အစ္စလာမ် ဘာသာသည် ဂျာမန် လူ့အဖွဲ့ အစည်းအား ခြိမ်းခြောက် နေသလား

မင်းသိန်း

RB News

17.12.2014

ဂျာမဏီ နိုင်ငံ အကြီးအကဲ အန်ဂျလာမာခဲလ်လည်း အစ္စလာမ် သာသနာ အပေါ် မုန်းတီးမှု များနှင့် အခြား ဘာသာတရားများ အပေါ် မုန်းတီးမှုများ အတွက် မိမိတို့ နိုင်ငံ အတွင်း နေရာမရှိဟု ပြောကြား ခဲ့သည်။
ဂျာမဏီ နိုင်ငံ အတွင်း ဟစ်တလာ၏ Nazi ပါတီ ကျဆုံးသွားပြီး နောက်ပိုင်း အမျိုးသား အစွန်းရောက် ၀ါဒီများ ပုံစံ အမျိုးမျိုးဖြင့် ဂျာမန် နိုင်ငံရေး အတွင်း ခေါင်းထောင် လာနိုင်ရန် ကြိုးစားနေ ခဲ့ကြသည်။ ၂၀၁၃ ခုနှစ် အတွင်း စတင် ဖွဲ့စည်းခဲ့သော AfD ပါတီသည် အမျိုးသား အစွန်းရောက် ၀ါဒ ပုံစံသစ်ဖြင့် ဂျာမန် နိုင်ငံရေး အတွင်း ထိုးဖေါက် ၀င်ရောက် လာသော ပါတီ တစ်ခု ဖြစ်သည်။

ဂျာမဏီ နိုင်ငံ အတွင်း ခိုလှုံခွင့် တောင်းခံသူများ အဖြစ် အစ္စလာမ် ဘာသာဝင်များ အမြောက်အများ ၀င်ရောက် လာပြီး ဂျာမန် လူ့အဖွဲ့အစည်း အတွင်း အစ္စလာမ် အယူဝါဒများ လွှမ်းမိုး လာမည်ကို စိုးရိမ်သည်ဟု PEGIDA များက အကြောင်းပြ ကြသည်။ ဂျာမန် နိုင်ငံရေး ပညာရှင် များမှလည်း PEGIDA များ၏ ပြောဆိုချက်သည် အခြေအမြစ် မရှိကြောင်း အထောက် အထား ခိုင်လုံစွာဖြင့် ထောက်ပြ ပြောဆိုခဲ့ ကြသည်။ 

ကမ္ဘာ တစ်ဝန်းလုံးတွင် Refugee ပေါင်း သန်း(၅၀) ကျော်ခန့် ရှိနေသည်။ အဆိုပါ လူဦးရေ၏ (၈၀)% ကျော်သည် ချမ်းသာသော တတိယ နိုင်ငံများတွင် ခိုလှုံ နေထိုင် နေကြခြင်း မဟုတ်ဘဲ ပြသနာ ဖြစ်နေသော နိုင်ငံ များ၏ ဘေးပတ်ဝန်းကျင်ရှိ နိုင်ငံများတွင် ခိုလှုံ နေထိုင် နေကြရသည်။ ကမ္ဘာပေါ်တွင် Refugee အများဆုံး လက်ခံ ထားသော (၅) နိုင်ငံမှာ......(၁) ပါကစ္စတန် နိုင်ငံ Refugee (၁၆၀၀၀၀၀)၊ (၂) အီရန်နိုင်ငံ (၈၅၇၄၀၀) ၊ (၃) လစ်ဘနွန် (၈၅၆၅၀၀)၊ (၄) ဂျော်ဒန် (၆၄၁၉၀၀)၊ (၅) တူရကီ (၆၀၉၉၀၀) ဖြစ်ကြပါသည်။ ဂျာမဏီ နိုင်ငံ အတွင်း (၂၀၁၄ ခု သြဂုတ်လ) အထိ ခိုလှုံခွင့် တောင်းခံထားသူ စာရင်းမှာ (၁၅၈၀၀၀) ခန့်သာ ရှိသည်။ အဆိုပါ ခိုလှုံခွင့် တောင်းခံထား သူများ အတွင်းမှ 1/3 ခန့်သာ နေထိုင်ခွင့်နှင့် အလုပ်လုပ် ကိုင်ခွင့်ကို ရရှိခဲ့ ကြသည်။ ကျန် 2/3 ခန့်သော ခိုလှုံခွင့် တောင်းခံထားသူ များမှာ အစိုးရ သတ်မှတ် ထားသော နေရာများတွင် နေကြရပြီး သတ်မှတ် ဧရိယာ အတွင်းသာ ခရီး သွားလာခွင့် ရကြသည်။

နိုင်ငံတော် စာရင်း ဇယား အရ ၂၀၁၃ ခုနှစ် အတွင်း အလုပ်လုပ် ကိုင်ခွင့် မရရှိသေးသော ခိုလှုံခွင့် တောင်းခံထား သူများ အတွက် ဂျာမန် အစိုးရ၏ ကုန်ကျစရိတ်မှာ ယူရို (၁.၅) ဘီလီယံ ရှိခဲ့သည်။ အဆိုပါ ကုန်ကျ စရိတ်သည် ဂျာမန် နိုင်ငံ၏ တစ်နှစ်တာ ဘတ်ဂျက် ကုန်ကျ စရိတ်၏ (၀.၄၈%) ခန့်သာ ရှိပါသည်။ ခိုလှုံခွင့် ရရှိပြီး အလုပ်လုပ် ကိုင်နေသော နိုင်ငံခြားသား များ၏ အခွန် ထမ်းဆောင် ထားသော
ငွေပမာဏမှာ ၂၀၁၃ ခု အတွင်းယူရို (၂၂) ဘီလီယံ ရှိခဲ့သည်။ နိုင်ငံရေး ခိုလှုံလာသူများ အတွင်း ကျွမ်းကျင် လုပ်သား အများစု ပါဝင် နေခြင်းကြောင့် ဂျာမန် နိုင်ငံ၏ အနာဂါတ် အတွက် ပိုမို ကောင်းမွန် လာနိုင်ကြောင်း ပညာရှင် များမှ ထောက်ပြ ပြောဆိုကြသည်။

ဂျာမဏီ နိုင်ငံတွင် မွတ်စလင် (၄) သန်းခန့် နေထိုင်ကြပြီး အဆိုပါ လူဦးရေသည် ဂျာမန် တနိုင်ငံလုံး လူဦးရေ၏ (၅%) ခန့်သာရှိသည်။ ပညာရှင် များ၏ တွက်ဆချက် အရ (၂၀၅၀) ခုနှစ်တွင် မွတ်စလင် လူဦးရေသည် ဂျာမန် တနိုင်ငံလုံး လူဦးရေ၏ (၇%) ခန့် ရှိလာ နိုင်သည်ဟု ခန့်မှန်း ထားကြသည်။ ဤမွတ်စလင် လူဦးရေ တိုးပွားလာ နိုင်သော နှုန်းထား သည်လည်း ဂျာမန် အိမ်ထောင်စုများ အတွင်း သား၊သမီး ဖွေးဖွားနှုန်း ကျဆင်းလာခြင်းနှင့် အိမ်ထောင်ရေး ပြိုကွဲမှု များပြားလာခြင်းများ အပေါ်တွင် အဓိက မူတည်လျက် ရှိနေသည်။

အမျိုးသားရေး အစွန်းရောက် ၀ါဒီများ ဖြစ်ကြသော PEGIDA များ၏ ပြောဆိုမှု များသည် ယုတ္တိ မရှိသော လိမ်လည် ပြောဆိုမှုများ ဖြစ်ကြောင်း ပညာရှင်များ၊ နိုင်ငံရေး ပါတီ များမှ အထောက် အထား ခိုင်လုံစွာဖြင့် ထောက်ပြ ပြောဆို ခဲ့ကြသည်။ 

မိမိတို့ မြန်မာ နိုင်ငံ အတွင်းလည်း နိုင်ငံရေး အမြတ်ထုတ် လိုသော အမျိုးသား အစွန်းရောက် များမှ အစ္စလာမ် ဘာသာဝင် များနှင့် ပတ်သက်သော အချက် အလက် များအား လိမ်လည် လှည့်ဖျားပြီး ပြောဆို နေမှုများအား ပညာရှင်များ အနေဖြင့် တုန့်ပြန် ရှင်းလင်း ပြောဆိုသင့် ပါသည်။ လူမျိုး ဘာသာ ပေါင်းစုံ စုပေါင်း နေထိုင် ကြသော မြန်မာ နိုင်ငံတွင် အမျိုးသား အစွန်းရောက်သူ များ၏ ဦးတည် တိုက်ခိုက်ရာသည် အစ္စလာမ် ဘာသာဝင်များ ဖြစ်နေသော်လည်း အချိန်ကာလ ကြာမြင့် လာလျှင် ခရစ်ယာန် ဘာသာဝင်များ၊ ဟိန္ဒူ  ဘာသာဝင် များလည်း ဖြစ်လာ နိုင်သည်။ အမျိုးသား အစွန်းရောက် ၀ါဒ၏ ဦးတည်ရာသည် မိမိမှလွဲ၍ အလုံးစုံ ပျက်သုန်းရေးကို ဦးတည် နေသော ၀ါဒ ဖြစ်သည်ကို လူမျိုး၊ ဘာသာ အားလုံးမှ သိရှိ နားလည်ပြီး စုပေါင်း ကာကွယ် တားဆီးသင့် ပါသည်။