နောက်ဆုံးသတင်း/ဆောင်းပါးများ

မောင်တော ခရိုင် အာဏာပိုင်များက ဒေသခံများကို အစည်းအဝေးများ ခေါ်ယူပြီး ခြိမ်းခြောက်




MYARF
RB News
28.3.2015

မောင်တော ။ ။ ရခိုင်ပြည်နယ်၊ မောင်တောခရိုင် မောင်တော မြို့နယ်နှင့် ဘူးသီးတောင် မြို့နယ်ရှိ အာဏာပိုင်များက ဒေသခံများကို အစည်းအဝေးများ ခေါ်ယူပြီး ခြိမ်းခြောက်မှုများ ပြုလုပ်ခဲ့ကြောင်း သတင်း ရရှိပါသည်။

မတ်လ (၂၄) ရက်နေ့ နံနက် ၁၀ နာရီ အချိန်တွင် မောင်တောမြို့နယ် မြောက်ပိုင်း အမှတ် (၂) နယ်မြေ ခမောင်းဆိပ် ကျေးရွာရှိ တပ်မတော် တပ်ရင်း ၅၄၂ မှ တပ်ရင်းမှူးက ခမောင်းဆိပ် အနီးတ၀ိုက်ရှိ ကျေးရွာများမှ ကျေးရွာ အုပ်ချုပ်ရေးမှူးများ၊ ရပ်မိရပ်ဖများ၊ ဘာသာရေး ဆရာ (မော်လ၀ီ) များကို ခမောင်းဆိပ် ကျေးရွာ အုပ်ချုပ်ရေးမှူး ရုံးသို့ ဆင့်ခေါ်၍ အစည်းအဝေး တစ်ရပ် ကျင်းပခဲ့သည်။

အစည်းအဝေးတွင် တပ်ရင်းမှူးက “ဘင်္ဂလီများ အနေဖြင့် ဥပဒေအတိုင်း အေးဆေးစွာ နေထိုင်ရန်၊ ဥပဒေကို လေးစား လိုက်နာရန်၊ ကျေးရွာတွင် လူဆိုး လူမိုက်များ ၀င်ရောက်လာလျှင် တပ်ရင်းသို့ အကြောင်းကြားရန်၊ ဘင်္ဂလီများကို တိုင်းရင်းသားများနှင့် နှိုင်းယှဉ်ခြင်း မပြုရန်၊ ယခု စစ်ဆေးနေသည့် ဆွဲ၊တင်၊စစ် ကို လက်ခံ၍ စစ်ဆေးခံရန်၊ ယာယီ ကဒ်ပြားများကို အပ်နှံရန်၊ နိုင်ငံသားအတွက် လျှောက်ထားရန်၊ နိုင်ငံသား အတွက် လျှောက်ထားပြီးသူများကို စီစစ်၍ ဘင်္ဂလီ လူမျိုးအမည်ဖြင့် ပြုနိုင်ငံသားကဒ် အစိမ်းရောင်ကဒ်များ ထုတ်ပေးသွားမည် ဖြစ်ကြောင်း၊ ပြောကြားသည့် အတိုင်း လိုက်နာခြင်း မရှိပါက ဒုက္ခရောက်သွားမည်ဟု ခြိမ်းခြောက် ပြောဆိုခဲ့သည်ဟု ဒေသခံ တစ်ဦးက RB News သို့ပြောသည်။ ၎င်းက ကျေးရွာတွင် ကလေး မွေးဖွားလျှင်ပင် အာဏာပိုင်များကို အကြောင်းကြားရမည်ဟု ထပ်လောင်း ပြောကြားခဲ့သည်။

မတ်လ (၂၅) ရက်နေ့ နံနက်ပိုင်းတွင်လည်း အမှတ် (၅) နယ်မြေ ငါးခူရ နယ်ခြားစောင့် ရဲတပ်ဖွဲ့ စခန်းတွင် နယ်ခြားစောင့် ရဲတပ်ဖွဲ့ ရဲမှူးက ဒေသခံ ရိုဟင်ဂျာများကို အစည်းအဝေး ခေါ်ယူပြီး ၅၄၂ တပ်ရင်းမှ တပ်ရင်းမှူး ပြောကြားသည့် အတိုင်း ပြောကြားခဲ့သည်။

မတ်လ (၂၄) ရက်နေ့တွင် ဘူးသီးတောင် မြို့နယ် မြောက်ပိုင်း ငရန်းချောင်း ကျေးရွာအုပ်စုရှိ စာသင်ကျောင်းတွင် မြို့နယ် အုပ်ချုပ်ရေးမှူး ရုံးမှ ဦးစီးနှင့် အမှတ် (၉) နယ်မြေမှ နယ်ခြားစောင့် ရဲတပ်ဖွဲ့ ရဲမှူးတို့က ရပ်မိရပ်ဖများ၊ ကျေးရွာ အုပ်ချုပ်ရေးမှူး များနှင့် ဘာသာရေးဆရာများ (မော်လ၀ီများ) ကို ဆင့်ခေါ်၍ အစည်းအဝေး တစ်ရပ် ကျင်းပပြီး အထက်ပါ အတိုင်း ခြိမ်းခြောက် ပြောဆိုခဲ့သည်။ မတ်လ (၂၆) ရက်နေ့ နံနက် ၉ နာရီတွင်လည်း ဘူးသီးတောင် မြို့နယ် တောင်ပိုင်း ညောင်ချောင်း နယ်ခြားစောင့် ရဲတပ်ဖွဲ့၌ အစည်းအဝေး ကျင်းပပြီး ဒေသခံများကို ၅၄၂ တပ်ရင်းမှူး ပြောကြားသည့် ပြောဆိုကာ ခြိမ်းခြောက်ခဲ့သည်။

မောင်တောမြို့နယ်ရှိ ကျေးရွာအချို့တွင် ယာယီကဒ်ပြားများ သိမ်းဆည်းရန် ကော်မီတီဖွဲ့စည်းခဲ့သည်။ လက်ရှိ ကျေးရွာ အုပ်ချုပ်ရေးမှူးများမှ ကော်မီတီ ဥက္ကဌ၊ မြို့နယ် အုပ်ချုပ်ရေးမှူး ရုံးမှ ခန့်ထားပေးသည့် စာရေးမှာ အတွင်းရေးမှူး ဖြစ်ပြီး၊ ရပ်မိရပ်ဖနှင့် ကျေးရွာရှိ ကျောင်းမှ ကျောင်းအုပ် ဆရာကြီးတို့မှာကော်မီတီ အဖွဲ့ဝင်များ ဖြစ်ကြကြောင်း သိရသည်။

Comment ရေးရန်

Rohingya Exodus