို မောင်းထုတ်ခဲ့သောကြောင့် ဒေသခံများနှင့် တွေ့ဆုံနိုင်ခဲ့ခြင်း မရှိခဲ့ကြောင်း သိရှိရသည်။

မွန်းလွှဲပိုင်းတွင် ငါးစားကြူး ကျေးရွာအုပ်စု၊ ပြောင်းပိုက်ရွာသို့ သွားရောက်ခဲ့သည်။ အဆိုပါ ကျေးရွာတွင်လည်း မနက် (၉) နာရီတွင် စစ်သားများ ၀င်ရောက်၍ ကော်မရှင်အဖွဲ့အား ကြိုဆိုရန် စောင့်ဆိုင်းနေသည့် ဒေသခံများကို ရိုက်နှက်ခဲ့သည်။ ဒေသခံများက ကော်မရှင်အဖွဲ့အတွက် ရေသန့်ဘူးများပင် ၀ယ်ယူ၍ စောင့်ဆိုင်းနေခဲ့ရာ စစ်သားများက “မင်းတို့အဖေအတွက် ၀ယ်ထားတာလား” ဟု ဆဲဆို၍ သိမ်းဆည်းခဲ့သည်။ ထို့နောက် ရာအိမ်မှူး ဖြစ်သူကို လူမဆန်စွာ ရိုက်နှက်ခဲ့ကြောင်း ဒေသခံတစ်ဦးက RB News သို့ပြောသည်။

သို့သော်လည်း ကော်မရှင်အဖွဲ့ ရောက်လာသည်နှင့် ရွာသား အချို့ လာရောက် တွေ့ဆုံပြီး အဖြစ်အပျက်များ စုံစုံလင်လင် တင်ပြနိုင်ခဲ့သည်။ စစ်သားများကို ဒေသခံပြည်သူများကို သေနတ်ဖြင့် ပစ်ခတ် သတ်ဖြတ်ခြင်း၊ အချို့ကို ဖမ်းဆီး ခေါ်ဆောင်သွားခြင်း၊ အမျိုးသမီးများကို မုဒိမ်းကျင့်ခြင်း၊ အိမ်များကို လောင်ချာဖြင့် ပစ်ခတ်၍ မီးရှို့ခြင်း၊ ပစ္စည်းများ လုယက်ခြင်းများ အကြောင်း တင်ပြခဲ့သည်။

စစ်သားများ၏ မုဒိမ်းကျင့်ခြင်းကို ခံရသည့် အမျိုးသမီးတစ်ဦးကလည်း ၎င်းကိုယ်တိုင် မုဒိမ်းကျင့်ခံရခြင်းနှင့် ပတ်သက်၍ တင်ပြခဲ့ပြီး၊ အသက်  ၁၂ နှစ်၊ ၁၃ နှစ်နှင့် ၁၅ နှစ် အရွယ် မိန်းကလေးများ အပါအ၀င် အခြား အမျိုးသမီးပေါင်း များစွာကို စစ်သားများက အုပ်စုလိုက် မုဒိမ်းကျင့်ခြင်း အကြောင်း များကို တင်ပြခဲ့သည်။

ယနေ့ ဒီဇင်ဘာလ (၁၁) ရက်နေ့ နံနက် (၈) နာရီ အချိန်တွင် စစ်သားများသည် ကြက်ရိုးပြင် ကျေးရွာသို့ ၀င်ရောက်၍ ဒေသခံ ရွာသားများကို ရွာမှ မောင်းထုတ်ခဲ့သည့် အပြင် မော်တော်ဆိုင်ကယ်များ၊ စောင်များ၊ ဆိုလာပြားများနှင့် ဘက်ထရီများ လုယက်ခဲ့ကြောင်း ဒေသခံများက ပြောပါသည်။

မော်တော်ဆိုင်ကယ်နှင့် ဆိုလာပြားများ လုယက်ခံရသူများမှာ --

(၁) မိုဟာမတ်ကာဆိမ်း (ဘ) ဦးကော်ဘိရ်အဟမတ် (အသက် ၂၅ နှစ်)
(၂) ဦးကော်လိမ် (ဘ) ဦးဖော်ဇော်လ် အဟမတ် (အသက် ၂၇ နှစ်)
(၃) အာဘူတယုပ် (ဘ) ဦးရှရီဖ်ဟူစိန်း (အသက် ၁၈ နှစ်) -- တို့ဖြစ်သည်။

MYARF နှင့် Rohingya Eye တို့မှ သတင်းပေးပို့သည်။ 

Rohingya Eye
RB News
11.12.2016

မောင်တော ။ ။ ရခိုင်ပြည်နယ် မောင်တောမြို့နယ် ကျောက်ပြင်ဆိပ် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲများက ဒေသခံ ရိုဟင်ဂျာ တစ်ဦး ထံမှ ငွေညှစ်ခဲ့ကြောင်း သတင်း ရရှိပါသည်။

ဒီဇင်ဘာလ (၁၀) ရက်နေ့ ည (၈) နာရီ အချိန်တွင် ကျောက်ပြင်ဆိပ် ကျေးရွာ အခြေစိုက် ကင်းစခန်းမှ နယ်ခြားစောင့်ရဲ များသည် တောင်ရွာထဲသို့ ၀င်ရောက်၍ ကင်းလှည့်နေစဉ် ခွေးဟောင်သံကြား၍ အိမ်တံခါး ဖွင့်ကြည့်သော ဦးဖော်ဇော်ကော်ရိမ်း (ဘ) ဦးအာဘူလ်ဟာရှိမ်း (အသက် ၄၃ နှစ်) ကို ဖမ်းဆီး၍ ငွေကျပ် ၄ သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။

ဒီဇင်ဘာလ (၉) ရက်နေ့ ည (၇) နာရီ အချိန်တွင်လည်း နေအိမ်ရှေ့တွင် ထိုင်စကားပြောနေသူ နှစ်ဦးကို ဖမ်းဆီး၍ အဆိုပါ နယ်ခြားစောင့်ရဲများက ငွေကျပ် (၇) သိန်းခွဲ ညှစ်ယူခဲ့သည်။

“ကျွန်တော်တို့ ရွာမှာတော့ တည်ငြိမ် အေးချမ်းနေပါတယ်။ ဘာပြဿနာမှ မရှိဘူး။ အခု နယ်ခြားစောင့်ရဲတွေ ပြန်ရောက်တာနဲ့ ငွေညှစ်နေတာကတော့ ရွာရဲ့ တည်ငြိမ် အေးချမ်းမှုကို ပျက်ပြားအောင် လုပ်နေတာနဲ့ အတူတူပါပဲ” ဟု ဒေသခံတစ်ဦးက ပြောပါသည်။

UN Photo/Amanda Voisard

RB News

Rohingya Eye
RB News
10.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်းရှိ နယ်ခြားစောင့်ရဲတပ်ဖွဲ့ ကင်းစခန်းများမှ နယ်ခြားစောင့်ရဲ များက ငွေညှစ်ခြင်း လုပ်ငန်းကို ပြန်လည် စတင်နေကြောင်း သတင်း ရရှိပါသည်။

အောက်တိုဘာလ (၉) ရက်နေ့တွင် နယ်ခြားစောင့် ရဲတပ်ဖွဲ့ ဌာနချုပ်နှင့် ရဲကင်းစခန်း နှစ်ခု တိုက်ခိုက်ခံရပြီးနောက် မောင်တောမြို့နယ် မြောက်ပိုင်းရှိ ကျေးရွာများမှ ရဲကင်းစခန်းများကို ယာယီ ရုပ်သိမ်းခဲ့ပြီး၊ ဒီဇင်ဘာလ (၇) ရက်နေ့မှ စတင်၍ ကင်းစခန်းများတွင် နယ်ခြားစောင့်ရဲများ ပြန်လည် ရောက်ရှိလာကြောင်း သိရှိရသည်။

ဒီဇင်ဘာလ (၉) ရက်နေ့ ည (၇) နာရီ အချိန်တွင် ကျောက်ပြင်ဆိပ် ကျေးရွာ အခြေစိုက် နယ်ခြားစောင့်ရဲတပ်ဖွဲ့ ကင်းစခန်းမှ နယ်ခြားစောင့်ရဲများသည် ကျေးရွာအတွင်းသို့ ၀င်ရောက်ပြီး နေအိမ်၏ ရှေ့မျက်နှာစာတွင် ထိုင်စကားပြောနေသူ နှစ်ဦးကို အကြောင်းမဲ့ ဖမ်းဆီး၍ ငွေညှစ်ခဲ့ကြောင်း ဒေသခံတစ်ဦးက RB News သို့ပြောသည်။

ငွေညှစ်ခံရသူနှစ်ဦးမှာ --

(၁) ဦးဇာဟိတ်ဟူစိန်း (ဘ) ဦးဆုလ်တာန် (အသက် ၃၄ နှစ်)
(၂) မော်လ၀ီ ဦးအီနုစ် (ဘ) ဦးဆော်ဒူ (အသက် ၃၂ နှစ်) တို့ဖြစ်သည်။

ဦးဇာဟိတ်ဟူစိန်း ထံမှ ငွေကျပ် ၅ သောင်း ညှစ်ယူခဲ့ပြီး၊ မော်လ၀ီ ဦးအီနုစ်ထံမှ ငွေကျပ် ၇ သိန်း ညှစ်ယူခဲ့သည်။ မော်လ၀ီ ဦးအီနုစ်သည် မြောတောင် ကျေးရွာမှ ဖြစ်ပြီး ကျောက်ပြင်ဆိပ် ကျေးရွာရှိ ဆွေမျိုးများထံသို့ ကိုယ်ရေးကိုယ်တာ ကိစ္စဖြင့် လိုအပ်သည့် တရားဝင် ရွာထွက်လက်မှတ်ဖြင့် ရောက်ရှိနေခြင်း ဖြစ်သည်။

နယ်ခြားစောင့်ရဲများသည် အောက်တိုဘာလ (၉) ရက်နေ့ တိုက်ခိုက်မှု မတိုင်ခင်ထိ နေ့စဉ်နှင့် အမျှ ဒေသခံ ရိုဟင်ဂျာများထံမှ ငွေညှစ်ခြင်း၊ အကြောင်းမဲ့ ဖမ်းဆီး ရိုက်နှက်ခြင်း၊ လိင်အကြမ်းဖက်ခြင်းများ ကျူးလွန်ခဲ့ပြီး၊ ယခုအခါ ၎င်းတို့၏ ပုံမှန် ညှဉ်းပန်းနှိပ်စက် ငွေညှစ်ခြင်းများ တစ်ဖန် ပြန်လည် စတင်လာခြင်း ဖြစ်သည်။

MYARF

စန္ဒာ့မောင်စိက္ကေ (MYARF)
RB News
10.12.2016

ဒီစကားလေးကို ဒေါ်အောင်ဆန်းစုကြည်က စင်ကာပူရောက်တုန်း နိုင်ငံတကာ အသိုင်းအဝိုင်းကို ပြောဆိုခဲ့တဲ့ စကားလေး ဖြစ်ပါတယ်။

မီးလောင်ရာ လေပင့်ဆိုတာဟာ လောင်နေတဲ့ မီးကို ပိုပြီး တောက်လောင်အောင် မီးမွေးပေးခြင်း၊ ဖေးမကူညီခြင်း၊ ရေလာမြောင်းပေးခြင်း လုပ်ပေးတာကို ဆိုလိုတယ်လို့ နားလည်ရပါတယ်။ ဒီမီးကြီးဟာ ရခိုင်ပြည် အနောက်မြောက်ပိုင်း၊ မောင်တောဒေသမှာ အောက်တိုဘာလကစပြီး ယနေ့ထိ ဖြစ်ပွားနေတဲ့ ပြဿနာကို ရည်ညွှန်းဆိုလိုတာ ဖြစ်ပါတယ်။ ပြဿနာ ဖြစ်တာကို တင်စားပြီး ပြောလိုက်တဲ့ စကားလေးပါပဲ။ ဒီတော့ မောင်တောပြဿနာမှာ ပြဿနာ တစ်ခုတည်းသာ မဟုတ်ပဲ၊ တကယ်တမ်း မီးစစ်စစ် လောင်နေတာ ဖြစ်ပါတယ်။

ဒီပြဿနာ မီးကြီးဟာ ဘာဖြစ်လို့ ဖြစ်လာရတာလဲဆိုရင် ဇစ်မြစ်ကို သိမှ အဖြေမှန် ထွက်လာမှာပါ။ ဒီမီးကြီးဟာ ရိုဟင်ဂျာလို့ ခေါ်တဲ့ လူမျိုးကို လူမျိူးတုန်းအောင် ဖြည်းဖြည်းချင်း အကွက်ဆင် သတ်ဖြတ်နေတဲ့ မီးကြီးပဲ ဖြစ်ပါတယ်။ ရိုဟင်ဂျာလူမျိုးဟာ ခေတ်အဆက်ဆက်က တိုင်းရင်းသား၊ နိုင်ငံသား လူအခွင့်အရေးကို အပြည့်အဝ ရရှိတဲ့ ဘဝကနေ နိုင်ငံမဲ့ ဘဝသို့ တွန်းပို့ ခံလိုက်ရတယ်။ နောက်ဆုံး လူမျိုးပါ တုန်းသွားအောင် အကွက်ဆင်ပြီး လောင်နေစေတဲ့ မီးကြီးပါ။ ဒီနေရာမှာ အကွက်ဆင်တယ်လို့ ဘာလို့ ပြောနိုင်သလဲလို့ စောဒက တက်နိုင်ပါတယ်။ ဒါဟာ သန်းနဲ့ ချီတဲ့ မူးယစ်ဆေးဝါး ရောင်ဝယ်ရေးနဲ့ အရာရှိကြီးတွေထဲမှာ အဝေမတည့်လို့ မကျေနပ်တဲ့ အဖွဲ့က ဖန်တီးတိုက်တဲ့ တိုက်ပွဲလည်း ဖြစ်နိုင်တယ်။ ဒါကို ရိုဟင်ဂျာတွေ လာတိုက်တယ်လို့ ပြောပြီး လှုပ်ရှားလိုက်တာပါပဲ။

တစ်ခါ မောင်တော တောင်ပိုင်းမှာ ဘဂုံးနာကျေးရွာ အုပ်စု၊ နူရူလာရွာ ကိစ္စ။ ဒီကိစ္စဟာ နေခင်းပိုင်းလောက်က ရဲဘော် (၂) ဦး ရန်ဖြစ်ကြတယ်။ ဒါကို ရဲမှူးကြီးက လာပြီး ညနေ (၄) နာရီလောက်မှာ ပြန်ဖြေပေးလိုက်တယ်။ ရဲမှူးကြီးလည်း ပြန်တော့  ည (၈) နာရီလောက်မှာ ရန်ဖြစ်ခဲ့တဲ့ ရဲဘော် (၂) ဦးက အပြန်အလှန် သေနတ်နဲ့ ပစ်ခတ်ကြတဲ့ ကိစ္စပါပဲ။ ဒါကိုလည်း ရိုဟင်ဂျာအပေါ် အပြစ်ပုံချလိုက်တယ်။ ပြီးတော့ နောက်တစ်ခုက မြင်းလွတ် စာသင်ကျောင်းအတွင်း ဆရာ၊ဆရာမများ အဆောင် နှစ်ကြိမ်တိုင်တိုင် မီးလောင်မှု ဖြစ်ပွားခဲ့တဲ့ ကိစ္စပါ။ မြင်းလွတ်ကျောင်းဟာ စရဖအဖွဲ့၊ ရခိုင်ရွာနဲ့ နယ်ခြားစောင့် ရဲတပ်ဖွဲ့ နယ်မြေစခန်းနဲ့ နီးနီးကပ်ကပ် တည်ရှိနေတာပဲ။ ရိုဟင်ဂျာရွာနဲ့ အလှမ်းဝေးတယ်။ ဒီထဲမှာ မီးလောင်မှု ဖြစ်တယ်။ ဒါကိုလည်း ရိုဟင်ဂျာလူမျိုးအပေါ် ပုံချလိုက်တာပဲ။ ဒါနဲ့ အကွက်ဆင် တိုက်ခိုက်တာလို့ ပြောချင်တာ ဖြစ်ပါတယ်။

ဒီတော့ ဘာဖြစ်လာလဲ။ နယ်မြေ ရှင်းလင်းရေး လုပ်တယ်။ ဥပဒေနဲ့ ညီတယ်တဲ့။ ဖြစ်ပျက်မှုတွေကိုကြည့်ရင် အစိုးရက ကြေညာတာနဲ့ မြေပြင်မှာ တကယ် ဖြစ်နေတာဟာ မိုးနဲ့မြေ ကွာနေတာပါပဲ။ အစိုးရ ကြေညာတာက မီးလောင်မှုမှာ ပါသွားတဲ့ အိမ်ခြေ (၁၄၅) လုံး၊ မြေပြင်မှာ (၂၅၀၀) လုံး ကျော်၊ လူသေတာက (၆၉) ဦး၊ မြေပြင်မှာက (၅၀၀) ဦးကျော်။ ဒါ့အပြင် ကျေးရွာပေါင်း (၁၂) ခုက နေအိမ်တွေမှာရှိတဲ့ အဖိုးတန် ပစ္စည်းတွေအကုန်  စစ်ကားတွေပေါ် တင်ပြီး နတလရွာတွေကို သွားပေးလိုက်၊ ရွာထဲမှာရော လယ်ပြင်မှာပါ တွေ့ရှိတဲ့ ကြက်၊ဘဲ၊ဆိတ်၊ကျွဲနဲ့ နွားတွေကို ဖမ်းဆီး မောင်းယူလာပြီး နတလရွာသားတွေကို သွားဝေပေးလိုက်တာက ဥပဒေနဲ့အညီလုပ်နေတာလား။

ဒါ့အပြင် အမကြီး ဒေါ်အောင်ဆန်းစုကြည်ရော ဘယ်လို ခံစားမိပါသလဲ။ အမကြီးလို ဘဝချင်းတူတဲ့ အမျိုးသမီးပေါင်း (၃၀၀) နီးပါးကို အဓမ္မပြုကျင့်လိုက်တယ်။ အဲဒီထဲမှာ ချောချောလေး မိန်းကလေးတစ်ဦးကို စစ်သားတွေက အုပ်စုဖွဲ့ မုဒိမ်းကျင့်လိုက်တော့ ဘာကုသမှုမှ မခံယူနိုင်ပဲ ဝေဒနာပြင်းပြင်းကြီးနဲ့ အသက်ဆုံးရှုံးခံလိုက်ရတော့တယ် အမကြီးရေ။

ဒါတွေကို ရပ်တန့်ဖို့ နိုင်ငံတကာ အသိုင်းအဝိုင်းက ထောက်ပြလာတယ်။ အဲ့တော့ ဒါတွေကို မီးလောင်ရာ လေပင့်နေတယ်လို့ ပြောရင် ဘယ်သူက မီးငြိမ်း၊ ဘယ်သူက လေပင့်တယ်ဆိုတာ စဉ်းစားကြည့်ရင်တော့ အဖြေက ရှင်းနေပါလိမ်မယ့်။

တကယ်ဆိုရင် လူတစ်ဦးကို လက်ညှိုးထိုးလိုက်ရင် လက်ညှိုးနဲ့ လက်မဟာ ထိုးသူဖက်ကို ဦးတည်ပေမယ့် လက်သန်းနဲ့ လက်သူကြွယ်၊ လက်ခလယ်တွေ ကျတော့ ကိုယ့်ဖက်ကိုပဲ ဦးတည်နေမှာဘဲ။ ဒါကိုလည်း သတိချပ်ဖို့ လိုပါလိမ့်မယ်။

ဒီဇင်ဘာ (၄) ရက်နေ့က အမကြီး ဒေါ်အောင်ဆန်းစုကြည် ဖွဲ့စည်းပေးလိုက်တဲ့ ကိုဖီအာနန် ရခိုင်ကော်မရှင်က မောင်တောကို ရောက်ပြီး စစ်တွေအပြန်မှာ သတင်းထောက်တွေ မေးမြန်းကြတယ်။ ရခိုင်ပြည်နယ် အစိုးရအဖွဲ့ အတွင်းရေးမှူးဆိုသူက အဲဒီမှာ မီးလောင်တာတွေ့တယ်၊ ရွာသားတွေမှာ စားစရာတွေ ရှားပါးတယ်လို့ ပြောတယ်။ NGO တွေကို သွားခွင့် မပြုဘူးတယ်တဲ့။ မီးရှို့တာက သူတို့ဟာကို သူတို့ပဲ မီးရှိူ့တယ်လို့ ဝေဝေဝါးဝါး ပြောဆိုတယ်။ ဒါကို ကော်မရှင်အဖွဲ့ဝင်တစ်ဦးကို မေးကြည့်တော့ တိုတိုတုတ်တုတ် ပြတ်ပြတ်ပဲ ပြောလိုက်တယ်။ သူကကြောက်နေတော့ Comment တော့ သိပ်မပေးချင်ဘူးတဲ့။ ဒါပေမယ့် အစိုးရက ကြေညာတာနဲ့ ရွာသူရွာသားတွေက ပြောလိုက်တာနဲ့ မတူဘူးလို့ ပြောသွားပါတယ်။ အဲဒီတော့ စဉ်းစားကြည့်ရင်တော့ အဖြေမှန်က ဘာလဲဆိုတာ ပေါ်လာတော့မှာပဲ။

အမကြီး ဒေါ်အောင်ဆန်းစုကြည်ဟာ မြန်မာနိုင်ငံရဲ့ မီးရှုးတန်ဆောင်ကြီးပါ။ မညိုးပန်းလို့ပဲ တင်စားခေါ်ဝေါ်လို့ ရပါတယ်။ မညှိုးပန်းဆိုတာ ဘယ်တော့မှ မညိုးစေလိုတာကြောင့် “ပညာရှိ သတိဖြစ်ခဲ” ဆိုတဲ့ ဆိုရိုးစကားလေးအတိုင်း ရေရွတ်လိုက်ရပါတော့တယ်လို့ ပြောရင်း…။

RB News
9.12.2016

ကုလသမဂ္ဂ အထွေထွေ အတွင်းရေးမှူးချုပ် မစ္စတာဘန်ကီမွန်းရဲ့ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ် ဖြစ်တဲ့ မစ္စတာဗီဂျေနံဗီးယားက ရခိုင်ပြည်နယ် မြောက်ပိုင်းမှာ ဖြစ်ပွားနေတဲ့ အခြေအနေနဲ့ ပတ်သက်ပြီး အလွန်စိုးရိမ်နေရတဲ့ အကြောင်း ကြေညာချက် တစ်စောင် ထုတ်ပြန်လိုက်ပါတယ်။

လုံခြုံရေးတပ်ဖွဲ့တွေက တရားဥပဒေနဲ့ အညီ လုပ်ဆောင်ဖို့၊ နိုင်ငံတကာ စံချိန်စံညွန်းနဲ့ လုပ်ဆောင်ဖို့ အပြစ်မဲ့ အရပ်သားတွေကို ထိခိုက်စေတာတွေ၊ သူတို့ရဲ့ ပိုင်ဆိုင်မှုတွေကို ထိခိုက်တာတွေ မလုပ်ဆောင်ဖို့ ကုလသမဂ္ဂ အနေနဲ့ တိုက်တွန်းတယ်လို့ ဆိုပါတယ်။ အာဏာပိုင်တွေ အနေနဲ့ အရပ်သား ပြည်သူတွေကို ကာကွယ်ပေးဖို့ လိုပြီး လူသားချင်းစာနာမှု အထောက်အပံ့ အကူအညီတွေ ပေးနိုင်ဖို့ လမ်းတွေဖွင့်ပေးဖို့ လိုတဲ့အကြောင်း၊ အစိုးရက ဖွဲ့စည်းထားတဲ့ အမျိုးသားအဆင့် စုံစမ်းရေး ကော်မရှင်ကလည်း သီးခြားလွတ်လပ်တဲ့ ပုံစံမျိုးနဲ့ လုပ်ဆောင်ရင် ပဋိပက္ခဖြစ်ပွားနေတဲ့ နေရာက ပြည်သူတွေရဲ့ ယုံကြည်မှုနဲ့အတူ နိုင်ငံတကာ အသိုင်းအ၀ိုင်းရဲ့ ယုံကြည်မှုပါ ရလိမ့်မယ်လို့ ယုံကြည်တယ်လို့ နံဗီးယားရဲ့ ကြေညာချက်ထဲ ရေးသားထားပါတယ်။

MYARF
RB News
8.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ဦးရှည်ကျ ကျေးရွာတွင် ဒီဇင်ဘာလ (၇) ရက်နေ့က စစ်သားများ ပစ်ခတ်မှုကြောင့် ၂ ဦး ဒဏ်ရာရရှိခဲ့ပြီး၊ အပြစ်မဲ့ ရွာသား ၃၀ ကျော်ကို ဖမ်းဆီးခဲ့ကြောင်း သတင်း ရရှိပါသည်။

ဒီဇင်ဘာလ (၇) ရက်နေ့ နံနက် ၄ နာရီ အချိန်တွင် စစ်သားများနှင့် နယ်ခြားစောင့်ရဲများ ၅၀၀ ဦးခန့် ဦးရှည်ကျ ကျေးရွာသို့ ၀င်ရောက်လာပြီး အမျိုးသားများကို ဖမ်းဆီးသဖြင့် အမျိုးသားများ ထွက်ပြေးကြရာ စစ်သားများနှင့် နယ်ခြားစောင့်ရဲများက အဆက်မပြတ် ပစ်ခတ်ခဲ့သည်။ ပစ်ခတ်မှုကြောင့် အမျိုးသားတစ်ဦးနှင့် အမျိုးသမီး တစ်ဦး ဒဏ်ရာ ရရှိခဲ့သည်။

“မနက်ပိုင်းမှာ သက်ကြီးရွယ်အို တွေချည်း ဖမ်းခံရတယ်။ အဖိုးကြီးတွေ ဆိုပြီး လွှတ်မပေးဘူး။ အရမ်းကို ရိုက်တာ။ အသက် ၆၀ အရွယ် ဦးမာတ်အာလမ် ကို ဖမ်းပြီးတော့ သူ့အိမ်ကို ၀င်တယ်။ လုခံရမှာစိုးလို့ မြေကြီးမှာ မြှပ်ထားတဲ့ ငွေ ၃ သိန်းနဲ့ ရွှေနားကပ် ၃ ရံကို စစ်သားတွေက တူးဖော်ပြီး လုသွားတယ်။ သူ့အိမ်က အိမ်ထရံတွေ အကုန်ဖျက်ဆီးပစ်တယ်။ ပြီးတော့ အိမ်က ဆန်တွေကို ချက်စားပစ်တယ်။ အိမ်ထဲက ပစ္စည်းတွေကိုလုတယ် ဖျက်ဆီးတယ်။ ဦးမာတ်အာလမ်ကို ရိုက်တာ မျက်နှာပါ ကွဲပြဲသွားတယ်” ဟု ဒေသခံတစ်ဦးက RB News သို့ပြောသည်။

“ဦးမာမတ်နိုဘီ ဆိုရင် အသက် ၈၅ နှစ် အရွယ်ပါ။ သူ့ကို စစ်သားတွေ ၀ိုင်းရိုက်တာ သွားပါ ကျိုးသွားတယ်” အဆိုပါ ဒေသခံက ဆက်လက် ပြောပါသည်။

နံနက် (၈) နာရီ အချိန်တွင် အမျိုးသမီးများနှင့် ကလေးငယ်များကို အိမ်အပြင်သို့ ထွက်ခိုင်း၍ ရွာအပြင်ဖက် ချောင်းနားရှိ ဦးရှည်ကျ ဈေးရှေ့ လယ်ကွင်းတွင် စုထားခဲ့သည်။ ထို့နောက် စစ်သားများနှင့် နယ်ခြားစောင့်ရဲများက အမျိုးသမီးများကို လိင်စော်ကား၍ စစ်ဆေးပြီး ခန္ဓာကိုယ်တွင် ၀တ်ဆင်ထားသည့် ရွှေများ၊ ၀ှက်ထားသည့် ငွေသားများကို လုယက်ခဲ့သည်။

စစ်သားအချို့နှင့် နယ်ခြားစောင့်ရဲ အချို့သည် နေအိမ်များ အတွင်းသို့ ၀င်ရောက်၍ အဖိုးတန် ပစ္စည်းများ လုယက်ခြင်း၊ အိမ်သုံးပစ္စည်းများ ဖျက်ဆီးခြင်းကို ပြုလုပ်ခဲ့သည်။

“ဆိုင်ကယ် ၆ စီးနဲ့ နွားတွေအများကြီး လုယက်သွားတယ်” ဟု ရွာလူကြီးတစ်ဦးက ပြောပါသည်။

အမျိုးသမီးများနှင့် အတူရှိနေသည့် စစ်သားများက အကြမ်းဖက်သမားများကို မပြပေးပါက ဖမ်းဆီး၍ သတ်ပစ်မည်ဟု ခြိမ်းခြောက်ခဲ့သည်ဟု ဒေသခံများက ပြောပါသည်။

နေ့လည် ၃ နာရီခန့် အချိန်တွင် အမျိုးသမီးများနှင့် ကလေးများကို အိမ်ပြန်ခွင့် ပေးပြီး၊ ညနေ ၄ နာရီ အချိန်တွင် စစ်သားများနှင့် နယ်ခြားစောင့်ရဲများ ပြန်သွားခဲ့သည်။ ၎င်းတို့ ပြန်သွားပြီးနောက် အမျိုးသားများ ပြန်လည် ရောက်ရှိလာရာ စစ်သားများနှင့် နယ်ခြားစောင့်ရဲ များသည် ည ၆ နာရီ အချိန်တွင် ရွာထဲသို့ ၀င်ရောက်၍ အမျိုးသား ၃၀ ခန့်ကို ဖမ်းဆီးခဲ့သည်။

စစ်သားများနှင့် နယ်ခြားစောင့်ရဲများ ပြန်လည် ၀င်လာသည်နှင့် အမျိုးသားများ ရွာမှထွက်ပြေးခဲ့ကြသည်။ အမျိုးသမီးများကို စစ်သားများက နေအိမ်မှ အပြင်သို့ ထွက်၍ နေအိမ်အတွင်းသို့ ၀င်ရောက် စစ်ဆေးမှုများ ပြုလုပ်ခဲ့ပြီး၊ ကံပြင်ရွာမှ ရခိုင်အစွန်းရောက်များက အိမ်များနှင့် ဆိုင်များမှ လုယက်ခဲ့ကြောင်း သိရှိရသည်။

ဦးရှည်ကျ ကျေးရွာတွင် အောက်တိုဘာလ၌ စစ်တပ်က နေအိမ်များ အတွင်း ၀င်ရောက် ဖျက်ဆီးထားသည့်ပုံ

အင်ဒိုသမ္မတနဲ့ ကုလ အတွင်းရေးမှုးချုပ်ဟောင်း ရခိုင်အရေး ဆွေးနွေး

ဗွီအိုအေမြန်မာပိုင်း

Rohingya Eye
RB News
8.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း မြောတောင် ကျေးရွာမှ မိခင်နှင့် အရွယ်မရောက်သေးသော သမီးငယ်နှစ်ဦးကို စစ်သားများက အုပ်စုဖွဲ့ မုဒိမ်းကျင့်ခဲ့ကြောင်း သတင်း ရရှိပါသည်။

ဒီဇင်ဘာလ (၄) ရက်နေ့ နေ့လည် ၁ နာရီ အချိန်တွင် စစ်သားများနှင့် န.တ.လ ရွာသားများသည် မြောတောင် ကျေးရွာအုပ်စု၊ အလယ်ရွာသို့ ၀င်ရောက်လာခဲ့သည်။ ထို့နောက် စစ်သား (၇) ဦးသည် ဦး ------- ၏ နေအိမ်ထဲသို့ ၀င်ရောက်ခဲ့သည်။ ဦး ---- က ၎င်းကို အကြောင်းမဲ့ ရိုက်နှက်၍ ဖမ်းဆီးမည်ကို စိုးရိမ်၍ စစ်သားများ လာနေသည်ကို မြင်သည်နှင့် ထွက်ပြေး တိမ်းရှောင်သွားခဲ့သည်။

စစ်သားများသည် ဦး ----- ၏ နေအိမ်အတွင်းသို့ ၀င်ရောက်၍ ဦး ----- ၏ အသက် ၃၆ နှစ် အရွယ် ဇနီးနှင့် အရွယ်မရောက် သေးသည့် အသက် (၁၅) နှစ်နှင့် အသက် (၁၃) နှစ် သမီးငယ် တို့ကို လူမဆန်စွာ အုပ်စုဖွဲ့ မုဒိမ်းကျင့်ခဲ့သည်။ သမီးငယ်နှစ်ဦးနှင့် မိခင်ဖြစ်သူတို့ကို အချင်းချင်း ရှေ့မှောက်တွင်ပင် မုဒိမ်းကျင့်ခဲ့ကြောင်း ဒေသခံတစ်ဦးက RB News သို့ပြောသည်။ (မိခင်နှင့် သမီးငယ်နှစ်ဦးတို့၏ အမည်များကို ဂုဏ်သိက္ခာကို ငှဲ့ကွက်၍ ချန်လှပ်ထားရခြင်း ဖြစ်သည်။)

ယနေ့ ဒီဇင်ဘာလ (၈) ရက်နေ့ နေ့လည် ၃း၂၀ နာရီ အချိန်တွင် အရပ်ဝတ် ၀တ်ဆင်ထားသော စစ်သားများ (သို့) နယ်ခြားစောင့်ရဲများနှင့် သရက်အုပ် ကျေးရွာအုပ်စုမှ ရခိုင်အစွန်းရောက် အချို့သည် သေနတ်နှစ်လက်နှင့် ဓါးရှည် သုံးချောင်း ကိုင်ဆောင်၍ မော်တော်ဆိုင်ကယ် နှစ်စီးဖြင့် မြောတောင် ကျေးရွာထဲသို့ ၀င်ရောက်လာခဲ့သည်။ ကျေးရွာထဲသို့ ၀င်ရောက်သည်နှင့် ဆိုင်ကယ်နှစ်စီး စီးနင်းသွားနေသည့် ဒေသခံ ရိုဟင်ဂျာ ရွာသားနှစ်ဦးကို တွေ့သည့်အခါ ဆိုင်ကယ်များကို ရပ်တန့်ခိုင်းပြီး၊ ရခိုင်အစွန်းရောက်နှစ်ဦးက ဆိုင်ကယ်မှ သော့ကိုဖြုတ်ယူကာ ကျန်သည့်သူများက ရွာသားနှစ်ဦးကို အကြောင်းမဲ့ ရိုက်နှက်ခဲ့သည်။

ရိုက်နှက်ခံနေရသည့် ရွာသားနှစ်ဦးသည် ထိုနေရာမှ ရအောင် ထွက်ပြေးခဲ့သောအခါ ၎င်းတို့နှစ်ဦး၏ ဆိုင်ကယ်များကို စစ်သားများ (သို့) နယ်ခြားစောင့်ရဲများနှင့် ရခိုင်အစွန်းရောက်များက လုယက်ယူ၍ စီးနင်းသွားပြီး၊ ရွာအတွင်းရှိ လျှပ်စစ်ပစ္စည်း၊ စားကုန်ပစ္စည်းများ ရောင်းသည့် ဆိုင်ငယ်ရှေ့တွင် ရပ်တန့်ကာ ဆိုင်အတွင်းသို့ ၀င်ရောက်၍ လုယက်ပြီး ဆိုင်မှ ပစ္စည်းများ အားလုံး ယူဆောင် သွားခဲ့ကြောင်း ဒေသခံများက RB News သို့ပြောသည်။

ဆိုင်ကယ် လုယက်ခံရသူ နှစ်ဦးမှာ --

(၁) ဦးကာမာလ် (ဘ) ဦးမာမွတ်ကော်ဘီရ် (အသက် ၄၀ နှစ်)
(၂) ဖာရ်ခါန် (အသက် ၂၃ နှစ်) တို့ဖြစ်ပြီး --

လုယက်ခံရသည့် ဆိုင်ရှင်မှာ အေလီယာစ် (ဘ) ဦးဆိဒိတ် (အသက် ၂၅) နှစ်ဖြစ်သည်။

ဘုရားသခင်ကို တိုင်ပြောပြမယ်

ရေးသားသူ - ယျာတင် (ရိုဟင်းသား)