နောက်ဆုံးသတင်း/ဆောင်းပါးများ

Civil Rights Movement: လူ့အခွင့်ရေး ကာကွယ် စောင့်ရှောက်သူများအား မေတ္တာရပ်ခံချက်





နေ့စွဲ၊ ၂၀၁၆ ခု စက်တင်ဘာ ၂၂ ရက်

လူ့အခွင့်ရေး ကာကွယ်စောင့်ရှောက်သူများအား မေတ္တာရပ်ခံချက်

မြန်မာနိုင်ငံ အတွင်း လူ့အခွင့်အရေး ကာကွယ်စောင့်ရှောက်သူများ၊ ကာကွယ်စောင့်ရှောက်လိုသူများ ယခင်နှစ်များထက် ပိုမို ပေါ်ပေါက်လာခြင်း အပေါ် ကျွန်ုပ်တို့၏ Civil Rights Movement အဖွဲ့မှာ အထူးဝမ်းမြောက်စွာ ကြိုဆိုပါသည်။

လူ့အခွင့်အရေး Human Rights နှင့် Civil Rights ဟူသည် အသွင် သဏ္ဍာန်အားဖြင့် တူညီဟန် ရှိသောလည်း အနက်သဘောမှာ ကွဲပြားလျှက် ရှိသည်။ Human Rights ဟူသည် လူ သား တို့၏ အခွင့်အရေး ချိုးဖေါက်ခံရခြင်းအား ခုခံကာကွယ်ခြင်း သဘောကို ဆောင်၍- Civil Rights ဟူသည် လူအတန်းအစား ခွဲခြားခံရခြင်းအား ခုခံကာကွယ်ခြင်း ဖြစ်သည်။

ကျွန်ုပ်တို့ Civil Rights Movement အနေဖြင့် မြန်မာပြည် အတွင်း ဖြစ်နေသော - အင်းဝ အပ်ချုပ်ဆိုင် ကိစ္စ အပါအ၀င်- ဖြစ်ရပ်များ အပေါ် မျက်ခြေပြတ်ခြင်း မရှိပါ။ လူသား အချင်းချင်း နှိပ်စက်ခြင်း၊ ကျွန်ပြုခြင်း၊ အနိုင်ကျင့်ခြင်းများအား ကျွန်ုပ်တို့ Civil Rights Movement အနေဖြင့် စက်ဆုတ်မုန်းတီးပါသည်။ သို့အတွက် - လူသားချင်း ကူညီစောင်မသော သတင်းထောက် ပုဂ္ဂိုလ်ဖြင့် ၀န်းရံကြသော သူတို့အားလည်း ကျေးဇူးတင်စွာဖြင့် အသိအမှတ်ပြု ပါသည်။ ထိုပုဂ္ဂိုလ်မျိုး အတွက် ဂုဏ်ယူပါသည်။

ထိုဖြင့် တစ်ဆက်တည်းပင်- လူ့အခွင့်အရေး ခုခံကာကွယ်သူများ အနေဖြင့် - လူမျိုးရေးဆန်သော ဝေါဟာရများ၊ ခံစားချက်များမှ ကင်းရှင်းစေရန် သတိကြီးစွာ ဆောင်ရွက်ပါရန် မေတ္တာရပ်ခံပါသည်။ မိမိတို့၏ အနိုင်ယူလိုဇောဖြင့်- စိတ်လိုက်မာန်ပါမှုများ ဖြစ်လာခဲ့သော်- လူမျိုးရေး ဘာသာရေး အသုံးချ လိုသူများ၏ ပရောဂများလည်း ပူးကပ်သွားနိုင်သည်- ဆိုခြင်းအား ဆင်ခြင်ပါရန် မေတ္တာရပ်ခံပါသည်။

ကျွန်ုပ်တို့ Civil Rights Movement အနေဖြင့် လူတန်းစား မခွဲ မျက်နှာမလိုက် - သမ မျှတ သော လူ့အခွင့်အရေး လုပ်ဆောင်မှု မှန်သမျှအား ထောက်ခံအားပေးလျှက် ရှိသော်လည်း - အကယ်၍ လူ့အခွင့်အရေး ဆောင်ရွက်သူများ အနေဖြင့် လူတန်းစား ခွဲခြားမှုများ ပတ်သက်လာခဲ့သော် - ကျွန်ုပ်တို့၏ ခေါင်းစီးဖြစ်သော Civil Rihgts နှင့် ထိပ်တိုက် ဖြစ်လာမည် ဖြစ်လာ၍- လူတန်းစား ခွဲခံရသော ဘက်မှသာ ကျွန်ုပ်တို့ အနေဖြင့် ရပ်တည်ရမည် - ဖြစ်သည်ဟုလည်း အသိပေးလိုပါသည်။

တရားမျှတသော လူ့အခွင့်အရေး ၀န်ဆောင်များ၊ လှုပ်ရှားတက်ကြွသူများ- တရားမျှတမှုကို ပိုမို၍ ဖန်တီးနိုင်ကြပါစေ ဟု လည်း ဆန္ဒပြုပါသည်။


မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement

Comment ရေးရန်

Rohingya Exodus