အာဖဂန်သူလေး Malala Yousafzai ဥရောပ သမဂ္ဂရဲ့ Sakharov ဆုချီးမြှင့်ခံရ
 |
| အာဖဂန်သူလေး Malala Yousafzai |
10.10.2013
အီးယူ ဥရောပ သမဂ္ဂရဲ့ လူ့အခွင့်ရေး ဆိုင်ရာ အမြင့်ဆုံးဆု ဖြစ်တဲ့ Sakharov ဆုကို ပါကစ္စ တန် ကျောင်း သူလေး Malala Yousafzai ကိုချီးမြှင့် လိုက်ပြီ ဖြစ် ပါတယ်။ အမျိုးသမီး ပညာရေး အဆင့် အ တန်း မြင့်မား လာအောင် ကြိုးပမ်း မှုတွေကြောင့် မာလာလာဟာ တာလီဘန် တွေရဲ့ ပစ်မှတ်ထား တိုက် ခိုက် မှုကို ခံနေရ ပါတယ်။
ဆုငွေ အဖြစ် အမေရိကန် ဒေါ်လာ ၆ သောင်းခွဲ သတ်မှတ် ထားတဲ့ လွတ်လပ်တဲ့ တွေးခေါ်မှု ပိုင်ရှင် ဆာ ခါရော့ဗ် ဆုကို ကြာသပတေး နေ့မှာ ဥရောပ သမဂ္ဂ လွှတ်တော် အမတ် တွေက Brussels မှာ ကြေငြာ လိုက်တာပါ။
၂၀၀၉ ခုနှစ် ကတည်းက အမျိုးသမီးတွေ ပညာ သင်ကြား ရေးကို အဲဒီ အချိန်က အုပ်ချုပ် နေတဲ့ တာလီ ဘန် တွေက တားမြစ် ထားတဲ့ ကြားကပဲ ပါကစ္စတန် နိုင်ငံ Swat တောင်ကြား ဒေသမှာ အမျိုး သမီးတွေ ပညာ သင်ကြားရေး၊ လွတ်လပ်မှု ရရှိရေးနဲ့ ကိုယ်ပိုင် အတွေး အခေါ်နဲ့ လုပ်ပိုင်ခွင့် ရှိရေးတွေ အတွက် အသက် ၁၁ နှစ် အရွယ်ပဲ ရှိသေးတဲ့ မာလာလာက လှုပ်ရှား ခဲ့တာ ဖြစ်ပါတယ်။
သူဟာ နံမယ် ဝှက်နဲ့ ကွန်ပြူတာမှာ ဘလော့ တခု စဖွင့်ပြီး ရေးသား ခဲ့တာမို့ အမျိုးသမီး ရပိုင်ခွင့် အတွက် တိုက်ပွဲဝင် သူအဖြစ် တဟုန်ထိုး ကျော်ကြား လာတာပါ။ ၂၀၁၂ ခုနှစ်မှာ တာလီဘန် တွေက သူစီး လာ တဲ့ ကျောင်းကားကို တိုက်ခိုက်ပြီး သူ့ကို လုပ်ကြံ ခဲ့တာမို့ သေလောက်တဲ့ ဒဏ်ရာတွေ ရခဲ့ တာပါ။ သူ့ကို ဗြိတိန် နိုင်ငံမှာ ခွဲစိတ်မှု မျိုးစုံ လုပ်ပြီး သူ့ရဲ့ လည်ပင်းက သေနတ် ကျည်ဆံကို ထုတ်ပစ် ခဲ့ရတဲ့ အပြင် ဦးနှောက် ယောင်လာ တာကိုပါ လျော့ပါးအောင် လုပ်ပေး ခဲ့ရပါတယ်။
အဲဒီ အချိန်ကစပြီး သူဟာ ဗြိတိန် နိုင်ငံမှာ နေထိုင် ပေမယ့် အမျိုးသမီး ရပိုင်ခွင့် အတွက် ဆက်လက် လှုပ် ရှား နေပြီး ဇူလိုင်လတုန်းက ကုလသမဂ္ဂမှာ မိန့်ခွန်း ပြောကြား ခဲ့သလို ဒီသီတင်းပါတ် အစောပိုင်း မှာ လည်း သူအတိုက်ခိုက် ခံခဲ့ရတဲ့ နှစ်ပါတ်လည် နေ့အဖြစ် ကိုယ်တွေ့ မှတ်တမ်း တစောင် ထုတ်ဝေ ခဲ့ပါ တယ်။
Sakharov ဆုရခဲ့သူ တွေထဲမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်၊ တောင်အာ ဖရိက တိုက် အသားရောင် ခွဲခြားမှု တိုက်ဖျက်ရေး ခေါင်းဆောင် Nelson Mandela နဲ့ ကုလသမဂ္ဂ အတွင်းရေး မှုးချုပ်ဟောင်း ကိုဖီအာနန် တို့လည်း ဆွတ်ခူး ရရှိခဲ့ ပါတယ်။
