မူလတန်း ကျောင်းသား တစ်ဦးကို ငွေခိုးယူသည်ဟု စွပ်စွဲ၍ ကျောင်းဆရာက လူမဆန်စွာ ရိုက်နှက်
MYARF
RB News
24.1.2016
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် မြောက်ပိုင်း၊ တရဂူး ကျေးရွာအုပ်စု (ရခိုင်ရွာ) ရှိ မူလတန်းကျောင်းတွင် စာသင်ကြားပေးနေသည့် ရခိုင်လူမျိုး ကျောင်းဆရာ တစ်ဦးသည် မကြာခဏ ဆိုသလို တောင်ဘဇာရှိ အထက်တန်းကျောင်းသို့ သွားရောက်၍ ယင်းကျောင်းရှိ ၎င်း၏ သူငယ်ချင်း ကျောင်းဆရာများနှင့် အတူ ညအိပ်လေ့ ရှိသည်။ အဆိုပါ ကျောင်းဆရာသည် ဇန်န၀ါရီလ (၁၅) ရက်နေ့ (သောကြာနေ့) နေ့လည်ပိုင်းတွင် တောင်ဘဇာ အထက်တန်းကျောင်းသို့ ရောက်ရှိလာခဲ့သည်။
ကျောင်းသို့ ရောက်ရှိပြီးနောက် ငွေကျပ် ၅၀၀၀ ပျောက်ဆုံးသည်ဟု ဆိုကာ ငရန်းချောင်း ကျေးရွာအုပ်စု၊ ပေါက်တောပြင်ရွာမှ (၁၀) နှစ်အရွယ် မူလတန်း ကျောင်းသား (ရိုဟင်ဂျာ လူမျိုး) က ခိုးယူခဲ့သည်ဟု စွပ်စွဲ၍ အဆိုပါ ကျောင်းသားကို စစ်ဆေးခဲ့သည်။ ကျောင်းသားက သူမယူခဲ့ကြောင်း ပြောကြားသည့် အပြင် ဆရာကလည်း စစ်ဆေး၍ မတွေ့ရှိခဲ့ကြောင်း သိရသည်။ သို့သော်လည်း ကျောင်းဆရာက ကျောင်းသားလေးကို ငွေခိုးယူခဲ့သည်ဟု ဆက်လက် စွပ်စွဲ၍ ရိုက်နှက်ရာ၊ ကျောင်းသားလေးက ရိုက်နှက်မှုဒဏ်ကို မခံနိုင်တော့၍ တောင်ဘဇာ ရခိုင်ရွာ ကြားမှ ထွက်ပြေးသွားစဉ် ရခိုင်လူငယ် အချို့က ဖမ်းဆီးပြီး ကျောင်းဆရာထံ အပ်နှံခဲ့သည်။
ထို့နောက် ကျောင်းဆရာက အဆိုပါ ကျောင်းသားငယ်ကို ကျောင်းဂိတ်ဝတွင် ရန်သူသဖွယ် ဆက်လက်၍ ခြေထောက်ခြင့် ကန်ကျောက်၊ လက်သီးဖြင့် ထိုးကြိတ်ရာ အနီးအနားရှိ လဘက်ရည်ဆိုင်မှ ရိုဟင်ဂျာများ ထွက်လာပြီး ကလေးငယ်အား ဆက်လက် မရိုက်နှက်ရန် ပြောကြားသော်လည်း နားမထောင်ဘဲ ဆက်လက် ရိုက်နှက် ညှဉ်းပန်း နှိပ်စက်ခဲ့ကြောင်း မျက်မြင်သက်သေ တစ်ဦးက RB News သို့ပြောပါသည်။
လဘက်ရည်ဆိုင်တွင် လဘက်ရည် သောက်နေသည့် တောင်ဘဇာ နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲ တစ်ဦး ထွက်လာပြီး၊ ကလေးငယ်အား ဆက်လက်မရိုက်ရန် ပြောကြားပြီး ကျောင်းဆရာကို လဘက်ရည်ဆိုင် ထဲသို့ ခေါ်သွားကာ တောင်ဘဇာ အနီးအနားရှိ ရခိုင်များနှင့် မွတ်စလင်များ အကြား မည်သည့် ပြဿနာမှ မရှိကြောင်း၊ အတူယှဉ်တွဲ နေထိုင်လာသူများ ဖြစ်ကြောင်း၊ ယခု အခြားဒေသမှ လာရောက်ပြီး လူမျိုးနှစ်မျိုးကြား ပြဿနာ ဖန်တီးပေးနေသလို ဖြစ်နေသောကြောင့် ထိုသို့ ဆက်လက် မပြုလုပ်ရန် ပြောကြားခဲ့သည်။
ကျောင်းဂိတ်ဝတွင် လဲကျနေသည့် ကျောင်းသားငယ်ကို အနီးအနားမှ ရောက်လာသည့် ရိုဟင်ဂျာများက တောင်ဘဇာ ကျေးရွာ အုပ်ချုပ်ရေးမှူး ဦးကောင်းစိန်လှ ထံသို့ ခေါ်ဆောင်သွားပြီး တိုင်တန်းခဲ့သည်။ အုပ်ချုပ်ရေးမှူးက ၎င်းက ဖြေရှင်း ပေးမည် ဖြစ်ပြီး၊ အခြား ဌာနဆိုင်ရာများသို့ တိုင်တန်းခြင်း မပြုရန် ပြောကြားခဲ့သည်။ သို့သော်လည်း ရိုဟင်ဂျာများက ကလေးငယ်၏ အခြေအနေ ဆိုးရွားလာ၍ နယ်ခြားစောင့် ရဲတပ်ဖွဲ့ စခန်းသို့ သွားရောက် တိုင်ကြားခဲ့သည်။
ထို့နောက် နယ်မြေမှူးက နယ်ခြားစောင့်ရဲများ စေလွှတ်ပြီး ကျောင်းဆရာကို ဖမ်းဆီးခဲ့သည်။ ကလေးငယ်ကို ကျေးရွာ အုပ်ချုပ်ရေးမှူးက တာဝန်ယူပြီး တောင်ဘဇာရှိ ဆရာဝန်ထံတွင် ဆေးကုသပေးလျက် ရှိကြောင်း သိရသည်။
ငွေခိုးယူခဲ့ကြောင်း သက်သေ အထောက်အထား မရှိဘဲ ကျောင်းဆရာက ကလေးငယ် တစ်ဦးအား ခြေလက်များသုံး၍ ရိုက်နှက်ခြင်းမှာ လူမျိုးခွဲခြား၍ ညှဉ်းပန်း နှိပ်စက်ခြင်းသာ ဖြစ်ပြီး၊ ကျောင်းဆရာ၏ ရိုင်းစိုင်းလှသော အပြုအမှုကို ကြည့်ခြင်း အားဖြင့် အဆိုပါ ကျောင်းဆရာမှာ ပညာရှိ မပီသဘဲ အစွန်းရောက် တစ်ဦး ဖြစ်ကြောင်း ထင်ရှားနေသည်ဟု ဒေသခံများက ဝေဖန် ပြောဆိုနေကြသည်။
