ဘာသာရေး ပဋိပက္ခ တားမြစ် ထိန်းချုပ်ရေး

ဦးကျော်ဇံသာ 

ဗွီအိုအေ မြန်မာပိုင်း

9.5.2013

ဒီတပတ် မြန်မာ့ မျက်မှောက်ရေးရာ အစီအစဉ်မှာမြန်မာ နိုင်ငံမှာ ဖြစ်ပွါး ခဲ့တဲ့ ဘာသာရေး အ သွင် ဆောင် တဲ့ ပဋိပက္ခ တွေဟာ ဒီမိုကရေစီ ပွင့်လင်းမှု အစ ကနဦး ကာလ နိုင်ငံ တကာမှာ တွေ့ကြုံ ရစမြဲ ပြဿ နာတွေ ဖြစ်တယ်လို့ မြန်မာ့ အရေး ကျွမ်းကျင်သူ အမေရိကန် ပါမောက္ခ David Steinberg က ပြောဆို ပါ တယ်။ ပွင့်လင်း မှုကို တာဝန် သိမှုနဲ့ ထိန်းချုပ် သွားရမှာ ဖြစ်တယ်လို့ သူက ဆိုပါတယ်။ ဦးကျော်ဇံသာ နဲ့ Prof. David Steinberg တို့ ဆွေးနွေး သုံးသပ် ထားပါတယ်။

ဦးကျော်ဇံသာ ။ ။ Prof. Steinberg … မြန်မာ နိုင်ငံ ဒီမိုကရေစီ ပြုပြင် ပြောင်းလဲ ရေးမှာ ဘယ်လို စိန်ခေါ် မှုတွေ ရှိလာ နိုင်တာနဲ့ ပတ်သက် ပြီးတော့ ပါမောက္ခကို ကျနော် မကြာခဏ မေးမြန်း ခဲ့ပါတယ်။ ဒီလို ဘာ သာရေး အသွင်ဆောင်တဲ့ လူမှု အသိုင်း အဝိုင်း တွေကြား ဖြစ်ပွားတဲ့ ပဋိပက္ခ မျိုးကို ကျနော်တို့ တခါ မှ မပြော ခဲ့ ကြဘူး ပါဘူး။ ဒီလို ပဋိပက္ခတွေ ဖြစ်ပွား လာတာဟာ မျှော်လင့် မထားဘဲ ရုတ်တရက်ပေါ်ပေါက် လာတယ်လို့ ဆရာကြီး ထင်ပါ သလား။

Prof. David Steinberg ။ ။ ဒီလို လူ့အဖွဲ့ အစည်း လိုက် ဖြစ်ပွားတဲ့ အကြမ်း ဖက်မှုတွေ သမိုင်းမှာ ရှိခဲ့ ပါတယ်။ ကိုလိုနီ ခေတ်တုန်းက မူစလင် - ဗုဒ္ဓ ဘာသာ ပဋိပက္ခ တွေ ရှိခဲ့ပါ တယ်။ ဗြိတိသျှ တို့ စုံစမ်း စစ်ဆေး ချက်အရ တချို့ ကိစ္စ တွေမှာ ဗုဒ္ဓ ဘာသာ ဘုန်းတော် ကြီးတွေက ဦးဆောင် ခဲ့တယ် ဆိုတာ ကို တွေ့ရ ပါတယ်။ ဆိုတော့ ဒါမျိုးဟာ သမိုင်းနဲ့ချီ ရှိလာ ခဲ့တာပါ။ ထိုစဉ်တုန်းကတော့ ဒီပြဿ နာ တွေ ဟာ စီးပွားရေး အခြေ အနေ တွေကြောင့် စတင်ခဲ့တာပါ။ မူစလင်အသိုင်း အဝိုင်း ဟာ မြန် မာ တွေထက် စီး ပွားရေ အရ ပိုကောင်း နေတယ် လို့လည်း ဆိုနိုင် ပါတယ်။ ဒီနေ့ ကိစ္စ မှာတော့ နောက် ထပ် ပြဿနာ တခု ရှိနေ ပါတယ်။ အဲဒါ ကတော့ ဒီမိုကရေစီ ပြုပြင် ပြောင်းလဲ ရေးနဲ့ ပတ်သက် လာပါတယ်။ ဒီမိုကရေစီ ဆိုတာ လူတွေကို လွတ်လပ်စွာ ပြောဆိုခွင့်၊ လုပ်ဆောင်ခွင့် ပေးရ ပါတယ်။ ဒီအထဲက တချို့ ကို အစိုးရက ထိန်းချုပ် နိုင်ခြင်း မရှိဘဲ၊ ဒီလို အဓိကရုဏ်း တွေနဲ့ ဆက်စပ် နိုင်ပါတယ်။ ဥပမာပြောရရင် အစိုး ရ ဟောင်း ရဲ့ထိန်းချုပ်ပိတ်ပင်မှုတွေကိုလျှော့ပေါ့ပြီး ပြဿနာစဖြစ်နိုင်တဲ့ကိစ္စကိုဖော်ထုတ် တာတွေ၊ ဆန္ဒပြတဲ့ကိစ္စ္စတွေ ၊ ဒါတွေကို ခွင့်ပြုလာတော့ ဒါတွေဟာ ဒီမိုကရေစီနဲ့ ဆန့်ကျင်တဲ့ ကိစ္စတွေ ဖြစ် လာ စေ ပါ တယ်။

ဦးကျော်ဇံသာ ။ ။ ဆိုတော့ မြန်မာ ပြည်သူ တွေဟာ ဒီလို ထိန်းချုပ်မှု လျှော့ပေး တာနဲ့ မတန်သေး ဘူးဆို တဲ့ သဘောလား။

Prof. David Steinberg ။ ။ ထိုက်တန် ပါတယ်။ ဘာကြောင့် မထိုက်တန် ရမှာလဲ။ ဒါပေမဲ့ တခု ရှိတာ က လျှော့ပေါ့မှု ဆိုတာဟာ လွတ်လပ်စွာ ဖော်ထုတ်ခွင့် ရရှိတာ ဖြစ်သလို၊ တာဝန် ယူမှု လည်း ဖြစ်တယ် ဆိုတာပါ။ ဒီကိစ္စနဲ့ ပတ်သက်ပြီး ပြောလေ့ ရှိတဲ့ ဆိုရိုး တခု ကတော့ ခင်များမှာ လွတ်လပ်စွာ ပြောဆိုခွင့် ရှိပါတယ်။ ဒါပေမဲ့ လူတွေ ပြည့်ကျပ် နေတဲ့ ပြဇာတ်ရုံ ထဲသွား ပြီးတော့ မီးလောင် နေတယ် ဗျို့လို့ မဟုတ် ဘဲ သွားမအော် လိုက်ပါနဲ့။ လူတွေ အလု အယက် ထွက်ပြေး ကြရင် သေကုန် ကြပါ လိမ့်မယ်။ ဒါကြောင့် တာဝန် ယူမှု ရှိမှု ဆိုတာ လိုအပ် လာပါတယ်။ သတင်းစာ တချို့က ဖော်ပြတဲ့ လူတချို့ရဲ့ ပြော စကား တွေ ဟာ ရုန်းရင်း ဆန်ခတ် ဖြစ်စေ နိုင်တာကို ကျနော်တို့ တွေ့ရ ပါတယ်။ မြန်မာ့ လူ့အသိုင်း အဝိုင်းမှာ မူစလင် တို့အပေါ် အမြင် စောင်းနေ တာကိုလည်း ကံမကောင်း၊ အကြောင်း မလှစွာ တွေ့နေ ရပါတယ်။ လွန်ခဲ့ တဲ့ နှစ် ရာကျော်က အဖြစ်မျိုး ဖြစ်နေ ပါတယ်။ ဒါတွေဟာ ဒီမိုကရေစီ ထွန်းကား ရေးအတွက် သိပ်အန္တ ရာယ် များပါတယ်။ ဒါကြောင့် အစိုးရ အနေနဲ့ ဒီကိစ္စ မျိုးကို ထိထိ ရောက်ရောက် တန်ပြန် ဆောင်ရွက် သင့်ပါတယ်။ ရေရှည် အနေနဲ့ စာသင်ကျောင်း၊ ပညာရေး စနစ် တွေကို ပြုပြင် သင့်ပါတယ်။ ရေတို အနေနဲ့ မူစလင် တွေကို အရပ်ဖက်၊ စစ်ဖက် တွေမှာ ထိုက်တန်တဲ့ ရာထူး တာဝန် ပေးသင့် ပါတယ်။ ကျနော် သိသလောက် စစ်တပ် ရာထူး ကြီးကြီး တွေမှာ မူစလင်တွေ မရှိပါဘူး။ အရပ်ဖက် ရာထူး ကြီးကြီး မှာလည်း မရှိ ကြပါဘူး။ ဟို အရပ်သား အစိုးရ လက်ထက်တုန်း ကတော့ ရှိခဲ့ ပါတယ်။

ဦးကျော်ဇံသာ ။ ။ ကျနော်လည်း ဟိုခေတ်ကို ပြန်ပြီး မေးချင်တာ အဆင် သင့်ပါ။ လွတ်လပ်ပြီး မြန်မာ နိုင် ငံရဲ့ လွတ်လပ်ရေး ခေတ်ဦး ကာလမှာ တုန်း ကတော့ တိုင်းပြည် မှာ သဘောထား ကျယ်ပြန့် ခဲ့တယ်လို့ ဆိုရ လိမ့်မယ်။ ဘာသာ ပေါင်းစုံ၊ လူ့အဖွဲ့ အစည်း ပေါင်းစုံကို လွတ်လွတ် လပ်လပ် ပါဝင် ဆောင်ရွက် ခွင့်၊ နိုင်ငံရေး မှာလည်း ပါဝင် ခွင့်တွေကို တွေ့ရ ပါတယ်။

Prof. David Steinberg ။ ။ ဟုတ်ပါ တယ်။ ပြည်ထောင်စု မြန်မာ နိုင်ငံ သဘောက တိုင်းရင်း သားမခွဲ၊ ဘာသာရေးမခွဲဘဲ လူမှုရေး အရ ဘဝ အခြေ အနေ တိုးတက်ခွင့်ရရှိ စေရမှာ ဖြစ်ပါတယ်။ အခု လောလော ဆယ် မှာ အဲဒီလို မဖြစ် ပါဘူး။ လူမှု ဘဝ တိုးတက် ရေး လမ်းကြောင်း ဟူသမျှကို စစ်တပ်က ချုပ်ကိုင် လာခဲ့တာ ၁၉၆၂ ခုနှစ် ကတည်းက ဖြစ်ပါတယ်။ ၁၉၄၈ ခုနှစ် ကနေ ၁၉၆၂ ခုနှစ် အထိ ဆိုရင် လူမျိုး ဘာသာ မရွေး တိုးတက်ရေး အခွင့် အရေးတွေ ရှိခဲ့ ပါတယ်။ အဲဒီလို ပြန်ဖွင့် ပေးသင့် ပါတယ်။ ဒါကို အစော တလင် လုပ်ရ ပါလိမ့် မယ်။

ဦးကျော်ဇံသာ ။ ။ ဒါကတော့ အာဏာ ပိုင်တွေက အပေါ် ကနေပြီး ဖိနှိပ်တဲ့ သဘောပေ့ါ။ ပြည်သူ လူထု အကြား အချင်းချင်း ဆက်ဆံ ရေးကြတော့၊ ခွဲခြား ဆက်ဆံ မှုတွေ ရှိနေတာကို တွေ့ရ ပါသလား။

Prof. David Steinberg ။ ။ သေချာ ပါတယ်။ ရိုဟင်ဂျာ တွေအပေါ် ခွဲခြား ကြပါတယ်။ ဒါကတော့ ရှင်း ပါတယ်။ သူတို့ကို အကြီး အကျယ် ခွဲခြား ဆက်ဆံ ပါတယ်။ သူတို့ကို မြန်မာ လို့ မသတ်မှတ် ကြပါဘူး။ ဘင်္ဂလီလို့ သတ်မှတ် ကြပါတယ်။ အင်မတန် liberal ဖြစ်တဲ့ ကျနော့်ရဲ့ ဗမာ မိတ်ဆွေ တောင်မှ ရိုဟင် ဂျာ တွေကို ခွဲခြား ပြောဆို ကြပါတယ်။ ဒါကတော့ အဆိုးဆုံး ကိစ္စပါ။ ကျန်မြန်မာ နိုင်ငံ အနှံ့က မူစ လင် တွေကြတော့ သူတို့ဟာ ကုန်သည်တွေ၊ တချို့လည်း ငွေကြေး တတ်နိုင် ကြသူတွေ ဖြစ်ပါတယ်။ သူ တို့ ကို ကြတော့ သူတို့ဟာ မြန်မာ အမျိုး သမီး တွေကို မူစလင် ဇာတ်သွင်းဖို့ ကြိုးစား နေကြ တယ်လို့ လွှဲမှားစွာ စွပ်စွဲ နေကြ တယ်လို့ ကျနော် ထင်ပါတယ်။ သူတို့ စွပ်စွဲချက် မှန်တယ်လို့ ကျနော် မထင် ပါဘူး။

ဦးကျော်ဇံသာ ။ ။ ဒီလို ပြဿနာ ဟာ မြန်မာ တနိုင်ငံ ထဲမှာ ရှိတယ်လို့ ဆိုလို့ ရမလား။ ကျန်တဲ့ နိုင်ငံ တွေ ဥရောပ မှာလည်း ဒီလို ဘာသာ ရေးနဲ့ ပတ်သက်တဲ့ အဓိကရုဏ်း တွေ၊ ခွဲခြား ဆက်ဆံ မှုတွေ ရှိနေ တယ် ဆို တာကို ကြားနေ ရပါတယ်။

Prof. David Steinberg ။ ။ မှန်ပါ တယ်။ ခင်များ ပြောတာ လုံးဝမှန်ပါတယ်။ ဒီလို ခွဲခြား မှုတွေ အ များကြီး ရှိနေ ပါတယ်။ တချို့ အမေရိကန် ပြည်ထောင်စု မှာလည်း ရှိပါတယ်။ ဥရောပမှာ ပိုဆိုး ပါတယ်။ ဘာကြောင့်လဲ ဆိုတော့ အဲဒီမှာ အာဖရိက မြောက်ပိုင်းနဲ့ အရှေ့ အလယ် ပိုင်းက အလုပ် သမားတွေ သူတို့ ဆီမှာ အများ အပြားဝင်လာကြပါတယ်။ လူမှုအဖွဲ့ အစည်းတွေကြားမှာ စီးပွားရေး ပြဿ နာတွေ ပေါ်ပေါက် လာစေ ပါတယ်။ ဆိုတော့ ဟုတ်ပါတယ်။ ဒီလို ပြင်းထန်တဲ့ ခွဲခြား ဆက်ဆံ မှုတွေ ရှိနေ ပါတယ်။ ဒါတွေကို ရင်ဆိုင် ရမှာ ဖြစ်ပါတယ်။ ဒီနေရာမှာ အစိုးရရဲ့ အခန်း ကဏ္ဍဟာ သိပ် အရေးကြီး ပါတယ်။ လူတွေကို ကြမ်းကြမ်း တမ်းတမ်း နှိပ်ကွပ်ဖို့ မဟုတ် ပါဘူး။ လူတွေရဲ့ သဘော ထားအမြင် တွေ ကို ပြောင်းလဲ ပေး ဖို့ ဖြစ်ပါတယ်။ ပြီးတော့ အဓိကရုဏ်းတွေ ပျံ့နှံ့ မသွားရ လေအောင် စစ်တပ်ကို သုံးရပါ လိမ့်မယ်။ ရဲတပ် ဖွဲ့ လောက်နဲ့ မလုံလောက် ပါဘူး။ စစ်တပ်မှာ အောက်ခြေ အဆင့် အထိ ဒီ တာဝန် တွေအတွက် လိုအပ် တဲ့ လေ့ကျင့် သင်တန်း ပေးထား တာတွေ ရှိရဲ့ လားဆိုတာ ကို ကျနော် သံသယ ဖြစ်မိ ပါတယ်။ ဒီလို လူစု လူဝေးနဲ့ အဓိကရုဏ်း ကိုင်တွယ် ဖြေရှင်းရေး အတွက် အောက်ခြေ စစ်တပ် တွေကို ထိထိ ရောက်ရောက် သင်ပေး ထားဖို့လည်း သိပ် အရေးကြီး ပါတယ်။ 

ဦးကျော်ဇံသာ ။ ။ ဒီ အကြမ်း ဖက်မှုတွေ၊ ပဋိပက္ခ တွေက မြန်မာ နိုင်ငံ ဒီမိုကရေစီ ပြုပြင် ပြောင်းလဲရေး အတွက် ဘယ်လောက် ပြင်းပြင်း ထန်ထန် ထိခိုက် စေတယ်လို့ ထင်ပါ သလဲ။

Prof. David Steinberg ။ ။ ပြင်းပြင်း ထန်ထန် ထိခိုက်စေ ပါတယ်။ ဒီ ပဋိပက္ခ တွေဟာ မြန်မာ ပြည်မ ကြီးရဲ့ အချက် အခြာ နေရာ တွေအထိ ပျံ့နှံ့ သွားမယ် ဆိုရင် ပြုပြင် ပြောင်းလဲရေး ဖြစ်စဉ် တခု လုံးကို ကမောက် က မ ဖြစ်သွား စေနိုင် ပါတယ်။ ဒါဟာ တကယ့်ကို ပြင်းထန်တဲ့ ကိစ္စပါ။ ဒါကြောင့် ဒီလို ဖြစ်မ သွား ရလေအောင် အစိုးရ အနေနဲ့ လုပ်ဆောင် ရပါ လိမ့်မယ်။ ဒီ ကိစ္စ တွေမှာ သံဃာတွေ မပါဝင်၊ မပတ် သက်အောင် ကြပ် မတ် ပေးဖို့ သံဃာ နာယက ဆရာတော် တွေကို လျှောက်ထား ကြရ ပါလိမ့်မယ်။ ပြီးတော့ ဒီ ပဋိပက္ခ တွေဟာ မြန်မာ နိုင်ငံ အတွက် အကျိုး ဆုတ်ယုတ် စေမယ့် ကိစ္စ ဖြစ်တယ် ဆိုတာ လူထု နားလည် သဘော ပေါက်လာအောင် အသိ ပညာ ပေးမှုတွေ အဆင့်ဆင့် ကိုလည်း လုပ်ရ ပါလိမ့် မယ်။ 

ဦးကျော်ဇံသာ ။ ။ ဟုတ်ပါတယ်။ ဆရာကြီး ပြောသလိုပဲ အခု မိတ္ထီလာ ဆိုတာ မြန်မာ ပြည် အလယ်ပိုင်း အချက် အခြာ နေရာ လို့ဆိုရင် မှားမယ် မဟုတ် ပါဘူး။ ဒါပေမဲ့ ဒီလို မိတ္ထီလာလို နေရာ မျိုးမှာ ကြတော့ ဗုဒ္ဓ ဘာသာဝင် အသိုင်း အဝိုင်းနဲ့ မူစလင် အသိုင်းအဝိုင်းတို့ဟာ နှစ်ပေါင်း များစွာ အတူယှဉ်တွဲ ပြီးတော့ နေ လာ ကြတယ် ဆိုတာကို တွေ့ရ ပါတယ်။ အဲဒီ လိုလည်း ပြောကြ ပါတယ်။ ဆိုတော့ အခု ဖြစ် လာ တဲ့ ကိစ္စမှာ ကြတော့ ဘေးပတ်ဝန်း ကျင်က မလိုလား အပ်တဲ့ အမှောင့် ပယော ဂတွေ၊ သွေး ထိုး လှုံဆော် မှု တွေကြောင့် ဖြစ်တယ်လို့ ပြောဆို နေကြ ပါတယ်။ အဲဒါကို ဘယ်လို သုံးသပ် မိပါသလဲ။

Prof. David Steinberg ။ ။ ဒီလို တမင် ကြံစည် မှုတွေ ရှိတယ် ဆိုတဲ့ ယူဆချက် conspiratorial theory တွေက အမြဲတမ်း ရှိနေ တတ်ပါတယ်။ တကယ့်လက်တွေ့မှာ ဟုတ်တယ်၊ မဟုတ်ဘူး ဆိုတာတော့ ဝါရှင်တန်မှာ ရှိနေတဲ့ ကျနော့် အနေနဲ့ တပ်အပ် မသိပါဘူး။ ဒါပေမဲ့ ဒီလို သွေးထိုး လှုံဆော် မှုမျိုး မဖြစ်ကြ ရလေအောင် သတိထား ကြရ မှာပါ။ ဒီကိစ္စမှာ ကျနော်ကတော့ ဒေသ အတွင်း လူ့အဖွဲ့ အ စည်း တွေကြား မှာ ပဋိပက္ခ စတင် နိုင်တဲ့ ပြဿနာ တွေ၊ မလို မုန်းတီး မှုတွေ ရှိနေ တယ်လို့ ထင်ပါတယ်။ ဒါကြောင့် အစိုး ရဟာ လူ့ အဖွဲ့ အစည်း ခေါင်းဆောင် တွေကို ခေါ်ပြီးတော့ သူတို့ အချင်းချင်း ထိန်း ကြဖို့ကို ပြောကြ ရပါ လိမ့်မယ်။ ဒါမှ မဟုတ်ရင်တော့ တိုင်းပြည်အတွက် အန္တရာယ်ရှိတယ် ဆိုတာကို နားလည် အောင် ပြော ရ ပါလိမ့် မယ်။

ဦးကျော်ဇံသာ ။ ။ ဒီ ကိစ္စမှာ အစိုးရရဲ့ ကိုင်တွယ် နေပုံနဲ့ ပတ်သက်လို့ ဘယ်လို သဘော ရပါ သလဲ။ နိုင်ငံ တကာက လက်ခံ နိုင်တဲ့ ကိုင်တွယ် မှုမျိုးလို့ ယူဆ ပါသလား။

Prof. David Steinberg ။ ။ အဓိက ရုဏ်းတွေ၊ လုယက် မှုတွေ ဖြစ်လာရင် ဘယ်အစိုးရ တွေရဲ့ ကိုင်တွယ် မှုကိုမဆို နိုင်ငံ တကာက ဝေဖန် ကြပါမယ်။ အစိုးရ တွေနဲ့ အနေနဲ့ ကောင်းကောင်း မွန်မွန် ကိုင်တွယ် နိုင် တဲ့ အနေ အထားမှာ မရှိကြ ပါဘူး။ ဆိုတော့ မြန်မာ အစိုးရ လည်း ဝေဖန် ခံရမှာပါ။ ဒါပေမဲ့ အခု ကိစ္စမှာ ကျနော် ကြားရ သလောက် ပြောရ ရင်တော့ ရဲက ဘာမှ မလုပ်ဘူး၊ ရဲက ဘာမှ မလုပ်ဘူး။ စစ်တပ် ဝင်လာတော့ အခြေ အနေ သက်သာ လာတယ်လို့ သိရ ပါတယ်။ ဒါမျိုးကို ခြောက်ပြစ်ကင်း သဲလဲ စင် ဖြစ်အောင် ဘယ် အစိုးရ ကမှ ကိုင်တွယ် နိုင်မှာ မဟုတ် ပါဘူး။ ကျနော့် သဘော ကတော့ ဒီပြဿနာ ဟာ ဘယ်လောက် အကဲ ဆတ်တယ်။ သမိုင်း နဲ့ချီပြီး အမြစ် တွယ်လာတဲ့ ပြဿနာ ဆိုတာကို နိုင်ငံ တ ကာက နားလည် သဘော ပေါက်ကြ စေချင် ပါတယ်။ ဒါကြောင့် ဒီမိုကရေစီ ဖော်ဆောင်ရေး အတွက် တဆင့်ပြီး တဆင့် အကူ အညီ ပေးကြ ဖို့နဲ့ တချိန် တည်းမှာ ပြည်သူ အားလုံး လုံခြုံမှု ရှိအောင် ဆောင် ရွက်ဖို့ ပံ့ပိုး ကြစေ ချင်ပါတယ်။

ဦးကျော်ဇံသာ ။ ။ ကျနော် တခု မေးစရာ ကျန်ပါ သေးတယ်။ ဗိုလ်ချုပ် နေဝင်း လက်ထက် တုန်းက အဲဒီ နှစ်တွေမှာ ဒီလို ပြဿနာ မျိုး လုံးဝ မရှိခဲ့ ပါဘူး။ ဒါကတော့ နှစ်ဖက် စလုံးကို မလှုပ် မရှား နိုင်အောင် ဖိနှိပ် ထားတယ် ဆိုတာ တော့ သေချာ ပါတယ်။ ဒါပေမဲ့ တည်ငြိမ်မှု ကြတော့ အဲဒီ ခေတ်က ပိုပြီး သာတယ်လို့ ဆိုရ မလား။

Prof. David Steinberg ။ ။ ဒါပေမဲ့ အဲဒီ ပုံစံ မျိုးဟာ ဘယ် အတွက်မှ နမူနာ ယူရမယ့် ပုံစံ မဟုတ် ဘူးလို့ ကျနော် ပြောရ ပါလိမ့်မယ်။ မှန်ပါတယ် … ကမ္ဘာ ပေါ်မှာ ဘယ်နိုင်ငံ မဆို အာဏာရှင် စနစ်က ရုန်းထွက် ပွင့်လင်း လာပြီ ဆိုရင် အသေးစား အဓိက ရုဏ်းတွေ၊ ရာဇ ဝတ်မှု ထူပြော လာတာ တွေကို ပိုတွေ့ လာရ တာ မကြာ ခဏပါ။ မြန်မာ တနိုင်ငံ တည်းမှာတော့ ဖြစ်တာ မဟုတ် ပါဘူး။ ဒါတွေကို ကိုင်တွယ် ဖြေ ရှင်း ရမှာပါ။

ဦးကျော်ဇံသာ ။ ။ နောက်ဆုံး မေးချင်တဲ့ မေးခွန်း ကတော့ အခု မြန်မာ နိုင်ငံမှာ ဖြစ်နေတဲ့ ဒီလို ပဋိပ က္ခ တွေ အဓိက ရုဏ်းတွေဟာ ဘယ်ပုံ ဘယ်နည်းနဲ့ အဆုံးသတ် ပြေလည် သွားမယ်လို့ ယူဆ ပါသ လဲ။

Prof. David Steinberg ။ ။ ဒါဟာ နှေးနှေး ကွေးကွေး သွား ရမယ့် ဖြစ်စဉ် တရပ်ပါ။ ပထမ အနေနဲ့ ကတော့ အဓိကရုဏ်း မဖြစ် ပေါ်အောင် ထိန်းသိမ်း ထားရမယ်။ ဒါဟာ သိပ်အရေး ကြီးပါတယ်။ တခု ဖြစ် ရင် တနေရာ မှာဖြစ်ရင် နောက်ထပ် ကူးစက် ဖြစ်ပွား မှုတွေ ရှိလာ နိုင်ပါတယ်။ အကြမ်းဖက် သံသရာ က ဆုံးတော့မှာ မဟုတ် ပါဘူး။ သူဖက် ကစတာ၊ ငါဖက်က စတာနဲ့ အပြန် အလှန် တုံ့ပြန် လက်စား ချေနေ ကြလို့ ဆုံးမှာ မဟုတ် ပါဘူး။ ဒါကြောင့် စမ ဖြစ်အောင် ထိန်းထား ရပါ လိမ့်မယ်။ ပြီးတော့ ပညာ ပေးမှု၊ လူမှုရေး တန်တူ တိုးတက်ခွင့်၊ မခွဲမခြား ဆက်ဆံမှု၊ ပြန်လည် တည်ဆောက်မှု စတာ တွေကို အဆင့် ဆင့် ဆောင်ရွက် သွားရမှာ ဖြစ် ပါတယ်။