BROUK မှ အမေရိကန် အစိုးရ တာဝန်ရှိသူများနှင့် တွေ့ဆုံ
RB News
6.10.2014
သမ္မတ အိုဘားမား၏ မြန်မာပြည် ခရီးအကြို မြန်မာ ရိုဟင်ဂျာများ အသင်း၊ ယူကေ (BROUK) မှ ရိုဟင်ဂျာများ၏ ၀မ်းနည်း ကြေကွဲဖွယ်ရာ အခြေအနေ များကို တင်ပြပြီး အမေရိကန် အစိုးရအား ထိရောက်သော အရေးယူမှုများ ပြုလုပ်ရန် တိုက်တွန်း
မြန်မာ ရိုဟင်ဂျာများ အသင်း (ယူကေ) ၏ ဥက္ကဌ ဦးထွန်းခင်သည် အမေရိကန် ပြည်ထောင်စု ၀ါရှင်တန်ဒီစီနှင့် နယူးယောက်မြို့များရှိ အမေရိကန် အစိုးရ အဆင့်မြင့် အရာရှိများနှင့် တွေ့ဆုံပြီး ရိုဟင်ဂျာများ၏ တွေ့ကြုံနေရသည့် အဆိုးရွားဆုံး အခြေအနေ များကို ရှင်းလင်း တင်ပြခဲ့သည်။ ၀ါရှင်တန်ဒီစီမြို့တွင် အမေရိကန် အထက်လွှတ်တော် နိုင်ငံခြားရေးရာ ကော်မီတီနှင့် တွေ့ဆုံ၍ မြန်မာအစိုးရက ရိုဟင်ဂျာများအား အတင်းအဓမ္မ ဘင်္ဂလီများ အဖြစ် လက်ခံရန် ဖိအားပေးနေခြင်း၊ လွန်ခဲ့သည့် ဖေဖော်ဝါရီလမှ စတင်၍ နယ်စည်းမခြား ဆရာဝန်များ အဖွဲ့ကို ဆေးကုသခွင့်များ ရပ်ဆိုင်းပြီး ရခိုင်ပြည်နယ်တွင်းမှ နှင်ထုတ်ခြင်း၊ ရိုဟင်ဂျာများအား စီမံကိန်း အသစ်ဖြင့် ပြုနိုင်ငံသား အဆင့် ပြုလုပ်ပြီး ဒုက္ခသည် စခန်းများသို့ ပို့ရန် စနစ်တကျ ဆောင်ရွက်နေခြင်းများကို ရှင်းလင်း တင်ပြခဲ့ကြောင်း BROUK ဥက္ကဌ ဦးထွန်းခင်က RB News သို့ပြောပါသည်။
ဦးထွန်းခင်က အမေရိကန် နိုင်ငံခြားရေး ၀န်ကြီးဌာန နိုင်ငံခြားရေးရာ ဌာနနှင့် အစည်းအဝေးတွင် သမ္မတ အိုဘားမားအား “ရိုဟင်ဂျာ” အသုံးအနှုန်းကို ဆက်လက် ခေါ်ဝေါ်သုံးစွဲရန်နှင့် အမေရိကန် အစိုးရ အနေဖြင့် မြန်မာ အစိုးရကို လမ်းပြမြေပုံ သတ်မှတ် ပေးပြီး ရိုဟင်ဂျာများအား ဖိနှိပ်နေမှုများကို ရပ်တန့်ပေးရန် တိုက်တွန်းခဲ့သည်။ ထို့အပြင် အမေရိကန် အစိုးရ အနေနှင့် ဘင်္ဂလားဒေ့ရှ်၊ မလေးရှား၊ အိန္ဒိယ၊ ထိုင်း၊ အင်ဒိုနီးရှား နိုင်ငံများရှိ ရိုဟင်ဂျာ ဒုက္ခသည်များကို မိမိတို့၏ မူရင်း ဌာနေတွင် အမြန်ဆုံး ပြန်လည် နေရာချထားနိုင်ရန် အတွက် ကူညီဆောင်ရွက် ပေးရန် မေတ္တာရပ်ခံ ခဲ့ကြောင်း သိရှိရပါသည်။
National Endowment for Democracy မှ ကြီးမှူး၍ ကျင်းပသော အစည်းအဝေးတွင် အမေရိကန် အစိုးရ အနေဖြင့် မြန်မာအစိုးရနှင့် ဆက်ဆံရာတွင် ပြုပြင်ပြောင်းလဲမှုများ ရိုဟင်ဂျာများ အပေါ် လုံးဝ အကျိုးသက်ရောက်မှု မရှိသည့်အတွက် ပူးတွဲ စစ်ရေး လေ့ကျင့်မှုများ မပြုလုပ်ရန် လိုအပ်ကြောင်း ပြေကြားခဲ့သည်။ အဆိုပါ အစည်းအဝေးတွင် ၀ါရှင်တန်ဒီစီမှ အစိုးရမဟုတ်သော အဖွဲ့အစည်းများ၊ အာရှ ပစိဖိတ်နှင့် ပတ်သက်သော ဌာနဆိုင်ရာများမှ ကိုယ်စားလှယ်များ တက်ရောက်၍ ဆွေးနွေးခဲ့ကြသည်။
ဦးထွန်းခင်သည် အမေရိကန် လက်ထောက် နိုင်ငံခြားရေး ၀န်ကြီး Mr Tom Malinowski နှင့် နယူးယောက်မြို့တွင် တစ်နာရီကျော် တွေ့ဆုံ ဆွေးနွေးခဲ့သည်။ Mr Malinowski နှင့် တွေ့ဆုံ ဆွေးနွေးပွဲတွင် လက်ရှိ အစိုးရ အကောင်အထည် ဖော်နေသည့် ၁၉၈၂ ခုနှစ် နိုင်ငံသား ဥပဒေသည် ရိုဟင်ဂျာများအား ဒုက္ခသည် စခန်းသို့ တရားဝင် ပို့ရန် စီမံထားသော စီမံကိန်း ဖြစ်ကြောင်း၊ လက်ရှိ အစိုးရ စီမံကိန်းသည် ရိုဟင်ဂျာများအား ခိုးဝင် ဘင်္ဂလီများ အဖြစ် တရားဝင် ပြုလုပ် ထားသော စနစ်တကျ အကွက်ဆင်မှု ဖြစ်ကြောင်း၊ အမေရိကန် အစိုးရနှင့် မြန်မာအစိုးရတို့ ဆက်ဆံရာတွင် ရိုဟင်ဂျာ ၂ သိန်းခန့်ကို ဒုက္ခသည် စခန်းများတွင် အစာရေစာ ဖြတ်တောက်ပြီး လူမျိုးတုန်း သတ်ဖြတ်မှု စီမံကိန်း အကောင်အထည် ဖော်နေမှုကို အမြန်ဆုံး ရပ်တန့်ပေးရန် လိုအပ်ကြောင်း၊ သမ္မတ အိုဘားမား ခရီးစဉ် အတွင်းတွင် ရိုဟင်ဂျာ ခေါင်းဆောင်များနှင့် သီးခြား တွေ့ဆုံ ဆွေးနွေးရန်လည်း လိုအပ်ကြောင်း၊ မြန်မာ အစိုးရက ၂၀၁၂ ခုနှစ်မှ စတင်ခဲ့သည့် ရိုဟင်ဂျာများအား လူမျိုးတုန်း သတ်ဖြတ်မှုကို နိုင်ငံတကာ စုံစမ်း စစ်ဆေးရေး ကော်မရှင် ဖွဲ့စည်းရေး အတွက် အမေရိကန် အစိုးရမှ ဦးဆောင်ရန် လိုအပ်ကြောင်း တိုက်တွန်းခဲ့သည်။
ဦးထွန်းခင်၏ ခရီးစဉ်အတွင်း ဥရောပ သမဂ္ဂမှ ကုလသမဂ္ဂ ကိုယ်စားလှယ်များအား တွေ့ဆုံရာတွင် ဥရောပ သမဂ္ဂ အနေနှင့် မြန်မာနိုင်ငံ အပေါ် ဆုံးဖြတ်ချက် ချရာတွင် ရိုဟင်ဂျာတို့၏ ဆိုးရွားလှသည့် အခြေအနေမှ တိုးတက်မှု ရှိစေရန် ဖိအားပေးသည့် အဆိုများ တင်သွင်းရန် လိုအပ်ကြောင်း၊ အီးယူ အနေဖြင့် သမ္မတ ဦးသိန်းစိန် အစိုးရအား နိုင်ငံတကာ ဥပဒေ ချိုးဖောက် နေခြင်းကို ဆုံးဖြတ်ချက်များတွင် ထည့်သွင်းရန် လိုအပ်ကြောင်း ပြောကြားခဲ့သည်။
နယူးယောက်မြို့ရှိ လူ့အခွင့်အရေး ဆိုင်ရာ သမားတော်များ (Physician Human Rights Group) အသင်းမှ စီစဉ်သည့် အစည်းအဝေးတွင် “ရိုဟင်ဂျာများ၏ လက်ရှိ အခြေအနေ” ခေါင်းစဉ်ဖြင့် ဆွေးနွေးခဲ့ပြီး၊ အဆိုပါ အစည်းအဝေးသို့ Responsibility to Protect မှ အရာရှိများ၊ အစိုးရ မဟုတ်သော အဖွဲ့အစည်းများ တက်ရောက်ခဲ့သည်။ ဦးထွန်းခင်က ရိုဟင်ဂျာ ကိုယ်ဝန်ဆောင် အမျိုးသမီးများ၏ အခြေအနေသည် နယ်စည်းမခြား ဆရာဝန်များ အဖွဲ့ကို မောင်းထုတ်ပြီး နောက်ပိုင်း ဆိုးဝါးလားမှုများကို စနစ်တကျ ရှင်းလင်း တင်ပြခဲ့သည်။ Physician Human Rights Group က ၎င်းတို့၏ လာမည့်လအတွင်း ပြုလုပ်မည့် ရိုဟင်ဂျာများနှင့် ပတ်သက်သည့် သုတေသန လုပ်ငန်းများ၊ ရိုဟင်ဂျာ အရေးကို နိုင်ငံတကာရှိ ဆေးဝါးကုသမှုနှင့် ပတ်သက်သော အဖွဲ့များနှင့် ဆွေးနွေး၍ အကူအညီများ ရရှိနိုင်ရန် အတွက် စီစဉ်ထားကြောင်း ပြောကြားခဲ့သည်။
