နောက်ဆုံးသတင်း/ဆောင်းပါးများ

Civil Rights Movement: စစ်ဘက်ဆိုင်ရာ ခေါင်းဆောင်များ သို့ အကြံပေးခြင်း



နေ့စွဲ၊ ၂၀၁၆ ခု စက်တင်ဘာ ၈ ရက်

စစ်ဘက်ဆိုင်ရာ ခေါင်းဆောင်များ သို့ အကြံပေးခြင်း

မြန်မာ နိုင်ငံ ကာကွယ်ရေး ဦးစီးချုပ် ဗိုလ်ချုပ်မှုးကြီး မင်းအောင်လှိုင် အပါဝင် မြန်မာ့တပ်မတော်တွင်း ဆုံးဖြတ်ချက် ပြု နိုင်သူတို့အား ကျွန်ုပ်တို့ Civil Rights Movement (For Burma) အဖွဲ့မှ စေတနာကောင်းဖြင့် ရိုးသားစွာ အကြံပြုလိုပါသည်။

ရခိုင်ပြည်နယ် ကိစ္စ အပါအ၀င် မြန်မာတစ်နိုင်ငံလုံးတွင် ဖြစ်ပေါ်နေသော၊ ဖြစ်ပေါ်ခဲ့သော- ပဋိပက္ခများ၊ ပြသနာများ၊ စစ်မက်ဖြစ်ပွားမှုများမှာ- နိုင်ငံရေး ဆိုင်ရာ ဖြေရှင်းမှုများ အပေါ် မကျေမနပ် ဖြစ်မှုများမှ စတင်ခဲ့ခြင်းများသာ ဖြစ်ပြီး- စစ်ဘက်ဆိုင်ရာ မကျေနပ်မှုများမှ စတင်ခဲ့ခြင်း အလျှဉ်း မရှိခဲ့ပါ။

သို့သော်လည်း မကျေနပ်ကြသော အုပ်စု၊ လူမျိုးစုတို့နှင့် နိုင်ငံရေးအားဖြင့် ဖြေရှင်းမှုတို့တွင် တိကျသော အဖြေ မထွက်သည်အား- အားမရ၍ ဖြစ်စေ- တိုင်းပြည်၏ အချုပ်အခြာ ထိခိုက်မည်ဟု စိုးရိမ်၍ ဖြစ်စေ- စစ်တပ်အင်အားစုမှ နိုင်ငံတော် အာဏာအား စိုးမိုးချုပ်ကိုင် လိုက်သည်မှ စ၍- ရှိရင်းစွဲ ပြသနာများမှာ ရှင်းလင်းသွားခြင်း မရှိသည့် အပြင် ပိုမို ရှုပ်ထွေးနက်နဲလာလျှက်- ကမ္ဘာ့ မျက်နှာစာ၌ “မြန်မာ စစ်ဘက်ဆိုင်ရာမှ လူ့အခွင့်အရေး ချိုးဖေါက်မှု၊ မုဒိန်းမှု၊ -- စသည်ဖြင့် နောက်ဆုံး တွင် စစ်ရာဇ၀တ်မှု များထိ -“ ပတ်သက်သည်ဟု မှတ်ချက်ပြုခံခြင်းကို ခံလာရတော့သည်။

ယခု အခြေအနေနှင့် ယခုခေတ်ကာလတွင်- မြန်မာနိုင်ငံ အနေဖြင့် လူထုကိုယ်စားပြု အစိုးရတစ်ရပ် ပေါ်လာခြင်း၊ ပြသနာ အရပ်ရပ်အား ခေါင်းခံဖြေရှင်းမည့် နိုင်ငံရေးသမားများ ပေါ်လာခြင်း- အဆိုပါ နိုင်ငံရေးပိုင်း ဆိုင်ရာ ခေါင်းဆောင်များနှင့် ဖြစ်တည်လာသော အစိုးရ အား လည်း ပြသနာများ ဖြေရှင်းရာတွင် ကမ္ဘာ့ အသိုင်းအ၀ိုင်းမှ အလုံးအရင်းဖြင့် ကူညီနေသော၊ ကူညီလိုသော အချိန် ဖြစ်လာ သဖြင့် - တပ်မတော် အနေဖြင့်သော်လည်းကောင်း တပ်မတော်ခေါင်းဆောင်များ အနေဖြင့် သော်လည်းကောင်း- မိမိတို့ နှစ်ပေါင်းများစွာ ဖြေရှင်း၍ မရခဲ့သည့် ပြသနာတို့၌ ဆက်လက်၍ လက်ထည့်လိုခြင်းများမှ- ရိုးရှင်းစွာ ရှောင်ဖယ်ပေးလျှက်- နိုင်ငံတော်၏ ကာကွယ်ရေးတာဝန်တို့အား - ပြည်သူရွေးချယ်ထားသည့် အစိုးရ၏ တာဝန်ပေးမှုအားဖြင့်သာ ရပ်တည်သော တပ်မတော်တစ်ရပ် အဖြစ် အသွင်ပြောင်းလဲရန်- ကမ္ဘာ့မျက်နှာစာတွင် အမည်းစက်ဖြင့် မှတ်ချက်ပြုခံနေရခြင်းများမှ ပါးပါးနပ်နပ် ရှောင်ထွက်နိုင်ရန်နှင့် တိုင်းပြည်၏ အာဏာအား ချုပ်ကိုင်ခြင်းတည်းဟူသော အခန်းကဏ္ဍများသည် အချုပ်အခြာ အား ကာကွယ်ခြင်းမမည်- တိုင်းပြည်၏ နယ်နိမိတ်ဧရာယာအား ကာကွယ်စောင့်ရှောက်သည့် တာဝန်အား ယူခြင်းသည်သာ အချုပ်အခြာအား ကာကွယ်စောင့်ရှောက် ခြင်း ဖြစ်သည်ဟု- ဆင်ခြင်သုံးသပ်ပါရန် ရိုးသားစွာ အကြံပေးလိုပါသည်။


မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement

Comment ရေးရန်

Rohingya Exodus