ဒေသခံများ ငါးဖမ်းရန် နယ်ခြားစောင့်ရဲ ထံမှ ခွင့်ပြုချက် အတွက် ငွေညှစ်ခံနေရ
MYARF
RB News
1.3.2015
တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ လိပ်ရ ကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲမှူးက ငါးဖမ်းသမား များကို ငါးဖမ်းရန် ခွင့်ပြုချက် ရယူရမည်ဟု အမိန့် ထုတ်ပြန်ပြီးနောက် ကျေးရွာ အုပ်ချုပ်ရေးမှူး များက ထောက်ခံစာ အတွက်ဟု ဆိုကာ ငွေညှစ်လျက် ရှိကြောင်း သတင်း ရရှိပါသည်။
မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ လိပ်ရကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲမှူးက ၎င်းစခန်းပိုင် ကျေးရွာများ ဖြစ်သည့် လိပ်ရ၊ ရေတွင်းပြင်၊ ဇီးပင်ချောင်း၊ ကျောက်ချောင်း၊ ကျွန်းပေါက်ပြုစုရှိ ငါးဖမ်းသမား များနှင့် ပုဇွန်ကန် ပိုင်ရှင်များကို ဖေဖော်ဝါရီလ (၂၀) ရက်နေ့က ကျေးရွာ အုပ်ချုပ်ရေးမှူး များမှ တဆင့် အစည်းအဝေး ခေါ်၍ ငါးဖမ်းလိုလျှင် နယ်ခြားစောင့် ရဲတပ်ဖွဲ့မှ ခွင့်ပြုချက် စာအုပ် ရယူရန် မှားကြားခဲ့သည်။ အကယ်၍ ခွင့်ပြုချက် စာအုပ် မရှိဘဲ ချောင်းနှင့် ပုဇွန်ကန် များတွင် တွေ့လျှင် အရေးယူခြင်း ခံရမည်ဟု ခြိမ်းခြောက် ခဲ့ကြောင်း ဒေသခံ တစ်ဦးက RB News သို့ပြောသည်။
ငါးဖမ်းရန် ခွင့်ပြုချက် စာအုပ်များ ရယူလိုသူများက သက်ဆိုင်ရာ ကျေးရွာ အုပ်ချုပ်ရေးမှူး များမှ ထောက်ခံချက် ရယူ၍ နယ်ခြားစောင့် ရဲတပ်ဖွဲ့ စခန်းသို့ လာရောက်ရန် ရဲမှူးက မှာကြားခဲ့သည်။ ကျေးရွာ အုပ်ချုပ်ရေးမှူး များက ထောက်ခံချက် ပေးရန် အတွက် ငွေညှစ်လျက် ရှိရာ လိပ်ရ ကျေးရွာ အုပ်ချုပ်ရေးမှူးက ထောက်ခံစာ တစ်စောင် အတွက် ငွေကျပ် ၁၀၀၀/-၊ ရေတွင်းပြင် ကျေးရွာ အုပ်ချုပ်ရေးမှူးက ငွေကျပ် ၁၀၀၀/-၊ ဇီးပင်ချောင်း ကျေးရွာ အုပ်ချုပ်ရေးမှူးက ငွေကျပ် ၂၀၀၀/-၊ ကျောက်ချောင်း ကျေးရွာ အုပ်ချုပ်ရေးမှူးက ငွေကျပ် ၅၀၀၀/-၊ ကျွန်းပေါက် ပြုစု ကျေးရွာ အုပ်ချုပ်ရေးမှူးက ငွေကျပ် ၁၀၀၀/- စီ ကောက်ခံလျက် ရှိကြောင်း ဒေသခံများက ပြောပါသည်။
ဖေဖော်ဝါရီလ (၂၂) ရက်နေ့က ငါးဖမ်းရန် ခွင့်ပြုချက် ရယူသည့် ငါးဖမ်းသမား များထံမှ ငွေကျပ် ၁၀၀၀/- စီယူ၍ နယ်ခြားစောင့် ရဲတပ်ဖွဲ့ စခန်းတွင် ဓါတ်ပုံ ရိုက်ပေးခဲ့သည်။ ငါးဖမ်းသမားများ ချောင်းသို့ သွားရောက်၍ ငါးဖမ်း လိုလျှင် နယ်ခြားစောင့် ရဲတပ်ဖွဲ့မှ ထုတ်ပေးသည့် စာအုပ်ကို ကိုင်၍ ရှေးဦးစွာ နယ်ခြားစောင့် ရဲတပ်ဖွဲ့ စခန်းသို့ သွားရောက်၍ သတင်းပို့ရပြီး၊ သတင်းပို့ရာတွင်လည်း ငွေကျပ် ၅၀၀ မှ ၁၀၀၀/- ထိ ပေးရကြောင်း ဒေသခံများက ပြောပါသည်။
