မလွဲမသွေပြန်လည်ရေးဆွဲရမည့် ၂၀၀၈ ခုနှစ် ဖွဲ့စည်းပုံအခြေခံဥပဒေနှင့် ၁၉၈၂ ခုနှစ် မြန်မာနိုင်ငံသား ဥပဒေ
ဦးမောင်ဖေတင်
တရားလွှတ်တော်ရှေ့နေ
၂၀၀၈ ခုနှစ် ဖွဲ့စည်းပုံ အခြေခံဥဒေ အခန်း ( ၈ ) နိုင်ငံသား၊ နိုင်ငံသားများ၏ မူလအခွင့် အရေးနှင့် တာဝန် များခေါင်း စဉ် အောက်တွင် ပုဒ်မ-၃၄၅ နှင့် ပုဒ်မ-၃၄၆ တို့ကို အောက်ပါ အတိုင်း ပြဌာန်း ထားပါသည်။
ပုဒ်မ- ၃၄၅ အောက် ဖော်ပြပါ အရည် အချင်း တစ်ရပ်ရပ်နှင့်ပြည့်စုံ သူများ သည်ပြည်ထောင်စု သမ္မတမြန် မာ နိုင်ငံတော်၏ နိုင်ငံသား များဖြစ်ကြသည်။
(က) “ပြည်ထောင်စု သမ္မတ မြန်မာနိုင်ငံ တော်၏ တိုင်းရင်းသား မိဘနှစ်ပါးမှ မွေးဖွားသူ”
(ခ) “ဤ ဖွဲ့စည်းပုံ အခြေခံဥပဒေ အတည်ပြုပြဌာန်း သည့်နေ့တွင် ဥပဒေအရ နိုင်ငံသားဖြစ်ပြီးသူ” ဟူ၍ ဖြစ် ပါသည်။
ပုဒ်မ-၃၄၆ နိုင်ငံသားဖြစ်ခြင်း၊ နိုင်ငံသားပြုခြင်းနှင့် နိုင်ငံသားအဖြစ်မှ ရပ်စဲခြင်းတို့သည် ဥပဒေပြ ဌာန်း သည့် အတိုင်း ဖြစ်စေရမည်။
၁၉၈၂ ခုနှစ်၊ မြန်မာနိုင်ငံသား ဥပဒေအခန်း ( ၂ ) တွင် နိုင်ငံသာြး ဖစ်ခြင်းကို ပုဒ်မ-၂ မှ ၂၂ ထိလည်းကောင်း၊ အခန်း ( ၄ ) တွင် နိုင်ငံသားပြုခွင့် ရသူဖြစ်ခြင်းကို ပုဒ်မ-၄၂ မှ ပုဒ်မ-၆၄ ထိ လည်းကောင်း ပြဌာန်း ထားခြင်းမှာ ဖွဲ့စည်းပုံ အခြေခံဥပဒေပုဒ်မ-၃၄၆ တွင် ရည်ညွှန်းသော ဥပဒေပြဌာန်း ချက်များဟု မှတ် ယူနိုင်သော်လည်း အခန်း ( ၃ ) တွင် ဧည့်နိုင်ငံသားဖြစ်ခြင်းကို ပုဒ်မ၂၃ မှ ပုဒ်မ-၄၁အထိ ပြဌာန်း ထားရာ ဖွဲ့စည်းပုံ အခြေခံ ဥပဒေ တွင် မပါ ရှိသည့် ဥပဒေ ပြဌာန်း ချက်ဖြစ်ကြောင်း တွေ့ရှိရသည်။
ဖွဲ့စည်းပုံ အခြေခံ ဥပဒေသည် ပင်မ ဥပဒေဖြစ်သဖြင့် ထိုဥပဒေတွင် ပြဌာန်း ထားခြင်းမရှိ သော ဧည့်နိုင်ငံ သားဖြစ်ခြင်း ဆိုင်ရာ ဥပဒေ ပြဌာန်းချက်မှာ ဖွဲ့စည်းပုံ အခြေခံ ဥပဒေနှင့် စပ်လျဉ်း သမျှ အတည်ဖြစ်ရန် အကြောင်း မရှိပါ။ မြန်မာနိုင်ငံသား ဥပဒေပုဒ်မ-၂ ( ခ ) တွင် နိုင်ငံသားဆိုသည့်စကားရပ်မှာ မြန်မာနိုင်ငံသား ကို ဆို လိုကြောင်း အဓိပ္ပါယ်ဖွင့် ဆိုထား ပါသည်။ ထို ဥပဒေ ပုဒ်မ-၂( စ )တွင် နိုင်ငံသား လက်မှတ် ဆိုသည်မှာ ၁၉၄၈ ခုနှစ် ပြည်ထောင်စုမြန်မာနိုင်ငံ သားအဖြစ်( ရွေးချယ်ရေး) အက် ဥပဒေအရဖြစ်စေ၊ ၁၉၄၈ခုနှစ် ၊ ပြည်ထောင် စု မြန်မာနိုင်ငံသား ပြစ်မှု အက်ဥပဒေ အရဖြစ်စေ၊ ဤ ဥပဒေအရဖြစ်စေ ထုတ်ပေး ထားသော နိုင်ငံသား လက်မှတ်ကို ဆိုသည်ဟုလည်း အဓိပ္ပါယ်ဖွင့် ထားပါ သည်။
မြန်မာနိုင်ငံသား ဥပဒေပုဒ်မ၇၅အရ အပ်နှင်းထားသော လုပ်ပိုင်ခွင့်ကိုကျင့်သုံး၍ ၀န်ကြီးအဖွဲ့ သည် နိုင်ငံ တော်ကောင် စီ၏ သဘောတူညီချက်ဖြင့် အမိန့်ကြော်ငြာစာအမှတ်-၁၃/၈၃ ဖြင့် နိုင်ငံ သားဆိုင်ရာလုပ်ထုံး လုပ်နည်းများ ကို(၂၀-၉-၁၉၈၃ ) နေ့တွင် ထုတ်ပြန်ခဲ့ သည်။
(ကြေညာချက် အမှတ်-၁၄/၈၃ နှင့် ၁၅/၈၃ တို့ အရလည်း ဧည့်နိုင်ငံသားနှင့် နိုင်ငံသား ပြုခြင်း ခံရသူ ဆိုင်ရာ လုပ် ထုံး လုပ်နည်း များကို ထုတ်ပြန် ခဲ့သည်။)
၁၉၈၂ ခုနှစ်၊ မြန်မာနိုင်ငံသား ဥပဒေမှာ ပြည်သူ့ လွှတ်တော်မှ ပြဌာန်းသည့် ဥပဒေ အမှတ်၎/၁၉၈၂ ဖြစ်သော် လည်း ထို ဥပဒေ အာဏာ တည်သည့် ရက် ကို ထည့်သွင်းပြဌန်း ထား ခြင်းမရှိ သည့် အပြင် နောင်ကျင်း ပခဲ့သည့် ပြည်သူ့ လွှတ်တော် ဆုံးဖြတ် ချက်များ အရလည်း ထိုဥပဒေ အတည်ပြု သည့်နေ့ရက် ကို ပြဌာန်းကြေ ညာ ထုတ်ပြန် ခဲ့ခြင်းမရှိဘဲ နိုင်ငံသားဆိုင်ရာ လုပ်ထုံးလုပ်နည်း တွင်သာ နိုင်ငံသား ဥပဒေအာဏာ တည် သည့် ရက်ကို (၁၅-၁၀၁၉၈၂) ခုနှစ်ဟု ၀န်ကြီး အဖွဲ့၏ ထည့် သွင်းကြေငြာ ခဲ့ရာ ထိုစဉ်က ပြည်သူ့ လွှတ်တော် က အတည်ပြု ပြဌာန်း ကြေညာသော ဥပဒေဖြစ် သကဲ့သို့ အ တည်ဖြစ်၊ မဖြစ်ဆိုသည် ကိုယခု ကျင်း ပနေ သော ပြည် ထောင်စု လွှတ်တော် က ထည့်သွင်း စဉ်းစားသင့်ပါသည်။
နိုင်ငံသားဆိုင်ရာ လုပ်ထုံးလုပ်နည်းများတွင် နိုင်ငံသားလက်မှတ်အဖြစ် ပုံစံ ( နိုင်-၆ ) ပန်းရောင်အဖုံးပါ စာအုပ်ကို နမူနာအဖြစ် ထည့်သွင်းဖော်ပြထားပါသည်။
၁၉၈၂ ခုနှစ်၊ မြန်မာနိုင်ငံသား ဥပဒေ ပြဌာန်းသည့်နေ့ ကစ၍ ယနေ့ ၂၀၁၃ ခုနှစ်အထိ နှစ် ( ၃၀ ) အတွင်း မြန်မာနိုင်ငံသား ဥပဒေအရ ထုတ်ပေးသည့် ပန်းရောင်စာအုပ် ( နိုင်-၆ ) နိုင်ငံသား လက်မှတ် နမူနာကိုပင် တွေ့မြင်ဖူးသူ အလွန်ရှားပါး ပါသည်။
၁၉၈၂ ခုနှစ် မြန်မာနိုင်ငံသားဥပဒေသည် ၁၉၇၄ ခုနှစ်၊ ဖွဲ့စည်းပုံအခြေခံဥပဒေ ပြဌာန်းချက်နှင့် အညီအညွတ်မဖြစ်သဖြင့် ဥပဒေပြဌာန်းသည့်နေ့မှ ၁၉၈၈ ခုနှစ် န၀တ အစိုးရ က နိုင်ငံတော်အာဏာကို လွှဲပြောင်းရယူသည့်နေ့အထိ ( ၆ ) နှစ်ကျော် Dead Law အဖြစ် ရှိနေရာက ၁၉၉၀ ပြည့်နှစ် ရွေးကောက် ပွဲတွင် ရွေးချယ်ခံရမည့်သူမျာနှင့် မဲဆန္ဒရှင်များ၏ စာရင်းများကို ပြုစုနိုင်ရန်အတွက်သေနေသော ဥပဒေကို ပြန်လည်အသက်သွင်းခဲ့ကြခြင်း ဖြစ်ပါသည်။
ပြည်တွင်းနေသူ တစ်ဦးသည် မြန်မာနိုင်ငံသား ဟုတ်၊မဟုတ် သေချာစွာ စိစစ်ပြီးမှ ပုံစံ( နိုင်-၆)ကို ပေးရမည်ဖြစ်ရာ၊ ယခုအဆင့်တွင် ထို သူနိုင်ငံသားဟုတ်၊ မဟုတ် စိစစ်နိုင်ရန် အတွက် ပုံစံ-နိုင်-၆ ( က ) နိုင်ငံ သားစီစစ်ရေး ကတ်ပြားကိုသာ လ၀က ဦးစီးဌာနမှ ထုတ်ပေးခြင်းဖြစ် ပါသည်။ ထိုပုံစံ နိုင်၆(က)ကို ကိုင်ဆောင် ထားသူသည် နိုင် ငံသားဥပဒေ ပုဒ်မ-၂ ( စ ) တွင် အတိအလင်းပြဌာန်း ထားသော ဤဥပဒေ အရထုတ်ပေးသော နိုင်ငံသား လက်မှတ်ပုံစံ ( နိုင်-၆ ) ကိုကိုင်ဆောင် ခွင့်မရ ရှိသေးမှီပုဒ်မ၂ (ခ) ပါ မြန်မာနိုင်ငံ သားဟု တထစ် ချမှတ် ယူနိုင်မည် မဟုတ်ပါ။
နိုင်ငံသား ဆိုင်ရာ လုပ်ထုံး လုပ်နည်း အပိုဒ်-၃၆ တွင် နိုင်ငံသား လက်မှတ်ကို အတုပြုလုပ် လျှင် ထောင်ဒါဏ် ( ၁၅ ) နှစ် ကျခံစေရမည်ဟု သတ်မှတ်ထားပြီး၊ အပိုဒ်-၃၇ တွင် နိုင်ငံသား စိစစ်ရေး ကတ်ပြား ပုံစံ နိုင်-၆ ( က ) ကို အတုပြု လုပ်လျှင် ပြစ်မှု ဆိုင်ရာ ဥပဒေအရ အရေး ယူခြင်း ခံရမည်ဟု ဖော်ပြ ပါရှိပါသည်။
စီရင်ထုံး များအရ ဆိုပါလျှင် ပုံစံ-နိုင်-၆ ( က ) ကို အတည်ပြု လုပ်လျှင် ပြစ်မှု ဆိုင်ရာ ဥပဒေပုဒ်မ-၄၆၈ အရ ( ၇ ) နှစ် ထက် မပိုသော ပြစ်ဒဏ်နှင့် ငွေဒဏ်ကို ချမှတ်ပြီး၊ ပုံစံ နိုင်-၆ ကို အတုပြု လုပ်လျှင် နိုင်ငံသား ဥပဒေပုဒ်မ ( ၂၁ ) အရ ထောင်ဒဏ် ( ၁၅ ) နှစ်နှင့် ငွေဒဏ်ကို ကျခံ နေကြရသဖြင့် ပုံစံ-( နိုင်-၆ ) နှင့် ပုံစံ-နိုင်-၆ ( က ) မှာ အနှစ် သာရ မတူပါ။
ပုံစံ ( နိုင်-၆ )တွင် ဥပဒေ များအရ UCC နှင့် ၁၉၈၂ ခု နိုင်ငံသား ဥပဒေ အရ လက်မှတ် ကိုင်ဆောင် ခွင့်ရှိ သူများ သည် မြန်မာနိုင်ငံသား များဖြစ်ကြပါသည် ဟု ၀င့်ကြွား စွာပြော ဆိုနိုင်ကြ မည်ဖြစ် သော် လည်း ပုံစံ နိုင်-၆ ( က ) ကိုင်ဆောင် သူ တစ်ဦး အနေဖြင့် ပုံစံ ( နိုင်-၆ ) ကိုင်ဆောင် ခွင့်ရရှိရန် နှစ်ပေါင်း များစွာ စိစစ် ခံနေရ ဦးမည်သာ ဖြစ်ပါသည်။
ဤကဲ့သို့သော အခြေအနေတွင် ၂၀၀၈ ခုနှစ် ဖွဲ့စည်းပုံအခြေခံဥပဒေပုဒ်မ-၃၄၅ ( ခ ) တွင် ဖော်ပြထားသော ဤဥပဒေအာဏာတည်သည့်နေ့တွင် နိုင်ငံသားဖြစ်ပြီးသူများသည် နိုင်ငံသားဖြစ်သည်ဟု ပြဌာန်းထားသည့် အခွင့်အရေးကို ( ၁၉၄၈ ခုနှစ် ဥပဒေနှစ်ရပ်တို့ဖြင့် UCC ခေါ် နိုင်ငံသားလက်မှတ်ထုတ်ယူရရှိထားသူများမှ အပ ) တရားဝင်ရရှိခံစားနိုင်ကြရမည် မဟုတ်ပါ။
အိန္ဒိယ တိုက်ငယ်နှင့် တရုတ်ပြည်မ ကြီးတို့မှ ၀င်ရောက်လာပြီး ၁၉၄၈ ခုနှစ် ဥပဒေနှစ် ရပ်ပါ UCC ခေါ် နိုင်ငံသား လက်မှတ်ကို လျှောက်ထား ရယူကိုင်ဆောင် ထားကြသူများသည် ၂၀၀၈ ခုနှစ် ဖွဲ့စည်းပုံ အခြေခံ ဥပဒေ အတည်ဖြစ်သည့်နေ့တွင် ဥပဒေနှင့် အညီ နိုင်ငံသားများ ဖြစ်ကြသော်လည်း ၂၀၀၈ ခု ဖွဲ့စည်းပုံ အခြေခံ ဥပဒေတွင် နိုင်ငံသား များမှ မွေးဖွားလာသူများ သည်လည်း နိုင်ငံသာြး ဖစ်သည် ဟု အတိအလင်း ခွင့်ပြုပြဌန်းချက် မရှိသဖြင့် နိုင်ငံသား မိဘနှစ်ပါးမှ မွေးဖွားလာ သူများမှာ ဖွဲ့စည်းပုံ အခြေခံ ဥပဒေ ပုဒ်မ-၃၄၅ အရ နိုင်ငံသား အဖြစ်ကို မရရှိနိုင်ကြဘဲ ပုဒ်မ-၃၄၆ အရ ပြဌာန်းထားသော ဥပဒေ အရသာ လျှင် နိုင်ငံသားဖြစ် ခွင့်ရထိုက်၊ မရထိုက် စိစစ်မှုကို ခံယူရ မည် ဖြစ်ပါ သည်။ ဖွဲ့စည်းပုံ အခြေခံ ဥပဒေ ပုဒ်မ-၃၄၅ ( က)တွင် တိုင်းရင်းသား မိဘနှစ်ပါးမှ မွေးဖွား သူများ သည် နိုင်ငံသားများဖြစ် သည် ဆိုခြင်းကို အငြင်း မပွားလိုသော်လည်း တိုင်းရင်းသား ဆိုသည့် စကားရပ် မှာ မြန်မာနိုင်ငံ သား ဥပဒေနှင့် လုပ်ထုံးလုပ်နည်း ပါ ပြဌာန်းချက်များအရ အဂတိတရား မပါရှိဘဲနိုင်ငံသားတစ်ဦး ဟုတ်မဟုတ်ဆိုသည်ကို တိကျစွာ ခွဲခြားဆုံးဖြတ် သတ်မှတ်ရန် အလွန်ခက်ခဲပါသည်။
မြန်မာနိုင်ငံသား ဥပဒေပုဒ်မ-၅ တွင် တိုင်းရင်းသား တိုင်းသည်လည်းကောင်း၊ တိုင်းရင်း သားမိ ဘနှစ် ပါးမှ မွေးဖွားသူတိုင်း သည်လည်းကောင်း မွေးရာပါ နိုင်ငံသားဖြစ်သည်ဟုလည်း ကောင်း ပုဒ်မ ( ၃ ) တွင် နိုင်ငံတော်တွင် ပါဝင်သော နယ်မြေတစ် ခုခု၌ မြန်မာ သက္ကရာဇ် ၁၁၈၅ ခုနှစ်၊ ခရစ်သက္ကရာဇ် ၁၈၂၃ ခုနှစ် မတိုင်မီ ကာလမှစ၍ ပင်ရင်းနိုင်ငံအဖြစ် အမြဲနေထိုင် ခဲ့သော ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်းစသည့် တိုင်းရင်းသားများနှင့် မျိုးနွယ်စုများ သည် မြန်မာနိုင်ငံ သားဖြစ်သည် ဟု လည်းကောင်း ပြဌာန်းထားပါသည်။
န၀တအစိုးရအဖွဲ့သည် နိုင်ငံတော်ကောင်စီ၏ အာဏာကို ကျင့်သုံးပြီး ထင်ရှားသော တိုင်းရင်းသား ( ၈ ) မျိုး အပါအ၀င် တိုင်းရင်းသားမျိုးနွယ်စု ( ၁၃၅ ) မျိုး၏ စာရင်းကိုထုတ်ပြန် ပြီး မြန်မာနိုင်ငံ၏ တိုင်းရင်းသား များဖြစ်ကြောင်း အသိအမှတ်ပြုခဲ့သည်။ သို့ရာတွင် နိုင်ငံသား ဆိုင်ရာလုပ်ထုံးလုပ်နည်းများ အပိုဒ်-၅ တွင် -
“ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်းစသည့် လူမျိုးများပင် ဖြစ်စေကာမူ နိုင်ငံတော်တွင် ပင်ရင်းနိုင်ငံ အဖြစ် အမြဲနေထိုင်ခြင်း မရှိဘဲ အခြားနိုင်ငံတွင် ပင်ရင်းနိုင်ငံအဖြစ် အမြဲနေ ထိုင်ကြသူများ သည် တိုင်းရင်းသား များမဟုတ်ပါ။ ၁၈၂၃ ခုနှစ်၊ နောက်ပိုင်း နိုင်ငံ အတွင်းသို့ ၀င်ရောက်နေ ထိုင်ကြသော အမည်တူ မျိုးနွယ်စု များသည်လည်း တိုင်းရင်း သားများ မဟုတ်သည့်အပြင် မွေးရာပါနိုင်ငံသားများလည်း မဟုတ်ပါ။ အခြားနိုင်ငံ တစ်ခု၏ နိုင်ငံသား အဖြစ်ကို ခံယူထားသော တိုင်းရင်းသား သည်လည်းကောင်း၊ ထိုသို့ တိုင်းရင်း သားမိဘနှစ်ပါးမှ မွေးဖွား သူများသည်လည်းကောင်း မြန်မာနိုင်ငံသားများ မဟုတ်ပါ” ဟု ချွင်းချက်ပြု ထားသည် ကို တွေ့ရှိရသည်။
ဤသို့ဆိုပါလျှင် ဗမာ လူမျိုးဖြစ်သည် ဆိုယုံမျှနှင့် တိုင်းရင်းသား နိုင်ငံသားဟု တထစ်ချ မပြောနိုင်ပါ။ ဘိုးတော်ဘုရား လက်ထက်မှ စ၍ ထိုင်းနိုင်ငံတွင် အစဉ်တစိုက် နေထိုင်သော ဗမာလူမျိုး၊ ရှမ်းလူမျိုး၊ မွန်လူမျိုး စသည်တို့သည် ထိုနိုင်ငံများ၏ နိုင်ငံသားများ သာဖြစ်ကြပြီး မြန်မာနိုင်ငံ၏ နိုင်ငံသား တိုင်းရင်းသား မဟုတ်နိုင်ပါ။
အလားတူ အိန္ဒိယနိုင်ငံ၏ မီဇိုရမ် ပြည်နယ်ရှိ မီဇိုလူမျိုးများ၊ ဘင်္ဂလားဒေ့ခ်ျနိုင်ငံ စစ်တကောင်း ဒေသရှိ ရခိုင် မျိုးနွယ်စု မောက်တိုင်းရင်း သားများသည် ၄င်းတို့ အစဉ်တစိုက် နေထိုင်သော အိန္ဒိယ၊ ဘင်္ဂလားဒေ့ခ်ျနိုင် ငံတို့၏ ကျေးဇူး သစ္စာကိုသာ ခံယူနေကြ သူများဖြစ်၍ မြန်မာနိုင်ငံ၏ တိုင်းရင်း သား နိုင်ငံသား ဟု မြန် မာနိုင်ငံ သားဆိုင်ရာ လုပ်ထုံး လုပ်နည်းများအရ သတ်မှတ်၍ မရနိုင်ပါ။
ထို့အပြင် အသက်ဘေး အန္တရာယ်အရ သော်လည်းကောင်း၊ စီးပွားရေး အရသော် လည်းကောင်း၊ နိုင်ငံရေး အရသော် လည်းကောင်း အမိနိုင်ငံကို စွန့်လွှတ် ထွက်ခွာသွားပြီး သူတစ်ပါးနိုင်ငံ၏ နိုင်ငံသား အဖြစ်ကို ခံယူနေကြသော သူများမှာလည်း မြန်မာနိုင်ငံ၏ တိုင်းရင်း သား၊ နိုင်ငံသား ဟူ၍ မြန်မာနိုင်ငံသား ဥပဒေအရ သတ်မှတ်၍ မရနိုင်တော့ပါ။
၁၉၈၂ ခုနှစ်၊ နိုင်ငံသား ဥပဒေနှင့် ထိ်ု ဥပဒေဆိုင်ရာ လုပ်ထုံးလုပ်နည်း များအရ ပြည်ထောင်စု မြန်မာနိုင်ငံ အတွင်း နေထိုင်သော သူတစ်ဦးကို စစ်ဆေးရာတွင် လူမျိုးကို အကြောင်းပြု၍ တိုင်းရင်းသားဟု သတ်မှတ်ခြင်း မပြုနိုင်ဘဲ လူတစ်ဦး ချင်းစီ၏ ဆွေစဉ် မျိုးဆက်များမှာ ၁၈၂၃ ခုနှစ် မတိုင်မီ က ပြည်ထောင် စုမြန်မာနိုင်ငံအတွင်း တစ်ဆက်တည်းနေ ထိုင်လာခြင်း ဟုတ်၊ မဟုတ် စစ်ဆေးပြီးမှ ဆုံးဖြတ်ရ မည့် ပြဿနာဖြစ်ပါသည်။
မြန်မာနိုင်ငံသား ဥပဒေကို ပြဌာန်းရန်နှင့် မည်သည် ဥပဒေများကို တရားဝင် ပြဌန်းပါဟု ညွှန်ကြားခဲ့သည့် လမ်းစဉ်ပါတီ ဥက္ကဌ ဦးနေ၀င်းနှင့် မြန်မာနိုင်ငံ သားဥပဒေကို လက်မှတ်ရေးထိုး ထုတ်ပြန်ခဲ့ သည့် နိုင်ငံတော် ကောင်စီ ဥက္ကဌ ဦးစန်းယုတို့၏ ကိုယ်ရေးသမိုင်းကိုပင် တိုင်းသူပြည်သား များမ သိရှိနိုင်သော အခြေအနေတွင် ၄င်းတို့၏ ဘိုးဘေး ဘီဘင်တို့ကို သိရှိနိုင်အောင် စုံစမ်းမေးမြန်းရန် ဆိုသည်မှာ မဖြစ်နိုင်သည်ကို လ၀က ၀န်ထမ်းများအား ဆောင်ရွက်စေရန် ဥပေးအရ တာဝန်ပေးထားရာ ကျရောက်နေ ပါသည်။
ဤ ကဲ့သို့သော အခြေအနေတွင် တစ်စုံ တစ်ယောက်ကို လ၀ကပုံစံ (နိုင်-၆ ) နိုင်ငံသား လက်မှတ် ထုတ်ပေးမည် ဆိုပါက ထိုသူ၏ မိဘနှစ်ပါးမှာ ၁၈၂၃ ခုနှစ် မတိုင်မီက ပြည်ထောင်စု မြန်မာနိုင်ငံအတွင်း အစဉ် တစိုက်နေ ထိုင်ခဲ့ကြသော တိုင်းရင်း သားဖြစ်ကြောင်း ထင်ရှားစေပြီးမှ သာ ပုံစံ ( နိုင်-၆ ) ကို ထုတ်ပေးနိုင် မည် ဖြစ်ပါသည်။
အကယ်၍ တစ်ဦးတစ်ယောက်အား ပုံစံ ( နိုင်-၆ ) ထုတ်ပေးထားပြီးဖြစ်သည်ဟု ဆိုပါ လျှင် ထိုသို့ ပုံစံ ( နိုင်-၆ ) ရရှိခြင်းသည် အဂတိတရားတစ်ပါးပါးအရ ထုတ်ပေးခြင်းဟုသာ မှတ်ယူပါက ရာနှုန်းပြည့်မှန် မည်ဖြစ်ပါသည်။
န၀တအစိုးရမှ အသိအမှတ်ပြုခဲ့ပြီးဖြစ်သော တိုင်းရင်းသား ( ၁၃၅ ) မျိုးမှာ လူမျိုးနွယ်စု အမည်ကိုသာ အသိ အမှတ်ပြုခဲ့ခြင်းဖြစ်ပြီး၊ မည်သူမည်ဝါသည် ၁၈၂၃ ခုနှစ်မှစ၍ နိုင်ငံတော် အတွင်း အစဉ် တစိုက် နေ ထိုင်ခဲ့သော ထိုမျိုးနွယ်စုမှ ပေါက်ဖွားလာသူဖြစ်ကြောင်း သတ်မှတ်ခဲ့ ခြင်းမဟုတ်ပါ။
သုိ့ရာတွင် ထင်ရှားသော တိုင်းရင်းသားလူမျိုး ( ၈ ) မျိုးတွင် အကြုံးဝင် သက်ဆိုင်သော မျိုးနွယ်စု ငယ်များ အနက် အချို့ မျိုးနွယ်စုများမှာ ပြည်ပတွင် နေထိုင်ခြင်းမရှိဘဲ ပြည်တွင်းတွင် သာ အစဉ်တစိုက်နေ ထိုင်ခြင်း ဖြစ်ကြောင်း၊ ပြည်ပတွင် အလားတူမျိုးနွယ်စု လုံးဝမရှိကြောင်း သက်သေ ထင်ရှားပါက ထိုလူ တစ်ဦး၊ လူတစ် စုတို့က တိုင်းရင်းသား မိဘနှစ်ပါးမှ မွေးဖွား လာခဲ့သော နိုင်ငံသားအဖြစ် ပုံစံ ( နိုင်-၆ ) ကို ထုတ်ပေး မည် ဆိုပါက ထိုလူနည်းစု အတွက်ပင် တိကျသော လုပ်ထုံးလုပ်နည်း ကိုသေးစိတ် ရေးဆွဲ ပြီးမှ ဆောင် ရွက်ပေးနိုင် မည် ဖြစ်ပါသည်။
မြန်မာ နိုင်ငံသား ဥပဒေ ဆိုင်ရာ လုပ်ထုံးလုပ်နည်း အပိုဒ် (၈) အရဆိုပါ လျှင် နိုင်ငံတော် အတွင်းဖြစ်စေ၊ နိုင် ငံတော် ပြင်ပတွင်ဖြစ်စေ နိုင်ငံသား မိဘနှစ်ပါးမှ မွေးဖွားသူ၊ နိုင်ငံသားနှင့် ဧည့်နိုင်ငံသား မိဘနှစ်ပါး မှ မွေးဖွားသူ၊ နိုင်ငံသားနှင့် နိုင်ငံသား ပြုခွင့်ရသူ မိဘနှစ်ပါးမှ မွေးဖွားသူများ သည် လည်း နိုင်ငံသား များ ဟုပြဌာန်းပါရှိသည့်အပြင် ဧည့်နိုင်ငံသားနှစ်ဦးမှ မွေးဖွားသူနှင့် နိုင်ငံသား တမျိုးမျိုး တို့မှ မွေးဖွားသူ များသည်လည်းကောင်း၊ နိုင်ငံသားပြုခွင့်ရသူနှစ်ဦးမှ မွေးဖွားသူနှင့် နိုင်ငံသားအမျိုးမျိုးတို့မှ မွေးဖွားသူများသည် လည်းကောင်း၊ ဧည့်နိုင်ငံ သားနှင့် နိုင်ငံသားပြုခွင့် ရသူတို့မှ မွေးဖွား သူနှင့် နိုင်ငံသား တစ်မျိုးမျိုး တို့မှ မွေးဖွားသူတို့သည်လည်းကောင်း နိုင်ငံသားဖြစ်သည်ဟု ပြ ဌာန်းထားသည့် အပြင်ဦးနေ၀င်း ကအိုင်းစတိုင်း ကဲ့သို့သောပုဂ္ဂိုလ်ကို နိုင်ငံသားပေးနိုင် ကြောင်း ပြ ဌာန်းချက်မျိုးကို လည်းထည့် သွင်းရန်ညွှန်ကြား သဖြင့် နိုင် ငံတော် ကောင်စီသည် နိုင်ငံတော်၏ အကျိုးငှာ မည်သူ့ကို မဆို နိုင်ငံသား တမျိုးမျိုး သတ်မှတ်နိုင်ကြောင်း ကိုပါ ပုဒ်မ-၈ (က) တွင် ထည့် သွင်းပြ ဌာန်းထားခြင်း တို့သည်၂၀၀၈ခုနှစ်၊ ဖွဲ့စည်းပုံအခြေခံဥပဒေ ပုဒ်မ၃၄၆ပါ“နိုင်ငံသားဖြစ်ခြင်း သည်ဥပဒေပြ ဌာန်းသည့်အ တိုင်း ဖြစ်စေ ရမည်”ဆိုသည့် ပြဌာန်း ချက် ဘောင် အတွင်း အကြုံးဝင် သည်ဟု မှတ်ယူနိုင်သော်လည်း ၁၉၈၂ ခုနှစ်မြန်မာ နိုင်ငံ သားဥပဒေ ပါ ပြဌာန်း ချက်များသည် ၂၀၀၈ ခုနှစ်ဖွဲ့စည်းပုံ အခြေခံဥပဒေပုဒ်မ ၃၄၅(က) နှင့်(ခ)တွင်အတိအလင်း ပြဌာန်း ချက်ကို ကျော် လွန်ပြဌာန်းရာ ကျရောက်နေသည်။
ဖွဲ့စည်းပုံ အခြေခံ ဥပဒေပုဒ်မ-၃၄၆ ပါ ပြဌာန်းချက်ကိုိ ကျင့်သုံးပြီး ဥပဒေ နည်းဥပဒေများ ကို လွတ်လပ် စွာ ပြဌာန်းနိုင် သည်ဟု ဆိုပါလျှင် ဖွဲ့စည်းပုံ အခြေခံ ဥပဒေပုဒ်မ-၃၄၅ ( က ) နှင့် ( ခ ) တို့ကို ပြည်သူ့ ဆန္ဒခံ ယူပြီး ပြဌာန်း ထားခြင်းမှာ အာနိသင် ရှိတော့ မည် မဟုတ်ပါ။
ပြည်တွင်း ဥပဒေများကို ပြဌာန်းရာတွင် နိုင်ငံတကာ သဘောတူညီချက် များကို အလေး အနက်ထားရ မည်ဖြစ် ပါသည်။ အများပြည် သူနှင့် နိုင်ငံရေး အခွင့် အရေးဆိုင်ရာ နိုင်ငံတကာ သဘောတူ စာချုပ် အပိုဒ်-၂၄(၃)တွင် မွေးဖွား လာသော ခလေး သူငယ်များသည် နိုင်ငံသား အဖြစ်ရ ယူခွင့် ရှိရမည်ဖြစ်ကြောင်း ဖော်ြ ပ ထားပြီး ကလေး အခွင့်အရေး ဆိုင်ရာ နိုင်ငံတကာ သဘောတူ စာချုပ်အပိုဒ်-၇ ( ၂ ) တွင် ကလေးသူ ငယ် များ နိုင်ငံသားဖြစ် ခွင့်ရရှိစေရန် နိုင်ငံများက လုပ်ဆောင်ပေး ရန် ပြဌာန်းချက် များ ကို မြန် မာနိုင်ငံ ကလည်း လိုက်နာဆောင်ရွက် ရမည်ဖြစ်ပါလျက် ၁၉၉၃ ခုနှစ်၊ ကလေး သူငယ်ဥပဒေတွင် ခလေး သူငယ် တိုင်း သည် နိုင်ငံသား ဖြစ်မှုဆိုင်ရာ အခွင့်အရေးကို တည်ဆဲဥပဒေ ပါ ပြဌာန်း ချက်နှင့် အညီသာ ရခွင့် ရှိကြောင်း ပြ ဌာန်း ထားပါသည်။ မြန်မာနိုင်ငံ အတွင်းမွေးဖွါးသော ကလေးသူင ယ်များ ၏ နိုင်ငံ သားဖြစ် ခွင့် ကို ၂၀၀၈ ခု ဖွဲ့စည်းပုံအခြေခံဥပဒေနှင့် ၁၉၈၂ ခုနှစ် မြန်မာနိုင်ငံသား ဥပဒေတို့တွင် သီးခြား ပြ ဌာန်း ထားခြင်းမရှိပါ။
သို့ရာတွင်မြန်မာနိုင်ငံသားဥပဒေပုဒ်မ- ၂(စ) တွင် အတိအလင်းဖေါ်ပြထားသော နိုင်ငံသားလက်မှတ်ကို ကိုင်ဆောင်ခွင့် မရရှိစေကာမူ သုံးခေါက်ချိုးအမျိုးသားမှတ်ပုံတင် ကဒ်ပြားနှင့် နိုင်ငံသားစီစစ်ရေးကဒ်ပြား ကိုင်ဆောင်ထားသူများကို အစိုးရဌာနဆိုင်ရာများက မြန်မာနိုင်ငံသားအဖြစ် အသိအမှတ်ပြုကြပါသည်။
နိုင်ငံသား များသာ ပညာသင်ကြားခွင့် ရရှိသည့် အသက်မွေး ၀မ်းကြောင်းပညာများ၊ နိုင်ငံသားများသာ ထမ်းဆောင် ခွင့်ရှိသည့် စစ်ဘက်၊ နယ်ဘက် အရေးကြီး သည့်ဝန်ထမ်းနေရာ များတွင်နိုင်ငံသား တစ်ဦး အဖြစ် တာဝန်ထမ်း ဆောင်ခွင့်ရရှိကြပါသည်။
၁၉၈၇ ခုနှစ်၊ မရွှေ့ မပြောင်းနိုင်သော ပစ္စည်းများ လွှဲပြောင်းခြင်းကို ကန့်သတ်သည့် ဥပဒေအရ နိုင်ငံခြား သား များကဲ့သို့ ကန့်သတ်ခြင်း မခံရပဲ မရွှေ့မပြောင်းနိုင် သောပစ္စည်းများကို လွှဲပြောင်း၊ ရောင်းချ၊ ပေါင်နှံ၊ လဲလှယ်၊ ပေးကမ်း၊ အမွေ ဆက်ခံပိုင်ခွင့်၊ အကျိုးခံစားခွင့်များကို ရရှိခံစား လျှက်ရှိကြ ပါသည်။ စာချုပ် စာတမ်း မှတ်ပုံ တင် ဥပဒေ အရ လည်းမရွှေ့မပြောင်းနိုင်သော ပစ္စည်းနှင့် စပ်လျဉ်း ၍ တရားဝင် မှတ်ပုံ တင် စာချုပ်ချုပ် ဆိုခွင့် အခွင့် အရေးကို ရရှိကြပါသည်။
ကိုလိုနီခေတ် (၉၁ဌာနရွေးကောက်ပွဲ) ပါလီမန်ခေတ်၊ လမ်းစဉ်ပါတီခေတ်၊ ပါတီစုံ ဒီမိုကရေစီခေတ်၊ အဆင့်ဆင့် တို့တွင် နိုင်ငံသား များသာရွေးကောက်ခံ ရမည့် အခွင့်အ ရေးများ ကိုလည်း ရရှိခံစား လျှက်ရှိကြ ပါသည်။
ယခုအခါ ဧည့်နိုင်ငံသား၊ ပြုနိုင်ငံသား များကို ပါတီစုံ ဒီမိုကရေစီ ရွေးကောက်ပွဲ များတွင် မဲဆန္ဒပေး ပိုင်ခွင့် အခွင့်အရေး သာပေးထားပြီး ရွေးကောက် တင်မြောက်ခံပိုင်ခွင့် အခွင့်အရေးကို ကန့်သတ် ထားပါသည်။
သို့ရာတွင် တရားရုံးချုပ်၊ မန္တလေးရုံးထိုင်၏ တရားမအထူး အယူခံမှုအမှတ် (၈/၂၀၀၀) နှင့် နေပြည်တော် တရား ရုံးချုပ်၏ တရားမအထူး အယူခံမှုအမှတ် (၁၁/၂၀၀၉ ) တို့တွင် ဒုတိယ တရားသူကြီးချုပ်ပါဝင်သော သုံးပါးထိုင် တရားရုံးများက ဧည့်နိုင်ငံသားများသည် နိုင်ငံသား မဟုတ်ကြောင်း စီရင်ဆုံးဖြတ်ခဲ့ဘူး သည် လည်းရှိနေပါသည်။
မြန်မာနိုင်ငံသည် အများပြည်သူနှင့် နိုင်ငံရေးအခွင့်အရေး ဆိုင်ရာ နိုင်ငံတကာ သဘောတူ စာချုပ်ကို လက်မှတ် ရေးထိုးထားသဖြင့် ထိုစာချုပ် အပိုဒ်-၂၄(၃)အရ မြန်မာနိုင်ငံ အတွင်းမွေးဖွား လာခဲ့သော ကလေး သူ ငယ်များကို နိုင်ငံသား အခွင့်အရေးကို ထိုစာချုပ်နှင့် အညီ ပေးရမည့်အပြင် ကလေး အခွင့်အရေး ဆိုင်ရာ နိုင်ငံတကာ သဘောတူစာချုပ် အပိုဒ်-၇ (၂) အရ လည်း ကလေး သူငယ်များကို နိုင်ငံ သား ဖြစ်ခွင့် ရရှိစေရန် ဖွဲ့စည်းပုံ အခြခံဥပဒေနှင့် နိုင်ငံသား ဥပဒေတို့တွင် အတိအလင်း ထည့်သွင်းပြဌာန်း ရမည်ဖြစ် ပါသည်။
၂၀၀၈ ခုနှစ်ဖွဲ့စည်းပုံ အခြေခံ ဥပဒေနှင့် ၁၉၈၂ ခုနှစ် မြန်မာနိုင်ငံသား ဥပဒေတို့မှာ နိုင်ငံတစ်ကာ စံချိန်စံ ညွှန်းနှင့် အညီ မလွဲမသွေပြင်ဆင် ရမည့်ဥပဒေများ ဖြစ်သော်လည်း ၂၀၀၈ ခုနှစ် ဖွဲ့စည်းပုံ အခြေခံ ဥပဒေသည် လွယ်လွယ်ကူကူ ပြင်ဆင်၍ မရနိုင်အောင် ပြဌန်းထားသော ဥပဒေဖြစ်ရာ ထိုဥပဒေအစား ဖွဲ့စည်းပုံ အခြခံ ဥပဒေ အသစ်နှင့် မြန်မာနိုင်ငံသား ဥပဒေ အသစ် တို့ကိုရေး ဆွဲပြဌာန်း သင့်ပါသည်။
