ရေသန့်​​ဗူးအခွံတစ်​ခု၏ ​နောက်​တွင်​

ရေးသားသူ - ယျာတင် (ရိုဟင်းသား)

RB News

16.4.2017

(၁)

အပြင်​မှာ ​နေကကျဲကျဲ​တောက်​ပူ​နေသည်​။ အချိန်​ကလည်း မွန်းတည့်​ချိန်​မို့ လမ်း​ပေါ်မှာ လူအသွားအလာက​လည်း အ​တော်​နည်းပါး၏။ အ​ချို့လမ်းသလား​နေသူ​များကလည်း ထီး​ဆောင်းသူကဆောင်း၊ ဦးထုပ်​​ဆောင်းသူက ​ဆောင်းနှင့်​ ​နွေ၏ ပြင်း​သော အပူဒဏ်​ကို အကာအကွယ်​ ယူထားသည်​။ သည်​ထဲတွင်​ ထူးခြား​နေသည့်​ ​ကောင်​​လေးနှစ်​​ယောက်​။ ထို​ကောင်​​လေးနှစ်​​ယောက်​သည်​ ​နေပူကျဲကျဲမှာ ထီးလည်းမ​ဆောင်းနိုင်​၊ ဦးထုပ်​လည်း မ​ဆောင်းနိုင်​။ ယုတ်​စွအဆုံး ခန္ဓာ​ပေါ် အင်္ကျီ​တောင်​မပါဘဲ ​ကျစ်​ကျစ်​တောက်​​ ပူ​နေ​သော​​နေ​အောက်​တွင်​ ဟို​ပြေးဒီ​ပြေးနှင့်​ ဝမ်း​ရေးအတွက်​ ရုန်းကန်​​နေရသည်​။ ​တိတိကျကျ ပြောရလျှင်​ သူများ စွန့်​ပစ်​သည့်​ ရေသန့်​​ဗူးအခွံ၊ အချိုရည်​အခွံများစသည့်​ စွန့်​ပစ်​ပစ္စည်းများကို လိုက်​ကောက်​​နေသူများသာဖြစ်​သည်​။ တစ်​စုံတစ်​ဦး၏ လက်​ထဲမှ စွန့်​ပစ်​လာမည့်​ပစ္စည်းတစ်​ခုခုကို အ​မျှော်​လင့်​ကြီး​မျှော်​လင့်​ရင်း ပီနံအိတ်​အစုတ်​ပလုပ်​ ကိုယ်​စီနှင့်​ စောင့်​ဆိုင်း​နေတတ်​သည့်​ အ​ပေအ​တေ ​ကောင်​​လေးနှစ်​​ယောက်​သာ​ ဖြစ်​​ပေ၏။
____

(၂)

သူ၏တန်​ဖိုးကြီး အမှတ်​အသားဖြင့်​ အဝတ်​အစား၊ ​တပ်​ထား​သော အနက်​​ရောင်​ မျက်​မှန်​၊ လက်​​သူကြွယ်​အပြင်​ လက်​ခလယ်​မှာပါ စွပ်​ထား​သော အကြီးစား ​ရွှေလက်​စွပ်​များ၊ သူစီးလာသည့်​ အဖြူ​ရောင်​ PAJERO ကား ... အားလုံးကိုခြုံကြည့်​လျှင်​ ဒီလူ ​ကျိကျိတက်​ ချမ်းသာ​နေသည့်​ လူတစ်​​ယောက်​ဆိုတာ ​ပေါ်လွင်​​နေပါပြီ။ ​သေ​သေချာချာ ကြည့်​လိုက်​မှ (--------) ရွာက WY သူ​ဌေးကြီး ဆိုမှန်း သိသာသည်​။

ရေခဲစိမ်​ပြီး အချိုရည်​​​များ၊ အခြားစား​သောက်​စရာ​များ ရောင်း​နေ​သော ဆိုင်​​ရှေ့​ မနီးမ​ဝေး၌ ကားကို ​လာရပ်​လိုက်​၏။ ကားဒရိုင်​ဘာက ကား​ပေါ်ကဆင်းပြီး ထိုဆိုင်​ထဲ ဝင်​လာခဲ့သည်​။ ဆိုင်​​ကောင်​တာဆီသွားပြီး အ​အေး​ဖျော်​​နေသူကို တတွတ်​တွတ်​ ဘာ​မှာ​နေသလဲ​တော့မသိ။ ဆိုင်​ထဲမှာလည်း customer ​များက အပြည့်​။ ပါဆယ်​လာဝယ်​​နေသူ​များကလည်း ​ပါဆယ်​ထုတ်​ ​ကောင်​တာမှာ ပြည့်​ကျပ်​​လို့​နေသည်​။ ကားဒရိုင်​ဘာက ​ရေခဲစိမ်​အ​အေးဘူး အငယ်​တစ်​ခုကို ယူလာပြီး ကား​ထဲ၌ ထိုင်​​နေ​သော သူ​ဌေး​ကို လာ​ပေးလိုက်​သည်​။ ပြီးလျှင် ဆိုင်​​ကောင်​တာဆီ ပြန်​သွားပြီး ရပ်​​စောင့်​​နေလိုက်​တော့သည်​။
____

(၃)

ပြည့်​ကျပ်​​နေ​သော Costumer ​တွေ​ကြောင့်​ Costumer တစ်​​ယောက်​သည်​ အော်​တာ​ပေးသည်​ကို ရဖို့ရန်​ အနည်းဆုံး ​၁၅ မိနစ်​​ခန့်​ ​စောင့်​ဆိုင်း​နေရသည်​။ အခုဆို ဒရိုင်​ဘာ​စောင့်​​နေရသည်​မှာ ၁၀ မိနစ်​​ကျော်​ပြီ။ ​အော်​တာ​ပေးသည့်​အရာလည်း ယခုထိမ​ရေ​သေး။ သူ​ဌေးက ကားထဲ၌ ဇိမ်​နှင့်​ထိုင်​​​စောင့်​နေရင်း အခုနက ဒရိုင်​ဘာလာ​ပေးသွား​သော ရေခဲစိမ်​ပြီးသာ ​ရေသန့်​​ဗူးကို ပြီး​အောင်​​သောက်​လိုက်​သည်​။ ပြင်းထန်​လှ​သော အပူဒဏ်​ကို ​ရေခဲစိမ်​​ရေဖြင့်​ ​ဖြေ​စေ​နေသလား​တော့ မသိ။

ကားနှင့်​ မနီးမ​ဝေးမှာ​တော့ စွန့်​ပစ်​ပစ္စည်း​များ လိုက်​​ကောက်​သည့်​ ဟို​ကောင်​​လေးနှစ်​​ယောက်​။ ​ကျလာမည့်​ ရွှေတုံးတစ်​တုံးကို သူ့ထက်​ငါဦး​အောင်​ ရနိုင်​ဖို့ ဇွဲရှိရှိ ​စောင့်​ဆိုင်း​နေသည့်ပုံစံသည်​ အင်​မတန်​ စိတ်​ဝင်​စားဖွယ်​ ဖြစ်​သည်​။

ကားဒရိုင်​ဘာက ပါဆယ်​ထုပ်​အကြီးကြီးကို ဆွဲပြီး ကားဆီလာ​နေပြီ။ ထိုအချိန်​မှာ ကား​ပေါ်က သူ​ဌေးလည်း ​ရေ​သောက်​ပြီး၍ ​ရေသန့်​​ဗူးအခွံကို လမ်း​ဘေးသို့ ပစ်​ချလိုက်​၏။ ​

ရေသန့်​​ဗူးအခွံ ကျလာသည့်​နှင့်​ တစ်​ပြိုင်​နက်​ ဟိုအ​​ပေအ​တေ ​ကောင်​​လေးနှစ်​​ယောက်​လည်း ဒုံးစိုင်း ​ရောက်​လာခဲ့ပါ​ရော့။ ​ရေသန့်​​ဗူးအခွံ​လေးတစ်​ခုအ​ပေါ် ​ကောင်​​လေးနှစ်​​ယောက်​၏ လက်​တစ်​ဖက်​စီက တစ်ပြိုင်​နက်​တည်း အုပ်​မိုး​နေလို့။ အခွံ​လေးကို ကိုယ်​ဆွဲ သူဆွဲနှင့်​ အပြိုင်​အဆိုင်​ ဆွဲ​နေရင်း ​ကောင်​​လေးနှစ်​​ယောက်​ မိနစ်​ပိုင်းအတွင်း ရန်​ပွဲ​ဆောင်​လာခဲ့သည်​။ ​ရေသန့်​​ဗူးအခွံတစ်​ခုက ​မွေး​ပေးသည့်​ ရန်​ပွဲသည်​ နျူးကလိယားစစ်​ပွဲ တစ်​ပွဲလို မပြင်းထန်​​ပေမယ့်​ သူ့ဇာတ်​သူ့အရပ်​နဲ့​တော့ ရန်​ပွဲ အ​တော်​ပီသခဲ့သည်​။ ​ကောင်​​လေးနှစ်​​ယောက်​ထဲမှ ကာယဗလာ နည်းနည်းသာ၍ အားကောင်းသည့်​ ​ကောင်​​လေးက သူ့ထက်​ အားနည်း​သော ​ကောင်​လေး၏ မျက်​နှာတည့်​တည့်​ကို လက်​သီး တစ်​ချက်​ထိုးလိုက်​သည်​။ အထိုးခံရ​သော ​ကောင်​လေး၏ နှာ​ခေါင်းမှ ​သွေး​များ ဖြန့်​ခနဲ့ စီးကျလာခဲ့၏။ သည်​အဖြစ်​အပျက်​အားလုံးကို ပြုံးပြုံး​လေး ကြည့်​​နေသူမှာ ဟိုဇိမ်​ခံကား​ပေါ်က သူ​ဌေး​ ဖြစ်​ပါသည်​။

ကားဒရိုင်​ဘာ ​ရောက်​လာ​ပြီး​နောက်​ ကားကို ဝုန်းခနဲ ​မောင်းသွားလိုက်​သည့်​အဆုံး ဟိုအ​ပေအ​တေ ​ကောင်​​လေးနှစ်​​ယောက်​ အနီးမှာ ဖုန်​​တစ်​သိုက်​သာ ပျံ့နှံ့​မွှေ​​ကာ ကျန်​ရစ်​​နေလျက်​....။
____

(၄)

သူ​ဌေး​လေး၏ PAJERO ကားသည်​ အချိန်​အနည်းငယ်​အတွင်း မျက်​စိအမြင်​မှ ကွယ်​သွားခဲ့​သော်​လည်း သည်​​ကောင်​​လေး နှစ်​​ယောက်​မှာ​တော့ ​​ဝေဇယန်​၏ မျက်​လုံး​နှစ်​လုံး​ ​ရှေ့​မှောက်​တွင်​ ကျန်​ရစ်​​နေမြဲ။ ရန်​ပွဲသည်​လည်း ယခုထိ မငြိမ်း​သေး။ ကြိုကြားကြိုကြား ဖြစ်​​နေဆဲ။

ထိုင်​​နေရာမှ ​ဝေဇယန်​ ထရပ်​လိုက်​သည်​။ ​ထို့​နောက်​ ရန်​ပွဲ​မြေပြင်​သို့ ​လျှောက်​သွားလိုက်​၏။ ​ကောင်​​လေး နှစ်​​ယောက်​​ရှေ့​မှောက်​ ​ရောက်​လျှင်​​ "ဘာ​တွေ ဖြစ်​​နေတာလဲ ညီ​လေးတို့" ဆိုပြီး ချိုချိုသာသာ ​မေးလိုက်​သည်​။ ကောင်​​လေး နှစ်​​ယောက်​ကလည်း သူ့ကို နိုင်​ငံ​တော်​၏ တရားသူကြီးချုပ်​တစ်​ဦးလို ယုံကြည်​သည့်​ပုံစံဖြင့်​ သူတင်​ကိုယ်​တင်​ တစ်​ပြိုင်​နက်​တည်း ​လျှောက်​လဲချက်​​ပေး​နေ၏။ ​ဝေဇယန်​က ​ခေတ္တမျှ ဆိတ်​​ငြိမ်​​နေ၍ ​ကောင်​​လေးနှစ်​​ယောက်​၏ ​ရှေ့​နောက်​မညီ​သော စကားများကို နား​ထောင်​​ပေးခဲ့သည်​။ ပြီး​နောက်​--

" ငါ မင်းတို့ ပြဿနာကို ​ဖြေရှင်း​ပေးမယ်​... နာခံမှာလား" ဆိုပြီး နည်းနည်းဩဇာသံဖြင့်​ ​မေးလိုက်​သည်​။

ထိုအခါ ​ရေသန့်​​ဗူးအခွံကို ​ကာယ​ဗလအားကိုးဖြင့်​ အနိုင်​ပိုင်​ယူလိုက်​သူက...

"အစ်​ကို .. ဒီအခွံကို ကျ​နော်​က ဦးတာပါ ... ကျ​နော်​ဦးလို့ ကျ​နော်​ပိုင်​ရတာ​ပေါ့" ဆိုပြီး သူ့ဖက်​က အမှန်​တရားကို ထပ်​တလဲလဲ ခိုင်​ခိုင်​မာမာ ချပြ​နေသည်​။

စွန့်​ပစ်​ပစ္စည်း လိုက်​​ကောက်​​နေသူတို့ နယ်​​ပယ်​တွင်​ "ဦးသူပိုင်​ရ" ဆို​သော စည်းမျှဉ်းရှိ​နေသလား​တော့ ​ဝေဇယန်​လည်း မသိ။ သို့​သော်​ သည်​ပြဿနာကို သူ တရားမျှစွာ ​ဖြေရှင်း​ပေးချင်​သည်​။

" ​အေး ... ညီ​လေး ​ပြောတာ လုံးဝမှန်​တယ်​... ဦးသူက ပိုင်​ရမှာ​ပေါ့..."

ဝေယဇန်​၏ စကား အဆုံးတွင်​ ​ရေသန့်​​ဗူးအခွံပိုင်​ရှင်​​လေးက အနိုင်​မျက်​နှာအသွင်​နှင့်​။ ​အနိုင်​အပြုံးနှင့်​။ သို့​သော်​ ရေသန့်​​ဗူးအခွံလည်း ရှုံး လက်​သီးလည်း​ကျွေးခံရ​သော ​ကောင်​​လေး၏ မျက်​နှာ​ကတော့ အရှုံးသမားတစ်​​ယောက်​လို ရှုံးမဲ့သွားသည်​ကို ​ဝေဇယန်​ မမြင်​မြင်​​အောင်​ မြင်​လိုက်​သည်​။ ပီနံအိတ်​ကို ​မြေက လိုက်​​ကောက်​ယူကာ ထွက်​သွားရန်​ ဟန်​ပြင်​​နေ​သော အရှုံးသမား ​ကောင်​​လေးကို ...

" ညီ​လေး ... ​ရေသန့်​ဘူးအခွံ တစ်​ခုက ၂၅ ကျပ်​​နော်​ ... ​ရော့ ဒီမှာ အခွံ ၂၀ ခုစာ "

ထွက်​သွားရန်​ ဟန်​ပြင်​​နေသည့်​ ​ကောင်​​လေး​ရှေ့ရပ်​၍ ​၅၀၀ တန်​တစ်​ရွက်​ကို ကမ်း​ပေး​နေ​သော ​ဝေဇယန်​၏ မျက်​နှာ​ပေါ်တွင်​ အပြုံးက သိန်းသန်း ပွင့်​လန်းလျက်​။ ​ဝေဇယန်​ ပြုံးပြုံး​လေး ကမ်း​ပေး​နေ​သော ​ငွေစက္ကူကို ​ကောင်​​လေးက မယူဝံ့ ယူဝံ့နှင့်​ လှမ်းယူလိုက်​၍...

"​ကျေးဇူးတင်​ပါတယ်​အစ်​ကို ... ဟိုအခွံက ကျ​နော့်​ထက်​ သူအရင်​ဦးတာ မှန်​ပါတယ်​... ဒါ​ပေမယ့်​ ကျ​နော့်​ အ​မေက ကျန်းမာ​ရေးမ​ကောင်း​တော့ ​ဆေးကုစရိတ်​ လို​နေလို့ ကျ​နော်​ အတင်းလုမိတာပါ ... အခွံ​တွေ အများကြီးရမှ ​ငွေများများ ရမယ်​... ​ငွေများများရမှ အ​မေ့ကို ​ဆေးခန်းပြနိုင်​မှာ​လေ ..."

ကောင်​​လေး၏ ငိုစွက်​သံဖြင့်​ ရင်​ဖွင့်​သည်​ကို ကြားရပြီး ​ဝေဇယန်​၏ မျက်​လုံးတွင်​ မျက်​ရည်​များ ဝဲတက်​လာခဲ့သည်​။ ဝဲတက်​လာ​သော မျက်​ရည်​ အပြင်​ထွက်​မလာ​အောင်​ မျက်​​တောင်​ခတ်​ရင်းနှင့်​ ထိန်းလိုက်ရ​၏။

ရေသန့်​​ဗူးအခွံပိုင်​ရှင်​ ​ကောင်​​လေးဖက်​ကို လှည့်​ကြည့်​လိုက်​​သောအခါ သူ၏ မျက်​နှာလည်း အနိုင်​သမား ပုံရိပ်​မှ အရှုံးသမားပုံရိပ်​ ဖြစ်​သွားသည်​ကို ​တွေ့လိုက်​သည်​။ ရေသန့်​​ဗူးအခွံတစ်​ခုကို တဇွတ်​ထိုးပြီး အနိုင်​ပိုင်​ခဲ့သည့်​အ​ပေါ် သူ့ဟာသူ နောင်​တရ​​နေဟန်​ရှိသည်​။

ဝေဇယန်​က အိတ်​ထဲကို လက်​ပြန်​နှိုက်​လိုက်​ပြီး နှစ်​ရာတန်​ တစ်​ရွက်​ကို ထုတ်​ကာ ထို​ရေသန့်​​ဗူးအခွံပိုင်​ရှင်​အား ကမ်း​ပေးလိုက်​သည်​။ ပြီး​နောက်​ နှစ်​​ယောက်​စလုံးကို ဆုံးမစကား နည်းနည်း​ပြောလိုက်​၏။

"ညီ​လေးတို့ ​နောက်​ထပ်​ ရန်​မဖြစ်​ကြနဲ့​နော်​ ... ရန်​ဖြစ်​ရင်​ လူ​တွေ ​လှောင်​မှာ​ပေါ့ ... ဆဲတာကလည်း လူ​ကောင်း​တွေရဲ့ အလုပ်​မဟုတ်​ဘူး ... အခွံ​တွေ လိုက်​​ကောက်​တာ အလုပ်​လုပ်​တာပဲ​လေ... အလုပ်တိုင်းမှာ ဂုဏ်​ရှိတယ်​ ... ဂုဏ်​နဲ့အညီ ​နေတတ်​ရင်​​ပေါ့ ... အခုအချိန်​ကစပြီး တစ်​​ယောက်​ကို တစ်​​ယောက်​ ကူညီပါ ... ကိုယ်​က သူတစ်​ပါးကို ကူညီရင်​ ကိုယ့်​ကိုလည်း ဘုရားသခင်​က ကူညီတတ်​တယ်​ ... ရန်​မဖြစ်​ကြနဲ့​နော်​ ညီ​လေးတို့ ..."

ဝေဇယန်​၏ ဆုံးမစကားအဆုံး ​ကောင်​​လေးနှစ်​​ယောက်​ ​ခေါင်းလှုပ်​ပြ၍ သ​ဘောတူ​ကြောင်း ပြ၏။

ဟို WY သူ​ဌေး​က​တော့ အခုအချိန်​ဆို သူ့ဇိမ်​ခံအိမ်းကြီးမှာ မိသားစုနဲ့အတူ အ​အေး​တွေ ​သောက်​ရင်း ​ပျော်​​နေ​လောက်​ပြီထင်​။ သူ​မွေး​ပေးခဲ့တဲ့ ပြဿနာကို ​နေပူပူထဲမှာ ငါရှင်း​ပေး​နေရတာကို အဲ့ဒီ သူ​ဌေးသာ သိခဲ့ရင်​....။ ​

ဝေဇယန်​က သူ့ဘာသာ စိတ်​ထဲ၌ ​ပြောမိလိုက်​​လေ၏။
_____

(၅)

ညအချိန်​ ... တစ်​​နေ့တာ ဒိုင်​ယာရီ ​ရေးချိန်​၌ ​ဝေဇယန်​၏ နားထဲတွင်​ ဟို​ကောင်​​လေး၏ စကားလုံးများသာ ပဲ့တင်​ဟပ်​လို့​နေ​​လေသည်​။

"ဟိုအခွံက ကျ​နော့်​ထက်​ သူအရင်​ဦးတာပါ.. ဒါ​ပေမယ့်​ ကျ​နော့်​ အ​မေက ကျန်းမာ​ရေးမ​ကောင်း​တော့ ​ဆေးကုစရိတ်​ လို​နေလို့ ကျ​နော်​ လုမိတာပါ ... အခွံ​တွေ အများကြီးရမှ ​ငွေများများ ရမယ်​... ​ငွေများများရမှ အ​မေ့ကို ​ဆေးခန်းပြနိုင်​မှာ​လေ ..."

ဝေဇယန်​က သူ့ဒိုင်​ယာရီတွင်​ ​သူ့တစ်​​နေ့တာဖြစ်​ရပ်​များနှင့်​ သူ့စိတ်​ကူးများကို ​ခါတိုင်းလို ရော၍ ချ​ရေး​နေ၏။

- ငါ ဒီ​နေ့ ... ​စွန့်​ပစ်​ပစ္စည်း ​ကောက်​ရင်း ရန်​ဖြစ်​​နေတဲ့ ​ကောင်​​လေးနှစ်​​ယောက်​ကို ကူညီခဲ့တယ်​။ အဲ့ထဲမှာ ​ကောင်​​လေး တစ်​​ယောက်​ရဲ့စကား​ကြောင့်​ ရင်​ထဲ အရမ်း ထိခိုက်​ခံစားသွားမိတယ်​။ အ​မေ့​ဆေးကုစရိတ်​​အလို့ငှါ ရုန်းကန်​​နေတဲ့ ​ကောင်​​လေးအ​ကြောင်း ​တွေးရင်း အသက်​ရှုရကြပ်​​နေသလို ခံစားရတယ်​။

- ငါတို့ ရိုဟင်​ဂျာ​ က​လေးငယ်​​တွေရဲ့ ဘဝက ဘာလို့ ဒီ​လောက်​ထိ ကြမ်းတမ်း​နေရတာလဲ။ ဒီလို က​လေး​တွေကို ငါကူညီချင်​တယ်​။ အထူးသဖြင့်​ ​ပညာဆိုတဲ့ အလင်းပြ အရာကို ​ငါ သူတို့ကို လက်​ကမ်း​ပေးချင်​တယ်​။

- ကိုယ်​ပိုင်​ စာသင်​​ကျောင်းတစ်​​ကျောင်း ဖွင့်​ပြီး ဒီလို အ​ပေအ​တေ ဆင်းရဲတဲ့ က​လေး​တွေကို ပညာသင်​​ပေးမယ့် ငါ့အိပ်​မက်​​တွေ မြန်​မြန်​အ​ကောင်​အထည်​​ဖော်​မှ ရမယ်​။

- ငါ အများကြီး လုပ်​စရာ​တွေ ကျန်​​နေ​သေးတယ်​။ ငါအများကြီး ကြိုးစားရဦးမယ်​။

ဒိုင်​ယာရီ​ရေးပြီး၍ ဝေဇယန်​သည်​ မနက်​ဖြန်​ကို အားအင်​အပြည့်​ဖြင့်​ ရင်​ဆိုင်​နိုင်​ရန်​ ​စော​စော အိပ်​ရာဝင်​ခဲ့​သော်​လည်း WY သူ​ဌေး​ ပစ်​ချလိုက်​​သော ​ရေသန့်​​ဗူးအခွံနှင့်​ ထို​ကောင်​​လေးနှစ်​​ယောက်​၏ ပုံရိပ်​များကာ ​ဝေဇယန်​၏ အာရုံထဲတွင်​ ​ပြေးလွှား​နေလျက်​......။