ရိုဟင်ဂျာ ကျေးရွာ အုပ်ချုပ်ရေးမှူးလောင်း များကို အစိမ်းနုရောင်ကဒ် လျှောက်ရန် အကျပ်ကိုင်နေ
MYARF
RB News
19.2.2016
မောင်တော ။ ။ ရခိုင်ပြည်နယ်၊ မောင်တော ခရိုင် အထွေထွေ အုပ်ချုပ်ရေး ဦးစီးဌာနပိုင် မြို့နယ် များရှိ ကျေးရွာများတွင် ရိုဟင်ဂျာ ကျေးရွာ အုပ်ချုပ်ရေးမှူးလောင်း များကို နိုင်ငံသားပြုကဒ်များ လျှောက်ထားရန် အကျပ်ကိုင်နေသည့် အပြင် ဘာသာရေး အရလည်း စော်ကားခြင်းများ ရှိနေကြောင်း သတင်း ရရှိပါသည်။
မောင်တော ခရိုင် အထွေထွေ အုပ်ချုပ်ရေး ဦးစီးဌာနပိုင် မြို့နယ်များ ဖြစ်သည့် မောင်တော၊ ဘူးသီးတောင်နှင့် ရသေ့တောင် မြို့နယ်များရှိ ကျေးရွာ အသီးသီးတွင် ကျေးရွာ အုပ်ချုပ်ရေးမှူးများနှင့် တာဝန်ခံများ ရွေးချယ်ရန် ယခုနှစ် ဇန်န၀ါရီလ အစောပိုင်းမှစ၍ ရွေးကောက်ပွဲ ကျင်းပခဲ့ပြီး ဖြစ်သည်။ ယင်းရွေးကောက်ပွဲ များတွင် အနိုင်ရရှိခဲ့သည့် အုပ်ချုပ်ရေးမှူးလောင်း များအား အောက်ပါ အချက်အလက် များနှင့် ပြည့်စုံမှသာ ခန့်စာ ထုတ်ပေးမည် ဖြစ်သည်ဟု သက်ဆိုင်ရာ မြို့နယ် အုပ်ချုပ်ရေးမှူး ရုံးမှ အကျပ်ကိုင်နေသည်ဟု ရိုဟင်ဂျာ အုပ်ချုပ်ရေးမှူးလောင်း တစ်ဦးက RB News သို့ပြောသည်။
အထွေထွေ အုပ်ချုပ်ရေး ဦးစီးဌာနမှ တောင်းခံသည့် အချက်အလက်များမှာ --
(၁) အုပ်ချုပ်ရေးမှူးလောင်းသည် ရိုဟင်ဂျာ (အစိုးရ အခေါ် ဘင်္ဂလီ) လူမျိုး ဖြစ်ပါက နိုင်ငံသားပြု (အစိမ်းနုရောင်) ကဒ် အတွက် လျှောက်ထားရမည်။
(၂) မြို့နယ် အုပ်ချုပ်ရေးမှူး ရုံး၌ အစည်းအဝေး ကျင်းပချိန်တွင် ခန်းမထဲသို့ ၀င်သည့် အခါတိုင်း မြို့နယ် အုပ်ချုပ်ရေးမှူးကို ဦးညွတ်၍ အလေးပြုရမည်။
ရွေးကောက်ပွဲ ကာလတွင် ကျေးရွာ အုပ်ချုပ်ရေးမှူးလောင်း တစ်ဦးစီမှ ငွေကျပ် သိန်းပေါင်း ရာနှင့်ချီ လာဘ်ငွေ ယူခဲ့ပြီး၊ နိုင်ငံ၏ အဆင်းရဲဆုံးနှင့် အပိတ်ပင်ဆုံး ဒေသ တစ်ခုတွင် အာဂတိလိုက်စားမှု များတွင် မြို့နယ် အကြီးအကဲများ ကိုယ်တိုင် ပါဝင်လာပြီး ကျေးရွာ အုပ်ချုပ်ရေးမှူး များကို ငွေညှစ်ခွင့် ပေးခြင်းနှင့် သာမာန် ပြည်သူများအား ဒုက္ခရောက်စေရန် လမ်းစ ပေးနေသကဲ့သို့ ဖြစ်နေသည်ဟု ဒေသခံများက သုံးသပ်ကြသည်။
မောင်တော မြို့နယ်တွင် ကျေးရွာအုပ်စု ၁၀၅ စု ရှိသည်။ အများစုမှာ ရိုဟင်ဂျာရွာများ ဖြစ်သည်။ အချို့မှာ ရိုဟင်ဂျာနှင့် ဗုဒ္ဓဘာသာဝင်များ ပူးတွဲ နေထိုင်သော ရွာများ ဖြစ်သည်။ ထိုသို့ ပူးတွဲ နေထိုင်သည့် ရွာများတွင် ရိုဟင်ဂျာ လူမျိုးမှာ လူများစု ဖြစ်ပြီး၊ ဗုဒ္ဓဘာသာဝင် များမှာ လူနည်းစု ဖြစ်သည်။ အဆိုပါ ရွာများတွင် ဗုဒ္ဓဘာသာဝင်များ လူနည်းစု ဖြစ်သော်လည်း ကျေးရွာ အုပ်ချုပ်ရေးမှူးကို ဗုဒ္ဓဘာသာဝင်သာ ခန့်အပ်ပြီး ကျေးရွာ တာဝန်ခံ အဖြစ် ရိုဟင်ဂျာ တစ်ဦး ခန့်ထားလေ့ ရှိသည်။ ကျေးရွာ တာဝန်ခံများကို ခန့်အပ်ရန် မြို့နယ် အုပ်ချုပ်ရေးမှူးက ငွေသိန်းရာနှင့်ချီ လာဘ်ငွေ ရယူပြီးမှ ခန့်အပ်သည်ဟု ဒေသခံများက ပြောပါသည်။
မောင်တော မြို့နယ်တွင် ကျေးရွာ အုပ်ချုပ်ရေးမှူးလောင်းနှင့် ကျေးရွာ တာဝန်ခံလောင်း ၅၂ ဦးက မြို့နယ် အုပ်ချုပ်ရေးမှူး၏ ဖိအားပေးမှုကြောင့် ဘင်္ဂလီ အမည်ဖြင့် အစိမ်းနုရောင်ကဒ် (နိုင်ငံသား စီစစ်ခံရမည့်သူများ သက်သေခံ ကဒ်ပြား) အတွက် လျှောက်ထား ခဲ့ရသည်ဟု သိရသည်။
ဘူးသီးတောင် မြို့နယ်တွင် ကျေးရွာအုပ်စု ၈၅ စု ရှိသည်။ ထိုထဲတွင် ကျေးရွာအုပ်စု ၂၀ မှာ သီးသန့် ရိုဟင်ဂျာရွာများ ဖြစ်ပြီး ကျန်သည့် ကျေးရွာအုပ်စု များတွင် ရိုဟင်ဂျာနှင့် ဗုဒ္ဓသာသာဝင် များနေထိုင်သည့် ရွာများ ဖြစ်သည်။ အဆိုပါ ရွာများတွင် ဗုဒ္ဓဘာသာဝင် များမှာ လူနည်းစု ဖြစ်သော်လည်း ကျေးရွာ အုပ်ချုပ်ရေးမှူး အဖြစ် လူများစု ထဲမှ ရိုဟင်ဂျာများကို ခန့်အပ်ခြင်း မရှိဘဲ လူနည်းစု ဗုဒ္ဓဘာသာဝင် များကိုသာ ခန့်အပ် တာဝန်ပေးသည်။ ရိုဟင်ဂျာ ကျေးရွာအုပ်စု ၂၀ မှ ကျေးရွာ အုပ်ချုပ်ရေးမှူးလောင်း ၁၆ ဦးသည် မြို့နယ် အုပ်ချုပ်ရေးမှူး၏ ဖိအားပေးမှုကြောင့် အစိမ်းနုရောင်ကဒ် အတွက် လျှောက်ထားခဲ့ရကြောင်း ဒေသခံများက ပြောပါသည်။ ကျန်သည့် (၄) ဦးက ဘင်္ဂလီ အမည်ဖြင့် အစိမ်းနုရောင်ကဒ် အတွက် လုံးဝ လျှောက်ထားခြင်း မရှိကြောင်း သိရသည်။
လျှောက်ထားခြင်း မရှိသူများကို မြို့နယ် အုပ်ချုပ်ရေးမှူးက အစိမ်းနုရောင်ကဒ် လက်မခံလျှင် ကျေးရွာ အုပ်ချုပ်ရေးမှူး ခန့်ထားမည် မဟုတ်ကြောင်း၊ ၎င်းတို့ထံမှ ယူခဲ့သည့် လာဘ်ငွေများကိုလည်း ပြန်ပေးမည် မဟုတ်ကြောင်း၊ ငွေများ ဆုံးရှုံးမည် ဖြစ်ကြောင်း ပြောကြားခဲ့သည်ဟု သိရှိရသည်။
