BGP နှင့် မ.က.ဖ များပူးပေါင်း၍ ပညောင်ပင်ကြီး ကျေးရွာတွင် အကြမ်းဖက် လုယက်

Rohingya Eye
RB News
25.9.2014

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ပညောင်ပင်ကြီး ကျေးရွာ အတွင်းသို့ နယ်ခြားစောင့် ရဲတပ်ဖွဲ့ဝင်များနှင့် မ.က.ဖ အဖွဲ့များ ၀င်ရောက်၍ ဒေသခံ ရွာသားများကို ရိုက်နှက် ညှဉ်းပန်း နှိပ်စက်သည့် အပြင်၊ နေအိမ်တွင်းမှ ပစ္စည်းများ ဖျက်ဆီးခြင်း၊ လုယက်ခြင်းများ ပြုလုပ်ခဲ့ကြောင်း သတင်း ရရှိပါသည်။

စက်တင်ဘာလ (၁၈) ရက်နေ့တွင် နယ်ခြားစောင့် ရဲတပ်ဖွဲ့ဝင်များနှင့် မ.က.ဖ အဖွဲ့ဝင်များသည် မောင်တောမြို့နယ် တောင်ပိုင်း ပညောင်ပင်ကြီး ကျေးရွာ (ဒေါင်လီဖာရာ) အတွင်းသို့ ၀င်ရောက်၍ အမည်ခံ လူဦးရေ စာရင်း စစ်ဆေးရန် ကြိုးစားခဲ့သော်လည်း ဒေသခံ ရွာသားများက အစစ်ဆေးခံရန် ငြင်းဆန်ခဲ့သဖြင့် ပြန်လည် ထွက်ခွာသွားခဲ့သည်။ အဆိုပါ အဖွဲ့သည် ည ၁၀ နာရီ အချိန်တွင် စစ်သား အင်အား အများအပြားဖြင့် ရွာအတွင်းသို့ ၀င်ရောက်၍ ဒေသခံ ရွာသားများကို အကြမ်းဖက် ခဲ့ကြောင်း ဒေသခံ တစ်ဦးက RB News သို့ပြောပါသည်။

နယ်ခြားစောင့် ရဲတပ်ဖွဲ့နှင့် စစ်သားများသည် ဒေသခံ ရွာသားများ၏ နေအိမ် တံခါးများနှင့် ပြတင်းပေါက်များ ရိုက်ချိုးခြင်း၊ ဗီဒိုနှင့် သေတ္တာများ ဖောက်ထွင်း၍ ဖျက်ဆီးခြင်း၊ ထိုင်ခုံများ၊ ကုတင်များနှင့် မီးဖိုချောင်သုံး ပစ္စည်းများ၊ အိုးခွက် ပန်းကန်များ ဖျက်ဆီးခြင်းများ ပြုလုပ်ခဲ့သည့် အပြင် တန်ဖိုးကြီး ပစ္စည်းများနှင့် ငွေသားများ လုယက် ယူဆောင် ခဲ့ကြောင်း ဒေသခံများက ပြောပါသည်။ ထို့အပြင် တစ်နှစ်စာ သိုလှောင်ထားသည့် ဆန်အိတ်များကို နယ်ခြားစောင့် ရဲတပ်ဖွဲ့များက လုယက် ယူဆောင် သွားခဲ့ကြောင်း သိရှိရပါသည်။

ရိုက်နှက် ညှဉ်းပန်း နှိပ်စက်ခံရပြီး လုယက်ခံရသူ အချို့မှာ --

(၁) ဟာဖီးစ် အာယုဘ် (ဘ) ဦးအဒူရာမန် (အသက် ၂၅ နှစ်)
(၂) ဦးရာမတ်အုလ္လာ (ဘ) ဦးဖော်ဇော်အာမတ် (အသက် ၅၀ နှစ်) -- (၎င်း၏ မုတ်ဆိတ်ကို အတင်းရိတ်သည့် အပြင် လူမဆန်စွာ ရိုက်နှက်ခဲ့သည်။)
(၃) ဦးလာလ်မျာ (ဘ) ဦးအော်လီအာမတ် (အသက် ၅၅ နှစ်) -- (၎င်း၏ မုတ်ဆိတ်ကို အတင်းရိတ်သည့် အပြင် လူမဆန်စွာ ရိုက်နှက်ခဲ့သည်။)
(၄) ဦးနူရ်ဟူဆောင်း (ဘ) ဦးလာလ်မျာ (အသက် ၃၅ နှစ်)
(၅) ဦးအာဇီမုလ္လာ (ဘ) ဦးဆွေယာဒ်အာမတ် (အသက် ၃၅ နှစ်)
(၆) မော်လ၀ီ ဦးရော်ရှိတ် (ဘ) ဦးအာရှော်ရော်ဖ်မျာ (အသက် ၃၆ နှစ်) – (၎င်း၏ မိခင်နှင့် ဇနီးတို့ကို စစ်ဖိနပ်ဖြင့် ကန်သည့်အပြင် နေအိမ်မှ ငွေကျပ် တစ်သိန်းကိုလည်း လုယက် ယူဆောင် သွားခဲ့သည်။)
(၇) မော်လ၀ီ ရှာလာမ် (ဘ) ဦးအဘူရှော်မာ (အသက် ၃၅ နှစ်) – (၎င်း၏ မိခင် ဒေါ်နုရ်ဂျာဟာန်ဘီ (အသက် ၆၅ နှစ်) ကို နယ်ခြားစောင့် ရဲတပ်ဖွဲ့ဝင်များက စစ်ဖိနပ်ဖြင့် ကန်သဖြင့် ပြင်းထန်စွာ ဒဏ်ရာရခဲ့သည့် အပြင် နေအိမ်မှ ဘတ္တရီအကြီး တစ်လုံးနှင့် ဆိုလာပြားများကို လုယက် ယူဆောင် သွားခဲ့သည်။)
(၈) ဦးမာမတ်ယာစီးန် (ဘ) ဦးအာမီးရ်ဟောက်ခ် (အသက် ၂၆ နှစ်) – (၎င်း၏ ဇနီးကို ခြေထောက်ဖြင့် ကန်သည့် အပြင် လက်သီးဖြင့် ထိုးကြိတ်ခဲ့သည်။)
(၉) မာဘူရာမန် (ဘ) ဦးဇာဖော်ရ်အာမတ် (အသက် ၂၀ နှစ်) – (၎င်း၏ စားကုန်ဆိုင်ကို ဖောက်ထွင်း၍ ဆိုင်အတွင်းရှိ ပစ္စည်း အများအပြားကို ကားဖြင့်တင်ဆောင် သွားခဲ့သည်။)