လူမျိုးတုံးသတ်ဖြတ်မှု၏ သားကောင် ရိုဟင်ဂျာဒုက္ခသည်များ မြန်မာနိုင်ငံကို ပြန်လာချိန် မတန်သေးကြောင်းကို ပြသနေသည့် အဓိက အချက် (၆) ချက်

Rohingya Today

14.11.2018

၂၀၁၆ အောက်တိုဘာလနှင့် ၂၀၁၇ သြဂုတ်လတို့တွင် လက်နက်ဆင်းရဲသည့် အာဆာအဖွဲ့၏ တိုက်ခိုက်မှုကို အကြောင်းပြု၍ မြန်မာအစိုးရ လက်နက်ကိုင်တပ်ဖွဲ့များက နယ်မြေရှင်းလင်းရေး ခေါင်းစဉ်တပ်ကာ အရပ်သား ရိုဟင်ဂျာပြည်သူများကို တရားလက်လွန် နှိမ်နင်းခဲ့သည်။ 

ကုလသမဂ္ဂ လူ့အခွင့်အရေးကောင်စီ၏ အထူးစုံစမ်းစစ်ဆေးရေးအဖွဲ့ (IFFM)၊ နိုင်ငံတကာ လွတ်ငြိမ်းချမ်းသာခွင့်အဖွဲ့ (AI)၊ နယ်စည်းမခြားဆရာဝန်များအဖွဲ့ (MSF) နှင့် အခြားသော လူ့အခွင့်အရေးဆိုင်ရာ လေ့လာနေသည့် အဖွဲ့အစည်းများ၏ အစီရင်ခံစာများတွင် မြန်မာအစိုးရ လက်နက်ကိုင်တပ်ဖွဲ့များ၏ နယ်မြေရှင်းလင်းရေး ခေါင်းစဉ်အောက်တွင် အရပ်သားရိုဟင်ဂျာပြည်သူ တစ်သောင်းကျော် အသတ်ခံခဲ့ရကြောင်း၊ ထိုအထဲတွင် မွေးကင်းစကလေးငယ်များ အပါအ၀င် သက်ကြီးရွယ်အိုနှင့် အမျိုးသမီးများ ပါဝင်ကြောင်း၊ မွေးကင်းစ ကလေးငယ်များကို မီးထဲသို့ ပစ်ထည့်၍ ရက်ရက်စက်စက် သတ်ဖြတ်ခဲ့သည်အထိ ရှိခဲ့ကြောင်း၊ ရိုဟင်ဂျာ အမျိုးသမီး ထောင်ချီကိုလည်း မြန်မာလက်နက်ကိုင် တပ်ဖွဲ့များက အဓမ္မပြုကျင့်ခဲ့ကြောင်း၊ ရိုဟင်ဂျာများ မှီတင်းနေထိုင်ခဲ့ကြသည့် ကျေးရွာပေါင်း ၄၀၀ ကျော် မီးရှို့ခံခဲ့ရကြောင်း၊ ရိုဟင်ဂျာများ၏ ဥစ္စာဓနများကို မြန်မာအစိုးရ လက်နက်ကိုင်တပ်ဖွဲ့နှင့် ဒေသခံအစွန်းရောက်ရခိုင်များ ပူးပေါင်း၍ လုယက်ဖျက်ဆီးခဲ့ကြောင်း စသည်တို့ ပါဝင်ပြီး အကျိုးဆက်အဖြစ် လူပေါင်း သန်းဂဏန်းနီးပါးသည် အိမ်နီးချင်း ဘင်္ဂလားဒေ့ရ်ှနိုင်ငံသို့ အသက်လု၍ ထွက်ပြေးခိုလှုံနေရသည်။ 

မြန်မာအစိုးရ၏ လုပ်ရပ်ကို IFFM အပါအ၀င် လူ့အခွင့်အရေးဆိုင်ရာ အဖွဲ့အစည်းများနှင့် နိုင်ငံပေါင်းများစွာက “လူမျိုးတုံးသတ်ဖြတ်မှု” အဖြစ် သတ်မှတ်ထားသည်။ 

မြန်မာအစိုးရ၏ ဖိနှိပ်ရက်စက်မှုဒဏ်ကို မခံနိုင်၍ ရိုဟင်ဂျာများ ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေကြသည်မှာ ၁၉၇၈ ခုနှစ်မှစ၍ ဖြစ်ပြီး၊ ဘင်္ဂလားဒေ့ရ်ှနှင့် မြန်မာအစိုးရတို့ နှစ်နိုင်ငံကြား ဒုက္ခသည်များ ပြန်လည်လက်ခံရေး သဘောတူစာချုပ်များ အကြိမ်ကြိမ် ချုပ်ဆိုခဲ့သည်။ ၂၀၁၇ နိုဝင်ဘာလ (၂၃) ရက်နေ့တွင်လည်း နောက်ဆုံးအကြိမ် ချုပ်ဆိုခဲ့ပြီး ယင်းသဘောတူစာချုပ်အရ ၂၀၁၈ ဇန်န၀ါရီလ (၂၃) ရက်နေ့တွင် ဒုက္ခသည်များ စတင်၍ လက်ခံရန် သဘောတူခဲ့သော်လည်း အကောင်အထည် မဖော်နိုင်ခဲ့ပေ။ 

လွန်ခဲ့သည့် အောက်တိုဘာလ (၃၀) ရက်နေ့တွင် မြန်မာအစိုးရကိုယ်စားလှယ်များ ဘင်္ဂလားဒေ့ရ်ှနိုင်ငံ ဒါကာမြို့သို့ သွားရောက်ပြီးနောက် လာမည့် နိုဝင်ဘာလ (၁၅) ရက်နေ့တွင် ဒုက္ခသည်များကို ပထမအသုတ်အဖြစ် မြန်မာနိုင်ငံဘက်သို့ ပို့ဆောင်ရေးလုပ်ငန်း စတင်တော့မည်ဟု နှစ်နိုင်ငံအစိုးရက ကြေညာခဲ့သည်။ 

ထိုကဲ့သို့ ကြေညာပြီးနောက် ကုလသမဂ္ဂ၊ အမေရိကန်အပါအ၀င် နိုင်ငံပေါင်းများစွာက ရခိုင်ဒေသ၏ လက်ရှိ အခြေအနေသည် ရိုဟင်ဂျာများ လူ့ဂုဏ်သိက္ခာနှင့်အညီ နေထိုင်နိုင်သေးသည့် အခြေအနေ မရှိသေးကြောင်း သတိပေးစကားများ ဆိုကြသည်။ ကုလသမဂ္ဂ လူ့အခွင့်အရေးကောင်စီ မဟာမင်းကြီးက ရိုဟင်ဂျာများကို မြန်မာနိုင်ငံသို့ ပို့ရေးအား ရပ်ဆိုင်းထားရန် တောင်းဆိုထားသည်။ 

ရခိုင်ဒေသတွင် လက်ရှိနေထိုင်သည့် ရိုဟင်ဂျာများ ရင်ဆိုင်နေရသော အခြေအနေကို အနီးကပ်လေ့လာပြီး ဘင်္ဂလားဒေ့ရ်ှရောက် ရိုဟင်ဂျာဒုက္ခသည်များအနေဖြင့် မြန်မာနိုင်ငံဘက်ကို ပြန်လာရန် အချိန်မတန်သေးကြောင်း နားလည်နိုင်ရန် အဓိက အချက် (၆) ချက် ဖော်ပြပေးပါမည်။ 

၁။ မြန်​မာအစိုးရက ရိုဟင်​ဂျာများကို မြန်​မာနိုင်​ငံသားအဖြစ်​ တရားဝင်​ အသိအမှတ်​ပြုရန်​ ငြင်းဆိုထား​ခြင်း

ရိုဟင်​ဂျာများသည် ​ရခိုင်​​ဒေသ၏ မူလဘူတလူမျိုးစုတစ်​စု ဖြစ်​​ကြောင်း ခိုင်​မာသည့်​ သမိုင်းသက်​​သေများစွာ ရှိ​နေသော်လည်း အထောက်အထားများကို လက်မခံဘဲ တင်းပြည့်နိုင်ငံသား ဖြစ်ခဲ့သည့် ရိုဟင်ဂျာများကို နိုင်ငံသား အခွင့်အရေး ပြန်လည်ပေးရန် ငြင်းပယ်လျက်ရှိသည်။ တဆက်တည်းတွင် ရိုဟင်ဂျာများသည် ဘင်္ဂလားဒေ့ရ်ှနိုင်ငံမှ ခိုးဝင်လာသူများအဖြစ် အစိုးရကိုယ်တိုင် ပုံဖော်ဝါဒဖြန့်ခဲ့သည်ကိုလည်း တွေ့ရမည်ဖြစ်သည်။ 

ဤနေရာတွင် ပေါ်လာသည့် မေးခွန်းတစ်ခုမှာ “အကယ်၍ ရိုဟင်ဂျာများသည် မြန်မာနိုင်ငံသားများ မဟုတ်ခဲ့လျှင် မြန်မာအစိုးရက ၎င်းတို့ကို ပြန်ခေါ်လာရန် အဘယ်ကြောင့် အသည်းအသန် လုပ်ဆောင်နေရသနည်း။” ဒုက္ခသည်များအား ပြန်ခေါ်မလာမီ မြန်မာအစိုးရအနေဖြင့် “ဤလူများသည် မြန်မာနိုင်ငံသားများ ဖြစ်ကြသည်” ဟု တရားဝင် ကြေညာထားရမည် ဖြစ်ပြီး ထိုသို့ တရားဝင် ကြေညာခြင်း မပြုမချင်း ဒုက္ခသည်များ ပြန်လာရန် လုံးဝ မသင့်ပေ။

၂။ ပြန်​ဝင်​လာမည့်​ ဒုက္ခသည်​များကို ချက်​ချင်းလက်​ငင်း NVC ထုတ်​​ပေးမည်​ဟု အစိုးရက​ကြေညာထားခြင်း

ရိုဟင်​ဂျာများသည်​ မြန်​မာနိုင်​ငံ လွတ်​လပ်​​ရေးရပြီး​နောက်​ပိုင်း အတည်​ပြုခဲ့သည့်​ နိုင်​ငံသားဥပ​ဒေအရ တရားဝင်​နိုင်​ငံသားအဖြစ်​ အသိအမှတ်​ပြုခံထားရသူများ ဖြစ်​သည်​နှင့်​အညီ တစ်​နိုင်​ငံလုံးရှိ နိုင်​ငံသားစစ်​စစ်​ကို ထုတ်​​ပေးခဲ့သည့်​ အမျိုးသားမှတ်​ပုံတင်​ကတ်​ပြားကို အများသူငါ ကိုင်​​ဆောင်​ခွင့်​ ရထားသူများလည်းဖြစ်​သည်​။ ယခုအခါ မည်​သည့်​ဥပ​ဒေတွင်​မှ မရှိသည့်​ NVC ကဒ်များကို အတင်းကိုင်​​ဆောင်စေပြီး နိုင်​ငံသားဟုတ်​မဟုတ်​အစစ်​ခံပါဟူ၍​ ​ပြောဆို​နေခြင်းမှာ မည်​သို့မျှ ယုတ္တိမဆန်​​​ပေ။ NVC ကိုင်​ပြီး နိုင်​ငံသား​မှတ်​ပုံအတွက်​​​လျှောက်​လျှင်​ မြန်​မြန်​စီစစ်​​ပေးမည်​ဟု ​အစိုးရ​က မီဒီယာများ ရှေ့မှောက်တွင် ​​ပြော​ဆိုနေသော်လည်း လက်​​တွေ့ အကောင်အထည် ဖော်ခြင်း မရှိသည်ကို တွေ့ရသည်​။ ပြည်​တွင်း၌ ရှိနေသူအချို့က အစိုးရ၏ အတင်းအဓမ္မ အကျပ်​ကိုင်​မှု​ကြောင့်​ NVC ကိုင်​​ဆောင်​ရသဖြင့်​ အ​ထောက်​အထားစုံစုံလင်​လင်​ဖြင့်​ နိုင်​ငံသားမှတ်​ပုံတင်​ကတ် ​ရရှိ​ရေးအတွက်​ လ.ဝ.က ရုံးသို့ သွား​လျှောက်​​သောအခါ ​လျှောက်​ထားသူ၏ အမှုတွဲကို လက်​ခံရန်​အတွက်​ပင်​ လ.ဝ.က ဝန်​ထမ်းများက ​ငွေသိန်းချီ​​ တောင်းသည်​။ ၎င်းတို့​တောင်းသမျှ ​ငွေကို​ပေးပြီး ​လျှောက်​ထားခဲ့​သော်​လည်း နှစ်​ကြာသည်​အထိ အစိုးရက မည်​သို့မျှ အ​ကြောင်းမပြန်​ဘဲ ၎င်းတို့၏ အမှုတွဲများကို လ.ဝ.က ရုံးချုပ်​၌ ထိန်းသိမ်းထားပြီး ယခုအခါ ထိုနိုင်​ငံသားစိစစ်​​ရေး စီမံကိန်းကို ဆိုင်းငံ့ထားသည်​ဟု အသံလွှင့်ထုတ်ထားသည်။

ထိုသို့​ ​လျှောက်​ထားသူ ၄၀၀ ဦး နီးပါးရှိသည်​ဟု သိရပြီး ထိုဖြစ်​ရပ်​များကို ကြည့်​လျှင်​ အစိုးရအ​နေဖြင့် အ​ထောက်​အထား မည်​မျှပင် ​စုံလင်​ပါ​စေ ရိုဟင်​ဂျာများကို နိုင်​ငံသားအဖြစ် ​အသိအမှတ်​ပြုရန် ​ဆန္ဒမရှိ​ကြောင်း ​​ပေါ်လွင်​​နေပြီ ဖြစ်​ပါသည်​။ ထို့အပြင်​ လူမှုဝန်​ထမ်းကယ်​ဆယ်​​ရေးနှင့်​ ပြန်​လည်​​နေရာချထား​ရေး ဝန်​ကြီး ​ဒေါက်​တာဝင်းမြတ်​​အေးက နိုဝင်​ဘာလ (၁၁) ရက်​​နေ့တွင်​ NVC ကိုင်​​ဆောင်​သူများကို ​မောင်​​တော​ဒေသအတွင်းသာ သွားလာခွင့်​ပြုမည်​ဟု ​တရားဝင်​​ပြောထားသည်​။ ဤသည်​မှာ ပြန်​လာသူများကို ​မောင်​​တောအတွင်း၌ပင် ​ပိတ်​​လှောင်​ထားမည်​ဟု အတိအလင်း​ပြောထားခြင်းပင်​ ဖြစ်​ပါသည်​။ ထို့​ကြောင့်​ NVC သည်​ ရိုဟင်​ဂျာများကို ကျွန်​ဘဝ​သို့ သိသာစွာ​ရောက်​​စေမည့်​ ကတ်​ပြားတစ်​ခုဖြစ်​ပြီး ဝင်​လာသူမှန်​သမျှကို NVC လက်​ငင်း ထုတ်​​ပေးမည်​ဖြစ်​သဖြင့်​ ထို NVC စီမံကိန်း မရုပ်သိမ်းမချင်း ဒုက္ခသည်​များ လုံးဝ ပြန်မလာသင့်ပေ။

၃။ လူမျိုးတုံးသတ်​ဖြတ်​မှု ကျူးလွန်​သည့် တရားခံများကို အ​ရေးမယူဘဲ လွှတ်​ထား​ပေးခြင်း

ရခိုင်​​မြောက်​ပိုင်းတွင် ​ညံ့ဖျင်း​သော လက်​နက်​များဖြင့်​ တိုက်​ခိုက်​မှု ပြုလုပ်​ခဲ့သည့်​ အာဆာ၏ လုပ်​ရပ်​ကို အ​ကြောင်းပြုပြီး ​ဒေသခံများအ​ပေါ် နယ်​​မြေရှင်းလင်း​ရေး လုပ်​ရာတွင်​ အစိုးရ လက်​နက်​ကိုင် ​တပ်​ဖွဲ့များက တရားလက်​လွန် ​ညှဉ်းပန်းနှိပ်​စက်​မှုများ ပြုလုပ်​ခဲ့သည့်​ သက်သေ အထောက်အထားများစွာ ရှိသည်။ ဤသည်​ကို ကုလသမဂ္ဂအဖွဲ့က "Genocide- လူမျိုးတုံးသတ်​ဖြတ်​မှု" နှင့် "Crime against humanity- လူသားမျိုးနွယ်​စုအ​ပေါ် ကျူးလွန်​သည့် ရာဇာဝတ်​မှု" များအဖြစ်​ အ​ထောက်​အထားနှင့်​တကွ တရားဝင် ​အသိအမှတ်​ပြုထားပါသည်​။ ထိုကဲ့သို့​သော ကြီးမားသည့်​ ရာဇာဝတ်​မှုများကို ထင်​ရာစိုင်းကျူးလွန်​ခဲ့သူများကို အ​ရေးမယူဘဲ လွှတ်​​ပေးထားခြင်းသည် ​ထိုတရားခံများကို အဆိုပါပြစ်​မှုများ ဆက်​လက်​ကျူးလွန်​ခွင့်​​ ပေးထားသကဲ့သို့ ဖြစ်နေသောကြောင့် ပြန်​လာသူများ အ​နေဖြင့်​ အတိတ်​က ခံခဲ့ရသကဲ့သို့ အချိန်​မ​ရွေး ညှဉ်းပန်းနှိပ်​စက် ​ခံရနိုင်​ပါသည်​။ ထို့​ကြောင့်​ ရိုဟင်​ဂျာများအ​နေဖြင့်​ မိမိတို့အ​ပေါ် လူမဆန်​စွာ ညှဉ်းပန်းနှိပ်​စက်​ခဲ့သူများ၊ မိမိတို့ကို ဒုက္ခသည်​ဘဝ ​ရောက်​​စေသည့်​ တာဝန်​ရှိသူများကို သူတို့ကျူးလွန်​သည့်​ ပြစ်​မှုများအတွက်​ ထိုက်​သင့်​သည့်​ ပြစ်​ဒဏ်​ခံရနိုင်​ရန် ​ICC ခုံရုံးအထိတင်​ပြီး ပြတ်​ပြတ်​သားသား အ​ရေးယူမှုများ မပြုမချင်း လုံးဝ ပြန်မလာသင့်ပေ။ 

၎။ မြန်​မာအစိုးရ လက်​နက်ကိုင်​တပ်​ဖွဲ့များ​ကြောင့်​ ဆုံးရှုံးခံခဲ့ရသည့်​ အိုးအိမ်​၊ စည်းစိမ်​များကို ဖြည့်​ဆည်း​ပေးမည်​ဟု အစိုးရဖက်​မှ အာမခံချက်​များ မရရှိ​ခြင်း

ရိုဟင်​ဂျာများသည် ​​နှစ်​​ပေါင်းများစွာ ခွဲခြားခံရသည့်အပြင် ညှဉ်းပန်းနှိပ်စက်မှုများ ခံခဲ့ရသော်လည်း ကိုယ့်​ရပ်​ကိုယ်​ရွာတွင် တပိုင်တနိုင်လုပ်ငန်းများ လုပ်ကိုင်၍ ​အေးချမ်းစွာ ​​နေထိုင်​ခဲ့ကြသူများ ဖြစ်​သည်​။ ညှဉ်းပန်းနှိပ်​စက်​မှုကို ​အဆုံးသတ်​ထိ ခံစားလာပြီးသည့်​ အနည်းငယ်​က မခံနိုင်​သည့်​အဆုံး ထ​ပေါက်​ကွဲခဲ့မှုကို အ​ကြောင်းပြ၍ မြန်​မာအစိုးရ လက်​ကိုင်​တပ်​ဖွဲ့များ​က ရိုဟင်​ဂျာများ၏ အိုးအိမ်​များရှိသည့် ကျေးရွာပေါင်း ၄၀၀ နီးပါးကို မီးတင်ရှို့ခဲ့သည်။ ​ထို့အပြင် ရိုဟင်​ဂျာတို့၏ အသက်​​မွေးဝမ်း​​ကျောင်းဆိုင်​ရာ လုပ်​ငန်းများကိုလည်း ဖျက်​ဆီးပစ်​ပြီး ၎င်းတို့၏ စည်းစိမ်​ဥစ္စာများကိုလည်း လုယူခဲ့သည်။ ဤသည်​မှာ ရိုဟင်​ဂျာများကို မိမိတို့၏​နေရပ်​များတွင် ​နေခွင့်​မရ​အောင်​လုပ်​ပြီးမှ တိုင်းတစ်​ပါးသို့ အတင်​အကြပ် ​နှင်​ထုတ်​ခဲ့ခြင်းပင်​ဖြစ်​သည်​။ ထို့​ကြောင့်​ ပြန်​လာသူများအ​နေဖြင့်​ မိမိ၏ မူလ​နေရာ၌ ​နေထိုင်​ခွင့်​ရရှိ​ရေးအာမခံချက်​၊ မိမိတို့ ဆုံးရှုံးခံခဲ့ရသည့်​ အိုးအိမ်​၊ စည်းစိမ်​များကို ပြန်​လည်​ဖြည့်​ဆည်း​ပေးမည့် အာမခံချက်​များ မရမချင်း ပြန်​လာရန်​ လုံးဝမသင့်​​​​ပေ။

၅။ အကြမ်းဖက်​သမား ​ခေါင်းစဉ်​​အောက်​၌ ဘဝထပ်​ပျက်​နိုင်​သည့်​ အန္တရယ်​ရှိ​နေခြင်း၊

ပထမအသုတ်​အဖြစ်​ ပြန်​လာမည့်​ ဒုက္ခသည်​ ၈၀၃၂ ဦးတွင်​ အကြမ်းဖက်​သမား ၆၅ ဦး​ပါ​နေ​ကြောင်း နိုင်​ငံခြား​ရေးဝန်​ကြီးဌာန အမြဲတွင်းအတွင်းဝန်​ဦးမြင့်​သူက နိုဝင်​ဘာလ (၁၁) ရက်​​နေ့၌ ​ပြောကြားခဲ့သည်​။ သို့​သော် ၎င်းက အကြမ်းဖက်​သမားများသည်​ မည်​သူမည်​ဝါ ဖြစ်​သည်​ဆိုသည်​မှု တိကျစွာ ပြောဆိုထားခြင်း မရှိပေ။ ဤသည်​မှာ ပြန်​လာသူမှန်​သမျှကို အကြမ်းဖက်​သမား တံဆိပ်​ဖြင့်​ လိုသလိုဖမ်းဆီးပြီး ဘဝဖျက်​ဆီးပစ်​မည့်​ပုံရှိသည်​။ အစိုးရက အကြမ်းဖက်​သမား​ခေါင်းစဉ်​ဖြင့်​ လူ​ပေါင်း ၁၃၀၀ နီးပါး၏ အမည်​စာရင်းတစ်​ခုကို ​လွန်​ခဲ့​သော ဇန်​နဝါရီလက အစိုးရပိုင်​ သတင်းစာ၌ ဖော်​ပြခဲ့ဖူးသည်​။ သို့​သော် ​ထိုလူများကို မည်​သည့်​စံဖြင့်​ အကြမ်းဖက်​သမားအဖြစ် ​သတ်​မှတ်​ထားသည်​ကိုမှု အတိအကျ ​ရှင်းလင်းထားခြင်းမရှိပါ။ ထူးခြားသည့်​ဖြစ်​စဉ်​တစ်​ခုမှာ ဧပြီလ (၄) ရက်နေ့က အစိုးရကိုယ်​တိုင်​ ပြုလုပ်​ခဲ့သည့်​ နိုင်ငံတော်အတိုင်ပင်ခံရုံးဝန်ကြီးဌာန ဒုဝန်ကြီး ဦးခင်မောင်တင့်၊ လူပြန်ကယ် ဒုဝန်ကြီး ဦးစိုးအောင် တို့နှင့် မောင်တောခရိုင်မှ ဒေသခံရိုဟင်ဂျာများ တွေ့ဆုံပွဲ၌ ထိုစာရင်း၌ ပါဝင်​သူ ​မောင်​​တောမြို့၊ အမှတ်​(၂) ရပ်​ကွက်​အုပ်​ချုပ်​​ရေးမှူး ​မော်​ဂျီအူလ္လာ ဆိုသူကို ​တွေ့ခဲ့ရခြင်းပင်​ဖြစ်​ပါသည်​။ ထို့အပြင် လူမျိုးတုံးသတ်​ဖြတ်​မှု ကျူးလွန်​ခဲ့သည့်​ အစိုးရဖက်​က ရပ်​တည်​ကာကွယ်​​ပေးရန်​ ၎င်းကို စင်ကာပူနိုင်​ငံအထိ အစည်းအ​ဝေး လွှတ်​ခဲ့​ကြောင်းလည်း စုံစမ်းသိရှိရသည်။ ဆိုလိုချင်​သည်​မှာ အကြမ်းဖက်​သမားအဖြစ် ​ကြေညာခြင်းခံရသူများသည်​ တကယ်တမ်း အကြမ်းဖက်​သမားများ ဖြစ်​ကြပါသလား။ အကယ်​၍ ဖြစ်​ခဲ့လျှင်​ သတင်းစာမှာ အကြမ်းဖက်​သမားအဖြစ် ​ကြေညာခံရပြီး ​နောက်​ပိုင်း ​မော်​ဂျီအူလ္လာသည်​ အဘယ်​​ကြောင့်​ အစိုးရထိပ်​တန်းတာဝန်​ရှိသူများနှင့်​ တစ်နေရာတည်းတွင် ထိုင်၍ အစည်းအ​ဝေးတက်​ခွင့်​ ရပါသနည်း။ အစိုးရ၏ အစီအစဉ်​ဖြင့်​ နိုင်​ငံရပ်​ခြားကို အဘယ်​​ကြောင့်​ ခရီးသွားခွင့်​ရပါသနည်း။ အတိုချုပ်​ပြီး​ပြောရလျှင်​ အစိုးရက ​ကြေညာခဲ့သည့်​ အကြမ်းဖက်​သမား စာရင်းသည် ​နှစ်​စဉ်​လုပ်​ခဲ့သည့်​ န.က.ဖ ၏ ဆွဲတင်​စစ် ​မှတ်​တမ်းမှ ဓာတ်​ပုံများကို ခန့်​မှန်းပြီးယူ၍ ​အကြမ်းဖက်​သမားများအဖြစ် ​အ​ရေအတွက်​များများဖြင့်​ ပုံ​ဖော် ​​ကြေညာခြင်းပင်​ ဖြစ်​သည်​။ ထိုကဲ့သို့ လူ​ပေါင်း ၁၃၀၀ နီးပါးကို အကြမ်းဖက်​သမားအဖြစ်​ လက်​လွတ်​စပယ်​ ​ကြေညာထားသည်​ကို အစိုးရဖက်​က တရားဝင် မဖျက်​သိမ်း​သေးသ​ရွေ့ ဒုက္ခသည်​များ ပြန်​လာရန်​ လုံးဝမသင့်​​ပေ။ 

၆။ "ပြန်​လည်​လက်​ခံ​ရေးစခန်းလား၊ ရာသက်​ပန်​နေရမည့်​ အကျဉ်းစခန်းလား" ​ရေရာမှုမရှိခြင်း

အစိုးရက ဖွင့်​လှစ်​ထားသည့်​ ပြန်​လည်​လက်​ခံ​ရေးစခန်းများသည်​ ပြန်​လာသူများအတွက် ​ရာသက်​ပန်​​နေထိုင်​ရာ အကျဉ်းစခန်း ဖြစ်သွားနိုင်​သလားဟူ​သော ​မေးခွန်းရှိပါသည်​။ အ​ကောင်းဆုံး သာဓကအ​နေဖြင့်​ စစ်​​တွေက IDP စခန်းများပင်​ ဖြစ်​သည်​။ ၂၀၁၂ ကတည်းက ယာယီဖွင့်​လှစ်​ထားသည့်​ IDP စခန်းများသည် ​စစ်​​တွေမှ ရိုဟင်​ဂျာများအဖို့ ရာသက်ပန် အကျဉ်းစခန်းများကဲ့သို့ ဖြစ်​​နေပါသည်​။ ၎င်းတို့၏ မူလ​နေရာတွင် ​​နေရာချထား​ပေးရန်​ အစီအစဉ်​ရှိ​နေ​သည်​ဟူ​၍ မြန်​မာအစိုးရက အရိပ်​အ​ယောင်​​ပင် ​ပြသခြင်းမရှိ​ချေ။ ၎င်းတို့်ကို ထို IDP စည်းဝိုင်းမှ မည်​သည့်​​နေရာကိုလည်း သွားခွင့်​ မ​ပေး​ပေ။ ပြန်​ဝင်​လာသူများကိုလည်း ​မောင်​​တော​တောင်​ပိုင်းနှင့်​ ရ​သေ့​တောင်​တို့တွင်​ ​လုံးဝ​နေရာချမ​ပေးရန်​အတွက် ​တစ်​ဖက်​တွင်​ အစွန်း​ရောက်​ရခိုင်​များက ဆန္ဒပြ​တောင်းဆို​နေပြီ ဖြစ်​သလို ရခိုင်​ပြည်​နယ်​လွှတ်​​တော်​မှလည်း ဆုံးဖြတ်​ချက် ချထားသည်။ ဒုက္ခသည်​များကို ပြန်​​ခေါ်ပြီး မြန်​မာနိုင်​ငံအတွင်း သွင်းနိုင်​လျှင်​ မြန်​မာအစိုးရက ထိုပြန်​လည်​ လက်​ခံ​ရေးစခန်းများကို ရိုဟင်ဂျာများအတွက်​ ရာသက်​ပန်​​နေထိုင်​ရာ အကျဉ်းစခန်း လုပ်​ပစ်​နိုင်​သည့်​ အ​နေအထား ရှိ​နေပါသည်​။ ထို့​ကြောင့်​ မြန်​မာအစိုးရက ပြန်​လာသူများကို မူလ​နေရာတွင် ​ပြန်​လည်​​နေရာချထား​ပေးမည်​ဟု တိကျ​သေချာ​သော ကတိကဝတ်​များ မ​ပေးမချင်း ဒုက္ခသည်​များအ​နေဖြင့်​ ပြန်​လာရန်​ လုံးဝမသင့်​​တော်​​ပေ။

- အထက်​ပါအချက်​များ အားလုံးကို မြန်​မာအစိုးရဖက်​က တိကျ​သေချာ​သော ကတိက၀တ်​များ မရမချင်း ဒုက္ခသည်​များ ပြန်​လာခဲ့မည်​ဆိုလျှင်​ အရင်​ကထက်​ပို၍ ဆိုး​ရွားမှုများနှင့်​ ရင်​ဆိုင်​ရရန်​သာ ရှိပါသည်​။ 

မိမိတို့ ​မွေးဖွားရာဌာ​နေ၌ လူ့ဂုဏ်​သိက္ခာရှိရှိ အသက်​ရှင်​ခွင့်​ရရှိရန် လိုအပ်ပြီး၊ လူမျိုးတုံးသတ်​ဖြတ်​မှုကျူးလွန်​ထားသည့်​ မြန်​မာအစိုးရ၏ ပါးစပ်​​ပြောစကားများကို အယုံလွယ်​၍ ​မိမိတို့၏အသက်​များကို ​လောင်း​ကြေးထပ်ကာ အ​လောတကြီး ပြန်​မလာသင့်​​ကြောင်း ​ဆွေး​နွေးတင်​ပြလိုက်​ရပါသည်​။