မြန်မာနိုင်ငံ အတွက် အထောက်အကူ တိုးပေးဖို့ ICRC တောင်းဆို

မြန်မာ နိုင်ငံတွင်း လူသားချင်း စာနာမှု ဆိုင်ရာ အကူအညီ ပေးရေး လုပ်ငန်းတွေ အတွက် နောက်ထပ် ရန် ပုံငွေ အမေရိကန် ဒေါ်လာ ၉ သန်းနီးပါး လှူဒါန်းကြဖို့ အပြည်ပြည် ဆိုင်ရာ ကြက်ခြေနီ အဖွဲ့ ICRC က အလှူရှင် တွေကို ပန်ကြား လိုက်ပါတယ်။

ဒီရန်ပုံငွေ တွေကို ရခိုင်၊ ကချင်နဲ့ ရှမ်းပြည်နယ် တွေက ဘေးဒုက္ခသင့် သူတွေနဲ့ အကျဉ်းထောင် အခြေ အနေ တိုးတက်စေရေး ဆိုင်ရာ လုပ်ငန်းတွေ အတွက် အသုံးပြု သွားမယ်လို့ ဆွစ်ဇာလန် နိုင်ငံ၊ ဂျနီဗာမြို့ အခြေစိုက် ICRC တာဝန်ရှိသူ တစ်ဦးက ဗွီအိုအေကို ပြောပါတယ်။ အပြည့် အစုံကို ရန်ကုန်မြို့ကနေ ကိုကျော်ကျော်သိန်းက သတင်း ပေးပို့ ထားပါတယ်။

မြန်မာ နိုင်ငံတွင်း အကျဉ်းထောင် တွေရဲ့ အခြေအနေ တိုးတက် စေဖို့၊ လက်နက်ကိုင် ပဋိပက္ခနဲ့ တခြား အကြမ်းဖက် မှုတွေကြောင့် ဘေးဒဏ် သင့်ရသူ တွေကို အကူ အညီ ပေးဖို့ စတဲ့ လုပ်ငန်း တွေကို တိုးချဲ့ လုပ်ဆောင် နေတယ်လို့ ဇူလိုင်လ ၈ ရက် နေ့စွဲနဲ့ ICRC ရဲ့ ထုတ်ပြန် ချက်ထဲမှာ ဖော်ပြ ထားပါတယ်။

အထူး သဖြင့် ကတော့ ရာပေါင်း များစွာ သောလူတွေ သေဆုံး ဒဏ်ရာ ရခဲ့ကြ၊ လူပေါင်း များစွာ အဖမ်းခံ ခဲ့ကြရ၊ နေအိမ် ပေါင်းများစွာ အဖျက်စီး ခံခဲ့ရပြီး မရှိမဖြစ် လိုအပ်ချက် တွေကို ရဖို့ ရုန်းကန် နေရတဲ့ ရခိုင် ပြည်နယ်က အခြေ အနေ တွေကို ထောက်ပြ ပြီးတော့ ရန်ပုံငွေ ထပ်ပြီး လှူဒါန်း ကြဖို့ ICRC က အလှူရှင် တွေကို ပန်ကြား လိုက်တာပါ။

"မြန်မာ နိုင်ငံက လူသားချင်း စာနာမှု ဆိုင်ရာ ကျနော် တို့ရဲ့ လုပ်ငန်း တွေအတွက် နောက်ထပ် ရန်ပုံငွေ အမေရိကန် ဒေါ်လာ ၈.၈၂ သန်း လှူဒါန်း ကြဖို့ ကျနော်တို့ ပန်ကြား ထားပါတယ်။ အဲ့ဒါ ဆိုရင် ၂၀၁၃ ခုနှစ် အတွက် ကျနော် တို့ရဲ့ စုစုပေါင်း ရန်ပုံငွေဟာ အမေရိကန် ဒေါ်လာ ၁၆.၄ သန်း ဖြစ်ပါ လိမ့်မယ်။"

ဂျနီဗာ အခြေစိုက် ICRC အဖွဲ့ရဲ့ အများ ပြည်သူ ဆက်ဆံရေး ဆိုင်ရာ အရာရှိ အီဝန်န် ၀တ်တ်ဆင်န် (Ewan Watson) ပြောသွား တာပါ။

အဲဒီ ရန်ပုံငွေ တွေကို ကချင် ပြည်နယ်နဲ့ ရှမ်းပြည်နယ်က ဘေးဒဏ် သင့်သူတွေ၊ အကျဉ်းထောင် တွေရဲ့ အခြေ အနေ တိုးတက် လာစေရေး ထောင်တွေဆီ သွားရောက် ကြည့်ရှုပြီး ရေနဲ့ တခြား လိုအပ် တာ တွေ အတွက် လုပ်ဆောင် ပေးဖို့ တွေအပြင် အကူ အညီတွေ အဓိက လိုအပ် နေတဲ့ ရခိုင် ပြည်နယ် အ တွက် အသုံးပြု သွားမှာ ဖြစ်ပါ တယ်လို့ မစ္စတာ ၀တ်တ်ဆင်န်က ပြောပါတယ်။

"ရခိုင်ပြည်နယ်မှာအဓိကလိုအပ်ချက်တွေရှိနေပါတယ်။လူအများအပြားအတွက်ကျန်း မာရေး စောင့်ရှောက် မှု ပိုင်းမှာ ပြတ်လပ် မှုတွေ ကြုံနေ ရပါတယ်။ လူတွေဟာ သူတို့ လိုအပ် နေတဲ့ ကု သမှု တွေ ကို ခံယူဖို့ အတွက် ဆေးရုံတွေ၊ ဆေးခန်း တွေဆီ မသွား နိုင်ဘဲ ဖြစ်နေ ကြပါတယ်။ ဒါကြောင့်လည်း အဲ့ဒီမှာ အရေး ကြီးတဲ့ လိုအပ်ချက် တချို့ကို ကျနော်တို့ တွေ့နေ ရတာပါ။"

ရခိုင် ပြည်နယ်က လူပေါင်း ၁ သောင်းခွဲ ကျော်အနေနဲ့ အသက်မွေး ၀မ်းကျောင်း လုပ်ငန်းနဲ့ ၀င်ငွေ ပြန် ရစေဖို့ အကူ အညီ ပေးရေး ICRC က စီစဉ်ထား ပါတယ်လို့ ICRC ရဲ့ အရှေ့ အာရှ၊ အရှေ့ တောင် အာရှနဲ့ပစိဖိတ်ဒေသများအတွက်လုပ်ငန်း အကြီး အကဲ အာလိန်းန် အက်ရှလီမန်းန် (Alain Aeschlimann) က ပြောပါတယ်။

ICRC အဖွဲ့ဟာ ဒီနှစ် အစောပိုင်း ကစပြီး အကျဉ်းထောင် တွေဆီ ၀င်ရောက် ကြည့်ရှုခွင့် ပြန်ရ ခဲ့တာပါ။ အဲ ဒီလို သွားရောက်ချိန် တွေအတွင်း အကျဉ်း ကျနေသူတွေရဲ့ အခြေအနေဘယ်လို ရှိနေတယ် ဆို တာကို သိ ရဖို့ ထောင်တွင်း လှည့်လည် ကြည့်ရှု တာတွေ၊ အကျဉ်းကျ နေသူတွေနဲ့ သီးခြား တွေ့ ဆုံ မေးမြန်း တာတွေ လုပ်ပြီး တဲ့နောက် အဲဒါတွေ အပေါ် အခြေခံပြီး တာဝန် ရှိသူ တွေ နဲ့ ဆွေးနွေး တာတွေ လုပ်ခဲ့ တယ်လို့ မစ္စတာ ၀တ်တ်ဆင်န် က ပြော ပါတယ်။

"ရှေ့ဆက်ပြီး အခိုင်အမာ လုပ်ဆောင် ဖို့ရာ တွေကို ကြည့်ရှုပြီး အခြေ အနေ တိုးတက် အောင်လုပ်ဖို့ သူ တို့နဲ့ ကျနော်တို့ ဆွေးနွေး ပါတယ်။ အကျဉ်း သားတွေ အတွက် သန့်စင်ခန်း လိုမျိုး နေရာ တွေ ကို ကောင်း မွန်အောင် လုပ်ပေးပြီး အကျဉ်း ထောင်တွင်း အခြေ အနေ ပိုကောင်း လာစေ ဖို့ပါ။ ဒါ့အပြင် အကျဉ်း သား တွေအတွက် ကျန်းမာရေး စောင့်ရှောက်မှု ပေးဖို့ နည်းလမ်း တွေကိုလည်း ကျနော်တို့ ရှာဖွေ နေ ပါတယ်။ ဒါဟာ ကျနော်တို့ အရှိန် တိုးမြှင့်ပြီး လုပ်ဆောင် သွားဖို့ မျှော်လင့် ထားတာ တွေပါ။"

အကျဉ်း ထောင်တွင်း နေထိုင်မှု အခြေ အနေ တိုးတက် လာအောင် လုပ်ဆောင်ဖို့ တာဝန် ရှိသူ တွေကို ICRC က ပေးခဲ့တဲ့ အကူ အညီတွေကြောင့် အကျဉ်းသား ၁ သောင်း ၄ ထောင် ရှိနေတဲ့ အ ကျဉ်း ထောင် လေးခုက ရေနဲ့ သန့်ရှင်း ရေးဆိုင်ရာ အခြေ အနေတွေ တိုးတက်အောင် လုပ်နိုင် ခဲ့တယ် လို့ ICRC က ပြောပါတယ်။ 

မြန်မာ နိုင်ငံ မြောက်ပိုင်း ကချင် ပြည်နယ်က ပဋိပက္ခ ဖြစ်နေတဲ့ ဒေသ တွေဆီ ပြီးခဲ့တဲ့ ဖေဖော် ၀ါရီလမှာ ကနဦး သွားရောက် ခဲ့ပြီး ကချင် လွတ်မြောက်ရေး တပ်ဖွဲ့ KIA နဲ့ အစိုးရ ထိန်းချုပ် ထားတဲ့ ဒေသ တွေမှာ ရှိတဲ့ ဆေးရုံ ၃ ခု အတွက် မရှိမဖြစ် လိုအပ်တဲ့ ဆေးဘက် ဆိုင်ရာ ပစ္စည်း ကိရိယာတွေ ပေးအပ် ခဲ့တယ် လို့လည်း ICRC က ပြော ပါတယ်။