ဘူးသီးတောင်၊ ညောင်ချောင်းမှ နယ်ခြားစောင့်ရဲ များက ဒေသခံများကို နှောက်ယှက် ငွေညှစ်

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ညောင်ချောင်း အခြေစိုက် နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲ (၃) ဦးသည် ဒီဇင်ဘာလ (၁၆) ရက်နေ့တွင် ဖုရားပြင်အောင်ပ ကျေးရွာအုပ်စု၊ အကွက် (၂) သို့ သွားရောက်ပြီး ဦးအစ္စမိုင်လ် (ဘ) ဦးဒါန်ဖော်အိရ် (အသက် ၅၅ နှစ်) ကို ဖမ်းဆီးပြီး ဇနီးနှစ်ဦး လက်ထပ်ယူ ထားသည်ကို အကြောင်းပြ ခြိမ်းခြောက်၍ ငွေကျပ် ၂၅၀၀၀ ညှစ်ယူခဲ့သည်။ မယားပြိုင် စနစ်ကို စတင် ပိတ်ပင်ခဲ့သည်မှာ န.စ.က လက်ထက်တွင် ဖြစ်ပြီး၊ ဦးအစ္စမိုင်လ်က ဇနီးနှစ်ဦး လက်ထပ်ထားသည်မှာ န.စ.က မတိုင်မှီ၊ လွန်ခဲ့သည့် ၂၅ နှစ်ကျော်က ဖြစ်သည်။ န.စ.က လက်ထက်တွင် ၎င်းကို န.စ.က များက စစ်ဆေးခဲ့သည်။ သို့သော်လည်း န.စ.က မတိုင်မှီ လက်ထပ်ခဲ့ခြင်းကြောင့် အရေးယူနိုင်ခြင်း မရှိခဲ့ကြောင်း ဒေသခံများက RB News သို့ပြောပါသည်။ ယခု နယ်ခြားစောင့် ရဲတပ်ဖွဲ့ လက်ထက်တွင် လွန်ခဲ့သည့် ၂၅ နှစ်ကျော်က ဖြစ်ပျက်ခဲ့သည်ကို လက်နက်အားဖြင့် အနိုင်ကျင့်၍ ငွေညှစ်ခြင်း ဖြစ်သည်။ 

ဒီဇင်ဘာလ (၂၅) ရက်နေ့ ညနေပိုင်းတွင် ဖုရားပြင် အောင်ပ ကျေးရွာအုပ်စု၊ အကွက် (၂) မှ သစ်ခုတ်သမား ဦးဂျော်မိလ် (ဘ) ဦးဟူဆောင်းသည် တောင်ဘဇာဘက်မှ သစ်လုပ်ငန်းရှင် များထံ သစ်ခုတ်ပြီး အိမ်ပြန်လာနေစဉ် အိမ်တွင် သုံးရန် သစ်ဖြူ သုံးချောင်း ယူလာရာ ရွာအ၀င်တွင် အဆိုပါ ညောင်ချောင်း စခန်းမှ နယ်ခြားစောင့်ရဲ (၃) ဦးက တွေ့ရှိပြီး အမျိုးမျိုး ခြိမ်းခြောက်ပြီး သစ်များ သိမ်းယူလိုက်သည်။ နောက်ဆုံးတွင် ငွေကျပ် တစ်သောင်းတန်သော ကြက်ဖ တစ်ကောင်ပေး၍ သစ်များကို ပြန်ရွေး ယူရသည်။ 

ဒီဇင်ဘာလ (၂၂) ရက်နေ့ ညနေပိုင်းတွင် အဆိုပါ စခန်းမှ နယ်ခြားစောင့်ရဲ (၃) ဦးသည် ဖုရားပြင်အောင်ပ ကျေးရွာအုပ်စု အကွက် (၇) သို့ သွားရောက်၍ အာဘူကောရ် (ဘ) ဦးမာမတ်တော်ယုဖ်ကို ခြင်းလုံး ကစားနေစဉ် ကစားဖော်များ ရှေ့မှောက်တွင် လက်ထိပ်ခတ် ဖမ်းဆီးပြီး၊ ယင်းရွာရှိ ဆိုင်တစ်ဆိုင်သို့ ဖခင်ဖြစ်သူကို ခေါ်လာကာ ၎င်း၏ သားမှာ BD ပြေးဟု စွပ်စွဲ၍ ငွေတောင်းခံခဲ့သည်။ သို့သော် ဖခင်ဖြစ်သူ ၎င်း၏ သားမှာ BD ပြေးမဟုတ်ကြောင်း ပြောပြသော်လည်း နယ်ခြားစောင့်ရဲ များက မယုံကြည်ကြ သောကြောင့် နောက်ဆုံး၌ အိမ်ထောင်စု စာရင်းယူလာပြမှသာ ပြန်လည် လွှတ်ပေးခဲ့သည်။