ဆေးအိုးကျ အုပ်ချုပ်ရေးမှူးနှင့် အဖွဲ့က အများပိုင် ပစ္စည်း၊ ငွေကြေးများ အလွဲသုံးစား ပြုလုပ်နေ

ဘူးသီးတောင် ။ ။ ၂၀၁၅ ခုနှစ် ဇူလိုင်လတွင် ရခိုင်ပြည်နယ်၌ ပြင်းထန်စွာ မုန်တိုင်း တိုက်ခတ်ခဲ့မှုကြောင့် ရေကြီးခဲ့ပြီး၊ အိုးအိမ်များ ပျက်စီးခြင်း၊ ဘာသာရေး အဆောက်အအုံများ ပျက်စီးခြင်း၊ အိမ်မွေး တိရစ္ဆာန်များ သေကြေပျက်စီးခြင်း၊ စားသုံးကုန် ပစ္စည်းများ ပျက်စီးခြင်းနှင့် ကြုံတွေ့ခဲ့ရသည်။ ထိုသို့ သဘာဝ ဘေးအန္တရာယ် ခံစားနေရသည့် ပြည်သူများကို နိုင်ငံတကာမှ အကူအညီ ပေးရေး အဖွဲ့များ လာရောက်၍ ထောက်ပံ့ ကူညီပေးခဲ့သည်။ ၎င်းတို့ ကူညီ ထောက်ပံ့ပေးသည့် ပစ္စည်းများကို ဘူးသီးတောင် မြို့နယ် ဆေးအိုးကျ ကျေးရွာအုပ်စုမှ ကျေးရွာ အုပ်ချုပ်ရေးမှူး ဦးနူရ်ဟူစိန်းနှင့် ၎င်း၏ လုပ်ဖော်ကိုင်ဖက်များ ဖြစ်ကြသည့် အငြိမ်းစား ကျောင်းဆရာ ဦးဆွေယောတ်အာမတ် (ဘ) ဦးအေကာရာမ်အလီ၊ ကျေးရွာ စာရေး ဦးအီမာန်ဟူစိန်း (ဘ) ဦးဆွေယောဒ်ဟူစိန်း၊ ရာအိမ်မှူး ဦးမာမတ်ဆီဒိတ် (ဘ) ဦးမိုဇေရ်မျာ နှင့် ဦးကော်ရီမူလ္လာ (ဘ) ဦးဇောဘော်ရ် တို့က အလွဲသုံးစား ပြုလုပ်ခဲ့သည်ဟု ဒေသခံများက RB News သို့ပြောပါသည်။ 

ပညာရေး အတွက် ကျောင်းသား/သူ များအား နိုင်ငံတကာ အဖွဲ့အစည်းများမှ ထောက်ပံ့ကူညီ ပေးခဲ့သည့် ငွေများနှင့် မုန့်ထုပ်များကို ကျောင်းသား/သူ များအား အနည်းငယ် ဝေငှပေးပြီး အများစုကို ကျောင်းအထွေထွေ လုပ်သား ဦးရှော်ရီဖ်ဟူစိန်းနှင့် ကျေးရွာ အုပ်ချုပ်ရေးမှူး တို့က ပြင်ပသို့ ရောင်းချခဲ့ပြီး ရရှိသည့် ငွေများဖြင့် ၎င်းတို့၏ နေအိမ်များ ဆောက်လုပ်ခဲ့သည်ဟု ဆိုသည်။ ဆောက်လုပ်ခဲ့သည့် နေအိမ်များ၏ တန်ဖိုးမှာ ခန့်မှန်းခြေအားဖြင့် ငွေကျပ် သိန်း (၇၀) ခန့်စီ ရှိလိမ့်မည်ဟု ဒေသခံများက ပြောပါသည်။ အုပ်ချုပ်ရေးမှူးနှင့် ကျောင်းအထွေထွေ လုပ်သား တို့သည် ယခင်က လယ်ယာမဲ့၊ ပိုင်ဆိုင်မှုမဲ့၊ စီးပွားရေး လုပ်ငန်း မရှိသူများ ဖြစ်ကြပြီး၊ အလွဲသုံးစား ပြုလုပ်သည့် ငွေများဖြင့်သာ ယခုကဲ့သို့ ဆောက်လုပ်နိုင်ခြင်း ဖြစ်သည်ဟု ၎င်းတို့က ဆိုသည်။ 

မုန်တိုင်းကြောင့် ပျက်စီး သွားခဲ့သည့် ဘာသာရေး အဆောက်အဦများ ပြန်လည် ပြုပြင်ရန် နိုင်ငံတော် သမ္မတ ဦးသိန်းစိန်က နှုတ်မိန့်ဖြင့် ခွင့်ပြုခဲ့သည်။ ထိုသို့ ခွင့်ပြုသည်နှင့် တစ်ပြိုင်နက် ကျေးရွာမှ ပြည်သူများနှင့် အလှူရှင်များ ပူးပေါင်း၍ ဗလီများနှင့် အာရဗီ စာသင်ကျောင်းများ ပြုပြင်ခဲ့သည်။ ဆေးအိုးကျ ကျေးရွာအုပ်စုတွင် ဗလီနှင့် အရဗီ စာသင်ကျောင်း (၈) ကျောင်း ပြုပြင်ခဲ့ပြီးနောက် ကျေးရွာ အုပ်ချုပ်ရေးမှူးနှင့် အဖွဲ့က မြို့နယ် အုပ်ချုပ်ရေးမှူးက ငွေတောင်းသည်ဟု ဆိုကာ ဂေါပကများကို ခြိမ်းခြောက်၍ ပထမ အကြိမ်တွင် ငွေကျပ် (၄၂) သိန်း၊ ဒုတိယ အကြိမ်တွင် ငွေကျပ် (၂၄) သိန်း တောင်းယူ၍ ငွေကျပ် (၁၅) သိန်းကိုသာ မြို့နယ် အုပ်ချုပ်ရေးမှူးကို ပေးအပ်ပြီး ကျန်သည့် ငွေများကို အလွဲသုံးစား ပြုလုပ်ခဲ့သည်။ မြို့နယ် အုပ်ချုပ်ရေးမှူးအား ပေးခဲ့သည့် ငွေကျပ် (၁၅) သိန်းကို ၎င်းတို့ ကိုယ်တိုင် သွားရောက် ပေးခဲ့ခြင်း မဟုတ်ဘဲ ရွက်ညိုတောင် ကျေးရွာ အုပ်ချုပ်ရေးမှူး ဦးအဏ္ဏ၀ါမှ တဆင့် ပေးပို့ခဲ့သည်။ ဦးအဏ္ဏ၀ါ ဆိုသူသည် မြို့နယ် အုပ်ချုပ်ရေးမှူး၏ အကျိုးဆောင် ပွဲစား ဖြစ်၍ အနီးပတ်ဝန်းကျင်ရှိ အုပ်ချုပ်ရေးမှူးများ တစ်စုံတစ်ရာ အရေးကြုံလာလျှင် ငွေကြေးဖြင့် ကူညီဆောင်ရွက် ပေးသူ ဖြစ်ကြောင်း သိရသည်။ 

လွန်ခဲ့သည့် ဇန်န၀ါရီလ (၁၂) ရက်နေ့တွင် ဆေးအိုးကျ ကျေးရွာ၌ ကျေးရွာ အုပ်ချုပ်ရေးမှူး ရွေးကောက်ပွဲ ကျင်းပခဲ့သည်။ အဆိုပါ ရွေးကောက်ပွဲတွင် မဲမသာမှုဖြင့် လက်ရှိ အုပ်ချုပ်ရေးမှူး ဦးနူရ်ဟူစိန်းက အနိုင်ရရှိခဲ့သည်။ ၎င်းသည် နှစ်ပေါင်းများစွာ မင်းဆိုးကဲ့သို့ အုပ်ချုပ်လာသဖြင့် ကျေးရွာ ပြည်သူ ၉၀% ခန့်က အနိုင်ရရှိသည်ကို မကျေနပ်ကြောင်း သိရသည်။ အုပ်ချုပ်ရေးမှူး အပေါ် မကျေနပ်သူ များက မြို့နယ် အုပ်ချုပ်ရေးမှူး အမည်ဖြင့် ငွေကျပ် (၆၆) သိန်း တောင်းယူသည့် ကိစ္စကို မြို့နယ် အုပ်ချုပ်ရေးမှူးထံ တင်ပြပြီးနောက် မြို့နယ် အုပ်ချုပ်ရေးမှူးက ဦးနူရ်ဟူစိန်းကို ကျေးရွာ အုပ်ချုပ်ရေးမှူး ရာထူးမှ ပယ်ရှားခဲ့သည်။ ဦးနူရ်ဟူစိန်းက ရာထူး ပြန်လည် ရရှိရေးအတွက် ရွက်ညိုတောင် အုပ်ချုပ်ရေးမှူး ဦးအဏ္ဏ၀ါကို ပွဲစားငှားကာ ငွေကျပ် သိန်း (၅၀) ပေးထားကြောင်း ဒေသခံများက ပြောပါသည်။ အဆိုပါ ငွေကျပ် သိန်း (၅၀) မှာ အရဗီကျောင်း၏ ရန်ပုံငွေ ဖြစ်ပြီး၊ အငြိမ်းစား ကျောင်းဆရာ ဦးဆွေယောဒ်အာမတ်၏ လက်ဝယ်တွင် ရှိသည့်ငွေများ ဖြစ်သည်ဟု ဆိုသည်။ ၎င်းသည် အုပ်ချုပ်ရေးမှူး၏ ယောက်ဖအရင်း ဖြစ်သောကြောင့် ယခုကဲ့သို့ ပူးပေါင်း၍ အလွဲသုံးစား ပြုလုပ်နေခြင်း ဖြစ်သည်ဟု ပြောပါသည်။ 

ဒေသခံများက ယခုကဲ့သို့ အများပိုင် ပစ္စည်း၊ ငွေကြေးများကို အလွဲသုံးစား ပြုလုပ်နေခြင်းမှ ရပ်တန့်၍ လိုအပ်သလို အရေးယူ ဆောင်ရွက်ပေးရန် အာဏာပိုင်များထံ တောင်းဆိုသည်ဟု ပြောပါသည်။