ဥရောပမှ ရိုဟင်ဂျာ ကိုယ်စားလှယ်အဖွဲ့ ဥရောပ သမဂ္ဂ အရာရှိများနှင့် တွေ့ဆုံ
RB News
30.3.2015
၂၀၁၄ ခုနှစ် ဒီဇင်ဘာလတွင် ဒိန်းမတ်နိုင်ငံတွင် ပထမဆုံး ကျင်းပခဲ့သည့် ရိုဟင်ဂျာ ညီလာခံမှ သဘောတူညီချက် အရ ရိုဟင်ဂျာ ကိုယ်စားလှယ် သုံးဦးပါဝင်သည့် အဖွဲ့သည် ဘယ်လ်ဂျီယံနိုင်ငံ ဘရာဆဲလ်ရှိ ဥရောပ ကော်မရှင်၊ ဥရောပ ပါလီမန်နှင့် အခြားသော အဖွဲ့အစည်းများနှင့် သွားရောက် တွေ့ဆုံခဲ့သည်။ ကိုယ်စားလှယ် အဖွဲ့တွင် ဗြိတိန်နိုင်ငံ အခြေစိုက် မြန်မာ ရိုဟင်ဂျာ အစည်းအရုံးမှ ဥက္ကဌ ဦးထွန်းခင်၊ နယ်သာလန်နိုင်ငံမှ Mr Sazaat Ahammed နှင့် နော်ဝေး ရိုဟင်ဂျာ အသင်းမှ ဥက္ကဌ Mr Sayed Hussein တို့ပါဝင်သည်။
ကိုယ်စားလှယ် အဖွဲ့သည် ပထမနေ့တွင် ဥရောပ သမဂ္ဂဆိုင်ရာ ဆွီဒင် အမြဲတမ်းကိုယ်စားလှယ်၊ နယ်သာလန် အမြဲတမ်း ကိုယ်စားလှယ်တို့နှင့် တွေ့ဆုံပြီး အမေရိကန် ကိုယ်စားလှယ်များနှင့်လည်း တွေ့ဆုံခဲ့သည်။ ဒုတိယနေ့နှင့် တတိယနေ့ များတွင်လည်း ဥရောပဆိုင်ရာ အရှေ့တောင်အာရှ ပြင်ပရေးရာ ဌာန၊ ဥရောပ သမဂ္ဂ နိုင်ငံခြားရေး မူဝါဒ ဌာန၊ လူ့အခွင့်အရေး ကော်မီတီ၊ ဥရောပ ပါလီမန် အမတ်၊ ပြင်ပရေးရာ မူဝါဒ ဌာနမှ ညွန်ကြားရေးမှူးချုပ် Mr Jean Lambert ၊ ဥရောပ ပါလီမန် အမတ်များ ဖြစ်သည့် Mr Afzal Khan, ဥရောပ ကော်မရှင် လူသားချင်း စာနာမှု အထောက်အကူပြု ဌာနမှ ညွန်ကြားရေးမှူးချုပ် Mr David Martin တို့နှင့် တွေ့ဆုံခဲ့သည်။
ကိုယ်စားလှယ် အဖွဲ့သည် မြန်မာနိုင်ငံ၊ ရခိုင်ပြည်နယ် အတွင်းရှိ ရိုဟင်ဂျာများ၏ လက်ရှိ အခြေအနေများ၊ အဖြူရောင် (၀ှိုက်ကဒ်) များ ရုပ်သိမ်းခြင်း၊ ရိုဟင်ဂျာများ အခွင့်အရေးများ ဆုံးရှုံးသွားခြင်းများနှင့် ပတ်သက်၍ အသေးစိတ် တင်ပြ ဆွေးနွေးခဲ့သည်။ ရခိုင်ပြည်နယ် အတွင်းတွင် ရိုဟင်ဂျာ လူမျိုးများကိုသာ သီးသန့် ဆွဲ၊တင်၊စစ် ပြုလုပ်၍ အတင်းအဓမ္မ ဘင်္ဂလီ လူမျိုးဟု ရေးသား စာရင်းပြုစု နေခြင်းများ ရပ်တန့်ရန်၊ ရိုဟင်ဂျာ လူမျိုးဟု ရေးသား၍ နိုင်ငံသား အခွင့်အရေး ပေးရန်၊ ဆုံးရှုံးသွားသည့် အခွင့်အရေးများ ပြန်လည် ပေးအပ်ရန် ဥရောပ သမဂ္ဂမှ မြန်မာအစိုးရသို့ ဖိအားပေး စေလိုကြောင်း ထည့်သွင်း တင်ပြခဲ့သည်။
ကိုယ်စားလှယ် အဖွဲ့က ရခိုင်ပြည်နယ် အတွင်း လူသားချင်း ဆိုင်ရာ အထောက်အပံ့များ ကိစ္စ၊ မြန်မာနိုင်ငံတွင် နိုင်ငံရေး အပြောင်းအလဲများ စတင်သည့် ၂၀၁၁ ခုနှစ်မှစ၍ ရိုဟင်ဂျာများကို နှစ်ရှည် စီမံကိန်းဖြင့် စနစ်တကျ ညှဉ်းပန်း နှိပ်စက်လာခြင်းများ၊ ရိုဟင်ဂျာများ၏ အခြေအနေမှာ နေ့စဉ် ပိုဆိုးရွား လာနေသည်များ၊ လူဦးရေ ၁၆၀၀၀၀ ခန့် ဆိုးရွားသည့် ဒုက္ခသည် စခန်းများတွင် နေထိုင်ရမှုများ၊ စစ်တွေ အကျဉ်းထောင်တွင် အကျဉ်းခံနေရသည့် ရိုဟင်ဂျာ အရေး လှုပ်ရှားဆောင်ရွက်သူများ၊ မတရားသဖြင့် ဖမ်းဆီးထိန်းသိမ်း ခံရသူများ ကိစ္စ၊ ညှဉ်းပန်း နှိပ်စက်မှုဒဏ်၊ အလုပ်အကိုင် ရှားပါးမှုများကြောင့် နေ့စဉ် နေ့တိုင်း စက်လှေများဖြင့် နိုင်ငံတကာသို့ ထွက်ခွာနေရမှုများကိုလည်း တင်ပြ ဆွေးနွေးခဲ့သည်။
ထို့အပြင် ဥရောပ သမဂ္ဂမှ ရခိုင်ပြည်နယ် အတွင်းရှိ ရိုဟင်ဂျာ ဒုက္ခသည်များကို ပိုမို၍ အထောက်အပံ့များ ပေးအပ်ရန် အတွက် တောင်းဆိုခဲ့ကြောင်း သိရသည်။