မောင်တော ကျောက်ပန္ဓူ အုပ်ချုပ်ရေးမှူးက ရိုဟင်ဂျာရွာသို့ မသွားသဖြင့် ရိုဟင်ဂျာရွာသားများ ရွာထွက်လက်မှတ်အတွက် အခက်တွေ့

Rohingya Eye
RB News
19.7.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ကျောက်ပန္ဓူကျေးရွာအုပ်စု အုပ်ချုပ်ရေးမှူးသည် န.တ.လ ရွာတွင်သာ နေထိုင်ပြီး ရိုဟင်ဂျာများ နေထိုင်ရာရွာသို့ မသွားရောက်သဖြင့် ရိုဟင်ဂျာရွာသားများ ရွာထွက် လက်မှတ်ရယူရန် အခက်တွေ့လျက် ရှိနေကြောင်း သတင်းရရှိပါသည်။

မောင်တောမြို့နယ် တောင်ပိုင်း ကျောက်ပန္ဓူ ကျေးရွာအုပ်စု အုပ်ချုပ်ရေးမှူး မောင်သာအောင်သည် န.တ.လ ရွာတွင်သာ နေထိုင်ပြီး ရိုဟင်ဂျာများ နေထိုင်ရာရွာသို့ သွားရောက်ခြင်း မရှိသဖြင့် ရိုဟင်ဂျာ ရွာသားများ ရွာထွက် လက်မှတ် ရယူရန် အဆက်တွေ့နေကြကြောင်း ဒေသခံများက RB News သို့ပြောပါသည်။

အုပ်ချုပ်ရေးမှူး မောင်သာအောင်သည် ရိုဟင်ဂျာများ နေထိုင်ရာရွာသို့ မလာရောက်သဖြင့် ရွာထွက်လက်မှတ် ထောက်ခံစာ တစ်စောင်အတွက် ငွေကျပ် တစ်ထောင် အပြင် ၎င်းနှင့် ရင်းနှီးသူများမှ တဆင့် ယူနေရသည့် အတွက် ပွဲစားခ တစ်ထောင်ကျပ်စီ၊ ရွာထွက်လက်မှတ် တစ်စောင်လျှင် ငွေကျပ် နှစ်ထောင်ကုန်ကျ နေသည်ဟု ဒေသခံများက ဆိုသည်။

ဇူလိုင်လမှ စ၍ မောင်တောမြို့နယ်တောင်ပိုင်း န.တ.လ ရွာ (သို့မဟုတ်) ရခိုင်ရွာများနှင့် နီးကပ်လျက် ရှိသည့် ရိုဟင်ဂျာရွာသားများကို အနီးအနားရှိ လူမျိုးခြား ဗုဒ္ဓဘာသာဝင်များ၏ ရွာများအတွင်းသို့ ၀င်ခွင့် မပြုရန် မောရ၀တီ အခြေစိုက် စစ်တပ်က နှုတ်မိန့်ဖြင့် အမိန့်ထုတ်ထားခဲ့ကြောင်း သိရှိရသည်။

ယခင်က ယင်းရွာများသို့ လယ်ယာလုပ်ငန်းနှင့် အခြားလုပ်ငန်းများ လုပ်ကိုင်ရန် သွားရောက်သူများ ရှိခဲ့သော်လည်း ယခုလတွင် နှစ်ဖက်အုပ်စု တစ်ဖက်မှ တစ်ဖက်သို့ သွားရောက်နိုင်ခြင်း မရှိတော့ကြောင်း သိရှိရသည်။ ရိုဟင်ဂျာရွာသား တစ်ဦးဦးက အရေးပေါ်ကိစ္စနှင့် သွားသည့် အခါတွင်လည်း စစ်သားများက တွေ့ရှိလျှင် ကိုယ်ထိလက်ရောက် စော်ကားမှုများ ပြုလုပ်ကြောင်း ဒေသခံများက ပြောပါသည်။