ဥရောပကော်မရှင်နှင့် ဥရောပပါလီမန် ရှေ့တွင် မောင်တောတွင် ဥပဒေမဲ့ သတ်ဖြတ်နေခြင်းအတွက် ရိုဟင်ဂျာများ ကန့်ကွက် ဆန္ဒပြ
RB News
20.10.2016
ဘရာဆဲလ် ။ ။ ရခိုင်ပြည်နယ်၊ မောင်တောမြို့နယ်တွင် အောက်တိုဘာလ (၉) ရက်နေ့ နံနက်ပိုင်းမှ စ၍ အပြစ်မဲ့ ရိုဟင်ဂျာ ပြည်သူများကို မြန်မာစစ်တပ်နှင့် နယ်ခြားစောင့်ရဲတပ်ဖွဲ့ တို့က ဥပဒေမဲ့ သတ်ဖြတ်ခြင်း၊ နေအိမ်များ မီးရှို့ခြင်း၊ ဖမ်းဆီး၍ ညှဉ်းပန်းနှိပ်စက်ခြင်းများ ပြုလုပ်လျက်ရှိရာ ဥရောပရောက် ရိုဟင်ဂျာများ ဦးစီး၍ ယနေ့ အောက်တိုဘာလ (၂၀) ရက်နေ့ နေ့လည် ၁၂ နာရီမှစ၍ ဘယ်လ်ဂျီယံနိုင်ငံ၊ ဘရာဆဲလ်မြို့ရှိ ဥရောပကော်မရှင်နှင့် ဥရောပပါလီမန် အဆောက်အအုံများ ရှေ့တွင် ကန့်ကွက် ဆန္ဒပြခဲ့သည်။
ဆန္ဒပြပွဲသို့ ဥရောပနိုင်ငံ အသီးသီးရှိ ရိုဟင်ဂျာများ၊ Burma Action Belgium နှင့် Christian Solidarity Worldwide တို့မှ တာဝန်ရှိ ပုဂ္ဂိုလ်များ ပါဝင်ခဲ့သည်။
ဗြိတိန်နိုင်ငံ အခြေစိုက် မြန်မာရိုဟင်ဂျာများ အသင်း (BROUK) ဥက္ကဌ ဦးထွန်းခင် က ရိုဟင်ဂျာများသည် မြန်မာနိုင်ငံ အနောက်ပိုင်း အာရ်ကာန်ဒေသ၏ မူလဘူတ တိုင်းရင်းသားများ ဖြစ်ပြီး (၇) ရာစုမှ စ၍ အခြေချ နေထိုင်သည့် လူမျိုးများ ဖြစ်ကြောင်း၊ လူဦးရေအားဖြင့် ၃ သန်းခွဲခန့် ရှိပြီး ၁ သန်းခွဲကျော်မှာ နိုင်ငံတွင်း ညှဉ်းပန်းနှိပ်စက်မှု မျိုးစုံကြောင့် နိုင်ငံကို စွန့်ခွာခဲ့ရကြောင်း၊ ၁၉၄၈ ခုနှစ် မြန်မာနိုင်ငံ လွတ်လပ်ရေး ရပြီးနောက်ပိုင်း ရိုဟင်ဂျာလူမျိုးသည် မြန်မာနိုင်ငံ၏ အခြားသော တိုင်းရင်းသား လူမျိုးစုများကဲ့သို့ တိုင်းရင်းသား လူမျိုးစုတစ်စု အဖြစ် အသိအမှတ်ပြုခြင်း ခံခဲ့ရကြောင်း၊ ယခုအခါ မြန်မာအစိုးရ ဆေးကုသခွင့်၊ ကလေး မွေးဖွားခွင့်၊ လက်ထပ်ခွင့်၊ ပညာသင်ကြားခွင့်များ အားလုံး ကန့်သတ်ထားကြောင်း၊ အစိုးရကိုယ်တိုင် ဦးစီးပြီး ရိုဟင်ဂျာများ အပေါ် အကြမ်းဖက်မှုများ ပြုလုပ်လျက် ရှိကြောင်း၊ စစ်တွေနှင့် အခြားမြို့များတွင် ရိုဟင်ဂျာများ၏ နေအိမ်များကို မီးရှို့၍ ဆိုးရွားလှသည့် ဒုက္ခသည်စခန်းများတွင် ပိတ်လှောင်ထားကြောင်း၊ ရိုဟင်ဂျာများ မိခင်နိုင်ငံတွင်းမှ ထွက်သွားရန် အစိုးရကိုယ်တိုင် တွန်းအားပေးနေသည်ကို တွေ့ရကြောင်း၊ ယခု မောင်တောမြို့တွင်လည်း နေအိမ်များကို မီးရှို့၍ ရိုဟင်ဂျာများကို ဒုက္ခသည်စခန်းများတွင် ထားရန် စီစဉ်လျက် ရှိကြောင်း၊ လူသားချင်း စာနာသည့် အထောက်အပံ့များ မရရှိအောင် ပိတ်ဆို့ထားကြောင်း၊ စားနပ်ရိက္ခာများ လာသည့် လမ်းကြောင်းများကိုလည်း ပိတ်ဆို့ထားကြောင်း၊ ရိုဟင်ဂျာများ အငတ်ဘေး ကြုံ၍ အစုလိုက်အပြုံလိုက် သေကြေအောင် စနစ်တကျ စီမံနေသည်ကို တွေ့ရကြောင်း၊ အောက်တိုဘာလ (၉) ရက်နေ့တွင် နယ်ခြားစောင့်ရဲတပ်ဖွဲ့ စခန်းများ တိုက်ခိုက်ခံရပြီးနောက် နယ်မြေရှင်းလင်းရေး ခေါင်းစဉ်တပ်ကာ အစုလိုက်အပြုံလိုက် ဖမ်းဆီးခြင်း၊ သတ်ဖြတ်ခြင်း၊ ညှဉ်းပန်းနှိပ်စက်ခြင်း၊ နေအိမ်များ မီးရှို့ခြင်းကို ဆက်တိုက် ပြုလုပ်လျက် ရှိကြောင်း၊ ယင်းနေ့မှစ၍ အပြစ်မဲ့ ရိုဟင်ဂျာ ပြည်သူ ၁၀၀ ကျော်ကို သတ်ဖြတ်ခဲ့ကြောင်း၊ နေအိမ်ပေါင်း ၁၂၀၀ ခန့် မီးရှို့ခဲ့သည့် အတွက် ပြည်သူ တစ်သောင်းကျော် အိုးမဲ့အိမ်မဲ့ ဖြစ်လျက် ရှိကြောင်း၊ ရိုဟင်ဂျာများ၏ နေအိမ်များမှ အဖိုးတန် ပစ္စည်းများ၊ ဆိုင်ခန်းများမှ ပစ္စည်းများကို မြန်မာစစ်တပ်က လုယက်ခဲ့ကြောင်း၊ အမျိုးသမီးများကို လိင်ပိုင်းဆိုင်ရာ အကြမ်းဖက်မှုများ ပြုလုပ်လျက် ရှိကြောင်း ပြောကြားခဲ့သည်။
ဆန္ဒပြပွဲသို့ တက်ရောက်သည့် Burma Action Belgium မှ ဒါရိုက်တာ Pierre-Yves Gillet နှင့် Christian Solidarity Worldwide မှ Advocacy Officer Lucy တို့က ၎င်းတို့ အနေဖြင့် ရိုဟင်ဂျာများ ဆုံးရှုံးသွားသော အခွင့်အရေးများ ပြန်လည် ရရှိရေးအတွက် အမြဲ အားပေး ကူညီနေမည် ဖြစ်ကြောင်း၊ မြန်မာအစိုးရ အနေဖြင့် အပြစ်မဲ့ ရိုဟင်ဂျာပြည်သူများကို ကာကွယ်ပေးရန် အလွန်အရေးကြီးကြောင်း တို့ကို ပြောကြားခဲ့သည်။
ဆန္ဒပြပွဲတွင် နိုင်ငံတကာ အသိုင်းအ၀ိုင်းနှင့် ဥရောပနိုင်ငံများသို့ တောင်းဆိုချက်များကို အင်္ဂလိပ်၊ ပြင်သစ်၊ ဒဲနီးရှ် ဘာသာတို့ဖြင့် ဖတ်ကြားခဲ့သည်။
ဘယ်လ်ဂျီယံနိုင်ငံ အခြေအစိုက် ဘယ်လ်ဂျီယံရေဒီယိုရုပ်မြင်သံကြားနှင့် ပြင်သစ်နိုင်ငံမှ မီဒီယာများက ဆန္ဒပြပွဲသို့ လာရောက်၍ သတင်းယူခဲ့သည်။
ဆန္ဒပြပွဲကို ဥရောပကော်မရှင်ရှေ့တွင် နေ့လည် ၁၂ နာရီမှ စတင်ခဲ့ပြီး ၁ နာရီ အချိန်တွင် ဥရောပပါလီမန်သို့ ချီတက်၍ နေ့လည် ၂း၃၀ နာရီတွင် ပြန်လည်စတင်ပြီး နေ့လည် ၃း၃၀ နာရီ အချိန်တွင် အဆုံးသတ်ခဲ့သည်။
