မော်လ၀ီတစ်ဦးကို စစ်သားများကရိုက်နှက်၍ပြင်းထန်စွာဒဏ်ရာရ

ဌေးဇော်
RB News
22.12.2012

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့ နယ်၊ ပြင်လှရွာကြီးနေ မော်လ၀ီဆရာ ဦးမာမတ် အာ ယုပ်အား တပ်ရင်း (၅၅၁)မှ အရာခံဗိုလ်နှင့် တပ်ဖွဲ့ ၀င် ၃ ဦးမှ ရိုက်နှက်ခြင်းကြောင့် ပြင်းထန်စွာ ဒဏ်ရာ ရရှိ ခဲ့ ကြောင်းသ တင်းရရှိပါသည်။

ဘူးသီးတောင်မြို့ နယ်၊ ပြင်လှရွာကြီး တွင်နေ ထိုင်သော မော်လဝီ ဆရာဦး မာမတ်အာယုပ် (ဘ)ဦး ရာ ဟမတု လ္လာ ကို ဒီဇင်ဘာလ (၂၀) ရက်နေ့ည ၈ နာရီခန့်တွင် တပ်ရင်း (၅၅၁) မှအရာခံ ဗိုလ်နှင့် တပ်ဖွဲ့ဝင် ၃ ဦး တို့ မော်လ၀ီ ၏ နေအိမ်သို့ လာရောက်၍ “ဟေ့မော်လ၀ီ ကုလားမင်းမှာ ဘင်္ဂလား Mobile ရှိတဲ့ သတင်း ရလို့ လာဖမ်းတာ။ ငွေ ၅ သိန်းပေးရင်ပေး မပေးရင် မင်းကို ငါတို့တပ်ရင်း ကိုခေါ် သွားမယ်ကွာ” ဟုပြောပြီး ထိုနေရာတွင် တပ်ဖွဲ့ဝင် ၃ ဦးမှ လူမဆန်စွာ ရိုက်နှက် ၍ ခေါ်ဆောင် သွားကြောင်းသိရသည်။

ထိုနေ့မှ စ၍ယမန်နေ့ထိရိုက်နှက်ညှင်းပန်းနှိပ်စက်နေခြင်းကိုမိဘများကမခံနိုင်၍ ငွေ၅သိန်းသွား ရောက်ပေး အပ်ခဲ့ပြီး ၊ မော်လ၀ီဦးမာမတ်အာယုပ် ပြန်လည် လွတ်မြောက် လာခဲ့ကြောင်း သိရသည်။ “ကျွန်တော်တို့ကို ဖမ်းဖို့အကြောင်းရှာမရရင်ဘင်္ဂလားကMobileကိုင်တယ်ဆိုပြီးစွပ်စွဲပြီးဖမ်းတယ်။သူတို့လိုချင်တဲ့ငွေမရမချင်း ရိုက်မယ်၊ နှိပ်စက်မယ်။ ငွေမပေးနိုင်တဲ့သူကိုရဲကိုလွှဲပေးပြီးအမှုဖွင့်တယ်။ပြီးတော့ရှေ့နေတောင် ငှားခွင့် မပေး ဘဲ နှစ်ရှည်ထောင် ချမယ်။ ဒါတွေကနေ့စဉ်နေ့ တိုင်းကျွန်တော် တို့ကြုံ တွေ့နေရတဲ့ အခက် အခဲပါ။” ဟု ပြင် လှရွာကြီးမှ ဒေသခံတစ်ဦးမှ RB News သို့ပြောသည်။

မော်လ၀ီဦးမာမတ်အာယုပ်မှ အရာခံဗိုလ်နှင့် တပ်ဖွဲ့ဝင်များ၏ လူမဆန်စွာ ရိုက်နှက်မှုကြောင့်ပြင်းထန်စွာ ဒဏ်ရာရရှိခဲ့ပြီးခရီးသွားလာခွင့်ကန့်သတ်ထားမှု ကြောင့်ရွာထဲတွင်လက်လှမ်းမှီရာဖြင့် ဆေးကုသခံလျက်ရှိ   ကြောင်းသတင်းရရှိပါသည်။