ထိုင်းထိန်းသိမ်းရေး စခန်းရှိ ရိုဟင်ဂျာတွေ လွှတ်ပေးရေး HRW တောင်းဆို
 |
| ထိုင်းတောင်ပိုင်း ဖူးခက်မြို့တွင် ထိုင်းအာဏာပိုင် တွေရဲ့ ထိန်းသိမ်းခြင်း ခံရတဲ့ ရိုဟင်ဂျာ လှေစီးပြေး ဒုက္ခသည်များ (ဇန်နဝါရီ ၁၊ ၂၀၁၃) |
ကိုကျော်ကျော်သိန်း
20.8.2013
ထိုင်းနိုင်ငံ လူဝင်မှု စခန်းတွေမှာ ထိန်းသိမ်း ထားတဲ့ လှေစီးပြေး ရိုဟင်ဂျာ ဒုက္ခသည် တွေကို ထိုင်း အစိုးရက ပြန်လွှတ် ပေးဖို့ လူ့အခွင့် အရေး စောင့်ကြည့် လေ့လာရေး အဖွဲ့ HRW က တောင်းဆို လိုက် ပါ တယ်။ ထိုင်းနိုင်ငံ တောင်ပိုင်း လူဝင်မှု ထိန်းသိမ်းရေး စခန်း တစ်ခု ကနေ ရိုဟင်ဂျာ ၈၀ ကျော် ထွက်ပြေး သွားတယ် ဆိုတဲ့ သတင်း ထွက်လာ ချိန်မှာပဲ HRW အဖွဲ့က အဲဒီလို တောင်းဆို လိုက်တာပါ။
သူတို့ကို ထိန်းသိမ်း ထားစဉ် ကာလ မှာလည်း ထိုင်းအစိုးရ အနေနဲ့ အကာ အကွယ်ပေး သင့်တယ်လို့ HRW က ပြောပါတယ်။ အပြည့် အစုံကို ဆက်သွယ် မေးမြန်း ထားတဲ့ ကိုကျော်ကျော်သိန်းက ပြောပြ ပါမယ်။
ထိုင်းနိုင်ငံ တ၀ှမ်းက လူဝင်မှု ထိန်းသိမ်းရေး စခန်းတွေနဲ့ လူမှု ၀န်ထမ်း ဂေဟာတွေမှာ ထိန်းသိမ်း ထားတဲ့ ရိုဟင်ဂျာ ၁,၈၃၉ ဦးကို ထိုင်း-မြန်မာ နယ်စပ် တလျှောက်က ဒုက္ခသည် စခန်း တွေဆီ လွှဲပြောင်းဖို့ ထိုင်း အစိုးရ အဖွဲ့က စဉ်းစား နေတယ် ဆိုတဲ့ သတင်း သြဂုတ်လ ၁၃ ရက်နေ့မှာ ထွက်လာ ခဲ့ပြီး သီတင်း တပတ် အကြာ သြဂုတ်လ ၂၀ ရက်နေ့မှာ HRW အဖွဲ့က ထိုင်းအစိုးရကို တောင်းဆို တိုက်တွန်း လိုက်တာ ပါ။
ဆိုးရွားပြီး ဘေးကင်း လုံခြုံမှု မရှိတဲ့ အခြေ အနေနဲ့ လက်ရှိမှာ သူတို့ကို ထိန်းသိမ်း ထားတာ ကနေ ပြန် လွှတ် ပေးစေချင် ပါတယ်လို့ လူ့အခွင့် အရေး စောင့်ကြည့် လေ့လာရေး အဖွဲ့ HRW ရဲ့ အာရှ ဒေ သ ဆိုင် ရာ ဒုတိယ ညွန်ကြား ရေးမှူး ဖီလ် ရောဘတ်ဆန် (Phil Robertson) က ဗွီအိုအေကို ပြော ပါတယ်။
“သူတို့ကို ယာယီ အကာ အကွယ် ပေးသင့် ပါတယ်၊ သူတို့နဲ့ ပတ်သက်ပြီး ဘာလုပ်မယ် ဆိုတာကို အစိုးရ က နည်းလမ်း ရှာနေတဲ့ အချိန်မှာ လွတ်လပ်စွာ သွားလာခွင့်၊ အလုပ်လုပ် ခွင့်တွေ ပေးသင့် ပါတယ်။ သူတို့ ကို အခုလိုမျိုး လူတွေ ပြည့်ကျပ် နေတဲ့၊ သန့်ရှင်းမှု မရှိတဲ့၊ ပွင့်ပွင့် လင်းလင်း ပြောရရင် အန္တရာယ် ရှိတဲ့ လူဝင်မှု စခန်း တွေမှာ ပိတ်လှောင်ပြီး ထိန်းသိမ်း မထားသင့် ပါဘူး။”
တရားမ၀င် ၀င်ရောက် လာသူတွေ ဆိုပြီး ထိုင်းအစိုးရက ဖမ်းဆီး ထားသူ တွေကို အခု လိုမျိုး လွတ်လပ်စွာ သွားလာ ခွင့်တွေ၊ အလုပ်လုပ် ခွင့်တွေ ပေးဖို့ ဆိုတာဟာ တကယ်တမ်း ဖြစ်နိုင်ခြေ ရှိရဲ့လား ဆိုတာ က မေးခွန်း ထုတ်စရာပါ။ ဖီလ် ရောဘတ်ဆန် ကတော့ ဒါဟာ ဖြစ်နိုင်ခြေ ရှိသလို နိုင်ငံ တကာ လူ့အခွင့် အရေး စံနှုန်း စံထား တွေနဲ့လည်း ကိုက်ညီ တယ်လို့ ပြောပါတယ်။ တကယ်တမ်း ကျတော့ ရိုဟင် ဂျာ တွေ ကို နိုင်ငံရေး ခိုလှုံခွင့် လျှောက်ထား သူတွေ အဖြစ် သတ်မှတ် စဉ်းစား သင့်တယ်လို့ မစ္စ တာ ရော ဘတ် ဆန် က ပြောပါတယ်။
“သူတို့ကို ထိုင်းအစိုးရက အကာ အကွယ် ပေးသင့် ပါတယ်၊ သူတို့ဟာ တတိယ နိုင်ငံ တစ်ခုကို သွားခွင့် မရကြဘူး ဆိုရင်၊ မြန်မာ နိုင်ငံမှာ ဖိနှိပ် မှုတွေနဲ့ ရင်ဆိုင် ရမှာ ဖြစ်တဲ့ အတွက် မြန်မာ နိုင်ငံဆီ ပြန်လို့ မ ရနိုင်တာ ကတော့ သေချာ ပါတယ်။ သူတို့ အတွက် နောက်ထပ် အဖြေ တစ်ခုကို ရှာရ ပါမယ်။ ရိုဟင် ဂျာ တွေကို ထားတာဟာ နိုင်ငံ တကာ လူ့အခွင့် အရေး စံချိန် စံညွှန်း တွေနဲ့ ကိုက်ညီတယ် ဆိုတာ သေ ချာ စေရေး ထိုင်းနိုင်ငံ အနေနဲ့ တိုးမြှင့် လုပ်ဆောင် ရပါမယ်။”
ထိုင်းအစိုးရကို HRW အဖွဲ့က တောင်းဆို လိုက်တဲ့ တစ်ရက် ထဲမှာပဲ ထိုင်းနိုင်ငံ တောင်ပိုင်း၊ Sadao ခရိုင်က လူဝင်မှု ထိန်းသိမ်း ရေးစခန်းမှာ ထိန်းသိမ်း ထားတဲ့ ရိုဟင်ဂျာ လှေစီးပြေး ဒုက္ခသည် တွေထဲက ၈၆ ယောက် ထက်မနည်းဟာ စခန်းကို ဖောက်ပြီး ထွက်ပြေး သွားတယ်လို့ ထိုင်းတာဝန်ရှိ သူတွေ က ပြော ပါတယ်။
ထိုင်းနိုင်ငံတွင်း တရားမ၀င် ၀င်ရောက် လာမှုနဲ့ သူတို့ကို ထိန်းသိမ်း ထားတာပါ။ ထွက်ပြေး သွား သူ တွေ ထဲက အနည်းဆုံး နှစ်ယောက်ကို ပြန်ဖမ်း မိပြီလို့တော့ ထိုင်းတာဝန် ရှိသူတွေ က ပြောပါ တယ်။
သူတို့တွေ အခုလို ထွက်ပြေး ရတာဟာ HRW အဖွဲ့က ပြောသလိုပဲ စခန်းမှာ လူတွေ ပြည့်ကျပ် နေတာ၊ သန့်ရှင်းမှုနဲ့ လုံခြုံမှု မရှိတဲ့ ဆိုးရွားတဲ့ အခြေ အနေ တွေကြောင့် ဖြစ်တယ် ဆိုတာကို APHR လို့ခေါ်တဲ့ လူ့အခွင့် အရေး ဆိုင်ရာ အရှေ့ တောင်အာရှ လွှတ်တော် ကိုယ်စားလှယ်များ အဖွဲ့ကလည်း ထောက် ပြ ပြောဆိုပါတယ်။
ရိုဟင်ဂျာ တွေပတ်သက်တဲ့ စိုးရိမ်ချက် တွေကို ထိုင်း အစိုးရ အနေနဲ့ ကိုင်တွယ် ဖြေရှင်းဖို့နဲ့ ဒေသ ဆိုင်ရာ အဖြေ တစ်ခု ရှာဖို့ APHR အဖွဲ့ ကလည်း ထိုင်းအစိုးရကို တောင်းဆို ပါတယ်။
APHR အဖွဲ့ ဥက္ကဋ္ဌ အင်ဒိုနီးရှား လွှတ်တော် အမတ် မစ္စ အီဗာ ဆွန်ဒါရီပါ။
တကယ် ကတော့မြန်မာ နိုင်ငံတွင်းမှာ၊ အထူးသဖြင့် ရခိုင်ပြည်နယ် ဘက်မှာ အခုလို ရိုဟင်ဂျာ လို့ ခေါ်ဝေါ် သုံးစွဲ တာ ကိုက အငြင်း ပွားဖွယ် ကိစ္စ တစ်ခု ဖြစ်နေတာပါ။ မြန်မာ နိုင်ငံက လူနည်းစု လူမျိုး စု တွေထဲမှာ ရိုဟင်ဂျာ ဆိုတာ မရှိဘူးလို့ မြန်မာ အစိုးရ ကရော မြန်မာ လူထု အများစု ကပါ ရပ် တည် ပြောဆို ကြပါ တယ်။
ဒါပေမဲ့လည်း နိုင်ငံတကာ မှာတော့ ရိုဟင်ဂျာ လို့ပဲ ခေါ်ဝေါ် သုံးစွဲ ကြပြီး သူတို့ဟာ ကမ္ဘာပေါ်မှာ အဆိုး ရွားဆုံး ခွဲခြား ဆက်ဆံမှုနဲ့ အဖိနှိပ် ခံရဆုံး လူနည်းစု လူမျိုးစုဝင် တွေဖြစ်ကြ တယ်လို့ ကုလ သမဂ္ဂက သတ်မှတ် ထားပါတယ်။
