မြင်းလွတ် အရှေ့ပိုင်း ရပ်ကွက် အုပ်ချုပ်ရေးမှူးက ရွာသားများထံမှ ငွေညှစ်

MYARF

RB News

9.2.2017

ဖေဖော်ဝါရီလ (၂) ရက်နေ့တွင် မြင်းလွတ်မြို့ အရှေ့ပိုင်းရပ်ကွက်မှ ဦးဟာဘေဇုလ္လာ (ဘ) မော်လ၀ီဆော်ယာဒ်အာဇိမ် ကို ရပ်ကွက်အုပ်ချုပ်ရေးမှူး ဖြစ်သူ ဦးဇီယာဘုလ်ဟောက် က ဧည့်စာရင်းတိုင်ကြားခြင်း မရှိဘဲ နေအိမ်တွင် ဧည့်သည်ထားခဲ့သည်ဟု စွပ်စွဲ၍ အမျိုးမျိုးခြိမ်းခြောက်ကာ ငွေကျပ် ၁၀ သိန်း ညှစ်ယူခဲ့သည်။

အရှေ့ပိုင်းရပ်ကွက် အုပ်ချုပ်ရေးမှူးသည် ရွာသားများကို အမျိုးမျိုး လုပ်ကြံစွပ်စွဲ ခြိမ်းခြောက်၍ နေ့စဉ်ဆိုသလို ငွေညှစ်လေ့ရှိကြောင်း ဒေသခံများက RB News သို့ပြောသည်။ 

၎င်းသည် တစ်ရပ်ကွက်တည်းနေ ဦးဆော်ယာဒ်အာလောမ် (ဘ) ဦးကာလာဆန် ကို ရပ်ကွက်အုပ်ချုပ်ရေး အဖွဲ့ဝင် အဖြစ် ခန့်အပ်မည်ဟု ဆိုကာ ဖေဖော်ဝါရီလဆန်းပိုင်းတွင် ငွေကျပ် သိန်း ၂၀ ယူခဲ့ပြီး၊ ယခုအချိန်ထိ ခန့်အပ်နိုင်ခြင်း မရှိဟု သိရှိရသည်။