မောင်တော ဦးရှဥ့်ကျ ကျေးရွာတွင် စစ်သားများက လုယက်၊ အမျိုးသမီး (၁၀) ဦးကို မုဒိန်းကျင့်
RB News
21.10.2016
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ဦးရှဥ့်ကျ ကျေးရွာသို့ အောက်တိုဘာလ (၁၉) ရက်နေ့က မြန်မာစစ်တပ် ၀င်ရောက် စီးနင်း၍ လုယက်ခဲ့သည့်အပြင် ရွာမှ ရိုဟင်ဂျာအမျိုးသမီး (၁၀) ဦးကို မုဒိန်းကျင့်ခဲ့ကြောင်း သတင်းရရှိပါသည်။
မောင်တောမြို့နယ် မြောက်ပိုင်း ဦးရှဥ့်ကျ ကျေးရွာသို့ အောက်တိုဘာလ (၁၉) ရက်နေ့ နံနက်ပိုင်းတွင် မြန်မာစစ်တပ် ၀င်ရောက်စီးနင်းပြီး တစ်အိမ်တက် တစ်အိမ်ဆင်း စစ်ဆေးခဲ့သည်။ စစ်သားများ၏ ရက်စက်ကြမ်းကြုတ်သော ညှဉ်းပန်းနှိပ်စက်မှုကို သိကြသည့် ရွာမှ အမျိုးသားများ အားလုံး ထွက်ပြေး တိမ်းရှောင်ခဲ့သောကြောင့် ရိုက်နှက် ညှဉ်းပန်းနှိပ်စက်မှုမှ လွတ်မြောက်ခဲ့သည်။
သို့သော်လည်း ရွာထဲရှိ အိမ်များတွင် ကျန်ခဲ့သည့် အမျိုးသမီးများ ၀တ်ဆင်ထားသည့် ရွှေ၊ ရတနာများကို စစ်သားများ ကိုယ်တိုင် ချွတ်ယူ၍ လုယက်ခဲ့သည်။ ထို့အပြင် စစ်သားများက အိမ်အသုံးအဆောင် ပစ္စည်းများကိုလည်း ဖျက်ဆီးခဲ့သည်။
စစ်သားများက ဦးရှဥ့်ကျ ကျေးရွာအုပ်စု၊ အနောက်ကွင်းရွာကို စစ်ဆေးစဉ် အမျိုးသမီးအချို့ကို မုဒိန်းကျင့်ခဲ့ကြောင်း ရွာသားများက RB News သို့ပြောသည်။
“ရွာထဲမှာ အမျိုးသမီးတွေချည်း ကျန်ခဲ့တာပါ။ စစ်သားတွေက စိတ်တိုင်းကျ လုယက်တယ်၊ ပစ္စည်းတွေ ဖျက်ဆီးတယ်။ ပြီးတော့ အမျိုးသမီး အချို့ကို မုဒိန်းကျင့်တယ်။ ရွာထဲက အိမ်တွေမှာဘဲ လူမဆန်စွာ မုဒိန်းကျင့်တာပါ” ဟု ရွာသားတစ်ဦးက ပြောသည်။
ယခုအချိန်ထိ မုဒိန်းကျင့်ခံရသည့် အမျိုးသမီး (၁၀) ဦး၏ အမည်များနှင့် အသေးစိတ် အချက်အလက် များကို RB News မှ လက်ခံရရှိထားပြီ ဖြစ်သည်။
မုဒိန်းကျင့်ခံရသည့် အမျိုးသမီးများတွင် အသက် (၁၅) နှစ်အရွယ် နှစ်ဦး၊ အသက် (၁၇) နှစ် အရွယ် တစ်ဦး၊ အသက် (၁၈) နှစ် အရွယ် တစ်ဦး၊ အသက် (၂၀) နှစ် အရွယ် တစ်ဦး၊ အသက် (၂၅) နှစ် အရွယ် တစ်ဦး၊ အသက် (၂၆) နှစ် အရွယ် တစ်ဦး၊ အသက် (၃၀) နှစ်ကျော် အရွယ် (၃) ဦး တို့ပါဝင်ပြီး၊ အသက် (၂၀) အထက် များမှာ အိမ်ထောင်ရှင်များ ဖြစ်ကြသည်။
အမျိုးသမီးများ၏ ဂုဏ်သိက္ခာကြောင့် အမည်များကို သတင်းတွင် ဖော်ပြမည် မဟုတ်ဘဲ၊ နိုင်ငံတကာ အစိုးရများ၊ လူ့အခွင့်အရေး အဖွဲ့အစည်းများသို့ RB News မှ တာဝန်ယူ၍ ပေးပို့သွားမည် ဖြစ်သည်။
