သိမ်းဝေ
Rohingya Today
15.11.2018

(ဓါတ်ပုံ - ABC News)

မောင်​သစ္စာ (ရခိုင်​ပြည်​)

ကျော်စိုး
Rohingya Today
11.11.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ကကျက်ဘက်ကံပြင်ကျေးရွာအုပ်စုတွင် ရဲတပ်ကြပ်ကြီးတစ်ဦးက အရပ်သား ဝတ်စုံဝတ်ဆင်၍ ရွာသားများကို မဟုတ်မမှန် အမျိုးမျိုးစွပ်စွဲ ခြိမ်းခြောက်ပြီး အတင်းအဓမ္မ ငွေညှစ်လျက်ရှိသည်။

အောင်မင်း
Rohingya Today
11.11.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ဖရုံချောင်းကျေးရွာအုပ်ချုပ်ရေးမှူး ၏ အကူတစ်ဦးက တဖက်နိုင်ငံသို့ ထွက်ပြေးခိုလှုံနေသူများ၏ နေအိမ်များကို ရောင်းချခြင်း၊ ရွာသားများကို အမျိုးမျိုး စွပ်စွဲ၍ ညှဉ်းပန်းနှိပ်စက်ခြင်းများ ပြုလုပ်လျက်ရှိသည်။

ဘူးသီးတောင် တောင်ပိုင်း ဖရုံချောင်းကျေးရွာအုပ်စု အုပ်ချုပ်ရေးမှူး ဦးမောင်သန်းဋ္ဌေး (ဘ) ဦးလှသာထွန်း၏ တပည့်အရင်းဖြစ်သူ မိုဟမ္မဒ်ဆွားလေး (ဘ) ဦးဆူလ်တာန် (အသက် ၃၂-နှစ်) သည် ရွာသားများကို နေ့စဉ်နှင့်အမျှ မတရားညှဉ်းပန်း နှိပ်စက်၍ ငွေညှစ်လျက်ရှိသည့်အပြင် ဒုက္ခသည်များ၏ နေအိမ်များကိုလည်း ရောင်းချလျက်ရှိသည်။

မိုဟမ္မဒ်ဆွားလေး သည် အုပ်ချုပ်ရေးမှူး၏ လက်ကိုင်တုတ်ဖြစ်သဖြင့် အုပ်ချုပ်ရေးမှူး၏ အာဏာကို အခွင့်ကောင်းယူကာ အားကိုးရာမဲ့ ရိုဟင်ဂျာလူမျိုးများကို နည်းမျိုးစုံဖြင့် ညှဉ်းပန်းနှိပ်စက်ခြင်း၊ ဒုက္ခပေးခြင်း၊ သူတစ်ပါးလုပ်ငန်းများကို အနှောက်အယှက်ပေးခြင်း၊ မဟုတ်မမှန် စွပ်စွဲခြိမ်းခြောက်၍ ငွေညှစ်ခြင်းနှင့် တဖက်နိုင်ငံရောက် ဒုက္ခသည်များ၏ နေအိမ်များကို မိမိ၏ ကိုယ်ပိုင်ပစ္စည်းကဲ့သို့ အခြားသူများအား ရောင်းချခြင်း စသည့်လုပ်ရပ်များ ပြုလုပ်လျက်ရှိကြောင်း ဒေသခံများက Rohingya Today သို့ပြောပါသည်။

အောက်တိုဘာလ (၂၇) ရက်နေ့တွင် ရှားဘုလ်အစ္စလာမ် (ဘ) ဦးဆယိအဟ်မဒ် (အသက် ၂၉ နှစ်) နှင့် မိုဟမ္မဒ်ရှဖိ (ဘ) ဦးဘာဆာမျာ (အသက် ၅၆ နှစ်) တို့နှစ်ဦးက အချင်းချင်း စကားများခဲ့ကြသည်ကို အကြောင်းပြု၍ တစ်ဦးချင်းထံမှ ငွေကျပ် ၃ သောင်းစီ၊ စုစုပေါင်း ၆ သောင်း ညှစ်ယူခဲ့သည်။

ထို့အပြင် လွန်ခဲ့သည့် အောက်တိုဘာလ နောက်ဆုံးအပတ်နှင့် နိုဝင်ဘာလ ပထမ အပတ်တို့တွင် ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေသည့် ဒုက္ခသည်များ ဖြစ်ကြသော ကျွဲတက်ပြင်ရွာမှ ဦးဆုလ်တာန် (ဘ) ဦးနော်ဇူမျာ၏ အိမ်ကို ငွေကျပ် နှစ်သိန်းခွဲ၊ ဦးမိုဟမ္မဒ်ဂျမီလ် (ဘ) ဦးရရှီးဒ်၏ နေအိမ်ကို ငွေကျပ် နှစ်သိန်း တို့ဖြင့် ရောင်းချခဲ့သည်။

မိုဟမ္မဒ်ဆွားလေး ကို ကျေးရွာအုပ်ချုပ်ရေးမှူး ရုံးတွင် ခေါ်စာ၊ တိုင်စာများ ရေးပေးခြင်း၊ ပေးပို့ခြင်းနှင့် အခြားအထွေထွေ ကိစ္စရပ်များ လုပ်ပေးရန် အသုံးချလေ့ရှိပြီး ဖရုံချောင်းမွတ်စလင်ရွာ တစ်ရွာလုံး၏ တိုင်တန်းချက်များပါ ပြဿနာများကို ငွေများများညှစ်ပြီး ဖြေရှင်းပေး၍ အုပ်ချုပ်ရေးမှူး ကို ဝေစုခွဲဝေပေးလျက်ရှိသည့် အတွက် အထူး ပါဝါပေးထားသဖြင့် ရွာသားများကို မင်းမဲ့နယ်ပယ်အလား ညှင်းပန်းနှိပ်စက်လျက်ရှိကြောင်း၊ အုပ်ချုပ်ရေးမှူးက မည်သို့မှ ဟန့်တားအရေးယူခြင်း မရှိကြောင်း ဒေသခံများက ပြောပါသည်။

ကျော်စိုး
Rohingya Today
10.11.2018

သိမ်းဝေ
Rohingya Today
10.11.2018

အောင်ဇံဝေ
Rohingya Today
10.11.2018 စစ်တွေ ။ ။ ရခိုင်ပြည်နယ်၊ စစ်တွေမြို့ သဲချောင်းမှ ရိုဟင်ဂျာများ တင်ဆောင်ပြီး မလေးရှားနိုင်ငံသို့ သွားရန် ထွက်သွားသည့် စက်လှေများထဲမှ တစ်စီးကို မြန်မာရေတပ်က ဖမ်းဆီးထားသည်။

ရန်နိုင်
Rohingya Today
10.11.2018

အောင်ဇံဝေ
Rohingya Today
8.11.2018

စစ်တွေ ။ ။ ရခိုင်ပြည်နယ်၊ စစ်တွေမြို့ သက္ကေပြင် ဒုက္ခသည်စခန်းသို့ မြန်မာနိုင်ငံဆိုင်ရာ အမေရိကန်သံရုံးမှ အဖွဲ့တစ်ဖွဲ့ ရောက်ရှိလာပြီး ဒုက္ခသည်ခေါင်းဆောင် အချို့နှင့် တွေ့ဆုံဆွေးနွေးခဲ့သည်။

စစ်တွေမြို့၊ သက္ကေပြင် ဒုက္ခသည်စခန်းသို့ အမေရိကန်နိုင်ငံ ဒု-လက်ထောက် နိုင်ငံခြားရေးဝန်ကြီး Richard Albright နှင့် သံအမတ်ကြီး Scot Marciel တို့အပါအဝင် မြန်မာနိုင်ငံဆိုင်ရာ အမေရိကန်သံရုံးမှ ၆-ဦး ပါဝင်သည့် အဖွဲ့တစ်ဖွဲ့သည် နိုဝင်ဘာလ (၇) ရက်နေ့ နေ့လည် ၃း၀၀ အချိန်တွင် ရောက်ရှိလာပြီး စခန်းထဲရှိ စာသင်ကျောင်း တစ်ကျောင်းတွင် ရိုဟင်ဂျာဒုက္ခသည် ခေါင်းဆောင် ၁၀-ဦးနှင့် သီးသန်းတွေ့ဆုံဆွေးနွေးခဲ့ပြီး နေ့လည် ၄း၀၀ အချိန်တွင် ပြန်လည်ထွက်ခွာသွားကြောင်း ဒေသခံများက Rohingya Today သို့ပြောသည်။

ဆွေးနွေးပွဲ အစတွင် သံအမတ်ကြီး Scot Marciel က အဖွဲ့ဝင်များနှင့် မိတ်ဆက်ပေးပြီး၊ “ကျွန်တော်တို့က ဒီက အခြေအနေတွေနဲ့ ပတ်သက်ပြီး တော်တော်များများ သိရှိထားပြီးပြီ၊ ဒီက စခန်းတွေကို နိုင်ငံတကာက လူတွေ လာကြည့်ပြီး ပြန်သွားကြတယ်၊ ဒါပေမယ့် ရလာဒ်ကောင်းတစ်ခုမှ ရတာ မတွေ့ရသေးဘူး၊ ဒုက္ခသည်တွေ စိတ်ဓါတ်ကျနေမှာကိုလည်း နားလည်ပေးနိုင်တယ်၊ ဒါပေမယ့် ကျွန်တော်တို့က ဒီကဒုက္ခသည်တွေရဲ့ အခြေအနေ ကောင်းမွန် တိုးတက်လာအောင် အတတ်နိုင်ဆုံး ကြိုးစားနေတာကြောင့် အခုလို ဒုက္ခသည်များရဲ့ ခံစားချက်တွေနဲ့ ရင်ဖွင့်စကားတွေကို နားထောင်နိုင်ဖို့ လာရောက်တွေ့ဆုံခြင်း ဖြစ်တယ်” ဟု ဆိုသည်။

ထို့နောက် စခန်းများ ပိတ်တော့မည့် အခြေအနေနှင့် ပတ်သက်ပြီး အစိုးရနှင့် ဒုက္ခသည်များကြား ဆွေးနွေးခဲ့ခြင်း ရှိ/မရှိ ကို သံအမတ်ကြီးက မေးမြန်းရာ ဒုက္ခသည်များဘက်မှ စခန်းကော်မတီဝင်တစ်ဦးက “အဲဒါနဲ့ ပတ်သက်ပြီး အစိုးရက ကျွန်တော်တို့နဲ့ နှစ်ကြိမ် ဆွေးနွေးခဲ့တယ်။ ပထမတစ်ကြိမ် သူတို့က အဲဒါနဲ့ ပတ်သက်ပြီး မေးလာတယ်။ ကျွန်တော်တို့က ဒီတိုင်းချက်ချင်း ဆုံးဖြတ်ချက်ပေးဖို့ ခက်တယ်၊ စခန်းမှာရှိတဲ့ လူအားလုံးရဲ့ ဆန္ဒကို သိပြီးမှ ပြောပါမယ်လို့ ပြောလိုက်တယ်။ လူတွေကို မေးတော့ စခန်းပိတ်တော့မယ်ဆိုတော့ ပျော်ကြတယ်။ ဒါပေမယ့် စခန်းပိတ်ရင် ကျွန်တော်တို့ကို ကျွန်တော်တို့ရဲ့ မူလနေရာမှာ နေရာပြန်ချပေးတာမျိုး မဟုတ်ဘဲ ဒီမှာပဲ အိမ်တွေ ဆောက်ပေးမယ် ပြောတာ ကြားနေတယ်၊ အဲဒါတော့ လုံးဝ လက်မခံနိုင်ပါဘူး၊ အဲဒါကြောင့် ဒုတိယအကြိမ် ဆွေးနွေးပွဲမှာ လူတွေရဲ့ ဆန္ဒကို ပြောပြတော့ အထက်လူကြီးကို တင်ပြပါမယ်ဆိုပြီး ပြောသွားတယ်” ဟု ဖြေကြားခဲ့သည်။

ကျန်းမာရေးနှင့် ပတ်သက်၍ “ကျွန်တော်တို့ ဒီမှာ ဆရာဝန်တွေ လုံလုံလောက်လောက် မရှိဘူး၊ ကျန်းမာရေး စောင့်ရှောက်မှုလည်း မလုံလောက်ဘူး၊ ဆေးရုံတက်ခွင့်လည်း မရှိဘူး၊ ရှိတဲ့ mobile clinic ရွှေ့ပြောင်း ဆေးခန်းတွေကိုလည်း ဆရာဝန်တွေ ပုံမှန်မလာဘူး၊ လူနာတစ်ယောက် အရမ်းကို အသည်းအသန်ဖြစ်လာရင် အဆင့်ဆင့် လွှဲပြောင်းပေးလို့ ဆေးရုံတက်ခွင့် ရရင်လည်း လူနာစောင့်အနေနဲ့ တစ်ယောက်ကိုပဲ အတူ နေခွင့်ပေးတယ်၊ ဆေးရုံထဲမှာ ဖုန်းသုံးခွင့် မပေးဘူး၊ ဒုက္ခသည်စခန်းက ရိုဟင်ဂျာလူနာတွေဆိုရင် ဆေးရုံမှာရှိတဲ့ အကျဉ်းသားတွေကို ထားတဲ့ အခန်းမှာပဲထားတယ်၊ အဲဒီမှာ ဆေးကုသမှု ပုံမှန်မပေးလို့ ဆုံးသွားတာတွေလည်း ရှိတယ်” ဟု ဖြေကြားခဲ့သည်။

ဒုက္ခသည်များကို ကိုယ်စားပြုသူများက အဓိကလိုအပ်ချက်များ ဖြစ်သည့် နိုင်ငံသား ပြန်လည်ဖြစ်ခွင့်၊ လွတ်လပ်စွာသွားလာခွင့်၊ အလုပ်အကိုင် အခွင့်အလမ်း၊ လွတ်လပ်စွာ ပညာသင်ယူလေ့လာဆည်းပူးခွင့်၊ ကျန်းမာရေး စောင့်ရှောက်မှု လုံလောက်စွာ ရရှိခြင်းနှင့် မူလနေရာတွင် ပြန်လည်နေရာချထားပေးခြင်းများနှင့် ပတ်သက်၍ တစ်စုံတစ်ရာ ပြောဆို ဆွေးနွေးခြင်း မရှိဘဲ ဒုက္ခသည်စခန်းများကို ပိတ်ပြီး ဤနေရာတွင် လုံးချင်းအိမ်များ ဆောက်ပေးမည်ဟု အကြိမ်ကြိမ်ပြောနေခြင်းများသည် ဒုက္ခသည်ဘ၀တွင်သာ ထားရှိရန် ရည်ရွယ်ချက်ခြင်း ပြောဆိုနေခြင်းဖြစ်သည်ဟု ရှင်းပြသည်။ လွန်ခဲ့သည့် ၂၀၁၂ ခုနှစ်က မိမိတို့၏ နေအိမ်များနှင့် ဥစ္စာပစ္စည်းများကို မီးရှို့ဖျက်ဆီးပြီး ဒုက္ခသည်စခန်းများ တည်ဆောက်၍ ဒုက္ခသည်ဘ၀သို့ တွန်းပို့ ထားသည်မှာ ၆ နှစ်ကျော်နေပြီ ဖြစ်သော်လည်း အခြေအနေက မည်သို့မျှ ပြောင်းလဲ ကောင်းမွန်လာခြင်း မရှိဘဲ ပိုဆိုးလာနေသည်ဟု ဒုက္ခသည်များက တင်ပြသည်။

“ကျွန်တော်တို့ လူကြီးတွေကတော့ နောက် အများဆုံး ၁၀ နှစ်၊ ၁၅ နှစ်လောက်ဆိုရင် သေကုန်ကြမှာဘဲ၊ အဲဒါကြောင့် ကျွန်တော်တို့ရဲ့ ကလေးတွေ၊ လူငယ်တွေရဲ့ အနာဂတ်နဲ့ ပတ်သက်ပြီး တော်တော့်ကို စိုးရိမ်နေရတယ်။ ဥပမာ အခု ဒုက္ခသည်စခန်းက ကလေးတွေဆို သူတို့ရဲ့ နှစ်ပေါင်းများစွာ အတွေ့အကြုံ အရပေါ့နော်၊ လူဖြစ်လာရင် အလုပ်လုပ်စရာမလိုဘူး၊ အလှူရှင်တွေဆီက ရတဲ့ ရိက္ခာ အစားအသောက်တွေနဲ့သာ အသက်ရှင်ကြတာ၊ ပညာသင်ယူစရာမလိုဘူး၊ ရိုဟင်ဂျာဆိုရင် အခြားလူမျိုးတွေနဲ့ ပေါင်းသင်းဆက်ဆံ ထိတွေ့ခွင့်မရှိတဲ့ လူမျိုးတစ်မျိုးဖြစ်လို့ သီးသန့်နေရတယ် စတဲ့ မျှော်လင့်ချက် ကင်းမဲ့တဲ့ အရှုံးပေးစိတ်၊ အညံ့ခံစိတ်တွေ သူတို့မှာ ၀င်နေကြတယ်၊ သူတို့ကြီးလာရင် လူမျိုးပေါင်းစုံနဲ့ ရောနှော ပေါင်းသင်းပြီး ရယူသင့်တဲ့ လူမှုဆက်ဆံရေး ဆိုင်ရာ အသိပညာ ဗဟုသုတတွေ မရှိရင် သူတို့ဘ၀ ဘယ်လိုဖြစ်မလဲ စတဲ့အချက်တွေကို စဉ်းစားရင်းနဲ့ ကျွန်တော်တို့ရဲ့ စိုးရိမ်ပူပန်မှု၊ စိတ်ဖိစီးမှုတွေ တစ်ရက်ထက်တစ်ရက် များလာနေတယ်” ဟု ကော်မတီဝင်တစ်ဦးက ရင်ဖွင့်သည်။

ဆက်လက်၍ ရိုဟင်ဂျာများ စက်လှေများဖြင့် မလေးရှားနိုင်ငံသို့ ထွက်ခွာသွားနေခြင်းနှင့် ပတ်သက်၍ “ဒီလ ပထမအပတ်မှာပဲ မလေးရှားသွားဖို့ စက်လှေ ၃ စီးနဲ့ ရိုဟင်ဂျာ ၂၀၀ ကျော် ထွက်သွားတယ်၊ သူတို့က အခုထိ ရေထဲမှာပဲ၊ ဒီမှာ အခြားလူတွေလည်း သွားဖို့ ပြင်နေကြတယ်၊ အာဏာပိုင်တွေနဲ့ ပွဲစားတွေ ပူးပေါင်းပြီး လာဘ်စားတယ်၊ လူတွေကလည်း နှစ်ပေါင်းများစွာ ပိတ်မိနေတာကနေ လွတ်မြောက်ချင်ကြတယ်၊ အစိုးရကိုယ်တိုင် လမ်းဖွင့်ပေးထားတော့ ပွဲစားတွေကလည်း လူတွေကို မက်လုံးအမျိုးမျိုးပေးပြီး ပေါ်ပေါ်တင်တင် စည်းရုံး စုဆောင်းကြတယ်၊ ဒီအတိုင်းသာ ဆက်ဖြစ်နေမယ်ဆိုရင် ဒီမှာ ရိုဟင်ဂျာဆိုတာ ကျန်တော့မှာ မဟုတ်ဘူး။ ဖြစ်နိုင်ရင် သံအမတ်ကြီးတို့အနေနဲ့ မြန်မာအစိုးရနဲ့ ပူးပေါင်းပြီး ဒီကိစ္စကို ဟန့်တားပေးပါ” ဟု ဒုက္ခသည် ကိုယ်စားလှယ်တစ်ဦးက တင်ပြခဲ့သည်။

သံအမတ်ကြီးက “ခင်ဗျားတို့ရဲ့ ပြောဆိုဆွေးနွေးချက်တွေကို အကုန်မှတ်ထားပါတယ်၊ အစိုးရဘက်က အပြုသဘောဆောင်တဲ့ ပြုပြင်ပြောင်းလဲမှုတွေ လုပ်နေတယ်လို့ အကြိမ်ကြိမ် ပြောနေပေမယ့် ပကတိ အခြေအနေမှန်ကို သိရှိပြီး လာမယ့် နိုဝင်ဘာလ (၁၁) ရက်နေ့မှာ အစိုးရနဲ့ တွေ့ဆုံပွဲမှာ ဆွေးနွေးလို့ရအောင် ခင်ဗျားတို့နဲ့ အခုလို လာရောက်ဆွေးနွေးတာ ဖြစ်ပါတယ်၊ ကျွန်တော်တို့ နိုင်ငံတကာ အသိုင်းအ၀ိုင်းက မြန်မာအစိုးရကို အတင်းလုပ်ခိုင်းလို့ မရပေမယ့် ဖိအားတွေ ပေးလို့ရတယ်၊ ဒါက ကောင်းတယ် မကောင်းဘူးဆိုပြီး ဝေဖန် သုံးသပ်ပြီး အကြံဥာဏ်ပေးလို့ရတယ်၊ ပေးတဲ့ဖိအားတွေကလည်း ထိရောက်နေတာ တွေ့ရတယ်၊ လာမယ့် တွေ့ဆုံပွဲမှာလည်း ဒါတွေကို ပြောပြမယ်၊ ရှင်းပြမယ်၊ လိုက်နာဆောင်ရွက်ခြင်း မရှိရင် ဒီထက်မက ဖိအားတွေ လာနိုင်တဲ့အကြောင်းနဲ့ အစိုးရရဲ့ လက်ရှိမူဝါဒကို မပြောင်းလဲဘူးဆိုရင် သူတို့အတွက် နစ်နာဆုံးရှုံးမှုတစ်ခု ဖြစ်လာနိုင်တဲ့အကြောင်း ကြိုတင်ရှင်းပြပါမယ်” ဟု နိဂုံးအနေနှင့် ပြောဆိုခဲ့သည်။

ဒုက္ခသည် ကိုယ်စားလှယ်များက သံအမတ်ကြီးမှ အမှန်တရားကိုလိုလားပြီး ပြတ်ပြတ်သားသား ပြောဆိုသည့်အတွက် အထူးကျေးဇူးတင်ရှိပါကြောင်း၊ အမေရိကန်နိုင်ငံသည် သြဇာလွှမ်းမိုးမှုရှိသည့် နိုင်ငံတစ်နိုင်ငံ ဖြစ်သည့်အတွက် ယခုပြဿနာကို အမြန်ဆုံး ဖြေရှင်းပေးနိုင်မည်ဟု မျှော်လင့်ကြောင်း ပြောဆိုခဲ့သည်။

အောင်မင်း
Rohingya Today
8.11.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် သေကံခွဆုံ ကျေးရွာအုပ်ချုပ်ရေးမှူးက တဖက်နိုင်ငံသို့ သွားရောက် ခိုလှုံနေသည့် ဒုက္ခသည်များ ပိုင်ဆိုင်သည့် ပစ္စည်းများကို အခြားသူများအား ရောင်းချလျက် ရှိသည်။

ဘူးသီးတောင်မြို့နယ် တောင်ပိုင်း သေကံခွဆုံ ကျေးရွာအုပ်စုတွင် ကျေးရွာအုပ်ချုပ်ရေးမှူး ဦးမောင်သန်းညွန့်က ရွာရှိ ၂၀၁၇ ခုနှစ် သြဂုတ်လတွင် ဖြစ်ပွားခဲ့သည့် ဖြစ်စဉ်နောက်ပိုင်း ပြုလုပ်ခဲ့သည့် အစိုးရ၏ နယ်မြေရှင်းလင်းရေးကို မခံနိုင်၍ နေရပ်စွန့်ခွာပြီး တဖက် ဘင်္ဂလာဒေ့ရ်ှနိုင်ငံသို့ သွားရောက် ခိုလှုံနေသည့် ရိုဟင်ဂျာဒုက္ခသည်များ၏ ပစ္စည်းများကို အခြားသူများအား ရောင်းချလျက်ရှိကြောင်း ဒေသခံများက Rohingya Today သို့ပြောသည်။

၂၀၁၈ ခုနှစ်၊ နိုဝင်ဘာလ (၂) ရက်​နေ့တွင်​ သေကံခွဆုံကျေးရွာအုပ်စု၊ မောစ်တော်ဘီ ရွာရှိ ဦးနူရ်အာလောမ် ​(ဘ) ဦးဆယိဒ်အာလောမ်​ ၏​ နေအိမ်​ကို ရာအိမ်​မှူး မိုဟမ္မဒ်ဟုဆိန်း (ဘ) နူရ်မိုဟမ္မဒ် (အသက် ၂၆-နှစ်) အား အုပ်ချုပ်ရေးမှူးက ​ငွေကျပ်​ ၅၀၀၀၀ (ငါးသောင်း) ဖြင့် ရောင်းချလိုက်သည်။ ထို့နောက် ဝယ်ယူသူက အိမ်​ကိုဖြိုပျက်​ပြီး ၎င်း၏ နေအိမ်​ခြံဝင်းထဲသို့ ​ယူ​ဆောင်​လာကာ ပုံထားကြောင်း ရွာသားတစ်ဦးက ပြောပါသည်။

ထို့အပြင် နိုဝင်ဘာလ (၃) ရက်​နေ့တွင်​လည်း မောစ်တော်ဘီရွာရှိ  ဦးဂျာမာလ်​ဟုဆိန်း (ဘ) ဦးအိမ်ဒါဒ်ဟုဆိန်း ၏ ၀.၈၀ ဧကရှိ​ ဓနိခင်းကြီးကို​ အုပ်ချုပ်ရေးမှူးက ​ငွေကျပ်​ ၅၀၀၀၀၀ (ငါးသိန်း) ဖြင့်​ ဦးနူရုလ်ဟောခ် (ဘ) ဦးဟဘီးဘုရ်ရဟ်မာန်း (အသက် ၄၄-နှစ်) အား ရောင်းလိုက်​သောကြောင့် ဝယ်ယူသူက ဓနိခင်းကို ခုတ်​ထစ်​ဖျက်​ဆီးလျက်ရှိသည်ဟု အဆိုပါ ရွာသားက ပြောသည်။

၂၀၁၈ ခုနှစ် ဧပြီလ (၃) ရက်နေ့က မလေးရှားနိုင်ငံသို့ ရောက်ရှိသွားသည့် စက်လှေတစ်စီး (ဓါတ်ပုံ - EPA-EFE)

Rohingya Today
7.11.2018

စစ်တွေ ။ ။ ရခိုင်ပြည်နယ်၊ စစ်တွေမြို့ သဲချောင်းကမ်းခြေမှ တစ်ပတ်အတွင်း ရိုဟင်ဂျာများ တင်ဆောင်ထားသော စက်လှေ ၃-စီး မလေးရှားနိုင်ငံသို့ ထွက်ခွာသွားခဲ့သည်။

စစ်တွေမြို့ ဒုက္ခသည်စခန်းများရှိ အမျိုးသမီးများနှင့် ကလေးများအပါအ၀င် များစွာသော ရိုဟင်ဂျာများသည် ပိတ်လှောင်ခံထားရသည့် ဘ၀မှ လွတ်မြောက်ရေးအတွက် ကြုံတွေ့ရမည့် အန္တရာယ်အမျိုးမျိုးကို ဂရုမစိုက်တော့ဘဲ မလေးရှားနိုင်ငံနှင့် ရန်ကုန်မြို့များသို့ နည်းအမျိုးမျိုးဖြင့် ထွက်ခွာလျက်ရှိရာ နိုဝင်ဘာလ ပထမပတ် အတွင်း လူ ၂၂၀ ဦးခန့် တင်ဆောင်ထားသည့် စက်လှေ ၃ စီးသည် စစ်တွေမြို့ သဲချောင်းကမ်းခြေမှ မလေးရှားနိုင်ငံသို့ ထွက်ခွာသွားကြောင်း ဒေသခံများက Rohingya Today သို့ပြောပါသည်။

အောင်ဇံဝေ
Rohingya Today
2.11.2018

စစ်တွေ ။ ။ ရခိုင်ပြည်နယ်၊ စစ်တွေမြို့တွင် စစ်လုံခြုံရေးတပ်ရင်း (၅၅) လက်အောက်ခံ ကင်းစခန်း တာဝန်ခံ ဗိုလ်ကြီးက အနောက်စံပြ ဒုက္ခသည်စခန်းနေ ရိုဟင်ဂျာဒုက္ခသည်တစ်ဦးထံမှ ငွေညှစ်ယူနိုင်ရန် ပြင်းထန်စွာ ရိုက်နှက်ခဲ့သောကြောင့် သေလုမြောပါး ဖြစ်သွားခဲ့ရာ ဆေးရုံတွင် သုံးရက်တိတိ နေပြီး ရဲစခန်းမှ ညွှန်ကြားချက် မရရှိသောကြောင့် ဆေးကုသမှု မပေးဘဲ ပြန်ဆင်းလာခဲ့ရသည်။

စစ်တွေမြို့ အနောက်စံပြကျေးရွာအုပ်စုရှိ ဒုက္ခသည်စခန်းတွင် နေထိုင်သည့် နဇီရ်အဟ်မဒ် (ဘ) ဦးဆုလ်တာန်အဟ်မဒ် (အသက် ၂၇ နှစ်) ကို အောက်တိုဘာလ (၂၇) ရက်နေ့ ည ၈ နာရီခန့် အချိန်တွင် စစ်သားအချို့က ၎င်းတို့နှင့် ရင်းနှီးသည့် လက်ကိုင်တုတ် ၆ ဦးနှင့် ပူးပေါင်း၍ ဖမ်းဆီးရိုက်နှက်ကာ အနောက်စံပြကျေးရွာအုပ်စုရှိ လုံခြုံရေးတပ်ရင်း (၅၅) လက်အောက်ခံ ကင်းစခန်း တာဝန်ခံ ဗိုလ်ကြီးကိုကိုလေး ထံ ခေါ်ဆောင်သွားခဲ့သည်။ ဗိုလ်ကြီးကိုကိုလေးက “မင်းက ဒုက္ခသည်စခန်းမှာ ငွေအများကြီး ရှိတဲ့လူဆိုတာ ငါသိတယ်၊ ငါ့ကို ငွေ ၅၀၀၀၀၀ (ငါးသိန်း) ပေး၊ မပေးရင် ငါမင်းကို သေတဲ့အထိ ရိုက်မယ်” ဟု ပြောဆိုပြီး လူမဆန်စွာ ရိုက်နှက်နေသည်ကို နဇီရ်အဟ်မဒ်၏ ဇနီးဖြစ်သူ မဟဆီနာက မကြည့်နိုင်တော့၍ ရွာသားများထံ သွားရောက်၍ အလှူခံခဲ့သည်။ အလှူခံ၍ ရခဲ့သည့် ငွေကျပ် တစ်သိန်းကို ဗိုလ်ကြီးကိုကိုလေး ကို ပေးပြီးနောက် အောက်တိုဘာလ (၂၈) ရက်နေ့ နံနက် ၁၀ နာရီခန့် အချိန်တွင် နဇီရ်အဟ်မဒ် ကို ပြန်လည် လွှတ်ပေးခဲ့သည်။

လူမဆန်စွာ ရိုက်နှက်ခံရပြီး ဒဏ်ရာများစွာရရှိထားသည့် နဇီရ်အဟ်မဒ် ကို မိသားစုဝင်များက ဆေးကုရန်အတွက် ဆေးခန်းသို့ပြရန် သွားနေစဉ် အဆိုပါ ဗိုလ်ကြီးကိုကိုလေးက အပြင်ဆေးခန်းတွင် ဆေးမကုရန် ဟန့်တားပြီး ဘုမေ ကြားလမ်းရှိ ဆေးခန်းသို့ ခေါ်ဆောင်သွားကာ ဆေးကုခွင့် အနည်းငယ်ပေးပြီး အိမ်သို့ ပြန်ပို့ပေးခဲ့သည်။ ဒဏ်ရာပြင်းထန်မှုကြောင့် မသက်သာသေးသည့် နဇီရ်အဟ်မဒ် ကို ဗိုလ်ကြီးကိုကိုလေးက “အရိုးဆရာဝန် ဒါမှမဟုတ် သမားတော်ကို ငါကိုယ်တိုင် ခေါ်လာပြီး ကုပေးမယ်၊ ဒီကိစ္စနဲ့ ပတ်သက်ပြီး ဘယ်သူ့ကိုမှ မပြောနဲ့” ဟု မှာကြားခဲ့သည်။

အောက်တိုဘာလ (၂၉) ရက်နေ့ နံနက်ပိုင်းတွင် နဇီရ်အဟ်မဒ် သည် စကားမပြောနိုင်လောက်အောင် အထိ အသည်းအသန် ဖြစ်နေသောကြောင့် ဆေးခန်းပြရန် သွားနေစဉ် ဒုက္ခသည်စခန်းရှိ IRC အဖွဲ့မှ ဆေးဝန်ထမ်းများက မြင်တွေ့ပြီး မေးမြန်းရာ အကြောင်းစုံ ရှင်းပြသောကြောင့် IRC ၀န်ထမ်းများက သက္ကေပြင်ကျေးရွာရှိ မလေးရှားနိုင်ငံမှ လှူဒါန်းထားသည့် Mercy Malaysia ကျန်းမာရေးဌာနခွဲသို့ စေလွှတ်ခဲ့ပြီး ထိုမှတဆင့် စစ်တွေမြို့ ပြည်သူ့ဆေးရုံသို့ နေ့လည် ၁၂ နာရီခန့် အချိန်တွင် စေလွှတ်ခဲ့ကြောင်း သက္ကေပြင်ရွာသားတစ်ဦးက ပြောပါသည်။

ဆေးရုံတွင် ရဲစခန်းမှ ညွန်ကြားချက်မရှိ၍ ဆေးကုသပေးခြင်း မရှိသောကြောင့် အခြေအနေ ပိုမိုဆိုးရွားလာသည်ကို ဇနီးသည်က မြင်တွေ့၍ ဆွေမျိုးတစ်ဦးနှင့်အတူ အောက်တိုဘာလ (၃၀) ရက်နေ့ နေ့လည် ၁၂ နာရီခန့် အချိန်တွင် အမှတ် (၁) ရဲစခန်းသို့ သွားရောက်၍ စခန်းမှူးကို အကျိုးအကြောင်း ပြောပြခဲ့သည်။ စခန်းမှူးက ပြဿနာဖြစ်ဖြစ်ချင်း လာရောက်၍ အကြောင်းမကြားရခြင်းနှင့် ပတ်သက်၍ မေးမြန်းရာ မဟာဆီနာက “ကျမတို့က မြို့ပေါ်ကို လာလို့မရဘူး၊ ဗိုလ်ကြီးက အပြင်ဆေးခန်းမှ ဆေးမကုဖို့ တားထားတယ်၊ အခု ကျမယောက်ျားကို ဆေးရုံပို့တာတောင် IRC အဖွဲ့နဲ့ Mercy Malaysia ဆေးခန်းတွေက အဆင့်အဆင့် လွှဲပြောင်းပေးလို့ တက်ခွင့်ရတာပါ” ဟု ရှင်းပြခဲ့သည်။

ထို့နောက်စခန်းမှူးက ဗိုလ်ကြီး ကိုကိုလေးကို ခေါ်၍ ၎င်းတို့ နှစ်ဦးကြား အချင်းချင်းဆွေးနွေးကာ ဗိုလ်ကြီးက မဟဆီနာနှင့် အတူ ဆေးရုံသို့ လိုက်သွား၍ ဆရာဝန်များကို အကျိုးအကြောင်းရှင်းပြခဲ့သည်။

ရိုက်နှက်ခံရသူ နဇီရ်အဟ်မဒ် ကို ဓါတ်မှန် ၄ ကြိမ်ရိုက်ပြီး ဓါတ်မှန် ရလာဒ် ထွက်လာမှ ဆေးကု၍ ရနိုင်မည်ဟု ဆေးရုံမှ ဆရာဝန်များက ပြောခဲ့သော်လည်း ရဲစခန်းမှ ညွန်ကြားချက်မရသဖြင့် ဆေးကုသမှုမရသောကြောင့် ၃ ရက်တိတိနေပြီး ဆေးရုံမှ ဆင်းခဲ့ရသည်ဟု ဒေသခံများက Rohingya Today သို့ပြောပါသည်။

“ဒီကိစ္စက ရဲမှုခင်းဖြစ်နေတော့ သူတို့ဘက်က ညွန်ကြားချက်မပေးမချင်း ကျနော်တို့ ဘယ်လိုမှ ကုသမှု မပေးနိုင်ဘူး၊ အခု ဓါတ်မှန်တွေ ဘာတွေ လုပ်ပေးတာတောင် စည်းကမ်းကို ကျော်လွန်ပြီး လုပ်ပေးတာပါဟု ဆေးရုံမှ သမားတော်က ပြောပြီး ဆေးရုံက ဆင်းဖို့ပြောလိုက်လို့ မသက်သာသေးပေမယ့်လည်း အိမ်ပြန်လာရတယ်” ဟု နဇီရ်အဟ်မဒ်၏ ဆွေမျိုးတစ်ဦးက ပြောသည်။

ရဲစခန်းသို့ နဇီရ်အဟ်မဒ်၏ ဇနီးကိုယ်တိုင် သွားရောက်၍ အကျိုးအကြောင်းပြော တောင်းဆိုခဲ့သော်လည်း ရဲများ၏ ပျက်ကွက်မှုကြောင့် ဆေးကုသမှု မရခြင်းနှင့် ပတ်သက်၍ ဒေသခံများ အလွန်စိတ်ပျက်နေကြသည်။

သိမ်းဝေ
Rohingya Today
2.11.2018
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ဂူတာပြင်ကျေးရွာအုပ်စုတွင် ရိုဟင်ဂျာ မိသားစု ၇၆-စုကို အတင်းပြောင်းရွှေ့ပေးရန် ယခင်က ရွေးချယ်ခဲ့သည့်နေရာကို နေရာအနည်းငယ်ရွှေ့ပြီး အိမ်များကို မကြာခင် စတင်ဆောက်လုပ်ပေးမည်ဟု အာဏာပိုင်များက ပြောသည်။

ဘူးသီးတောင်မြို့နယ် ဂူတာပြင်ကျေးအုပ်စုသို့ နိုဝင်ဘာလ (၁) ရက်နေ့ နေ့လည် ၂း၃၀ ခန့်အချိန်တွင် မြို့နယ်အထွေထွေအုပ်ချုပ်ရေးရုံးမှ မြို့နယ်အုပ်ချုပ်ရေးမှူး အပါအဝင် ၆-ဦး အဖွဲ့တစ်ဖွဲ့ ရောက်ရှိလာပြီး ရွာအတွင်းရှိ ၂၀၁၇ ခုနှစ် သြဂုတ်လ နောက်ပိုင်းတွင် အိမ်မီးရှို့ခံခဲ့သည့် မိသားစု (၂၀၀) ထဲမှ ယခုနှစ် မေလတွင် မိမိတို့၏ ခြံဝင်းများအတွင်းသို့ ပြန်လည်ဝင်ရောက်၍ တဲထိုးသည့် မိသားစု ၇၆-စု ကို အစိုးရ အစီအစဉ်ဖြင့် အခြားနေရာတွင် အိမ်ဆောက်ပေးပြီး အတင်းအဓမ္မ ပြောင်းရွှေ့ပေးရန် ယခင်က ရွေးချယ် သတ်မှတ်ထားခဲ့သည့် ဂူတာပြင်ရွာကြီး၏ မြောက်ဖက်အစွန်းတွင် ဂူတာပြင်ချောင်း နှင့် လမ်းမကြီးတို့ကြားရှိ အလွန်ကျဉ်းမြောင်းသည့် နေရာကို ယခု နေရာအနည်းငယ် ရွှေ့ပြီး အိမ်များ မကြာခင် စတင်ဆောက်လုပ်ပေးမည်ဟု ပြောကြောင်း ဒေသခံများက Rohingya Today သို့ပြောသည်။

"အိမ်တွေကို လမ်းမကြီးနားမှာ တစ်ဘက်တစ်တန်းစီ ၂-တန်း စီပြီး၊ အိမ် ခြံတစ်ခြံ အတွက် အလျား ၄၀-ပေ၊ အနံ ၄၀-ပေ နဲ့ အကွက်ချပြီး တစ်သုတ်ကို ၁၀-လုံးစီ ဆောက်ပေးမယ်၊ အဲဒီ ၁၀-လုံး ဆောက်ပြီးတာနဲ့ မိသားစု ၁၀-စုကို ပြောင်းပေးမယ်၊ နောက် ၁၀-လုံး ဆောက်မယ်၊ နောက် မိသားစုတွေ ပြောင်းပေးမယ် အဲလိုနဲ့ ကျနော်တို့ မိသားစု ၇၆-စုလုံးအတွက် အိမ် ၇၆-လုံး ဆောက်ပေးပါမယ် '' ဟုအဖွဲ့မှ ပြောကြားခဲ့သည်။

ရွာသားများက “ကျနော်တို့က ကိုယ့်ခြံဝင်းထဲ ဆောက်ထားတဲ့ တဲအိမ်တွေမှာပဲနေပါရစေ၊ ကျနော်တို့ ဘိုးဘေးဘီဘင် အဆက်ဆက်ကပင်ရှိလာတဲ့ ဒီလောက်ကြီးကျယ်တဲ့ အိမ်ခြံမြေတွေ၊ လယ်ယာမြေတွေ စတာတွေကို စွန့်လွှတ်ပြီး အခြား အဲလို ကျဉ်းမြောင်းတဲ့ နေရာတစ်ခုမှာ တစ်ရွာလုံးမှာရှိတဲ့ မိသားစုတွေကို ထားပေးရင် ဘယ်လိုအဆင်ပြေပါ့မလဲ၊ ကျနော်တို့ကို သနားကြပါ” ဟုပြောဆိုသော်လည်း “ဒါက နိုင်ငံတော် အမိန့်၊ နိုင်ငံတော်က ဆုံးဖြတ်လိုက်ပြီ၊ နိုင်ငံတော်အမိန့်ကို နာခံရမယ်၊ စိုးရိမ်ပြီး ဟိုဘက် ဒီဘက် တိုင်စရာမလိုဘူး၊ အထက်အမိန့်အတိုင်း ကျနော် အဆင်ပြေအောင် လုပ်ပေးပါမယ်၊ စိတ်ချပါ” ဟု အရာရှိတစ်ဦးက ပြန်ပြောပြီး နေ့လည် ၃း၃၀ အချိန်တွင် ပြန်လည်ထွက်ခွာသွားကြောင်း ဂူတာပြင် ရွာသား တစ်ဦးကပြောပါသည်။

ဤကိစ္စနှင့် ပတ်သက်၍ ရွာသားများက ရခိုင်ပြည်နယ်ဝန်ကြီးချုပ် ဦးညီပုထံလည်း အသနားခံ စာတစ်စောင်ကို ယခုနှစ် စက်တင်ဘာလတွင် ပေးပို့ခဲ့ပြီး တုံ့ပြန်မှုတစ်စုံတစ်ရာ မရရှိသေးကြောင်း သိရသည်။

၂၀၁၇ ခုနှစ် သြဂုတ်လ (၂၅) ရက်နေ့ ဖြစ်စဉ် နောက်ပိုင်းတွင် ဂူတာပြင်ရွာရှိ ရိုဟင်ဂျာရွာ (၃) ရွာမှ ရိုဟင်ဂျာ အိမ်ခြေ (၂၀၀) ခန့် ကို နယ်ခြားစောင့်ရဲတပ်ဖွဲ့ဝင်များက ရခိုင်လူမျိုးအချို့နှင့် ပူးပေါင်း၍ မီးရှို့ဖျက်ဆီးခဲ့ခြင်းကြောင်း ရိုဟင်ဂျာရွာသားများ အိုးမဲ့အိမ်မဲ့ဖြစ်ခဲ့ရပြီး အနီးအနားရှိ အခြား ရိုဟင်ဂျာရွာများတွင် သွားရောက် ခိုလှုံနေခဲ့ရသည်။

ထိုသို့ အိုးမဲ့အိမ်မဲ့ဘဝဖြင့် အခြားနေရာများတွင် ၉-လ တိတိ နေခဲ့ပြီး အခြေအနေ တည်ငြိမ်လာသဖြင့် ယခုနှစ် မေလကုန်ပိုင်းတွင် ရွာသားများက အချင်းချင်းတိုင်ပင်ကာ မိမိတို့ မူလအရပ် ဂူတာပြင်ရွာကြီး နှင့် တောင်ရွာတို့တွင် စတင်တဲထိုးလာရာ တဲ (၇၆) လုံးထိုးပြီးချိန် တစ်ပတ်အကြာတွင် အစိုးရဌာနဆိုင်ရာ ပေါင်းစုံမှ လာရောက်စစ်ဆေးခဲ့ပြီး ခွင့်ပြုချက်မပါဘဲ တဲထိုး၍ နေ၍ရမည်မဟုတ်ကြောင်း၊ နောက်ဆက်ထိုးလျှင် ပြင်းထန်စွာ အရေးယူမည်ဖြစ်ကြောင်းပြော၍ ဟန့်တားသောကြောင့် ဆက်လက်၍ တဲမထိုးတော့ဘဲ ရပ်တန့်ခဲ့သည်။

ယခု သတ်မှတ်ပေးသည့်နေရာသည် တစ်ရွာလုံး၏မီးရှို့ခံနေရာများမှ နေရာအစိတ်အပိုင်း တစ်ခုသာဖြစ်ပြီး ယခင် အိမ်ခြေ ၁၆-အိမ်သာရှိခဲ့သည့် သေးငယ်သော နေရာတွင် ဂူတာပြင်ရွာကြီးနှင့်တောင်ရွာ နှစ်ခုစလုံးမှ တဲထိုး၍ နေထိုင်သည့် တဲအိမ် ၇၆-လုံးအတွက် အိမ်ငယ်လေးများ ဆောက်ပေး၍ ခြံစည်းရိုးကာပြီး ဒုက္ခသည်စခန်းပုံစံဖြင့် အစိုးရထိန်းချုပ်မှုအောက်တွင် ထားသွားမည်ဖြစ်ကြောင်း ဒေသခံတစ်ဦးက ပြောသည်။

ထို့အပြင် ယခု အစိုးရမှ မြေနေရာသတ်မှတ်ပေးသည်မှာ မီးရှို့ခံခဲ့သည့် အိမ်ခြေ ၂၀၀ ခန့်မှ တဲထိုး၍ ၀င်ရောက်နေထိုင်သည့် မိသားစု ၇၆-စု အတွက်သာ သတ်မှတ်ပေးခြင်းဖြစ်ပြီး ကျန်သည့် အိမ်ခြေ ၁၀၀ ကျော် အတွက်တော့ မည်သို့မျှ ပြောလာခြင်း မရှိသေးသည့်အတွက်ကြောင့် ရွားသားများက ဤအတိုင်းဆက်ဖြစ်လာလျှင် ကျနော်တို့ ဒီနေရာကနေ ထွက်ပြေးသွားရမည်ဟု စိုးရိမ်မကင်း ဖြစ်နေကြကြောင်း ၎င်းက ဆက်ပြောသည်။

အောင်ဇံဝေ
Rohingya Today
31.10.2018

အောင်မင်း
Rohingya Today
26.10.2018

ကျော်စိုး
Rohingya Today
26.10.2018

ဘူးသီးတောင် ။ ။ ရခိုင်ပြည်နယ် ဘူးသီးတောင်မြို့နယ် ဘုရားပြင်အောင်ပကျေးရွာအုပ်စုမှ တဖက်နိုင်ငံသို့ သွားရောက် ခိုလှုံနေသည့် ဒုက္ခသည်များ၏ နေအိမ်များကို အခြားသူများသို့ ရောင်းချမှုများ ဆက်လက်ပြုလုပ်လျက်ရှိသည်။

ဘုရားပြင်အောင်ပ ကျေးရွာအုပ်ချုပ်ရေးမှူး ဦးမောင်ကြီးသည် ရာအိမ်မှူးများဖြစ်ကြသည့် ဦးရှားကဲရ် (ဘ) ဦးမူဇဲရ်၊ ဦးမူဟိဘ္ဘုလ္လာဟ် (ဘ) ဦးဆယိဒ်ကာဆိမ်း၊ ဦးနဇီရ်အဟ်မဒ် (ဘ) ဦးမိုဟမ္မဒ်ဟဆောင်း၊ ဦးမိုဟမ္မဒ်အာမိန် (ဘ) ဦးမိုဟမ္မဒ်၊ ဦးဟာလာဘော်ဒါ (ဘ) ဦးအီဇ်ဟာရ်းမျာ နှင့် အုပ်ချုပ်ရေးမှူး၏ အထူးလက်ကိုင်ထုတ် ဦးအာဘူလ်ဖောယာဇ် (ခ) ရှိရှာ (ဘ) ဦးရှောရိဖ်း တို့၏ အကူအညီဖြင့် ယမန်နှစ် သြဂုတ်လ နောက်ပိုင်းတွင် အစိုးရ၏ ရက်စက်ကြမ်းကြုတ်သော နယ်မြေရှင်းလင်းရေးဒဏ်ကို မခံနိုင်၍ နေရပ်စွန့်ခွာပြီး တဖက် ဘင်္ဂလာဒေ့ရ်ှနိုင်ငံသို့ သွားရောက်ခိုလှုံနေသည့် ရိုဟင်ဂျာ ဒုက္ခသည်များ၏ နေအိမ်များကို ယခင်က ရောင်းချခဲ့သည့်အတိုင်း ယခုလည်း ဆက်လက်ရောင်းချလျက်ရှိကြောင်း ဒေသခံများက Rohingya Today သို့ပြောပါသည်။

ယခင်က နေအိမ် ၃-လုံးရောင်းချခဲ့ပြီး ယခု ဤ ရက်သတ္တပတ်အတွင်း ထပ်မံ၍ ရပ်ကွက် (၆) မှ ဦးအီလီယာစ် ၏ နေအိမ်ကို ကျပ်ငွေ ၅-သိန်းဖြင့် ရပ်ကွက် (၆) နေ ဒေါ်အာနူဘီ (ဘ) ဦးအာဘူလ်ဟရှိမ် အား ရောင်းချခြင်း၊ ရပ်ကွက် (၈) မှ ဦးဇာကဲရ် (ဘ) ဦးဆူးရ်မိုဟမ္မဒ် ၏ နေအိမ်ကို ကျပ်ငွေ ၄-သိန်းဖြင့် ရပ်ကွက် (၅) နေ ဦးဆလိမ်း (ဘ) ဦးကုလျာမျာ အား ရောင်းချခြင်း၊ ရပ်ကွက် (၈) မှ ဦးအာမိန် (ဘ) ဦးနော်ဇူမျာနှင့် ဦးအဒူရဟိမ်း တို့၏ နေအိမ်တို့ကို ကျပ်ငွေ ၈-သိန်းဖြင့် ရပ်ကွက် (၅) နေ ဦးယူဆုဖ် (ဘ) ဦးအာဘူလ်ဟရှိမ်း အား ရောင်းချခြင်းများ ပြုလုပ်သည့်အပြင် ရပ်ကွက် (၈) မှ ဦးယူနူစ် (ဘ) ဦးဟုဆိန်းအဟ်မဒ် ၏ နေအိမ်ကြီးကို အိမ်တွင် တစ်နှစ်ကျော်ကျော် နေထိုင်လာသည့် ဆွေးမျိုးမိသားစု တစ်စုကို အတင်းနှင်ထုတ်၍ ငွေကျပ် ၇-သိန်းဖြင့် ရပ်ကွက် (၅) နေ ရမ်းကု ဦးနူရ်အာမိန် အား ရောင်းချလိုက်ကြောင်း ရွာသားတစ်ဦးက ပြောသည်။

"လူမနေတော့တဲ့အိမ်တွေကိုပဲ ရောင်းတယ်ဆိုပြီး အရင်က ထင်ခဲ့ကြတာ၊ အခုက အဲလိုမဟုတ်တော့ဘူး၊ အဲဒီအိမ်ကို ပြုပြင်ပြီး တစ်နှစ်လုံးလုံးနေထိုင်လာတဲ့ ဆွေမျိုးတွေကိုတောင် နှင်ထုတ်ပြီး ရောင်းနေတာ၊ ရွာမှာရှိတဲ့ တဖက်နိုင်ငံရောက် ဒုက္ခသည်တွေပိုင်တဲ့ နေအိမ်တွေကို တစ်အိမ်မကျန် အကုန်ရောင်း လိုက်တော့မယ်လို့လည်း သူတို့က ဗြောင်ပြောနေကြတယ်၊ တဖက်က ဒုက္ခသည်တွေ ပြန်လက်ခံမယ်၊ အိမ်တွေဘာတွေဆောက်ပေးမယ်၊ ပြောတဲ့ အစိုးရက အခုလို ရှိရင်းစွဲ အိမ်တွေကိုတောင် အကုန်ချွတ်ပြီး ရောင်းစားနေတာတွေကို မမြင်ချင်ယောင်ဆောင်နေတာ တွေ့ရတော့ ပြန်လက်ခံချင်စိတ်ရှိတယ်ဆိုတာ တကယ် ဟုတ်ရဲ့လား မေးခွန်းထုတ်စရာ ဖြစ်လာတယ်'' ဟု ၎င်းက ဆက်လက် ပြောပါသည်။

ကျေးရွာအုပ်ချုပ်ရေးမှူးနှင့် ရာအိမ်မှူးများ ပူးပေါင်း၍ နေအိမ်များ ရောင်းချနေခြင်းနှင့် ပတ်သက်၍ သက်ဆိုင်ရာ မြို့နယ် အာဏာပိုင်များနှင့် နယ်ခြားစောင့်ရဲတပ်ဖွဲ့တို့က သိရှိနေသော်လည်း ဝေစုများ ရနေသောကြောင့် ဆက်လက်ရောင်းချခွင့် ပေးထားခြင်း ဖြစ်နိုင်သည်ဟု ဒေသခံများက သုံးသပ်နေကြသည်။

သိမ်းဝေ
Rohingya Today
22.10.2018

အောင်ဇံဝေ

အောင်မင်း
Rohingya Today
19.10.2018

ဘူးသီးတောင် ။ ။ ရခိုင်ပြည်နယ် ဘူးသီးတောင်မြို့နယ်၊ ငကျဉ်ထောက်ကျေးရွာအုပ်စုတွင် ကျေးရွာအုပ်ချုပ်ရေးမှူးက NGO မှ ထောက်ပံ့သည့် ပစ္စည်းများ ထုတ်ယူသည့် မိသားစုများမှ တစ်အိမ်ထောင်လျှင် ၄၀၀၀ (လေးထောင်) ကျပ်စီ ကောက်ခံခြင်း၊ ရွာရှိ တစ်ဘက်နိုင်ငံရောက် ဒုက္ခသည်များ၏ အိမ်များကို အခြားသူများထံသို့ ရောင်းချခြင်း၊ လယ်ယာမြေများကို ငှားရမ်းခြင်းနှင့် ထိုသို့ ပြုလုပ်ရာတွင် ပါဝင်ကူညီခြင်း မရှိသူတစ်ဦးကို လက်ထိပ်ခတ်ပြီး ရိုက်နက်ခြင်းများ ပြုလုပ်ခဲ့သည်။

ဘူးသီးတောင်မြို့နယ် ငကျဉ်ထောက် ကျေးရွာအုပ်စုတွင် ကျေးရွာအုပ်အုပ်ချုပ်ရေးမှူး ဦးကျော်သိန်း (အသက် ၄၅-နှစ်) က ယခု လက်ရှိ စာရင်းအရ ရိုဟင်ဂျာ အိမ်ခြေ ၃၇၅ လုံး နှင့် ဒိုင်းနက် အိမ်ခြေ ၉၉ လုံး စုစုပေါင်း အိမ်ခြေ ၄၇၄ လုံး ရှိ မိသားစုဝင်များအတွက် ICRC အဖွဲ့မှ ပေးဝေသော ထောက်ပံ့ပစ္စည်းများ ထုတ်ယူသည့် မိသားစုများထံမှ မြို့နယ်အထွေထွေအုပ်ချုပ်ရေးဦးစီးဌာနအတွက် ရန်ပုံငွေဟု ဆိုကာ တစ်အိမ်ထောင် လျှင် ငွေကျပ် ၄၀၀၀ (လေးထောင်) စီ ကောက်ခံခဲ့သည်။

ဦးကျော်သိန်းသည် အောင်လံပြင်ရွာနေ ရာအိမ်မှူးများဖြစ်ကြသည့် မိုဟမ္မဒ်ဆလာမ်း (ဘ) ဦးနာဇူများ (အသက် ၄၀-နှစ်) နှင့် ဆလိမ်း (ဘ) မော်လ၀ီ အာဘုလ်ကာလာမ် (အသက် ၃၅-နှစ်) တို့နှင့် ပူပေါင်း၍ ရွာရှိ ၂၀၁၇ ခုနှစ် သြဂုတ်လ နောက်ပိုင်းတွင် မြန်မာစစ်တပ်၏ ရက်စက်ကြမ်းကြုတ်သော နယ်မြေရှင်းလင်းရေးဒဏ်ကို မခံနိုင်၍ နေရပ်စွန့်ခွာပြီး တဖက် ဘင်္ဂလားဒေ့ရ်ှနိုင်ငံသို့ သွားရောက် ခိုလှုံနေသည့် ဒုက္ခသည်များ၏ လယ်ယာမြေများကို မိုးစပါးစိုက်ရန် တစ်ဧကလျှင် ၅၀၀၀၀ (ငါးသောင်း) ကျပ်၊ ဟင်းသီးဟင်းရွက်များစိုက်ပျိုးရန် ၀.၅ ဧကကို ၄၀၀၀၀ (လေးသောင်း) ကျပ် နှုန်းဖြင့် လယ်သမားများအား ငှားရမ်းလျက်ရှိသည့်အပြင် ဒုက္ခသည်များ ဖြစ်ကြသည့် မော်လဝီ ဦးနူရ်မိုဟမ္မဒ်၊ နူရူ နှင့် ကာဆိမ်း တို့၏အိမ်များ အပါအဝင် အခြားကျန်ရစ်သော ဒုက္ခသည်များပိုင် အိမ်များထဲမှ အိမ်ပေါင်း ၈၀-လုံးခန့်ကို အငယ်၊ အလတ်၊ အကြီး အရွယ်အစား အလိုက် ငွေကျပ် ၅-သိန်း၊ ၁၀-သိန်း၊ ၁၂-သိန်း နှုန်းများဖြင့် အခြားသူများသို့ ရောင်းချလိုက်ပြီ ဖြစ်ကြောင်း ဒေသခံများက Rohingya Today သို့ပြောသည်။

ထို့အပြင် ဦးကျော်သိန်းသည် အောက်တိုဘာလ (၁၇) ရက်နေ့ နံနက် ၈း၀၀ ခန့်အချိန်တွင် ICRC အဖွဲ့မှ ပေးဝေနေသည့် ထောက်ပံ့ပစ္စည်းများ ထုတ်ယူရန် ရောက်လာသည့် အောင်လံပြင်ရွာသား ဒီလ်မိုဟမ္မဒ် (ဘ) ဦးအဟ်မဒ်ဟုဆိန်း (အသက် ၃၃-နှစ်) ကို ဘင်္ဂလားဒေ့ရ်ှနိုင်ငံရှိ အကြမ်းဖက်သမားများနှင့် အဆက်အသွယ်ရှိသည်ဟု လုပ်ကြံစွပ်စွဲ ဖမ်းဆီးကာ လက်ထိပ်ခတ်၍ ကျေးရွာအုပ်ချုပ်ရေးမှူးရုံးတွင် လူမဆန်စွာ ဆဲဆို ရိုက်နှက်မှုများပြုလုပ်ပြီး နံနက် ၁၁း၀၀ အချိန်တွင် ပြန်လည်လွှတ်ပေးခဲ့ကြောင်း အောင်လံပြင်ရွာသား တစ်ဦးက ပြောပါသည်။

ဒီလ်မိုဟမ္မဒ် သည် ရွာရှိ ပညာတတ် နှစ်ဦးထဲတွင် အလွန်ယဉ်ကျေးသိမ်မွေ့ပြီး မတရားမှုများကို ဟန့်တားနိုင်ခြင်းမရှိသော်လည်း အနည်းဆုံး မတရားမှုများတွင် ပါဝင်ပတ်သက်မှုမှ ရှောင်ကြဉ်သူတစ်ဦးဖြစ်၍ ဦးကျော်သိန်းက ဒုက္ခသည်များပိုင် အိမ်၊ လယ်ယာမြေများ ရောင်းချနိုင်ရေး အကူအညီပေးရန် အကြိမ်ကြိမ် ခေါ်သော်လည်း လိုက်ပါဆောင်ရွက်ပေးခြင်း မရှိခဲ့သောကြောင့် ယခုလို အကြောင်းမရှိ အကြောင်းရှာကာ လက်စားချေခြင်းဖြစ်ကြောင်း ၎င်းက ဆက်လက်ပြောသည်။

ဝင်းမင်းစိုး
Rohingya Today
18.10.2018

မောင်တော ။ ။ ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်သွားရောက်သည့် ရခိုင်ခရီးစဉ်၌ အစိုးရမှ သက်ဆိုင်ရာ ဝန်ထမ်းများက မောင်တောနှင့် စစ်တွေ တို့တွင် NVC စည်းရုံးရေး ပြုလုပ်ခဲ့ကြသည်။

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener နှင့် အဖွဲ့သည် အောက်တိုဘာလ (၁၅) ရက်နေ့တွင် မောင်တောမြို့သို့ရောက်ရှိလာပြီး အစိုးရမှ ကြိုတင်ပြင်ဆင် ခေါ်ပေးထားသည့် ဟိန္ဒူများ၊ ရခိုင်များနှင့် အကန့်အသတ်ဖြင့် ခေါ်ထားသည့် ရိုဟင်ဂျာ စသည့် လူ့အဖွဲ့အစည်းများ၏ ကိုယ်စားလှယ်အချို့နှင့် တွေ့ဆုံခဲ့သည်။ ထိုတွေ့ဆုံပွဲတွင် အခြားလူမျိုးများဘက်မှ လူများများ တက်နိုင်ပြီး လွတ်လပ်စွာ ဆွေးနွေးနိုင်ခဲ့သ်ာလည်း ရိုဟင်ဂျာများဘက်က တွေ့ဆုံပွဲ တက်ရောက်ရန် စုစုပေါင်း ၈-ယောက် သွားသည့်အနက် နေရာမလုံလောက်ဟုဆိုကာ ၆-ယောက်ကိုသာ တက်ခွင့်ပေးခဲ့သည်။

တက်ရောက်ခွင့်ရသည့် ရိုဟင်ဂျာများကို ပါဝင်ဆွေးနွေးမှု မလုပ်ရန် ကြိုတင်၍ လျှို့ဝှက်စွာ ဟန့်တားခဲ့သည်။ တွေ့ဆုံပွဲတွင် နယ်ခြားစောင့်ရဲ၊ အထူးစုံစမ်းစစ်ဆေးရေးအဖွဲ့၊ စသည့် အစိုးရဌာနဆိုင်ရာများမှ ဝန်ထမ်းများလည်း တက်ရောက်ခဲ့သောကြောင့် လွတ်လပ်စွာ ဆွေးနွေးခွင့်မရခဲ့ကြောင်း မောင်တောမြို့ခံတစ်ဦးက ပြောပါသည်။

Ms. Burgener နှင့်အဖွဲ့သည် အောက်တိုဘာလ (၁၆) ရက်နေ့ နံနက် ၉း၃၀ အချိန်တွင် စစ်တွေမြို့ သက်ကေပြင် ဒုက္ခသည် စခန်းသို့သွား၍ Ms. Burgener က ၎င်းကိုယ်တိုင် မည်သူဖြစ်သည်ကို မိတ်ဆက်၍ ၎င်းသည် ဒုက္ခသည်စခန်းရှိ အခြေအနေအားလုံး သိရှိနားလည်ကြောင်း၊၊ ငြိမ်းချမ်းရေးဖော်ဆောင်ပေးနိုင်ရန် အလုပ်လုပ်လျက်ရှိကြောင်း စသည့် စကားအနည်းငယ်ပြောပြီး အတူလိုက်ပါလာသူ လ.ဝ.က က အရာရှိကြီးတစ်ဦးနှင့် လူကယ်ပြန် ဒု-ဝန်ကြီးတို့က NVC အကြောင်း အဓိက ပြောကြားပြီး NVC ဖြင့် ရခိုင်ပြည်နယ်အတွင်း မြောက်ဦး၊ မင်းပြား၊ ကျောက်တော် စသည့် နေရာအနှံ့တွင် လွတ်လပ်စွာ သွားလာနိုင်မည်ဖြစ်ပြီး အမှတ်ကောင်းများဖြင့် တက္ကသိုလ်ဝင်တန်း အောင်မြင်သူများလည်း ဆေးပညာ၊ အင်ဂျင်နီယာ စသည့် ကိုယ်ကြိုက်သည့် အသက်မွေးဝမ်းကျောင်းဘာသာရပ်များကို တက်ရောက် သင်ယူနိုင်မည့်အပြင် နိုင်ငံသားဖြစ်ခွင့် လျှောက်ထားရယူပြီး အခွင့်အရေးအကုန် ရရှိနိုင်မည်ဟု ပြောဆိုစည်းရုံးခဲ့သည်။

ထိုသို့ ပြောဆိုစည်းရုံးခြင်းနှင့် ပတ်သက်၍ ရိုဟင်ဂျာများက ယခင်က မိဘတွေမှာ အမျိုးသားမှတ်ပုံတင် ရှိလျှင် သားသမီးများ NVC ကိုင်ရန် မလိုဘဲ နိုင်ငံသားတိုက်ရိုက် လျှောက်ထား၍ ရမည်ဟု ပြောဆိုခဲ့သော်လည်း ယခု အဘယ်ကြောင့် မရသနည်းဟု မေးခွန်းထုတ်ရာ “မရဘူး၊ အမတ ရှိသူဖြစ်စေ၊ မရှိသူဖြစ်စေ၊ မိဘတွေနဲ့ မိဘတွေနဲ့ သားသမီးတွေပါ နိုင်ငံသားလျှောက်ရင် NVC ကိုင်ရမှာပဲ” ဖြေကြားခဲ့သည်။

IDP စခန်းများ ပိတ်တော့မည် ဖြစ်၍ ပထမဆုံး အနေဖြင့် သက်ကေပြင် စခန်းကို ပိတ်ပြီး ယင်းနေရာတွင် လုံးချင်းအိမ်များ ဆောက်လုပ်ပေးမည်ဟု ပြောကြားရာ ရိုဟင်ဂျာများက “ကျွန်တော်တို့က ဒုက္ခသည်စခန်း ပိတ်တာကို လက်ခံကြိုဆိုတယ်၊ ဒါပေမယ့် ကျွန်တော်တို့ကို ကျွန်တော်တို့ရဲ့ မူလနေရာတွေမှာ ပြန်လည် နေရာချထားပေးရမယ်၊ အခုတောင် ရိက္ခာတွေ လျှော့ပြီး ပေးနေတာ၊ ဒီနေရာမှာ လုံးချင်းအိမ်တွေ ဆောက်ပေးပြီး စခန်းပိတ်တယ်လို့ ကြေညာလိုက်တာနဲ့ ရိက္ခာရပ်သွားမယ်၊ လွတ်လပ်စွာ မသွားလာနိုင်ဘဲ ဘယ်က ဘယ်လို ၀င်ငွေရှာမလဲ၊ အကုန်လုံး အစာငတ်ပြီး သေသွားမှာပေါ့၊ ၀င်ငွေမရှာနိုင်ဘဲ လုံးချင်းအိမ်ဖြစ်ဖြစ် တိုက်ပဲဖြစ်ဖြစ် ပေးရင်လည်း ဘာမှ ထူးမှာ မဟုတ်ဘူး၊ အဲဒီတော့ ကျွန်တော်တို့ အဓိက လိုအပ်တာကတော့ လွတ်လပ်စွာ သွားလာခွင့်၊ စီးပွားရေး လုပ်ပိုင်ခွင့် စတဲ့ ယခင်က ရှိခဲ့သမျှ အခွင့်အရေးတွေပါပဲ” ဟု ပြောကြားရာ တာဝန်ရှိသူတစ်ဦးက “အဲဒါတွေကတော့ တဆင့်ပြီးတဆင့် တဖြေးဖြေး ဖြစ်လာမှာပေါ့ဟု ဖြေကြားပြီး နံနက် ၁၀ နာရီအချိန်တွင် ထွက်ခွာသွားကြောင်း သက်ကေပြင် ရွာသားတစ်ဦးက Rohingya Today သို့ ပြောပါသည်။

ထို့နောက် အဆိုပါအဖွဲ့သည် နံနက် ၁၁း၄၅ အချိန်တွင် စစ်တွေမြို့ အောင်မင်္ဂလာရပ်ကွက်သို့ ရောက်ရှိလာပြီး Ms. Burgener နှင့်အတူ လိုက်ပါလာသည့် လ.ဝ.က ပြည်နယ်မှူး၊ လူမှုဝန်ထမ်းကယ်ဆယ်ရေးနှင့်ပြန်လည်နေရာ ချထားရေး ဒု-ဝန်ကြီးတို့ နှစ်ဦးက ရောက်ရောက်ချင်း NVC အကြောင်း ပြောပြီး ဒေသခံများကို အဘယ်ကြောင့် NVC မယူသလဲ ဟုမေးရာ “လ.ဝ.က က ပြည်နယ်မှူးကိုယ်တိုင်က ကျွန်တော်တို့ရွာမှာ ကွင်းဆင်းပြီး NVC ပေးတယ်၊ နိုင်ငံသားလျှောက်ခိုင်းလို့ လျှောက်တယ်၊ တစ်ချို့က ၁-နှစ်၊ တစ်ချို့ က ၂-နှစ် ရှိပြီး ဘယ်သူ့ကိုမှ နိုင်ငံသားကဒ် ထုတ်မပေးသေးဘူး၊ ၄၈ ဥပဒေ ၊ ၈၂ ဥပဒေ စတဲ့ မြန်မာနိုင်ငံသားဖြစ်ခွင့်ဆိုင်ရာ ဥပဒေအရ ကျွန်တော်တို့က မြန်မာနိုင်ငံသားတွေပါပဲ၊ အစိုးရက ကျောသားရင်သား မခွဲခြားဘဲ ဥပဒေအတိုင်း တရားမျှတစွာ စစ်ဆေးဆောင်ရွက်ရင် အားလုံးက စစ်ဆေးခံဖို့ အဆင်သင့်ပါ” ဟု ဖြေကြားခဲ့သည်။

Ms. Burgener က ရိုဟင်ဂျာများကို ခင်ဗျားတို့ဘက်က ဘာပြောစရာရှိလဲဟု မေးမြန်းရာ “ကျွန်တော်တို့ ၂၀၁၂ ခုနှစ် မတိုင်ခင်က ရခိုင်တိုင်းရင်းသားတွေနဲ့ သဟဇာ ရှိရှိနဲ့ အတူယှဉ်တွဲ နေထိုင်လာခဲ့တယ်၊ ၂၀၁၂ မှာ အကြောင်းအမျိုးမျိုးကြောင့် ပဋိပက္ခ ဖြစ်ပြီး တစ်ဘက်နဲ့တစ်ဘက် မယုံမကြည် ဖြစ်ခဲ့ရတယ်။ အခြေအနေပြန်လည် တည်ငြိမ်သွားပြီး ယခုလည်း အတူတကွ နေထိုင်နေပါတယ်၊ ကျွန်တော်တို့ ရပ်ကွက်ထဲမှာရှိတဲ့ ကျောင်းကိုလာပြီး ရခိုင်ဆရာ၊ ဆရာမတွေက ရိုဟင်ဂျာကလေးတွေကို စာသင်ပေးတယ်၊ ကျွန်တော်တို့နဲ့ သူတို့နဲ့ လမ်းမှာတွေ့ရင် နှုတ်ဆက်ဖြစ်ကြတယ်၊ ဒါပေမယ့် ကျွန်တော်တို့က အခုထိ ရွာအပြင်ထွက်ခွင့်မရသေးပါဘူး” ဟုဖြေကြားသည်။

ဒီကလူတွေ ၂၀၁၂ မတိုင်ခင်က အသက်မွေးဝမ်းကျောင်းဖို့ ဘာအလုပ်လုပ်ခဲ့လဲဟု ဆက်လက်မေးမြန်းရာ “ကျွန်တော်တို့ အများစုက မြို့မဈေးကြီးမှာ ဆိုင်တွေရှိခဲ့တယ်၊ ဆိုင်မရှိတဲ့လူတွေဆို လက်သမား၊ ပန်းရံဆရာ၊ အခြား ကျပန်း အလုပ်တွေလုပ်ခဲ့တာပါ၊ ခြုံပြီးပြောရရင် အဲ့ဒီမြို့မဈေးကြီးကို မှီခိုအားထားခဲ့တာပါ၊ ၂၀၁၂ ပဋိပက္ခ နောက်ပိုင်း ကျွန်တော်တို့ ဆိုင်တွေ အကုန်သိမ်းလိုက်တယ်၊ အခုထိ ရွာထဲမှာပဲ ပိတ်လှောင်ခံရပြီး အပြင်ထွက်ခွင့်မရသေးပါဘူး၊ မြို့မဈေးဆိုတာ ကျွန်တော်တို့ ရွာကနေ သွားရင် ငါးမိနစ်ဆယ်မိနစ် လောက်ပဲ လမ်းလျှောက်ရတာပါ၊ အဲ့ဒါကြောင့် ကျွန်တော်တို့ စားဝတ်နေရေး အခက်အခဲတွေ ကြုံနေရတယ်၊ ကျွန်တော်တို့ ဒုက္ခသည်စခန်းမှာလည်း မဟုတ်တော့ NGO တွေကလာပြီး ထောက်ပံ့တာမျိုးလည်း မရှိပါဘူး၊ တခါတလေ ပြည်နယ်အစိုးရက ပေးတဲ့ ထောက်ပံ့မှုနဲ့ အပြင်မှာရှိတဲ့ ကျွန်တော်တို့ ဆွေမျိုးတွေဆီက အကူအညီတောင်းပြီး ရတဲ့ ဟာတွေနဲ့ ဖြစ်သလိုသာ အသက်ရှင်နေရတာပါ၊ ကျွန်တော်တို့မှာ ဆေးကုသဖို့လည်း အခက်အခဲရှိတယ်၊ စစ်တွေ ပြည်သူ့ဆေးရုံ တက်ခွင့်မရသေးဘူး၊ တူရကီနိုင်ငံက ပေးတဲ့ ဆေးရုံ အဆောက်အဦကလည်း ဆောက်ပြီးပြီ သို့သော် ပြည်နယ်အစိုးရက ဆေးဝါးနဲ့ ဆရာဝန် တွေစီစဉ်ပြီး ဖွင့်လှစ်ပေးတာမျိုး မရှိသေးပါဘူး၊ ပညာရေးအခက်အခဲရှိတယ်၊ ဆယ်တန်းအောင်တဲ့ ကလေးတွေအတွက် တက္ကသိုလ်ပညာရေး သင်ယူနိုင်ဖို့ အစိုးရဆီ စာရေးခဲ့ပါတယ်၊ ဘာတုံ့ပြန်မှုမှ မရသေးပါဘူး” ဟု ဖြေကြားခဲ့သည်။

တဖက်နိုင်ငံတွင် ခိုလှုံနေသည့်သူများ ပြန်လာရေးနှင့် ပတ်သက်ပြီး မေးမြန်းသည့် မေးခွန်းကို “ကျွန်တော်တို့ နေရပ်မစွန့်ခွာဘဲ မြန်မာနိုင်ငံထဲမှာ ကိုယ့်နေရာမှ ကိုယ်နေနေတဲ့ လူတွေမှာ သွားလာခွင့်မရှိ၊ ရွာအပြင်တောင် ထွက်ခွင့်မပေးဘဲ ၆ နှစ်တိတိ ပိတ်လှောင်ထားတော့ တဖက်နိုင်ငံရောက် ဒုက္ခသည်တွေက ဘယ်လိုလုပ်ပြီး ပြန်လာချင်ကြမလဲ၊ နိုင်ငံထဲမှာ ရှိနေတဲ့လူတွေကို တရားမျှတစွာ၊ ခွဲခြားမှုကင်းစွာ ဆက်ဆံမယ် ဆိုရင်တော့ သူတို့ လာချင်ကြမှာပ” ဟု ဖြေဆိုခဲ့သည်။

နှစ်ဘက်လူ့အဖွဲ့အစည်း သဟဇာတရှိရှိနှင့် အတူယှဉ်တွဲ နေထိုင်နိုင်ရန် ဘာဆက်လုပ်ရင် ကောင်းမလဲဟု မေးမြန်းရာ “တရားဥပဒေ စိုးမိုးမှု ရှိလာမယ်ဆိုရင်၊ အကုန်လုံးက ချက်ချင်း အေးချမ်းသွားမှာပါ၊ စကားဝိုင်းတွေ လုပ်ရင်ကောင်းတာပေါ့၊ ကျွန်တော်တို့က လိုလားတယ်၊ သူတို့ဘက်က မလုပ်ချင်ကြဘူး၊ သူတို့ဘက်က လူကြီးတွေ တာဝန်ယူပြီး၊ ကျွန်တော်တို့ လူတွေကို ကျွန်တော်တို့ဘက်က လူကြီးတွေ တာဝန်ယူပြီး နှစ်ဘက် လူ့အဖွဲ့အစည်းကို အစိုးရက ကျောသားရင်သား မခွဲခြားဘဲနဲ့ တာဝန်ယူဆောင်ရွက်ပေးရင်တော့ မဖြစ်နိုင်စရာ အကြောင်းမရှိပါဘူး” ဟု ဖြေကြားခဲ့သည်။

ထို့နောက် ကိုယ်စားလှယ်အဖွဲ့သည် နေ့လည် ၁၂း၁၅ အချိန်တွင် အောင်မင်္ဂလာရပ်ကွက်မှ ထွက်ခွာသွားခဲ့သည်။

သိမ်းဝေ
Rohingya Today
18.10.2018 ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ပြိုင်းတောင်ကျေးရွာအုပ်စုတွင် ဆွေမျိုးအိမ်သို့ အလည်ရောက်သည့် ရိုဟင်ဂျာ လူငယ် ၃-ဦးက ကျေးရွာအုပ်ချုပ်ရေးမှူး နှင့် မတွေ့ဘဲ ထွက်ခွာသွားသောကြောင့် ငွေညှစ်ခံခဲ့ရသည်။

ဘူးသီး​တောင်​မြို့နယ် ​တောင်​ပိုင်း ပြိုင်း​တောင်​​ကျေးရွာအုပ်​စု ပြိုင်းတောင်ရွာမှ ရိုဟင်ဂျာ လူငယ် ၃-ဦး ဖြစ်ကြသည့် ​မိုဟမ္မဒ်ဆားဘဲရ် (ဘ) မိုဟမ္မဒ်ကာဆိမ်း (အသက် ၁၉-နှစ်​)၊ မိုဟမ္မဒ်အာယာစ်​ (ဘ) နုရ်​အစ္စလာမ် (အသက် ၁၈-နှစ်​) နှင့် အာန်ဝါရ်ဆားဒဲက် (ဘ) အစ္စလာမ် တို့သည် အောက်တိုဘာလ (၁၄) ရက်နေ့ ညနေပိုင်းတွင် ပြိုင်းတောင်အုပ်စုအပိုင် တောင်ချောင်းရွာရှိ ဆွေမျိုးတော်စပ်သူ ဆယ်အိမ်မှူး ဦးမိုဟမ္မဒ်ဇူဘိုက်ရ် (အသက် ၄၀-နှစ်) ၏ နေအိမ်သို့ အလည်ရောက်ရှိလာပြီး ည ၈း၀၀ ခန့်အချိန်တွင် ပြန်လည်ထွက်ခွာသွားခဲ့သည်။ ထို့နောက် ကျေးရွာအုပ်ချုပ်ရေးမှူး အောင်သန်းဝင်း (အသက် ၃၀-နှစ်) ရောက်လာကာ အိမ်ပိုင်ရှင် မိုဟမ္မဒ်ဇူဘိုက်ရ် ကို ခေါ်၍ လူငယ်တွေကို ပြန်ခေါ်ယူလာရန် စေလွှတ်ခဲ့ပြီး လိုက်လံ ရှာဖွေနေစဉ် ကျေးရွာတာဝန်ခံ မိုဟမ္မဒ်တာဟဲရ် (အသက် ၄၀-နှစ်) က ကြန့်ကြာနေဟုဆိုကာ မိုဟမ္မဒ်ဇူဘိုက်ရ်ကို ရိုက်နက်ခဲ့သည်။

လူငယ် ၃-ဦးကို ရှာမတွေ့သဖြင့် ၎င်းတို့၏ ဖခင်နှစ်ဦး နှင့် အစ်ကိုတစ်ဦးတို့ကို ရုံးသို့ ခေါ်ယူလာ၍ ကျေးရွာအုပ်ချုပ်ရေးမှူး နှင့် တာဝန်ခံတို့က ၎င်းတို့ကို ရွာထဲက ဆိုင်တစ်ဆိုင်တွင် နံနက် ၅ နာရီထိ ထားရှိကာ ''အဲ့ဒီ လူငယ်တွေနှင့်အတူ အကြမ်းဖက်သမားတွေ ရှိတယ်၊ အဲကောင်တွေကို ခေါ်ပေး၊ သူတို့ကို ဖမ်းဆီး ထောင်ချရမယ်'' စသဖြင့် အမျိုးမျိုး ခြိမ်းခြောက်၍ နောက်ဆုံးတွင် ၃-ဦးထံမှ ငွေကျပ် ၂-သိန်း ညှစ်ယူခဲ့ကြောင်း ဒေသခံများက Rohingya Today သို့ပြောသည်။ အောင်သန်းဝင်း (ဒိုင်းနက်လူမျိုး) သည် ကျေးရွာတာဝန်ခံ၊ ရာအိမ်မှူး အချို့ တို့နှင့် ပူးပေါင်း၍ ရွာသားများကို မဟုတ်မမှန် စွပ်စွဲချက်များဖြင့် ခြိမ်းခြောက်ကာ ရွာသားများထံမှ ငွေညှစ်ပြီး ဝေစုခွဲယူလျက်ရှိကြောင်း ရွာသား တစ်ဦးက ပြောသည်။

အောင်မင်း
Rohingya Today
16.10.2018


ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မြို့ပေါ်အနီးအ၀ိုက်တွင် ရခိုင်လူမျိုးတစ်ဦးက ရိုဟင်ဂျာများကို ရိုက်နှက်ခြင်း၊ ရိုဟင်ဂျာများထံမှ လုယက်ခြင်း စသည့် နည်းမျိုးစုံကို သုံး၍ သောင်းကျန်းနေသည့်ဒဏ်ကို ရိုဟင်ဂျာများ အလူးအလဲခံနေရသည်။






ဘူးသီး​တောင်​မြို့ နယ် အမှတ်​ (၆) ရပ်​ကွက်​​မှ ရခိုင်လူမျိုးတစ်ဦးဖြစ်သည့် အောင်နိုင် ဆိုသူသည် မြို့ပေါ် အနီးတဝိုက်ရှိ စားသောက်ဆိုင်များတွင် စားသောက်ပြီး ငွေကြေးမပေးခြင်း၊ ဈေးဆိုင်များမှ ပစ္စည်းများ အတင်းအဓမ္မ လုယူခြင်း၊ ပစ္စည်းများမယူရန် ဟန့်တားခြင်း သို့မဟုတ် ငွေတောင်းခံခြင်း ပြုလုပ်ပါက ရိုက်နှက်ခြင်း၊ ခွဆုံများတွင် စောင့်ဆိုင်း၍ လမ်းသွားလမ်းလာများ ထံမှ ငွေလုယက်ခြင်း၊ မောင်းနှင်လာသည့် ဆိုင်ကယ်များကို ရပ်တန့်ခိုင်းပြီး အတင်းအဓမ္မ ယူသွားကာ ၅ ရက်မှ ၁၀ ရက်ခန့်အထိ ပျက်သွားသည့်အထိ စီး၍ ပြန်ပေးခြင်း၊ ၎င်း၏ လုပ်ရပ်များကို ဟန့်တားသူများအား လူမဆန်စွာ ရိုက်နှက်ခြင်းများကို နေ့စဉ်နှင့်အမျှ ပြုလုပ်နေသောကြောင့် ဒေသခံရိုဟင်ဂျာများ အလွန်စိတ်ပျက်နေရကြောင်း ဒေသခံများက Rohingya Today သို့ပြောသည်။




အောင်နိုင် ဆိုသူသည် ကကျက်ဘက်ကံပြင်ကျေးရွာအုပ်စု မြို့မဈေးရှိ ရိုဟင်ဂျာ ဈေးဆိုင်ပိုင်ရှင် (၃) ဦးထံမှ ဆိုင်ပစ္စည်းများ လုယက်ခဲ့သည့်အပြင် ပစ္စည်းပိုင်ရှင်များက ငွေတောင်းခံသောကြောင့် ရိုက်နှက်မှုများ ပြုလုပ်ခဲ့သည်။




စက်တင်ဘာလ (၂၅) ရက်နေ့တွင် ဦးဆိုက်ဖုလ္လာ (ဘ) ဦးမော်နို (အသက် ၃၅ နှစ်) ၏ အထည်ဆိုင်သို့ သွားရောက်၍ အ၀တ်အထည် သုံးသောင်းကျော်ဖိုး ယူသည်ကို ဆိုင်ရှင်က ကျသင့်ငွေတောင်းခံသဖြင့် မျက်နှာကို လက်သီးဖြင့် ထိုးခဲ့သည်။ ဆိုင်ရှင်ဖြစ်သူမှာ ငွေမရသည့်အပြင် လက်သီးဖြင့် ထိုးခံရသောကြောင့် ပြင်းထန်စွာ ဒဏ်ရာရရှိခဲ့ကြောင်း ဒေသခံတစ်ဦးက ပြောပါသည်။




အောက်တိုဘာလ (၃) ရက်နေ့တွင်လည်း ဦးမိုဟာမ္မဒ်ရှား (အသက် ၃၂ နှစ်) ၏ ဖုန်းဆိုင်သို့ သွားရောက်၍ ငွေကျပ် ခြောက်သောင်းငါးထောင်တန် ဖုန်းတစ်လုံးကို ငွေမပေးဘဲ လုယူသွားခဲ့သည်။




အောက်တိုဘာလ (၆) ရက်နေ့တွင် ဦးဖောယားဇူး (ဘ) ဦးဘဆီးရ်အဟ်မဒ် (အသက် ၃၅ နှစ်) ၏ ဆိုင်သို့ သွားရောက်၍ ငွေကျပ် နှစ်သောင်းခန့် တန်ဖိုးရှိ အလှကုန်ပစ္စည်းများ ယူသွားနေစဉ် ငွေတောင်းခံသဖြင့် ဆိုင်ရှင်ကို ရိုက်နှက်ခဲ့သည်။




"မှန်ပါတယ်၊ သူက မနက် မိုးလင်းကနေ ညနေ နေဝင်ချိန်အထိ လိုအပ်တဲ့ အရာမှန်သမျှကို ရိုဟင်ဂျာတွေဆီက လုယက်စားသောက်နေတယ်၊ မုန့်စားတယ်၊ လက်ဖက်ရည်ဆိုင်က လက်ဖက်ရည်၊ ကွမ်းဆိုင်က ကွမ်းယာ၊ ဆေးလိပ်၊ အချိုရည်၊ ထမင်းဆိုင်က ထမင်း၊ ဆေးဆိုင်က ဆေး အကုန်လုံး ငွေမပေးဘဲနဲ့ အတင်းအဓမ္မ လုယက်စားသောက်ပြီးတော့ ဈေးဆိုင်တွေထဲဝင်ပြီး အဝတ်အစား၊ အလှကုန်ပစ္စည်း၊ လျှပ်စစ်ပစ္စည်း စတဲ့ဟာတွေ လုယူတယ်၊ ဟိုဘက်ဒီဘက် သွားရရင် သူများ ဆိုင်ကယ် အတင်းဆွဲယူသွားတာရယ်၊ အရက် နဲ့ WY မူးယစ်ဆေးဝါးတွေ အတွက်လိုအပ်တဲ့ ပိုက်ဆံကို လမ်းသွားလမ်းလာသူတွေဆီက အတင်းလုယူတယ်၊ ခြုံပြီးပြောရရင် သူ့အတွက် ဘူးသီးတောင် တစ်မြို့လုံးက ရိုဟင်ဂျာပိုင်ပစ္စည်းတွေက သူ့မိဘပိုင် ပစ္စည်းတွေလိုကျနေတာပဲ'' ဟု မြို့မဈေးမှ ဆိုင်ပိုင်ရှင်တစ်ဦးက ပြောပါသည်။





အောင်နိုင်၏ ရမ်းကား သောင်းကျန်း လုယက်မှုများနှင့် ပတ်သက်၍ မြို့နယ်​ရဲစခန်းသို့ တိုင်​တန်းခဲ့သော်လည်း လိုအပ်သလို ဟန့်တား ဆောင်ရွက်ပေးခြင်း မရှိသည့်အပြင် တိုင်တန်းသူများကို ခြိမ်းခြောက်မှုများ ပြုလုပ်ခဲ့သဖြင့် မြို့နယ်ရဲစခန်းရှိ ရခိုင်​လူမျိုးရဲတပ်ဖွဲ့ဝင်များ ၎င်းအား ရိုဟင်ဂျာများကို ညှဉ်းပန်းနှိပ်စက် စိတ်ဒုက္ခပေးရန် သီးသန့်လွှတ်ပေးထားခြင်း ဖြစ်နိုင်သည်ဟု ဒေသခံအချို့က သံသယ၀င်နေကြသည်။




"ဟုတ်ကဲ့ သူက အစိုးရ အလယ်တန်းကျောင်းဆရာ တစ်ယောက်လည်းဖြစ်တယ်၊ ကျောင်းမသွားဘဲ မူးယစ်ဆေးဝါး သုံးစွဲနေသူတစ်ယောက်လည်းဖြစ်တယ်၊ နေ့တိုင်းလိုလိုပဲ ရိုဟင်ဂျာတွေဆီက အတင်းအဓမ္မ ပစ္စည်းတွေ လုယူသွားတယ်၊ ပိုက်ဆံတောင်းရင်လည်း ခြေလွန်လက်လွန်စော်ကားတယ်၊ သူက ခန္ဓာကိုယ်ကြီးပြီး ကြမ်းတမ်းတော့ မတောင်းရဲကြဘူး၊ ရဲတွေကို တိုင်ရင်လည်း အရေးမယူဘူး၊ WY ဆေးပြားနဲ့ မိတာတောင် ပြန်လွတ်လာတယ်၊ ဘူးသီးတောင်က ဆွေကြီးမျိုးကြီး အသိုင်းအဝိုင်းက ဆိုတော့ ရဲတွေက မျက်နှာသာပေးထားပုံရတယ်၊ သူအခုလို လုပ်လာတာ နှစ်ပေါင်းများစွာ ရှိပါပြီဗျာ'' ဟု ဘူးသီးတောင်မြို့ခံ တစ်ဦးက ပြောသည်။

ထို့အတူ အောက်တိုဘာလ (၁၂) ရက်နေ့ ညနေ ၅း၀၀ အချိန်တွင် အောက်ပိုက်သေရွာမှ ဦးဟိလားလ်အုဒ္ဒိန် (ဘ) ဦးအယုဗ်အာလီ (အသက် ၄၀-နှစ်) သည် မိုးသည်းထန်စွာ ရွာသွန်းနေစဉ် ရွာအပြင်ဘက်ရှိ ရိုဟင်ဂျာပိုင် လယ်ကွင်းသို့သွား၍ တစ်ယောက်တည်း ငါးဖမ်းနေချိန်တွင် မြို့ပေါ်ကဟု ယူဆရသည့် ရခိုင်လူမျိုး ၅-ဦး ရောက်ရှိလာပြီး ဝိုင်းဝန်း၍ ပါးရိုက်ခြင်း၊ ခြေထောက်ဖြင့် ကန်ကျောက်ခြင်း၊ လက်သီးဖြင့်ထိုးခြင်း စသည်ဖြင့် လူမဆန်စွာ သတိလစ်မေ့မျော လဲကျသွားသည်အထိ ရိုက်နှက်ခဲ့သည်။ ဦးဟိလားလ်အုဒ္ဒိန် လဲကျနေသည်ကို ရွာသားများကတွေ့ရှိပြီးနောက် ရွာသို့ သယ်ဆောင်သွားပြီး ဆေးကုသပေးလျက်ရှိသော်လည်း ယခုအချိန်ထိ အိပ်ရာက မထနိုင်သေးကြောင်း ရွာသားတစ်ဦးက ပြောပါသည်။

"ကျောက်တော်မှာ ရှိတဲ့ ရိုဟင်ဂျာတွေအတွက် လုံခြုံရေးအာမခံချက် မရှိပါဘူး၊ အခုလို ပါပဲ၊ ရွာအပြင်ထွက်တာနဲ့ ရက်ရက်စက်စက် ရိုက်နှက်ခံရတယ်၊ ဓါးနဲ့ခုတ်ခံရတယ်၊ ရခိုင်တွေထဲမှာ ဆိုးတဲ့သူတွေ ရှိသလို ကောင်းတဲ့သူတွေလည်း ရှိပါတယ်၊ ဆိုးတဲ့သူတွေဆိုရင် အခုလို အကြောင်းမဲ့ အကြမ်းဖက်တာများတယ်၊ တစ်ချို့ဆိုရင် အလောင်းတောင် ရှာမတွေ့ ဖျောက်ပစ်လိုက်တာ၊ ဒီကိစ္စတွေကို အာဏာပိုင်တွေက သိပေမယ့် အရေးယူဟန့်တားတာတွေ မလုပ်တော့ ကျူးလွန်သူတွေက အားရပြီး ခံတဲ့လူတွေကတော့ ဆက်တိုက်ခံနေရတဲ့ သဘောပါဗျာ'' ဟု ၎င်းက ဆက်လက်ပြောသည်။

ကျော်စိုး
Rohingya Today
10.10.2018 ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် သိန်တောင်ပြင်ကျေးရွာအုပ်စုတွင် ဆယ်ကျော်သက် လူငယ်တစ်ဦးကို သေလုမြောပါး ဖြစ်သည်အထိ ဝိုင်းဝန်းရိုက်နှက်ခဲ့သူ (၅) ဦးကို တရားဥပဒေနှင့်အညီ တရားရုံး၌ ပြစ်ဒဏ်ပေးရန် တရားစွဲဆိုခြင်း မပြုလုပ်ဘဲ နယ်ခြားစောင့်ရဲတပ်ဖွဲ့ နယ်မြေစခန်းက ၎င်းတို့နှင့် ရင်းနှီးသူ (၃) ဦးနှင့် ပူးပေါင်း၍ ငွေညှစ်ပြီး ဖြေရှင်းပေးခဲ့သည်။

သိန်တောင်ပြင်ကျေးရွာအုပ်စု၊ သိန်တောင်ပြင် မော်လ၀ီရွာမှ မိုဟမ္မဒ်တယုဗ် (ဘ) ဦး‌ဆယိဒ် (အသက်‌ ၁၇-နှစ်‌) နှင့်‌ ဦးဘိုက်လာ (ဘ) ဦးဘော်‌ဆိရ်‌အဟ်မဒ် (အသက်‌ ၄၀-နှစ်‌) တို့အကြား ယခင်က တစ်‌ဦးနှင့်‌တစ်‌ဦး စကားများခဲ့သည်ကို ဦးဘိုက်လာက အငြိုးထားကာ စက်တင်ဘာလ (၃၀) ရက်နေ့ ည‌ ၇း၀၀ ခန့်‌အချိန်‌တွင်‌ ဦးဘိုက်‌လာနှင့် ၎င်း၏ အစ်ကို ဦးဟူးစိန်းအာမတ် (ဘ) ဦးဘော်ဆိရ်အမဒ် (အသက် ၅၀ နှစ်)၊ ဦးဘိုက်လာ၏ သားဖြစ်သူ အဗ်ဒူလ္လာ (အသက်‌ ၂၂ နှစ်‌)၊ ဦးဘိုက်လာ၏ သားမက်ဖြစ်သူ မုက်တာရ် (ဘ) ဦးဂါလူဘန်‌ဂူ (အသက်‌ ၂၆ နှစ်‌) နှင့် အခြား ဆွေမျိုးတစ်ဦး ဖြစ်သည့် ဘာဂုများ (ခ) ဘာဂျား (ဘ) ဦးအဟ်မဒ်ဟူးစိန်း (အသက် ၂၅ နှစ်) တို့က မိတ်ဆွေနှင့်တွေ့ရန် သွားနေသည့် မိုဟမ္မဒ်တယုဗ် ကို ၎င်းတို့၏ အိမ်နှင့် ကပ်လျက်ရှိသည့် လမ်းမမှ အိမ်ထဲသို့ ဆွဲသွင်းပြီး ကြိုးတုတ်၊ ပါးစပ်ပိတ်ကာ ၅- ဦးစလုံးက လက်ကိုင်တုတ် ကိုယ်စီဖြင့် ဝိုင်းဝန်းရိုက်နှက်ခဲ့သောကြောင့် သေလုမြောပါး ဖြစ်သွားခဲ့ပြီး ဘူးသီးတောင်ပြည်သူ့ဆေးရုံတွင် ၃ ရက်တိတိ ဆေးကုသမှုခံယူခဲ့ရသည်။ ဖြစ်စဉ်နှင့်ပတ်သက်၍ စစ်ဆေးရန် ဦးဘိုက်လာပါ ၅ ဦးတို့ကို ညောင်ချောင်း နယ်ခြားစောင့်ရဲတပ်ဖွဲ့ နယ်မြေစခန်းသို့ အောက်တိုဘာလ (၄) ရက်နေ့တွင်ဆင့်ခေါ်ခဲ့ရာ နယ်ခြားစောင့်ရဲများနှင့် ရင်းနှီးကြသည့် ကျေးရွာတာဝန်‌ခံ‌ ‌‌ရရှီးဒ် (ဘ) ဦးဟဆောင်း (အသက် ၃၆ နှစ်)၊ ရရှီးဒ်အဟ်မဒ် (ဘ) ဦးမက်တုလ်ဟုဆိန်း (အသက် ၄၀ နှစ်) နှင့်‌လာလ်‌များ (ဘ) ဦးအဒူလီ (အသက်‌ ၅၅ ‌နှစ်) တို့ ၃ ဦးက ပူးပေါင်း၍ ဦးဘိုက်လာပါ ၅ ဦးထံမှ ငွေကျပ် ၁၀-သိန်းကျော် လာဘ်စား၍ ဦးဘိုက်လာတို့ဘက်ကို ဘက်လိုက် သက်သေပြောဆိုခဲ့သောကြောင့် နယ်မြေရုံးက မိုဟမ္မဒ်တယုဗ် ကိုပေးရန် ဆေးကုသမှုစရိတ် ၃-သိန်း နှင့် ရုံးစရိတ် ၂-သိန်း စုစုပေါင်း ၅-သိန်း ပေးဆောင်ရန် သတ်မှတ်ပေးပြီး ဆုံးဖြတ်ဖြေရှင်းပေးခဲ့ကြောင်း ဒေသခံများက Rohingya Today သို့ပြောပါသည်။

ရရှီးဒ် နှင့် ရင်းနှီးသည့် ရွာသားတစ်ဦးက ''ဟုတ်ပါတယ်၊ သူတို့ဘက်က ၁၅ သိန်းကျော်ကျော် ယူပါတယ်၊ နယ်မြေစခန်းက သတ်မှတ်ပေးတဲ့အတိုင်း မိုဟမ္မဒ်တယုဗ် ကို ဆေးကုသမှုစရိတ် အဖြစ် ၃ သိန်း နဲ့ နယ်မြေစခန်းကို ရုံးစရိတ်အဖြစ် ၂-သိန်း ပေးပြီး ကျန် ၁၀ သိန်းကို ဘက်လိုက်ပြောဆိုညှိနှိုင်း ဖြေရှင်းပေးခ အဖြစ် သူတို့က တစ်ယောက် ၅-သိန်းစီ ခွဲဝေ ယူခဲ့တာပါ'' ဟု ပြောသည်။

"မိုဟမ္မဒ်တယုဗ်ကတော့ ဆေးရုံမှာ ၃ ရက်တိတိ နေခဲ့ရပြီး ကိုယ့်စရိတ်နဲ့ကိုယ် ဆေးကုခဲ့ရတယ်၊ ငွေလည်း လေးငါးသိန်း ကုန်သွားတယ်၊ ဟိုလူတွေက လာဘ်စားတယ်ဆိုတော့ သူတို့ဘက်ကိုဆွဲပြောမှာဘဲလေ၊ နယ်မြေရုံးမှာလည်း ငွေညှစ်ဖြေရှင်းပေးမယ့်အစား ဖြစ်စဉ်အမှန်ကို ဖော်ထုတ်ပြီး အခုလို နောက်နောင် မလုပ်ရလေအောင် ပေးသင့်တဲ့ ပြစ်ဒဏ်ပေးနိုင်ဖို့အတွက် ဆောက်ရွက်ပေးဖို့ တာဝန်ရှိတာပေါ့၊ တာဝန်အတိုင်း မလုပ်ဘဲ လက်ကိုင်တုတ်တွေ သုံးပြီး ငွေယူပြီး ဖြေရှင်းပေးလိုက်တယ်” ဟု ၎င်းက ဆက်လက်ပြောပါသည်။