မြန်မာပြည်၊ တိုင်းရင်းသား အခွင့်အရေး နှင့် ငြိမ်းချမ်းရေး
မောင်ဇာနည်
နယူးယောက်တိုင်းမ်
စက်တင်ဘာ ၂၅၊ ၂၀၁၅
မြန်မာ အစိုးရသည် တပြည်လုံး အပစ်အခတ် ရပ်စဲရေး သဘောတူချက် အပေါ် တိုးတက် ဖြစ်ထွန်းမှုကို လပေါင်းများစွာ ကြေငြာ မောင်းခတ် လာခဲ့သည်။ ဤအပစ်ရပ် သဘော တူညီချက်သည် နှစ်ပေါင်းများစွာ ဖြစ်ပွား ခဲ့သော ပြည်တွင်း လက်နက်ကိုင် ပဋိပက္ခကို အဆုံးသတ်နိုင်ရေး အတွက် ကြီးမားသော ခြေလှမ်းတခုဖြစ်သည် ဟုလည်း ဆို၏။ သို့သော် လွန်ခဲ့သည့် စက်တင်ဘာလ ၉ ရက်နေ့က သမ္မတ သိန်းစိန်နှင့် တိုင်းရင်းသား လက်နက်ကိုင် အဖွဲ့ တဒါဇင်ကျော်မှ ကိုယ်စားလှယ်များ ထိပ်သီး ဆွေးနွေးပွဲသည် မကျေမလည်နှင့် အဆုံးသတ် ခဲ့လေသည်။
အပတ်ရပ်ရေး လက်မှတ်ထိုးပွဲတွင် အစိုးရက အဖွဲ့အားလုံးကို ပါဝင်ခွင့်မပြုလျှင် အချို့ အဖွဲ့အစည်းများက လက်မှတ်မရေးထိုးနိုင်ဟု ငြင်းဆိုခဲ့သည်။ လက်နက်ကိုင်အဖွဲ့များတွင် ဒုတိယအကြီးမားဆုံးအုပ်စုဖြစ်သော ကချင်လွတ်မြောက်ရေးအဖွဲ့(ကေအိုင်အို)သည် ခပ်မာမာပင်ငြင်းသည်။ အဘယ့်ကြောင့်ဆိုသော် ၄င်း၏ အရင်းနှီးဆုံးမဟာမိတ်များအနက် တိုင်းပြည်၏ မြောက်ပိုင်းနှင့် အရှေ့ပိုင်းဒေသများတွင် မြန်မာအစိုးရတပ်များနှင့် တိုက်ခိုက်နေရဆဲဖြစ်သော အဖွဲ့သုံးဖွဲ့ကို အစိုးရက ပါဝင်ခွင့်မပေးဘဲ ဘေးဖယ်ထားသောကြောင့်ပင်ဖြစ်သည်။
သူပုန်အားလုံးလက်ခံနိုင်မည့် သဘောတူညီချက်တခုကို ဖော်ဆောင်ရန်မှာ ခက်ခဲပါလိမ့်မည်။ အဘယ့်ကြောင့်ဆိုသော် ၄င်းတို့တွင် မတူညီသော အကျိုးစီးပွားများ ရှိနေသောကြောင့်ပင် ဖြစ်သည်။ အချို့သူများက - ဥပမာ ကရင်အမျိုးသားအစည်းအရုံး (KNU)- အပစ်ရပ်ရေးကို စီးပွားရေးအခွင့်အလမ်းကောင်းတခုအဖြစ် ရှုမြင်ကြသည်။ အဘယ့်ကြောင့်ဆိုသော် အသစ်တည်ဆောက်ပြီးကာစ အာရှဟိုင်းဝေးလမ်းမကြီးကို ၄င်းတို့က ကိုင်တွယ်အသုံးချနိုင်မည့်အခွင့်အလမ်း ပွင့်သွားသောကြောင့်ဖြစ်သည်။ ကချင် နှင့် ကရင် ကဲ့သို့သော သူများက အပစ်ရပ်စဲခြင်းသည် မလိုလားအပ်သော ဆည်ပရော့ဂျက်များ၊ ကျောက်စိမ်းအလွန်အကျွံ တူးဖော်မှု , သစ်တော ပိုမိုပြုန်းတီးမှုများ နှင့် ပိုမို၍ဖက်ဒရယ်ကျသောစနစ်တခုအတွက် ၄င်းတို့တောင်းဆိုချက်ကို အလေးဂရုမပြုသလို ဖြစ်လာမည်ကို စိုးရိမ်နေကြသည်။
သို့ရာတွင် သဘောတူညီချက်ကို အပြီးသတ်ဖော်ဆောင်နိုင်ရေးတွင် အကြီးမားဆုံး အတားအဆီးတခုမှာ ဤလူနည်းစုတိုင်းရင်းသားအဖွဲ့အစည်းအားလုံး မကွဲမလွဲ တူညီစွာ မျှဝေခံစားကြသည့် အရာတခုကြောင့်ဖြစ်သည်။ ဤကား မြန်မာစစ်တပ်အပေါ် မယုံကြည်မှုပင်တည်း။ ယင်းတို့အားလုံးက မြန်မာစစ်တပ်ကို ခေတ်သစ်ကိုလိုနီနယ်ချဲ့စိတ်ဓါတ်ပိုင်ရှင် ကျူးကျော်အင်အားစုတခုအဖြစ် ရှုမြင်ကြသည်။
သူတို့အမြင် မှန်ပါသည်။ ကျနော်လည်း မန္တလေးတွင် စစ်တပ်အဆွယ်အပွားမိသားစုတခုအတွင်း ကြီးပြင်းခဲ့ရသည်။ မြန်မာပြည်ရှိ လူများ၏ အများစုကဲ့သို့ပင် ကျနော်တို့သည် ဗမာလူမျိုး၊ ဗုဒ္ဓဘာသာဝင်များဖြစ်ကြပြီး မွတ်စလင်များအပေါ် မယုံကြည်သော၊ ရှမ်း၊ ကရင်၊ ကချင်ကဲ့သို့သော တိုင်းရင်းသားမျိုးနွယ်စုများအပေါ် အထက်စီးက ဆက်ဆံချင်သော ယဉ်ကျေးမှုကြီးတခု၏ ရိုက်သွင်းမျိုးစေ့ချပေးခြင်းကို ခံခဲ့ကြရသည်။ တိုင်းရင်းသားလူနည်းစုများအတွက်မူ ၁၉၄၈ ခုနှစ် ဗြိတိသျှလက်အောက်မှ မြန်မာ့လွတ်လပ်ရေးရခဲ့ခြင်းသည် လွတ်လပ်ရေးကာလ အပိုင်းအခြားဆိုသည်ထက် နောက်ထပ် ဖိနှိပ်မှုအသွင်ကွဲတမျိုးအောက်သို့ ရွှေ့ပြောင်းကျရောက်ခြင်းသာဖြစ်သည်။ နယ်ချဲ့ဖိနှိပ်မှုမှသည် လူမျိုးကြီးဝါဒကြီးစိုးသော လူအများစုလက်အောက်ရှိ ဗဟိုအုပ်ချုပ်မှုစနစ်အဖြစ်သို့ အသွင်ပြောင်းသွားခြင်းသာဖြစ်သည်။
နှစ်ပေါင်း ၇၀ နီးပါးကြာပြီးသည့်နောက် မြန်မာ့နိုင်ငံရေးသည် ဘာသာရေး လူမျိုးရေး ရောထွေးသည့်နိုင်ငံရေးဖြစ်ပြီး အစိုးရက တိုင်းရင်းသားများအပေါ် အလုံးစုံ ဖိနှိပ်ခြင်း မဟုတ်လျှင်တောင် အုပ်ထိန်းသူအာဏာရှင်ဆန်ဆန် လက်ဝါးကြီးအုပ်လိုသည့် အစိုးရဖြစ်သည်။ ကျနော်တို့၏ စစ်ခေါင်းဆောင်များသည် သူတို့ကိုယ်သူတို့ အမျိုးသားအချုပ်အခြာအာဏာပိုင်စိုးမှုကို ကာကွယ်စောင့်ရှောက်သူများအဖြစ် ရှုမြင်သုံးသပ်သူများ ဖြစ်ကြလေရာ လက်နက်ကိုင် တိုင်းရင်းသားအဖွဲ့အစည်းများနှင့် ငြိမ်းချမ်းရေးအစစ်အမှန်ကို ဖော်ဆောင်ရန် လိုအပ်ချက် နည်းနည်းမျှပင်မရှိဟု တွေးထင်ကြသည်မှာ အံ့သြစရာမဟုတ်ပါ။ ထို့အတူ အစိုးရ၏ လောလောလတ်လတ် ကမ်းလှမ်းချက်များကို ငြိမ်းချမ်းရေးကို လိုလားတောင့်တကြသော ထိုတိုင်းရင်းသားအဖွဲ့အစည်းများကပင် မယုံမကြည်သံသယဝင်ကြသည်မှာလည်း အံ့သြစရာမဟုတ်ပါ။
ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် စက်တင်ဘာလအစောပိုင်းက ကျင်းပခဲ့သော ထိပ်သီးအစည်းအဝေးသို့ မတက်ရောက်ခဲ့ပါ။ သူသည် ထိုအချိန်က အစ္စရေးသို့ ရောက်နေပြီး စစ်ဖက်ဆိုင်ရာ လက်နက်အဆောက်အဦးများကို လှည့်လည်ကြည့်ရှုနေခဲ့သည်။ ဆွေးနွေးပွဲစကားဝိုင်းတွင် ပါဝင်သူများက နေပြည်တော်တွင် စုဝေးနေကြချိန်တွင်ပင် မြန်မာစစ်တပ်သည် တဖက်က ရန်မစပါဘဲနှင့် ကချင်လွတ်မြောက်ရေးတပ်မတော်၏ တပ်မဟာ ၃ ကို တိုက်ခိုက်လျက်ရှိသည်။
ကေအိုင်အေ၏ ဒုတိယ ခေါင်းဆောင် ဗိုလ်ချုပ်ဂွမ်မော်က ငြိမ်းချမ်းရေးဆွေးနွေးပွဲများ ပြုလုပ်နေချိန်တွင် ထိုးစစ်များ တပြိုင်နက် ဆင်နွှဲတတ်သည်မှာ မြန်မာစစ်တပ်၏ လုပ်ရိုးလုပ်စဉ် အကျင့်တရပ် ဆို၏။ သူ့အဆို မှန်ပုံရသည်။ စစ်တပ်သည် ရှမ်းပြည်ပြန်လည်ထူထောင်ရေးကောင်စီ ထိန်းချုပ်သော ဒေသများကိုလည်း တိုက်ခိုက်လျက်ရှိသည်။ ဤသည်မှာ လက်နက်ကိုင်အုပ်စုများ အားလုံးမပါဝင်လျှင်ပင် ထိုအဖွဲ့(ရှမ်းပြည်ပြန်လည်ထူထောင်ရေးကောင်စီ)အနေဖြင့် အပစ်အခတ်ရပ်စဲရေးသဘောတူညီချက်ကို လက်ခံမည်ဖြစ်ကြောင်း လူသိရှင်ကြား ကြေညာခဲ့ပြီးသည့် နောက်ပိုင်းတွင်ပင် တိုက်ခိုက်ခြင်း ဖြစ်သည်။
ထိုသို့ သမ္မတက ငြိမ်းချမ်းရေးအကြောင်း ပြောကြားနေစဉ်တွင် အစိုးရစစ်တပ်မှ ထိုးစစ်များ ဆင်နွှဲနေခြင်းသည် စစ်တပ်နှင့် အစိုးရအကြား စိတ်ဝမ်းကွဲပြားမှုဟု အဓိပ္ပါယ်မဆောင်။ ယင်းသည် မြန်မာအစိုးရ၏ မီးစတဖက် ရေမှုတ်တဖက် လုပ်သည့် အကွက်တမျိုးပင်ဖြစ်သည်။ တအောင်းအမျိုးသားလွတ်မြောက်ရေးတပ်မတော်၊ ရခိုင်တပ်မတော်နှင့် မြန်မာအမျိုးသားဒီမိုကရက်တစ်မဟာမိတ်တပ်ပေါင်းစု စသည့် အဖွဲ့များကို တပြည်လုံးအပစ်ရပ်ရေးသဘောတူညီချက်ထဲမှ ဖယ်ထုတ်ထားရန် အစိုးရ၏ ကြိုးပမ်းချက်သည် တိုင်းရင်းသားတော်လှန်ရေးအင်အားစုများအကြား သွေးခွဲကာ အနိုင်ယူအုပ်ချုပ်ဖို့ ကြိုးစားသည့် အကြံအစည်တရပ်ပင်ဖြစ်သည်။
ထို့ကြောင့် တိုင်းရင်းသားအဖွဲ့အစည်းများကလည်း သဘောပေါက်ကြသည့်အတိုင်း သံသယဝင်ကြသည်။ ထိုအဓိပ္ပါယ်မှာ ငြိမ်းချမ်းရေးဆီသို့ရှေးရှုသော အမှန်တကယ် တိုးတက်မှုကို ပြုလုပ်လိုလျှင် အစိုးရအနေဖြင့် ထိုအဖွဲ့အစည်းများကို စစ်ရေးအရ နှင့် နိုင်ငံရေးအရ လုံလောက်သော အလျှော့ပေးမှုများ အလျှင်အမြန် ကမ်းလှမ်းပြီး အပစ်ရပ်ရေးသည် လုပ်ငန်းသဘောဆောင်ကြောင်း တိုင်းရင်းသားများ နားဝင်ယုံကြည်လက်ခံလာအောင် လုပ်ဆောင်နိုင်ဖို့ လိုအပ်သည်။
စစ်တပ်အနေဖြင့် စစ်ပွဲများကို ချက်ချင်းရပ်တန့်သင့်သည်။ စစ်ပွဲကြောင့်ပိတ်မိနေသူများဆီသို့၊ အထူးသဖြင့် ကချင်နှင့် ရှမ်းဒေသများဆီသို့ လူသားဆန်သောအကူအညီများရောက်ရှိစေရန် ခွင့်ပြုသင့်သည်။ နောက်ဆုံးလက်မှတ်သဘောတူညီချက်တွင် ပါဝင်ခွင့်ရစေရန် ပဏာမလိုအပ်ချက်တရပ်အနေဖြင့် အပစ်မရပ်ရသေးသော အဖွဲ့အစည်းများကို အစိုးရနှင့် နှစ်ဦးနှစ်ဖက်အပြန်အလှန် အပစ်ရပ်စဲရေးသဘောတူညီမှုလက်မှတ်ကို အရင်ရေးထိုးရမည်ဆိုသော အစိုးရ၏ တောင်းဆိုချက်ကို စွန့်လွှတ်ရမည်။ ကာကွယ်ရေးဦးစီးချုပ်က အပစ်ရပ်ရေးသဘောတူညီချက်မူကြမ်းပါ ဖြည့်စွက်ချက်အတိုင်း လိုက်နာမည်ဟု လူသိရှင်ကြား ကြေညာသည်။ ထိုစာရွက်စာတမ်းမှာ အများပြည်သူကို ကြေညာရခြင်းမရှိသေး။
သို့သော် တွေ့ဆုံညှိနှိုင်းပွဲများတွင်ပါဝင်သော တိုင်းရင်းသားလက်နက်ကိုင်အဖွဲ့ကြီးတခု၏ ထိပ်တန်းအကြံပေးတဦး၏ အဆိုအရ နောက်ဆက်တွဲဖြည့်စွက်ချက်တွင် တိုင်းရင်းသားအဖွဲ့အစည်းများကို လက်နက်စွန့်ရန် မတိုက်တွန်းမီ လုံခြုံရေးကဏ္ဍတွင် ပြုပြင်ပြောင်းလဲမှုများ စတင်ဖော်ဆောင်ရန် ဖော်ပြထားသည်။
တိုင်းရင်းသားလူနည်းစုများ၏ မယုံကြည်မှုကို ကျော်လွှားနိုင်ရန် အစိုးရအနေဖြင့် တိုင်းရင်းသားဒေသများသို့ အခွင့်အာဏာကို ပိုမို၍ လွှဲပြောင်းပေးဝေရမည်။ တိုင်းရင်းသားများ ပိုမို စိတ်ချယုံကြည်လာစေရန် ခိုင်မာသော လုပ်ဆောင်မှုတရပ်အနေဖြင့် ကာချုပ် နှင့် သမ္မတ နှစ်ဦးစလုံးသည် တိုင်းရင်းသားဒေသများ၏ ဝန်ကြီးချုပ်များကို သမ္မတက ရွေးချယ်ခန့်အပ်သည့် လက်ရှိကျင့်သုံးနေသော လုပ်ထုံးလုပ်နည်းကို အဆုံးသတ်ရန် ယခုအချိန်တွင် မဖြစ်မနေ ဆောင်ရွက်ရမည်။ အပစ်ရပ်ရေးသဘောတူစာချုပ် နောက်ဆက်တွဲပြင်ဆင်ချက်တွင် ပြည်နယ်ဝန်ကြီးချုပ်များရွေးချယ်ရန် အခွင့်အာဏာကို ပြည်နယ်လွှတ်တော်များသို့ ရွှေပြောင်းလွှဲအပ်ကြောင်း စာသားကို ထည့်သွင်းသင့်သည်။
ဤအကြံပြုချက်များသည် အလှမ်းကွာလွန်းသည်ဟု ထင်ရပေမည်။ သို့သော် အချိန်ကာလအားဖြင့် မှန်ကန်လှပေသည်။ အစိုးရသည် နိုဝင်ဘာလ အထွေထွေရွေးကောက်ပွဲမတိုင်မီ အပတ်အခတ်ရပ်စဲရေးသဘောတူညီချက်စာချုပ် လက်မှတ်ထိုးပွဲအခမ်းအနားကို ကျင်းပရန် ပိုင်းဖြတ်ထားပုံရလေသည်။ ဤသည်မှာ မဲပေးသူများအကြား နှင့် အပြည်ပြည်ဆိုင်ရာအလှူရှင်များအကြား ပေါ်ပြူလာဖြစ်မှုကို မြှင့်တင်ရန်လည်း တကြောင်းဖြစ်သည်။ ထိုပေါ်ပြူလာဖြစ်မှုသည် အစိုးရက ဝိဝါဒကွဲပြားဖွယ် လုပ်ဆောင်မှုအများအပြားကို လုပ်ဆောင်ခဲ့ပြီးနောက် ကျဆင်းလာခဲ့၍ဖြစ်သည်။ အစိုးရသည် အာဏာရပါတီ၏ လစ်ဘရယ်ပိုဖြစ်သော ခေါင်းဆောင်ကို ဖယ်ရှားခဲ့သည်။ စစ်တပ်ကို ဝေဖန်သော ကိုယ်စားလှယ်လောင်းများကို ပိတ်ပင်ရန် ခြိမ်းခြောက်ခဲ့သည်။ မွတ်စလင်လူနည်းစုဖြစ်သော ရိုဟင်ဂျာများ၏ မဲပေးပိုင်ခွင့်ကို ရုတ်သိမ်းခဲ့သည်။
အစိုးရ၏ လက်ရှိ ပျော့ကွက်သည် မြန်မာနိုင်ငံ၏ လက်နက်ကိုင်တိုင်းရင်းသားအုပ်စုများအတွက် အဖိုးမဖြတ်နိုင်သော အခွင့်အလမ်းတရပ်ဖြစ်သည်။ ယင်းတို့အနေဖြင့် ညီညွတ်စွာ ရပ်တည်ကြရမည်။ တပြည်လုံးအပစ်ရပ်ရေးသဘောတူညီချက်တွင် လက်မှတ်ရေးထိုးမှုကို အားလုံးပါဝင်ခွင့်ရသည်အထိ၊ စစ်ရေးနှင့်နိုင်ငံရေးဆိုင်ရာ အလျှော့ပေးမှုများ တလုံးတခဲ ရရှိသည်အထိ ဆိုင်းငံ့ထားရမည်။ အစိုးရအနေဖြင့် ငြိမ်းချမ်းရေးလိုလားကြောင်း ပြောသလောက် အလေးအနက်ရှိသည်ဆိုပါက ဖိနှိပ်ဗိုလ်ကျစိုးမိုးရေး စိတ်ဓါတ်ကို စွန့်လွှတ်ပြီး ကိုယ်ပိုင်အုပ်ချုပ်ခွင့်အခွင့်အာဏာ ပိုမိုရရှိရေးဟူသည့် တိုင်းရင်းသားများ၏ တရားနည်းလမ်းကျသည့် ရည်မှန်းချက်ကို အသိအမှတ်ပြုရပေမည်။
(မောင်ဇာနည်သည် မြန်မာပြည်မှ နိုင်ငံရေးတက်ကြွလှုပ်ရှားသူတဦးဖြစ်သလို ကမ္ဘောဒီးယားနိုင်ငံ Sleuk Rith Institute မှ ပညာရှင်တဦးလည်းဖြစ်သည်။)
The New York Times တွင် စက်တင်ဘာလ ၂၄၊ ၂၀၁၅ နေ့တွင် မောင်ဇာနည် ရေးသားသည့် In Myanmar, Peace for Ethnic Rights ဆောင်းပါးကို ကိုအောင်နိုင်မိုးမှ ဆီလျော်အောင် ဘာသာပြန်ထားသည်။
