ရခိုင် စုံစမ်းရေး ကော်မရှင် အကြံပြုချက် ကင်တားနားနဲ့ အမေရိကန် လေ့လာ သုံးသပ်မည်
ကိုသားညွန့်ဦး
ဗွီအိုအေ မြန်မာပိုင်း
29.4.2013
၂၀၁၂ ခုနှစ်တုန်းကလူ၂၀၀၀န်းကျင် သေဆုံးခဲ့ပြီးလူပေါင်း သောင်း နဲ့ချီ အိုးမဲ့ အိမ်မဲ့ ဖြစ် ခဲ့ ရတဲ့ ရ ခိုင် ပြည် နယ် အတွင်းက အကြမ်းဖက် မှုတွေနဲ့ပတ်သက်လို့အစိုးရရဲ့စုံစမ်းရေးအစီရင်ခံစာဟာ ဒေါင့်ပေါင်း စုံကို လေ့ လာ သုံးသပ် ထားတဲ့ အစီရင် ခံစာဖြစ်တယ် လို့ မြန် မာ နိုင်ငံ ဆိုင်ရာ ကုလ သမ ဂ္ဂ လူ့အခွင့် အရေး အထူး ကိုယ်စားလှယ် သောမတ်စ် အိုဟေး ကင်တား နား (Tomás Ojea Quintana) က ပြောပါတယ်။
ဒါပေမဲ့ လည်း အစီရင် ခံစာ အပါ အ၀င် ကော်မရှင်ရဲ့ အကြံ ပြုချက်တွေ အပေါ်မှာ လေ့လာ သုံးသပ်ပြီး၊ မကြာခင် ရက်ပိုင်း အတွင်း သူ့ရဲ့ သုံးသပ် ချက်တွေကို ပြန်လည် ထုတ်ပြန်မှာ ဖြစ်တယ်လို့ ဗွီအိုအေ ကို ပြောပါတယ်။ တချိန် တည်းမှာပဲ အမေရိကန် နိုင်ငံခြားရေး ၀န်ကြီး ဌာနကလည်း ကော်မရှင်ရဲ့ အ ကြံ ပြု ချက် တွေကို လေ့လာ သုံးသပ် နေတယ်လို့ ပြောဆို လိုက်ပါတယ်။ အသေးစိတ်ကို ကိုသား ညွန့် ဦး က တင်ပြထား ပါတယ်။
ရခိုင် ပြည်နယ် ပဋိပက္ခများ စုံစမ်း စစ်ဆေးရေး ကော်မရှင်ရဲ့ ဒီအစီရင် ခံစာဟာ နဂို သတ်မှတ် ချိန် ထက် နောက်ကျပြီး ထွက်လာ တာပါ။ အဖြစ်အပျက် ဖြစ်စဉ်တွေ အပါ အ၀င် နောက်ခံ သမိုင်းကြောင်း ကို ပါ သုံးသပ် တင်ပြထား သလို၊ ပြဿနာ ကိုင်တွယ် ဖြေရှင်းရေး အတွက် အကြံပြုချက် တွေကိုပါ ထည့် သွင်း ထားပါတယ်။
အတော် များများ မျှော်လင့် ထားတဲ့ ကော်မရှင် အစီရင်ခံစာ ထွက်လာတဲ့ အပေါ်မှာ မြန်မာ နိုင်ငံ ဆိုင်ရာ ကုလသမဂ္ဂ လူ့အခွင့် အရေး ကိုယ်စားလှယ် သောမတ်စ် အိုဟေး ကင်တားနား (Tomás Ojea Quintana) ကတော့ ကြိုဆို လိုက်ပြီး၊ ဒီအပေါ်မှာ သူ့အမြင် သုံးသပ်ချက် တွေကိုတော့ မကြာခင် ရက်ပိုင်း အတွင်း ထုတ်ပြန်ဖို့ ရှိတယ်လို့ ဗွီအိုအေကို ပြောပါတယ်။
“ရခိုင် ပြည်နယ် အခြေ အနေနဲ့ ပတ်သက်လို့ စုံစမ်းရေး ကော်မရှင် အစီရင် ခံစာ အခု နောက်ဆုံး ထွက် လာ ပြီဆိုတာ ကျေနပ် စရာပါ။ ဒီအစီရင် ခံစာထဲမှာ ပါဝင်တဲ့ အကြံ ပြုချက် တခုချင်းကို ကျနော် အ ခု လေ့ လာ သုံးသပ် နေပါတယ်။”
အစီရင် ခံစာနဲ့ ပတ်သက် လို့တော့ မနေ့က ရန်ကုန်မှာပဲ ကော်မရှင် လူကြီးတွေ သတင်းစာ ရှင်းလင်းပွဲ လုပ်ခဲ့ ပါတယ်။ အကြံပြုချက် တွေထဲ မှာတော့ ရခို်င် ပြည်နယ် အတွင်း ပဋိပက္ခ တွေကို ထိန်းနိုင်ဖို့ အ တွက် လုံခြုံရေး အင်အား တွေကို တိုးမြှင့် ချထားဖို့ ဆိုတာ ပါဝင် သလိုပဲ၊ အကြမ်းဖက် ခံရတဲ့ ဒုက္ခသည် တွေအတွက် လူသားချင်း စာနာမှု အကူ အညီတွေ ပေးနိုင်ရေး ကိုလည်း အသေးစိတ် ဖော်ပြ ထားပါတယ်။
ပြဿနာ တွေက ဒေသတွင်း ထဲမှာ ရှိနေ ဆဲမို့လို့၊ ကိုင်တွယ် ဖြေရှင်း ရာမှာ အချိန်ယူ ရလိမ့် မယ် လို့ ကော် မရှင် အဖွဲ့ဝင် တွေက ယူဆ ကြပါတယ်။ ၁၉၈၂ ခုနှစ်က နိုင်ငံသား ဥပဒေ တွေကို အသေ အချာ လိုက်နာမယ် ဆိုရင် ပြဿနာ ကြီးထွား လာစရာ မရှိသလို၊ အဲ့ဒီ ဒေသမှာ ရှိတဲ့ မူဆလင် အသိုင်း အ၀ိုင်းမှာ လူဦးရေ အလျင် အမြန် များပြား လာတာကြောင့် လည်း ဖြစ်တယ်လို့ ကော်မရှင်က သုံးသပ် ခဲ့ပါတယ်။
လက်ရှိ ဒုက္ခသည် စခန်းတွင်းက ကျန်းမာရေး၊ လူမှုရေး၊ လူသား ရပ်တည်မှု အကြပ် အတည်း ဆိုင်ရာ အခြေ အနေ တွေကို စိုးရိမ်ဖွယ် ရှိတယ်လို့ တင်ပြ ထားပါတယ်။ အစီရင် ခံစာ တခုလုံး မှာတော့ ရိုဟင်ဂျာ ဆိုတဲ့ အသုံး အနှုန်းကို ရှောင်ထားပြီး၊ ဘင်္ဂါလီ ဆိုပြီး သုံးနှုန်း ပါတယ်။ ဒါပေမဲ့ ရိုဟင်ဂျာ အခေါ် အဝေါ် ပြဿနာနဲ့ ပတ်သက် လို့တော့ အခန်း တခု အနေနဲ့ ရှင်းလင်း ထားပါတယ်။ မစ္စတာ ကင်တားနား ကတော့ ဒီ အစီရင် ခံစာဟာ အခြေ အနေ အတော် များများကို ပြည့်ပြည့် စုံစုံ ထည့်သွင်း ထားတယ် လို့ ပြောပါတယ်။
“ဒီအစီရင် ခံစာကို ကြည့်ရတာ ဒေါင့်အစုံ အလင် တင်ပြ ထားပုံပါပဲ။ ဒါ အတော်လေး အရေးကြီး ပါတယ်။ ဒီလို အစီရင် ခံစာမျိုး ထွက်လာ စေဖို့ ကျနော်တို့ အားလုံး မျှော်လင့် ထားတာပါ။ ကိစ္စရပ် တိုင်းကို ကော်မ ရှင်က လေ့လာ တင်ပြထား ပါတယ်။ တင်ပြ ထားတဲ့ ဒီကိစ္စရပ် တိုင်းကို အသေ အချာ လေ့လာပြီး ကျနော် ထုတ်ပြန်ချက် ထုတ်ဖို့ ရှိပါတယ်။ ဒီမူဆလင် အသိုင်း အ၀ိုင်းကို ဘာကြောင့် ရိုဟင်ဂျာလို့ မသုံးတာလဲ ဆိုတဲ့ ရှင်းလင်း ထားချက်တွေ၊ နယ်စပ် မှာရှိတဲ့ နစက အဖွဲ့တွေ အကြောင်း၊ လူ့အခွင့် အရေး ချိုးဖောက် မှု တွေရှိတဲ့ အာဏာပိုင်တွေ ဥပဒေ ကင်းလွတ်ခွင့် ရနေတဲ့ကိစ္စ၊ ၁၉၈၂ နိုင်ငံသားဖြစ်မှုဥပဒေ ပြုပြင်ပြောင်း လဲရေးကိစ္စ၊ နောက် ရခိုင် ပြည်နယ် အတွင်းက ဒုက္ခသည် တွေရဲ့ လူသားချင်း စာနာ မှု အကူ အညီ လိုအပ်မှုတွေ ပါဝင် ပါတယ်။ ဒါကြောင့် ကိုင်တွယ် ဖြေရှင်းဖို့ လိုအပ်တဲ့ အကြောင်းရပ် အတော် များများကို ဒီအစီရင် ခံစာထဲမှာ ပြည့်ပြည့် စုံစုံ ထည့်သွင်း ထားပါတယ်။”
၂၀၁၂ ခုနှစ် ဇွန်လနဲ့ အောက်တိုဘာလတွေ အတွင်းဖြစ်ခဲ့တဲ့ လူမျိုးရေး ဆန်တဲ့ အဓိက ရုဏ်း တွေကြောင့် လူပေါင်း ၁၉၂ ဦး သေဆုံးပြီး၊ ၂၆၅ ဦး ထိခိုက် ဒဏ်ရာ ရခဲ့ တယ်လို့ အစီရင် ခံစာ မှာ ဖော်ပြ ပါတယ်။ ဒီ ဖြစ်ရပ်ကို စုံစမ်း စစ်ဆေးဖို့ အတွက် သမ္မတ ဦးသိန်းစိန်ကနေ ၂၇ ဦးပါဝင်တဲ့ စုံစမ်းရေး ကော်မရှင်ကို ဖွဲ့ပေး ခဲ့တာပါ။
ကော်မရှင် ကနေ အစီရင် ခံစာ ထွက်မလာ နိုင်ခင်၊ အခု နှစ်ဆန်း ပိုင်းမှာပဲ မိတ္ထီလာမှာ ဘာသာရေး အ ဓိက ရုဏ်းတွေ ဖြစ်ခဲ့တ ကြောင့် ကော်မရှင်ရဲ့ လုပ်ငန်းတွေနဲ့ ပတ်သက်လို့ မေးခွန်း ထုတ်မှုတွေ အစီ ရင် ခံစာ မထွက် နိုင်တဲ့ အပေါ် ဝေဖန် ပြစ် တင်မှုတွေ ရှိခဲ့ ပါတယ်။
ဒီကော်မရှင် ထဲမှာတော့ နိုင်ငံရေး အကျဉ်းသား တွေရော၊ ဟိန္ဒူ၊ မူဆလင်၊ ခရစ်ယာန် ဗုဒ္ဓဘာသာ ဘာသာ စုံ ကလူတွေရော ရခိုင် တိုင်းရင်းသား တွေကိုပါ ထည့်သွင်း ထားပါတယ်။
HRW လူ့အခွင့် အရေး စောင့်ကြည့်မှု အဖွဲ့ ကတော့ အခု အစီရင် ခံစာပါ ဒုက္ခသည် တွေကို အကူ အ ညီ ပေးနိုင်ရေး ထည့်သွင်း အကြံပြု ထားတဲ့ အပေါ် ကြိုဆို ပါတယ်။ HRW အနေနဲ့ ပြီးခဲ့တဲ့ ရက်ပိုင်း အတွင်း ကပဲ ရခိုင် ပဋိပက္ခနဲ့ ပတ်သက်လို့ သူတို့ သုံးသပ်ချက် အစီရင် ခံစာ တစောင် ထုတ်ခဲ့ ပါတယ်။ အဲ့ဒီ မှာတော့ အကြမ်းဖက် မှုတွေမှာ ပတ်သက် မှုရှိတယ်။ တာဝန် ရှိတယ် ဆိုပြီး လုံခြုံရေး အာဏာ ပိုင် တွေကို အပြစ်တင် ထားပါတယ်။
ဒီ လူမျိုးရေး အကြမ်းဖက် မှုတွေနဲ့ ပဋိပက္ခ တွေကို ကိုင်တွယ် ရာမှာ နိုင်ငံ တကာ စံနှုန်း စံထား တွေနဲ့ အညီ ပွင့်လင်း မြင်သာ မှုရှိဖို့၊ ရေရှည် အစီ အစဉ်နဲ့ ကိုင်တွယ် သွားဖို့ အမေရိကန် နိုင်ငံခြားရေး ဌာန ကတော့ မြန်မာ အစိုးရကို တိုက်တွန်း ခဲ့ပါတယ်။
အခြား နိုင်ငံ တကာ အသိုင်း အ၀ိုင်း နည်းတူပဲ၊ ဒီကော်မရှင် အစီရင် ခံစာပါ အကြံပြုချက် တွေကို အမေ ရိကန် ပြည်ထောင်စု အနေနဲ့ ပြန်လည် သုံးသပ် နေတယ် လို့လည်း ပြောပါတယ်။
ဧပြီလ ၃၀ ရက်နေ့ မှာတော့ နိုင်ငံခြားရေး ဌာနရဲ့ ဒုက္ခသည် များနဲ့ ရွှေ့ပြောင်း နေထိုင်သူ များဆိုင်ရာ ဒုတိယ လက်ထောက် အတွင်းရေးမှူး ကယ်လီ တဲလ်မန်း (Kelly Tallman) ဟာ မြန်မာ နိုင်ငံကို ရောက်ရှိ မှာလည်း ဖြစ်ပါတယ်။
သူ့ခရီးစဉ် အတွင်း မှာတော့ ရခိုင် ပြည်နယ် ကိုသွားပြီး အဲ့ဒီက လူသားချင်း စာနာ ကူညီမှု အရေးပေါ် လို အပ် ချက် တွေကို ဆောင်ရွက် သွားဖို့ ရှိတယ်လို့ နိုင်ငံခြားရေး ဌာနက ပြောပါတယ်။
